(ភ្នំពេញ)៖ បុរី មេគង្គ លែន បានចូលរួមឧបត្ថម្ភថវិកាចំនួន ១៥,០០០ដុល្លារ សម្រាប់គាំទ្រដល់ពិធី «មហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារឆ្នាំ២០២៦»។ពិធីអបអរមហាសន្និបាតនេះ បានប្រព្រឹត្តទៅក្រោមការដឹកនាំរបស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជនសម្រាប់យន្ដការវេទិការាជរដ្ឋាភិបាល-ផ្នែកឯកជននិងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា នៅថ្ងៃទី២៨ ខែមករា ឆ្នាំ២០២៦ កន្លងទៅនេះ ហើយមានការចូលរួមដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម អញ្ជើញជាអធិបតី។ក្នុងឱកាសនោះ អ្នកឧកញ៉ា ជាម ឃុនណាត អគ្គនាយក​ បុរី មេគង្គ លែន បានទទួល លិខិតថ្លែងអំណរគុណ ពី អ្នកឧកញ៉ា គិត ម៉េង ជាការទទួលស្គាល់ចំពោះការចូលរួមឧបត្ថម្ភ និងការគាំទ្រយ៉ាងសកម្មចំពោះសកម្មភាព និងបេសកកម្មរបស់សភាពាណិជ្ជកម្មកម្ពុជា ក្នុងការជំរុញការអភិវឌ្ឍវិស័យឯកជន និងសេដ្ឋកិច្ចជាតិ។ការចូលរួមឧបត្ថម្ភនេះ ជាការចូលរួមចំណែកជាមួយសភាពាណិជ្ជកម្មកម្ពុជា និងជាការបង្ហាញនូវឆន្ទៈដ៏មុតមាំរបស់ បុរី មេគង្គ លែន ក្នុងការដើរតួជាដៃគូសហការជាមួយរាជរដ្ឋាភិបាល និងវិស័យឯកជន ដើម្បីជំរុញកំណើនសេដ្ឋកិច្ចជាតិ និងការអភិវឌ្ឍប្រកបដោយចីរភាព។ បុរី មេគង្គ លែន បានចូលរួមអបអរសាទរចំពោះជោគជ័យដ៏ត្រចះត្រចង់នៃមហាសន្និបាតនេះ ក្រោមការដឹកនាំប្រកបដោយចក្ខុវិស័យវែងឆ្ងាយ និងភាពឈ្លាសវៃរបស់ អ្នកឧកញ៉ា គិត ម៉េង ដែលជានិច្ចកាលតែងតែជំរុញការអភិវឌ្ឍវិស័យពាណិជ្ជកម្ម និងសេដ្ឋកិច្ចជាតិឱ្យកាន់តែរីកចម្រើនរុងរឿង។អំពី បុរី មេគង្គ លែន៖ បុរី មេគង្គ លែន ជាក្រុមហ៊ុនអភិវឌ្ឍលំនៅដ្ឋានដែលពោរពេញដោយបទពិសោធន៍ និងជាក្រុមហ៊ុនដែលឈានមុខគេមួយក្នុងប្រទេសកម្ពុជាក្នុងការសាងសង់គេហដ្ឋានរចនាបថម៉ូដក្លាស៊ីកបែបអឺរ៉ុប និងគេហដ្ឋានរចនាបថម៉ូដទាន់សម័យដែលមាន ៣ គម្រោងដូចជា៖ ១. «ឌឹ មេគង្គ រ៉ូយ៉ាល់» ជាគម្រោងគេហដ្ឋានម៉ូដក្លាស៊ីកបែបអឺរ៉ុប ស្ថិតនៅបណ្តោយផ្លូវជាតិ ៦A, ២. «ហ្គោលឌិន អាវិននូ» ជាគម្រោងគេហដ្ឋានរចនាបថម៉ូតទាន់សម័យ ស្ថិតនៅផ្លូវ ២០១១ និង ៣. «មេគង្គ ស៊ីធី» ជាគម្រោងគេហដ្ឋានម៉ូដក្លាស៊ីកបែបអឺរ៉ុប ស្ថិតនៅបណ្តោយផ្លូវជាតិ ៦A។ គ្រប់គម្រោងរបស់ បុរី មេគង្គ លែន ត្រូវបានសាងសង់ដោយការយកចិត្តទុកដាក់ខ្ពស់ពីថ្នាក់ដឹកនាំ និងពីក្រុមវិស្វករជំនាញរបស់បុរីដោយផ្ដោតលើគុណភាព និងប្រណិតភាពជាចំបង។ ការផ្ចិតផ្ចង់នៃស្ថាបត្យកម្ម សំណង់ និងទឹកដៃល្អ សម្រិតសម្រាំងបាននូវគេហដ្ឋានប្រណិតទាន់សម័យ ផ្ដល់នូវផាសុកភាព សុវត្ថិភាព ភាពស៊ីវិល័យ និងការរស់នៅទាន់សម័យ ជូនដល់គ្រប់អតិថិជន។បុរី មេគង្គ លែន ផ្តើមជីវិតរីករាយ និងជោគជ័យនៅទីនេះ! 

(ហ្វីលីពីន)៖ ដោយទទួលបានគោលការណ៍អនុញ្ញាតដ៏ខ្ពង់ខ្ពស់ពីរាជរដ្ឋាភិបាលកម្ពុជា នាឱកាសចូលរួមវេទិកាទេសចរណ៍អាស៊ាន ឆ្នាំ២០២៦ កិច្ចប្រជុំថ្នាក់រដ្ឋមន្រ្តីទេសចរណ៍អាស៊ាន លើកទី២៩ និងកិច្ចប្រជុំពាក់ព័ន្ធ នៅកោះសេប៊ូ សាធារណរដ្ឋហ្វីលីពីន ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញចូលរួមទស្សនាស្តង់ពិព័រណ៍អាស៊ាន ដោយមានការរៀបចំស្តង់ពិព័រណ៍ (Booth) តាំងបង្ហាញផលិតផលទេសចរណ៍ អមជាមួយការសម្តែងសិល្បៈខ្នាតតូចតាមប្រពៃណីនៃប្រទេសអាស៊ាននីមួយៗ ដើម្បីផ្សព្វផ្សាយសក្តានុពលទេសចរណ៍ វប្បធម៌ និងអរិយៈធម៌រៀងៗខ្លួនឱ្យកាន់តែទូលំទូលាយផងដែរ។សូមជម្រាបជូនថា ព្រឹត្តិការណ៍ពិព័រណ៍ទេសចរណ៍ TRAVEX 2026 គឺជាព្រឹត្តិការណ៍មួយដែលផ្តោតសំខាន់លើការផ្សព្វផ្សាយសក្តានុពលទេសចរណ៍ក្នុងតំបន់អាស៊ាន និងពង្រឹងការងារទីផ្សារក្នុងតំបន់ដែលចូលរួមដោយផ្នែកឯកជន-អន្តរជាតិ ដែលពាក់ព័ន្ធក្នុងវិស័យទេសចរណ៍រួមមាន៖ អ្នកទិញ (Buyer) អ្នកលក់ (Sellers) ប្រតិបត្តិករទេសចរណ៍ (Tour Operator) ភ្នាក់ងារទេសចរណ៍ (Tour Guide) អ្នកសារព័ត៌មានជាតិ និងអន្តរជាតិ ដើម្បីធ្វើការដាក់បង្ហាញលក់ផលិតផល និងសេវាកម្មទេសចរណ៍របស់ខ្លួន ក៏ដូចជាផ្គូរផ្គងធុរកិច្ច ចែករំលែកបទពិសោធ និងព័ត៌មានផងដែរ៕

