(ភ្នំពេញ)៖ យោងតាមសេចក្តីជូនដំណឹង របស់ក្រសួងធនធានទឹក និង ឧតុនិយម នៅថ្ងៃទី១៩ ខែ​មេសា ឆ្នាំ ២០២៤ បានឱ្យដឹងថា សម្ពាធទាបគ្របដណ្ដប់មក​លើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាង​ទន្លេមេគង្គ និងសមុទ្រចិនខាងត្បូង។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៩ ដល់ថ្ងៃទី២១ ខែមេសា ឆ្នាំ២០២៤៖១. តំបន់វាលទំនាប ៖ -សីតុណ្ហភាពអប្បបរមា២៥°C និងសីតុណ្ហភាពអតិបរមា៣៨°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់​លើផ្ទៃដី១៥%។២.តំបន់ខ្ពង់រាប ៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម៣,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ១០%។៣.តំបន់មាត់សមុទ្រ ៖-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៥°C។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី១៥%។-រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕ 

(ភ្នំពេញ)៖ ក្រុមហ៊ុន RMA Cambodia គឺជាក្រុមហ៊ុនដែលនាំចូលនូវរថយន្តនូវម៉ាកល្បីៗ លើពិភពលោក និង ចែកចាយផ្តាច់មុខសម្រាប់រថយន្ត Land Rover ដែលជាក្រុមហ៊ុនផលិតរថយន្តដ៏ធំបំផុត របស់ពិភពលោក។ Land Rover គឺផ្អែកលើម៉ាករថយន្តដ៏ល្បីល្បាញរបស់ចក្រភពអង់គ្លេស Land Rover ដែលជាក្រុមហ៊ុន ផលិតរថយន្តទំនើបគ្រប់ស្ថានភាពផ្លូវឈានមុខគេលើពិភពលោក។ ថ្ងៃនេះ ក្រុមហ៊ុន Land Rover Cambodia នឹងធ្វើ សន្និសីទសារព័ត៌មានមួយ ដើម្បីបង្ហាញអំពីការប្រើប្រាស់រថយន្ត Range Rover អោយកាន់តែប្រសើរឡើង។ ក្រុមហ៊ុន Land Rover តែងតែនាំមុខគេជានិច្ចនូវបច្ចេកវិទ្យា និង​ការបង្កើតថ្មីដោយផ្តោតលើការយកចិត្តទុកដាក់ អតិថិជនជាស្នូល។យោងតាមព័ត៌មានក្នុងស្រុក មានករណីឆេះរថយន្ត Range Rover ម្តងទៀតនៅលើផ្លូវល្បឿនលឿនភ្នំពេញ-ព្រះសីហនុ។ ឆ្លៀតក្នុងឱកាសនេះ ក្រុមហ៊ុន Land Rover Cambodia នឹងធ្វើសន្និសីទសារព័ត៌មាន បង្ហាញនិង ស្វែងយល់ពីរបៀបថែទាំយានយន្តឲ្យបានត្រឹមត្រូវមុនពេលបើកបរផ្លូវឆ្ងាយជាថ្មីម្តងទៀត។តាមការពន្យល់របស់ប្រធានផ្នែកសេវាកម្មជួលជុលរបស់ក្រុមហ៊ុន Land Rover Cambodia លោក Sajai Nalupurakkal តាមរយះសំនួរនានាដូចខាងក្រោមថា៖ហេតុអ្វីបានជារថយន្តឆេះ? មានហេតុផលជាច្រើនដែលកើតចេញពីកត្តារួមផ្សំគ្នាដូចជា ការធ្វេសប្រហែសក្នុងការថែទាំរថយន្តរបស់អ្នក ការខូចទ្រនាប់ការពារ លេចធ្លាយ (មិនថាទ្រនាប់ប្រេងឥន្ធនៈ ឬទ្រនាប់ការពារប្រេងរអិល) ឬប្រព័ន្ធខ្សែភ្លើងដែលមានបញ្ហាហានិភ័យកើនឡើង។​ ការកែឆ្នៃរថយន្តខុសបច្ចេកទេស ការកែប្រែប្រព័ន្ធខ្សែភ្លើង ដោយអ្នកបច្ចេកទេសដែលគ្មានជំនាញច្បាស់លាស់ ការនាំយកយានជំនិះពីស្តង់ដារអឺរ៉ុប និងការកែប្រែប្រព័ន្ធបង្ហូរប្រេង (ចំហេះ) ដើម្បីដំណើរការជាមួយនិងលក្ខខណ្ឌ ប្រេងឥន្ធនៈរបស់ប្រទេសយើង អាចនាំឱ្យឡើងកំដៅ។នៅពេលដែលម៉ាស៊ីនឡើងកំដៅខ្លាំង សារធាតុរាវរបស់វាដូចជាប្រេង និងទឹកស្អំម៉ាស៊ីនកើនឡើងដល់សីតុណ្ហភាពខ្ពស់ ហើយចាប់ផ្តើមហៀរចេញ ដែលអាចបញ្ឆេះលើផ្នែកម៉ាស៊ីនក្តៅ ឬប្រព័ន្ធបង្ហូរប្រេង​​​​​​​​​​(ចំហេះ)ដែលជាហេតុនាំឲ្យមានភ្លើងឆេះ​​​​។ ជាចុងក្រោយ ការប្រើប្រាស់គ្រឿងបន្លាស់ដែលមានតម្លៃទាប មិនមែនជារបស់ពិតក៏អាចរួមចំណែកដល់ហានិភ័យផងដែរ។  បច្ចុប្បន្ន Land Rover ទទួលបានការគាំទ្រជាខ្លាំងក្នុងចំណោមរថយន្តប្រណិតទាំងអស់ ជាមួយនិងតម្រូវការខ្ពស់សម្រាប់អតិថិជនកម្ពុជា ហើយប្រជាប្រិយភាព និងមានការចាប់អារម្មណ៍ពីសាធារណៈជន លើ ម៉ាកយីហោនេះ ដែលធ្វើអោយមានការផ្សព្វផ្សាយយ៉ាងទូលំទូលាយនៃព័ត៌មានដែលទាក់ទងនិង Land Rover ។  ហេតុអ្វីបានជាបញ្ហានៅតែបន្តកើតមានឡើង បើទោះជាមានសន្និសីទសារព័ត៌មានកាលពីឆ្នាំមុន?  