(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជាវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងរៀបចំវេទិកាការងារ និងឱកាសកម្មសិក្សាការងារ នៅថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥ ខាងមុខនេះ ដោយនាំយកក្រុមហ៊ុនធំៗចំនួន១០ ដើម្បីផ្តល់ឱកាសការងារថ្មីបន្ថែមទៀតចំនួន១៥៣៦ កន្លែង សម្រាប់យុវជន សិស្ស/និស្សិត និងអ្នកកំពុងស្វែងរកការងារធ្វើ។ក្រុមហ៊ុនធំៗទាំង១០ ដែលនឹងចូលរួមក្នុងវេទិកាការងារនេះមានដូចជា៖ គ្រឹះស្ថានមីក្រូហិរញ្ញវត្ថុ ជេកស៍ (ខេមបូឌា) ម.ក, ក្រុមហ៊ុន ត្រាំ ហ្វីតនេស ឯ.ក , ក្រុមហ៊ុនហ្គោលហ្វាយនេនសល់គ្លូប៊លអ៊ិនវេសម៉ិន, ក្រុមហ៊ុន ក្រៀលកម្ពុជា, ក្រុមហ៊ុន Mengly J Quach Education Plc, ក្រុមហ៊ុន ហ៊ួស៊ីន អ៊ិនធើណេសិនណល ស្គូល(ខេមបូឌា), ក្រុមហ៊ុន ICE Electronics ,គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី, ក្រុមហ៊ុន អាយឃែរ ល៉ីស៊ីង, ក្រុមហ៊ុន មីស្ទីន (ខេមបូឌា) MISTINE (CAMBODIA), ក្រុមហ៊ុន អេ ជី ប៊ី ខនសាល់ធីង ឯ.ក។លោក ហេម ប៊ុណ្ណារិទ្ធិ មន្ត្រីជ្រើសរើសបុគ្គលិកជាន់ខ្ពស់ នៃគ្រឹះស្ថានមីក្រូហិរញ្ញវត្ថុ AMK លើកឡើងថា AMK នឹងនាំយកនូវឱកាសការងារជាច្រើនមុខតំណែងនៅថ្ងៃទី២៧ ខាងមុខនេះ ដែលក្នុងនោះមានទាំងត្រូវការបទពិសោធន៍ និងមិនត្រូវការបទពិសោធន៍។ មន្ត្រីជ្រើសរើសបុគ្គលិកជាន់ខ្ពស់រូបនេះ ក៏បានអំពាវនាវដល់យុវជន សិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារ សូមយកប្រវត្តិរូបសង្ខេប (CV) ដើម្បីដាក់ពាក្យ និងសម្ភាសផ្ទាល់ជាមួយ AMK និងតំណាងក្រុមហ៊ុនដទៃទៀតបាន ចាប់ពីម៉ោង ៨:០០ព្រឹក ដល់ម៉ោង ០៥:០០ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។សម្រាប់ព័ត៌មានបន្ថែម សូមទាក់ទងមជ្ឈមណ្ឌលការងាររាជធានីភ្នំពេញរបស់ទីភ្នាក់ងារជាតិមុខរបរ និងការងារ តាមរយៈលេខទូរស័ព្ទ ០១៦ ៧៨ ៦៦ ៥៥ ឬគេហទំព័រ www.nea.gov.kh និងទំព័រ facebook neakhmer (អិនអ៊ីអេ ខ្មែរ)៕

ក្រសួងសុខាភិបាល បានរកឃើញផលិតផល SUPER XL និង AMOUR មានផ្ទុកសារធាតុហាមឃាត់ Sildenafil ធ្វើឱ្យប៉ះពាល់ដល់សុខភាពធ្ងន់ធ្ងរ ឬឈានដល់ការបាត់បង់អាយុជីវិត។ នេះយោងតាមសេចក្ដីជូនដំណឹងរបស់ ក្រសួងសុខាភិបាល នៅថ្ងៃទី២៥ កុម្ភៈនេះ ។យោងតាមសេចក្ដីជូនដំណឹងរបស់ ក្រសួងសុខាភិបាល បើឱ្យដឹងថា យោងតាមការស្រាវជ្រាវរបស់ភ្នាក់ងារត្រួតពិនិត្យឱសថ និងលទ្ធផលរបស់មជ្ឈមណ្ឌលជាតិពិសោធន៍សុខាភិបាល នៃក្រសួងសុខាភិបាល បានរកឃើញថាផលិតផលចំនួន០២ មុខ ឈ្មោះ ១.SUPER XL ២.AMOUR ដែលបាន និង កំពុងផ្សព្វផ្សាយលក់តាមរយៈបណ្តាញទំនាក់ទំនងសង្គម មានផ្ទុកសារធាតុ Sildenafil ដែលជាឱសថប្រើ សម្រាប់វិបត្តិសរីរាង្គភេទបុរស។ ផលវិបាក នៃឱសថនេះ អាចបណ្តាលឱ្យមានផលប៉ះពាល់ដល់បេះដូង និង គ្រោះថ្នាក់ដល់អាយុជីវិតជាយថាហេតុទៀតផង។ បន្ទាប់ពីបានធ្វើការស្រាវជ្រាវ មន្ត្រីជំនាញ នៃក្រសួងសុខាភិបាល បានសហការជាមួយអង្គភាព និងអាជ្ញាធរ ពាក់ព័ន្ធ ចុះធ្វើនិយ័តកម្មនៅទីតាំងចំនួន ២ កន្លែង នៅរាជធានី ភ្នំពេញ ដោយបានកសាងសំណុំរឿងបញ្ជូនជនពាក់ព័ន្ធទៅតុលាការតាមនីតិវិធីផងដែរ។ដើម្បីចៀសវាងការប៉ះពាល់ដល់សុខភាពធ្ងន់ធ្ងរ ឬឈានដល់ការបាត់បង់អាយុជីវិត ក្រសួងសុខាភិបាល សូមជម្រាបជូនដល់បងប្អូនប្រជាពលរដ្ឋទាំងអស់ត្រូវបញ្ឈប់ការទិញ និងប្រើប្រាស់ផលិតផល SUPER XL និង AMOUR ទាំងនេះជាបន្ទាន់។ ទន្ទឹមនេះដែរ ក្រសួងសុខាភិបាលសូមជម្រាបជូនថា រាល់ផលិតផលជំនួយផ្លូវភេទ គ្រប់ប្រភេទ ដែលកំពុងផ្សព្វផ្សាយលក់តាមប្រព័ន្ធអនឡាញ គឺពុំមានការអនុញ្ញាតឱ្យធ្វើការផ្សព្វផ្សាយពីក្រសួង សុខាភិបាលនោះទេ ហើយតាមការស្រាវជ្រាវកន្លងមកភាគច្រើន នៃផលិតផលទាំងនោះមិនមែនជាផលិតផល បំប៉នសុខភាពនោះទេ គឺជាទូទៅមានដាក់សារធាតុឱសថសម័យ ដែលអាចធ្វើឱ្យប៉ះពាល់ធ្ងន់ធ្ងរដល់សុខភាព អ្នកប្រើប្រាស់ ឬឈានដល់បាត់បង់អាយុជីវិតទៀតផង។ ដូច្នេះ សូមបងប្អូនប្រជាពលរដ្ឋមានការប្រុងប្រយ័ត្ន និង ឈប់ជឿលើការផ្សព្វផ្សាយទាំងនោះទៀត។ក្រសួងសុខាភិបាល តម្រូវឱ្យបុគ្គលដែលនៅតែបន្តចែកចាយ ឬលក់ផលិតផលទាំង០២ខាងលើ ឬផលិតផល ជំនួយផ្លូវភេទគ្មានលេខបញ្ជីកាផ្សេងទៀត ត្រូវបញ្ឈប់ការនាំចូល ចែកចាយ ឬលក់ផលិតផលទាំងនេះជាបន្ទាន់។ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ចំពោះជនណាដែលបន្តចែកចាយ ឬលក់ផលិតផល ប៉ះពាល់សុខភាពគ្មានលេខបញ្ជីកាខាងលើ ឬផលិតផលគ្មានលេខបញ្ជីកាផ្សេងទៀត ទៅតាមច្បាប់ ស្តីពីវិសោធន កម្មច្បាប់ ស្តីពីការគ្រប់គ្រងឱសថជាធរមាន៕

(សុខភាព)៖ ជឿជាក់ថាសាធារណជនមួយចំនួនច្បាស់ជាធ្លាប់លឺអមពីការនិយាយតៗគ្នាថា ការបន្ទោរបង់មកមានឈាមក្រហម គឺសុទ្ធតែបណ្តាលមកពីជំងឺឫសដូងបាត ប៉ុន្តែមិនដូច្នេះទាំងស្រុងនោះទេនេះគឺជាផ្នត់គំនិត និងការគិតខុសដែលតែងតែមានសម្រាប់ប្រជាជនទូទៅភាគច្រើនរបស់យើងកន្លងមក ហើយយើងគួរតែព្យាយាមធ្វើការស្វែងយល់បន្ថែម និងផ្លាស់ប្ដូរចំពោះការគិតខុសមួយនេះដើម្បីជៀសវាងនូវការធ្វេសប្រហែសក្នុងការយកចិត្តទុកដាក់ថែទាំសុខភាព ឬព្យាបាលជំងឺបានទាន់ពេលវេលា។ ជាការពិតណាស់ដែលការបន្ទោរបង់មកមានឈាមក្រហម គឺមូលហេតុភាគច្រើនអាចបណ្តាលមកពីជំងឺឫសដូងបាត (Hemorrhoids bleeding) ឬអាចជាបញ្ហាផ្សេងនៅម្តុំបាតដូចជា ការដាច់រហែកភ្នាសបាត (Bleeding from anal fissure) ក៏ប៉ុន្តែយើងមិនបានដឹងទេថានៅពីក្រោយមូលហេតុទាំងពីរនេះ ក៏នៅមានមូលហេតុដ៏គ្រោះថ្នាក់ជាច្រើនទៀតដែលអាចអោយមានឈាមក្រហមពេលបន្ទោរបង់នេះផងដែរ ហើយវាអាចបង្កភាពគ្រោះថ្នាក់ធ្ងន់ធ្ងរដល់សុខភាព និងអាយុជីវិតទៀតផង។ ជាពិសេសគឺឈាមដែលបណ្តាលមកពីបញ្ហារលាកពោះវៀនធំ (Bleeding from the colon) ដែលក្នុងនោះមានមូលហេតុចម្បងៗដូចជា : ដុំសាច់មហារីក (Colon cancer), ដុំសាច់ Polyp (Colonic polyp bleeding), ដំបៅពោះវៀនធំ (Colonic ulcer), ដំបៅពោះវៀនតូច (Typhoid Fever or other infection causes to the bowel part) ជាដើម នេះបើយោងតាមការឱ្យដឹងពីមន្ទីរពេទ្យកាល់ម៉ែត្រ។ជាសារដាស់តឿនចុងក្រោយជូនដល់បងប្អូនប្រជាជនយើងទាំងអស់គ្នា ពីក្រុមវេជ្ជបណ្ឌិតឯកទេសនៃមន្ទីរពេទ្យកាល់ម៉ែត ចំពោះបញ្ហានៃការបន្ទោបង់មកមានឈាមក្រហម សូមអោយមានការប្រុងប្រយ័ត្នអោយបានខ្ពស់ និងមិនត្រូវភ័យខ្លាចក្នុងការធ្វើការពិនិត្យឆ្លុះពោះវៀនធំដើម្បីរកមូលហេតុ និង រោគវិនិច្ឆ័យនៃជំងឺអោយបានច្បាស់លាស់ ក្នុងគោលបំណងជៀសវាងភាពធ្ងន់ធ្ងរ ព្រមទាំងធ្វើការព្យាបាលបានចំគោលដៅ និងទាន់ពេលវេលាផងដែរ៕

ជាការពិតណាស់ ជារៀងរាល់ថ្ងៃ យើងសង្កេតឃើញថា ក្មេងៗមួយចំនួនធំចូលចិត្តស្ពាយកាតាបធំ ហើយធ្ងន់ៗជាងខ្លួនទៅសាលារៀន។ ដោយឃើញបែបនេះ មានម៉ាក់ប៉ាខ្លះបានលើកឡើងថា បើម្ងៃៗកូនស្ពាយកាតាបធ្ងន់ៗចឹង មិនស្រុញកម្ពស់កូនអស់ហើយទេអ៊ី? ចុះការបណ្ដោយឲ្យក្មេងស្ពាយកាតាបធ្ងន់ៗ ពិតជាអាចប៉ះពាល់ដល់ការលូតលាស់កម្ពស់មែនឬយ៉ាងណា?