(ភ្នំពេញ)៖ ឯកឧត្តម ហួត ស៊ីនាដ រដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ ទទួលជួបសម្តែងការគួរសម និងពិភាក្សាការងារជាមួយលោក សាសាហារ៉ា កេនជិ (SASAHARA Kenji) នាយកសាលាអន្តរជាតិជប៉ុន CIESF Leaders Academy (CLA) និងសហការី នាព្រឹកថ្ងៃទី២៨ ខែមករា ឆ្នាំ២០២៦ នាទីស្ដីការក្រសួង ដើម្បីពង្រឹងកិច្ចសហការលើផ្នែកបណ្តុះបណ្តាល និងការអនុវត្តបទប្បញ្ញត្តិការងារ។ក្នុងជំនួបនោះ ភាគីទាំងពីរបានជជែកយ៉ាងលម្អិតអំពីការរៀបចំទិដ្ឋាការសម្រាប់បុគ្គលិកអប់រំជនជាតិជប៉ុន និងនីតិវិធីនៃការស្នើសុំប្រើប្រាស់កម្លាំងពលកម្មបរទេសឱ្យស្របតាមច្បាប់នៅកម្ពុជា។ ក្នុងឱកាសនោះ ឯកឧត្តមរដ្ឋលេខាធិការ បានថ្លែងបញ្ជាក់ថា ក្រសួងត្រៀមខ្លួនជានិច្ចក្នុងការសម្របសម្រួលបែបបទរដ្ឋបាលនានាដល់សាលា ប៉ុន្តែក្នុងនោះសាលាត្រូវធានាឱ្យបាននូវការអនុវត្តច្បាប់ស្តីពីការងារ និងរបបសន្តិសុខសង្គមឱ្យបានពេញលេញ ជាពិសេស ក្រសួងបានលើកទឹកចិត្តឱ្យសាលាផ្តល់អាទិភាពខ្ពស់ដល់ការជ្រើសរើសបុគ្គលិកជំនាញជានិយោជិតខ្មែរ មុននឹងសម្រេចចិត្តជ្រើសរើសបុគ្គលិកបរទេស។ជាការឆ្លើយតប លោក សាសាហារ៉ា កេនជិ បានថ្លែងអំណរគុណយ៉ាងជ្រាលជ្រៅចំពោះការគាំទ្ររបស់ក្រសួងការងារ និងបណ្តុះបណ្តាលវិជ្ជាជីវៈនាពេលកន្លងមក។ លោកប្តេជ្ញាចិត្តថានឹងបន្តពង្រឹងគុណភាពអប់រំតាមស្តង់ដាជប៉ុន ដើម្បីបណ្តុះបណ្តាលសិស្សានុសិស្ស ក៏ដូចជាយុវជនខ្មែរឱ្យមានចំណេះដឹង និងសមត្ថភាពខ្ពស់ សម្រាប់ឆ្លើយតបទៅនឹងតម្រូវការទីផ្សារការងារនាពេលបច្ចុប្បន្ន និងអនាគត។សូមបញ្ជាក់ថា សាលាអន្តរជាតិជប៉ុន CIESF Leaders Academy (CLA) បានចាប់ផ្ដើមបេសកកម្មអប់រំរបស់ខ្លួននៅកម្ពុជាតាំងពីឆ្នាំ២០១៦ ក្នុងនាមជាសាលាអង្គការ (NGO)។ ដោយមើលឃើញពីតម្រូវការអប់រំតាមស្តង់ដាអន្តរជាតិ នៅចុងឆ្នាំ២០២៥ សាលាបានវិវត្តខ្លួនទៅជាសាលាអន្តរជាតិពេញលក្ខណៈ ក្រោមការគាំទ្រយ៉ាងពេញទំហឹងពីក្រសួងអប់រំ យុវជន និងកីឡា និងស្ថានទូតជប៉ុនដើម្បីរួមចំណែកបណ្ដុះបណ្ដាលយុវជនឱ្យមានសមត្ថភាព និងការយល់ដឹងពីពហុវប្បធម៌សម្រាប់ជួយអភិវឌ្ឍសង្គមទៅថ្ងៃអនាគត៕

(ភ្នំពេញ)៖ ឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក តាំង សិទ្ធី ប្រធានការិយាល័យតំណាងសភាពាណិជ្ជកម្មកម្ពុជាប្រចាំទីក្រុងម៉ែលប៊ន និងលោក Jeremy Crawford នាយកប្រតិបត្តិសភាពាណិជ្ជកម្មប្រចាំទីក្រុងហ្គីឡុង នៃរដ្ឋវីតូរីយ៉ា ប្រទេសអូស្ត្រាលីបានចុះអនុស្សរណៈនៃការយោគយល់គ្នា (MoU)ស្តីពី «សហប្រតិបត្តិការនៅក្នុងការផ្លាស់ប្តូរជំនាញ ការបណ្ដុះបណ្ដាលសិស្សហ្វឹកហាត់ និងការហ្វឹកហាត់ការងារ» នាព្រឹកថ្ងៃទី២៩ ខែមករា ឆ្នាំ២០២៦ នាទីស្តីការក្រសួង។គោលបំណងដ៏សំខាន់នៃ MOU នេះគឺដើម្បីបង្កើតកិច្ចសហការលើការបណ្តុះបណ្តាលសិស្សហាត់ការ និងការអនុវត្តការងារជាក់ស្តែងតាមស្តង់ដាអូស្រ្តាលី។នេះជាក្របខណ្ឌនៃកិច្ចសហប្រតិបត្តិការដ៏មានអត្ថប្រយោជន៍ សំដៅលើការសហការគ្នានៅក្នុង (១)ការអភិវឌ្ឍ និងការអនុវត្តកម្មវិធីសិស្សហាត់ការ និងកម្មវិធីហាត់ការងារ (២)ការបញ្ជូន និងការទទួលសិស្ស និងអ្នកហ្វឹកហាត់ សម្រាប់ការផ្លាស់ប្តូរជំនាញ ការសិក្សាសិស្សហាត់ការ និងការហាត់ការងារ នៅប្រទេសអូស្ត្រាលី និង (៣)ការលើកកម្ពស់ និងការសម្របសម្រួលបណ្តាញ និងភាពជាដៃគូ រវាងស្ថាប័នបណ្តុះបណ្តាល។កិច្ចសហការនេះក៏នឹងបើកផ្លូវឱ្យមានកម្មវិធីអាហារូបករណ៍ និងការផ្លាស់ប្តូរផងដែរ ដែលផ្តល់ឱកាសដល់សិក្ខាកាមកម្ពុជា គ្រូបណ្តុះបណ្តាល TVET និងសិស្សនិស្សិតចូលរួមក្នុងការសិក្សា និងវគ្គបណ្តុះបណ្តាលរយៈពេលខ្លី និងរយៈពេលវែង ដែលជួយលើកកម្ពស់ការផ្លាស់ប្តូរវប្បធម៌ និងការផ្ទេរជំនាញផងដែរ។នាឱកាសនោះ ឯកឧត្ដមរដ្ឋមន្ត្រីបានវាយតម្លៃខ្ពស់ចំពោះកិច្ចសហប្រតិបត្តិការដ៏មានសារៈសំខាន់នេះ ដែលជាយន្តការមួយក្នុងការកសាងមូលធនមនុស្សឱ្យមានផលិតភាពខ្ពស់ ជំនាញច្បាស់លាស់ប្រកបដោយស្តង់ដា និងមនសិការវិជ្ជាជីវៈបន្ថែមទៀត ដើម្បីឆ្លើយតបតាមតម្រូវការទីផ្សារការងារទាំងក្នុង និងក្រៅប្រទេស ក៏ដូចជាការវិវត្តយ៉ាងឆាប់រហ័សនៃបច្ចេកវិទ្យាឌីជីថលសកល។ឯកឧត្តមបានគូសបញ្ជាក់ថា កិច្ចសហការនេះ ជាការបង្ហាញនូវទំនាក់ទំនងល្អ រវាងកម្ពុជា និងអូស្ត្រាលី ហើយក៏ជាការបើកទំព័រថ្មីប្រកបដោយអត្ថន័យក្នុងប្រវត្តិសាស្ត្រលើវិស័យបណ្តុះបណ្តាលវិជ្ជាជីវៈរបស់កម្ពុជា។ទន្ទឹមនឹងនេះ ឯកឧត្ដមរដ្ឋមន្រ្តីមានការជឿជាក់យ៉ាងមុតមាំថា តាមរយៈកិច្ចសហប្រតិបត្តិការនេះ កម្ពុជាអាចជំរុញការអភិវឌ្ឍធនធានមនុស្សប្រកបដោយគុណភាពខ្ពស់ស្របតាមស្តង់ដាការងារ ដែលអាចឆ្លើយតបនឹងតម្រូវការកម្លាំងពលកម្មក្រៅប្រទេសទាំងពេលបច្ចុប្បន្ន និងអនាគតផងដែរ៕

(ហ្វីលីពីន)៖ ដោយទទួលបានគោលការណ៍អនុញ្ញាតដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញចូលរួមពិធីបើកជាផ្លូវការវេទិកាទេសចរណ៍អាស៊ាន ឆ្នាំ២០២៦ នៅកោះសេប៊ូ សាធារណរដ្ឋហ្វីលីពីន ក្រោមអធិបតីភាពដ៏ខ្ពង់ខ្ពស់ លោកជំទាវ Louise Araneta-Marcos ស្រ្តីទី១ នៃសាធារណរដ្ឋហ្វីលីពីន ដោយមានការអញ្ជើញចូលរួមពីថ្នាក់ដឹកនាំជាន់ខ្ពស់រាជរដ្ឋាភិបាល រដ្ឋមន្រ្តីទេសចរណ៍អាស៊ាន តំណាងស្ថាប័នពាក់ព័ន្ធ វិស័យឯកជន និងភ្ញៀវកិត្តិយសពីបណ្តាប្រទេសជាសមាជិកអាស៊ាន និងដៃគូអន្តរជាតិយ៉ាងច្រើនអធិកអធមផងដែរ៕

