(កម្សាន្ត)៖ វីដេអូដែលបានបង្ហាញពីគ្រោះថ្នាក់ចរាចរណ៍មួយនៅ ភូមិថ្នល់ ស្រុករវៀង ខេត្ត ព្រះវិហារកំពុងសាងការចាប់អារម្មណ៍ពីមហាជនអ្នកលេងបណ្ដាញសង្គមជាខ្លាំងដោយហេតុថាបើទោះបីជាអ្នកបើកបរបានរ៉េចង្កូតទៅបុកផ្ទះអ្នកភូមិធ្វើឱ្យខ្ទេចក្ដីតែឃើញថាពលរដ្ឋនៅទីនោះនិងម្ចាស់ផ្ទះបាននៅតែយកចិត្តទុកដាក់និងបារម្ភពីសុវត្តិភាពអ្នកនៅក្នុងរថយន្តជៀសជាងបារម្ភពីទ្រព្យសម្បត្តិផ្ទាល់ខ្លួន។យ៉ាងណាមិញយោងតាមគណនីហ្វេសប៊ុកឈ្មោះRin KH បានបង្ហោះវីដេអូនូវវីដេអូមួយកាលពីថ្ងៃទី១៥ ខែមេសា ឆ្នាំ២០២៤ ដោយម្ចាស់គណនីខាងលើបានភ្ជាប់មកជាមួយខ្លឹមសារបញ្ជាក់ផងដែរថា«គ្រោះថ្នាក់នៅថ្នល់ ស្រុករវៀង ខេត្ត ព្រះវិហារ» ដោយវីដេអូដែលថតបាននិងភ្ជាប់មកជាមួយការបង្ហោះនោះទៀតសោតបានបង្ហាញឱ្យឃើញពីសកម្មភាពអ្នកភូមិនៅទីនោះបានប្រញាប់ប្រញាល់ទៅមើលនៅទីតាំងកើតហេតុ ក្រោយពីមានរថយន្តមួយគ្រឿងបានរ៉េចង្កូតចូលទៅបុកផ្ទះមួយដែលទំនងជាកន្លែងបើកលាងរថយន្តផងដែរ។ ដោយតាមរយៈសកម្មភាពភាពក្នុងវីដេអូនោះផងដែរឃើញថាពលរដ្ឋនៅទីនោះបានខ្នះខ្នែងរត់សំដៅទៅរកអ្នកនៅក្នុងរថយន្តនិងជួយគ្រាចេញមកខាងក្រៅហាក់បារម្ភពីសុវត្តិភាព។ដោយឡែកតាមរយៈសកម្មភាពទាំងនេះផងដែរត្រូវបានអ្នកប្រើប្រើប្រាស់បណ្ដាញសង្គមជាច្រើននាំគ្នាសរសើរទៅកាន់ទឹកចិត្តអ្នករស់នៅទីនោះដែលចេះយល់សុទុក្ខនិងបារម្មពីសុវត្តិភាពមនុស្សជៀសជាងទ្រព្យសម្បត្តិនិងរបស់របរផ្ទាល់ខ្លួន ដោយមិនប្រកាន់ថាអ្នកនោះជាអ្នកបង្ក។ ក្នុងនោះផងដែរក៏មានអ្នកលើកឡើងថា«ម្ចាស់កន្លែង មានសុជីវធម៌ ល្អ អត់ខ្វល់ពីការខូចខាត បារម្ភពីសុវត្ថិភាព អ្នកនៅក្នុងឡាន អរគុណទឹកចិត្តមួយនេះ ព្រោះភាគច្រើន បើជួបហេតុការណ៍បែបនេះ ម្ចាស់ផ្ទះចេញមក ស្រែកឡូឡា រករឿង ជេរប្រទេច រឺក៏អាចដល់ការវាយតប់ក៏មាន តែនេះ អត់ទេ។ ទោះជាយ៉ាងណាក្ដីទាំងនេះគឺជាការលើកសរសើរនៅពេលដែលមហាជនឃើញទង្វើដែលចេះជួយយកអាសារគ្នាក្នុងសង្គមបែបនេះ ក៏ប៉ុន្តែទន្ទឹមនឹងនោះក៏សូមសំណូមពរទៅកាន់អ្នកបើកបរគ្រប់រូបបង្កើកការប្រុងប្រយ័ត្នឱ្យបានខ្ពស់ជៀសវាងជួបហេតុការណ៍ដូចទៅនឹងករណីខាងលើ៕

(សង្គម)៖ រដូវកាលនៃផ្លែសំរងចាប់ផ្ដើមសម្បូរក៏មកដល់ មួយរយៈចុងក្រោយមកនេះសង្កេតឃើញថាមានពលរដ្ឋខ្មែរមិនតិចនោះទេដែលបានផ្អាកការងារមួយរយៈដោយប្ដូរទៅរុករកប្រមូលផលផ្លែសំរងនៅតាមព្រៃនានាដើម្បីយកមកលក់ឱ្យឈ្មួញ។ ដោយការប្រមូលផលនេះប្រាកដណាស់ពិតជាអាចជួយសម្រួលទៅកាន់ពលរដ្ឋឱ្យកាន់តែរកចំណូលបានច្រើនបន្ថែមទៀត តែទន្ទឹមនឹងនោះផលអវិជ្ជមានក៏មានផងដែរដោយហេតុថាពលរដ្ឋមួយចំនួនហេតុតែចង់បានផលច្រើនពេកក៏នាំគ្នាឈានដល់ការកាប់បំផ្លាញដើមសំរងទាំងនោះតែម្ដង។យ៉ាងណាមិញនេះបើយោងតាមទំព័រផេកហ្វេសប៊ុកឈ្មោះ A-Kean បានបង្ហោះវីដេអូមួយដោយអមមកជាមួយខ្លឹមសាររៀបរាប់ថា «ខ្ញុំជាអ្នកស្រឡាញ់ធម្មជាតិម្នាក់ នៅពេលដែលខ្ញុំឃើញបែបនេះ ខ្ញុំមានអារម្មណ៍ថាស្ដាយខ្លាំងណាស់ ខ្ញុំពិតជាមិនចង់ឲ្យមានកាប់ដើមសំរ៉ងដល់កម្រងមួយនេះ បន្តទៀតទេ អាចទេកុំបំផ្លាញអ្វីដែលជាធម្មជាតិ ធម្មជាតិជួយយើងបានច្រើនណាស់យើងគួរណាស់តែជួយធម្មជាតិវិញ កុំបំផ្លាញអី»។ ជាមួយគ្នាវីដេអូដែលបានភ្ជាប់មកជាមួយនោះផងដែរបុរសខាងលើបានបង្ហាញអារម្មណ៍សោកស្ដាយជាខ្លាំងនៅពេលដែលបានឃើញសម្បិត្តធម្មជាតិទាំងនោះត្រូវបានបំផ្លិញបំផ្លាញបែបនេះ លោកក៏បានបន្តពោលពាក្យមួយចំនួន។តាមរយៈការបង្ហោះខាងលើនេះផងដែរឃើញថាមានមហាជនជាច្រើនផងដែរបានបង្ហាញអារម្មណ៍សោកស្ដាយចំពោះការបាត់បង់ជាបន្តបែបនេះ ក្នុងនោះផងដែរក៏មានអ្នកប្រើប្រាស់បណ្ដាញសង្គមម្នាក់លើកឡើងយ៉ាងដូច្នេះថា«បងពិតស្តាយស្រណោះណាស់ ព្រោះតែមនុស្សមានភាពលោភលន់ពេក គិតតែប្រយោជន៍មួយពេល មិនគិតទៅថ្ងៃអនាគត។»។ ទោះជាយ៉ាងណាការបង្ហោះរបស់បុរសខាងលើគឺគ្រាន់តែមានបំណងចង់ឱ្យពលរដ្ឋមានការស្វែងយល់ទៅកាន់ថ្ងៃអានាគត ដោយប្តូរពីការកាប់ព្រោះតែចង់បានផលចំណេញច្រើនទៅជាវិធីសាស្រ្តប្រមូលផលបែបផ្សេងដែលពុំប៉ះពាល់និងធ្វើឱ្យបាត់បង់នូវប្រដើមដ៏កម្រមួយនេះ៕

