(វ៉ាស៊ីនតោន)៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា លោកនឹងបើក ចំហចំពោះមហាសេដ្ឋីបច្ចេកវិទ្យា Elon Musk ដែលជាម្ចាស់វេទិកាប្រព័ន្ធផ្សព្វផ្សាយសង្គម X ក្នុងការទិញ កម្មវិធី TikTok ដែលជាកម្មសិទ្ធិរបស់ចិន។លោក Trump បានប្រាប់អ្នកយកព័ត៌មាននៅពេលសួរថា តើគាត់បើកចំហចំពោះលោក Musk ដែលជា មហាសេដ្ឋីបំផុតរបស់ពិភពលោក និងជាប្រធានគំនិតផ្តួចផ្តើមកាត់បន្ថយថវិកា ក្នុងរដ្ឋបាលថ្មី ដោយទទួលបានវេទិកាចែករំលែកវីដេអូថា ដោយឆ្លើយតបថា "ខ្ញុំនឹងជួយប្រសិនបើ Elon Musk ចង់ទិញវា" ។TikTok កំពុងប្រឈមមុខនឹងច្បាប់របស់សហរដ្ឋអាមេរិក ដែលបានបញ្ជាឱ្យក្រុមហ៊ុនដកខ្លួនចេញ ពីម្ចាស់ ក្រុមហ៊ុន ByteDance ជនជាតិចិន ឬត្រូវបានហាមឃាត់នៅសហរដ្ឋអាមេរិក។នៅក្នុងសកម្មភាពដំបូងរបស់លោកនៅក្នុងតំណែង លោក Trump បានបញ្ជាឱ្យផ្អាកលើការអនុវត្តច្បាប់ ដែលគួរតែឃើញ TikTok មានប្រសិទ្ធភាពខុសច្បាប់នៅក្នុងប្រទេស មួយថ្ងៃមុនពេលលោកចូលកាន់ តំណែងសម្រាប់អាណត្តិទីពីរ។ដីកា​ប្រតិបត្តិ​បាន​បញ្ជា​ឲ្យ​អគ្គមេធាវី​របស់​លោក​ពន្យារពេល​ការ​អនុវត្ត​ច្បាប់​នេះ​រយៈពេល ៧៥​ថ្ងៃ។ដើម្បីរក្សាទុកប្រតិបត្តិការនៅសហរដ្ឋអាមេរិករបស់ក្រុមហ៊ុន។  ការហាមប្រាម TikTok បានកន្លងផុតទៅ ដោយសារតែមានការព្រួយបារម្ភថា រដ្ឋាភិបាលចិនអាច ទាញយកកម្មវិធី ដើម្បីឈ្លបយកការណ៍លើជនជាតិអាមេរិក ឬមានឥទ្ធិពលលាក់បាំងមតិសាធារណៈ របស់សហរដ្ឋអាមេរិក តាមរយៈការប្រមូលទិន្នន័យ និងការរៀបចំខ្លឹមសារ៕

(សង្គម)៖ ជាការពិតណាស់មនុស្សភាគច្រើនបានសម្រេចចិត្តប្រើប្រាស់បណ្ដាញសង្គមក៏ដើម្បីតែ ទទួលបាននូវព័ត៌មានថ្មីៗ ចំណេះដឹង អប់រំ ក៏ដូចជាការចែកនូវការកម្សាន្តទៅវិញទៅមកវាងគ្នានឹងគ្នាជាដើម ប៉ុន្តែជាមួយជានេះក៏មានអ្នកប្រើប្រាស់មួយចំនួនពុំបានចាប់អារម្មណ៍នោះឡើយចំពោះសកម្មភាពខ្លះៗដែលពួកគេបានបង្ហាញលើបណ្ដាញសង្គម ដោយពេលខ្លះការបង្ហាញទាំងនោះនឹងអាចនាំឱ្យពួកគេក្លាយជាគោលដៅរបស់ជនអនាមិកដោយមិនដឹងខ្លួន។យ៉ាងណាមិញ ក្នុងនោះមានសកម្មភាពចំនួនពីរយ៉ាង ដែលអាចនាំឱ្យអ្នកក្លាយជាគោលដៅរបស់ជនអនាមិក នេះបើយោងតាមការចែករំលែកពី អង្គការទិន្នន័យអំពីការអភិវឌ្ឍ។១, ការ Check in ហើយផុសភ្លាមៗលើបណ្ដាញសង្គម នេះជាសកម្មភាពដ៏ពេញនិយមបំផុតរបស់យុវវ័យនាពេលបច្ចុប្បន្ន ប៉ុន្តែវាមិនមែនជារឿងល្អទេ ដែលអ្នកទាំងអស់គ្នាតែងតែ Check in ហើយផុសភ្លាមៗ ទាំងដែលអ្នកទាំងអស់គ្នាក៏កំពុងតែនៅទីនោះដែរ។ ការដែលផុសភ្លាមៗឱ្យគេដឹងពីទីកន្លែងដែលអ្នកកំពុងតែនៅនេះ អាចធ្វើឱ្យជនអនាមិកអាចដឹងថាអ្នកទាំងអស់គ្នាកំពុងតែនៅទីណា ហើយអ្នកទាំងអស់គ្នាអាចក្លាយជាគោលដៅរបស់ពួកគេបាន។ យល់ល្អ ចាំចេញផុតពីកន្លែងនោះសិនមក ចាំផុសក៏បាន។ ២, ចូលចិត្តផុសរូបសំបុត្រយន្តហោះពេញៗ នៅលើសំបុត្រយន្តហោះរបស់អ្នកទាំងអស់គ្នា ដែលអ្នកទាំងអស់គ្នាតែងតែទទួលបានបន្ទាប់ពី Check in រួចនោះ គឺតែងតែមាននូវព័ត៌មានហោះហើរ ក៏ដូចជាព័ត៌មានផ្ទាល់ខ្លួនផងដែរ។ ការដែលផុសរូបទាំងមូលនៃសំបុត្រនោះ ឬក៏ផ្នែកណាមួយដែលបញ្ចេញនូវព័ត៌មានហោះហើរ ឬព័ត៌មានផ្ទាល់ខ្លួន គឺអាចធ្វើឱ្យអ្នកដែលមានបំណងអាក្រក់អាចដឹងពីគម្រោងដំណើរកម្សាន្តរបស់អ្នកបាន និងងាយស្រួលក្នុងការរៀបចំនូវគ្រោងការផ្សេងៗ។ ដូច្នេះប្រសិនបើលោកអ្នកចង់ផុសនោះ លោកអ្នកអាចកាត់ចេញនូវផ្នែកណាដែលមានព័ត៌មានសំខាន់ៗ ហើយត្រូវមើលម្ដងហើយម្ដងទៀតមុននឹងចុចផុស។ នេះនឹងធ្វើឱ្យដំណើរកម្សាន្តរបស់អ្នកនៅតែសប្បាយរីករាយ និងមានសុវត្ថិភាព៕

សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នឹងអញ្ជើញជាអធិបតីក្នុងពិធីសន្និបាតគណៈកម្មាធិការកណ្តាល លើកទី៤៥ អាណត្តិទី៥ របស់គណបក្ស នៅវិមាន៧មករា។ សន្និបាតដែលមានរយៈពេល២ថ្ងៃ គឺនៅថ្ងៃទី២៥ និងទី២៦ ខែមករា ឆ្នាំ២០២៥ ក៏នឹងមានការអញ្ចើញចូលរួមពីបណ្តាឥស្សរជន ថ្នាក់ដឹកនាំ គណបក្សប្រជាជនកម្ពុជា ជាច្រើនរូបទៀតផងដែរ។ យោងតាមសេចក្តីជូនដំណឹងរបស់សាលារាជធានីភ្នំពេញ បានឱ្យដឹងថា សម្រាប់បងប្អូនប្រជាពលរដ្ឋទាំងអស់ក្នុងរាជធានីភ្នំពេញ សូមជ្រាបថា នៅថ្ងៃទី២៥ និងទី២៦ ខែមករា ឆ្នាំ២០២៥ វេលាម៉ោង ០៧:០០នាទី គណៈអចិន្ត្រៃយ៍ នៃគណៈកម្មាធិការកណ្តាល គណបក្សប្រជាជនកម្ពុជានឹងរៀបចំប្រារព្ធពិធីសន្និបាតគណៈកម្មាធិការកណ្តាល លើកទី៤៥ អាណត្តិទី៥ របស់គណបក្ស នៅវិមាន៧មករា ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា។ដើម្បីឱ្យការប្រារព្ធពិធីសន្និបាតខាងលើប្រព្រឹត្តទៅដោយរលូនរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀសបាននូវការកកស្ទះចរាចរ អាជ្ញាធរមានសមត្ថកិច្ចនឹងបញ្ចៀស ចរាចរចំពោះយានយន្តគ្រប់ប្រភេទ លើកំណាត់មហាវិថីព្រះនរោត្តម ចាប់ពីស្តុបជលផល ដល់ស្ពានអាកាស ក្បាលថ្នល់ និងបរិវេណជុំវិញទីតាំងប្រារព្ធពិធី ចាប់ពីព្រឹកថ្ងៃបើកសន្និបាត រហូតដល់ថ្ងៃទី២ ចប់កម្មវិធី។អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាជ្រាប យោគយល់ អធ្យាស្រ័យ និងបញ្ចៀស ការធ្វើដំណើរឆ្លងកាត់កំណាត់ផ្លូវខាងលើ តាមកាលបរិច្ឆេទដូចបានជម្រាបជូនដោយអនុគ្រោះ។ នៅពេលផុតរយៈពេល ហាមឃាត់បណ្តោះអាសន្ននេះ រដ្ឋបាលរាជធានីភ្នំពេញ នឹងបើកឱ្យធ្វើចរាចរជាធម្មតាវិញ។

(កម្សាន្ត)៖ គ្រោះថ្នាក់អាចកើតឡើងមិនមែនសុទ្ធតែបង្ករឡើងដោយរឿងធំៗនោះទេ ពេលខ្លះវាក៏អាចបណ្ដាលមកពីរឿងតូចៗផងដែរ ហើយកាលពីពេលកន្លងទៅក៏ធ្លាប់មានករណីអ្នកដែលទទួលទាននំហើយស្លាក់ជាមួយនឹងគ្រាប់គិបផងដែរ នោះក៏ដោយសារតែអ្នកលក់បានប្រើប្រាស់ស្លឹកចេកដែលមានដែកគិបដើម្បីខ្ចប់នំ ដូច្នេះហើយទើបបានជាមានការសំណូមពរពីអ្នកទទួលទានឱ្យប្ដូរនូវការខ្ចប់បែបនេះ ព្រោះវាពិតជាមានហានិភ័យចំពោះអ្នកទទួលទាន។យ៉ាងណាមិញ អ្នកលក់នំមួយចំនួននូវតែមិនអាចគ្រប់គ្រងការប្រយ័ត្នរបស់ខ្លួនបានល្អ ជាក់ស្ដែងកាលពីពេលថ្មីៗនេះឃើញមានការចែកចាយលើបណ្ដាញសង្គម ក្រោយអ្នកទិញម្នាក់ប្រទះឃើញឡាមដ៏មុតស្រួចក្នុងសាច់នំទំនងជាគេប្រើប្រាស់សម្រាប់ជៀស្លឹកចេក ជាសំណាងចេះឃើញទាន់មុនពេលទទួលទាន នេះបើយោងតាមការបង្ហោះរបស់គណនីហ្វេសប៊ុកឈ្មោះ Yoko Lee ដោយម្ចាស់គណនីរូបនេះបានបង្ហោះនូវរូបភាពស្ថានភាពនំចំនួនពីរសន្លឹកព្រមទាំងអមមកជាមួយខ្លឹមសារថា «អ្នកនៅវៀតណាមទិញប៉ះផ្ទាល់ ការធ្វេសប្រហែសរបស់អ្នកលក់ សង្ស័យឡាមវះស្លឹក»។ទោះជាយ៉ាងណាក្ដី នេះជាការចែករំលែកមួយដើម្បីឱ្យអ្នកទទួលទានគ្រប់រូបមានការប្រុងប្រយ័ត្ននៅពេលដែលទទួលនំដែលមានខ្ចប់សំបកចេកបែបនេះ ជាងនេះទៅទៀតនោះក៏ជាការផ្ដាំផ្ញើមួយទៅដល់អ្នកលក់ដូរគ្រប់រូបត្រូវបង្កើនការប្រុងប្រយ័ត្នឱ្យបានខ្ពស់ជៀសវាងធ្វើឱ្យមានការធ្វេសប្រហែសដែលបណ្ដាលឱ្យប៉ះពាល់យ៉ាងធ្ងន់ធ្ងរចំពោះអ្នកទទួលទានគ្រប់រូប ជាពិសេសកុមារតូចៗ៕

(អន្តរជាតិ)៖ សមាជិកសភាថៃកំពុងអំពាវនាវឱ្យរដ្ឋាភិបាលដោះស្រាយបញ្ហាដែលកំពុងកើនឡើង នៃអ្នកសុំទានបរទេសនៅតំបន់ Asok-Nana ជាពិសេសអ្នកដែលនាំកុមារមកជាមួយ ដើម្បីបង្កើនប្រាក់ចំណូលរបស់ពួកគេ។ យ៉ាងណាមិញ បញ្ហាអ្នកសំទានបរទេសមានកើនឡើងបែបនេះ បានបង្កការព្រួយបារម្ភថា បង្កផលប៉ះពាល់ដល់ភ្ញៀវទេសចរចូលមកកម្សាន្តក្នុងប្រទេសរបស់ខ្លួន និងជះឥទ្ធិពលអវិជ្ជមានដល់សេដ្ឋកិច្ចរបស់ប្រជាជនថៃថែមទៀតផង។ សមាជិកសភាបក្សប្រជាជន លោក Bhuntin Noumjerm ថ្មីៗនេះបានចេញសេចក្តីថ្លែងការណ៍មួយដោយជំរុញ ឱ្យអាជ្ញាធរស៊ើបអង្កេតការកើនឡើងនៃចំនួនអ្នកសុំទានកុមារបរទេស។ លោកបានគូសបញ្ជាក់ពីការព្រួយបារម្ភថា ការកើនឡើងអ្នកសុំទានកំពុងកេងប្រវ័ញ្ចកុមារដើម្បីទារប្រាក់ ដែលលោកថាជាការបំពានច្បាប់ទាំងអ្នកសុំទាន ដោយមិនគិតពីមនុស្សពេញវ័យ និងកុមារមានទំនាក់ទំនងគ្នា។ លោកបាននិយាយថា ការស្ទង់មតិដោយរដ្ឋបាលក្រុងបាងកក (BMA) ក្រសួងអភិវឌ្ឍន៍សង្គម និងសន្តិសុខមនុស្ស (MSDHS) និងការសិក្សានៅនឹងកន្លែងរបស់គាត់បានរកឃើញថាចំនួនអ្នកកាន់ចាននៅក្នុងតំបន់នៅតែបន្តកើនឡើង ហើយអ្នកសុំទានតែងតែនាំទារកមកជាមួយ ខ្លះយកក្មេងអាយុមួយខែដើម្បីទាញក្តីអាណិត។លោក Bhuntin បានបន្ថែមថា អ្នកសុំទានទាំងនេះភាគច្រើនអាចនៅក្នុងប្រទេសថៃដោយខុសច្បាប់ មិនថាបានស្នាក់នៅហួសទិដ្ឋាការ ឬចូលប្រទេសដោយខុសច្បាប់។ គាត់ក៏បានចង្អុលបង្ហាញថា បុគ្គលទាំងនេះជាច្រើនហាក់ដូចជាប្រតិបត្តិការជាផ្នែកមួយនៃបណ្តាញដែលបានរៀបចំ ដោយទទួលបានប្រាក់ចំណូលប្រចាំថ្ងៃពី 2,000-3,000 បាត (57-85 ដុល្លារអាមេរិក) ដោយអ្នកខ្លះថែមទាំងប្រើស្មាតហ្វូនថ្នាក់ខ្ពស់ទៀតផង។មិនត្រឹមតែប៉ុណ្ណោះ ក៏មានការត្អូញត្អែរអំពីសុវត្ថិភាពសាធារណៈផងដែរ ដោយលើកឡើងពីរបាយការណ៍នៃអ្នកទេសចរត្រូវបានគេលួចហោប៉ៅ ឬបានយករបស់មានតម្លៃរបស់ពួកគេដោយអ្នកសុំទាន។ លោក Bhuntin បានកត់សម្គាល់ថាអ្នកសុំទានទាំងនេះប្រហែលជាបានចូលប្រទេសថៃដោយខុសច្បាប់ ឬស្នាក់នៅលើសទិដ្ឋាការរយៈពេលបីខែរបស់ពួកគេ៕

(កម្សន្ត)៖ តារាសម្ដែងជើងចាស់ម្នាក់ បានបង្ហោះសារចែករំលែកពីបទពិសោធដែលត្រូវបានផលិតករមួយចំនួនតូចកេងប្រវ័ញ្ចកម្លាំងពលកម្មតួសម្ដែងចាស់ៗ និងសូមផ្ដាំផ្ញើដល់សិល្បៈករជំនាន់ក្រោយ ពេលដែលទទួលគេថតត្រូវសួរឱ្យច្បាស់ពីពេលវេលាកុំឲ្យខកចិត្តដូចខ្លួន ដែលត្រូវបានខាងផលិតកម្មភាពយន្តកេងប្រវ័ញ្ចខណៈត្រូវចាយកម្លាំងថតតាំងពីព្រឹក ទល់យប់ ហើយពីយប់ទល់ព្រឹក ប៉ុន្តែគេបែរជាបើកលុយឱ្យត្រឹមតែមួយថ្ងៃ។យ៉ាងណាមិញ យោងតាមគណនីហ្វេសប៊ុកឈ្មោះ Red Rose ដែលជាគណនីផ្ទាល់របស់តារាសម្ដែងជើងចាស់រូបនេះ បានធ្វើការបង្ហោះសំណេររៀបរាប់ដែលមានខ្លឹមសារយ៉ាងដូច្នេះថា «សូមផ្ដាំដល់បងប្អូនសិល្បៈករពេលដែលទទួលគេថតត្រូវសួរឱ្យច្បាស់ពីពេលវេលាកុំឲ្យខកចិត្តដូចខ្ញុំ ផលិតករមួយចំនួនតូចកេងប្រវាញ់លើកម្លាំងញើសឈាមតួចាស់ៗខ្លាំងណាស់ ឱ្យយើងទៅដល់ទីតាំងម៉ោង 7:30 ព្រឹកថតរហូតដល់ស្អែកឡើងម៉ោង 6:00 ព្រឹកវិញបានចប់ សុំសួរមតិបងប្អូនបន្តិចតើការគិតលុយឲ្យតែមួយថ្ងៃត្រឹមត្រូវដែរទេសូមខំមិនគាំម្នាក់មួយមក តែខ្ញុំបានប្រាប់ថាខ្ញុំសុំគិត 2ថ្ងៃតែខាងផលិតកម្មនៅតែគិតឲ្យ១ថ្ងៃដូចជាបំបាក់ទឹកចិត្តយាយចាស់តាចាស់ពេកហើយ។ ពេលតួចាស់ៗគេមិនហៅថតកាន់តែក្រគ្មានលុយទិញថ្នាំបែជានិយាយបែបមើលងាយថាចាស់ៗសុំតែជំនួយ ចុះពេលដែលហៅគាត់ថតមួយរឿងមានប៉ុន្មានថ្ងៃ?ហើយមួយថ្ងៃឲ្យគាត់ប៉ុន្មានដែរ? នេះហើយជាហេតុផលដែលតួចាស់ដូចខ្ញុំកាន់តែក្រ»។តាមរយៈការបង្ហោះមួយនេះផងដែរ ឃើញថាមានមហាជនអ្នកប្រើប្រាស់បណ្ដាញសង្គមជាច្រើនបានចាប់អារម្មណ៍ និងបង្ហាញក្ដីអាណិតចំពោះតួរសម្ដែងចាស់ៗសឹងគ្រប់គ្នា ខណៈជាមួយគ្នាខ្លះក៏បានយល់ថា ផលិតករធ្វើបែបនេះគឺមិនសមទាល់តែសោះប្រៀបដូចជាកេងកម្លាំងពលកម្មមនុស្សចាស់ពេកហើយ រហូតដល់ថ្នាក់មានអ្នកលើកឡើងសំណូមពរទៅកាន់ខាងសមាគមសិល្បៈខ្មែរ ឱ្យមានចំណាត់ការចំពោះបញ្ហាទាក់ទងនឹងរឿងកេងកម្លាំងរបស់តារាសម្ដែងជើងចាស់ទៀតផង។ទោះជាយ៉ាងណា នេះគឺជាការចែករំលែកមួយទៅកាន់មហាជនគ្រប់រូប មិនថាតែស្ថិតក្នុងវិស័យផ្សេងៗ ឬវិស័យសិល្បៈនោះឡើយ មុនពេលដែលទទួលការងារអ្វីមួយត្រូវពិភាក្សា និងសួរនាំអំពីពេលវេលាឱ្យបានច្បាស់លាស់ជាក់លាក់ ជៀសវាងមានបញ្ហាក៏ដូចជាល្អក់កករនៅពេលបើកលុយ៕

