(កម្សាន្ត)៖ ប្រាសាទក្រវ៉ាន់ ជារមណីយដ្ឋានទេសចរណ៍បែបវប្បធម៌ប្រវត្តិសាស្រ្ត ដោយរមណីយដ្ឋាននេះមានទីតាំងស្ថិតនៅខាងកើតប្រាសាទអង្គរវត្ត និងខាងត្បូងប្រាសាទបន្ទាយក្តី ដែលមានចំងាយប្រមាណជា ២៧គីឡូម៉ែត្រ ពីទីរួមខេត្តសៀមរាប។ នៅទីនេះមានសក្តានុពលទេសចរណ៍សំខាន់ៗដូចជាប្រវត្តិនៃការសាងសង់ ទីតាំង និងរចនាប ហើយ ភ្ញៀវទេសចរអាចមកលំហែលកម្យាន្ត មើលប្រាសាទ ចម្លាក់ក្បូក្បាច់ ព្រៃព្រឹក្សា និងប្រវត្តិសាស្រ្ត។ យ៉ាងណាមិញ បើទោះបីជាប្រាសាទក្រវ៉ាន់ មានសំណង់ឥដ្ឋតូចច្រលឹងមែនពិត ប៉ុន្តែហាក់មានភាពទាក់ទាញមិនចាញ់ប្រាសាទផ្សេងៗនោះឡើយ ភ្ញៀវទេសចរគឺតែងតែលង់នឹងសម្រស់ដ៏ស្រស់ត្រកាល ព្រមទាំងផ្ដិតយករូបភាពស្អាតៗរបស់ប្រាសាទក្រវ៉ាន់ ដែលមានវ័យចំណាស់ ក្នុងចំណោមប្រាង្គប្រាសាទបុរាណនានា។ ប្រាសាទដែលសង់ពីឥដ្ឋនេះ មានតួប៉មប្រាំដែលបែរមុខទៅទិសខាងកើត និងមានចម្លាក់នៅលើឥដ្ឋមានលក្ខណៈល្អឥតខ្ចោះ ដោយរំលេចនូវរូបភាព និងក្បូរក្បាច់ចម្លាក់ច្បាស់ៗគួរឱ្យចង់គយគន់។ ទោះបីជាប្រាសាទនេះមានលក្ខណៈតូច ប៉ុន្តែចម្លាក់ឥដ្ឋទាំងនោះនៅមានលក្ខណៈល្អឥតខ្ចោះ និងជាទីគាប់ចិត្តសម្រាប់ភ្ញៀវទេសចរ។ដូចនេះហើយ រាល់ពេលភ្ញៀវទេសចរណ៍បានទៅកម្សាន្តនៅខេត្តសៀមរាបគឺពុំគួរណារំលងនូវប្រាសាទដែលមាន សម្រស់ដ៏ស្រស់ត្រកាល រកអ្វីប្រៀបផ្ទឹមគ្មាន របស់ប្រាសាទក្រវ៉ាន់ នោះឡើយ។ ដោយប្រាទាទមានវ័យចំណាស់ជាងគេ ក្នុងចំណោមប្រាង្គប្រាសាទ ដែលកសាងអំពីឥដ្ឋ និងកំបោរបាយអរមួយនេះ គឺកំពុងឈរបង្អួតរាងរង់ចាំភ្ញៀវទេសចរណ៍ជាតិ និងអន្តរជាតិជានិច្ច៕

(អន្តរជាតិ)៖ Donald Trump កើតថ្ងៃទី 14 ខែមិថុនា ឆ្នាំ 1946 ទីក្រុងញូវយ៉ក សហរដ្ឋអាមេរិក គឺជា ប្រធានាធិបតីទី 45 របស់សហរដ្ឋអាមេរិកពីឆ្នាំ2017-21 និងជាអ្នកឈ្នះនៅក្នុងការបោះឆ្នោត ប្រធានាធិបតី អាមេរិកឆ្នាំ២០២៤នេះ ដោយទទួលបាន សំឡេងអង្គបោះឆ្នោតច្រើនជាងលោក លោកស្រី កាម៉ាឡា ហារីស ២៤៨សំឡេងទល់នឹង២១៤។ នៅថ្ងៃទី 30 ខែឧសភា ឆ្នាំ 2024 លោក Trump បានក្លាយជា អតីតប្រធានាធិបតីដំបូងគេដែលត្រូវបាន កាត់ទោសពីបទឧក្រិដ្ឋ នៅពេលដែលគណៈវិនិច្ឆ័យនៃរដ្ឋញូវយ៉កបានកាត់ទោសលើ លើបទឧក្រិដ្ឋចំនួន 34 នៃការក្លែងបន្លំកំណត់ត្រាអាជីវកម្ម ទាក់ទងនឹងការទូទាត់ប្រាក់បំផ្លើសក្នុងឆ្នាំ 2016 ដល់តារាភាព អាសអាភាស ដែលត្រូវបានគេស្គាល់ថា Stormy Daniels  ដែលអះអាងថាមានទំនាក់ទំនង ស្នេហា ជាមួយ Trump ក្នុងឆ្នាំ ២០០៦។លោកជាប្រធាននៃ អង្គការត្រាំ ដែលជាក្រុមហ៊ុនដ៏ធំសម្រាប់ការបណ្ដាក់ទុនអចលនទ្រព្យនិងផលប្រយោជន៍អាជីវកម្មផ្សេងទៀតរបស់គាត់។អំឡុងពេលនៃការគ្រប់គ្រងរបស់គាត់ លោកត្រាំបាន សាងសង់អគារការិយាល័យ សណ្ឋាគារ កាស៊ីណូ កន្លែងបង្ហាត់វាយកូនហ្គោល និងម៉ាកយីហោសម្ភារៈផ្សេងទៀតនៅទូទាំងពិភពលោក។ ត្រាំបានកើត