អគ្គស្នងការ​នគរបាល​ជាតិ​ បញ្ជា​ឲ្យ​កម្លាំង​ជំនាញ​បញ្ជូន​ជនសង្ស័យ​ ដួង​ ណាគ្រី​ ទៅ​តុលាការ​ដើម្បី​ចាត់ការ​តាម​នីតិវិធី​ 

(​ភ្នំពេញ)​៖​ នៅ​រសៀល​ថ្ងៃ​ទី​០៣​ ខែឧសភា​ ឆ្នាំ​២០១៩​នេះ​ នាយ​ឧត្តមសេនីយ៍​ សន្ដិ​បណ្ឌិត​ នេ​ត​ សា​វឿ​ន​ អគ្គស្នងការ​នគរបាល​ជាតិ​ បាន​ប្រាប់​សារព័ត៌មាន​ក្នុងស្រុក​មួយ​ថា​ លោក​បាន​បញ្ជា​ឲ្យ​បញ្ជូន​ជនសង្ស័យ​ម្នាក់​ឈ្មោះ​ ដួង​ ណាគ្រី​ ភេទ​ប្រុស​ ឋានន្តរសក្តិ​ វរសេនីយ៍ទោ​ មាន​តួនាទី​ជា​ អនុប្រធាន​នាយកដ្ឋាន​នគរបាល​ព្រហ្មទណ្ឌ​ ក្រសួងមហាផ្ទៃ​ ស្នាក់​នៅផ្ទះ​លេខ​៩៤៣​ ផ្លូវ​៣៦០​ សង្កាត់​បឹង​កេងកង​៣​ ខណ្ឌចំការមន​ ត្រូវ​បាន​កម្លាំង​នគរបាល​ខណ្ឌ​ច្បារ​អំពៅ​ឃាត់ខ្លួន​ ករណី​ប៉ុនប៉ង​ឃាតកម្ម​ (​ប្រើ​អាវុធ​ខ្លី​បាញ់​បណ្តាល​ឲ្យ​បែក​កញ្ចក់​រថយន្ត​)​ នៅ​ផ្លូវ​៣៦៣​ កែង​ផ្លូវ​៦៤៨​ ភូមិ​ព្រែក​ សង្កាត់​ច្បារ​អំពៅ​១​ ខណ្ឌ​ច្បារ​អំពៅ​ កាលពី​ថ្ងៃ​ទី​០២​ ខែឧសភា​ ឆ្នាំ​២០១៩​ ម៉ោង​០០​និង​៤៥​នាទី​ កណ្តាល​អា​ធ្រា​ត្រ​ ទៅ​កាន់​តុលាការ​ដើម្បី​ចាត់វិធានការ​តាម​ផ្លូវច្បាប់​។​

​ ​សូម​រម្លឹក​ថាៈ​ជនសង្ស័យ​ម្នាក់​ឈ្មោះ​ ដួង​ ណាគ្រី​ ភេទ​ប្រុស​ អាយុ​៤៧​ឆ្នាំ​ ជនជាតិ​ខ្មែរ​ ឋានន្តរស័ក្តិ​ វរសេនីយ៍ទោ​ មាន​តួនាទី​ជា​អនុប្រធាន​នាយកដ្ឋាន​នគរបាល​ព្រហ្មទណ្ឌ​ ក្រសួងមហាផ្ទៃ​ ស្នាក់​នៅផ្ទះ​លេខ​៩៤៣​ ផ្លូវ​៣៦០​ សង្កាត់​បឹង​កេងកង​៣​ ខណ្ឌចំការមន​ ត្រូវ​បាន​កម្លាំង​នគរបាល​ខណ្ឌ​ច្បារ​អំពៅ​ឃាត់ខ្លួន​ ករណី​ប៉ុនប៉ង​ឃាតកម្ម​ (​ប្រើ​អាវុធ​ខ្លី​បាញ់​បណ្តាល​ឲ្យ​បែក​កញ្ចក់​រថយន្ត​)​ នៅ​ផ្លូវ​៣៦៣​ កែង​ផ្លូវ​៦៤៨​ ភូមិ​ព្រែក​ សង្កាត់​ ច្បារ​អំពៅ​១​ ខណ្ឌ​ច្បារ​អំពៅ​ កាលពី​ថ្ងៃ​ទី​០២​ ខែឧសភា​ ឆ្នាំ​២០១៩​ ម៉ោង​០០​និង​៤៥​នាទី​ កណ្តាល​អា​ធ្រា​ត្រ​។​

​យោង​តាម​របាយការណ៍​របស់​លោក​អធិការ​នគរបាល​ខណ្ឌ​ច្បារ​អំពៅ​ បាន​ឲ្យ​ដឹង​ថា​ជន​រង​គ្រោះ​ឈ្មោះ​ ភូ​រិ​ស្ស​ ស្តូ​រ៉ា​ន់​ ភេទ​ប្រុស​ អាយុ​៣៤​ឆ្នាំ​ ជនជាតិ​ខ្មែរ​ មុខរបរ​អគ្គនាយក​ក្រុមហ៊ុន​សន្តិសុខ​ ស៊ី​ភី​អេស​(CPS)​ ស្នាក់​នៅផ្ទះ​លេខ​១៤៤​ ផ្លូវ​បេតុង​ ភូមិ​កោះន​រា​ សង្កាត់​និរោធ​ ខណ្ឌ​ច្បារ​អំពៅ​។​