(ភ្នំពេញ)៖ Puradak Chicken ដែលជាប្រេនមាន់បំពងលំដាប់ខ្ពស់ពីប្រទេសកូរ៉េខាងត្បូង បានប្រកាសពង្រីកខ្លួនជាផ្លូវការចូលមកក្នុងព្រះរាជាណាចក្រកម្ពុជា។ ការពង្រីកខ្លួននេះបានធ្វើឡើងបន្ទាប់ពីការចុះហត្ថលេខាជាផ្លូវការលើកិច្ចព្រមព្រៀង Master Franchise រវាងក្រុមហ៊ុន Puradak Chicken និងក្រុមហ៊ុន Saisons Franchise។ពាក្យថា Puradak គឺជាម៉ាកយីហោដែលត្រូវបានបង្កើតឡើងដោយការរួមបញ្ចូលគ្នានៃពាក្យពីរគឺ ‘PURA’ (បរិសុទ្ធ) និង ‘Dak’ (មាន់) ដែលមានន័យថាជាឆន្ទៈក្នុងការបម្រើអតិថិជន តាមរយៈការចម្អិនសាច់មាន់ដ៏មានឱជារសបំផុត ជាមួយបេះដូងដ៏ស្មោះត្រង់ និងបរិសុទ្ធ។ Puradak គឺជាម៉ាកយីហោមាន់បំពងលំដាប់ខ្ពស់ (premium) ឈានមុខគេមួយរបស់ប្រទេសកូរ៉េខាងត្បូង ដែលល្បីល្បាញតាមរយៈការវេចខ្ចប់បែបសម័យទំនើប គ្រឿងផ្សំមានគុណភាពខ្ពស់ និងគំនិតច្នៃប្រឌិតនៃរសជាតិដ៏ប្លែកពីគេ។​ បច្ចុប្បន្ននេះ Puradak មានសាខាជាង ៧០០ កន្លែងនៅក្នុងប្រទេសកូរ៉េ រួមទាំងមានវត្តមាននៅលើឆាកអន្តរជាតិដូចជា៖ ហុងកុង អាស៊ី និងនៅសហរដ្ឋអាមេរិក។ ចាប់តាំងពីការបើកសម្ពោធក្នុងឆ្នាំ ២០១៤ មក ម៉ាកយីហោនេះបានលេចធ្លោខ្លាំងតាមរយៈការផ្តោតលើរសជាតិបែបច្នៃប្រឌិត និងដំណើរការចម្អិនដ៏ប្លែក ដែលប្រើប្រាស់បច្ចេកទេសការអាំងក្នុងឡ រួចទើបយកទៅបំពង ដើម្បីឱ្យសាច់មាន់មានភាពទន់ និងរក្សាជាតិទឹកបានល្អ (tender and juicy)។គួរអោយកត់សំគាល់ផងដែលថា ក្រុមហ៊ុន Saisons Franchise ជាសាជីវកម្មមួយក្នុងចំនោមសាជីវកម្មផ្សេងទៀតរបស់ក្រុមហ៊ុន Saisons Brother holding Co.,Ltd ដែលជាសាជីវកម្មល្បីល្បាញខាងវិស័យជាច្រើនដូចជា​ វិស័យម្ហូបអាហារ (Food & Beverage) វិស័យលក់រាយ (Retail)​ វិស័យបច្ចេកវិទ្យា (Technology) និងវិស័យសំណង់ (Construction)។ ជាមួយនិងបទពិសោធន៏នៃការបើកអាជីវកម្មជាច្រើនវិស័យ និងការយល់ពីទីផ្សារកម្ពុជាយ៉ាងស៊ីជម្រៅ ក្រុមហ៊ុនសៃសាន់ហ្រ្វេនឆាយគឺជាដៃគូរដ៏ល្អឥងខ្ជោះក្នុងការនាំចូលម៉ាកសញ្ញាដ៏ល្បីនេះចូលទីផ្សារកម្ពុជា។ កិច្ចព្រមព្រៀងនេះគឺជាជំហានដ៏សំខាន់មួយក្នុងយុទ្ធសាស្ត្ររីកចម្រើនជាសកលរបស់ Puradak Chicken ដោយនាំយកវិធីសាស្ត្រចម្អិនបែប "Oven-Fried" (មាន់ដែលដុតក្នុងឡរួចទើបយកទៅបំពង) ដែលធានាបាននូវភាពស្រួយខាងក្រៅ និងមានជាតិទឹកខាងក្នុង ជូនដល់អ្នកដែលចូលចិត្តពិសារមាន់បំពងជាពិសេសនៅក្នុងប្រទេសកម្ពុជា។ សាខាដំបូងគេគ្រោងនឹងបើកដំណើរការនៅក្នុងរាជធានីភ្នំពេញនៅពាក់កណ្តាលឆ្នាំ២០២៦ ជាមួយនឹងផែនការពង្រីកទៅកាន់បណ្តាក្រុងធំៗផ្សេងទៀត រួមមានខេត្តសៀមរាប និងក្រុងព្រះសីហនុ ក្នុងរយៈពេល ៥ ឆ្នាំខាងមុខ។លោក Jang Seong Sik នាយកប្រតិបត្តិតំណាង​ឲ្យ​ IDUS FNB  នៃប្រ៊េន Puradak Chicken បានមានប្រសាសន៍ថា៖ "យើងពិតជាមានក្តីរំភើបក្នុងការនាំយកនូវរសជាតិដ៏ប្លែក និងប្រណិតរបស់ Puradak មកកាន់ប្រទេសកម្ពុជា។ ទីផ្សារកម្ពុជាបានបង្ហាញពីការយល់ដឹងខ្ពស់ចំពោះនិន្នាការម្ហូបអាហារអន្តរជាតិ ហើយយើងជឿជាក់ថា គ្រឿងផ្សំដែលមានគុណភាពខ្ពស់ និងការរៀបចំប្រេនបែបទំនើបរបស់យើង នឹងទទួលបានការគាំទ្រយ៉ាងខ្លាំងពីអតិថិជនក្នុងស្រុក។ យើងមិនត្រឹមតែបើកហាងមួយប៉ុណ្ណោះទេ ប៉ុន្តែយើងកំពុងនាំយកនូវវប្បធម៌កូរ៉េកម្រិតខ្ពស់មកកាន់បេះដូងនៃប្រទេសជាតិផងដែរ”។ជាមួយគ្នានោះផងដែល Dr. Goh Swee Keong នាយកគ្រប់គ្រងនៃក្រុមហ៊ុនសៃសាន់ហ្រ្វេនឆាយបានមានប្រសាសន៍ថា៖ "ថ្ងៃនេះ គឺជាព្រឹត្តិការណ៍ដ៏សំខាន់មួយសម្រាប់ក្រុមហ៊ុនរបស់យើង ហើយក៏ជាការឆ្លុះបញ្ចាំងពីការប្តេជ្ញាចិត្តជាបន្តបន្ទាប់ ក្នុងការនាំយកនូវម៉ាកយីហោអន្តរជាតិដ៏រឹងមាំ ចូលមកកាន់ទីផ្សារកម្ពុជា។សម្រាប់ក្រុមហ៊ុន Saisons Brother Holding ការប្តេជ្ញាចិត្តរបស់យើងគឺចូលរួមចំណែកកសាងប្រទេសកម្ពុជាឱ្យកាន់តែរឹងមាំ។ ក្នុងឆ្នាំនេះ៖ • យើងចង់បណ្ដុះបណ្ដាលសហគ្រិនឯករាជ្យឱ្យបាន ១០០ នាក់។ • យើងចង់បង្កើតឱកាសការងារឱ្យបាន ១,០០០ កន្លែង។ • យើងចង់បណ្តុះបណ្តាលជនជាតិខ្មែរឱ្យមានវិជ្ជាជីវៈខ្ពស់ តាមរយៈប្រព័ន្ធអាជីវកម្មបែប Franchise·      Facebook: https://www.facebook.com/profile.php?id=61586757257949·      Instagram: https://www.instagram.com/puradakcambodia/·      Telegram Channel: https://t.me/puradakcbodia·      TikTok: https://www.tiktok.com/@puradakcambodia·      Contact number: (+855) 78 222 758 