និងលូតលាស់នៅទីក្រុងញូវយ៉ក ហើយក៏ទទួលបានសញ្ញាបត្រថ្នាក់បរិញ្ញាបត្រខាង ផ្នែកសេដ្ឋកិច្ចពីសាលាវ៉រតុននៃសាកលវិទ្យាល័យPennsylvaniaនៅឆ្នាំ១៩៦៨។នៅឆ្នាំ១៩៧០ គាត់ត្រូវបានឪពុករបស់គាត់ដែលមានឈ្មោះថា ហ្វ្រេត ត្រាំ បានផ្ទេរសិទ្ធិឱ្យមកគ្រប់គ្រងអាជីវកម្ម អចលនទ្រព្យ និងក្រុមហ៊ុនសំណង់។ ត្រាំ គាត់ត្រូវបានគេជ្រើសតាំងឱ្យធ្វើជា បេក្ខភាពប្រធានាធិបតីនៅ គណបក្សកំណែទម្រង់ តែគាត់ក៏បានដកខ្លួនចេញមុននឹងការបោះឆ្នោតចាប់ផ្ដើម។លោកត្រូវបាន ទស្សនាវដ្ដីForbesរាយការណ៍ថា ថាជាអ្នកដែលមានទ្រព្យសម្បត្តិច្រើនជាងគេលំដាប់ទី៣២៥នៅ លើពិភពលោក និងនៅលំដាប់ទី១៥៦ប្រចាំសហរដ្ឋអាមេរិក ជាមួយនឹងទឹកប្រាក់សរុប ៣.៧ពាន់លានដុល្លារនៅខែតុលា ឆ្នាំ២០១៦។ការជាប់ឆ្នោតក្នុងអណត្តិនេះ បានធ្វើឱ្យលោក ត្រាំ ដែលមានវ័យ៧៨ឆ្នាំរូបនេះ ក្លាយជាប្រធានាធិបតី ទី​៤៧ របស់សហរដ្ឋអាមេរិក៕ 

(អន្តរជាតិ)៖ លោក Donald Trump បានប្រកាសជ័យជម្នះនៅក្នុងការបោះឆ្នោតប្រធានាធិបតី អាមេរិក នៅថ្ងៃពុធ (ទី 6 ខែវិច្ឆិកា) ដោយប្រាប់អ្នកគាំទ្រថា សហរដ្ឋអាមេរិកបានផ្តល់ឱ្យពួកគេនូវ "អាណត្តិដែល មិនធ្លាប់មានពីមុនមក" ។ថ្លែងនៅក្នុងរដ្ឋផ្លរីដាមិនយូរប៉ុន្មាន បន្ទាប់ពីការព្យាករណ៍បានផ្តល់ឱ្យលោកនូវជ័យជំនះនៅក្នុងរដ្ឋ Pennsylvania លោក Trump បានប្រាប់ហ្វូងមនុស្សដ៏រីករាយថា លោកនឹងតស៊ូដើម្បីប្រជាជនគ្រប់រូប។បុរសអាយុ 78 ឆ្នាំរូបនេះ ដែលនៅខ្វះតែសំឡេងតិចតួចទៀតប៉ុណ្ណោះ  ដើម្បីគ្រប់ចំនួន 270 សំឡេង ដែលត្រូវការសម្រាប់ជ័យជំនះទាំងស្រុង ប៉ុន្តែលោកហាក់ដូចជាការសន្និដ្ឋានទុកជាមុន នៅដំណាក់កាលនេះ។លោកបាននិយាយថា "យើងបានបង្កើតប្រវត្តិសាស្ត្រសម្រាប់ហេតុផលមួយនៅយប់នេះ ហើយហេតុផល គឺគ្រាន់តែថាយើងបានយកឈ្នះឧបសគ្គដែលគ្មាននរណាម្នាក់គិតថាអាចធ្វើទៅបាន។"នេះ​ជា​ជ័យ​ជម្នះ​ដ៏​អស្ចារ្យ​សម្រាប់​ប្រជាជន​អាមេរិក ដែល​នឹង​អនុញ្ញាត​ឱ្យ​យើង​ធ្វើ​ឱ្យ​អាមេរិក​អស្ចារ្យ​ម្តង​ទៀត"៕ 

(អន្តរជាតិ)៖ ទីបំផុតលោក ដូណាល់ ត្រាំ បេក្ខជនប្រធានាធិបតីមកពីគណបក្សសាធារណរដ្ឋ គឺជាអ្នកឈ្នះនៅក្នុងការបោះឆ្នោតប្រធានាធិបតីអាមេរិកឆ្នាំ២០២៤នេះ ដោយទទួលបាន សំឡេងអង្គបោះឆ្នោតច្រើនជាងលោក លោកស្រី កាម៉ាឡា ហារីស។លោក ដូណាល់ ចន ត្រាំ កើតនៅថ្ងៃទី១៤ ខែមិថុនា ឆ្នាំ១៩៤៦) គឺជាអ្នកនយោបាយ ឥស្សរជនប្រព័ន្ធ ផ្សព្វផ្សាយ និងធុរជនអាមេរិកាំងម្នាក់ដែលធ្លាប់បានបម្រើការ ជាប្រធានាធិបតីនៃសហរដ្ឋអាមេរិក ពីឆ្នាំ២០១៧ រហូតដល់ឆ្នាំ ២០២១។ គាត់ជាប្រធាននៃ អង្គការត្រាំ ដែលជាក្រុមហ៊ុនដ៏ ធំសម្រាប់ការបណ្ដាក់ទុនអចលនទ្រព្យ និងផលប្រយោជន៍អាជីវកម្មផ្សេងទៀត របស់គាត់។ អំឡុងពេលនៃការគ្រប់គ្រងរបស់គាត់ លោកត្រាំបានសាងសង់អគារការិយាល័យ សណ្ឋាគារ កាស៊ីណូ កន្លែងបង្ហាត់វាយកូនហ្គោល និងម៉ាកយីហោសម្ភារៈផ្សេងទៀតនៅទូទាំងពិភពលោក។លោកដូណាល់ ត្រាំ​ អាយុ៧៨ឆ្នាំ នឹងក្លាយជាប្រធានាធិបតីទី៤៧របស់សហរដ្ឋអាមេរិក ​និងជា អាណត្តិ២របស់លោក៕