យ៉ាងណាមិញ ឆ្លើយតបនឹងចម្ងល់ខាងលើនេះដែរ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានបញ្ជាក់ឱ្យដឹងថា ការស្ពាយកាតាបធ្ងន់ៗ ប៉ះពាល់ទៅដល់ការលូតកម្ពស់របស់កូនបានមែន។ ក្មេងគួរតែស្ពាយកាតាបដែលមានទម្ងន់មិនលើសពី ១០-១៥% នៃទម្ងន់របស់កូន ដោយសារការស្ពាយកាតាបធ្ងន់ៗពេក បណ្ដាលឲ្យទាញទម្ងន់កូនទៅក្រោយ ជាហេតុធ្វើឲ្យឆ្អឹងខ្នងសង្កត់ចូលគ្នាខុសពីធម្មតា អាចបង្កទៅជាបញ្ហាឈឺឆ្អឹងខ្នង ស្មា ឬឈឺកជាដើម។ចំពោះក្មេងដែលប្រើស្មាតែម្ខាងស្ពាយកាតាប អាចដើរផ្អៀងខ្លួនទៅតាមទម្ងន់កាតាប បណ្ដាលឲ្យឈឺចង្កេះ ឈឺខ្នងផ្នែកខាងលើ ជាប់ស្មា ឬក…. ម៉្យាងវិញទៀត ការស្ពាយកាតាបមិនត្រឹមត្រូវក៏អាចបណ្ដាលឲ្យយើងកោងខ្នងបានដែរ។ កូនក្មេង និងមនុស្សស្រីគឺ ងាយប្រឈមនឹងបញ្ហាបង្ករឡើងដោយការស្ពាយកាតាបធំធ្ងន់ៗ ជាងទម្ងន់ និងរាងកាយរបស់ខ្លួន។ ហេតុនេះហើយ ទើបអ្នកទាំងអស់គ្នាត្រូវចេះមើលលើកាតាបកូន និងពីរបៀបដែលកូនស្ពាយ ដើម្បីចៀសវាងបញ្ហាផ្សេងៗកើតឡើង ជាមួយនឹងប៉ុន្មានចំណុចនេះ៖-ត្រូវប្រាកដថា អាអូនស្ពាយខ្សែកាតាបទាំងសងខាង-ត្រូវប្រាកដថា ខ្សែកាតាបកូនរឹតបានតឹងល្អ ពេលស្ពាយទៅកាតាបជាប់នឹងខ្នង -ត្រូវប្រាកដថា ក្នុងកាតាបកូន មានតែសៀវភៅត្រូវរៀនប្រចាំថ្ងៃចាំបាច់ប៉ុណ្ណោះ ៕

(អន្តរជាតិ) ៖ វេទិកាពាណិជ្ជកម្មអេឡិចត្រូនិករបស់ប្រទេសម៉ាឡេស៊ី ត្រូវតែបញ្ឈប់ការផ្សាយពាណិជ្ជកម្ម ដែលផ្សព្វផ្សាយការលក់ស្ករគ្រាប់ស្ករគ្រាប់ “រាងដូចគ្រាប់ភ្នែក” តាមបញ្ជារបស់ក្រសួងសុខាភិបាល បន្ទាប់ពីក្មេងប្រុសអាយុ ១០ ឆ្នាំម្នាក់បានស្លាប់ដោយសារស្លាក់ស្ករគ្រាប់នេះ ។នេះ​តាម​ការ​ណែនាំ​មុន​របស់​ក្រសួង​ ដើម្បី​ហាម​មិន​ឱ្យ​លក់​ស្ករនេះ រដ្ឋមន្ត្រីក្រសួងសុខាភិបាលលោក Dzulkefly Ahmad បាននិយាយថា ក្រសួងរបស់លោកបានកំណត់អត្តសញ្ញាណតំណភ្ជាប់ ការផ្សាយ ពាណិជ្ជកម្មចំនួន 86 នៅលើវេទិកាទិញទំនិញ Shopee និង TikTok នេះបើយោងតាមប្រព័ន្ធផ្សព្វផ្សាយ ក្នុងស្រុក។ នាយកដ្ឋានសុវត្ថិភាព និងគុណភាពចំណីអាហាររបស់ក្រសួងក៏បានណែនាំដល់វេទិការទាំងនេះ ឱ្យលុបចោលការផ្សាយពាណិជ្ជកម្ម ផងដែរ។លោក Dzulkefly បាននិយាយបន្ទាប់ពីបើកព្រឹត្តិការណ៍មួយនៅ Langkawi ថា "យើងក៏បានណែនាំ ដល់មន្រ្តី សុខាភិបាលស្រុកនៅទូទាំងប្រទេសឱ្យអនុវត្តការអនុវត្តន៍ច្បាប់ និងចាប់ផលិតផល ដែលនៅសេសសល់ដែលត្រូវបានលក់" ។ក្រសួងធ្លាប់បានប្រកាសពីការហាមឃាត់ការលក់ស្ករគ្រាប់ស្ករគ្រាប់ "រាងដូចគ្រាប់ភ្នែក" នៅលើវេទិ កាអនឡាញទាំងអស់ និងនៅក្នុងទីផ្សារក្នុងស្រុក បន្ទាប់ពីមានការស៊ើបអង្កេតបានរកឃើញថា ផលិតផល នេះបានបំពានលើតម្រូវការដាក់ស្លាកនៅក្រោមបទប្បញ្ញត្តិអាហារឆ្នាំ 1985 នៃច្បាប់ អាហារឆ្នាំ 1983 (ច្បាប់ 281) ។កុមារា Fahmi Hafiz Fakhruddin អាយុ 10 ឆ្នាំបានស្លាប់នៅបន្ទប់ថែទាំ របស់មន្ទីរពេទ្យ Penang បន្ទាប់ពីបាន ស្លាក់ស្ករគ្រាប់ពីរថ្ងៃមុន៕

(អន្តរជាតិ)៖ អាជ្ញាធរថៃបានចាប់ខ្លួនបុរសជនជាតិថៃម្នាក់ដែលប៉ុនប៉ងរត់ពន្ធសាច់ប្រាក់ចំនួន ១៥.៧ លានបាត (ប្រហែល ៤៧ម៉ឺនដុល្លារអាមេរិក) ចូលទៅក្នុងប្រទេសថៃតាមច្រកព្រំដែន Aranyaprathet កាលពីថ្ងៃអាទិត្យ ចំពេលមានការបង្រ្កាបជាបន្តបន្ទាប់លើក្រុមឆបោកតាមអ៊ិនធឺណេត ។ការចាប់ខ្លួននេះបានធ្វើឡើងបន្ទាប់ពីមានការរារាំងសន្តិសុខដោយប៉ូលិស យោធា និងមន្ត្រីគយនៅ ច្រកព្រំដែនកម្ពុជា-ថៃ ក្នុងខេត្ត Sa Kaew  ដើម្បីឆ្លើយតបទៅនឹងរបាយការណ៍ថា ក្រុមឆបោកតាម មជ្ឈមណ្ឌលហៅទូរស័ព្ទកំពុងផ្លាស់ប្តូរប្រតិបត្តិការ ពីប្រទេសមីយ៉ាន់ម៉ា មកកម្ពុជា។បុរស​ជនជាតិ​ថៃ​ដែល​គេ​ជឿថា​មាន​ដើម​កំណើត​ឥណ្ឌា​ត្រូវ​បាន​គេ​បញ្ឈប់​ពេល​ឆ្លង​កាត់​ពី​ក្រុង​ប៉ោយប៉ែត​ចូល​ប្រទេស​ថៃ​ ដោយ​កាន់​កាបូបស្ពាយ​ពណ៌​ខៀវ​ធំ​។ មន្ត្រី​បាន​ឆែកឆេរ​កាបូប​របស់​គាត់ ហើយ​បាន​រក​ឃើញ​ថា​វមាន​លុយ​ចំនួន ១៥.