ប៉េកាំង៖ ចិនតាមដានយ៉ាងយកចិត្តទុកដាក់នូវស្ថានភាពក្នុងតំបន់ កាស្មៀរ

ប្រធានាធិបតីរបស់ប្រទេសចិន លោក ស៊ី ជីនពីង បានថ្លែងនៅថ្ងៃពុធ ទី០៩ ខែតុលានេះថា លោកកំពុងតាមដានមើលយ៉ាងយកចិត្តទុកដាក់ចំពោះស្ថានភាពនៅតំបន់កាស្មៀរ ជាទីមានជម្លោះរវាងប្រទេសឥណ្ឌា និងប៉ាគិស្ថាន ដែលនេះបើតាមការចុះផ្សាយរបស់ទីភ្នាក់ងារព័ត៌មានចិន Xinhua News Agency ។

លោក ស៊ី ជីនពីង បានលើកឡើងបែបនេះ ក្នុងជំនួបជាមួយលោក Imran Khan នាយករដ្ឋមន្ត្រីរបស់ប្រទេសប៉ាគិស្ថាន នៅទីក្រុងប៉េកាំងប្រទេសចិន ក្នុងដំណើរទស្សនកិច្ចរបស់នាយករដ្ឋមន្ត្រីរូបនេះទៅកាន់ចិន ។

ចំណែករដ្ឋមន្ត្រីការបរទេសរបស់ប្រទេសឥណ្ឌាបានថ្លែងថា នាយករដ្ឋមន្ត្រីឥណ្ឌា លោក ណារិនដ្រា ម៉ូឌី (Narendra Modi) នឹងជួបពិភាក្សាជាមួយលោក ស៊ី ជីនពីង (Xi Jinping) ប្រធានាធបិតីរបស់ប្រទេសចិននៅទីក្រុង ចេណៃ (Indian city of Chennai) នៅថ្ងៃទី១១ និង១២ ខែតុលានេះ ក្នុងគោលដៅទម្លាក់ភាពទ័លច្រកនៃជម្លោះរវាងឥណ្ឌា និងប៉ាគិស្ថាន នៅតំបន់ព្រំដែនកាស្មៀរ ៕លីលី

appstore-300x83  googleplay-300x83

អត្ថបទដែលជាប់ទាក់ទង