(អន្តរជាតិ)៖ សាធារណៈជនបានដឹងហើយថា លោក ដូណាល់ ត្រាំ បានស្បថចូលកាន់តំណែង ជាប្រធានាធិបតីទី៤៧របស់សហរដ្ឋអាមេរិកជាផ្លូវការរួចមក ពេលនេះប្រជាជនទូទាំងសហរដ្ឋអាមេរិក និងប្រទេសដទៃ បាននឹងកំពុងតាមដានមើលយ៉ាងដិតដល់អំពីការសន្យា និងគោលនយោបាយជាច្រើន ដែលប្រធានាធិបតីរបស់ប្រទេសមហាអំណាចរូបនេះ បានសន្យាថានឹងធ្វើក្នុងអាណត្តិទី២របស់ខ្លួន។ ថ្ងៃនេះ Swift News សូមមកជម្រាបជូនពីរឿងជាច្រើនដែលលោក ដូណាល់ ត្រាំ បានសន្យាថានឹងធ្វើ ហើយពេលនេះបានចេញជាផ្លែផ្កាក្រោយបានចូលកាន់តំណែងរួមមាន៖ ១/ លោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិលុបចោលសិទ្ធិទទួលបានសញ្ជាតិអាមេរិក ដោយស្វ័យប្រវត្តិ ចំពោះកូនរបស់ជនអន្តោប្រវេសន៍ខុសច្បាប់ ខណៈមានរដ្ឋ និងទីក្រុងប្រជាធិបតេយ្យចំនួន 24 កំពុងប្តឹងតវ៉ាចំពោះការបញ្ចប់សិទ្ធិជាពលរដ្ឋពីកំណើតនេះ២/ Donald Trump ចុះហត្ថលេខាក្រោមបញ្ជាប្រតិបត្តិទទួលស្គាល់តែពីរភេទប៉ុណ្ណោះ គឺបុរស និងស្ត្រី ខណៈបទបញ្ជានេះបញ្ច្រាសកិច្ចខិតខំប្រឹងប្រែងរបស់រដ្ឋបាលលោក Biden ៣/ លោក Trump ប្រកាសដកសហរដ្ឋអាមេរិកចេញពីអង្គការសុខភាពពិភពលោក៤/ លោក ដូណាល់ ត្រាំ បានលើកលែងទោសមនុស្សជាង១ពាន់នាក់ដែលត្រូវបានកាត់ទោសពីបទឧក្រិដ្ឋ ទាក់ទងនឹងការបះបោរនៅវិមានកាពីតូលសហរដ្ឋអាមេរិកកាលពីថ្ងៃទី ៦ ខែមករា ឆ្នាំ ២០២១ ៥/ លោក Trump បានប្រកាសបិទព្រំដែនអាមេរិក-ម៉ិកស៊ិក សម្រាប់អ្នកស្វែងរកសិទ្ធិជ្រកកោន ៦/ អនុវត្តពន្ធលើទំនិញនាំចូលពីម៉ិកស៊ិក កាណាដា និងចិន៧/ ដកអាមរិកចេញពីកិច្ចព្រមព្រៀងអាកាសធាតុទីក្រុងបារីស ៨/ បង្កើតផលិតកម្មប្រេង និងឧស្ម័ន ៩/ បង្ក្រាបជនអន្តោប្រវេសន៍ខុសច្បាប់ ទោះជាយ៉ាងណាក៏ដោយ នៅមានរឿងមួយដែលប្រធានាធិបតី Donald Trump ខកខានមិនអាចទាន់អាច សម្រេចបាននោះគឺ ការបញ្ចប់ សង្រ្គាមនៅអ៊ុយក្រែនក្នុងរយៈពេល២៤ម៉ោង គឺមិនអាចធ្វើទៅបាននោះឡើយ។ ជាការពិតណាស់ គ្មាននរណាម្នាក់ជឿថា Trump នឹងអាចបញ្ចប់ជម្លោះរយៈពេល 3 ឆ្នាំក្នុងរយៈពេល 24 ម៉ោងនោះទេ។ ប៉ុន្តែការខកខានមិនបានកំណត់កាលបរិច្ឆេទ - និងការលើកឡើងតិចតួច នៃជម្លោះក្នុងអំឡុងពេលប្រារព្ធពិធីស្បថចូលកាន់តំណែងកាលពីថ្ងៃចន្ទ របស់លោកដូណាល់ ត្រាំ៕

ហេងចូលហេងអ្នកវេងស្រេង ឱកាសពិធីបុណ្យចូលឆ្នាំចិន ប៊ូសស្រ្តងចែកអាំងប៉ាវ 5555 ក្នុងមហាព្រឹត្តិការណ៍ គាស់ប៊ូសស្រ្តងឈ្នះអាំងប៉ាវប្ដីល្អ ម៉ូតូថ្មី និងរង្វាន់លុយសុទ្ធជាច្រើនរង្វាន់ ហើយបន្តប្រកួតបីស្រ្តីឈ្នះម៉ូតូថ្មី នៅថ្ងៃទី26 មករា 2025 ចាប់ពីម៉ោង9 ព្រឹកតទៅ នៅបរិវេណផ្សាររាត្រី 24ម៉ោង លើមហាវិថីវេងស្រេង រាជធានីភ្នំពេញ។ ប៊ូសស្រ្តង ជាក្រុមហ៊ុនភេសជ្ជៈប៉ូវកម្លាំងដែលចិត្តល្អជាងគេ ដែលតែងតែបង្កើតមហាព្រឹត្តិការណ៍សប្បាយៗឈ្នះរង្វាន់ច្រើនៗជួយសម្រួលជីវភាព បង្កើនក្ដីស្រលាញ់ និងបង្ហាញភាពកតញ្ញូ ហើយថ្ងៃទី26 មករានេះ ប៊ូសស្រ្តងរៀបចំមហាព្រឹត្តិការណ៍ដ៏ធំ2ក្នុងពេលតែ1 ចាប់ពីម៉ោង 9ព្រឹក គាស់ប៊ូសស្រ្តងឈ្នះអាំងប៉ាវ រហូតដល់ 5ល្ងាច ចាប់ផ្ដើមព្រឹត្តិការណ៍បីស្រ្តីឈ្នះម៉ូតូថ្មី។ ដូច្នេះបងប្អូនកុំភ្លេចណាត់គ្នាចូលរួមឱ្យបានច្រើនកុះករមកគាស់ប៊ូសស្រ្តងយកអាំងប៉ាវពីប៊ូសស្រ្តង និងបីមនុស្សជាទីស្រលាញ់យកម៉ូតូថ្មីទៅផ្ទះវិញ។ ផឹកប៊ូសស្រ្តង ឆ្ងាញ់ជាង! ប៊ូសស្រ្តងរង្វាន់ច្រើន ឆ្ងាញ់ជាងគេ! បងប្អូនទិញ Boostrong គឺមានចំណែកបង្កើតមហាព្រឹត្តិការណ៍គាស់ប៊ូសស្រ្តងឈ្នះអាំងប៉ាវប្ដីល្អនេះឡើង។ ​