(អន្តរជាតិ)៖ កុមារចំនួន 20 នាក់ត្រូវបានបញ្ជូនទៅមន្ទីរពេទ្យក្នុងខេត្ត Lai Chau កាលពីព្រឹកថ្ងៃច័ន្ទ ទី​០៤ ខែវិច្ឆិកា ឆ្នាំ២០២៤ ដោយសង្ស័យថាបានពុលកណ្តុរ ដោយពួកគេពីរនាក់មានរោគសញ្ញាដូចជាឈឺពោះ និងក្អួតចង្អោរ។អ្នកនាំពាក្យនៃមន្ទីរពេទ្យទូទៅ Lai Chau នៅខេត្តភាគខាងជើងបាននិយាយថា គិតត្រឹមម៉ោង 11 ព្រឹក កុមារមានស្ថេរភាព ហើយកំពុងត្រូវបានត្រួតពិនិត្យយ៉ាងដិតដល់។កុមារ​ទាំង​នោះ​មាន​អាយុ​ពី ២ ទៅ ៣ ឆ្នាំ និង​ជា​សិស្ស​នៃ​សាលា​មត្តេយ្យ Giang Ma នៅ Lai Chau។នៅវេលាម៉ោង៨និង៤០នាទីព្រឹក គ្រូបង្រៀនម្នាក់បានកត់សម្គាល់ឃើញថា ក្មេងៗមួយចំនួនបានញ៉ាំថ្នាំ កណ្តុរដោយចៃដន្យ ហើយបានទាក់ទងទៅបុគ្គលិកប៉ុស្តិ៍សុខភាពក្នុងតំបន់ភ្លាមៗ ដែលបានបញ្ជូនក្មេងៗ ទៅកាន់មន្ទីរពេទ្យ ហើយអាជ្ញាធរ​កំពុង​ស៊ើបអង្កេត។ការពុលកណ្តុរដោយចៃដន្យ គឺជារឿងដែលកើតឡើងជាញឹកញាប់នៅក្នុងប្រទេសវៀតណាម ដោយសារវាច្រើនតែមានពណ៌ស្រស់ឆើតឆាយ ដែលទាក់ទាញក្មេងៗដែលច្រឡំថាជាស្ករគ្រាប់។វេជ្ជបណ្ឌិតព្រមានថា ការទទួលទានថ្នាំពុលសត្វកណ្ដុរក្នុងបរិមាណច្រើន អាចនាំឱ្យមានផលវិបាក ធ្ងន់ធ្ងរដូចជា ប្រកាច់, ចង្វាក់បេះដូងលោតខុសប្រក្រតី, ខ្សោយតំរងនោម, ជំងឺកកឈាម និងរហូតដល់ ស្លាប់។នៅឆ្នាំ 2021 ក្មេងប្រុសពីរនាក់ដែលមានអាយុ 7 និង 8 ឆ្នាំនៅក្នុងខេត្ត Dong Nai បានលេបថ្នាំពុលកណ្តុរ ដោយគិតថាវាជាទឹកស៊ីរ៉ូ ហើយក្មេងអាយុប្រាំបីឆ្នាំបានស្លាប់យ៉ាងសោកសៅ។នៅឆ្នាំ ២០២០ កុមារអាយុ ១៧ ខែម្នាក់នៅខេត្ត Lao Cai បានប្រកាច់ សន្លប់ និងបានស្លាប់ បន្ទាប់ពី ទទួលទានអង្ករដែលមានជាតិពុលពីថ្នាំកណ្តុរ។ការថែទាំវេជ្ជសាស្រ្តបន្ទាន់គឺជាការចាំបាច់ប្រសិនបើកុមារបានប្រើប្រាស់ថ្នាំសម្លាប់សត្វល្អិតដោយ ចៃដន្យ៕

(អន្តរជាតិ)៖ លោក Donald Trump បានឈ្នះនៅរដ្ឋ North Carolina នេះបើយោងតាមការព្យាករណ៍ របស់សារព័ត៌មាន Associated Press ដែលជារដ្ឋផ្លាស់ប្តូរដំបូងគេ នៅក្នុងការបោះឆ្នោតបិទជា ប្រវត្តិសាស្ត្រ។ការប្រណាំងនៅក្នុងរដ្ឋសមរភូមិចំនួនប្រាំមួយផ្សេងទៀត គឺរដ្ឋអារីហ្សូណា ហ្សកហ្ស៊ី មីឈីហ្គែន រដ្ឋណេវ៉ាដា ផេនស៊ីលវ៉ានៀ និង Wisconsin ហាក់ដូចជាលឿនពេកក្នុងការប្រកាសលទ្ធផល។លទ្ធផលការបោះឆ្នោតនៅ អាមេរិក គិតត្រឹមម៉ោង១២:១២ថ្ងៃនេះម៉ោងនៅកម្ពុជា លោកស្រី ហារីស ទទួលបាន២១០សំឡេង និងលោកត្រាំ ទទួលបាន២៣០សំឡេង៕