(ភ្នំពេញ)៖ Puradak Chicken ដែលជាប្រេនមាន់បំពងលំដាប់ខ្ពស់ពីប្រទេសកូរ៉េខាងត្បូង បានប្រកាសពង្រីកខ្លួនជាផ្លូវការចូលមកក្នុងព្រះរាជាណាចក្រកម្ពុជា។ ការពង្រីកខ្លួននេះបានធ្វើឡើងបន្ទាប់ពីការចុះហត្ថលេខាជាផ្លូវការលើកិច្ចព្រមព្រៀង Master Franchise រវាងក្រុមហ៊ុន Puradak Chicken និងក្រុមហ៊ុន Saisons Franchise។កិច្ចព្រមព្រៀងនេះគឺជាជំហានដ៏សំខាន់មួយក្នុងយុទ្ធសាស្ត្ររីកចម្រើនជាសកលរបស់ Puradak Chicken ដោយនាំយកវិធីសាស្ត្រចម្អិនបែប "Oven-Fried" (មាន់ដែលដុតក្នុងឡរួចទើបយកទៅបំពង) ដែលធានាបាននូវភាពស្រួយខាងក្រៅ និងមានជាតិទឹកខាងក្នុង ជូនដល់អ្នកដែលចូលចិត្តពិសារមាន់បំពងជាពិសេសនៅក្នុងប្រទេសកម្ពុជា។ សាខាដំបូងគេគ្រោងនឹងបើកដំណើរការនៅក្នុងរាជធានីភ្នំពេញនៅពាក់កណ្តាលឆ្នាំ២០២៦ ជាមួយនឹងផែនការពង្រីកទៅកាន់បណ្តាក្រុងធំៗផ្សេងទៀត រួមមានខេត្តសៀមរាប និងក្រុងព្រះសីហនុ ក្នុងរយៈពេល ៥ ឆ្នាំខាងមុខ។លោក Jang Seong Sik នាយកប្រតិបត្តិតំណាង​ឲ្យ​ IDUS FNB  នៃប្រ៊េន Puradak Chicken បានមានប្រសាសន៍ថា៖ "យើងពិតជាមានក្តីរំភើបក្នុងការនាំយកនូវរសជាតិដ៏ប្លែក និងប្រណិតរបស់ Puradak មកកាន់ប្រទេសកម្ពុជា។ ទីផ្សារកម្ពុជាបានបង្ហាញពីការយល់ដឹងខ្ពស់ចំពោះនិន្នាការម្ហូបអាហារអន្តរជាតិ ហើយយើងជឿជាក់ថា គ្រឿងផ្សំដែលមានគុណភាពខ្ពស់ និងការរៀបចំប្រេនបែបទំនើបរបស់យើង នឹងទទួលបានការគាំទ្រយ៉ាងខ្លាំងពីអតិថិជនក្នុងស្រុក។ យើងមិនត្រឹមតែបើកហាងមួយប៉ុណ្ណោះទេ ប៉ុន្តែយើងកំពុងនាំយកនូវវប្បធម៌កូរ៉េកម្រិតខ្ពស់មកកាន់បេះដូងនៃប្រទេសជាតិផងដែរ”។ជាមួយគ្នានោះផងដែល Dr. Goh Swee Keong នាយកគ្រប់គ្រងនៃក្រុមហ៊ុនសៃសាន់ហ្រ្វេនឆាយបានមានប្រសាសន៍ថា៖ "ថ្ងៃនេះ គឺជាព្រឹត្តិការណ៍ដ៏សំខាន់មួយសម្រាប់ក្រុមហ៊ុនរបស់យើង ហើយក៏ជាការឆ្លុះបញ្ចាំងពីការប្តេជ្ញាចិត្តជាបន្តបន្ទាប់ ក្នុងការនាំយកនូវម៉ាកយីហោអន្តរជាតិដ៏រឹងមាំ ចូលមកកាន់ទីផ្សារកម្ពុជា។សម្រាប់ក្រុមហ៊ុន Saisons Brother Holding ការប្តេជ្ញាចិត្តរបស់យើងគឺចូលរួមចំណែកកសាងប្រទេសកម្ពុជាឱ្យកាន់តែរឹងមាំ។ ក្នុងឆ្នាំនេះ៖ • យើងចង់បណ្ដុះបណ្ដាលសហគ្រិនឯករាជ្យឱ្យបាន ១០០ នាក់។ • យើងចង់បង្កើតឱកាសការងារឱ្យបាន ១,០០០ កន្លែង។ • យើងចង់បណ្តុះបណ្តាលជនជាតិខ្មែរឱ្យមានវិជ្ជាជីវៈខ្ពស់ តាមរយៈប្រព័ន្ធអាជីវកម្មបែប Franchiseពាក្យថា Puradak គឺជាម៉ាកយីហោដែលត្រូវបានបង្កើតឡើងដោយការរួមបញ្ចូលគ្នានៃពាក្យពីរគឺ ‘PURA’ (បរិសុទ្ធ) និង ‘Dak’ (មាន់) ដែលមានន័យថាជាឆន្ទៈក្នុងការបម្រើអតិថិជន តាមរយៈការចម្អិនសាច់មាន់ដ៏មានឱជារសបំផុត ជាមួយបេះដូងដ៏ស្មោះត្រង់ និងបរិសុទ្ធ។ Puradak គឺជាម៉ាកយីហោមាន់បំពងលំដាប់ខ្ពស់ (premium) ឈានមុខគេមួយរបស់ប្រទេសកូរ៉េខាងត្បូង ដែលល្បីល្បាញតាមរយៈការវេចខ្ចប់បែបសម័យទំនើប គ្រឿងផ្សំមានគុណភាពខ្ពស់ និងគំនិតច្នៃប្រឌិតនៃរសជាតិដ៏ប្លែកពីគេ។​ បច្ចុប្បន្ននេះ Puradak មានសាខាជាង ៧០០ កន្លែងនៅក្នុងប្រទេសកូរ៉េ រួមទាំងមានវត្តមាននៅលើឆាកអន្តរជាតិដូចជា៖ ហុងកុង អាស៊ី និងនៅសហរដ្ឋអាមេរិក។ ចាប់តាំងពីការបើកសម្ពោធក្នុងឆ្នាំ ២០១៤ មក ម៉ាកយីហោនេះបានលេចធ្លោខ្លាំងតាមរយៈការផ្តោតលើរសជាតិបែបច្នៃប្រឌិត និងដំណើរការចម្អិនដ៏ប្លែក ដែលប្រើប្រាស់បច្ចេកទេសការអាំងក្នុងឡ រួចទើបយកទៅបំពង ដើម្បីឱ្យសាច់មាន់មានភាពទន់ និងរក្សាជាតិទឹកបានល្អ (tender and juicy)។ក្រុមហ៊ុន Saisons Brother holding Co.,Ltd ដែលជាសាជីវកម្មល្បីល្បាញខាងវិស័យជាច្រើនដូចជា​ វិស័យម្ហូបអាហារ (Food & Beverage) វិស័យលក់រាយ (Retail)​ វិស័យបច្ចេកវិទ្យា (Technology) និងវិស័យសំណង់ (Construction)។ ជាមួយនិងបទពិសោធន៏នៃការបើកអាជីវកម្មជាច្រើនវិស័យ និងការយល់ពីទីផ្សារកម្ពុជាយ៉ាងស៊ីជម្រៅ ក្រុមហ៊ុនសៃសាន់គឺជាដៃគូរដ៏ល្អឥងខ្ជោះក្នុងការនាំចូលម៉ាកសញ្ញាដ៏ល្បីនេះចូលទីផ្សារកម្ពុជា។ ·      Facebook: https://www.facebook.com/profile.php?id=61586757257949·      Instagram: https://www.instagram.com/puradakcambodia/·      Telegram Channel: https://t.me/puradakcbodia·      TikTok: https://www.tiktok.com/@puradakcambodia·      Contact number: (+855) 78 222 758 