ពួកយើងបានយកចិត្តទុកដាក់ចំពោះរឿងនេះជានិច្ច ហើយយើងបានអនុវត្តយុទ្ធនាការត្រួតពិនិត្យដោយឥតគិតថ្លៃ សម្រាប់រថយន្ត Land Rover គ្រប់ប្រភេទ ដើម្បីធានាថារថយន្ត Land Rover ទាំងអស់មានសុវត្ថិភាពនៅលើដងផ្លូវ។ យើងបានខិតខំប្រឹងប្រែងដើម្បីចែករំលែកព័ត៌មានសំខាន់ៗនឹងចំណេះដឹងទៅកាន់អតិថិជន Land Rover ទាំងអស់បន្ទាប់ពីរថយន្ត Land Rover ដំបូងបានឆាបឆេះនៅលើដងផ្លូវល្បឿនលឿន។ ក្នុងអំឡុងសន្និសីទសារព័ត៌មានកាលពីឆ្នាំមុន យើងបានសង្កត់ធ្ងន់លើសារៈសំខាន់នៃការប្រើប្រាស់គ្រឿងបន្លាស់ពិតប្រាកដ និងការជួសជុលដែលធ្វើឡើងដោយអ្នកបច្ចេកទេសទទួលការបណ្តុះបណ្តាលពីចក្រភពអង់គ្លេស។ យើងពិតជាចង់ត្រួតពិនិត្យរថយន្តដែលបានឆេះទាំងនោះដើម្បីស្វែងរកមូលហេតុដែលបានកើតឡើង ប៉ុន្តែគួរអោយសោកស្តាយ ដែលរថយន្តទាំងនោះ មិនធ្លាប់បានទទួលសេវាកម្មរបស់យើងឡើយ​ ដូច្នេះហើយ យើងពុំមានទិន្នន័យក្នុងប្រព័ន្ធដើម្បីត្រួតពិនិត្យពីមូលហេតុ ដែលបានកើតឡើងនោះទេ។តើមានវិធីអ្វីការពាររថយន្តពីការឆាបឆេះ? ដើម្បីការពារសុវត្តិភាពយានយន្ត និងសុវត្តិភាពរបស់លោកអ្នក សូមអញ្ចើញយករថយន្ត មកត្រួតពិនិត្យឲ្យបានទៀងទាត់សម្រាប់ការថែទាំ តាមកាលកំណត់ដោយប្រើប្រាស់គ្រឿងបន្លាស់ពិតប្រាកដរបស់ Land Rover និងការផ្ដល់សេវាកម្មដោយអ្នកបច្ចេកទេសដែលបានទទួលការបណ្តុះបណ្តាលយ៉ាងច្បាស់លាល់។នៅពេលលោកអ្នកមកទទួលសេវាកម្មពីមជ្ឈមណ្ឌលតំហែទាំរថយន្ត Land Rover Cambodia យើងចាប់ផ្តើមតាមដានស្ថានភាពសុខភាពរបស់រថយន្តតាមស្តង់ដារបស់ មជ្ឈមណ្ឌលតំហែទាំរថយន្តយើង ជាមួយនឹងកំណត់ត្រានៃប្រវត្តិសេវាកម្មរបស់រថយន្ត និងណែនាំការជួសជុលចាំបាច់ណាមួយ ដើម្បីបង្ការពីហានិភ័យណាមួយដែលនឹកស្មានមិនដល់នៅលើដងផ្លូវ។ ខាងក្រោមនេះជាការចែករំលែកពី លោក សៀង រិទ្ធ ប្រធានផ្នែករោងជាង លោកមានប្រសាសន៍ថា៖ចែករំលែកអំពីទំនុកចិត្តរបស់គាត់ក្នុងការជួសជុលរថយន្តយើងមានក្រុមជំនាញដែលមានតុល្យភាពនៅក្នុងសេវាកម្មមេកានិក និងផ្នែករោគវិនិច្ឆ័យនៃកំហូចរថយន្ត អ្នកបច្ចេកទេសរបស់យើងទាំងអស់ត្រូវបានចុះឈ្មោះនៅក្នុងវេទិកាបណ្តុះបណ្តាល Land Rover ដោយបន្តការបណ្តុះបណ្តាលជាប្រចាំតាមរយៈថ្នាក់អនឡាញ និង រៀនផ្ទាល់នៅក្នុងថ្នាក់នៅសាលាបណ្តុះបណ្តាល Land Rover ក្នុងប្រទេសសិង្ហបុរី និងចក្រភពអង់គ្លេស។ នេះធានាថាក្រុមបច្ចេកទេសរបស់យើងរក្សាបាននូវចំណេះដឹង និងបច្ចេកវិទ្យាចុងក្រោយបំផុត។ ការរួមបញ្ចូលគ្នានៃបទពិសោធន៍របស់ពួកគេជាមួយនឹងការប្រើប្រាស់ឧបករណ៍វិនិច្ឆ័យពិតប្រាកដដែលមានប្រភពផ្ទាល់ពីរោងចក្រ Land Rover UK យើងអាចផ្តល់ឱ្យអ្នកនូវសេវាកម្មស្តង់ដារពិភពលោក Land Rover នៅក្នុងប្រទេសកម្ពុជា។ របៀបទំនាក់ទំនងជាមួយអតិថិជនជាមុនរបស់ក្រុមហ៊ុន Land Rover Cambodia ក្រុមការងារផ្នែកទំនាក់ទំនងរបស់ពួកយើងគឺតែងតែរៀបចំរួចរាល់ជានិច្ចសម្រាប់ការទំនាក់ទំនងទៅកាន់អតិថិជន។ ពួកគាត់តែងតែផ្ដល់ព័ត៌មានថ្មីៗដែលបានបញ្ចូលពីខាងរោងចក្រដូចជា Software Update ឬ ក៏មានការតម្លើងថ្មីនៃផ្នែកណាមួយនៃរថយន្តដែលបានណែនាំពីខាងរោងចក្រពីចក្រភពអង់គ្លេសផ្ទាល់។ ក្រុមការងាររបស់ពួកយើងធានាថារថយន្តរបស់លោកអ្នកគឺស្ថិតនៅក្នុងស្ថានភាពល្អបំផុត។ការយល់ឃើញពីសំណាក់អតិថិជនដែលយករថយន្តមកជួសជុលផ្ទាល់នៅក្រុមហ៊ុន Land Rover Cambodiaលោក គួច លេងឃាង ៖​ “ខ្ញុំទិញឡាន Defender ពី RMA ព្រោះខ្ញុំជឿជាក់ និងទុកចិត្តលើគុណភាព និងសេវាកម្មរបស់ក្រុមហ៊ុន! ហើយខ្ញុំតែងតែទទួលបានការយកចិត្តទុកដាក់ពីផ្នែកសេវាកម្មរបស់ក្រុមហ៊ុន ដើម្បីត្រួតពិនិត្យឡាន ផ្លាស់ប្តូរប្រេងម៉ាស៊ីន និងការឆែកប្រព័ន្ធសុវត្ថិភាពជាដើម ជាពិសេសពេលត្រូវដល់ពេលមកឆែក រឺពេលត្រូវទៅឆ្ងាយម្តងៗ! ខ្ញុំមិនដែរបារម្ភទេ សឹងតែទិញឡានហើយចាំតែចាក់សាំង និងដូរប្រេងម៉ាស៊ីន តែប៉ុណ្ណឹង ។ មកកន្លែងរងចាំជួសជុលរថយន្តវិញស្ងាត់ល្អមានអាហារសំរន់ កាហ្វេ កន្លែងអង្គុយរងធំទូលាយស្អាត ខ្ញុំអាចអង្គុយរងចាំបណ្តើរធ្វើការបណ្តើរមិនខាតពេលពីមុនខ្ញុំយកឡានទៅធ្វើខាងក្រៅគិតថាធូរថ្លៃជាង ហើយហើយឥឡូវបន្ទាប់ពីខ្ញុំមកទទួលសេវាកម្មជាមួយក្រុមហ៊ុន Land Rover Cambodia គឺខ្ញុំអស់កង្វល់តែម្តង ហើយខ្ញុំតែងតែមកត្រួតពិនិត្យពេលដែលខ្ញុំធ្វើដំណើរផ្លូវឆ្ងាយជាមួយ តំលៃសមរម្យ ជាងល្អ គ្រឿងបន្លាស់ទុកចិត្ត ហើយឃើញរឿងឆេះថ្មីៗកាន់តែចង់មកអោយជាងជំនាញមើលអោយ ព្រោះថាសុវត្ថិភាពឡានមួយរឿង តែសុវត្ថិភាពអ្នកជិះ គ្រួសារយើងកាន់តែសំខាន់”មធ្យោបាយដ៏ល្អបំផុត ធ្វើការជាវរថយន្តពី Land Rover Cambodia នាំចូលផ្តាច់មុខដោយ RMA Cambodia និងទទួលសិទ្ធចែកចាយផ្ទាល់ពីរោងចក្រ Land Rover United Kingdom និងបំពាក់ដោយស្តង់ដារធានាពីរោងចក្ររយៈពេល 3 ឆ្នាំ ឫ ១០០,០០០ គីឡូ។ ទំនាក់ទំនងផ្នែកលក់ - 070999111ទំនាក់ទំនងផ្នែកសេវាកម្ម - 070999222

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញ ជាអធិបតីភាពដ៏ខ្ពង់ខ្ពស់ក្នុងពិធីសម្ពោធ ដាក់ឱ្យប្រើប្រាស់អគារសហសិក្សា អគារស្នាក់នៅ និងអគារអាហារដ្ឋាន នៅសាកលវិទ្យាល័យការពារជាតិ ព្រមទាំងសម្ពោធដាក់ឱ្យប្រើប្រាស់អគារនានាហើយនោះ ក៏មានការបិទវគ្គបណ្តុះបណ្តាល និងហ្វឹកហ្វឺនឆ្នាំ២០២៣ និងបើកវគ្គសិក្សាសម្រាប់ឆ្នាំ២០២៤ផងដែរ នៅព្រឹកថ្ងៃសុក្រ ១១កើត ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៩ ខែមេសា ឆ្នាំ២០២៤៕

(ភ្នំពេញ)៖ អ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា ផ្ញើសារលិខិតរំលែកមរណៈទុក្ខជូនចំពោះអ្នកឧកញ៉ា លាង ម៉េង អនុប្រធាននៃសមាគមអ្នកអភិវឌ្ឍន៍លំនៅឋានកម្ពុជា និង លោកជំទាវ គឹម ចាន់ណា ព្រមទាំងក្រុមគ្រួសារនៃសព។តាងនាមប្រធានសមាគមអ្នកអភិវឌ្ឍន៍លំនៅឋានកម្ពុជា ព្រមទាំងថ្នាក់ដឹកនាំ សមាជិក-សមាជិកាទាំងអស់ សូម សម្តែងនូវសេចក្តីសោកស្តាយជាពន់ពេក ចំពោះមរណៈភាពរបស់ មហាឧបាសក អ្នកឧកញ៉ា គឹម ចំរើន (លឹម តេកអៀក) ជាឪពុកក្មេក អ្នកឧកញ៉ា លាង ម៉េង អនុប្រធាននៃសមាគមអ្នកអភិវឌ្ឍន៍លំនៅឋានកម្ពុជា និង លោកជំទាវ គឹម ចាន់ណា ដែលបានទទួលមរណភាពក្នុងជន្មាយុ៨៣ឆ្នាំ ដោយជរាពាធ នៅថ្ងៃទី១៧ខែ មេសា ឆ្នាំ២០២៤។នាឱកាសប្រកបដោយសមានទុក្ខដ៏ក្រៀមក្រំជាទីបំផុតនេះ យើងខ្ញុំទាំងអស់គ្នាសូមសម្តែងនូវសេចក្តីរំលែកទុក្ខជា មួយក្រុមគ្រួសារនៃសព ដែលនេះជាការបាត់បង់នូវធនធានមនុស្សដ៏សំខាន់មួយរូប បាត់បង់ស្វាមី បាត់បង់ឪពុក ប្រកប ដោយព្រហ្មវិហារធម៌ មានទឹកចិត្តសណ្តោសប្រណី ដែលតែងតែលះបង់ទាំងកម្លាំងកាយចិត្ត បញ្ញាស្មារតី បម្រើកិច្ចការដែល ជាប្រយោជន៍សង្គមជាតិ និងក្រុមគ្រួសារដោយមិនខ្លាចនឿយហត់។ យើងខ្ញុំទាំងអស់គ្នាពិតជាមានសេចក្តីរន្ធត់ និងអាឡោះ អាល័យ និងសូមចូលរួមរំលែកមរណទុក្ខដ៏ក្រៀមក្រំបំផុតជាមួយ អ្នកឧកញ៉ា លាង ម៉េង និងលោកជំទាវ គឹម ចាន់ណា ព្រមទាំងក្រុមគ្រួសារនៃសព និងសូមឧទិសបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិ ជួយពាំនាំវិញ្ញាណក្ខន្ធ មហាឧបាសក អ្នកឧកញ៉ា គឹម ចំរើន (លឹម តេកអៀក) ទៅកាន់ទីឋានបរមសុខ សុគតិភពកុំបីឃ្លៀងឃ្លាតឡើយ៕

(អន្តរជាតិ)៖ អាកាសយានដ្ឋានអន្តរជាតិឌូបៃបានបង្វែរជើងហោះហើរចូលជាច្រើនកាលពីថ្ងៃអង្គារ ខណៈដែលភ្លៀងធ្លាក់ខ្លាំងបានវាយប្រហារប្រទេសអារ៉ាប់រួម ដែលបណ្តាលឱ្យមានទឹកជំនន់រីករាល ដាលនៅជុំវិញប្រទេសវាលខ្សាច់។មជ្ឈមណ្ឌលអាកាសដ៏មមាញឹកបំផុតរបស់ពិភពលោកសម្រាប់អ្នកដំណើរអន្តរជាតិ ដែលត្រូវបានបោះ ឆ្នោតឱ្យថា ជាព្រលានយន្តហោះប្រណីតបំផុតរបស់ពិភពលោកដោយក្រុមហ៊ុន ធានារ៉ាប់រងការធ្វើ ដំណើររបស់ចក្រភពអង់គ្លេស AllClear បានបញ្ជាក់ពីការបញ្ឈប់ការមកដល់របស់ជើង ហោះហើរ នៅម៉ោង 7:26 យប់។ មុននេះ អាកាសយានដ្ឋានដែលរំពឹងថានឹងមានជើងហោះហើរជាង 100 មកដល់នៅល្ងាចថ្ងៃអង្គារនោះ បានបោះជំហានមិនធម្មតា នៃការបញ្ឈប់ប្រតិបត្តិការរបស់ខ្លួនក្នុងរយៈពេលខ្លី នៅក្នុងភាពវឹកវរ ដែលបណ្តាលមកពីព្យុះ។ទីក្រុងឌូបៃ ដែលជាមជ្ឈមណ្ឌលហិរញ្ញវត្ថុនៅមជ្ឈិមបូព៌ា បានជាប់គាំងដោយសារភ្លៀងធ្លាក់ខ្លាំង ដែល បណ្តាលឱ្យមានទឹកជំនន់នៅទូទាំង UAE និង Bahrain ហើយបានបណ្តាលឱ្យមនុស្ស 18 នាក់ស្លាប់នៅ ក្នុងប្រទេសអូម៉ង់កាលពីថ្ងៃអាទិត្យ និងថ្ងៃច័ន្ទ។ទាំងប្រទេសអូម៉ង់ និង UAE ដែលជាម្ចាស់ផ្ទះកិច្ចពិភាក្សាស្តីពីអាកាសធាតុរបស់អង្គការសហប្រជាជាតិ COP28 កាលពីឆ្នាំមុន បានព្រមានថាការឡើងកំដៅផែនដីទំនងជានឹងនាំឱ្យមានទឹកជំនន់កាន់តែច្រើន៕