(អន្តរជាតិ)៖ អាជ្ញាធរអ៊ីរ៉ង់បានព្រមានថា ក្រពើបានរួចចេញពីជម្រកធម្មជាតិរបស់ពួកគេ ខណៈដែលទឹក ជំនន់បានបំផ្លិចបំផ្លាញផ្នែកខ្លះនៃភាគអាគ្នេយ៍របស់ប្រទេស។ ទីភ្នាក់ងារសារព័ត៌មានរដ្ឋអ៊ីរ៉ង់ IRNA បានរាយការណ៍ថា កម្មករសំណង់ផ្លូវចំនួនបីនាក់ បានស្លាប់ បាត់បង់ជីវិតក្នុងគ្រោះទឹកជំនន់នេះ ដែលបានកើតឡើងបន្ទាប់ពីព្យុះបានវាយប្រហារតំបន់មជ្ឈិមបូព៌ា។ភ្លៀងធ្លាក់ខ្លាំង និងទឹកជំនន់ភ្លាមៗបានវាយប្រហារខេត្ត Bandar Abbas របស់អ៊ីរ៉ង់ Kerman និង Sistan និង Baluchistan នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មានពាក់កណ្តាលផ្លូវការ។ទីភ្នាក់ងារនេះបាននិយាយថា ទន្លេបានពេញហៀរ ខណៈពេលដែលទំនប់វារីអគ្គិសនីឈាន ដល់លើសពី សមត្ថភាព ដែលនាំឱ្យខូចខាតទ្រព្យសម្បត្តិយ៉ាងច្រើន។ វីដេអូដែលផ្សាយដោយប្រព័ន្ធផ្សព្វផ្សាយព័ត៌មានរដ្ឋ IRNA និង Tasnim បានបង្ហាញពីទឹកជំនន់រីករាល ដាល ខណៈប្រជាជនប្រើប្រាស់ទូកដើម្បីជួយសង្គ្រោះអ្នកដទៃ។ហើយនាយកដ្ឋានបរិស្ថាននៅ Sistan និង Baluchistan បានចេញការព្រមានពីការព្រួយបារម្ភអំពីសត្វ ក្រពើ ដែលបានរួចចេញពីជម្រកធម្មជាតិរបស់ពួកគេ។អ្នកស្រុកត្រូវបានប្រាប់ឱ្យជៀសវាងការធ្វើដំណើរដែលមិនចាំបាច់នៅជិតច្រាំងទន្លេ Bahu Kalat ដីសើម វាលភក់ និងបរិវេណនៃជម្រកសត្វព្រៃ រហូតដល់ទឹកជំនន់បានស្រកទាំងស្រុង ហើយលក្ខខណ្ឌ មានស្ថេរភាព។គួរបញ្ជាក់ថា ខ្យល់ព្យុះដែលបានវាយប្រហារប្រទេសក្នុងតំបន់ រួមទាំងអារ៉ាប់រួម និងអូម៉ង់ បានវាយ ប្រហារ អ៊ីរ៉ង់ កាលពីល្ងាចថ្ងៃអង្គារ និងដល់ថ្ងៃពុធ។ចំណែកប្រទេសអារ៉ាប់រួមបានឃើញភ្លៀងធ្លាក់ខ្លាំងបំផុតក្នុងរយៈពេល 75 ឆ្នាំក្នុងសប្តាហ៍នេះ ដោយមាន ភ្លៀងធ្លាក់មួយរយមីលីម៉ែត្រ ក្នុងរយៈពេលត្រឹមតែ 12 ម៉ោងកាលពីថ្ងៃអង្គារ៕

(អន្តរជាតិ)៖ ស្តេចម៉ាឡេស៊ី Sultan Ibrahim Iskandar គឺជាម្ចាស់រថយន្ត Hongqi L5 ដំបូងគេក្នុងពិភពលោក ដែលជារថយន្តប្រណិតថ្លៃបំផុតរបស់ប្រទេសចិន។ស្តេចស៊ុលតង់ អ៊ីប្រាហ៊ីម បានចែករំលែករូបថតនៃរថយន្តដែលមានរចនាប័ទ្មអតីតកាល ក្នុង អំឡុងពេលកិច្ចប្រជុំមួយកាលពីថ្ងៃទី 12 ខែមេសា ជាមួយឯកអគ្គរដ្ឋទូតចិនប្រចាំប្រទេសម៉ាឡេស៊ី Ouyang Yujing ។ចេញលក់ក្នុងឆ្នាំ 2013 នៅ Shanghai Auto Show  រថយន្ត L5 ផលិតដោយក្រុមហ៊ុន FAW Group ត្រូវបានគេស្គាល់ថាជារថយន្តដែលផលិតនៅប្រទេសចិនដែលមានតម្លៃថ្លៃបំផុតមិនធ្លាប់មាន ដែលមាន តម្លៃ 5 លានយ័នស្មើនឹងជិត​៧សែនដុល្លារ ។ វា​ជា​រថយន្ត​រដ្ឋ​ផ្លូវការ​របស់​ប្រទេស​ចិន ដូចដែល​វា​ត្រូវបាន​ប្រើប្រាស់​ដោយ​ប្រធានាធិបតី Xi Jinping ។រថយន្ត Sedan បច្ចុប្បន្នមានលក់តែនៅក្នុងប្រទេសចិនប៉ុណ្ណោះ។ស្តេច ស៊ុលតង់ អ៊ីប្រាហ៊ីម បានពិភាក្សាអំពីទំនាក់ទំនងទ្វេភាគីរវាងម៉ាឡេស៊ី និងចិន ក៏ដូចជាបញ្ហា បច្ចុប្បន្ន ទាក់ទងនឹងប្រទេសទាំងពីរ។ស៊ុលតង់ អ៊ីប្រាហ៊ីម បានផ្តល់ទស្សនៈរបស់គាត់លើទិសដៅនៃទំនាក់ទំនងការទូត និងតម្រូវការ ដើម្បីកំណត់ឱកាសសហប្រតិបត្តិការបន្ថែមទៀត។ទ្រង់បាន​ ​បង្ហោះ​តាម​ប្រព័ន្ធ​ផ្សព្វផ្សាយ​សង្គម​កាលពី​ថ្ងៃ​ទី ១២ ខែ​មេសា​ថា​ «​ចិន​គឺជា​មហាអំណាច​សេដ្ឋកិច្ច​ពិភពលោក​ដ៏​សំខាន់ និង​ជា​ដៃគូ​ពាណិជ្ជកម្ម​ដ៏​ធំ​របស់​ម៉ាឡេស៊ី​៕

(អន្តរជាតិ)៖ ទីក្រុងឌូបៃស្ថិតនៅលើឆ្នេរសមុទ្រនៃប្រទេសអារ៉ាប់រួម (UAE) ហើយជាធម្មតាស្ងួតខ្លាំង។ ប៉ុន្តែខណៈពេលដែលវាទទួលបានទឹកភ្លៀងតិចជាង 100mm (3.9in) ក្នុងមួយឆ្នាំជាមធ្យម ទីក្រុងនេះ ជួបប្រទះនូវភ្លៀងធ្លាក់ខ្លាំងម្តងម្កាល។នៅក្នុងទីក្រុង Al-Ain  ដែលមានចំងាយត្រឹមតែជាង 100km  ពីទីក្រុង Dubai ទឹកភ្លៀងប្រហែល 256mm ត្រូវបានកត់ត្រាក្នុងរយៈពេលត្រឹមតែ 24 ម៉ោង។ប្រព័ន្ធអាកាសធាតុសម្ពាធទាប ដែលទាក់ទាញខ្យល់ក្តៅ សំណើម និងរារាំងប្រព័ន្ធអាកាសធាតុ ផ្សេងទៀត មិនឱ្យឆ្លងកាត់ គឺជាមូលហេតុចម្បងនៃទឹកជំនន់នេះ។សាស្ត្រាចារ្យ Maarten Ambaum អ្នកជំនាញឧតុនិយមនៅសាកលវិទ្យាល័យ Reading ដែលបានសិក្សាពី គំរូទឹកភ្លៀងបានពន្យល់ថា "ផ្នែកនៃពិភពលោកនេះត្រូវបានកំណត់លក្ខណៈដោយរយៈពេលវែង ដោយគ្មានភ្លៀង ហើយបន្ទាប់មកមិនទៀងទាត់ និងភ្លៀងធ្លាក់ខ្លាំង ប៉ុន្តែទោះបីជាយ៉ាងនេះក្តី នេះគឺ ជាព្រឹត្តិការណ៍ទឹកភ្លៀងដ៏កម្រមួយ នៅតំបន់ឈូងសមុទ្រ។ប៉ុន្តែ​កំណត់ត្រា​ទឹកភ្លៀង​គឺ​ស្រប​នឹង​របៀប​ដែល​អាកាសធាតុ​ប្រែប្រួល។និយាយឱ្យសាមញ្ញទៅ ខ្យល់ក្តៅអាចរក្សាសំណើមបានច្រើនជាង- ប្រហែល 7% បន្ថែមសម្រាប់រាល់ អង្សាសេ ដែលអាចបង្កើនអាំងតង់ស៊ីតេនៃភ្លៀង។ការសិក្សាថ្មីមួយបានបង្ហាញថា ទឹកភ្លៀងប្រចាំឆ្នាំអាចកើនឡើងដល់ទៅ 30% នៅទូទាំងភាគច្រើននៃ ប្រទេសអារ៉ាប់រួម នៅចុងសតវត្សន៍ ដោយសារពិភពលោកនៅតែបន្តក្តៅ។ការបណ្តុះភ្លៀងសប្បនិម្មិត ពាក់ព័ន្ធនឹងការរៀបចំពពកដែលមានស្រាប់ ដើម្បីជួយបង្កើតទឹកភ្លៀង បន្ថែមទៀត។ បច្ចេកវិទ្យានេះ អាចត្រូវបានធ្វើដោយប្រើយន្តហោះដើម្បីទម្លាក់ភាគល្អិតតូចៗ ដូចជាអ៊ីយ៉ូតប្រាក់ ចូលទៅក្នុងពពក។ បន្ទាប់មក ចំហាយទឹកអាចបង្រួមបានកាន់តែងាយស្រួល ហើយប្រែទៅជាភ្លៀង។បច្ចេកទេសនេះមានអាយុកាលជាច្រើនទសវត្សរ៍មកហើយ ហើយអារ៉ាប់រួមបានប្រើវាក្នុងប៉ុន្មាន ឆ្នាំថ្មីៗនេះ ដើម្បីជួយដោះស្រាយការខ្វះខាតទឹក។ក្នុងរយៈពេលប៉ុន្មានម៉ោងក្រោយទឹកជំនន់ អ្នកប្រើប្រាស់ប្រព័ន្ធផ្សព្វផ្សាយសង្គមមួយចំនួន បានសន្មតថា អាកាសធាតុប្រែប្រួលខ្លាំងបែបនេះ បណ្តាលមកពីប្រតិបត្តិការបណ្ដុះពពកថ្មីៗនៅក្នុងប្រទេស។របាយការណ៍មុននេះដោយ Bloomberg បានលើកឡើងថា យន្តហោះបណ្តុះពពកត្រូវបានដាក់ពង្រាយ នៅថ្ងៃអាទិត្យ និងថ្ងៃច័ន្ទ ប៉ុន្តែមិនមែននៅថ្ងៃអង្គារទេ នៅពេលដែលទឹកជំនន់បានកើតឡើង ដូច្នេះ សារព័ត៌មានមិនអាចបកស្រាយដោយឯករាជ្យបានទេ៕

(អន្តរជាតិ)៖ មន្ត្រីក្នុងតំបន់បានរាយការណ៍ថា មនុស្សសរុបចំនួន 128 នាក់បានរងរបួសនៅក្នុង ការផ្ទុះនៅរោងចក្រផលិតទឹកកកមួយនៅក្នុងស្រុក Bang Lamung នៃខេត្ត Chonburi ។ការ​ផ្ទុះ​នេះ​បាន​បញ្ជូន​អាម៉ូញាក់​ទៅ​ក្នុង​អាកាស​ដែល​រាលដាល​ជាង​មួយ​គីឡូម៉ែត្រ។ សាក្សី​បាន​និយាយ​ថា ពួក​គេ​បាន​ឮ​សំឡេង​ផ្ទុះ​ថ្លង់​នៅ​ពាក់​កណ្តាល​យប់ មុន​ពេល​ឃើញ​ផ្សែង​ហុយ​ចេញ​ពី​រោងចក្រ។មន្ត្រីការពារគ្រោះមហន្តរាយត្រូវបានបញ្ជូនភ្លាមៗ ដើម្បីជម្លៀសបុគ្គលិក និងអ្នករស់នៅជុំវិញរោងចក្រ ក្នុងសង្កាត់ Nong Prue ទៅកាន់ទីទួលសុវត្ថិភាព។បរិវេណប្រហែល 2 គីឡូម៉ែត្រជុំវិញរោងចក្រត្រូវបានគេកំណត់ការចេញចូល ខណៈពេលដែលអ្នករង របួសក្នុងការផ្ទុះក៏ដូចជាអ្នកដែលរងផលប៉ះពាល់ដោយការស្រូបសារធាតុគីមីត្រូវបានបញ្ជូនទៅកាន់មន្ទីរពេទ្យក្បែរនោះ៕

(ប្រ៊ុចសែល)៖ មេដឹកនាំសហភាពអឺរ៉ុបបានជួបប្រជុំគ្នា ដើម្បីពិភាក្សាអំពីការបង្កើនការដាក់ ទណ្ឌកម្ម ប្រឆាំងនឹងអ៊ីរ៉ង់ បន្ទាប់ពីការវាយប្រហារដោយមីស៊ីល និងយន្តហោះគ្មានមនុស្សបើករបស់ទីក្រុង តេអេរ៉ង់បានធ្វើឱ្យប្រទេសមហាអំណាចពិភពលោកមានការប៉ះទង្គិចគ្នា ដើម្បីការពារជម្លោះកាន់តែ ទូលំទូលាយនៅមជ្ឈិមបូព៌ា។កិច្ចប្រជុំកំពូលរយៈពេលពីរថ្ងៃនៅទីក្រុងប្រ៊ុចសែល គឺជាកិច្ចប្រជុំលើកដំបូងរបស់មេដឹកនាំជាតិទាំង 27 របស់សហភាពអឺរ៉ុបចាប់តាំងពីការវាយប្រហារកាលពីថ្ងៃសៅរ៍ ដែលមានរយៈពេលជាងប្រាំមួយខែ នៅក្នុងសង្គ្រាមរវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនដែលគាំទ្រដោយអ៊ីរ៉ង់គឺក្រុមហាម៉ាស។អ៊ីស្រាអែល​បាន​ផ្តល់​សញ្ញា​ថា ​ខ្លួន​នឹង​សងសឹក ប៉ុន្តែ​មិន​បាន​និយាយ​ថា​ធ្វើ​ដូចម្តេច​ទេ។ សហភាពអឺរ៉ុបបានជំរុញឱ្យអ៊ីស្រាអែលអនុវត្តការអត់ធ្មត់ខណៈពេលដែលបង្ហាញពីការត្រៀមខ្លួនដើម្បីរឹតបន្តឹងទណ្ឌកម្មលើទីក្រុងតេអេរ៉ង់។ប្រធានាធិបតីបារាំងលោក Emmanuel Macron បាននិយាយថា យើងត្រូវតែកែសម្រួល ដើម្បីពង្រីក ទណ្ឌកម្ម លើអ៊ីរ៉ង់។ មេដឹកនាំត្រូវថ្កោលទោសការវាយប្រហាររបស់អ៊ីរ៉ង់ បញ្ជាក់ឡើងវិញនូវការប្តេជ្ញាចិត្ត របស់ពួកគេចំពោះសន្តិសុខរបស់អ៊ីស្រាអែល និងអំពាវនាវឱ្យភាគីទាំងអស់ទប់ស្កាត់ភាពតានតឹង បន្ថែមទៀត រួមទាំងនៅក្នុងប្រទេសលីបង់៕