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឱ្យគណៈប្រតិភូនៃស្រុកកូឆាង ខេត្តឆល់ឡាប៊ូកដូ នៃសាធារណរដ្ឋកូរ៉េ ដឹកនាំដោយលោក ស៊ីម ដុកសប់ (Shim Deok-seop) អភិបាលស្រុកកូឆាង (Gochang County) ចូលជួបសម្តែងការគួរសម និងពិភាក្សាការងារ នារសៀលថ្ងៃទី៥ ខែវិច្ឆិកា ឆ្នាំ២០២៤ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ជំនួបនេះ ផ្តោតសំខាន់ទៅលើកិច្ចសហប្រតិបត្តិការទទួល និងបញ្ជូនពលករកម្ពុជាទៅធ្វើការងារតាមកម្មវិធីពលកររដូវកាល នៅក្នុងស្រុកកូឆាង ខេត្តឆល់ឡាប៊ូកឌូ (Joelabuk-do) នៃសាធារណរដ្ឋកូរ៉េ។ ឯកឧត្តមរដ្ឋមន្ត្រី បានថ្លែងអំណរគុណដល់រដ្ឋបាលស្រុកកូឆាង ដែលបានទទួលយកពលកររដូវកាលកម្ពុជាទៅធ្វើការចាប់តាំងពីឆ្នាំ២០២៣ មកដល់ឆ្នាំ២០២៤នេះ ហើយក៏នឹងបន្តទទួលយកពលកររដូវកាលកម្ពុជាសម្រាប់ឆ្នាំ២០២៥ ផងដែរ។ ទន្ទឹមនេះ ឯកឧត្តមរដ្ឋមន្ត្រី ក៏អរគុណដល់រដ្ឋាភិបាលនៃសាធារណរដ្ឋកូរ៉េ ដែលតែងយកចិត្តទុកដាក់គាំពារពលករកម្ពុជា ដែលកំពុងធ្វើការនៅទីនោះ។ ឯកឧត្តម ហេង សួរ សង្ឃឹមថារដ្ឋបាលស្រុកកូឆាង នឹងបង្កើនកូតាទទួលពលករកម្ពុជា ឱ្យបានច្រើនបន្ថែមទៀតទៅធ្វើការនៅទីនោះ ជាពិសេសពលករជំនាញរបស់កម្ពុជា។ ក្នុងជំនួបនេះដែរ លោក ស៊ីម ដុកសប់ បានថ្លែងការកោតសរសើរដល់ពលករកម្ពុជាដែលកំពុងបំពេញការងារនៅក្នុងស្រុកកូឆាង ថាមានអត្តចរិតល្អ ប្រឹងប្រែងធ្វើការងារ ដែលធ្វើឱ្យថៅកែពេញចិត្តជាខ្លាំង។ ទន្ទឹមនេះ លោកសូមថ្លែងអំណរគុណដល់រាជរដ្ឋាភិបាលកម្ពុជា និងក្រសួងការងារ និងបណ្តុះបណ្តាលវិជ្ជាជីវៈ ដែលបានបញ្ជូនពលករកម្ពុជាមានអត្តចរិតល្អដូចនេះ។ លោក ស៊ីម ដុកសប់ បានគូសបញ្ជាក់ថា រដ្ឋបាលស្រុកកូឆាងបានបង្កើតអន្តេវាសិកដ្ឋានសម្រាប់ពលករកម្ពុជាស្នាក់នៅ ដែលនេះជាគំរូថ្មីមួយក្នុងការយកចិត្តទុកដាក់ដល់ពលករកម្ពុជាដែលមកធ្វើការនៅក្នុងតំបន់នេះ។ សូមបញ្ជាក់ថា ស្រុកកូឆាងនៃខេត្តឆល់ឡាប៊ូកដូ មានតំបន់ជាប់ឆ្នេរសមុទ្រ ដែលមានសេដ្ឋកិច្ចផ្តោតសំខាន់លើវិស័យធំៗដូចជា ឧស្សាហកម្ម ពាណិជ្ជកម្ម ដឹកជញ្ជូន ទេសចរណ៍ ជាពិសេសផ្នែកកសិកម្ម ដែលមានសក្តានុពលលើការដាំដុះនៅក្នុងផ្ទះកញ្ចក់ (Greenhouse) ដែលមានដំណាំសំខាន់ៗដូចជា ផ្លែបឺរី ម្ទេស សណ្តែកដី និងស្លឹកតែជាដើម និងមានតម្រូវការពលកម្មជាច្រើននាក់ដើម្បីធ្វើការនៅតាមកសិដ្ឋាននានា៕

(ខេត្តយូណាន)៖ នៅព្រឹកថ្ងៃទី៦ ខែវិច្ឆិកា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបពិភាក្សាការងារជាមួយ ឯកឧត្ដម នាយឧត្ដមសេនីយ៍ជាន់ខ្ពស់ Min Aung Hlaing ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា នៅខេត្តយូណាន ក្នុងឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន៕

(ខេត្តយូណាន)៖ នៅព្រឹកថ្ងៃទី៦ ខែវិច្ឆិកា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ​ លោក Sung Zhongdi ប្រធានក្រុមហ៊ុន ZhongJiao Tongli ក្នុងជំនួបសម្តែងការគួរសម និងពិភាក្សាការងារ នៅក្នុងឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន៕