(អន្តរជាតិ)៖ ប្រទេសអាស៊ីអាគ្នេយ៍ជាច្រើនបានបង្ហាញកម្រិតនៃការចូលរួមខុសៗគ្នានៅក្នុង "ក្រុមប្រឹក្សាសន្តិភាព" ដែលបានស្នើឡើងរបស់លោក Trump ដែលឆ្លុះបញ្ចាំងពីការលាយបញ្ចូលគ្នានៃការចូលរួមយ៉ាងសកម្ម ការពិចារណាដោយប្រុងប្រយ័ត្ន និងការដកចេញ។ប្រទេសកម្ពុជា ឥណ្ឌូនេស៊ី និងវៀតណាម គឺជាប្រទេសតែមួយគត់នៅក្នុងតំបន់ដែលត្រូវបានអញ្ជើញ និងបានចូលរួមជាផ្លូវការនូវគំនិតផ្តួចផ្តើមនេះ ដោយដាក់ពួកគេជាអ្នករួមចំណែកសំខាន់ៗរបស់អាស៊ីអាគ្នេយ៍។ ការសម្រេចចិត្តចូលរួមរបស់ពួកគេបង្ហាញពីជំហរការទូតសកម្មក្នុងការចូលរួមជាមួយកិច្ចខិតខំប្រឹងប្រែងសន្តិភាពអន្តរជាតិដែលភ្ជាប់ជាមួយសហរដ្ឋអាមេរិក។ទន្ទឹមនឹងនេះ ប្រទេសសិង្ហបុរី ថៃ បានទទួលការអញ្ជើញ ប៉ុន្តែមិនទាន់បានចូលរួមក្រុមប្រឹក្សានៅឡើយទេ។ ក្រុមនេះតំណាងឱ្យប្រទេសដែលហាក់ដូចជាបើកចំហចំពោះការសន្ទនា ប៉ុន្តែកំពុងប្រើវិធីសាស្រ្តដែលមានការប្រុងប្រយ័ត្នជាងមុនមុនពេលធ្វើការប្តេជ្ញាចិត្តជាផ្លូវការ។ ការស្ទាក់ស្ទើររបស់ពួកគេអាចបណ្តាលមកពីការគណនានយោបាយ សម្ព័ន្ធភាពក្នុងតំបន់ ឬលក្ខណៈចម្រូងចម្រាសនៃគំនិតផ្តួចផ្តើមខ្លួនឯង។ម្យ៉ាងវិញទៀត ប្រទេសអាស៊ីអាគ្នេយ៍ជាច្រើនមិនត្រូវបានអញ្ជើញឱ្យចូលរួមទាល់តែសោះ រួមទាំងប្រទេសហ្វីលីពីន ម៉ាឡេស៊ី ទីម័រខាងកើត មីយ៉ាន់ម៉ា ប្រ៊ុយណេ និងឡាវ។ កង្វះការរួមបញ្ចូលនេះបង្ហាញពីការតំណាងតំបន់មិនស្មើគ្នានៅក្នុងក្រុមប្រឹក្សាសន្តិភាព។ ជារួម ទិន្នន័យបង្ហាញពីការបែងចែកយ៉ាងច្បាស់នៅក្នុងការចូលរួមរបស់អាស៊ីអាគ្នេយ៍ -ចាប់ពីការចូលរួមយ៉ាងសកម្មដោយប្រទេសឥណ្ឌូនេស៊ី និងវៀតណាម រហូតដល់ការសង្កេតដោយប្រុងប្រយ័ត្នដោយប្រទេសខ្លះ និងអវត្តមានទាំងស្រុងសម្រាប់ប្រទេសខ្លះទៀត៕

(អន្តរជាតិ)៖ ប្រព័ន្ធផ្សព្វផ្សាយរដ្ឋចិនបានរាយការណ៍ថា ប្រទេសចិនបានប្រហារជីវិតសមាជិកក្រុមឧក្រិដ្ឋជនគ្រួសារមីងដ៏ល្បីល្បាញចំនួន ១១ នាក់ ដែលបានគ្រប់គ្រងមជ្ឈមណ្ឌលបោកប្រាស់ដូចម៉ាហ្វៀ នៅមីយ៉ាន់ម៉ា និងបានសម្លាប់កម្មករដែលព្យាយាមរត់គេចខ្លួន។គ្រួសារមីង គឺជាគ្រួសារមួយក្នុងចំណោមគ្រួសារចំនួនបួននៅភាគខាងជើងប្រទេសមីយ៉ាន់ម៉ា - ក្រុមឧក្រិដ្ឋជនដែលត្រូវបានចោទប្រកាន់ពីបទគ្រប់គ្រងបរិវេណរាប់រយដែលជួញដូរការក្លែងបន្លំតាមអ៊ីនធឺណិត ពេស្យាចារ និងការផលិតគ្រឿងញៀន ហើយសមាជិករបស់ពួកគេ កាន់តំណែងលេចធ្លោនៅក្នុងរដ្ឋាភិបាលមូលដ្ឋាន និងកងជីវពលដែលមានទំនាក់ទំនងជាមួយរបបយោធាមីយ៉ាន់ម៉ា។មនុស្ស ១១ នាក់ដែលត្រូវបានប្រហារជីវិតត្រូវបានកាត់ទោសប្រហារជីវិតនៅក្នុងខែកញ្ញា បន្ទាប់ពីត្រូវបានរកឃើញថាមានទោសពីបទឧក្រិដ្ឋរួមទាំងឃាតកម្ម ការឃុំខ្លួនខុសច្បាប់ និងការក្លែងបន្លំ នេះបើយោងតាមទីភ្នាក់ងារសារព័ត៌មានស៊ីនហួរ។យោងតាមស៊ីនហួរ ជនជាប់ចោទពីរនាក់បានប្តឹងឧទ្ធរណ៍ ហើយសំណុំរឿងនេះ ត្រូវបានបញ្ជូនទៅតុលាការប្រជាជនកំពូល ដែលជាតុលាការកំពូលរបស់ប្រទេសចិន ដែលបានតម្កល់សាលក្រមដើម។គ្រួសារឧក្រិដ្ឋជនដែលដឹកនាំដោយមីង សៀវឆាង ត្រូវបានចងភ្ជាប់ជាយូរមកហើយទៅនឹងបរិវេណដ៏ល្បីល្បាញមួយឈ្មោះថា Crouching Tiger Villa ក្នុងតំបន់កូកាង ដែលជាតំបន់ស្វយ័តមួយនៅជាប់ព្រំដែនមីយ៉ាន់ម៉ាជាមួយប្រទេសចិន។ យោងតាមប្រព័ន្ធផ្សព្វផ្សាយរដ្ឋចិន CCTV បានឲ្យដឹងថា នៅពេលដែលក្រុមនេះឈានដល់កម្រិតកំពូល ក្រុមនេះមានមនុស្សចំនួន ១០០០០ នាក់កំពុងធ្វើការដើម្បីបោកប្រាស់ និងឧក្រិដ្ឋកម្មផ្សេងៗទៀតសម្រាប់ពួកគេ។ទីក្រុងឡៅកៃង រដ្ឋធានីកូកាង គឺជាចំណុចកណ្តាលនៃឧស្សាហកម្មបោកប្រាស់រាប់ពាន់លានដុល្លារ ដែលបានចាក់ឫសនៅក្នុងហោប៉ៅគ្មានច្បាប់របស់ប្រទេសមីយ៉ាន់ម៉ា ជាកន្លែងដែលកម្មករដែលត្រូវបានជួញដូរត្រូវបានប្រើប្រាស់ដើម្បីបោកប្រាស់មនុស្សចម្លែកជាមួយនឹងគម្រោងអនឡាញដ៏ទំនើប។បន្ទាប់ពីពាក្យបណ្តឹងជាច្រើនឆ្នាំពីសាច់ញាតិរបស់កម្មករមជ្ឈមណ្ឌលបោកប្រាស់ដែលត្រូវបានជួញដូរ និងការចាប់អារម្មណ៍ពីប្រព័ន្ធផ្សព្វផ្សាយអន្តរជាតិកាន់តែខ្លាំងឡើង ទីក្រុងប៉េកាំងបានបង្ក្រាបបរិវេណទាំងនោះនៅឆ្នាំ ២០២៣។នៅខែវិច្ឆិកា ឆ្នាំនោះ ប្រទេសចិន បានចេញដីកាចាប់ខ្លួនសមាជិកគ្រួសារ ដោយចោទប្រកាន់ពួកគេពីបទក្លែងបន្លំ ឃាតកម្ម និងការជួញដូរមនុស្ស ហើយបានប្រកាសផ្តល់រង្វាន់ចន្លោះពី ១៤០០០ ដុល្លារ ទៅ ៧០០០០ ដុល្លារ សម្រាប់ការចាប់ខ្លួនពួកគេ៕

(វ៉ាស៊ីនតោន)៖ ប្រធានាធិបតីសហរដ្ឋអាមេរិក លោក Donald Trump បានជំរុញឱ្យអ៊ីរ៉ង់នៅ ចូលមកតុចរចា និងធ្វើកិច្ចព្រមព្រៀងលើអាវុធនុយក្លេអ៊ែរ បើមិនដូច្នេះទេការវាយប្រហារលើកក្រោយរបស់សហរដ្ឋអាមេរិកនឹងកាន់តែអាក្រក់ទៅៗ។ ទីក្រុងតេអេរ៉ង់បានឆ្លើយតបដោយការគំរាមកំហែងវាយប្រហារតបតវិញប្រឆាំងនឹងសហរដ្ឋអាមេរិក អ៊ីស្រាអែល និងអ្នកដែលគាំទ្រពួកគេ។លោក Trump បានសរសេរនៅលើបណ្តាញសង្គមថា «សង្ឃឹមថា អ៊ីរ៉ង់នឹង «មកតុចរចា» យ៉ាងឆាប់រហ័ស ហើយចរចាកិច្ចព្រមព្រៀងដ៏យុត្តិធម៌ និងសមធម៌ - គ្មានអាវុធនុយក្លេអ៊ែរ - ដែលល្អសម្រាប់គ្រប់ភាគីទាំងអស់។ ពេលវេលាជិតអស់ហើយ វាពិតជាសំខាន់ណាស់!»