(កម្សាន្ត)៖ វីដេអូមួយដែលបង្ហោះដោយទំព័រផេកឈ្មោះ Stung Treng Natural Life និងបានអមមកជាមួយខ្លឹមសារថា«កម្មវិធីវាយខែល បងប្អូនប្រហែលកម្របានឃើញ» កំពុងទាក់ទាញចំណាប់អារម្មណ៍អ្នកប្រើប្រាស់បណ្ដាញសង្គមហ្វេសប៊ុកជាខ្លាំង។ យ៉ាងណាមិញក្រោយពីមហាជនបានឃើញនិងទស្សនានូវវីដេអូរួចឃើញថាល្បែងប្រជាប្រិយវាយខែលមួយនេះកំពុងក្លាយជាប្រធានបទវែកញែក រហូតមានមតិលើកឡើងពីរផ្សេងគ្នា។ ជាក់ស្ដែងយោងតាមរយៈការបង្ហោះវីដេអូខាងលើមានមតិមហាជនចម្រូងចម្រាសជាច្រើនដោយខ្លះបានលើកឡើងដោយពុំពេញចិត្តនូវល្បែងបែបនេះនោះទេដោយហេតុថាមើលទៅដូចជាការប្រើប្រាស់អំពើហិង្សា ឯខ្លះទៀតបានគាំទ្រយ៉ាងពេញទំហឹងព្រោះថានេះគ្រាន់តែល្បែងប្រជាប្រិយដែលបន្សល់ពីបុរាណ។ ទន្ទឹមនឹងនោះមតិទីមួយដែលពុំគាំទ្របានលើកឡើងនឹងអះអាងផ្សេងៗគ្នាថា៖-ល្បែងបែបនេះមិនបាច់គាស់រលីងយកមកលេងក៏បាន ព្រោះមើលទៅយកប្រាក់រង្វាន់ទៅទិញថ្នាំលាបរបួសមិនគ្រប់ទេ-ទោះជាប្រពៃណីក៏ដោយ បើយើងគិតក្នុងលំហូហេតុផល សមមិនសម ឆ្គងមិនឆ្គង មានប្រយោជន៍ឬអត់ប្រយោជន៍ នោះយើងនឹងដឹងថាប្រពៃណីណាគួររក្សារឬមិនគួររក្សារ-ល្បែងលេងបែបហ្នឹងទោះបីចាស់ពីដើមបង្កើតមកលេងតែខ្ញុំយល់ថាវាមិនត្រូវយកលេងទេ។មិនមែនអោយតែរបស់ពីដើមសុទ្ធតែត្រូវទាំងអស់នោះទេ។-ល្បែងបែបនេះដូចជាគ្មានអ្វីគួអោយចាប់អារម្មណ៍ទេដូចជាគ្មានអ្វីដែលទំនងសោះ វ៉ៃគ្នាឈឺតែសាច់នឹង។ដោយឡែកមតិទីពីរដែលបានគាំទ្រចំពោះល្បែងប្រជាប្រិយបែបនេះវិញនោះពួកគេបានព្យាយាមពន្យល់ក៏ដូចជាប្រាប់ពីប្រវត្តិនៃល្បែងមួយនេះយ៉ាងដូច្នេះថា៖-បេីកចិត្តឲ្យទូលាយ វាជាប្រពៃណី តាំងពីបូរាណកាលមក របស់ជនជាតិភាគតិច ! ហេីយគេក៏មានប្រទាល សម្រាប់ញុំា ការពារផងដែរ -នេះជាទំនាមទំម្លាប់នៅខាងស្រុកថាឡាបរិវ៉ាត់ខេត្តស្ទឹងត្រែងល្បែងនេះគេហៅថាវាយខែលគេលេងនៅពេលគេធ្វើបុណ្យប្រាសាទព្រះគោហើយបុណ្យប្រាសាទព្រះគោគេធ្វើជារាងរាល់ឆ្នាំហើយ អ្នកដែលឡើងលេងល្បែងនេះវាយអត់ចេះឈឺទេ នេះបើតាមខ្ញុំធ្លាប់លឺចាស់ៗនិយាយព្រោះអ្នកដែលលេងល្បែងនេះគឺចេះបាលីវាយអត់ចេះឈឺ។-ល្បែងប្រជាប្រិយរបស់បងប្អូនជនជាតិដើមភាគតិចគួយមានតាំងពីយូរលង់ណាស់មកហើយ ល្បែងប្រជាប្រិយមួយប្រភេទនេះមិនចាត់ទុកជាកីឡាទេព្រោះវាយមានលក្ខណៈជាប្រពៃណី លេងនៅពេលមានកម្មវិធីបុណ្យចូលឆ្នាំប្រពៃណីជាតិខ្មែរ ដើម្បីញុាំងកម្មវិធីអោយកាន់តែអូរអរសប្បាយរីករាយក្នុងឆ្នាំថ្មី ក្នុងនោះទៀតសោតការប្រយុទ្ធគ្នា១ទល់១ដោយប្រើរំពាត់វិញធ្វើពីវល្លិ៍ផ្ដៅរីឯខែលធ្វើពីស្លឹកខ្ចៀញឬស្លឹកទ្រាំង បងប្អូនអ្នកស្រុកឆែបក៏ដូចជាអ្នកស្រុកថាឡាបរិវ៉ាត់តែងតែឃើញរៀបចំការប្រកួតវៃខែលជារៀងរាល់ឆ្នាំ ហើយការប្រកួតមិនខុសពីប្រដាល់ទេលើសង្វៀនគឺជាសត្រូវស៊ីសាច់ហុតឈាមចុះមកក្រោមវិញគឺជាបងប្អូនឬមិត្តភក្តិដ៏ល្អ ការវៃបែបនេះក៏មិនដែលឃើញបងប្អូនណាចូលពេទ្យដែរ ខ្ញុំជាអ្នកនៅស្រុកនិងផ្ទាល់ហើយក៏ជាកូនជនជាតិគួយមួយរូបដែរ។ទោះជាយ៉ាងណាក្ដីទាំងនេះគឺសុទ្ធតែជាការលើកឡើងនឹងយល់ឃើញទៅតាមគំនិតបុគ្គលនីមួយៗតែប៉ុណ្ណោះ លើសពីនោះផងដែរមហាជនដែលពុំគាំទ្រក៏មិនមែនមានន័យថារើសអើងនូវល្បែងប្រជាប្រិយប្រភេទមួយនេះផងដែរដោយគ្រាន់តែពួកគេមានហេតុផលនិងការយល់ឃើញផ្សេគ្នាតែប៉ុណ្នោះ៕