យោង​តាម​របាយការណ៍​ដដែល​បន្ត​ថា​ មុន​ពេល​កើតហេតុ​ជន​រង​គ្រោះ​បើកបរ​រថយន្ត​ម៉ាក​ Rang​ Rover​ ពណ៌​ប្រផេះ​ ស្លាក​លេខ​ ភ្នំពេញ​ ២U-៤៤៤៨​ ជាមួយ​ប្រពន្ធ​ត្រឡប់​មក​ផ្ទះ​នៅ​ភូមិ​កោះន​រា​ សង្កាត់​និរោធ​ ខណ្ឌ​ច្បារ​អំពៅ​ ពេល​នោះ​ជន​រង​គ្រោះ​ក៏​ឈប់​ រថយន្ត​នៅ​ចិញ្ចើម​ផ្លូវ​មុខ​ មជ្ឈមណ្ឌល​រ៉ក​ដើម្បី​កាច់​កៅអី​រថយន្ត​ឲ្យ​ប្រពន្ធ​ដេក​ រួច​ក៏​បើករថយន្ត​ចេញ​ ស្រាប់តែ​ជនសង្ស័យ​បើករថយន្ត​ម៉ាក​ Lexus​ ៣៣០​ ពណ៌​ស​ ស្លាក​លេខ​ សៀមរាប​ ២B-៥១៥៣​ មាន​ភាព​ស្រវឹងស្រា​ខ្លាំង​មក​ពីក្រោយ​ ស៊ី​ញ៉ូ​ ភ្លើង​តាម​កៀ​ឲ្យ​រថយន្ត​ជន​រង​គ្រោះ​ឈប់​ រួច​រករឿង​ចាប់​ជន​រង​គ្រោះ​ដោយ​គ្មាន​មូលហេតុ​ ពេល​នោះ​ជន​រង​គ្រោះ​ក៏​ និយាយ​ថា​ បើ​មានរឿង​អី​មក​កន្លែង​សមត្ថកិច្ច​ រួច​ក៏​បើករថយន្ត​សំដៅ​មក​អធិការដ្ឋាន​នគរបាល​ខណ្ឌ​ច្បារ​អំពៅ​ ពេល​មក​ ដល់​ចំណុច​កើតហេតុ​ខាងលើ​ ជនសង្ស័យ​ក៏​កៀ​រថយន្ត​ជន​រង​គ្រោះ​ឲ្យ​ឈប់​ តែ​ជន​រង​គ្រោះ​មិន​ឈប់​ ជនសង្ស័យ​ក៏​ចុះ​ ពីលើ​រថយន្ត​ដក​អាវុធ​ខ្លី​ម៉ាក​រ៉ូ​ឡូ​ លេខ​ ១៨៨៦០៤​ បាញ់​សំដៅ​រថយន្ត​ជន​រង​គ្រោះ​ចំនួន​០៥​គ្រាប់​ បណ្តាល​ឲ្យ​បែក​ កញ្ចក់​រថយន្ត​ខាងក្រោយ​ខ្ទេច​ ក៏​ត្រូវ​បាន​សមត្ថកិច្ច​យើង​ជួយ​អន្តរាគមន៍​ឃាត់ខ្លួន​ជនសង្ស័យ​ រួម​និង​វត្ថុ​តាង​បញ្ជូន​មក​ អធិការដ្ឋាន​នគរបាល​ខណ្ឌ​ច្បារ​អំពៅ​ដើម្បី​សាកសួរ​។​

​មាន​មតិ​ហា​ជន​ជា​ច្រើន​បាន​លើក​ឡើង​ថា​ ប្រសិនជា​ខ្លួន​មាន​តួនាទី​ជា​សមត្ថកិច្ច​ប្រើប្រាស់​កាំភ្លើង​បាញ់បោះ​សេរី​ គំរាមកំហែង​ ប៉ុនប៉ង​មនុស្សឃាត​ទៅ​លើ​ប្រជាពលរដ្ឋ​ ដូច​ជន​ខាងលើ​ បន្ទាប់​មក​ដោះស្រាយ​សង​ជា​សំណង​បញ្ចប់រឿង​បែប​នេះ​ តើ​ភូមិ​-​ឃុំ​មាន​សុវត្ថិភាព​ដែល​រាជរដ្ឋាភិបាល​បាន​ដាក់​ចេញ​នោះ​មាន​ន័យ​អ្វី​?​ ៕

 

អត្ថបទដែលជាប់ទាក់ទង
WP2Social Auto Publish Powered By : XYZScripts.com