អាជ្ញាធរក្រុងភ្នំពេញស្នើ អ្នករត់ម៉ូតូកង់បីឲ្យកែប្រែឥរិយាបថប្រាំពីរចំណុច

(ភ្នំពេញ) ៖ លោក មាន ចាន់យ៉ាដា អភិបាលរងរាជធានីភ្នំពេញ បានស្នើក្រុមអ្នកបើកបរម៉ូតូកង់បី កែប្រែឥរិយាបថ និងភាពមិនប្រក្រតីចំនួនប្រាំពីរចំណុច ដែលកើតមានកន្លងមក ដើម្បីចៀសវាងការរិះគន់ និងប៉ះពាល់ដល់ប្រជាពលរដ្ឋ និងបានបង្កើតផលអវិជ្ជមានដល់ការរៀបចំចរាចរណ៍ សន្ដិសុខ សណ្ដាប់ធ្នាប់ និងរបៀបរៀបរយសាធារណៈក្នុងរាជធានីភ្នំពេញ។
ចំណុចមិនប្រក្រតីដែលអាជ្ញាធរស្នើឲ្យអ្នកបើកបរម៉ូតូកង់បីធ្វើការកែប្រែនោះ មានដូចជា ៖
១-ការចត

២-ការខ្វះការត្រួតពិនិត្យបច្ចេកទេសយាន

៣-ការបើកបរគ្មានប័ណ្ឌបើកបរ(ក២)

៤-ការមិនគោរពច្បាប់ចរាចរណ៍

៥-ការប្រើប្រាស់វិទ្យុទាក់ទង

៦-ការពុំបានចុះបញ្ជីឱ្យបានត្រឹមត្រូវ

៧-បញ្ហាប្រឈមមួយចំនួនទៀត

សូមជំរាបថា ការស្នើរបស់អភិបាលរងរាជធានីភ្នំពេញទៅកាន់សមាគមនិងអ្នករត់ម៉ូតូកង់បីនេះ ធ្វើឡើង នៅព្រឹកថ្ងៃទី០២ ខែសីហា ឆ្នាំ២០១៧នេះ ក្នុងកិច្ចពិភាក្សាការងាររវាងរដ្ឋបាលរាជធានីភ្នំពេញ ជាមួយសមាគមម៉ូតូកង់បី ដើម្បីធានាឱ្យបាននូវកិច្ចសហការក្នុងរៀបចំសណ្ដាប់ធ្នាប់សាធារណៈក្នុងរាជធានីភ្នំពេញឱ្យមានភាពប្រសើរឡើង ដោយមានការចូលរួមពីមន្ដ្រីជំនាញ អាជ្ញាធរខណ្ឌ សមាគមម៉ូតូកង់បី ។

បញ្ជាក់ទៅកាន់អង្គប្រជុំ លោក មាន ចាន់យ៉ាដា បញ្ជាក់ថា ក្នុងនាមរដ្ឋបាលរាជធានីភ្នំពេញ គឺលោកសង្ឃឹមថា អាជ្ញាធរមូលដ្ឋាន និងសមាគមម៉ូតូកង់បី នឹងគោរពស្មារតីអង្គប្រជុំ ដោយត្រូវចូលរួម សហការក្នុងការរៀបចំសណ្ដាប់ធ្នាប់សាធារណៈឱ្យមានរបៀបរៀបរយដោយកើតចេញពីការគោរពច្បាប់ និងសេចក្ដីជូនដំណឹងរបស់អាជ្ញាធរ៕ (SN-ពុទ្ធិរៈ)

 

20604487_779649005549187_3429113580722742194_n

20525429_779649058882515_1496214739553035380_n

20525347_779649012215853_7492938005800064024_n 20476151_779649278882493_672618121587434837_n 20476083_779649165549171_8002751550969233288_n 18839139_779649078882513_8157814626629761591_n

20525477_779648935549194_3786043624686948892_n

20597334_779648982215856_2339796023864890429_n

appstore-300x83  googleplay-300x83

អត្ថបទដែលជាប់ទាក់ទង