(អន្តរជាតិ)៖ ប្រធានាធិបតីអាមេរិក លោក ដូណាល់ ត្រាំ បាននិយាយថា លោកកំពុងពិចារណាដាក់ ពន្ធបន្ថែម 10 ភាគរយលើការនាំចូលពីប្រទេសចិន ដែលចាប់ផ្តើមពីថ្ងៃទី 1 ខែកុម្ភៈតទៅ។ កាលបរិច្ឆេទនេះ ដូចគ្នាទៅនឹងកាលបរិច្ឆេទ ដែលលោកកំពុងពិចារណាដាក់ពន្ធ 25 ភាគរយលើការនាំ ចូលពីម៉ិកស៊ិក និងកាណាដា។លោក Trump បាននិយាយថា "យើងកំពុងនិយាយអំពីពន្ធ 10 ភាគរយលើប្រទេសចិន ដោយផ្អែក លើការពិតដែលថា ពួកគេកំពុងបញ្ជូន fentanyl ទៅកាន់ម៉ិកស៊ិក និងកាណាដា" ។សហរដ្ឋ​អាមេរិក​ត្រូវ​បាន​ញាំញី​ដោយ​ការ​រាតត្បាត​នៃ​ការ​ប្រើ​ប្រាស់​ថ្នាំ​ Fentanyl លើស​កម្រិត។ ថ្នាំនេះត្រូវបានគេនិយាយថា ផលិតដោយប្រើប្រាស់វត្ថុធាតុដើមដែលផលិតដោយប្រទេសចិន ហើយបានរត់ពន្ធចូលសហរដ្ឋអាមេរិក។លោក Trump បាននិយាយថា ទីក្រុងប៉េកាំងបានធ្វើតិចតួច ដើម្បីបញ្ឈប់ការផលិត និងការនាំចេញ វត្ថុធាតុដើម។ប្រធានាធិបតី​ថ្មី​ក៏​បាន​បង្ហើប​ដែរ​ថា រដ្ឋបាល​របស់​លោក​កំពុង​ពិភាក្សា​អំពី​ការ​ដាក់​ពន្ធ​លើ​សហភាព​អឺរ៉ុប ផងដែរ។លោក Trump ទើបតែចូលកាន់តំណែងបានមួយថ្ងៃប៉ុណ្ណោះ ប៉ុន្តែលោកបានបញ្ជាក់យ៉ាងច្បាស់ថា លោកនឹងប្រើប្រាស់ពន្ធគយជាឧបករណ៍ក្នុងការចរចាជាមួយប្រទេសដទៃទៀត៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតឱ្យ លោកស្រី Rosemarie P. Rafael ប្រធានក្រុមប្រឹក្សាធុរកិច្ចស្រ្តីហ្វីលីពីន និង គណៈប្រតិភូតំណាងក្រុមហ៊ុនដែលជាសមាជិកក្រុមប្រឹក្សាធុរកិច្ចស្រ្តីហ្វីលីពីន ចំនួន ២៧រូប ក្នុងជំនួបសម្តែងការគួរសម និងពិភាក្សារការងារនៅវិមានសន្តិភាព ។ក្នុងឱកាសនៃជំនួប, លោកស្រី Rosemarie P. Rafael បានគោរពជម្រាបជូនសម្ដេចបវរធិបតីអំពីសមាសភាពគណៈប្រតិភូនៃដំណើរទស្សនកិច្ចមកកម្ពុជានាពេលនេះ ដែលមានថ្នាក់ដឹកនាំស្ត្រី និងជាធុរជនហ្វីលីពីន ចំនួន៣៥រូប ជាសមាជិកនៃក្រុមប្រឹក្សាធុរកិច្ចស្ត្រីហ្វីលីពីនដែលកំពុងមានប្រតិបត្តិការអាជីវកម្មក្នុងវិស័យជាច្រើន។ ជាមួយគ្នានោះ លោកស្រីប្រធានក្រុមប្រឹក្សាបានគោរពជម្រាបជូនសម្ដេចបវរធិបតីថា គណៈប្រតិភូនឹងចូលរួមវេទិកាធុរកិច្ចដែលសហការរៀបចំឡើងដោយក្រុមប្រឹក្សាធុរកិច្ចស្ត្រីហ្វីលីពីននិងក្រសួងពាណិជ្ជកម្មកម្ពុជា។ ក្នុងឱកាសនោះដែរ, គណៈប្រតិភូ បានបង្ហាញចំណាប់អារម្មណ៍វិនិយោគលើវិស័យសំខាន់ៗជាច្រើននៅកម្ពុជា ក្នុងនោះរួមមាន៖ វិស័យកសិកម្ម (ឧស្សាហកម្មស្រូវអង្ករ), អាកាសចរណ៍, ទេសចរណ៍, យានយន្ត, អប់រំ, សុខាភិបាល, ដឹកជញ្ជូន និងឡូជីស្ទីក, អាជីវកម្មលក់រាយ និង កម្មន្ដសាល ព្រមទាំងបានបង្ហាញបំណងស្វែងរកកិច្ចសហការជាមួយសហគ្រិនជាស្ត្រីនៅកម្ពុជា ពាក់ព័ន្ធនឹងការពង្រឹងជំនាញវិជ្ជាជីវៈ, ការផ្លាស់ប្ដូរបទពិសោធន៍ និងឧត្តមានុវត្តន៍ល្អៗ ការកសាងសមត្ថភាពជាដើម។ ជាការឆ្លើយតប, សម្ដេចបវរធិបតី បានវាយតម្លៃខ្ពស់ចំពោះសកម្មភាពការងារ និងការជួយលើកកម្ពស់តួនាទីស្ត្រីក្នុងវិស័យធុរកិច្ចរបស់ក្រុមប្រឹក្សា ព្រមទាំងបានស្វាមគមន៍ចំពោះចំណាប់អារម្មណ៍របស់ក្រុមប្រឹក្សាធុរកិច្ចក្នុងការស្វែកឱកាសវិនិយោគ និងពាណិជ្ជកម្ម នៅកម្ពុជា និងបង្ហាញនូវក្ដីសោមនស្សរីករាយចំពោះការរៀបចំវេទិកាធុរកិច្ចនៅកម្ពុជានាពេលនេះ ក៏ដូចជាការរៀបចំវេទិកាធុរកិច្ចនៅហ្វីលីពីន នាពេលខាងមុខ ហើយសម្ដេចបានគូសបញ្ជាក់ថា វេទិកាធុរកិច្ចទាំងនេះនឹងជួយតភ្ជាប់ទំនាក់ទំនងរវាងធុរជន ឬវិនិយោគិននៃប្រទេសទាំងពីរ និងជួយបង្កើតកាលានុវត្តភាពបន្ថែម សម្រាប់ការវិនិយោគជាដើម។ សម្ដេចបវរធិបតីបានបន្ថែមទៀតថា រាជរដ្ឋាភិបាលកម្ពុជាតែងតែយកចិត្តទុកដាក់ចំពោះភាពជោគជ័យរបស់វិស័យឯកជន តាមរយៈការដាក់ចេញគោលនយោបាយគាំទ្រ និងវិធានការលើកទឹកចិត្តនានាសម្រាប់ការវិនិយោគ និងការធ្វើធុរកិច្ចនៅក្នុងកម្ពុជា។ បន្ថែមលើសនេះ, សម្ដេចបវរធិបតីលើកឡើងថា នៅកម្ពុជា តួនាទីរបស់ស្ត្រីក្នុងវិស័យធុរកិច្ចក៏បាន និង កំពុងវិវត្តរីកចម្រើនគួរឱ្យកត់សម្គាល់ ហើយការអភិវឌ្ឍសង្គម-សេដ្ឋកិច្ចអាចរីកលូតលាស់ទៅបាន លុះត្រាតែមានការចូលរួមពីពហុវិស័យ ដើម្បីធានា និងជំរុញសន្ទុះនៃកំណើនសេដ្ឋកិច្ចជាតិ៕