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាត អោយ លោក Pierre Tami (សែន សិលា) ចូលជួបសម្ដែងការគួរសម និងពិភាក្សាការងារ នៅវិមានព្រឹទ្ធសភា នាថ្ងៃព្រឹកសុក្រ ទី១៩ ខែមេសា ឆ្នាំ២០២៤។គួររំលឹកថា លោក Pierre Tami ត្រូវបានគេស្គាល់ ថាមានឈ្មោះ សែន សិលា ជាឈ្មោះ ភាសាខ្មែរ ផ្ដល់ដោយ សម្តេចតេជោ ក្នុងពេលដែលសម្ដេចមានតួនាទីជា នាយករដ្ឋមន្ត្រី ជាការទទួលស្គាល់នូវស្នាដៃ ដែលលោកបានធ្វើជូនកម្ពុជាយើង ហើយបច្ចុប្បន្ន លោក សែន សិលា ជា សហគ្រិនសង្គម។សម្ដេចតេជោ បានស្វាគមន៍ និងសម្ដែងនូវការរីករាយដែលបានជួបលោក សែន សិលា ដែលជាមិត្តភក្ដិចាស់ចាប់តាំងពីឆ្នាំ១៩៩៧មក ដែលការជួបលើកចុងក្រោយគឺនៅ ឆ្នាំ២០២២ នៅដាវូស ប្រទេសស្វីស។លោក សែន សិលា បានគោរពអរគុណ សម្តេចតេជោ ជាអនេក ដែលសម្ដេច បានឆ្លៀតពេលដ៏មមារញឹក អនុញ្ញាតអោយ លោកមានកិត្តិយស ចូលជួបសម្ដែងការគួរសមនៅថ្ងៃនេះ។ លោក សិលា បាន គោរពអបអរសាទរចំពោះ សម្តេចតេជោ ដែលត្រូវបានជាប់ឆ្នោតជាប្រធានព្រឹទ្ធសភានៃព្រះរាជាណាចក្រកម្ពុជាថ្មីៗនេះ ។ រំលឹកពីពេលវេលាដែល លោក សិលា និង កូនស្រី បានជួបសម្តេចតេជោ ដំបូងនៅឆ្នាំ១៩៩៧ នៅក្រុងកំពង់សោម លោកបានលើកឡើងថា ប្រវត្តិសាស្ត្រកម្ពុជាបានកត់ត្រាយ៉ាងច្បាស់នូវ ភាពជោគជ័យរបស់សម្តេចតេជោ ក្នុងការកសាងកម្ពុជា ចាប់តាំងទសវត្ស៨០មក ឱ្យទទួលបាននូវសន្តិភាពពេញលេញ និង កំពុងស្ថិតនៅក្នុងសករាជថ្មីនៃការអភិឌ្ឍកាន់តែរីកចម្រើនឥតឈប់ឈរ។​លោក សិលា ពិតជាមានក្តីសប្បាយរីករាយ និងបានគោរពអរគុណ សម្តេចតេជោ ដែលបានអនុញ្ញាតឱ្យ លោក បានបម្រើការងារជូន សម្តេច និង ប្រទេសកម្ពុជា ជាពិសេសជួយកុមារកម្ពុជា ដោយបានកៀរគរអ្នកវិនិយោគមកកម្ពុជា ក៏ដូចជាការអមដំណើរគណៈប្រតិភូកម្ពុជា ទៅដាវូស ប្រទេសស្វីសជាច្រើនលើក ។លោក សិលា បានបន្តទៀតថា លោកពិតជាមានកិត្តិយសណាស់ ដែលបានធ្វើការជាមួយ ថ្នាក់ដឹកនាំ វ័យ ក្មេង ដូចជា ឯកឧត្ដម ហ៊ុន មានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ​ នៅក្នុងវិស័យបដិសណ្ឋាកិច្ច ផលិតកម្មអាហារ ដោយប្រើប្រាស់ វិទ្យាសាស្ត្រ បច្ចេកវិជ្ជា ។ លោក រីករាយណាស់ដែលឃើញ កម្ពុជា បានកសាងធនធានមនុស្ស មានយុវជនវ័យក្មេងដឹកនាំ និង នាំមកនូវបច្ចេកវិទ្យា វិទ្យាសាស្ត្រ សម្រាប់ការអភិវឌ្ឍប្រទេស ។ នៅពេលនេះ សេដ្ឋកិច្ចរបស់កម្ពុជា ជាសេដ្ឋកិច្ចដែលផ្អែកលើជំនាញ ដែលនឹងអនុញ្ញាតឱ្យឈានទៅ សម្រេចគោលដៅ ជាប្រទេសចំណូលមធ្យមកម្រិតខ្ពស់ ឆ្នាំ២០៣០ ។ ទោះបីជាពេលនេះ មានការផ្ទេរការដឹកនាំទៅអ្នកជំនាន់ថ្មីក៏ដោយ ក៏វត្តមានរបស់សម្តេចតេជោ ជាប្រធានព្រឹទ្ធសភា និងជាប្រធានគណបក្សប្រជាជនកម្ពុជា នៅតែមានសារៈសំខាន់សម្រាប់ការអភិឌ្ឍន៍ប្រទេសកម្ពុជា ។ លោកមានបំណងចង់បម្រើ សម្តេចតេជោ បន្តទៀត និងសូមទទួលនូវអនុសាសន៍ដ៏ខ្ពង់ខ្ពស់របស់ម្តេច ។ជាកិច្ចឆ្លើយតប សម្តេចតេជោ បានអរគុណ លោក សិលា ដែលបានរំឰក អំពីអតីតកាលនៃការជួប លោកនិង កូនស្រី នៅ១៩៩៧ នៅកំពង់សោម ។ យើងបានសន្តិភាព និង ស្ថិរភាពជាង ២៥ឆ្នាំហើយ គិតចាប់ពីឆ្នាំ១៩៩៨ មក។ កាលពី៨ខែមុន សម្តេចតេជោ បានសម្រេចចិត្តផ្ទេរការដឹកនាំទៅអ្នកជំនាន់ថ្មី ហើយ ជាលទ្ធផល មរតសន្តិភាពនៅតែមានបន្ត កំណើនសេដ្ឋកិច្ចក៏នៅតែមានបន្តផងដែរ ។ គណៈរដ្ឋមន្ត្រីថ្មី ធ្វើការយ៉ាងល្អ ដោយរក្សាបាននូវស្ថិរភាព និង កំពុងបន្តជំរុញការអភិវឌ្ឍន៍។សម្តេចតេជោ បានគូសបញ្ជាក់ថា កាលពីឆ្នាំ១៩៨៧ សម្តេច បានកំណត់អទិភាព ៤ គឺ «ទឹក ផ្លូវ ភ្លើង មនុស្ស»  បន្ទាប់មក កាលពីជាង១០ឆ្នាំមុននេះ សម្តេចតេជោ ក៏បានប្ដូរដាក់ មនុស្ស មកជាអាទិភាពទី១ វិញ។ រាជរដ្ឋាភិបាលថ្មី បានដាក់មុំទី៥ នៃយុទ្ធសាស្ត្របញ្ចកោណ ជាមុំ បច្ចេកវិទ្យា និង បានដាក់គោលនយោបាយបណ្តុះបណ្តាលវិជ្ជាជីវៈយុវជនចំនួន ១.៥ លាននាក់ ហើយសេដ្ឋកិច្ចកម្ពុជា គឺផ្អែកលើចំណេះដឹង និងជំនាញ។សម្តេចតេជោ បានអរគុណ លោក សែន សិលា ដែលបានជួយបណ្តុះបណ្តាលជំនាញខាងបដិសណ្ឋាកិច្ច កន្លងមក និង លើកទឹកចិត្តឱ្យបន្តការបណ្ដុះបណ្ដាលនេះបន្ថែមទៀតទៀត ៕ជាចុងក្រោយ សម្តេចតេជោ បានយល់ព្រមស្នើតែងតាំង លោក សែន សីលា ជាទីប្រឹក្សា សម្ដេចតេជោ ប្រធានព្រឹទ្ធសភានៃព្រះរាជាណាចក្រកម្ពុជា៕