(អន្តរជាតិ)៖ ក្រុមអ្នកជួយសង្គ្រោះឥណ្ឌូណេស៊ី បានជម្លៀសមនុស្សរាប់ពាន់នាក់ បន្ទាប់ពីភ្នំភ្លើងមួយ បានផ្ទុះឡើងចំនួន ៥ ដង ដោយបង្ខំឱ្យអាជ្ញាធរបិទព្រលានយន្តហោះនៅក្បែរនោះ និងចេញការព្រមាន អំពីការធ្លាក់កម្ទេចកម្ទីដែលអាចបង្កឱ្យមានរលកយក្សស៊ូណាមិ។រណ្ដៅភ្នំភ្លើង Ruang បានឆាបឆេះដោយកម្អែលភ្នំភ្លើងប្រឆាំងនឹងផ្ទៃខាងក្រោយ បន្ទាប់ពីបានផ្ទុះឡើង ចំនួនបួនដងកាលពីថ្ងៃពុធ ដោយបង្ខំឱ្យអាជ្ញាធរបង្កើនកម្រិតប្រកាសអាសន្នរបស់ខ្លួន ដល់កម្រិតខ្ពស់ បំផុត។ភ្នំភ្លើងនៅតំបន់ខាងក្រៅបំផុតរបស់ប្រទេសឥណ្ឌូណេស៊ី នៅតែបញ្ចេញផ្សែងនៅព្រឹកថ្ងៃព្រហស្បតិ៍ ដោយជំរុញឱ្យអាជ្ញាធរបិទអាកាសយានដ្ឋានអន្តរជាតិដែលនៅជិតបំផុតក្នុងទីក្រុង Manado លើកោះ Sulawesi រយៈពេល 24 ម៉ោង។អាជ្ញាធរបាននិយាយថា ពួកគេកំពុងប្រញាប់ប្រញាល់ជម្លៀសអ្នកស្រុកចំនួន 11000 នាក់ពីតំបន់ ក្បែរនោះ ដែលរាប់បញ្ចូលទាំងកោះដាច់ស្រយាលនៃ Tagulandang ដែលមានប្រជាជនប្រហែល 20000 នាក់។នេះ​បើ​តាម​មន្ត្រី​បាន​ឲ្យ​ដឹង​ថា អ្នក​ស្រុក​មួយ​ចំនួន​បាន​ព្យាយាម​រត់​គេច​ខ្លួន​ដោយ​ភ័យ​ស្លន់ស្លោ។អ្នកទេសចរ និងអ្នកស្រុកត្រូវបានព្រមានឱ្យនៅក្រៅតំបន់ហាមឃាត់ចម្ងាយ 6 គីឡូម៉ែត្រ។មនុស្សជាង 800 នាក់ត្រូវបានបញ្ជូនទៅកាន់ទីសុវត្ថិភាពពី Ruang ទៅកាន់កោះ Tagulandang ក្បែរនោះ បន្ទាប់ពីការផ្ទុះលើកដំបូងកាលពីល្ងាចថ្ងៃអង្គារ មុនពេលមានការផ្ទុះចំនួនបួនបន្ថែមទៀតនៅថ្ងៃពុធ៕

(ជាតិ)៖ ប្រាក់រៀលខ្មែរ ត្រូវបានដាក់បញ្ជូលទៅក្នុងតារាងជួញដូររូបិយប័ណ្ណនៅបញ្ជរប្តូរប្រាក់របស់ក្រុមហ៊ុន Travelex នៅអាកាសយានដ្ឋានអន្តរជាតិ Haneda ទីក្រុងតូក្យូ ប្រទេសជប៉ុន។ នេះបើយោងតាមការចុះផ្សាយពីសំណាក់ក្រសួងព័ត៌មាន។ធនាគារជាតិនៃកម្ពុជា បានចូលរួមពិធីកាត់ខ្សែបូសម្ភោធដាក់បញ្ចូលប្រាក់រៀលក្នុង តារាងជួញដូររូបិយប័ណ្ណនៅបញ្ជរប្តូរ ប្រាក់របស់ក្រុមហ៊ុន Travelex នៅអាកាសយានដ្ឋានអន្តរជាតិ Haneda ទីក្រុងតូក្យូ ប្រទេសជប៉ុន នៅ ថ្ងៃទី១៦ ខែមេសា ឆ្នាំ២០២៤នេះ ក្រោមវត្តមាន អគ្គនាយកប្រតិបត្តិការនៃធនាគារជាតិនៃកម្ពុជា និង នាយកផ្នែកលក់ដុំសកល និងជាអគ្គនាយកប្រចាំតំបន់ អាស៊ីប៉ាស៊ីហ្វិករបស់ក្រុមហ៊ុន Travelex និងវត្តមានភ្ញៀវកិត្តិយស ព្រមទាំងតំណាងស្ថាប័នពាក់ព័ន្ធជាច្រើនរូប។វត្តមាននៃប្រាក់រៀលជាលើកដំបូងនៅប្រទេសជប៉ុននេះ នឹងជួយសម្រួលទេសចរជប៉ុនដែលមកទស្សនា ប្រទេសកម្ពុជាឱ្យមានកន្លែងប្ដូរយកប្រាក់រៀលបានដោយងាយស្រួល ព្រមទាំងជួយជំរុញភ្ញៀវទេសចរអន្តរជាតិមកទស្សនាប្រទេសកម្ពុជាកាន់តែច្រើនជាងមុន។ សំខាន់ជាងនេះទៀត វត្តមានប្រាក់រៀលនៅលើតារាងជួញដូរនៅមជ្ឈមណ្ឌលហិរញ្ញវត្ថុអន្តរជាតិ ដូចជា នៅទីក្រុងតូក្យូនៃប្រទេសជប៉ុន ជាសក្ខីភាពបញ្ជាក់ថា ប្រាក់រៀល អាចជួញដូរជាលក្ខណៈអន្តរជាតិ ព្រមទាំងឆ្លុះបញ្ចាំងអំពីកំណើននៃជំនឿទុកចិត្ត និងការទទួលស្គាល់ប្រាក់រៀល កាន់តែទូលំទូលាយកម្រិតពិភពលោក។ នេះជាលទ្ធផលនៃកិច្ចប្រឹងប្រែងរបស់ធនាគារជាតិនៃកម្ពុជាក្នុងការរក្សា ស្ថិរភាពប្រាក់រៀលក្នុងរយៈពេលពីរទសវត្សរ៍កន្លងមកនេះ។គួរបញ្ជាក់ថា នេះជាលើកទីពីរហើយដែលធនាគារជាតិនៃកម្ពុជា បានសហការជាមួយក្រុមហ៊ុន Travelex ក្នុងការដាក់បញ្ចូលប្រាក់រៀលនៅលើតារាងជួញដូរនៅមជ្ឈមណ្ឌលហិរញ្ញវត្ថុអន្តរជាតិ បន្ទាប់ពីបានដាក់បញ្ចូលនៅបញ្ជរក្នុងអាកាសយានដ្ឋានអន្តរជាតិ Changi ប្រទេសសិង្ហបុរី កាលពីឆ្នាំ២០២៣។ នៅពេលខាងមុខ ធនាគារជាតិនៃកម្ពុជា នឹងបន្តសហការជាមួយក្រុមហ៊ុន Travelex ដើម្បីដាក់ប្រាក់រៀលនៅលើតារាងជួញដូរនៅមជ្ឈមណ្ឌល ហិរញ្ញវត្ថុអន្តរជាតិជាច្រើនទៀតនៅលើពិភពលោក៕