៧ លាន​បាត។បុរស​វ័យ​៤៧​ឆ្នាំ​ត្រូវ​បាន​គេ​ស្គាល់​អត្តសញ្ញាណ​ថា​ជា​លោក​អោម ជា​អ្នក​ក្រុង​បាងកក​បាន​អះអាង​ថា​ប្រាក់​នេះ​ជា​ប្រាក់​ឈ្នះ​របស់​គាត់​ពី​កាស៊ីណូ​ប៉ោយប៉ែត។ ទោះ​ជា​យ៉ាង​ណា មន្ត្រី​សង្ស័យ​ថា សាច់​ប្រាក់​នេះ​បាន​មក​ពី​ក្រុម​ឆបោក​ Call Center ហើយ​បាន​ចោទ​ប្រកាន់​គាត់​ពី​បទ​រត់​ពន្ធ​រូបិយ​ប័ណ្ណ​ដោយ​សារ​តែ​មិន​បាន​ប្រកាស​ចំនួន​ដ៏​ច្រើន​នោះ។លោកត្រូវ​បាន​ឃាត់ខ្លួន និង​ប្រគល់​ឱ្យ​ប៉ូលិស​អន្តោប្រវេសន៍​ខេត្ត​ស្រះកែវ ដែល​បាន​បើក​ការ​ស៊ើបអង្កេត​ដើម្បី​តាម​ដាន​ប្រភព​នៃ​ប្រាក់។ប្រទេសចិន និងថៃ បានចាប់ផ្តើមការបង្រ្កាបរួមគ្នាលើការក្លែងបន្លំមជ្ឈមណ្ឌលឆបោកតាមទូរស័ព្ទ នៅក្នុងតំបន់ព្រំដែននៃប្រទេសមីយ៉ាន់ម៉ា បន្ទាប់ពីមានការលាតត្រដាងថា ជនរងគ្រោះរាប់ពាន់នាក់មក ពីប្រទេសជាច្រើនត្រូវបានជួញដូរ និងបង្ខំឱ្យធ្វើការនៅក្នុងបរិវេណនេះ។ប្រតិបត្តិការជួយសង្គ្រោះ និងធ្វើមាតុភូមិនិវត្តន៍ជនរងគ្រោះតាមរយៈប្រទេសថៃកំពុងដំណើរការ៕

(ភ្នំពេញ)៖ ឯកឧត្ដម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ នៅមុននេះបន្តិចបានផុសផ្សាយនៅលើបណ្ដាញសង្គមហ្វេសប៊ុកផ្ញើសារទៅលោក សម រង្ស៊ី ឱ្យបញ្ឈប់ជាបន្ទាន់នូវការបញ្ចេញព័ត៌មានមិនពិត និងការចោទប្រកាន់គ្មានមូលដ្ឋានដោយបំភ្លៃក្នុងចេតនាកខ្វក់អាក្រក់ បំភាន់សាធារណជន និងទម្លាក់កំហុសជារើយៗមកលើថ្នាក់ដឹកនាំរាជរដ្ឋាភិបាលកម្ពុជា។ ឯកឧត្តម ឌី វិជ្ជា បានគូសបញ្ជាក់ថា ប្រទេសកម្ពុជា មានច្បាប់ទម្លាប់ត្រឹមត្រូវ មិនមែនធ្វើអ្វីមួយស្រេចតែការនឹកឃើញនោះទេ ល្មមៗបានហើយ៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ចូលរួមពិធី ប្រគល់សញ្ញាបត្រថ្នាក់បរិញ្ញាបត្ររង បរិញ្ញាបត្រ និង បរិញ្ញាបត្រជាន់ខ្ពស់ ជូននិស្សិតជ័យលាភីចំនួន ១ ៥១៨ អង្គ/នាក់ នៃសាកលវិទ្យាល័យសៅស៍អ៊ីសថ៍អេយសៀ ខេត្តសៀមរាប។រាជរដ្ឋាភិបាល ចាត់ទុកធនធានមនុស្សប្រកបដោយបំណិននាសតវត្សរ៍ទី២១ ជាពិសេស ផ្នែកវិទ្យាសាស្រ្ត បច្ចេកវិទ្យា និង នវានុវត្តន៍ គឺជាកត្តាជំរុញឧត្ដមភាពប្រកួតប្រជែងរបស់ប្រទេសជាតិ ។ សមត្ថភាពជំនាញទាំងនេះ ជួយឱ្យប្រជាជនបង្កើតចំណេះដឹងថ្មីៗ និង ប្រែក្លាយចំណេះដឹងទាំងនេះទៅជាការអនុវត្តប្រកបដោយនវានុវត្តន៍ ដើម្បីគាំទ្រដល់ការធ្វើអន្តរកម្មសេដ្ឋកិច្ចរបស់ប្រទេសពីការធ្វើពាណិជ្ជកម្មជាលក្ខណៈដោះដូរទំនិញ ទៅជាការធ្វើពាណិជ្ជកម្មផលិតផល និង សេវាកម្ម ដែលប្រើប្រាស់ចំណេះដឹង និង បច្ចេកវិទ្យាកម្រិតខ្ពស់ ។រាជរដ្ឋាភិបាលនៅតែបន្តកំណត់លំដាប់វិស័យអាទិភាព ក្នុងយុទ្ធសាស្រ្តបញ្ចកោណ-ដំណាក់កាលទី១ ដោយកំណត់យក «មនុស្ស» ជាអាទិភាពទី១ ហើយ «ផ្លូវ ភ្លើង ទឹក និង បច្ចេកវិទ្យា» ជាអាទិភាពបន្តបន្ទាប់ និងបានកំណត់យក «ការអភិវឌ្ឍធនធានមនុស្ស» ជាបញ្ចកោណទី១ ក្នុងចំណោមបញ្ចកោណទាំង៥៕

(កំពង់ធំ)៖ នាព្រឹកថ្ងៃចន្ទ ទី២៤ ខែកុម្ភៈ ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតី ក្នុងពិធីប្រគល់សញ្ញាបត្រថ្នាក់សញ្ញាបត្របច្ចេកទេស និងវិជ្ជាជីវៈ១,២,៣ សញ្ញាបត្រជាន់ខ្ពស់បច្ចេកទេស និងបរិញ្ញាបត្របច្ចេកទេស ជូនដល់សិស្ស និស្សិតនៃវិទ្យាស្ថានពហុបច្ចេកទេសខេត្តកំពង់ធំចំនួន ៣៥០អង្គ/នាក់។ ពិធីប្រគល់សញ្ញាបត្រជូនដល់សិស្ស និស្សិត ដែលប្រារព្ធធ្វើនៅវិទ្យាស្ថានពហុបច្ចេកទេសខេត្តកំពង់ធំ ក៏មានវត្តមានចូលរួមពី ឯកឧត្តម ផាន់ ផល្លា រដ្ឋលេខាធិការនៃក្រសួងសេដ្ឋកិច្ចនិងហិរញ្ញវត្ថុ, ថ្នាក់ដឹកនាំនៃក្រសួងការងារ និងបណ្តុះបណ្តាលវិជ្ជាជីវៈ, ឯកឧត្តម ជា វ៉ាន់ចាន់ អភិបាលរងនៃគណៈអភិបាលខេត្តកំពង់ធំ, អាជ្ញាធរមូលដ្ឋាន, តំណាងសមាគម, តំណាងក្រុមហ៊ុន, តំណាងមន្ទីរនានា, គ្រឹះស្ថានអប់រំ, នាយកវិទ្យាស្ថាន គណៈគ្រប់គ្រងវិទ្យាស្ថាន លោកគ្រូ អ្នកគ្រូ សិស្ស និស្សិតនៃវិទ្យាស្ថានពហុបច្ចេកទេសកំពង់ធំ និងសិស្សវិទ្យាល័យកំពង់ធំ សរុបជាង ១៧០០នាក់។ ឯកឧត្តម ហេង សួរ បានអបអរសាទរចំពោះសមិទ្ធផលប្រកបដោយផ្លែផ្កាដែលសិស្ស និស្សិតជ័យលាភីទាំងអស់ទទួលសញ្ញាបត្រនាពេលនេះ ដើម្បីជាគ្រឹះសម្រាប់សិស្ស និស្សិតផ្ទាល់ខ្លួន និងសម្រាប់ក្រុមគ្រួសារ សង្គមជាតិ។ សមិទ្ធផលនេះគឺជាសក្ខីភាពថ្មីមួយទៀតក្នុងការបង្ហាញឱ្យឃើញនូវការប្តេជ្ញាចិត្ត និងការយកចិត្តទុកដាក់ខ្ពស់របស់រាជរដ្ឋាភិបាលដែលមានក្រសួងការងារ និងបណ្តុះបណ្តាលវិជ្ជាជីវៈជាសេនាធិការក្នុងការពង្រឹង និងពង្រីកវិស័យអប់រំបណ្ដុះបណ្តាលបច្ចេកទេស និងការអភិវឌ្ឍធនធានមនុស្សនៅកម្ពុជា។ ឯកឧត្តមរដ្ឋមន្ត្រី បានថ្លែងបញ្ជាក់ថា ចំណុចស្នូលនៃការសិក្សារបស់ TVET គឺរៀនទ្រឹស្តីតិច ការអនុវត្តច្រើន និងចុះហាត់ការជាក់ស្តែង ក្នុងរយៈពេលខ្លី ដើម្បីអាចចេញប្រកបការងារបានឆាប់។ ទន្ទឹមនេះ កម្មវិធី TVET គឺជាកិច្ចការអាទិភាពមួយ ដែលរាជរដ្ឋាភិបាល តាមរយៈក្រសួងការងារ និងបណ្តុះបណ្តាលវិជ្ជាជីវៈ កំពុងជំរុញយ៉ាងសកម្មជាមួយនឹងមន្ត្រីថ្នាក់ជាតិ ខេត្ត ក៏ដូចជារាល់បណ្ដាគ្រឹះស្ថាន TVET នានាទូទាំងប្រទេស ដើម្បីយុវជនជំនាន់ក្រោយ ដើម្បីគ្រួសារ ដើម្បីសហគមន៍ ដើម្បីការរីកចម្រើនសេដ្ឋកិច្ចក្នុងខេត្តកំពង់ធំ និងនៅទូទាំងប្រទេស។ឯកឧត្តមរដ្ឋមន្ត្រី ក៏បានអំពាវនាវ និងលើកទឹកចិត្តដល់យុវជន ក៏ដូចជាអ្នកប្រកបរបរសេដ្ឋកិច្ចក្រៅប្រព័ន្ធ គឺអាចចាប់យកជំនាញបច្ចេកទេស និងវិជ្ជាជីវៈ ដែលផ្ដល់នូវជំនាញមួយយ៉ាងតិចប្រចាំជីវិត ស្របទៅនឹងទីផ្សារការងារកំពុងត្រូវការ, និងឱកាសការងារធ្វើ និងប្រាក់ចំណូលសមរម្យ។ ឯកឧត្តមរដ្ឋមន្ត្រី សង្ឃឹមថា តាមរយៈអគារសិក្សាថ្មីនៃវិទ្យាស្ថានពហុបច្ចេកវិទ្យាខេត្តកំពង់ធំ ដែលមានកម្ពស់៥ជាន់ បំពាក់ដោយសម្ភារៈ បរិក្ខាសិក្សាទំនើបៗ នឹងកាន់តែជំរុញគុណភាពសិក្សាជំនាញបច្ចេកទេស និងវិជ្ជាជីវៈរបស់សិស្ស និស្សិតក្នុងខេត្តកំពង់ធំ។ ក្នុងឱកាសនោះ ឯកឧត្តមរដ្ឋមន្ត្រី ក៏បានប្រកាសផ្តល់ជូនកុំព្យូទ័រចំនួន ៤០គ្រឿង ដែលជាអំណោយរបស់សម្តេចមហាបរវរធិបតី ជូនដល់វិទ្យាល័យកំពង់ធំ សម្រាប់ឱ្យគ្រូ និងសិស្សក្នុងវិទ្យាល័យនេះធ្វើការសិក្សាស្រាវជ្រាវមុខវិជ្ជាផ្សេងៗ ជាពិសេសការសិក្សាស្វែងយល់កាន់តែច្បាស់ពីវិស័យ TVET៕

(អន្តរជាតិ)៖ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានថ្លែងអំណរគុណដល់ទាហានរបស់លោក ចំពោះការរួមចំណែកដែលពួកគេបានធ្វើចំពោះការលុកលុយរបស់ប្រទេសអ៊ុយក្រែន។ លោក​ក៏​បាន​កត់​សម្គាល់​ផង​ដែរ​ថា រុស្សី​កំពុង​សម្រេច​គោលដៅ​របស់​ខ្លួន។នៅឯវិមានក្រឹមឡាំង លោកពូទីនបានថ្លែងសុន្ទរកថាក្នុងអំឡុងពេលពិធីមួយដែលធ្វើឡើង ដើម្បីប្រារព្ធ ទិវាអ្នកការពារជាតិមាតុភូមិ។លោកប្រធានាធិបតីបានថ្លែងអំណរគុណដល់ទាហានដែលបានប្រយុទ្ធនៅអ៊ុយក្រែន។ លោក​ថា ប្រទេស​មាន​មោទនភាព​ចំពោះ​ពួកគេ និង​ការ​រួមចំណែក​ដែល​ពួកគេ​បាន​ធ្វើ​ក្នុង​ការ​ការពារ​ជាតិ​មាតុភូមិ។លោកពូទីនបានបញ្ចេញសារជាវីដេអូនៅថ្ងៃដដែល។ក្នុង​នោះ លោក​បាន​និយាយថា “សព្វ​ថ្ងៃ​នេះ ខណៈ​ដែល​ពិភព​លោក​កំពុង​ផ្លាស់​ប្តូរ​យ៉ាង​រំជើប​រំជួល ដំណើរ​យុទ្ធសាស្ត្រ​របស់​យើង​ក្នុង​ការ​ពង្រឹង និង​អភិវឌ្ឍន៍​កង​កម្លាំង​ប្រដាប់​អាវុធ​នៅ​តែ​មិន​មាន​ការ​ផ្លាស់​ប្តូរ”។លោក​ក៏​បាន​និយាយ​ផង​ដែរ​ថា «​យើង​នឹង​បន្ត​កសាង​សក្តានុពល​ប្រយុទ្ធ​របស់​កងទ័ព និង​កងទ័ពជើងទឹក​»​។ លោកពូទីនបានបន្ថែមថា "អាទិភាពដាច់ខាតរបស់យើងនៅថ្ងៃនេះគឺការផ្គត់ផ្គង់ កងទ័ពដែលកំពុង ប្រយុទ្ធ នៅក្នុងប្រតិបត្តិការយោធាពិសេសជាមួយនឹងការផ្គត់ផ្គង់ និងឧបករណ៍ដែលពួកគេត្រូវការ"៕