(អន្តរជាតិ)៖ អតីតប្រធានាធិបតីអាមេរិក លោក បារ៉ាក់ អូបាម៉ា និងភរិយា មីសែល អូបាម៉ា ត្រូវបានគេ រាយការណ៍ថា កំពុងស្ថិតក្នុងដំណាក់កាលដ៏លំបាកមួយនៅក្នុងទំនាក់ទំនងរបស់ពួកគេ។ មានគេ​អះអាង​ថា គូស្នេហ៍​មួយ​គូ​នេះ​ឥឡូវ រាប់អានគ្នា​ប្រៀប​ដូច​ជា​មិត្តភ័ក្ដិ​ ក្រោយ​រៀបការ​ជាង​បី​ទសវត្សរ៍​មក​ហើយ ដោយ​មាន​ពាក្យ​ចចាមអារ៉ាម​អំពី​ទំនាក់​ទំនង​រវាងលោក Barack និង​តារា​សម្ដែង Jennifer Aniston ដោយបន្ថែម​ភាព​តានតឹង​ដល់​ចំណង​ស្នេហ៍​របស់​លោក និងភរិយា។ពាក្យចចាមអារ៉ាមអំពីបញ្ហារវាងលោក Obamas បានកើតឡើង នៅពេលដែល Michelle Obama បដិសេធមិនបង្ហាញខ្លួនជាមួយលោក Barack Obama ក្នុងព្រឹត្តិការណ៍នានា។ ពាក្យ​ចចាមអារ៉ាម​ក៏​បាន​លេច​ឡើង​ដែរ​ថា តារា​សម្ដែង Jennifer Aniston បាន​ណាត់​ជួប​ជាមួយ​លោក Barack Obama បាន​លេច​ចេញ​ជា​ថ្មី​នៅ​លើ​បណ្ដាញ​សង្គម។ ការភ្ជាប់ទំនាក់ទំនងនេះ មិនមែនជារឿងថ្មីទេ ខណៈដែល ទស្សនាវដ្តីមួយបានធ្វើរឿងលើគម្រប អំពីរឿងចចាមអារ៉ាមនេះដែលមានចំណងជើងថា 'The Truth About Jen & Barack!'។តើលោក Barack Obama ណាត់ជួបជាមួយ Jennifer Aniston ដែរឬទេ?ការរំពឹងទុកនេះបានទទួលការចាប់អារម្មណ៍នាពេលថ្មីៗនេះ នៅពេលដែលលោក Barack អាយុ 63 ឆ្នាំបានចូលរួមពិធីបុណ្យសពរបស់អតីតប្រធានាធិបតី Jimmy Carter ដោយគ្មានលោកស្រី Michelle អាយុ 61 ឆ្នាំ ដែលបង្កឱ្យមានសំណួរអំពីជីវិតឯករាជ្យរបស់ពួកគេកាន់តែខ្លាំងឡើង ហើយនៅថ្ងៃសម្ពោធឡើង កាន់តំណែងរបស់ដូណាល់ ត្រាំ គេក៏មិនបានឃើញវត្តមានលោកស្រី Michelle ចូលរួមដែរ។ ខណៈពេលដែលលោក Obamas ត្រូវបានគេចាត់ទុកជាគូស្វាមីភរិយាគំរូមួយរូបនោះ ប្រភពព័ត៌ មានបានបង្ហាញថា អាពាហ៍ពិពាហ៍របស់ពួកគេបានប្រឈមមុខនឹងសម្ពាធកាន់តែខ្លាំង។យោងតាមរបាយការណ៍ Jennifer Aniston បានជួបលោក Barack Obama ជាលើកដំបូង និងលើកទីមួយ ក្នុងឆ្នាំ 2007 នៅក្នុងពិធីជប់លៀងរបស់តារាហូលីវូដ។ Jennifer Aniston បាននិយាយថា "ខ្ញុំបានជួបគាត់ [អូបាម៉ា] ម្តង។ ខ្ញុំស្គាល់ Michelle ច្រើនជាងគាត់" ។ ឆ្លើយតបទៅនឹងពិធីករលោក Jimmy Kimmel បានសួរនាង Jen បាន​និយាយ​ថា៖ «ទំនាក់ទំនងនាងជាមួយ លោកអូបាម៉ា នោះ​មិន​ពិត​ទេ។តើពាក្យចចាមអារ៉ាម Barack Obama និង Jennifer Aniston ត្រូវបានគេរាយការណ៍ថា បានចាប់ផ្តើមនៅក្នុងខែតុលា 2022 នៅពេលដែលពាក្យចចាមអារ៉ាមបានភ្ជាប់ Barack ទៅ Aniston អាយុ 55 ឆ្នាំ។ ទោះបីជា Aniston ខ្លួនឯងបានច្រានចោលការអះអាងនេះថា "មិនពិត" ក៏ដោយ  ការជជែកគ្នា អំពីនេះត្រូវបានរាយការណ៍ថា បានធ្វើឱ្យ Michelle មានអារម្មណ៍ថា ត្រូវបានគេក្បត់៕

(អន្តរជាតិ)៖ សាលារៀនជាច្រើនក្នុងទីក្រុងបាងកកត្រូវបានបង្ខំឱ្យបិទ ដោយសារតែកម្រិតខ្ពស់នៃ PM2.5 ដែលជាភាគល្អិតគ្រោះថ្នាក់នៅលើអាកាស។ នេះបើយោងតាមការចុះផ្សាយរបស់សារព័ត៌មានVN express នៅថ្ងៃទី ២២ ខែមករា ឆ្នាំ២០២៥។ បើយោងតាមកាសែតបាងកកប៉ុស្តិ៍ សង្កាត់ Nong Khaem កំហាប់ខ្យល់ពុល PM2.5 ឈានដល់ 77.8 នៅពេលថ្ងៃត្រង់ ដែលជាកម្រិត កើនឡើងទ្វេដង ពីកម្រិតដែលត្រូវបានចាត់ទុកថាមានសុវត្ថិភាព ដោយនាយកដ្ឋានត្រួតពិនិត្យ ការបំពុលរបស់ប្រទេសថៃ។លោក Nanthaya Khiewsawang ជំនួយការសាលាស្រុកបាននិយាយថា ជាលទ្ធផល សាលារៀន ចំនួនពីរនៅក្នុងសង្កាត់ត្រូវបានបិទ។ សាលា​ Wat Udom Rangsi ​មាន​សិស្ស​ចំនួន​២១៥២​នាក់ ​បាន​ប្រកាស​ថា​នឹង​បើក​វិញ​នៅ​ថ្ងៃ​ព្រហស្បតិ៍ ​ប្រសិនបើ​គុណភាព​ខ្យល់​មាន​ភាព​ប្រសើរ​ឡើង។ ទន្ទឹមនឹងនោះ សាលា