។ក្នុងចំណោមការកសាងកងកម្លាំងអាមេរិកនៅមជ្ឈិមបូព៌ា ប្រធានាធិបតីសាធារណរដ្ឋ ដែលបានដកខ្លួនចេញពីកិច្ចព្រមព្រៀងនុយក្លេអ៊ែរឆ្នាំ 2015 របស់មហាអំណាចពិភពលោកជាមួយទីក្រុងតេអេរ៉ង់ក្នុងអំឡុងពេលអាណត្តិដំបូងរបស់គាត់នៅសេតវិមាន បានកត់សម្គាល់ថាការព្រមានចុងក្រោយរបស់គាត់ចំពោះអ៊ីរ៉ង់ត្រូវបានបន្តដោយការវាយប្រហារយោធានៅក្នុងខែមិថុនា។លោក Trump បានសរសេរថា «ការវាយប្រហារលើកក្រោយនឹងកាន់តែអាក្រក់ទៅៗ! កុំធ្វើឱ្យរឿងនោះកើតឡើងម្តងទៀត»។ គាត់បាននិយាយម្តងទៀតថា «កងនាវា» របស់សហរដ្ឋអាមេរិកកំពុងធ្វើដំណើរឆ្ពោះទៅសាធារណរដ្ឋអ៊ីស្លាមមួយនេះ។ដោយឡែក អ៊ីរ៉ង់ឆ្លើយតបថា សកម្មភាពយោធាណាមួយពីសហរដ្ឋអាមេរិកនឹងបណ្តាលឱ្យអ៊ីរ៉ង់កំណត់គោលដៅលើសហរដ្ឋអាមេរិក អ៊ីស្រាអែល និងអ្នកដែលគាំទ្រវា ។រដ្ឋមន្ត្រីការបរទេសអ៊ីរ៉ង់ លោក Abbas Araqchi បានព្រមាននៅលើ X ថា កងកម្លាំងប្រដាប់អាវុធរបស់អ៊ីរ៉ង់ «បានត្រៀមខ្លួនរួចរាល់ហើយ - ដើម្បីឆ្លើយតបភ្លាមៗ និងខ្លាំងក្លាចំពោះការឈ្លានពានណាមួយ»។លោក Araqchi បានបន្ថែមថា «ក្នុងពេលជាមួយគ្នានេះ អ៊ីរ៉ង់តែងតែស្វាគមន៍កិច្ចព្រមព្រៀងនុយក្លេអ៊ែរដែលផ្តល់ផលប្រយោជន៍ទៅវិញទៅមក យុត្តិធម៌ និងសមធម៌ - ដោយឈរលើមូលដ្ឋានស្មើភាពគ្នា និងគ្មានការបង្ខិតបង្ខំ ការគំរាមកំហែង និងការបំភិតបំភ័យ -ដែលធានាសិទ្ធិរបស់អ៊ីរ៉ង់ចំពោះបច្ចេកវិទ្យានុយក្លេអ៊ែរដោយសន្តិភាព និងធានាថាគ្មានអាវុធនុយក្លេអ៊ែរ»។លោក Trump បាននិយាយថា កងកម្លាំងកងទ័ពជើងទឹកអាមេរិកដែលដឹកនាំដោយនាវាផ្ទុកយន្តហោះ USS Abraham Lincoln កំពុងខិតជិតអ៊ីរ៉ង់។ មន្ត្រីអាមេរិកពីររូបបានប្រាប់ Reuters កាលពីថ្ងៃចន្ទថា នាវាចម្បាំង Lincoln និងនាវាចម្បាំងគាំទ្របានមកដល់មជ្ឈិមបូព៌ាហើយ។ នាវាចម្បាំងទាំងនេះបានចាប់ផ្តើមធ្វើដំណើរចេញពីតំបន់អាស៊ីប៉ាស៊ីហ្វិកកាលពីសប្តាហ៍មុន ខណៈដែលភាពតានតឹងរវាងសហរដ្ឋអាមេរិក និងអ៊ីរ៉ង់បានកើនឡើងយ៉ាងខ្លាំង បន្ទាប់ពីការបង្ក្រាបបង្ហូរឈាមលើការតវ៉ានៅទូទាំងប្រទេសអ៊ីរ៉ង់ដោយអាជ្ញាធរស្មៀនរបស់ខ្លួនក្នុងរយៈពេលប៉ុន្មានសប្តាហ៍ថ្មីៗនេះ៕

(អន្តរជាតិ)៖ មនុស្សជាច្រើនជឿថា យុវវ័យជំនាន់ក្រោយមិនសូវចូលចិត្តពាក់គ្រឿងអលង្ការមាស ដូចចាស់ៗជំនាន់មុននោះទេ។ថ្មីៗនេះ មានការបង្ហោះមួយនៅលើបណ្តាញសង្គមដែលអះអាងថា យុវវ័យកំពុងងាកចេញពីលោហៈដ៏មានតម្លៃ ហើយមានតែមនុស្សជំនាន់មុនទេដែលចូលចិត្តពាក់មាស។អ្នកប្រើប្រាស់អ៊ីនធឺណិតដែលបានបញ្ចេញមតិលើការបង្ហោះនេះបានវែកញែកថា តម្លៃមាសបច្ចុប្បន្នខ្ពស់ពេក ដែលឡើងដល់ជាង៦០០ដុល្លារក្នុងមួយជី។ប៉ុន្តែមានហេតុផលផ្សេងក្រៅពីតម្លៃថ្លៃ ដោយសារតែមនុស្សជាច្រើននៅតែសុខចិត្តខ្ចីលុយធនាគារ ឬទុក លុយ ដើម្បីទិញនាឡិកា ស្បែកជើងប៉ាតាប្រេនៗ ឬស្មាតហ្វូនចុងក្រោយបំផុត។ក្មេងៗទំនោរពាក់គ្រឿងអលង្ការបន្តិចបន្តួចជាប្រចាំ ឬទៅចូលរួមកម្មវិធីពិសេសណាមួយ ដូចជាមង្គលការ ប៉ុន្តែបើសិនជាពួកគេពាក់មាសនោះពួកគេមានអារម្មណ៍ថាខ្មាសគេ ដោយសារតែមើលទៅដូចជា ហួសហេតុពេក។ដោយនិយាយដូច្នេះ ការអះអាងថាយុវវ័យមិនចូលចិត្តមាសអាច ជាការសន្និដ្ឋានយ៉ាងប្រញាប់ប្រញាល់។ មនុស្សជំនាន់ Z មិនបដិសេធតម្លៃមាសជាទម្រង់នៃការសន្សំនោះទេ។ ពួកគេគ្រាន់តែផ្លាស់ប្តូររបៀបដែលពួកគេមើលឃើញវា របៀបដែលពួកគេប្រើវា និងរបៀបដែលពួកគេពាក់វា។ មនុស្សជាច្រើនចូលចិត្តការរចនាទំនើបដែលមានអារម្មណ៍ផ្ទាល់ខ្លួនជាង និងងាយស្រួលផ្គូផ្គងជាមួយសម្លៀកបំពាក់ប្រចាំថ្ងៃ។ចំពោះពួកគេ គ្រឿងអលង្ការត្រូវតែ «សមនឹងរសជាតិរបស់ពួកគេ» និង «មិនធ្វើឱ្យវាមើលទៅចាស់» ជាជាងមានទម្ងន់ដូចមាស៕

ផ្អើលក្រុងកំពង់ចាម បុរសម្នាក់នៅកំលោះ 33ឆ្នាំ ត្រូវបាននារីម្នាក់តាមស្រលាញ់ ក្រោយពីដឹងថាបុរសនោះបានក្លាយជាសេដ្ឋី ឈ្នះរង្វាន់ធំពីភេសជ្ជៈប៉ូវកម្លាំងប៊ូសស្រ្តង តែចុងក្រោយដាច់ផ្ងារ ដោយសារតែ....។ បុរសម្ចាស់រង្វាន់សេដ្ឋីក្មេង 130លានរៀលពីប៊ូសស្រ្តង ឈ្មោះ ហ៊ុល ពិរុណ អាយុ 33ឆ្នាំ នៅលីវ ជាជាងភ្លើង បច្ចុប្បន្នរស់នៅភូមិបឹងកុកទី2 សង្កាត់បឹងកុក ក្រុងកំពង់ចាម ខេត្តកំពង់ចាម។ បើតាមការរៀបរាប់របស់បងប្រុស បានឱ្យដឹងថា ក្រោយត្រឡប់មកពីធ្វើការវិញ​ គាត់រៀងហត់អស់កម្លាំង ក៏ទិញប៊ូសស្រ្តងត្រជាក់ៗ 1កំប៉ុងញុំាដូចសព្វមួយដង មិននឹកស្មានថា លាភធំចូលផ្ទះ ក្លាយជាសេដ្ឋីភ្លាមៗ ដល់ថ្នាក់រំភើបស្រែកហ៊ោឡើងភ្លាត់សម្លេង ផ្អើលអស់អ្នកជិតខាង។ ខណៈពេលក្រុមការងារប៊ូសស្រ្តងបានចុះទៅពិនិត្យក្រវិលកំប៉ុងរង្វាន់ ស្រាប់តែមាននារីម្នាក់អះអាងថា គាត់ព្រមធ្វើជាប្រពន្ធរបស់បងប្រុសម្ចាស់រង្វាន់ដោយមិនគិតថ្លៃបណ្ដាការអ្វីទាំងអស់ តែចុងក្រោយដាច់ផ្ងារ ដោយសារតែម្ដាយម្ចាស់រង្វាន់និយាយថា អត់ព្រមទទួលយកធ្វើជាកូនប្រសារស្រីទេ ហើយបងប្រុសម្ចាស់រង្វាន់ក៏ប្រកែកទៀត ធ្វើឱ្យនារីម្នាក់នោះខកចិត្តមិនស្ទើរ។ ប៉ុន្តែអ្វីដែលធ្វើឱ្យអ្នកកំពង់ចាមហួសចិត្តខ្លាំង គឺនារីម្នាក់នោះ គឺជាសោម៉ាតែងខ្លួនជាស្រីសោះ។ ប៊ូសស្រ្តងឆ្ងាញ់ រសជាតិដិតជ្រៅ! ញុំាប៊ូសស្រ្តងរង្វាន់សេដ្ឋីក្មេង 130លានរៀល កែប្រែជីវិតបងប្អូនភ្លាមៗ!  