ប្រពន្ធណាមិនយំ បើប្ដីមកពីដឹកអីវ៉ាន់ ហ៊ានធ្វើរឿងបែបនេះ ហុតក្រវិលកំប៉ុងប៊ូសស្រ្តង ថាត្រូវរង្វាន់ប្រពន្ធល្អ 1 គាត់នឹកស្មានថាប្ដីនឹងមានប្រពន្ធ1ទៀត តែលុះសើុបសួរអ្នកធ្លាប់ត្រូវ ក៏ដឹងថា រង្វាន់នេះបានលុយច្រើនណាស់។ ម្ចាស់រង្វាន់ប្រពន្ធល្អ មានឈ្មោះថា សំ រដ្ឋា អាយុ24ឆ្នាំ មុខរបរជាអ្នកដឹកអីវ៉ាន់ បច្ចុប្បន្នរស់នៅ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ បងរដ្ឋាបានប្រាប់ថា គាត់បានដឹកអីវ៉ាន់ឱ្យគេនៅខណ្ឌកំបូល មេឃក្ដៅពេក ទិញប៊ូសស្រ្តងត្រជាក់ៗ 1កំប៉ុង ស្រាប់តែគាស់ត្រូវរង្វាន់ប្រពន្ធល្អ ក៏ឆ្ងល់ មិនដឹងថាជារង្វាន់អី ក៏ផុសវីដេអូនៅកន្លែងកំពុងត្រូវ សួរគេឱ្យជួយប្រាប់ លុះពេលបានលេខទំនាក់ទំនងមកក្រុមហ៊ុន ទើបដឹងថា គាត់ត្រូវរង្វាន់ 888$ គុណនឹង2 ក៏ខំជិះម៉ូតូទៅស៊ុបប្រាយប្រពន្ធដល់ផ្ទះ ប្រពន្ធខំភ័យស្មានតែប្ដីមានប្រពន្ធ1ទៀត លុះដឹងរឿង គាត់យំតែម្ដង ព្រោះកំពុងអត់លុយផង ឥឡូវប្ដីត្រូវរង្វាន់ធំពីប៊ូសស្រ្តង។ ប៊ូសស្រ្តង ពិតជាល្បីដូចគេនិយាយមែន ទិញប៊ូសស្រ្តងផឹក រង្វាន់ច្រើនជាងគេ ឆ្ងាញ់ជាងគេ! 

(ថៃ)៖ នាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលសាធារណៈថៃ បញ្ជាក់ពីរបាយការណ៍ ស្តីពីការហាមប្រាម ការទទួលទានទឹកដោះគោឆៅ បន្ទាប់ពីរកឃើញជំងឺគ្រុនផ្តាសាយបក្សីនៅក្នុងថនិកសត្វ។បន្ទាប់ពីមានរបាយការណ៍ព្រមានប្រឆាំងនឹងការទទួលទានទឹកដោះគោឆៅ បន្ទាប់ពីជំងឺគ្រុនផ្តាសាយបក្សី ត្រូវបានរកឃើញនៅក្នុងថនិកសត្វ នាយកដ្ឋានគ្រប់គ្រងជំងឺបានបំភ្លឺថា ការផ្ទុះឡើងនៃជំងឺគ្រុនផ្តាសាយបក្សី A (H5N1) បច្ចុប្បន្នត្រូវបានរកឃើញនៅក្នុងថនិកសត្វដូចជា គោទឹកដោះ គោ ខ្លា និងជ្រូក។ នេះបង្ហាញថាមេរោគបានសម្របខ្លួនទៅនឹងថនិកសត្វផ្សេងទៀត។នៅទូទាំងពិភពលោក ជំងឺគ្រុនផ្តាសាយបក្សីចំពោះថនិកសត្វកំពុងកើនឡើង។ នៅប្រទេសជិតខាងកម្ពុជា ការឆ្លងបានធ្វើឲ្យមានរោគសញ្ញាធ្ងន់ធ្ងរ ដោយជំងឺផ្ដាសាយបក្សីមានអត្រាស្លាប់ខ្ពស់ពី ៤០-៥០%។ដោយគិតពីហានិភ័យ ប្រទេសថៃមានព្រំដែនជាប់កម្ពុជា ជាមួយនឹងការធ្វើដំណើរឆ្លងដែនញឹកញាប់ និងចលនាសត្វសម្រាប់ពាណិជ្ជកម្ម។ នេះទាមទារឱ្យមានការត្រួតពិនិត្យយ៉ាងតឹងរ៉ឹងនៅតំបន់ព្រំដែន។ កុំផឹកទឹកដោះគោឆៅ នៅប្រទេសថៃ មានប្រព័ន្ធឃ្លាំមើលជំងឺផ្ដាសាយបក្សីលើមនុស្ស សត្វ និងសត្វព្រៃ។ ការវាយតម្លៃហានិភ័យត្រូវបានធ្វើឡើងតាមរយៈការសហការរវាងនាយកដ្ឋានគ្រប់គ្រងជំងឺ នាយកដ្ឋានអភិវឌ្ឍន៍បសុសត្វ និងនាយកដ្ឋានឧទ្យានជាតិ សត្វព្រៃ និងអភិរក្សរុក្ខជាតិ ក្រោមវិធីសាស្រ្តសុខភាពតែមួយ។វិធានការតាមដាន និងបង្ការត្រូវបានពង្រឹង ដោយពង្រីកលើសពីការតាមដានជំងឺផ្លូវដង្ហើមចំពោះបុគ្គល ដែលមានប្រវត្តិទាក់ទងជាមួយបសុបក្សី ដើម្បីរួមបញ្ចូលអ្នកដែលបានប៉ះពាល់នឹងកសិដ្ឋានទឹកដោះគោ ឬការស្លាប់របស់សត្វមិនធម្មតា។ នាយកដ្ឋានអភិវឌ្ឍន៍បសុសត្វត្រូវបានជូនដំណឹងអំពីវិធានការទាំងនេះ។ ខណៈពេលដែលការទៅទស្សនាកសិដ្ឋានចិញ្ចឹមសត្វ ឬការធ្វើអន្តរកម្មជាមួយសត្វនៅតែត្រូវបានអនុញ្ញាត ត្រូវតែមានការប្រុងប្រយ័ត្នឱ្យបានត្រឹមត្រូវ។ នាយកដ្ឋានប្រយុទ្ធនឹងជំងឺឆ្លងបានព្រមានថា "ត្រូវបានណែនាំសាធារណជនឱ្យទទួលទានតែអាហារឆ្អិនល្អ ជាពិសេសបសុបក្សី ស៊ុត និងផលិតផលទឹកដោះគោ។ជៀសវាងការប៉ះពាល់ដោយផ្ទាល់ជាមួយបសុបក្សី ជ្រូក ឬគោទឹកដោះគោដែលឈឺ ឬងាប់។ ពាក់ម៉ាស និងលាងដៃឱ្យបានហ្មត់ចត់បន្ទាប់ពីចាប់សត្វ។ នាយកដ្ឋានបានបន្ថែមថា ប្រសិនបើជួបប្រទះនឹងជំងឺ ដែលមានប្រវត្តិប៉ះពាល់ក្នុងរយៈពេល 14 ថ្ងៃមុនពេលមានរោគសញ្ញា សូមស្វែងរកការព្យាបាលភ្លាមៗ៕