(ព័ត៌មានជាតិ)៖ ពេលវេលាដ៏មានតម្លៃ និងសប្បាយរីករាយឥតឧបមា ក្នុងឱកាសពិធីបុណ្យចូលឆ្នាំ ប្រពៃណីជាតិ ខ្មែររយៈពេល៤ថ្ងៃ គឺនៅថ្ងៃទី១៣-១៦ មេសា ឆ្នាំ២០២៤ បានបិទបញ្ចប់ដោយរលូន បានបន្សល់ទុកនូវស្នាមញញឹម និងអនុស្សាវរីយ៍រាប់មិនអស់ ជាពិសេសនៅតាមបណ្ដាខេត្ត និងរមណីដ្ឋាននានា មានភ្ញៀវទេសចរសរុបជាង ២១,៧០លាននាក់ គឺរដ្ឋបាលរាជធានីខេត្ត រាប់បញ្ជូលចំនួនភ្ញៀវទេសចរ ដែលបានធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស។ប៉ុន្តែអ្វីដែលគួរកត់សម្គាល់នោះ ខេត្តចំនួន៥ ដែលទទួលបានចំណាត់ថ្នាក់ជើងឯក មានភ្ញៀវទេសចរទៅកម្សាន្តច្រើនជាងគេបំផុតមានដូចជា៖ ១/ ខេត្តកំពង់ចាម ទទួលបានភ្ញៀវទេសចរចំនួន 5349 811នាក់២/ ខេត្តព្រៃវែង ទទួលបានភ្ញៀវទេសចរចំនួន 2 298 402នាក់៣/ ខេត្តកំពង់ស្ពឺ ទទួលបានភ្ញៀវទេសចរចំនួន 2 103 915នាក់៤/ ខេត្តបាត់ដំបង ទទួលបានភ្ញៀវទេសចរចំនួន 1 734 629នាក់៥/ ខេត្តកំពត ទទួលបានភ្ញៀវទេសចរចំនួន 1 403 497នាក់។ នេះបើយោងតាមរបាយការណ៍របស់ក្រសួងទេសចរណ៍៕

(សង្គម)៖ ក្មេងស្រីដ៏ស្រស់ស្អាត២នាក់ កាលពីថ្ងៃទី១៥ ខែមេសា ឆ្នាំ២០២៤ កន្លងទៅ ចំថ្ងៃពិធីបុណ្យចូលឆ្នាំខ្មែរថ្ងៃទី៣ វេលាម៉ោងប្រមាណជា៦ល្ងាច ត្រូវបានស្ត្រីម្នាក់ដែលគេស្គាល់ថា ជាម្ដាយ បានយកមកបោះបង់ចោលក្នុងសួនកម្សាន្ត Sunshine Family ក្បែរបឹងកក់ រហូតមកដល់ពេលនេះហើយ នៅតែមិនទាន់ឃើញមានអាណាព្យាបាល ឬសាច់ញាតិណាម្នាក់មកទទួលក្មេងស្រីរង គ្រោះត្រឡប់ទៅផ្ទះវិញនោះទេ។ ជាក់ស្ដែង បើយោងតាមផេកហ្វេសបុករបស់សួនកម្សាន្ត Sunshine Family Park បានធ្វើការបង្ហោះរូបភាពអមដោយខ្លឹមសារថា « សេចក្ដីជូនដំណឹង កុមារតូចពីរនាក់ត្រូវបានស្រ្តីម្នាក់ បានយកមកទុកចោលនៅ សួនកម្សាន្ត Sunshine Family កាលពីថ្ងៃ 15 ខែ មេសា នៅវេលាម៉ោង ប្រហែល 6 ល្ងាច មកដល់ពេលហើយមិនមានមាតាបិតា ឬ អាណាព្យាបាលណាម្នាក់បានទាក់ទងមកទេ។ អំឡុងពេលនេះ អ្នកគ្រប់គ្រងសួនកម្សា្តនបានយកពួកគេទៅផ្ទះផ្ទាល់ខ្លួន ដើម្បីមើលថែយ៉ាងឌិតដល់។សង្ឃឹមថាបងប្អូនទាំងអស់ជួយផ្សាព្វផ្សាយដើម្បីរកមាតាបិតារបស់ពួកគេសូមទាក់ទង មកកាន់ ក្រុមការងារ Sunshine Family Park តាមលេខ ០៩៦ ២៦ ៧៤ ០០១។ជុំវិញករណីនេះ ធ្វើឱ្យមហាជនរំជួលចិត្តជាខ្លាំង និងបង្ហាញក្ដីអាណិតអាសូរដល់ក្មេងស្រីរងគ្រោះទាំង២ ខណៈ វ័យកំពុងត្រូវការការថ្នាក់ថ្នម បីបាច់មើលថែរក្សា បែរជាមកត្រូវម្ដាយបោះបង់ចោល ទាំងគ្នាមិនដឹងអ្វីសោះ។ ស្ត្រីជាម្ដាយគ្រប់រូបបាននាំគ្នាលើកឡើងថា មីម្តាយចិត្តវាមិនដឹងសាងពីអី? បើមានរឿងបញ្ហាក្នុងគ្រួសារប្តីប្រពន្ធ ក៏មិនត្រូវយកកូនមកទុកចោលបែបនេះដែល .ចេះម្ចាស់សួនគេល្អ ចុះបើប៉ះមនុស្សមិនល្អគេយកកូនយើងទៅធ្វើបាបវិញ តើចិត្តវាជាម្តាយឈឺពិនណា? បើជាកូនខ្ញុំវិញហា មិនចោលទេកូន ទោះពិបាកអត់សីុអត់ឃ្លានក៏មិនយកកូនបោះចោលដែល ខំពពោះ9ខែ10ថ្ងៃ ពិបាកហើយកើតមកបានពិននេះហើយខ្ញុំមិនភ្លើទេ វើយ ចង់ប្តីមិនត្រូវការ ក៏មានកូនជាកំម្លាំងចិត្ត។ មហាជនបានកោតសរសើរដល់ម្ចាស់ អ្នកគ្រប់គ្រងសួនកម្សាន្ត Sunshine Family Park និងសម្ដែងការអរគុណដល់ម្ចាស់សួនកម្សាន្តខាងលើដែលបានជួយមើលថែក្មេងទាំងពីរបានយ៉ាងល្អ៕

(សង្គម)៖ សង្គេតឃើញថាមួយរយៈចុងក្រោយមកនេះមហាជនហាក់ត្រលប់មកគាំទ្របន្លែដែលដាំដោយកសិករខ្មែរច្រើនជាងគាំទ្របន្លែដែលនាំចូលពីប្រទេសជិតខាង ជាក់ស្ដែងក្រោយពីឃើញរាល់ការបង្ហោះចែកចាយនូវទិន្ធផលនៃដំណាំដែលដាំដោយករសិករក្នុងស្រុក ស្របពេលជាមួយគ្នាតែងឃើញពលរដ្ឋខ្មែរស្រុះដៃស្រុះជើងក្នុងការគាំទ្រមិនថាតែការចែករំលែកនៅលើបណ្ដាញសង្គមនោះទេ បន្ថែមពីនោះពួកគេក៏បានជារាល់បន្លែទាំងនោះផងដែរ។យ៉ាងណាមិញកាលពីពេលថ្មីៗនេះមានគណនីហ្វេសប៊ុកឈ្មោះ Vicheth Chan បានបង្ហោះនូវវីដេអូនិងរូបភាពមួយចំនួនដោយអមមកជាមួយខ្លឹមសារថា«ខាត់ណាខ្មែរ ល្អណាស  ជួយគាំទ្រផលិតផលខ្មែរ ដើម្បីខ្មែរ។ ១គក : ៤០០០៛  077948533 លេខម្ចាស់ផ្ទាល់។ នៅភូមិតាត្រាវ ឃុំកន្រ្ទាំង ស្រុកប្រាសាទបាគង ខេត្តសៀមរាប។» ដោយរូបភាពដែលភ្ជាប់មកជាមួយនោះផងដែរគឺបានបង្ហាញឱ្យឃើញពីទិដ្ឋភាពនៃចម្ការផ្កាខាត់ណា បូករួមជាមួយកសិករខ្មែរកំពុងប្រមូលផល។ តាមរយៈការបង្ហោះខាងលើនេះផងដែរឃើញថាមានអ្នកប្រើប្រាស់បណ្ដាញសង្គមហ្វេសប៊ុកដែលជាពលរដ្ឋខ្មែរជាច្រើនបានចាប់អារម្មណ៍និងនាំគ្នាចែករំលែក ឯខ្លះទៀតក៏បានទំនាក់ទំនងទិញទៀតផង។ ដោយឡែកការជួយគាំទ្រនិងជាវយកទៅបរិភោគនេះផងដែរមិនមែនគ្រាន់តែដើម្បីជួយទៅកាន់កសិករនោះទេ ក៏ប៉ុន្តែដោយហេតុថាបន្លែទាំងនោះគឺមានគុណភាពល្អៗមិនចាញ់បន្លែស្រុកគេឡើយ រីឯតម្លែទៀតសោទគឺសមរម្យដែលល្មមទទួលយកបាន៕