(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នៅព្រឹកថ្ងៃទី៦ ខែវិច្ឆិកា ឆ្នាំ២០២៤នេះ បានអញ្ជើញសំណេះសំណាល និងពិសាអាហារសាមគ្គី ជាមួយសមាជិកគណបក្សថ្មី ដែលជាអតីតមន្ត្រីដឹកនាំ ថ្នាក់រាជធានី ខេត្ត ក្រុង ស្រុកខណ្ឌ នៃគណបក្សនយោបាយនានា ចំនួន២៣៦៥នាក់ ដែលពិធីនេះធ្វើឡើងនៅវិមាន៧មករា រាជធានីភ្នំពេញ៕

(ខេត្តយូណាន)៖ នៅព្រឹកថ្ងៃទី៦ ខែវិច្ឆិកា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ លោកស្រី Xuemei Chen ប្រធានក្រុមហ៊ុន Zhengzhou chen’s sun ក្នុងជំនួបសម្តែងការគួរសម និងពិភាក្សាការងារ ក្នុងឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន។គួរបញ្ជាក់ថា ក្រុមហ៊ុន Zhengzhou Chen's ត្រូវបានបង្កើតឡើងក្នុងឆ្នាំ ១៩៩២ មានទីស្នាក់ការនៅទីក្រុង Zhengzhou ប្រទេសចិន។ ផ្តោតលើកការស្រាវជ្រាវ និងអភិវឌ្ឍន៍ពូជផ្លែឈើ ការដាំដុះទ្រង់ទ្រាយធំ ការកែច្នៃក្រោយការប្រមូលផល ការចែកចាយ ការដឹកជញ្ជូនខ្សែសង្វាក់ត្រជាក់ ចែកចាយគ្រប់បណ្តាញ, ការលក់ដុំ និងទីផ្សារលក់រាយ, ផលិតគ្រាប់ផ្លែឈើស្ងួត និងអាហារសម្រន់៕

(ខេត្តយូណាន)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Wang Yubo អភិបាលខេត្តយូណាន នៃសាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ កាលពីល្ងាច ថ្ងៃទី៥ ខែវិច្ឆិកា ឆ្នាំ២០២៤ ក្នុងឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន។ក្នុងឱកាសនៃជំនួប ឯកឧត្តមអភិបាលខេត្តយូណាន បានស្វាគមន៍យ៉ាងកក់ក្ដៅចំពោះសម្ដេចបវរធិបតី ដែលអញ្ជើញចូលរួមកិច្ចប្រជុំ GMS នៅទីក្រុងគុនមិញ នាឱកាសនេះ និងបានសម្ដែងនូវសេចក្ដីរីករាយ ដែលបានជួបសម្ដេចបវរធិបតីម្ដងទៀត បន្ទាប់ពីឯកឧត្តមបានជួបជាមួយសម្ដេចបវរធិបតី ក្នុងឱកាសនៃពិធីសម្ពោធដាក់ឱ្យប្រើប្រាស់ជាផ្លូវការនូវអាកាសយានដ្ឋានអន្តរជាតិសៀមរាប-អង្គរ កាលពីចុងឆ្នាំ២០២៣ ព្រមទាំងបានគោរពជម្រាបជូនសម្ដេចបវរធិបតី អំពីការវិវឌ្ឍន៍ និងសក្តានុពលរបស់ខេត្តយូណាន ផងដែរ។ ឯកឧត្តមបានកត់សម្គាល់ថា កិច្ចសហប្រតិបត្តិការរវាងខេត្តយូណាន និងប្រទេសកម្ពុជា មានការរីកចម្រើន ជាពិសេស តាមរយៈការផ្លាស់ប្ដូរដំណើរទស្សនកិច្ច វិស័យពាណិជ្ជកម្ម និងការផ្លាស់ប្តូររវាងប្រជាជននិងប្រជាជន។ ជាការឆ្លើយតប សម្ដេចបវរធិបតី បានថ្លែងអំណរគុណដល់ឯកឧត្តមអភិបាលខេត្ត ចំពោះបដិសណ្ឋាកិច្ចយ៉ាងកក់ក្តៅ និងបានសម្តែងនូវក្ដីសោមនស្សរីករាយ ដែលបានជួបឯកឧត្តមអភិបាលខេត្ត ម្ដងទៀត។ សម្ដេចបវរធិបតីក៏បានកោតសរសើរ និងវាយតម្លៃខ្ពស់ចំពោះការរីកចម្រើន និងការអភិវឌ្ឍរបស់ខេត្តយូណាន ដែលជាក្បាលម៉ាស៊ីនមួយសម្រាប់សេដ្ឋកិច្ចរបស់ប្រទេសចិន។ សម្តេចបវរធិបតីបានវាយតម្លៃខ្ពស់អំពីភាពរីកចម្រើនជាលំដាប់នៃទំនាក់ទំនងកម្ពុជា-ចិន