(ព័ត៌មានជាតិ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានថ្លែងអំណរគុណចំពោះឯកឧត្តម LEE Jaeyoo អគ្គស្នងការនៃអគ្គស្នងការដ្ឋានអន្តោប្រវេសន៍នៃក្រសួងយុត្តិធម៌របស់សាធារណរដ្ឋកូរ៉េដែលតែងតែផ្តល់កិច្ចសហប្រតិបត្តិការគាំទ្រយ៉ាងល្អចំពោះវិស័យការងារនៃប្រទេសទាំងពីរប្រកបដោយផ្លែផ្កាសម្រាប់ប្រជាជាតិទាំងសងខាង។ ការបញ្ជាក់យ៉ាងដូចនេះ គឺធ្វើឡើងក្នុងជំនួបទ្វេភាគីនៅទីស្តីការក្រសួងការងារ និងបណ្តុះបណ្តាលវិជ្ជាជីវៈនារសៀលថ្ងៃទី១៨ ខែមេសា ឆ្នាំ២០២៤នេះ។ ឯកឧត្តមរដ្ឋមន្ត្រី បានគូសបញ្ជាក់ពីចំណងនៃកិច្ចសហការដ៏ល្អរបស់រដ្ឋាភិបាលនៃប្រទេសទាំងពីរ ចាប់តាំងពីឆ្នាំ២០០៧ដែលបាននិងកំពុងផ្តល់ផលប្រយោជន៍ជូនប្រជាពលរដ្ឋទាំងសងខាង។ ក្នុងនោះឯកឧត្តមរដ្ឋមន្ត្រី បានលើកឡើងថា តាមរយៈកិច្ចគាំទ្រនៃសហប្រតិបត្តិការដ៏ល្អនេះ ក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការជូនរាជរដ្ឋាភិបាលកម្ពុជា បានចុះអនុស្សរណៈយោគយល់គ្នាជាមួយខេត្ត ក្រុង ស្រុករបស់សាធារណរដ្ឋកូរ៉េចំនួន២៦ផ្សេងគ្នាដែលកំពុងដំណើរការដោយរលូននិងទទួលបានការស្វាគមន៍ពីប្រជាពលរដ្ឋ។ ដោយឡែក ឯកឧត្តមអគ្គស្នងការនៃអគ្គស្នងការដ្ឋានអន្តោប្រវេសន៍របស់កូរ៉េខាងត្បូង បានលើកឡើងថា កិច្ចសហប្រតិបត្តិការនេះ បាននិងកំពុងជួយបំពេញតម្រូវការខ្វះខាតក្នុងខ្សែសង្វាក់ផលិតកម្មដែលជាតម្រូវការសេដ្ឋកិច្ចរបស់ប្រទេសកូរ៉េ ប៉ុន្តែទន្ទឹមនឹងនេះ ពលរដ្ឋកម្ពុជាក៏ទទួលបានទាំងជំនាញបច្ចេកទេសវិជ្ជាជីវៈ និងចំណូលដើម្បីកែលម្អជីវភាពគ្រួសារផងដែរ។ តាមរយៈជំនួបនៅថ្ងៃនេះ ភាគីទាំងពីរ បានឯកភាពគ្នាពង្រឹងកិច្ចសហប្រតិបត្តិការឱ្យកាន់តែល្អបន្ថែមទៀតដើម្បីជំរុញឱ្យកាន់តែប្រសើរឡើងនៃវិស័យការងារកម្ពុជា និងកូរ៉េ់ក្នុងគោលបំណងពង្រីកឱកាសទីផ្សារការងារសម្រាប់ពលរដ្ឋកម្ពុជា៕

(ព័ត៌មានជាតិ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីយប់អាធ្រាត្រម៉ោង ១១៖៣៨នាទីយប់ថ្ងៃទី១៨ ខែមេសា ឆ្នាំ២០២៤នេះ បានខលតាមវីឌីអូ ជួបជាមួយបងប្អូនពលការិនីខ្មែរចំនួន ២៩នាក់ ដែលកំពុងស្នាក់នៅផ្ទះបណ្តោះអាសន្នក្នុងទីក្រុងJeddah នៃប្រទេសអារ៉ាប៊ីសាអូឌីតដើម្បីជម្រាបព័ត៌មានដល់បងប្អូនដោយផ្ទាល់ថា សម្តេចធិបតីហ៊ុន ម៉ាណែត នាយករដ្ឋមន្ត្រីបានជ្រាបហើយនូវសារអំពាវនាវរបស់បងប្អូន ហើយក៏បានណែនាំដល់ក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិឱ្យចាត់គ្រប់វិធានការភ្លាមៗ ដើម្បីធានាសុវត្ថិភាព និងនាំបងប្អូនត្រឡប់មកស្រុកកំណើតវិញ។ឯកឧត្តម បន្ថែមថា “ខ្ញុំពិតជាបានធូរស្បើយក្នុងចិត្តពេលបានជួបនិយាយជាមួយបងប្អូនផ្ទាល់ និងក្រោយពេលពិនិត្យឃើញថាសុវត្ថិភាពរបស់បងប្អូនត្រូវបានធានា។ ពេលនេះ ឯកឧត្តមឯកអគ្គរាជទូតកម្ពុជាប្រចាំប្រទេសអារ៉ាប៊ីសាអូឌីត ដែលមាននិវេសនដ្ឋាននៅទីក្រុងគែរ ប្រទេសអេហ្ស៊ីបបាននិងកំពុងធ្វើដំណើរទៅប្រទេសអារ៉ាប៊ីសាអូឌីត ដើម្បីជួបជាមួយបងប្អូនដែលនៅតំបន់ផ្សេងទៀតផងដែរ”។ រាជរដ្ឋាភិបាលនឹងចាត់ចែងលើការទិញសំបុត្រយន្តហោះជូនបងប្អូន។ ពេលនេះ សំបុត្រយន្តហោះសម្រាប់បងប្អូនទាំង ២៩នាក់ ដែលកំពុងស្នាក់នៅទីក្រុង Jeddah ត្រូវបានរៀបចំរួច ហើយស្អែកម៉ោង ១០យប់ ម៉ោងនៅអារ៉ាប់ប៊ីសាអូឌីត បងប្អូននឹងឡើងយន្តហោះត្រឡប់មកប្រទេសកម្ពុជាវិញ។ ចំណែកបងប្អូនដែលនៅតំបន់ផ្សេង នឹងរៀបចំចេញដំណើរជាបន្តបន្ទាប់។ នេះបើតាមការបញ្ជាក់របស់ឯកឧត្តមរដ្ឋមន្ត្រីដដែល៕

(ព័ត៌មានជាតិ)៖ ក្រោយការទទួលបានព័ត៌មាននេះ ក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិ ក៏ដូចជាស្ថានឯកអគ្គរាជទូតកម្ពុជាប្រចាំប្រទេសអារ៉ាប់ប៊ីសាអូឌីត ដែលមាននិវេសនដ្ឋានទីក្រុងគែរ ប្រទេសអេហ្ស៊ីប បានទំនាក់ទំនងរកឃើញទីតាំង ហើយ កំពុងរៀបចំសំបុត្រយន្តហោះជូនបងប្អូនឱ្យបានត្រឡប់មកប្រទេសកម្ពុជាវិញ នៅថ្ងៃទី១៩ ខែមេសា ចំនួន ២៩នាក់, នៅថ្ងៃទី២០ ខែមេសា ឆ្នាំ២០២៤ ចំនួន ២៧នាក់, និងថ្ងៃចុងក្រោយគឺថ្ងៃទី២១ ខែមេសា ឆ្នាំ២០២៤ ចំនួន ២២នាក់។សូមជម្រាបថាបងប្អូនប្រជាពលរដ្ឋទាំង ៧៨នាក់នេះ មានចំនួន ៥១នាក់ កំពុងស្ថិតនៅទីក្រុង Jeddah ចំនួន ១៥នាក់ កំពុងស្ថិតនៅរាជធានី Riyadh និងចំនួន ១២នាក់ កំពុងស្ថិតនៅទីក្រុង Dammam នៃប្រទេសអារ៉ាប់ប៊ីសាអូឌីត។ បច្ចុប្បន្នបងប្អូនបានស្ថិតនៅក្នុងកន្លែងប្រមូលផ្តុំតាមទីក្រុងនីមួយៗ ដើម្បីរង់ចាំការរៀបចំសំបុត្រយន្តហោះ។ ក្នុងអំឡុងពេលរង់ចាំនេះ ឯកឧត្តម អ៊ុក សារុន អគ្គរាជទូតកម្ពុជាប្រចាំប្រទេសអារ៉ាប៊ីសាអ៊ូឌីត នឹងទទួលសម្របសម្រួលបន្ថែមជាមួយមន្ត្រីអន្តោប្រេវសន៍នៃប្រទេសម្ចាស់ផ្ទះដើម្បីបំពេញឯកសារផ្សេងៗ និងសម្រួលលើការហូបចុក និងស្នាក់នៅរបស់បងប្អូន។សម្រាប់បងប្អូនដែលកំពុងស្ថិតនៅប្រទេសអារ៉ាប់ប៊ីសាអូឌីត ហើយមានបំណងទាក់ទងលម្អិតគឺអាចទំនាក់ទំនងទៅលោក សុះ ហ៊ីម តាមរយៈទូរសព្ទលេខ +966 5804 65578 ឬទាក់ទងទៅឯកឧត្តម អ៊ុក សារុន ឯកអគ្គរាជទូតកម្ពុជាប្រចាំប្រទេសអារ៉ាប៊ីសាអ៊ូឌីតផ្ទាល់តាមរយៈ WhatsApp និង Telegram: +2011 5627 9999 និង +966 56 590 3370។ក្រសួងការងារ និងបណ្តុះបណ្តាលវិជ្ជាជីវៈ និងក្រសួងការបរទេស និងសហប្រតិបត្តិការអន្តរជាតិនឹងបន្តតាមដាន សម្របសម្រួលការធ្វើមាតុភូមិនិវត្តរបស់បងប្អូនជាបន្តទៀត។អាស្រ័យហេតុនេះ សូមសាធារណជនជ្រាបជាព័ត៌មាន