(អន្តរជាតិ)៖ ការិយាល័យប្រព័ន្ធផ្សព្វផ្សាយរបស់រដ្ឋបាននិយាយនៅក្នុងសេចក្តីថ្លែងការណ៍មួយ កាលពីថ្ងៃពុធថា ភាពវឹកវរបានកើតឡើងនៅក្នុងប្រទេសអារ៉ាប់រួម បន្ទាប់ពីប្រទេសនេះ មានភ្លៀងធ្លាក់ខ្លាំងបំផុតក្នុងរយៈពេល 75 ឆ្នាំ ដោយតំបន់ខ្លះបានកត់ត្រាទឹកភ្លៀងលើសពី 250 មីលីម៉ែត្រ (ប្រហែល 10 អ៊ីញ) ក្នុងរយៈពេលតិចជាង 24 ម៉ោង។ ទឹកភ្លៀងដែលបានជន់លិចផ្លូវថ្នល់ ដើមត្នោត ដែលរុះរើ និងអគារដែលបាក់បែក គឺមិនធ្លាប់មាននៅក្នុងប្រទេសមជ្ឈិមបូព៌ា ចាប់តាំងពី នៅឆ្នាំ 1949។ នៅទីក្រុងឌូបៃ គោលដៅទេសចរណ៍ដ៏ពេញនិយម ជើងហោះហើរត្រូវបានលុបចោល ចរាចរណ៍បានបញ្ឈប់ ហើយសាលារៀនត្រូវបានបិទ។យោងតាមទិន្នន័យរបស់អង្គការសហប្រជាជាតិ បានឱ្យដឹងថា ភ្លៀងមួយរយមិល្លីម៉ែត្រ (ជិត 4 អ៊ីង) បានធ្លាក់ក្នុងរយៈពេលត្រឹមតែ 12 ម៉ោងកាលពីថ្ងៃអង្គារ បើយោងតាមការសង្កេតអាកាសធាតុ នៅអាកាសយានដ្ឋាន - ជុំវិញអ្វីដែលទីក្រុងឌូបៃជាធម្មតាកត់ត្រាក្នុងមួយឆ្នាំទាំងមូល។ភ្លៀងបានធ្លាក់យ៉ាងគំហុក និងយ៉ាងលឿន ដែលធ្វើឱ្យអ្នកបើកបរយានយន្តមួយចំនួន ត្រូវបង្ខំចិត្តបោះបង់យានយន្តចោល ខណៈដែលទឹកបានជន់ឡើង ហើយផ្លូវថ្នល់ក្លាយជាទន្លេ។ ភ្លៀងធ្លាក់ខ្លាំងបែបនេះ កាន់តែកើតមានជាញឹកញាប់ នៅពេលដែលបរិយាកាសកាន់តែក្តៅ ដោយសារតែការប្រែប្រួលអាកាសធាតុដែលជំរុញដោយមនុស្ស។បរិយាកាសកាន់តែក្តៅអាចស្រូបយកសំណើមបានកាន់តែច្រើនដូចជាកន្សែង ហើយបន្ទាប់មកបន្លឺវាចេញក្នុងទម្រង់នៃទឹកភ្លៀងជន់លិច។លក្ខខណ្ឌអាកាសធាតុត្រូវបានផ្សារភ្ជាប់ជាមួយនឹងប្រព័ន្ធព្យុះដ៏ធំមួយដែលឆ្លងកាត់ឧបទ្វីបអារ៉ាប់ និងរំកិលឆ្លងកាត់ឈូងសមុទ្រអូម៉ង់។ប្រព័ន្ធដូចគ្នានេះក៏កំពុងនាំមកនូវអាកាសធាតុសើមខុសពីធម្មតាទៅកាន់ប្រទេសអូម៉ង់ និងភាគអាគ្នេយ៍នៃប្រទេសអ៊ីរ៉ង់ផងដែរ។ គណៈកម្មាធិការជាតិគ្រប់គ្រងគ្រោះអាសន្ន របស់ប្រទេសបាននិយាយថា នៅក្នុងប្រទេសអូម៉ង់ យ៉ាងហោចណាស់មនុស្ស 18 នាក់បានស្លាប់ នៅក្នុងទឹកជំនន់ភ្លាមៗដែលបង្កឡើងដោយភ្លៀងធ្លាក់ខ្លាំង។ យោងតាមទីភ្នាក់ងារសារព័ត៌មានរដ្ឋ Oman បានឱ្យដឹងថា មានអ្នកស្លាប់បាត់បង់ជីវិតរួមមានសិស្សសាលាផងដែរ៕

(អន្តរជាតិ)៖ នាយកដ្ឋានឧតុនិយមម៉ាឡេស៊ី (MetMalaysia) បានចេញការព្រមានអំពីអាកាសធាតុ ក្តៅសម្រាប់តំបន់ចំនួន 14 នៅទូទាំងប្រទេស ជាពិសេសនៅក្នុងរដ្ឋ Perlis, Kedah, Kelantan, Sarawak និង Sabah ។តំបន់ដែលរងផលប៉ះពាល់គឺ Langkawi, Pendang, Kuala Muda, Kubang Pasu, Pokok Sena, Sik, Baling និង Bandar Baharu នៅ Kedah; Gua Musang នៅ Kelantan និងរដ្ឋ Perlis ទាំងមូល។ សីតុណ្ហភាពខ្ពស់ក៏ត្រូវបានរំពឹងទុកផងដែរនៅក្នុង Mukah និង Telang Usan ក្នុង Sarawak ក៏ដូចជា Tuaran និង Tenom នៅ Sabah ។MetMalaysia បាននិយាយថា រលកកំដៅ នឹងបន្តកើតមានយ៉ាងហោចណាស់បីថ្ងៃជាប់ៗគ្នា ជាមួយនឹង សីតុណ្ហភាពចន្លោះពី 35-37 អង្សាសេ។កាលពីថ្ងៃទី៧ ខែមេសា នាយកដ្ឋានបានចេញសេចក្តីជូនដំណឹងអំពីកំដៅទូទាំងប្រទេស ដោយតំបន់ ចំនួន៧ បានព្យាករណ៍ថា នឹងរក្សាសីតុណ្ហភាពពី៣៧-៤០អង្សាសេ រយៈពេល៣ថ្ងៃជាប់ៗគ្នា ហើយតំបន់ ដែលនៅសេសសល់មានសីតុណ្ហភាពពី៣៥-៣៧អង្សាសេ។នាយកដ្ឋាននេះបាននិយាយថា អាកាសធាតុក្តៅ និងស្ងួត ត្រូវបានគេរំពឹងថានឹងបន្ថយបន្តិចម្តងៗនៅ ពាក់កណ្តាលខែមេសា ខណៈដែលប្រទេសនេះកំពុងឈានចូលដំណាក់កាលអន្តរកាលទៅកាន់ខ្យល់មូសុង។ នាយកដ្ឋាននេះបន្ថែមថា វានឹងអមដោយភ្លៀងធ្លាក់ខ្លាំង និងខ្យល់បក់ខ្លាំងដែលអាចបណ្តាល ឱ្យមានទឹកជំនន់ភ្លាមៗ៕ 