ស្របពេលប្រទេសចិនបានដើរតួនាទីយ៉ាងសំខាន់ ក្នុងការចូលរួមចំណែកដល់ការអភិវឌ្ឍសង្គម-សេដ្ឋកិច្ចរបស់កម្ពុជា។ សម្តេចបវរធិបតីបានគូសបញ្ជាក់អំពីសក្តានុពលក្នុងវិស័យជាច្រើន សម្រាប់កិច្ចសហប្រតិបត្តិការនាពេលអនាគត រវាងប្រទេសកម្ពុជា និងខេត្តយូណាន។ សម្តេចបវរធិបតីបានលើកទឹកចិត្តឱ្យក្រុមការងារកិច្ចសហប្រតិបត្តិការ រវាងតំណាងក្រសួងការបរទេស និងកិច្ចសហប្រតិបត្តិការអន្តរជាតិកម្ពុជា និងមន្ទីរការបរទេសនៃខេត្តយូណាន ជួបប្រជុំបានឆាប់ ដើម្បីពង្រឹង និងពង្រីកកិច្ចសហប្រតិបត្តិការបន្ថែមទៀត។ សម្តេចបវរធិបតី និងឯកឧត្តមអភិបាលខេត្តបានពិភាក្សាផ្លាស់ប្តូរយោបល់អំពីការបន្តជំរុញកិច្ចសហប្រតិបត្តិការលើវិស័យសំខាន់ៗមួយចំនួន រួមមាន ពាណិជ្ជកម្ម ការវិនិយោគ ឧស្សហកម្ម ថាមពល ហេដ្ឋារចនាសម្ព័ន្ធ កសិកម្ម អប់រំនិងការបណ្ដុះបណ្ដាល ព្រមទាំងទេសចរណ៍ ជាដើម។ ឯកឧត្តមអភិបាលខេត្តបានសន្យាពិនិត្យលទ្ធភាពផ្ដល់អាហារូបករណ៍កាន់តែច្រើនទៀត ដល់និស្សិតកម្ពុជា ដើម្បីមកបន្តការសិក្សានៅខេត្តយូណាន និងបន្តខិតខំលើកទឹកចិត្តឱ្យប្រជាជនចិន ទៅធ្វើទេសចរណ៍ នៅប្រទេសកម្ពុជា ដែលមានគោលដៅទេសចរណ៍សម្បូរបែប៕

(អន្តរជាតិ)៖ ក្រសួងដឹកជញ្ជូនបានកំណត់គោលដៅថារថយន្ត៣០% និងម៉ូតូ២២%នឹងដំណើរការដោយអគ្គិសនីនៅឆ្នាំ២០៣០។នេះគឺជាដំណោះស្រាយមួយក្នុងចំណោមដំណោះស្រាយដើម្បីសម្រេចបាននូវគោលដៅកាត់បន្ថយ 5.9% នៃការបំភាយឧស្ម័នផ្ទះកញ្ចក់ក្នុងវិស័យដឹកជញ្ជូន ក្រោមផែនការដែលចេញដោយក្រសួងនា ពេលថ្មីៗនេះ។ការត្រួតពិនិត្យនឹងត្រូវបានអនុវត្តដើម្បីកែប្រែស្តង់ដារបច្ចេកទេសជាតិសម្រាប់រថយន្តជាមួយនឹងបទប្បញ្ញត្តិដែលបានធ្វើបច្ចុប្បន្នភាពសម្រាប់រថយន្តអគ្គិសនី (EVs)។ក្រសួងនឹងបង្កើតសារាចរណែនាំស្តីពីការចាត់ថ្នាក់យានយន្តតាមដងផ្លូវ ផ្លាកសញ្ញាសម្គាល់យានជំនិះ ដែលប្រើប្រាស់ថាមពលស្អាត បៃតង និងបរិស្ថាន រួមជាមួយនឹងការចេញនូវស្តង់ដារសម្រាប់ ការឈប់ សម្រាកនៅតាមដងផ្លូវ រួមទាំងបទប្បញ្ញត្តិស្តីពីស្ថានីយសាកថ្មផងដែរ។ការសិក្សាក៏នឹងត្រូវបានអនុវត្តដើម្បីអភិវឌ្ឍប្រព័ន្ធហេដ្ឋារចនាសម្ព័ន្ធសាកថ្ម និងបញ្ចូលទៅក្នុងផែនការ ហេដ្ឋារចនាសម្ព័ន្ធដឹកជញ្ជូនផ្លូវគោកសម្រាប់រយៈពេល 2021-2030 ជាមួយនឹងចក្ខុវិស័យដល់ឆ្នាំ 2050។ក្រសួងក៏នឹងពិនិត្យមើលយន្តការសម្រាប់ការផ្លាស់ប្តូរ និងទូទាត់ឥណទានកាបូនសម្រាប់គម្រោង ដែលបំប្លែងពីយានជំនិះឥន្ធនៈហ្វូស៊ីលទៅជារថយន្ត EV ។នៅក្រោមផែនការ ក្រសួងក៏បានកំណត់គោលដៅថានឹងមានឡានក្រុងឧស្ម័នធម្មជាតិចំនួន ៦២៣ គ្រឿងនៅឆ្នាំ ២០៣០ នៅទីក្រុងហូជីមិញចំនួន ៤២៣ គ្រឿង និងនៅទីក្រុងហាណូយចំនួន ២០០ គ្រឿង៕