(ភ្នំពេញ)៖ ជាការពិតណាស់ ក្រោយពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល ៤ ថ្ងៃកន្លងទៅ ក្រសួង​ទេស​ចរណ៍​​ ក៏បានចេញនូវរបាយការណ៍បង្ហាញពីចំនួនប្រជា​ពល​រដ្ឋ​​ភ្ញៀវទេសចរ​ជាតិដែល​បាន​ដើរ​លេង​កម្សាន្ត​​នៅតាមរមណីយដ្ឋាន​នានា​ទូទាំង​ប្រ​ទេស សរុបមាន​ចំនួនជាង​២១លាននាក់។ ក្រោយការបង្ហាញ​នូវ​របាយ​ការណ៍​​ចំនួន​​ភ្ញៀវទេសចរណ៍​ដែលបានដើរលេងកំសាន្តរយៈពេល ៤ ថ្ងៃពិធីបុណ្យចូលឆ្នាំថ្មី​ប្រពៃណី​ជាតិខ្មែរ ក៏មានមហាជនជាច្រើនមានការងឿងឆ្ងល់ រហូតដល់អ្នកខ្លះសើចចំអក ទៅកាន់​ក្រ​សួង​ទេស​ចរណ៍​ថា​ ចំនួនភ្ញៀវទេសចរ​ដើរ​លេង​កម្សាន្តនេះបំផ្លើស ភូតកុហក ឬ ស្រង់ទិន្នន័យខុសជាដើម ដោយសា​រ​​តែ​ប្រជាជន​កម្ពុជា​ទូទាំង​ប្រទេស​មានចំនួន ១៧​លាននាក់ តែ​ពេ​ល​​ចូល​ឆ្នាំខ្មែរ ហេតុអ្វី ក៏ភ្ញៀវ​ទេសចរណ៍ ​ដើរ​លេង​រហូត​ដល់​២១​លាននាក់ទៅវិញ ។ជុំវិញករណីមួយនេះ នៅថ្ងៃទី១៩ ខែ មេសា ឆ្នាំ ២០២៤នេះ ឯកឧត្តម តុប សុភ័ក្រ រដ្ឋលេខាធិការនៃក្រ​សួងទេសចរណ៍ បានបញ្ជាក់ជូនមហាជនយ៉ាងច្បាស់ៗ នៅលើគណនីហ្វេសប៊ុក អំពីចំនួនភ្ញៀវទេសចរណ៍​ដែលបានដើរលេងកម្សាន្តអំឡុងពេល បុណ្យចូលឆ្នាំថ្មីប្រពៃណីជាតិឱ្យមហាជនបានជ្រាបកាន់​តែច្បាស់ផង​ដែរ។ ក្នុងនោះដែរ ឯកឧត្តមបានបញ្ជាក់ថា​ ការរាប់និងគិតពីចំនួនទេសចរ មានប្រភេទខុសគ្នា៖ ទី១-ទេសចរអន្តរជាតិ (International Tourist Arrival) ទី២- ទេសចរផ្ទៃក្នុង (Internal Tourist) ចែកជា២គឺ ទេសចរជាតិ(Khmer)និងទេសចរបរទេស(Foreigner)។-ទេសចរ៖ សំដៅដល់អ្នកដែលធ្វើដំណើរចេញពីលំនៅឋានរបស់ខ្លួន ទៅកាន់គោលដៅណាមួយ​និងស្នាក់នៅចាប់ពី១យប់ឡើងទៅ និងមិនលើសពីការកំណត់ណាមួយ(៣០ថ្ងៃ)-អ្នកដើរកម្សាន្ត៖ សំដៅដល់អ្នកធ្វើដំណើរទៅកាន់គោលដៅណាមួយ ហើយមិនស្នាក់នៅទេ ពោលគឺត្រឡប់មកផ្ទះវិញ (វិលល្ងាច - same-day visitor)។សម្រាប់ ចំនួនជាង២១លាននាក់ ក្នុងពេលចូលឆ្នាំកន្លងទៅនេះ គឺគិតទាំងទេសចរនិងអ្នកដើរកម្សាន្ត​(ទេសចរផ្ទៃក្នុង)។ មនុស្សម្នាក់ៗអាចរាប់ច្រើនដង តាមគោលដៅដែលគាត់ធ្វើដំណើរទៅ។ សម្រាប់ទេសចរ១នាក់ បើស្នាក់នៅ១យប់ គិតចំនួន១ដង បើនៅ២យប់ រាប់១ដងទៀត មានន័យថា ទេសចរ១នាក់ ឡើង២នាក់ (២ដង) រីឯអ្នកដើរកម្សាន្ត ក៏គិតដូចគ្នា (មកលេងថ្ងៃទី១ គិត១ដង ថ្ងៃទី២មកទៀត គិត១ដងទៀត...)។ឯកឧត្តម បានបន្តទៀតថា ចុះហេតុអ្វីបានជាគេគិតចំនួនអ្នកដើរកម្សាន្តដូច្នេះ? មូលហេតុគឺ រាល់ការស្នាក់នៅនិងធ្វើដំណើរកម្សាន្ត ត្រូវចំណាយ(ចាយលុយ)លើសោហ៊ុយធ្វើដំណើរ (សាំងឡាន ម៉ូតូ...) ថ្លៃស្នាក់នៅ ហូបចុក និងចំណាយផ្សេងៗទៀត។ ដូច្នេះចំនួន២១លាននាក់នេះ មិនមែនជាចំនួនមនុស្ស ២១លាននាក់ផ្សេងៗគ្នាទេ ពោលគឺចំនួនដងនៃទេសចរនិងអ្នកដើរកម្សាន្ត (២១លានដង/នាក់)។មូលដ្ឋាននៃការគិត៖ ទី១- ទិន្នន័យពីកន្លែងស្នាក់នៅ (សណ្ឋាគារ ផ្ទះសំណាក់) ទី២-ទិន្នន័យពីរមណីយដ្ឋាន (តាមចំនួនសំបុត្រ រាប់ចំនួនឡាន ម៉ូតូ) និងទី៣ គណនាតាមផ្ទៃក្រឡា នៅកន្លែងជួបជុំ (ប្រគំតន្ត្រី...) ដោយក្នុង១ម៉ែត្រការ៉េ ៣ទៅ៤នាក់ តាមមនុស្សតិចច្រើន ដែលជារបៀបប៉ាន់ស្មានជាទូទៅនៃការរាប់ចំនួនមនុស្ស (មិនមែនចាប់រាប់ម្តងមួយៗនោះទេ)។ ឯកឧត្តមក៏បញ្ជាក់ដែរថា ចំនួនអ្នកដើរលេងកម្សាន្ត គឺមិនរាប់អ្នកដំណើរតាមផ្លូវ ឬស្ទះជាប់នៅលើផ្លូវនោះ​ទេ។ ចំពោះចំនួនទេសចរអន្តរជាតិ ទទួលទិន្នន័យពីអគ្គនាយកដ្ឋាន​អន្តោប្រវេសន៍នៃក្រសួងមហាផ្ទៃ ដែលរាប់ទិន្នន័យជាក់លាក់នៃជនបរទេសដែលធ្វើដំណើរចូល​មកប្រទេសយើងតាមគ្រប់ច្រកអន្តរជាតិ (លិខិតឆ្លងដែន ស្កែនក្រយៅដៃ វីសា) ទេសចរ១នាក់ ចូលមក១ដងគិត១នាក់ (មានទេសចរខ្លះ ក្នុង១ឆ្នាំអាចចូលមកលើសពី១ដង)៕ 