(អន្តរជាតិ)៖ តម្លៃមាសសកលអាចឡើងដល់ ៣០០០ដុល្លារក្នុងមួយតម្លឹង ខណៈដែលមូលនិធិបន្ថែម បានចាក់ចូលទៅក្នុងមូលនិធិជួញដូរដែលគាំទ្រដោយលោហៈដ៏មានតម្លៃមួយប្រភេទនេះ នេះបើយោងតាមអ្នកវិភាគនៅ Citi ។ នៅប្រទេសសិង្ហបុរី តម្លៃបច្ចុប្បន្នស្ថិតនៅក្រោម 2400ដុល្លារ ក្នុងមួយតម្លឹង ដែលជាតម្លៃខ្ពស់ដែល មិនធ្លាប់មានពីមុនមកនៅក្នុងតម្លៃមាសអន្តរជាតិ។ ការកើនឡើង​នេះ​ត្រូវ​បាន​គេ​សន្មត​ថា ​បណ្តាលមក ពីការកើនឡើង ​ក្តីបារម្ភ​អំពី​ជម្លោះ​ដ៏​មាន​សក្តានុពល​រវាង​អ៊ីរ៉ង់ និង​អ៊ីស្រាអែល។ទោះបីជាអវត្តមាននៃលំហូរចូលទៅក្នុង ETFs តម្លៃមាសបានកើនឡើងជាង 20% ចាប់តាំងពីពាក់កណ្តាលខែកុម្ភៈ។ក្នុងពេលជាមួយគ្នានេះ ក្រុមហ៊ុនឈ្មួញជើងសា UBS បានកំណត់តម្លៃគោលដៅ 2700 ដុល្លារ ខណៈ ដែល ក្រុមហ៊ុន Goldman Sachs បានផ្តល់គោលដៅចំនួន 2500 ដុល្លារ។Citigroup រំពឹងថា តម្លៃមាសជាមធ្យមនឹងឡើងនៅជុំវិញ 2350 ក្នុងមួយតម្លឹងនៅឆ្នាំ 2024 បន្ទាប់មក កើនឡើង 40% ដល់ 2875ដុល្លារ ក្នុងឆ្នាំ 2025។តម្លៃនៃមាសជាធម្មតាកើនឡើងចំពេលមានភាពមិនច្បាស់លាស់ដូចជាជម្លោះ ឬជំងឺរាតត្បាត ដោយសារ បុគ្គលចាត់ទុកមាសជាការការពារប្រឆាំងនឹងអតិផរណា និងអស្ថិរភាពទីផ្សារ។នៅថ្ងៃអង្គារ ទី 16 ខែមេសា ឆ្នាំ 2024 តម្លៃមាសបានឃើញការកើនឡើងនៅលើផ្សារហ៊ុនពហុទំនិញ៕

(អន្តរជាតិ)៖ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា អ៊ីស្រាអែលនឹងធ្វើ ការសម្រេចចិត្តដោយខ្លួនឯង អំពីវិធីការពារខ្លួន ខណៈដែលបណ្តាប្រទេសលោកខាងលិច បានអង្វរ ឱ្យមានការអត់ធ្មត់ក្នុងការឆ្លើយតបទៅនឹងការវាយប្រហារដ៏ខ្លាំងក្លាពីប្រទេសអ៊ីរ៉ង់។ សហរដ្ឋអាមេរិក សហភាពអឺរ៉ុប និងក្រុមប្រទេសឧស្សាហកម្ម G7 ទាំងអស់បានប្រកាសពីផែនការ ពិចារណាលើការដាក់ទណ្ឌកម្មកាន់តែតឹងរ៉ឹងលើអ៊ីរ៉ង់ ដែលត្រូវបានគេមើលឃើញថាមាន គោលបំណង ធ្វើសង្គ្រាមជាមួយអ៊ីស្រាអែល និងបញ្ចុះបញ្ចូលឱ្យអ៊ីស្រាអែល ទប់កំហឹងសងសឹករបស់ខ្លួន ចំពោះការវាយប្រហារដោយផ្ទាល់ពីអ៊ីរ៉ង់ជាលើកដំបូង បន្ទាប់ពីការប្រឈមមុខដាក់គ្នាជាច្រើន ទសវត្សរ៍។អ៊ីរ៉ង់បានវាយប្រហារជាការសងសឹកចំពោះការវាយប្រហារតាមអាកាសដែលសង្ស័យថា ជាស្នាដៃ អ៊ីស្រាអែល ទៅលើបរិវេណស្ថានទូតរបស់ខ្លួនក្នុងទីក្រុងដាម៉ាសកាលពីថ្ងៃទី 1 ខែមេសា។ អ៊ីស្រាអែល និងសម្ព័ន្ធមិត្តភាគច្រើនបានបាញ់ទម្លាក់រាល់មីស៊ីល និងយន្តហោះគ្មានមនុស្សបើក ហើយមិនមាន អ្នកស្លាប់ទេ ប៉ុន្តែអ៊ីស្រាអែលនិយាយថា ខ្លួនត្រូវតែសងសឹកដើម្បីការពារភាពជឿជាក់ នៃការរារាំង របស់ខ្លួន។ អ៊ីរ៉ង់និយាយថា ខ្លួនចាត់ទុកបញ្ហានេះថាជាបញ្ចប់រឿង ប៉ុន្តែនឹងសងសឹកម្តងទៀត ប្រសិនបើ អ៊ីស្រាអែលធ្វើបែបនេះម្តងទៀត។កងទ័ពអាកាសរបស់អ៊ីស្រាអែលបាននិយាយថា យន្តហោះចម្បាំងរបស់ខ្លួនបានវាយប្រហារ "ហេដ្ឋា រចនាសម្ព័ន្ធភេរវករ" នៃក្រុមហេសបូឡាដែលគាំទ្រដោយអ៊ីរ៉ង់នៅភាគខាងកើតប្រទេសលីបង់ ដោយបង្ក ឱ្យមានការព្រួយបារម្ភអំពីការកើនឡើងបន្ថែមទៀតនៅក្នុងការប៉ះទង្គិចគ្នានៅទូទាំងព្រំដែនភាគខាងជើងរបស់អ៊ីស្រាអែល។លោក Netanyahu បានជួបជាមួយរដ្ឋមន្ត្រីការបរទេសអាល្លឺម៉ង់ និងអង់គ្លេស ដែលទាំងពីរបានធ្វើ ដំណើរទៅកាន់ប្រទេសអ៊ីស្រាអែល ដែលជាផ្នែកមួយនៃការជំរុញការសម្របសម្រួលមួយ ដើម្បីរក្សា ការប្រឈមមុខដាក់គ្នារវាងអ៊ីស្រាអែល និងអ៊ីរ៉ង់ ពីការកើនឡើងទៅជាជម្លោះក្នុងតំបន់ ដែលបង្កឡើង ដោយសង្រ្គាមហ្គាហ្សា។ជាងប្រាំមួយខែ នៅក្នុងសង្រ្គាម Gaza រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន ដែលគាំទ្រ ដោយអ៊ីរ៉ង់ ហាម៉ាស ដែលបានឃើញការគំរាមកំហែង នៅទូទាំងមជ្ឈិមបូព៌ា អ្នកការទូតកំពុងស្វែង រកមធ្យោបាយដើម្បីបញ្ចៀសការប្រយុទ្ធដោយផ្ទាល់រវាងអ៊ីស្រាអែល និងអ៊ីរ៉ង់៕