(អាមេរិក)៖ លោក Jingliang Su ជនជាតិចិន ត្រូវបានកាត់ទោសឱ្យជាប់ពន្ធនាគាររយៈពេល ៤៦ ខែ ពីបទលាងលុយកខ្វក់ជាង ៣៦,៩ លានដុល្លារពីជនរងគ្រោះក្នុងការឃុបឃិតវិនិយោគលើទ្រព្យសកម្មឌីជីថល ដែលត្រូវបានអនុវត្តពីមជ្ឈមណ្ឌលបោកប្រាស់នៅក្នុងប្រទេសកម្ពុជា។ តុលាការក៏បានបញ្ជាឱ្យលោក Su បង់ប្រាក់សំណងចំនួន ២៦,៨៦៧,២៤២,៤៤ ដុល្លារផងដែរ។ លោក Su បានសារភាពកំហុសក្នុងខែមិថុនា ឆ្នាំ ២០២៥ ចំពោះការឃុបឃិតមួយករណីដើម្បីដំណើរការអាជីវកម្មបញ្ជូនប្រាក់ខុសច្បាប់។ នេះបើតាមសេចក្ដីប្រកាស របស់ក្រសួងយុត្តិធម៌អាមេរក នៅថ្ងៃទី២៧ ខែមករា។ លោក A. Tysen Duva ជំនួយការអគ្គព្រះរាជអាជ្ញានៃនាយកដ្ឋានព្រហ្មទណ្ឌនៃក្រសួងយុត្តិធម៌បានឱ្យដឹងថា “ជនជាប់ចោទរូបនេះ និងអ្នកសមគំនិតរបស់គាត់បានបោកប្រាស់ជនជាតិអាមេរិកចំនួន ១៧៤ នាក់ពីប្រាក់ដែលរកបានដោយលំបាក”។ “នៅក្នុងយុគសម័យឌីជីថល ឧក្រិដ្ឋជនបានរកឃើញវិធីថ្មីៗ ដើម្បីប្រើប្រាស់អ៊ីនធឺណិតសម្រាប់ការក្លែងបន្លំ។ នាយកដ្ឋានព្រហ្មទណ្ឌ និងដៃគូអនុវត្តច្បាប់របស់ខ្លួនបានបន្តវិវត្ត និងចាប់បានអ្នកបោកប្រាស់ទ្រង់ទ្រាយធំ ដែលកំណត់គោលដៅមនុស្សតាមរយៈទូរស័ព្ទ ប្រព័ន្ធផ្សព្វផ្សាយសង្គម និងគេហទំព័រអ៊ីនធឺណិតក្លែងក្លាយ លួចពីពួកគេ ហើយបន្ទាប់មកផ្ទេរប្រាក់របស់ពួកគេតាមរយៈរូបិយប័ណ្ណឌីជីថល និងការផ្ទេរប្រាក់តាមខ្សែនៅខាងក្រៅសហរដ្ឋអាមេរិក”។ យោងតាមឯកសាររបស់តុលាការ ស៊ូ គឺជាផ្នែកមួយនៃបណ្តាញឧក្រិដ្ឋកម្មអន្តរជាតិមួយ ដែលបានបញ្ចុះបញ្ចូលជនរងគ្រោះអាមេរិកឱ្យផ្ទេរប្រាក់ទៅគណនីដែលគ្រប់គ្រងដោយអ្នកសមគំនិត ដែលបន្ទាប់មកបានលាងលុយជនរងគ្រោះតាមរយៈក្រុមហ៊ុនសែលរបស់សហរដ្ឋអាមេរិក គណនីធនាគារអន្តរជាតិ និងកាបូបទ្រព្យសកម្មឌីជីថល។វដ្តនៃគម្រោងនេះបានចាប់ផ្តើមនៅពេលដែលអ្នកសមគំនិតនៅបរទេសបានទាក់ទងជនរងគ្រោះអាមេរិកតាមរយៈការប្រាស្រ័យទាក់ទងគ្នាតាមប្រព័ន្ធផ្សព្វផ្សាយសង្គមដែលមិនបានស្នើសុំ ការហៅទូរស័ព្ទ សារជាអក្សរ និងសេវាកម្មណាត់ជួបតាមអ៊ីនធឺណិត ដើម្បីទទួលបានទំនុកចិត្តពីជនរងគ្រោះ។ អ្នកសមគំនិតបានផ្សព្វផ្សាយការវិនិយោគទ្រព្យសកម្មឌីជីថលក្លែងក្លាយដល់ជនរងគ្រោះ។ អ្នកសមគំនិតបានបង្កើតគេហទំព័រក្លែងក្លាយដែលស្រដៀងនឹងវេទិកាជួញដូររូបិយប័ណ្ណគ្រីបតូពិតប្រាកដ និងបញ្ចុះបញ្ចូលជនរងគ្រោះឱ្យផ្ញើប្រាក់តាមរយៈគេហទំព័រក្លែងក្លាយសម្រាប់ការវិនិយោគ។បន្ទាប់មក អ្នកបោកប្រាស់នឹងប្រាប់ជនរងគ្រោះថាការវិនិយោគរបស់ពួកគេកំពុងកើនឡើងតម្លៃ ខណៈពេលដែលតាមពិតទៅ អ្នកបោកប្រាស់បានលួចប្រាក់របស់ជនរងគ្រោះ។ មូលនិធិជនរងគ្រោះជាង ៣៦,៩ លានដុល្លារត្រូវបានផ្ទេរពីគណនីធនាគារអាមេរិកដែលគ្រប់គ្រងដោយអ្នកសមគំនិតទៅគណនីតែមួយនៅធនាគារ Deltec ក្នុងប្រទេសបាហាម៉ាស។ លោក Su និងអ្នកសមគំនិតផ្សេងទៀតបានណែនាំធនាគារ Deltec ឱ្យប្តូរប្រាក់ជនរងគ្រោះទៅជា Stablecoin Tether (USDT) ហើយផ្ទេរប្រាក់ដែលបានប្តូរទៅកាបូបទ្រព្យ សកម្មឌីជីថលដែលគ្រប់គ្រងនៅក្នុងប្រទេសកម្ពុជា។ ពីទីនោះ អ្នកសមគំនិតនៅក្នុងប្រទេសកម្ពុជាបានផ្ទេរ USDT ទៅឱ្យអ្នកដឹកនាំមជ្ឈមណ្ឌលបោកប្រាស់នៅទូទាំងតំបន់។ នៅទីបំផុត រដ្ឋាភិបាលអាចកំណត់អត្ត សញ្ញាណជនរងគ្រោះជនជាតិអាមេរិកចំនួន 174 នាក់។អ្នកសមគំនិតចំនួនប្រាំបីនាក់បានសារភាពកំហុសរហូតមកដល់ពេលនេះ រួមទាំងលោក Jose Somarriba និងលោក ShengSheng He។ លោក និងលោក Somarriba ម្នាក់ៗបានសារភាពកំហុសចំពោះការឃុបឃិតគ្នា ដើម្បីដំណើរការអាជីវកម្មបញ្ជូនប្រាក់ដែលគ្មានអាជ្ញាប័ណ្ណ ហើយត្រូវបានកាត់ទោសឱ្យជាប់ពន្ធនាគារ 51 ខែ និង 36 ខែរៀងៗខ្លួន។

(វៀតណាម)៖ ដោយឆ្លៀតឱកាសពីការកើនឡើងនៃតម្រូវការស្បៀងអាហារក្នុងអំឡុងពេលបុណ្យចូលឆ្នាំចិន ខាងមុខនេះ មនុស្សម្នាក់នៅខេត្តក្វាងនិញបានស្តុកទុកទំនិញជិត ៤ តោនដែលមិនស្គាល់ប្រភពដើម ដើម្បីលក់យកប្រាក់ចំណេញ។ នៅថ្ងៃទី ២៨ ខែមករា នគរបាលខេត្តក្វាងនិញបានរឹបអូសផលិតផល ម្ហូបអាហារមួយចំនួនធំដោយគ្មានវិក្កយបត្រ ឬឯកសារបញ្ជាក់ ដែលកំពុងត្រូវបានរៀបចំសម្រាប់លក់ និងចែកចាយលើទីផ្សារក្នុងឱកាសបុណ្យចូលឆ្នាំចិន ឆ្នាំ ២០២៦។ ឃ្លាំងផ្ទុកសាច់រាបសិបតោននេះជាកម្មសិទ្ធិរបស់លោក ឡេ ហៃមិញ រស់នៅក្នុងតំបន់សេដ្ឋកិច្ចពិសេសវ៉ាន់ដូន ខេត្តក្វាងនិញ នៃវៀតណាម។នៅកន្លែងកើតហេតុ អាជ្ញាធរបានរកឃើញ និងរឹបអូសបានវត្ថុតាងម្ហូបអាហារជាច្រើនប្រភេទសរុបចំនួន ៣.៧៩០ គីឡូក្រាម រួមមានសាច់ក្រកចំនួន ២.៥០៦ គីឡូក្រាម (វេចខ្ចប់ក្នុងប្រអប់ក្រដាសកាតុងចំនួន ១១០) និងវត្ថុតាងម្ហូបអាហារផ្សេងទៀតចំនួន ១.