(ភ្នំពេញ)៖ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការលទ្ធកម្មក្រសួងពាណិជ្ជកម្ម បានអញ្ជើញជាអធិបតីក្នុងកិច្ចប្រជុំបើកឯកសារដេញថ្លៃជាសាធារណៈចំនួន ៥ គម្រោង ដែលមានវត្តមានចូលរួមពីថ្នាក់ដឹកនាំក្រសួងពាណិជ្ជកម្ម តំណាងក្រសួង-ស្ថាប័នពាក់ព័ន្ធ និងតំណាងក្រុមហ៊ុនដេញថ្លៃ នៅទីស្ដីការក្រសួងពាណិជ្ជកម្ម នាព្រឹកថ្ងៃសុក្រ ទី១៩ ខែមេសា ឆ្នាំ២០២៤។ កិច្ចប្រជុំនេះ ត្រូវបានរៀបចំឡើងតាមកាលបរិច្ឆេទកំណត់ ក្នុងគោលបំណងបើកឯកសារដេញថ្លៃចំនួន ៥ គម្រោងដូចខាងក្រោម៖១. ការផ្គត់ផ្គង់ប្រេងឥន្ធនៈ២. ការផ្គត់ផ្គង់ភេសជ្ជៈសម្រាប់ទទួលភ្ញៀវជាតិ និងអន្តរជាតិ៣. ការបោះពុម្ពវិក្កយបត្រ វិញ្ញាបនបត្រ កំណត់ត្រាបណ្ណពិន័យ និងសម្ភារៈការិយាល័យ៤. ការជួសជុលឃ្លាំងស្តុកទំនិញក្រសួង មន្ទីរពិសោធន៍នៃអគ្គនាយកដ្ឋាន ក.ប.ប.៥. ការជួសជុលម៉ាស៊ីនត្រជាក់ និងបណ្តាញផ្សេងៗ៕

(ភ្នំពេញ)៖ យោងតាមសេចក្តីជូនដំណឹង របស់ក្រសួងធនធានទឹក និង ឧតុនិយម នៅថ្ងៃទី១៩ ខែ​មេសា ឆ្នាំ ២០២៤ បានឱ្យដឹងថា សម្ពាធទាបគ្របដណ្ដប់មក​លើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាង​ទន្លេមេគង្គ និងសមុទ្រចិនខាងត្បូង។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៩ ដល់ថ្ងៃទី២១ ខែមេសា ឆ្នាំ២០២៤៖១. តំបន់វាលទំនាប ៖ -សីតុណ្ហភាពអប្បបរមា២៥°C និងសីតុណ្ហភាពអតិបរមា៣៨°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់​លើផ្ទៃដី១៥%។២.តំបន់ខ្ពង់រាប ៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម៣,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ១០%។៣.តំបន់មាត់សមុទ្រ ៖-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៥°C។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី១៥%។-រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕ 

(ភ្នំពេញ)៖ ក្រុមហ៊ុន RMA Cambodia គឺជាក្រុមហ៊ុនដែលនាំចូលនូវរថយន្តនូវម៉ាកល្បីៗ លើពិភពលោក និង ចែកចាយផ្តាច់មុខសម្រាប់រថយន្ត Land Rover ដែលជាក្រុមហ៊ុនផលិតរថយន្តដ៏ធំបំផុត របស់ពិភពលោក។ Land Rover គឺផ្អែកលើម៉ាករថយន្តដ៏ល្បីល្បាញរបស់ចក្រភពអង់គ្លេស Land Rover ដែលជាក្រុមហ៊ុន ផលិតរថយន្តទំនើបគ្រប់ស្ថានភាពផ្លូវឈានមុខគេលើពិភពលោក។ ថ្ងៃនេះ ក្រុមហ៊ុន Land Rover Cambodia នឹងធ្វើ សន្និសីទសារព័ត៌មានមួយ ដើម្បីបង្ហាញអំពីការប្រើប្រាស់រថយន្ត Range Rover អោយកាន់តែប្រសើរឡើង។ ក្រុមហ៊ុន Land Rover តែងតែនាំមុខគេជានិច្ចនូវបច្ចេកវិទ្យា និង​ការបង្កើតថ្មីដោយផ្តោតលើការយកចិត្តទុកដាក់ អតិថិជនជាស្នូល។យោងតាមព័ត៌មានក្នុងស្រុក មានករណីឆេះរថយន្ត Range Rover ម្តងទៀតនៅលើផ្លូវល្បឿនលឿនភ្នំពេញ-ព្រះសីហនុ។ ឆ្លៀតក្នុងឱកាសនេះ ក្រុមហ៊ុន Land Rover Cambodia នឹងធ្វើសន្និសីទសារព័ត៌មាន បង្ហាញនិង ស្វែងយល់ពីរបៀបថែទាំយានយន្តឲ្យបានត្រឹមត្រូវមុនពេលបើកបរផ្លូវឆ្ងាយជាថ្មីម្តងទៀត។តាមការពន្យល់របស់ប្រធានផ្នែកសេវាកម្មជួលជុលរបស់ក្រុមហ៊ុន Land Rover Cambodia លោក Sajai Nalupurakkal តាមរយះសំនួរនានាដូចខាងក្រោមថា៖ហេតុអ្វីបានជារថយន្តឆេះ? មានហេតុផលជាច្រើនដែលកើតចេញពីកត្តារួមផ្សំគ្នាដូចជា ការធ្វេសប្រហែសក្នុងការថែទាំរថយន្តរបស់អ្នក ការខូចទ្រនាប់ការពារ លេចធ្លាយ (មិនថាទ្រនាប់ប្រេងឥន្ធនៈ ឬទ្រនាប់ការពារប្រេងរអិល) ឬប្រព័ន្ធខ្សែភ្លើងដែលមានបញ្ហាហានិភ័យកើនឡើង។​ ការកែឆ្នៃរថយន្តខុសបច្ចេកទេស ការកែប្រែប្រព័ន្ធខ្សែភ្លើង ដោយអ្នកបច្ចេកទេសដែលគ្មានជំនាញច្បាស់លាស់ ការនាំយកយានជំនិះពីស្តង់ដារអឺរ៉ុប និងការកែប្រែប្រព័ន្ធបង្ហូរប្រេង (ចំហេះ) ដើម្បីដំណើរការជាមួយនិងលក្ខខណ្ឌ ប្រេងឥន្ធនៈរបស់ប្រទេសយើង អាចនាំឱ្យឡើងកំដៅ។នៅពេលដែលម៉ាស៊ីនឡើងកំដៅខ្លាំង សារធាតុរាវរបស់វាដូចជាប្រេង និងទឹកស្អំម៉ាស៊ីនកើនឡើងដល់សីតុណ្ហភាពខ្ពស់ ហើយចាប់ផ្តើមហៀរចេញ ដែលអាចបញ្ឆេះលើផ្នែកម៉ាស៊ីនក្តៅ ឬប្រព័ន្ធបង្ហូរប្រេង​​​​​​​​​​(ចំហេះ)ដែលជាហេតុនាំឲ្យមានភ្លើងឆេះ​​​​។ ជាចុងក្រោយ ការប្រើប្រាស់គ្រឿងបន្លាស់ដែលមានតម្លៃទាប មិនមែនជារបស់ពិតក៏អាចរួមចំណែកដល់ហានិភ័យផងដែរ។  បច្ចុប្បន្ន Land Rover ទទួលបានការគាំទ្រជាខ្លាំងក្នុងចំណោមរថយន្តប្រណិតទាំងអស់ ជាមួយនិងតម្រូវការខ្ពស់សម្រាប់អតិថិជនកម្ពុជា ហើយប្រជាប្រិយភាព និងមានការចាប់អារម្មណ៍ពីសាធារណៈជន លើ ម៉ាកយីហោនេះ ដែលធ្វើអោយមានការផ្សព្វផ្សាយយ៉ាងទូលំទូលាយនៃព័ត៌មានដែលទាក់ទងនិង Land Rover ។  ហេតុអ្វីបានជាបញ្ហានៅតែបន្តកើតមានឡើង បើទោះជាមានសន្និសីទសារព័ត៌មានកាលពីឆ្នាំមុន?  