(អន្តរជាតិ)៖ ក្រសួងការពារជាតិជប៉ុនបាននិយាយថា ប្រទេសកូរ៉េខាងជើង បានបាញ់មីស៊ីលផ្លោងរយៈ ចម្ងាយខ្លីជាច្រើនគ្រាប់ ឆ្ពោះទៅកាន់សមុទ្រជប៉ុននៅក្នុងសកម្មភាពដែលបានកើតឡើង មុនការបោះ ឆ្នោត ប្រធានាធិបតីអាមេរិក និងតិចជាងមួយសប្តាហ៍បន្ទាប់ពីការបាញ់មីស៊ីលផ្លោងអន្តរទ្វីប កាលពីសប្តាហ៍មុន។ក្រសួង​ជប៉ុន​បាន​និយាយ​ថា យ៉ាង​ហោច​ណាស់​កាំជ្រួច​រយៈ​ចម្ងាយ​ខ្លី​ចំនួន​ប្រាំពីរ​បាន​ហោះ​ក្នុង​រយៈ​ចម្ងាយ 400 គីឡូម៉ែត្រ​ក្នុង​រយៈ​កម្ពស់​ប្រហែល 100 គីឡូម៉ែត្រ បន្ទាប់​ពី​ពួក​គេ​ត្រូវ​បាន​បាញ់​ចេញ​ពី​ឆ្នេរ​ភាគ​ខាង​លិច​របស់​កូរ៉េ​ខាង​ជើង​នៅ​ចន្លោះ​ម៉ោង​ប្រហែល 7:30 ព្រឹក​ដល់​ម៉ោង 7:39 ព្រឹក។មីស៊ីលទាំងនោះបានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន ក្នុងដែនទឹកជុំវិញឆ្នេរ ខាងកើតនៃឧបទ្វីបកូរ៉េ។រដ្ឋាភិបាលជប៉ុនបានធ្វើការតវ៉ាប្រឆាំងនឹងការបាញ់មីស៊ីលចុងក្រោយបំផុត និងថ្មីៗនេះរបស់ទីក្រុងព្យុង យ៉ាង ដោយនិយាយថា "សកម្មភាពគំរាមកំហែងដល់សន្តិភាព និងសន្តិសុខរបស់ប្រទេសជប៉ុន តំបន់ និងសហគមន៍អន្តរជាតិ" ខណៈពេលដែលរំលោភលើសេចក្តីសម្រេចរបស់ ក្រុមប្រឹក្សាសន្តិសុខអង្គ ការសហប្រជាជាតិ។ជាក់ស្តែងទីក្រុងព្យុងយ៉ាងមានបំណងបង្ហាញពីការធ្វើឱ្យប្រសើរឡើងនូវសមត្ថភាពយោធារបស់ខ្លួនក្នុងឱកាសនៃការបោះឆ្នោតប្រធានាធិបតីសហរដ្ឋអាមេរិក ជាមួយនឹងពេលវេលានៃការបាញ់បង្ហោះ នេះផងដែរត្រូវបានគេមើលឃើញថាមានគោលបំណងបង្ហាញពីការប្រឆាំងរបស់ខ្លួនចំពោះសមយុទ្ធរួមគ្នាដោយសហរដ្ឋអាមេរិក កូរ៉េខាងត្បូង និងជប៉ុនដែលមានការចូលរួមពីសហរដ្ឋអាមេរិក៕

តាមការគ្រោងទុក អង្គកឋិនទានមហាសាមគ្គីគ្រួសារខ្មែរ ត្រូវបានដង្ហែឆ្ពោះទៅកាន់វត្តពោធិគិរីវង្សារាម ខេត្តត្រាវិញ ប្រទេសវៀតណាមហើយ ខណៈ ពិធីដង្ហែអង្គកឋិនទានមហាសាមគ្គីគ្រួសារខ្មែរ ដឹកនាំដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកបាទក្រហមកម្ពុជា។ នៅក្នុងដំណើរដង្ហែរ អង្គកឋិនទានមហាសាមគ្គីគ្រួសារខ្មែរ មានបងប្អូនខ្មែរក្រោម យ៉ាងច្រើនកុះករមករង់ចាំទទួលស្វាគមន៍ ការអញ្ជើញមកដល់របស់សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន និងមន្ត្រីថ្នាក់ដឹកនាំសំខាន់ៗនៃរាជរដ្ឋាភិបាលកម្ពុជាផងដែរ។អង្គកឋិនទានដង្ហែទៅកាន់វត្តខ្មែរក្រោមនាពេលនេះ គឺជាព្រឹត្តិការណ៍ដ៏ក្រម ហើយក៏ត្រូវបានចាត់ទុកជាពិធីបុណ្យជាប្រវត្តិសាស្ត្រមួយផងដែរ។ អង្គកឋិនទាននេះត្រូវបានប្រសិទ្ធនាមជា «អង្គកឋិនមហាសាមគ្គីគ្រួសារខ្មែរ »ព្រោះជាអង្គឋិនកើតឡើងដោយការរួបរួមដ៏អស្ចារ្យរវាងស្ថាប័នពុទ្ធចក្រ និងអាណាចក្រ ហើយអាណាចក្រទៀតសោត គឺមានការចូលរួមទាំងស្ថាប័នព្រឹទ្ធសភា រដ្ឋសភា និងរាជរដ្ឋាភិបាល អភិបាលរាជធានី-ខេត្ត មន្ត្រីរាជការ និងប្រជាពលរដ្ឋខ្មែរជាច្រើនរូបទៀត ដើម្បីបង្ហាញពីការរួបរួមមហាសាមគ្គីគ្រួសារខ្មែរគ្រប់ទិសទី គឺយើងទាំងអស់គ្នា សុទ្ធសឹង