២៨៤ គីឡូក្រាម ដូចជា មឹកបំពង បង្កង ខ្យងក្រហម និងនំប៉ាវ (វេចខ្ចប់ក្នុងប្រអប់ក្រដាសកាតុងចំនួន ១៣៣)។នៅពេលត្រួតពិនិត្យ លោក ឡេ ហៃមិញ មិនអាចបង្ហាញវិក្កយបត្រ ឬឯកសារដែលបញ្ជាក់ពីប្រភពដើមស្របច្បាប់នៃទំនិញទាំងអស់នោះទេ។ ជនសង្ស័យបានសារភាពថា បានទិញទំនិញម្ហូបអាហារទាំងនេះពីមនុស្សជាច្រើននៅតាមផ្សារនានាក្នុងទីក្រុងម៉ុងកាយចាស់ ដែលមានតម្លៃសរុបជាង ២១៧ លានដុង។ តាមវត្ថុតាងរឹបអូសបាន អាហារទាំងនោះត្រូវបានស្តុកទុកក្នុងការរំពឹងទុកលក់ក្នុងឱកាស បុណ្យចូលឆ្នាំចិនឆ្នាំ ២០២៦ ដែលជាពេលវេលាដែលមានតម្រូវការខ្ពស់ ដើម្បីលក់នៅលើទីផ្សារដើម្បីរកប្រាក់ចំណេញ។ ការផ្ទៀងផ្ទាត់បានបង្ហាញថា ឡេ ហៃមិញ មិនត្រូវបានផ្តល់អាជ្ញាប័ណ្ណអាជីវកម្ម ឬវិញ្ញាបនបត្រសុវត្ថិភាពចំណីអាហារដូចដែលតម្រូវដោយបទប្បញ្ញត្តិនោះទេ។បច្ចុប្បន្ន ផលិតផលម្ហូបអាហារទាំងអស់ដែលមិនស្គាល់ប្រភពដើម ត្រូវបានអាជ្ញាធររឹបអូសជាបណ្ដោះអាសន្ន ដើម្បីស៊ើបអង្កេត ផ្ទៀងផ្ទាត់ និងដោះស្រាយយ៉ាងម៉ឺងម៉ាត់តាមបទប្បញ្ញត្តិបន្ថែមទៀត។ ការរកឃើញ និងស្ទាក់ចាប់ការដឹកជញ្ជូនខុសច្បាប់នេះទាន់ពេលវេលា គឺជាផ្នែកមួយនៃផែនការបង្ក្រាបបទល្មើស ដែលមានអាំងតង់ស៊ីតេខ្ពស់ ដែលរួមចំណែកដល់ការធានាសន្តិសុខ សណ្តាប់ធ្នាប់ និងសុវត្ថិភាពចំណី អាហារសម្រាប់ប្រជាជននៅខេត្តក្វាងនិញ មុន អំឡុងពេល និងក្រោយបុណ្យចូលឆ្នាំចិន ឆ្នាំ២០២៦។

(វៀតណាម)៖ បន្ទាប់ពីការរកឃើញករណីជំងឺ Nipah នៅក្នុងប្រទេសឥណ្ឌា ក្រសួងសុខាភិបាលវៀតណាម បានចេញសេចក្ដីណែនាំបន្ទាប់មួយ ដែលស្នើសុំឱ្យតំបន់ មន្ទីរពេទ្យ និងស្ថាប័នឯកទេសនានា រឹតបន្តឹងការគ្រប់គ្រងព្រំដែន ការព្យាបាល និងការធ្វើតេស្ត ព្រមទាំងត្រៀមខ្លួនសម្រាប់ការឆ្លើយតប។ លោកស្រី ង្វៀន ធីលៀនហឿង អនុរដ្ឋមន្ត្រីក្រសួងសុខាភិបាល បានចុះហត្ថលេខាលើលិខិតផ្លូវការបន្ទាន់មួយ ផ្ញើគណៈកម្មាធិការប្រជាជនខេត្ត និងក្រុង វិទ្យាស្ថានអនាម័យ និងរោគរាតត្បាត/វិទ្យាស្ថានប៉ាស្ទ័រ និងមន្ទីរពេទ្យពាក់ព័ន្ធ ស្តីពីការពង្រឹងការឃ្លាំមើល និងការបង្ការជំងឺដែលបង្កឡើងដោយវីរុស Nipah ។ យោងតាមប្រព័ន្ធឃ្លាំមើលជំងឺឆ្លង ចាប់ពីថ្ងៃទី ២៧ ខែធ្នូ ឆ្នាំ ២០២៥ ដល់ថ្ងៃទី ២៧ ខែមករា ឆ្នាំ ២០២៦ ប្រទេសឥណ្ឌាបានកត់ត្រាករណីឆ្លងវីរុសនេះ ចំនួនពីរករណីនៅរដ្ឋ West Bengal។ ជំងឺឆ្លងវីរុស Nipah គឺជាជំងឺឆ្លងក្រុម A ដែលចម្លងពីសត្វទៅមនុស្ស (ជាចម្បងតាមរយៈសត្វប្រចៀវ) តាមរយៈអាហារ និងវត្ថុដែលមានមេរោគ ហើយអាចចម្លងពីមនុស្សទៅមនុស្សតាម រយៈការប៉ះពាល់ដោយផ្ទាល់ជាមួយសារធាតុរាវក្នុងរាងកាយ។ រយៈពេលភ្ញាស់គឺ ៤-១៤ ថ្ងៃ។ រោគសញ្ញាមានចាប់ពីគ្រុនក្តៅ ឈឺក្បាល ឈឺសាច់ដុំ រហូតដល់បាត់បង់ស្មារតី និងរលាកខួរក្បាលស្រួចស្រាវ។ អត្រាមរណភាពគឺ ៤០-៧៥%។ បច្ចុប្បន្ននេះ មិនមានវ៉ាក់សាំង ឬការព្យាបាលជាក់លាក់ណាមួយឡើយ។ក្រសួងសុខាភិបាលស្នើសុំឱ្យមូលដ្ឋាននានាពង្រឹងការឃ្លាំមើលនៅតាមច្រកទ្វារព្រំដែន មណ្ឌលសុខភាព និងនៅក្នុងសហគមន៍ រកឃើញទាន់ពេលវេលា ដាក់ឱ្យនៅដាច់ដោយឡែក និងដោះស្រាយករណីឆ្លងឱ្យបានហ្មត់ចត់ ចាប់ពីករណីដំបូង ជាពិសេសក្នុងអំឡុងពេលបុណ្យចូលឆ្នាំថ្មី និងរដូវបុណ្យ។ អនុវត្តវិធានការគ្រប់គ្រងការឆ្លងយ៉ាងតឹងរ៉ឹងនៅក្នុងមណ្ឌលសុខភាព ធានាឧបករណ៍ការពារគ្រប់គ្រាន់ សម្រាប់បុគ្គលិកសុខាភិបាល។ ខណៈ ដាននៃមេរោគ Nipah ក៏ត្រូវបានរកឃើញនៅក្នុងសត្វប្រចៀវនៅប្រទេសវៀតណាម ដោយអ្នកជំនាញសុខភាពនិយាយថា អង្គបដិប្រាណប្រឆាំងនឹងមេរោគ Nipah ត្រូវបានរកឃើញនៅក្នុងសត្វប្រចៀវវៀតណាម ប៉ុន្តែប្រទេសនេះបច្ចុប្បន្ននៅតែត្រូវបានចាត់ទុកថាមានហានិភ័យទាបសម្រាប់ការផ្ទុះឡើងនៃជំងឺនេះ។ ថ្លែងទៅកាន់ VnExpress នៅថ្ងៃទី 28 ខែមករា ទាក់ទងនឹងការព្រួយបារម្ភអំពី មេរោគ Nipah ដែលចូលមកក្នុងប្រទេសវៀតណាម ពីការផ្ទុះឡើងនៃប្រទេសឥណ្ឌា និងព័ត៌មានអំពីសត្វប្រចៀវនៅក្នុងប្រទេសវៀតណាម ដែលផ្ទុកមេរោគនេះ សាស្ត្រាចារ្យរងវេជ្ជបណ្ឌិត Do Van Dung អតីតប្រធាននាយកដ្ឋានសុខភាពសាធារណៈ នៃសាកលវិទ្យាល័យវេជ្ជសាស្ត្រ និងឱសថស្ថានទីក្រុងហូជីមិញ បាននិយាយថា មនុស្សត្រូវយល់ពីលក្ខណៈពិតនៃទិន្នន័យ ដើម្បីជៀសវាងការភ័យស្លន់ស្លោ។ជាពិសេស ការសិក្សានៅប្រទេសវៀតណាម (ជាធម្មតានៅដាក់ឡាក់ និងហ័រប៊ិញ) ដែលធ្វើឡើងប្រហែលឆ្នាំ ២០១២ បានកត់ត្រាវត្តមាននៃអង្គបដិប្រាណប្រឆាំងនឹងមេរោគ Nipah នៅក្នុងប្រភេទសត្វប្រចៀវជាច្រើនដូចជាប្រចៀវឆ្កែឥណ្ឌា ( Cynopterus ) និងប្រចៀវក្អែកតូច ( Rousettus ) តាមរយៈការធ្វើតេស្ត ELISA។ និយាយតាមវេជ្ជសាស្ត្រ អង្គបដិប្រាណគឺជា "សញ្ញាសម្គាល់ភាពស៊ាំ" ដែលផលិតដោយរាងកាយដើម្បីចងចាំ និងប្រយុទ្ធប្រឆាំងនឹងភ្នាក់ងារបង្ករោគបន្ទាប់ពីការប៉ះពាល់ពីមុន។ ការធ្វើតេស្តអង្គបដិប្រាណវិជ្ជមាន ចំពោះសត្វប្រចៀវគ្រាន់តែបញ្ជាក់ថាពួកវាធ្លាប់ឆ្លងមេរោគ (ឬពូជដែលមានរចនាសម្ព័ន្ធស្រដៀងគ្នា) ហើយបានជាសះស្បើយដោយឯកឯង។ នេះគឺដូចជា "ស្លាកស្នាមភាពស៊ាំ" ខុសគ្នាទាំងស្រុងពីការរកឃើញមេរោគរស់ និងសកម្មនៅក្នុងខ្លួន ជាតម្រូវការជាមុនសម្រាប់ការរីករាលដាលជំងឺនេះទៅមនុស្ស។