Pracha Bamrung ដែលមានសិស្សចំនួន ១១៥១ នាក់ បាននិយាយថា ខ្លួនគ្រោងនឹងបើក ដំណើរការឡើងវិញនៅថ្ងៃពុធនេះ អាស្រ័យលើលក្ខខណ្ឌអាកាស។សាលារៀនចំនួនបួនផ្សេងទៀតនៅក្នុងស្រុកបានប្តូរទៅថ្នាក់រៀនអនឡាញ កាលពីថ្ងៃអង្គារ ដើម្បី កាត់បន្ថយការប៉ះពាល់នឹងខ្យល់អាកាសដ៏គ្រោះថ្នាក់។រដ្ឋបាលក្រុងបាងកក (BMA) បានណែនាំអ្នកស្រុកឱ្យធ្វើការពីផ្ទះ និងត្រូវធ្វើដំណើរតាមមធ្យោបាយ ដឹកជញ្ជូន សាធារណៈ ដោយសារតែកម្រិតនៃការបំពុលធ្ងន់ធ្ងរ។នៅទូទាំងប្រទេស 64 នៃខេត្ត ចំនួន 76 របស់ប្រទេសថៃ បានរាយការណ៍ថាមានការកើនឡើងកម្រិត PM2.5 កាលពីថ្ងៃច័ន្ទ ដោយតំបន់ខ្លះឃើញថាមានកំហាប់លើសពី 90 μg/m³៕

(បាងកក)៖ យោងតាមមន្ត្រីជាន់ខ្ពស់គ្រឿងញៀនបាននិយាយថា អាជ្ញាធរថៃបានស្ទាក់ចាប់បានថ្នាំញៀន ប្រភេទមេតំហ្វេតាមីនគ្រីស្តាល់ជាង ១តោនកន្លះ នៅក្នុងការរឹបអូសគ្រឿងញៀនខុសច្បាប់។ការដឹកជញ្ជូន ដែលអាជ្ញាធរបាននិយាយថា ត្រូវបានបញ្ជូនពីទ្វីបអាហ្រ្វិក ឆ្លងកាត់ប្រទេសឥណ្ឌា ហើយត្រូវបានភ្ជាប់ទៅនឹងអឺរ៉ុប សហរដ្ឋអាមេរិក ឬអូស្ត្រាលី ត្រូវបានរកឃើញនៅឃ្លាំងមួយ ក្នុងទីក្រុងបាងកក បន្ទាប់ពីព័ត៌មានជំនួយ។បុរស៤នាក់ត្រូវបានចាប់ខ្លួននៅកន្លែងកើតហេតុ។យោងតាមលោក Phanurat Lukboon អគ្គលេខាធិកាការិយាល័យត្រួតពិនិត្យគ្រឿងញៀនបានឲ្យដឹងថា នៅឃ្លាំងនេះ សមត្ថកិច្ចបានរកឃើញថ្នាំញៀនប្រភេទមេតំហ្វេតាមីន ទម្ងន់ប្រហែល ១.៦៥តោន លាក់ទុកក្នុងសំបកកប្បាស។លោក Phanurat បានប្រាប់ AFP ថា៖ «វាជាលើកទីមួយហើយដែលយើងរឹបអូសបានថ្នាំមេតំហ្វេតាមីនក្នុងបរិមាណដ៏ច្រើនបែបនេះ។មន្ត្រីបានបដិសេធមិននិយាយថាការដឹកជញ្ជូននេះមានតម្លៃប៉ុន្មានទេ ប៉ុន្តែការរឹបអូសបានថ្នាំញៀនគ្រីស្តាល់មួយតោនកាលពីខែឧសភាឆ្នាំមុនមានតម្លៃ ២៥ លានដុល្លារអាមេរិក។ព្រះរាជាណាចក្រនេះ គឺជាផ្លូវឆ្លងកាត់ដ៏សំខាន់មួយសម្រាប់គ្រឿងញៀនខុសច្បាប់ដែល ផលិតនៅក្នុងតំបន់ "ត្រីកោណមាស" ដែលភាគខាងជើងប្រទេសថៃ ឡាវ និងមីយ៉ាន់ម៉ាជួបគ្នា៕

(ភ្នំពេញ)៖ ព្រឹកថ្ងៃទី២១ ខែមករា ឆ្នាំ២០២៥ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានអញ្ជើញដឹកនាំកិច្ចប្រជុំពិគ្រោះយោបល់ស្ដីពី ផែនការអភិវឌ្ឍន៍វិស័យទេសចរណ៍ខេត្តកំពង់ធំ។ កិច្ចប្រជុំនេះ មានការអញ្ជើញចូលរួមពីសំណាក់ឯកឧត្តមទេសរដ្ឋមន្ត្រី ថោង ខុន, ថ្នាក់ដឹកនាំក្រសួងទេសចរណ៍, ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៃទីស្តីការគណៈរដ្ឋមន្រ្តី, ឯកឧត្តម នួន ផារ័ត្ន អភិបាលនៃ គណៈអភិបាលខេត្តកំពង់ធំ និងសហការី និងបណ្ឌិត គី សេរីវឌ្ឍន៍ ប្រធានក្រុមការងារៀបចំផែនការអភិវឌ្ឍន៍វិស័យទេសចរណ៍ខេត្តកំពង់ធំ ព្រមទាំងថ្នាក់ដឹកនាំនិងមន្ត្រីជំនាញពាក់ព័ន្ធមួយចំនួនទៀត។ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានមានប្រសាសន៍ថា ការរៀបចំផែនការអភិវឌ្ឍន៍ វិស័យទេសចរណ៍ខេត្តកំពង់ធំ មានគោលដៅលើកកម្ពស់ជីវភាពរស់នៅប្រចាំថ្ងៃរបស់ប្រជាជន តាមរយៈការបង្កើនប្រាក់ចំណូល, ការបង្កើតការងារ និងមុខរបរថ្មីបន្ថែមទៀត ជូនបងប្អូនប្រជាពលរដ្ឋខេត្តកំពង់ធំ និងធ្វើពិពិធកម្មមូលដ្ឋានកំណើនសេដ្ឋកិច្ចខេត្តកំពង់ធំ ក្រៅពីវិស័យកសិកម្ម និងកសិ-ឧស្សាហកម្ម។ ឯកឧត្តមឧបនាយករដ្ឋមន្ត្រីប្រចាំការបានបន្តថា ដោយសារខេត្តកំពង់ធំស្ថិតនៅចំចំណុចកណ្ដាលនៃប្រទេសកម្ពុជា និងមានសក្ដានុពលទាក់ទាញជាច្រើន ទាំងផ្នែកវប្បធម៌ ប្រវត្តិសាស្ត្រ និងធម្មជាតិដ៏សម្បូរបែប, ដូចនេះ ការរៀបចំផែនការអភិវឌ្ឍន៍វិស័យទេសចរណ៍សម្រាប់ខេត្តនេះ ពិតជាមានភាពចាំបាច់ណាស់ ដើម្បីបង្កើនតម្លៃបន្ថែម និងបន្ថែមសក្ដានុពលនៃការទាក់ទាញភ្ញៀវទេសចរ ទាំងក្នុងស្រុក និងបរទេស។ ប្រការនេះនឹងជួយធ្វើឱ្យខេត្តកំពង់ធំលែងគ្រាន់តែជាកន្លែងភ្ញៀវឆ្លងកាត់ ឬទៅហួសមកហួសដូចមុន ពោលគឺខេត្តកំពង់ធំនឹងក្លាយជាខេត្តគោលដៅកម្សាន្តអន្តរខេត្តទី១ មុននឹងទេសចរទៅដល់ខេត្តសៀមរាប ឬខេត្តព្រះវិហារ ឬក៏ដល់ភ្នំពេញ ឬជាខ្សែច្រវាក់គោលដៅទេសចរណ៍មួយ តាមទិសពីភ្នំពេញទៅសៀមរាប-អង្គរ ឬពីសៀមរាប-ភ្នំពេញ ឬក៏ភ្ជាប់ទៅគោលដៅទេសចរណ៍ផ្សេងៗទៀត។ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត ក៏បានចង្អុលទិសដៅអាទិភាពមួយពាក់ព័ន្ធនឹងការរៀបចំផែនការអភិវឌ្ឍន៍វិស័យទេសចរណ៍ខេត្តកំពង់ធំ សម្រាប់អនុវត្តក្នុងរយៈពេល ៣ ឬ ៤ឆ្នាំ និងបានផ្តល់ការណែនាំឱ្យបង្កើតក្រុមការងារចំនួន ២ ដោយក្រុមការងារទី១ ធ្វើការសិក្សារៀបចំផែនការអភិវឌ្ឍន៍តំបន់សំបូរព្រៃគុក ដែលមានសក្តានុពលខ្ពស់ខាងផ្នែកវប្បធម៌ ប្រវត្តិសាស្រ្ត និងធម្មជាតិ ដោយត្រូវថ្ពក់ជាមួយសហគមន៍ និងតំបន់សក្តានុពលទេសចរណ៍ជុំវិញផ្សេងទៀត ឱ្យក្លាយជាផែនការអភិវឌ្ឍន៍ពហុទេសចរណ៍។ ចំពោះក្រុមការងារទី២ ធ្វើការសិក្សារៀបចំផែនការអភិវឌ្ឍន៍តំបន់ក្នុងក្រុងស្ទឹងសែន ឱ្យមានលក្ខណៈរស់រវើក និងកាន់តែទាក់ទាញបន្ថែម តាមរយៈការបង្កើតផលិតផលទេសចរណ៍ថ្មីៗបន្ថែមទៀត ដូចជា៖ ផ្សាររាត្រី និងការជិះទូកគយគន់ទេសភាពជាដើម។ល។ ក្រៅពីនេះ ត្រូវតម្រង់ការសិក្សា និងរៀបចំឡើងវិញនូវរមណីយដ្ឋាន និងតំបន់ទេសចរណ៍ផ្សេងៗទៀតជាបន្តបន្ទាប់តាមក្រោយ ដូចជា៖ ការរៀបចំអភិវឌ្ឍន៍តំបន់ភ្នំសន្ទុកឱ្យក្លាយជាគោលដៅទេសចរណ៍ដ៏ទាក់ទាញខាងផ្នែកសាសនា, តំបន់ព្រៃប្រស់, សួនទឹកបឹងសំរិទ្ធ, តំបន់ព្រៃលិចទឹកបឹងទន្លេសាប និងតំបន់សហគមន៍ចន្ទី ព្រមទាំងសកម្មភាពទាក់ទាញមួយចំនួនទៀត ដូចជាការរៀបចំវត្តគំរូ, មជ្ឈមណ្ឌលវិបស្សនា និងការដាំដើមឈើជាដើម។ ក៏ប៉ុន្តែការរៀបចំផលិតផលទេសចរណ៍ទាំងនេះ ក៏ត្រូវភ្ជាប់ការគិតគូរដល់ទិដ្ឋភាពទេសចរណ៍សុខភាព (wellness tourism) និងគុណតម្លៃនៃវប្បធម៌ប្រពៃណី ស្ថានភាពធម្មជាតិរបស់សហគមន៍មូលដ្ឋានផងដែរ។ក្នុងឱកាសនោះដែរ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត ក៏បានផ្តល់នូវអនុសាសន៍មួយចំនួនដល់ក្រុមការងារ និងអាជ្ញាធរខេត្ត យកទៅគិតគូរបន្ទាន់ចំពោះមុខ ដូចជាការរៀបចំមុខម្ហូបដែលមានរសជាតិឆ្ងាញ់ និងមុខទំនិញដែលប្លែក (ក្រៅពីចន្ទី) តែជាលក្ខណៈសម្គាល់ពិសេសសម្រាប់ខេត្តកំពង់ធំ សម្រាប់បម្រើ និងលក់ជូនភ្ញៀវ និងអ្នកដំណើរទូទៅដែលឆ្លងកាត់ និងការបណ្តុះបណ្តាល។ ក៏ប៉ុន្តែត្រូវយកចិត្តទុកដាក់ខ្ពស់ទៅដល់បញ្ហាតម្លៃ, ភាពស្អាត, គុណភាព និងអនាម័យ ព្រមទាំងសេវា។បន្ទាប់ពីបានធ្វើការពិភាក្សាយ៉ាងផុលផុសរួចមក អង្គប្រជុំបានផ្តល់ការណែនាំឱ្យក្រុមការងាររៀបចំកែសម្រួលសេចក្ដីព្រាងផែនការនេះឡើងវិញ ដោយត្រូវកំណត់ឱ្យបានច្បាស់លាស់នូវផែនការយុទ្ធសាស្ត្រ,ផែនការសកម្មភាព, ស្ថាប័នអនុវត្ត និងយន្តការតាមដានការអនុវត្ត ស្របតាមស្មារតីអង្គប្រជុំ រួចធ្វើការពិនិត្យចុងក្រោយ ដើម្បីរៀបចំស្នើសុំការអនុម័តពីក្រសួងទេសចរណ៍៕

(ញូវយ៉ក)៖ ប្រធានាធិបតីអាមេរិក លោក ដូណាល់ ត្រាំ បាននិយាយថា សហរដ្ឋអាមេរិកនឹង ចាកចេញពីអង្គការសុខភាពពិភពលោក ដោយនិយាយថា ទីភ្នាក់ងារសុខភាពពិភពលោកបានគ្រប់គ្រង មិនបានល្អលើជំងឺរាតត្បាត COVID-19 និងវិបត្តិសុខភាពអន្តរជាតិផ្សេងទៀត។លោក Trump បាននិយាយថា WHO បានបរាជ័យក្នុងការធ្វើសកម្មភាពដោយឯករាជ្យពី "ឥទ្ធិពល នយោបាយមិនសមរម្យនៃរដ្ឋជាសមាជិករបស់ WHO" ហើយទាមទារ "ការបង់ប្រាក់ដែលមិន សមហេតុផល" ពីសហរដ្ឋអាមេរិក ដែលមិនសមាមាត្រទៅនឹងការចំណាយដែលផ្តល់ ដោយប្រទេសធំៗ ផ្សេងទៀត ដូចជាប្រទេសចិនជាដើម។WHO មិន​បាន​ឆ្លើយ​តប​ភ្លាមៗ​ចំពោះ​សំណើ​សុំ​ការ​អត្ថាធិប្បាយ​ទេ៕