ជាអ្នកគោរពប្រតិបត្តិប្រពៃណីទំនៀមទម្លាប់ព្រះពុទ្ធសាសនាដូចគ្នា ។ នេះជាហេតុផល ដែលអង្គកឋិនទាននេះ ត្រូវបានប្រសិទ្ធនាមថា «អង្គកឋិនទានមហាសាមគ្គីគ្រួសារខ្មែរ» ពោល គឺបងប្អូនខ្មែរនៅគ្រប់ទីកន្លែង គ្រប់និន្នាការនយោបាយ អាចចូលរួមបានទាំងអស់គ្នា ។ ជាងនេះទៅទៀត អង្គកឋិនទាននេះ ក៏បានបង្ហាញផងដែរថា រាជរដ្ឋាភិបាល និងប្រជាជនខ្មែរ នៅកម្ពុជា និងបងប្អូនខ្មែរនៅគ្រប់ទិសទី តែងតែនឹករឭកគ្នា និងតែងស្កាត់ជួបជុំគ្នា នៅក្នុងឱកាសពិធីបុណ្យទាន ជាពិសេសពិធីបុណ្យធំៗ ដូចជាបុណ្យចូលឆ្នាំថ្មីប្រពៃណីជាតិ បុណ្យភ្ជុំបិណ្ឌ និងបុណ្យកឋិនទាននេះជាដើម ។មិនត្រឹមតែប៉ុណ្ណោះ «អង្គកឋិនមហាសាមគ្គីគ្រួសារខ្មែរ » អាចនិយាយបានថា នេះជាអង្គកឋិនទានជាប្រវត្តិសាស្រ្ត ដែលប្រព្រឹត្តទៅ ដើម្បីភាតរភាព មិត្តភាព និងសាមគ្គីភាព ក្នុងចំណោមមហាពុទ្ធបរិស័ទនិយាយជារួម និងនិយាយដោយឡែក ក្នុងចំណោមបងប្អូនខ្មែរយើង ក្រោមដំបូលនៃសុខសន្តិភាព និងក្រោមម្លប់ព្រះពុទ្ធសាសនា ដ៏ត្រជាត់ត្រជុំ និងថ្កុំថ្កើងរុងរឿង ។  អង្គកឋិនដែលរៀបចំដោយស្ថាប័នសង្ឃ និងស្ថាប័នដឹកនាំជាតិរបស់កម្ពុជាដង្ហែទៅកាន់ខ្មែរក្រោមមិនធ្លាប់មាននោះឡើយ។ ព្រឹត្តិការណ៍នៃអង្គកឋិនមហាសាមគ្គីគ្រួសារខ្មែរនាពេលនេះ បាននាំមកនូវការសាទរ និងរីករាយយ៉ាងជ្រាលរបស់ប្រជាពលរដ្ឋខ្មែរ ជាពិសេសព្រះសង្ឃ និងប្រជាពលរដ្ឋខ្មែរក្រោម។ អង្គកឋិនទាននេះ ក៏បានបង្ហាញឱ្យឃើញច្បាស់ពីការគិតគូរ និងយកចិត្តទុកដាក់ខ្ពស់របស់សម្តេចតេជោ និងសម្តេចកិត្តិព្រឹទ្ធបណ្ឌិត ចំពោះព្រះសង្ឃ ក៏ដូចជាព្រះពុទ្ធសាសនានៅខ្មែរក្រោម។សូមបញ្ជាក់ថា នៅខ្មែរក្រោមមកដល់ពេលបច្ចុប្បន្ននេះ មានទីអារាមរហូត ដល់ទៅ៤៦១វត្ត ដោយឡែកនៅខេត្តត្រាវិញ (ព្រះត្រពាំង) មានវត្តចំនួន១៤៣វត្ត។ បច្ច័យបានពីពិធីបុណ្យកឋិនទានមហាសាមគ្គីគ្រួសារខ្មែរនាពេលនេះក្រៅពីប្រគេនដល់វត្តពោធិគិរីវង្សារាមហើយនោះ ក៏នឹងប្រគេនដល់វត្ត១៤២ផ្សេងទៀត នៅក្នុងខេត្តត្រាវិញ សាធារណរដ្ឋសង្គមនិយមវៀតណាម។យោងតាមសេចក្តីណែនាំរបស់ក្រសួងធម្មការនិងសាសនា ចេញកាលពីថ្ងៃទី៤ ខែតុលា ឆ្នាំ២០២៤ បានឱ្យដឹងថា កឋិនទានគឺជាបុណ្យប្រពៃណីព្រះពុទ្ធសាសនា ដែលមានលក្ខណៈប្លែកពីបុណ្យដទៃដោយក្នុងមួយឆ្នាំបុណ្យនេះធ្វើបានតែមួយដងមានរយៈពេលកំណត់ត្រឹម២៩ថ្ងៃហើយវត្តមួយទទួលបានកឋិនតែមួយដងប៉ុណ្ណោះ។ បុណ្យកឋិនទានប្រារព្ធធ្វើឡើងក្នុងគោលបំណងសំខាន់ៗមួយចំនួនដូចជាដើម្បីបង្កើនសាមគ្តីភាពរវាងបុគ្គល គ្រួសារ និងសង្គម ដើម្បីទ្រទ្រង់ព្រះពុទ្ធសាសនាឱ្យបានរីកចម្រើនគង់វង្សស្ថិតស្ថេរនៅយូរអង្វែង។ បន្ថែមពីនេះដើម្បីផ្តល់កម្លាំងកាយចិត្តដល់ព្រះភិក្ខុសង្ឃជាបុគ្គលដែលថែទាំ និងទ្រទ្រង់ព្រះពុទ្ធសាសនាតទៅ និងដើម្បីថ្វាយឧបការៈទំនុកបម្រុងឧបត្ថម្ភព្រះភិក្ខុសាមណេរ ដែលជាមហាកុសលដ៏ប្រសើរ ជាដើម។ល៕