(អន្តរជាតិ)៖ មេរោគថ្មីដែលមានសក្តានុពលបង្កជំងឺរាតត្បាតត្រូវបានរកឃើញនៅក្នុងប្រទេសចិន មេរោគ HKU5-CoV-2 មានភាពស្រដៀងគ្នាទៅនឹងមេរោគរាតត្បាត ដែលបង្កឱ្យមានការភ័យខ្លាចថា ប្រវត្តិសាស្ត្រអាចកើតឡើងម្តង ទៀតក្នុងរយៈពេលពីរឆ្នាំបន្ទាប់ពីការប្រកាសដ៏អាក្រក់បំផុតត្រូវបានបញ្ចប់។ មេរោគថ្មីនេះរឹតតែមានទំនាក់ ទំនងជិតស្និតជាមួយ MERS ដែលជាប្រភេទមេរោគដ៏កាចសាហាវ ដែលសម្លាប់មនុស្សរហូត ដល់មួយភាគបីដែលវាឆ្លង។ អ្នកជំនាញខាងមេរោគ Shi Zhengli ដែលគេស្គាល់ថាជា 'Batwoman' សម្រាប់ការងាររបស់នាងលើមេរោគ Coronaviruses បានដឹកនាំការរកឃើញនេះ ដែលត្រូវបានបោះពុម្ព នៅក្នុងទិនានុប្បវត្តិវិទ្យាសាស្ត្រកំពូល។ ការធ្វើតេស្តបានបង្ហាញថា HKU5-CoV-2 ជ្រៀតចូលកោសិកា មនុស្សតាមរបៀបដូចគ្នានឹង SARS-CoV-2 ដែលជាមេរោគនៅពីក្រោយ Covid19។ដោយចែករំលែកការរកឃើញរបស់ពួកគេនៅក្នុងទិនានុប្បវត្តិ Cell អ្នកស្រាវជ្រាវ ដែលទទួលបានមូលនិធិពី ទីក្រុងប៉េកាំងបានសារភាពថា វាមានហានិភ័យខ្ពស់នៃការលេចធ្លាយដល់មនុស្ស តាមរយៈការបញ្ជូនដោយផ្ទាល់ ឬសម្របសម្រួលដោយម៉ាស៊ីនកម្រិតមធ្យម ប៉ុន្តែគេមិនទាន់មានរបាយការណ៍បញ្ជាក់ថា មេរោគ HKU5-CoV-2 ដែលទើបរកឃើញថ្មីពិតជាអាចឆ្លងមកមនុស្ស ឬក៏យ៉ាងនោះទេ។ សូមបញ្ជាក់ថា មេរោគ HKU5-CoV-2 គឺជាមេរោគដែលរកឃើញក្នុងសត្វប្រជៀវ ដែលបានកំណត់អត្តសញ្ញាណនាពេលថ្មីៗនេះ ដែលបានទាក់ទាញចំណាប់អារម្មណ៍ ដោយសារតែភាពស្រដៀងគ្នារបស់វាទៅនឹង SARS-CoV-2 ដែលជាមេរោគដែលទទួលខុស ត្រូវចំពោះជំងឺរាតត្បាត COVID-19។ វាត្រូវបានគេរកឃើញដោយក្រុមអ្នកជំនាញខាងមេរោគរួមទាំង Shi Zhengli នៅវិទ្យាស្ថានមេរោគ Wuhan ក្នុងប្រទេសចិន។ ភាពស្រដៀងគ្នាទៅនឹង SARS-CoV-2 ជាចំណុចចូលដូចគ្នាដែល SARS-CoV-2 ប្រើដើម្បីឆ្លងកោសិកាមនុស្ស ដោយបង្កើនការព្រួយបារម្ភ អំពីសក្តានុពលរបស់វាសម្រាប់ការចម្លងពីសត្វទៅមនុស្ស។ ផ្នែកនៃប្រភេទរង Merbecovirus៖ ប្រភេទវ៉ារងើនេះក៏រួមបញ្ចូលផងដែរនូវមេរោគដែលបណ្តាលឱ្យមានរោគសញ្ញាផ្លូវដង្ហើម៕

នាពេលកន្លងទៅសង្កេត មានព័ត៌មានជាច្រើនបានចុះផ្សាយថា ការងូតទឹកក្នុងកាលៈទេសៈមួយចំនួន ដូចជា ពេលអស់កម្លាំង ពេលក្តៅខ្លួន ក្រោយពេលញ៉ាំបាយភ្លាមៗ ឬនៅពេលយប់ជ្រៅពេក អាចនាំឲ្យមានគ្រោះថ្នាក់ចំពោះសុខភាពធ្ងន់ធ្ងរ។ យ៉ាងណាមិញ យោងតាមផេក វេជ្ជបណ្ឌិតកម្ពុជា បានបង្ហាញពីស្ថានភាព និងពេលវេលា ចំនួន ៥ ចំណុច អាចបណ្តាលឱ្យមានគ្រោះថ្នាក់ដល់សុខភាពធ្ងន់ធ្ងរនៅពេល លោកអ្នកងូតទឹក ។ ក្នុងនោះ រួមមានដូចតទៅ៖១/ ពេលអស់កម្លាំង:-មានការលើកឡើងថា អ្នកងូតទឹកក្នុងពេលនេះ នឹងនាំឲ្យកើតជំងឺផ្ដាសាយ ក្ដៅខ្លួន ឬអស់កម្លាំងដល់ស្លាប់ក៏អាចថាបានដែរ។ តែនោះមិនពិតទាំងស្រុងឡើយ អំឡុងពេលនោះ វាអាចធ្វើឲ្យយើងមិនប្រយ័ត្ន រអិល ឬដួលបាន ហើយបើមិនចាំបាច់កុំត្រាំទឹកអី។ ពេលអស់កម្លាំងខ្លាំងសម្រាកឲ្យបាត់ហត់បន្តិច ចាំចូលទៅកន្លែងងូតទឹក ងូតឲ្យលឿន ដើម្បីយកពេលមកសម្រាកបន្តជារឿងល្អ។២/ ពេលក្ដៅខ្លួន:_មានវិបសាយមួយចំនួនលើកឡើងថាពេលកម្ដៅដល់ ៣៨ អង្សាសេរ ឬច្រើនជាងនេះ ហាមងូតទឹកជាដាច់ខាត ព្រោះវានឹងបង្កទៅជាជំងឺកាន់តែធ្ងន់ធ្ងរ ហើយនាំឲ្យដាច់សរសៃឈាម ឬប៉ះពាល់ដល់ជីវិតផងដែរ។ តែលោកវេជ្ជបណ្ឌិតបានបកស្រាយថា គ្មានបញ្ហាបែបនោះឡើយ គ្រាន់តែពេលយើងក្តៅខ្លួន ហើយរាងកាយប៉ះទឹកត្រជាក់ អាចរងាញាក់ តែបើយើងចង់ងូតទឹក អាចងូតបាន។៣/ ក្រោយញ៉ាំបាយ:_ងូតទឹកភ្លាមក្រោយពេលញ៉ាំអាហារហើយភ្លាមៗនឹងធ្វើឲ្យក្រពះទៅជាចុះខ្សោយ ហើយធ្វើឲ្យប្រព័ន្ធរំលាយអាហារក៏មិនអាចធ្វើការបានល្អផងដែរ រហូតដល់ឈឺក្រពះ។ ក្រៅពីនេះទៀតវាក៏បណ្ដាលឲ្យមានបញ្ហាសរសៃឈាមរាំងស្ទះដល់លំហូរឈាម ហើយរាងកាយយើងក៏ចុះទន់ខ្សោយ។ ម្ចាស់សេវាកម្មថែទាំមនុស្សចាស់តាមគេហដ្ឋានបានឲ្យដឹងថា ករណីនេះមិនធ្ងន់ធ្ងរពេកទេ គ្រាន់តែពេលក្រោយញ៉ាំបាយក្រពះធ្វើការ នាំឲ្យរាងកាយឡើងកម្ដៅ ដូចនេះបើយើងងូតទឹកត្រជាក់វាអាចបណ្ដាលឲ្យចុកឆ្អល់ពោះប៉ុណ្ណោះ តែយើងអាចងូតទឹកក្ដៅឧណ្ហៗបាន។៤/ ក្រោយពេលផឹកគ្រឿងស្រវឹង:_ងូតទឹកក្រោយពេលផឹកគ្រឿងស្រវឹង ជាតិអាល់កុលនឹងរារាំងដល់ចលនាថ្លើម និងធ្វើឲ្យគ្លុយកូសនៅក្នុងឈាមមានដំណើរការមិនល្អ ដែលបណ្ដាលទៅជាឈឺក្បាល វិលមុខ និងអស់កម្លាំងល្ហិតល្ហៃជាដើម។ ប៉ុន្តែបើផឹកក្នុងកម្រិតល្មមវាគ្មានផលរំខានឡើយ ហើយមួយវិញទៀត ការចុះទៅហែលទឹកទើបមានគ្រោះថ្នាក់ចំពោះអ្នកស្រវឹង ប្រសិនបើយើងមិនអីទេ ក្រោយផឹករួចអាចងូតទឹកសម្អាតខ្លួនចូលគេងជាធម្មតា។៥/ នៅយប់ជ្រៅពេក:_មានការលើកឡើងថា មិនគួរងូតទឹកនៅក្រោយម៉ោង ១១យប់នោះទេ ព្រោះពេលវេលានេះ សីតុណ្ហភាព អាកាសធាតុនឹងចុះមកទាបបំផុត ហើយរាងកាយរបស់យើងក៏ត្រូវបានចុះខ្សោយ និងអស់កម្លាំងបំផុត ហើយវាក៏ត្រូវការការសម្រាកដែរ។ ការងូតទឹកនៅវេលានេះនឹងធ្វើឱ្យសីតុណ្ហភាពក្នុងខ្លួនប្រែប្រួលភ្លាមៗ និងអាចឈានទៅរួមសរសៃឈាម ដែលវាអាចប៉ះពាល់ទៅដល់លំហូរឈាមទៅកាន់ខួរក្បាល ហើយវាអាចប៉ះពាល់សួត ឬបណ្ដាលឲ្យអ្នកដាច់សរសៃឈាមបាន។ លោកបានបកស្រាយថា បើវេលានេះត្រជាក់ យើងអាចងូតទឹកក្ដៅតែបើខែក្ដៅដេកមិនលក់ គឺងូតទឹកឲ្យត្រជាក់ខ្លួន ទើបដេកលក់៕

(សង្គម)៖ នេះជាការចែករំលែក ក៏ដូចជាការក្រើនរំលឹកជាថ្មីទៅកាន់អ្នកបើកបរគ្រប់រូប ជាពិសេសគឺការបើកបរលើផ្លូវល្បឿនលឿនតែម្ដង ដោយសាធារណជនមួយចំនួនតូចបានយល់ថាផ្លូវល្បឿនលឿនគឺតម្រូវឱ្យមានការបើកបរប្រើប្រាស់ល្បឿនលឿនមិនអាចប្រើល្បឿនយឺតដូចផ្លូវធម្មតានោះឡើយ ប៉ុន្តែមែនទែនទៅគឺមិនដូច្នេះនោះទេ ឈ្មោះជាផ្លូវល្បឿនលឿនក៏ពិតមែនប៉ុន្តែក៏មានលក្ខខណ្ឌក្នុងការកំណត់ល្បឿនពេលបើកបរផងដែរ។យ៉ាងណាមិញ ទាក់ទិននឹងប្រធានបទមួយនេះ កាលពីកន្លងទៅ ក្រសួងសាធារណការ និង ដឹកជញ្ជូន ក៏បានបានធ្វើការផ្សព្វផ្សាយោងដែរ អំពីលក្ខខណ្ឌគួរយល់ដឹងមួយចំនួនក្នុងការកំណត់ល្បឿនបើកបរនៅលើផ្លូវល្បឿនលឿនភ្នំពេញ-ក្រុងព្រះសីហនុ។ ដោយចំពោះ ការកំណត់ល្បឿនបើកបរ នៅលើផ្លូវល្បឿនលឿន មានល្បឿនទាបបំផុត (អប្បបរមា) និង លឿនបំផុត (អតិបរមា)។ ហើយការកំណត់លក្ខណ្ឌមានដូចតទៅ៖– ល្បឿន 60 – 120 km/h រថយន្តគ្រួសារ/ធុនស្រាល– ល្បឿន 60 – 100 km/h រថយន្តធុនធ្ងន់មិនមានសណ្តោងសឺម៉ីរ៉ឺម៉ក ឬ ម៉ូតូ 500cc/27kW ឡើងទៅ– ល្បឿន 60 – 80 km/h រថយន្តសណ្តោងសឺម៉ីរ៉ឺម៉ក ឬ សណ្តោងយានដំណើរកម្សាន្ត។ទន្ទឹមនឹងនេះ ក្រសួងសាធារណការ និង ដឹកជញ្ជូន ក៏ធ្លាប់បានបញ្ជាក់ឱ្យដឹងទៀតថា ករណីមានស្លាកសញ្ញាកំណត់ល្បឿនអតិបរមា អ្នកបើកបរត្រូវអនុវត្តតាមជាកំហិត ជំនួសឱ្យគោលការណ៍ខាងលើ។ ករណីផ្លូវកោង ច្រកចូលចំហៀងទៅផ្លូវល្បឿនលឿន អ្នកបើកបរត្រូវបានកំណត់ឱ្យបើកបរត្រឹមតែ 40 km/h ប៉ុណ្ណោះ រួចទើបត្រូវបង្កើនល្បឿនដល់ 60 km/h។ ដោយឡែកក ន្លែងដែលចាំបាច់ត្រូវបន្ថយល្បឿន ក៏ត្រូវបានដាក់នូវគំនូសរំញ័រ (Rumble Stripes) ដើម្បីដាស់តឿនដល់អ្នកបើកបរផងដែរ៕