សម្តេចតេជោ ហ៊ុន សែន ​នឹងអញ្ជើញ​ចូលរួម​សន្និបាតប្រចាំ​ឆ្នាំលើកទី៧៥​ របស់ ​UN-ESCAP ​នៅទីក្រុង​បាងកក​

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងដឹកនាំគណៈប្រតិភូចូលរួមសន្និបាតប្រចាំឆ្នាំ​លើក​ទី​៧៥​ របស់គណៈកម្មការសេដ្ឋកិច្ចនិងសង្គមអង្គការសហប្រជាជាតិ សម្រាប់តំបន់អាស៊ី-ប៉ាស៊ីហ្វិក ហៅកាត់ថា UN-ESCAP ក្រោមមូលបទ «ការផ្តល់សិទ្ធិអំណាចជូនប្រជាជន និងការធានានូវបរិយាប័ន្នភាព និងសមភាព» តបតាមការអញ្ជើញរបស់ លោកជំទាវ អាមីដា សាលស៊ីអាហ៍ អាលីស​ចាបាណា អគ្គលេខាធិការរងអង្គការសហប្រជាជាតិ និងជាលេខាធិការប្រតិបត្តិរបស់ UN-ESCAP។

សន្និបាតនេះ ប្រព្រឹត្តទៅនឹងទីក្រុងបាងកក ប្រទេសថៃ នៅថ្ងៃទី២៧ ខែឧសភា ឆ្នាំ២០១៩។ ក្នុងនោះ សម្តេចតេជោនាយករដ្ឋមន្រ្តី ត្រូវបានគោរពអញ្ជើញថ្លែងសុន្ទរកថាគន្លឹះនៅក្នុងពិធីបើកសន្និបាត ​ដោយ​ផ្តោត​ជាសំខាន់ទៅលើបទពិសោធន៍របស់កម្ពុជា ក្នុងការអភិវឌ្ឍ សេដ្ឋកិច្ចនិងសង្គម ដែលបានលើកកម្ពស់កម្រិតជីវភាពរបស់ប្រជាជនកម្ពុជាគ្រប់រូប៕

appstore-300x83  googleplay-300x83

អត្ថបទដែលជាប់ទាក់ទង