ពួកយើងបានយកចិត្តទុកដាក់ចំពោះរឿងនេះជានិច្ច ហើយយើងបានអនុវត្តយុទ្ធនាការត្រួតពិនិត្យដោយឥតគិតថ្លៃ សម្រាប់រថយន្ត Land Rover គ្រប់ប្រភេទ ដើម្បីធានាថារថយន្ត Land Rover ទាំងអស់មានសុវត្ថិភាពនៅលើដងផ្លូវ។ យើងបានខិតខំប្រឹងប្រែងដើម្បីចែករំលែកព័ត៌មានសំខាន់ៗនឹងចំណេះដឹងទៅកាន់អតិថិជន Land Rover ទាំងអស់បន្ទាប់ពីរថយន្ត Land Rover ដំបូងបានឆាបឆេះនៅលើដងផ្លូវល្បឿនលឿន។ ក្នុងអំឡុងសន្និសីទសារព័ត៌មានកាលពីឆ្នាំមុន យើងបានសង្កត់ធ្ងន់លើសារៈសំខាន់នៃការប្រើប្រាស់គ្រឿងបន្លាស់ពិតប្រាកដ និងការជួសជុលដែលធ្វើឡើងដោយអ្នកបច្ចេកទេសទទួលការបណ្តុះបណ្តាលពីចក្រភពអង់គ្លេស។ យើងពិតជាចង់ត្រួតពិនិត្យរថយន្តដែលបានឆេះទាំងនោះដើម្បីស្វែងរកមូលហេតុដែលបានកើតឡើង ប៉ុន្តែគួរអោយសោកស្តាយ ដែលរថយន្តទាំងនោះ មិនធ្លាប់បានទទួលសេវាកម្មរបស់យើងឡើយ​ ដូច្នេះហើយ យើងពុំមានទិន្នន័យក្នុងប្រព័ន្ធដើម្បីត្រួតពិនិត្យពីមូលហេតុ ដែលបានកើតឡើងនោះទេ។តើមានវិធីអ្វីការពាររថយន្តពីការឆាបឆេះ? ដើម្បីការពារសុវត្តិភាពយានយន្ត និងសុវត្តិភាពរបស់លោកអ្នក សូមអញ្ចើញយករថយន្ត មកត្រួតពិនិត្យឲ្យបានទៀងទាត់សម្រាប់ការថែទាំ តាមកាលកំណត់ដោយប្រើប្រាស់គ្រឿងបន្លាស់ពិតប្រាកដរបស់ Land Rover និងការផ្ដល់សេវាកម្មដោយអ្នកបច្ចេកទេសដែលបានទទួលការបណ្តុះបណ្តាលយ៉ាងច្បាស់លាល់។នៅពេលលោកអ្នកមកទទួលសេវាកម្មពីមជ្ឈមណ្ឌលតំហែទាំរថយន្ត Land Rover Cambodia យើងចាប់ផ្តើមតាមដានស្ថានភាពសុខភាពរបស់រថយន្តតាមស្តង់ដារបស់ មជ្ឈមណ្ឌលតំហែទាំរថយន្តយើង ជាមួយនឹងកំណត់ត្រានៃប្រវត្តិសេវាកម្មរបស់រថយន្ត និងណែនាំការជួសជុលចាំបាច់ណាមួយ ដើម្បីបង្ការពីហានិភ័យណាមួយដែលនឹកស្មានមិនដល់នៅលើដងផ្លូវ។ ខាងក្រោមនេះជាការចែករំលែកពី លោក សៀង រិទ្ធ ប្រធានផ្នែករោងជាង លោកមានប្រសាសន៍ថា៖ចែករំលែកអំពីទំនុកចិត្តរបស់គាត់ក្នុងការជួសជុលរថយន្តយើងមានក្រុមជំនាញដែលមានតុល្យភាពនៅក្នុងសេវាកម្មមេកានិក និងផ្នែករោគវិនិច្ឆ័យនៃកំហូចរថយន្ត អ្នកបច្ចេកទេសរបស់យើងទាំងអស់ត្រូវបានចុះឈ្មោះនៅក្នុងវេទិកាបណ្តុះបណ្តាល Land Rover ដោយបន្តការបណ្តុះបណ្តាលជាប្រចាំតាមរយៈថ្នាក់អនឡាញ និង រៀនផ្ទាល់នៅក្នុងថ្នាក់នៅសាលាបណ្តុះបណ្តាល Land Rover ក្នុងប្រទេសសិង្ហបុរី និងចក្រភពអង់គ្លេស។ នេះធានាថាក្រុមបច្ចេកទេសរបស់យើងរក្សាបាននូវចំណេះដឹង និងបច្ចេកវិទ្យាចុងក្រោយបំផុត។ ការរួមបញ្ចូលគ្នានៃបទពិសោធន៍របស់ពួកគេជាមួយនឹងការប្រើប្រាស់ឧបករណ៍វិនិច្ឆ័យពិតប្រាកដដែលមានប្រភពផ្ទាល់ពីរោងចក្រ Land Rover UK យើងអាចផ្តល់ឱ្យអ្នកនូវសេវាកម្មស្តង់ដារពិភពលោក Land Rover នៅក្នុងប្រទេសកម្ពុជា។ របៀបទំនាក់ទំនងជាមួយអតិថិជនជាមុនរបស់ក្រុមហ៊ុន Land Rover Cambodia ក្រុមការងារផ្នែកទំនាក់ទំនងរបស់ពួកយើងគឺតែងតែរៀបចំរួចរាល់ជានិច្ចសម្រាប់ការទំនាក់ទំនងទៅកាន់អតិថិជន។ ពួកគាត់តែងតែផ្ដល់ព័ត៌មានថ្មីៗដែលបានបញ្ចូលពីខាងរោងចក្រដូចជា Software Update ឬ ក៏មានការតម្លើងថ្មីនៃផ្នែកណាមួយនៃរថយន្តដែលបានណែនាំពីខាងរោងចក្រពីចក្រភពអង់គ្លេសផ្ទាល់។ ក្រុមការងាររបស់ពួកយើងធានាថារថយន្តរបស់លោកអ្នកគឺស្ថិតនៅក្នុងស្ថានភាពល្អបំផុត។ការយល់ឃើញពីសំណាក់អតិថិជនដែលយករថយន្តមកជួសជុលផ្ទាល់នៅក្រុមហ៊ុន Land Rover Cambodiaលោក គួច លេងឃាង ៖​ “ខ្ញុំទិញឡាន Defender ពី RMA ព្រោះខ្ញុំជឿជាក់ និងទុកចិត្តលើគុណភាព និងសេវាកម្មរបស់ក្រុមហ៊ុន! ហើយខ្ញុំតែងតែទទួលបានការយកចិត្តទុកដាក់ពីផ្នែកសេវាកម្មរបស់ក្រុមហ៊ុន ដើម្បីត្រួតពិនិត្យឡាន ផ្លាស់ប្តូរប្រេងម៉ាស៊ីន និងការឆែកប្រព័ន្ធសុវត្ថិភាពជាដើម ជាពិសេសពេលត្រូវដល់ពេលមកឆែក រឺពេលត្រូវទៅឆ្ងាយម្តងៗ! ខ្ញុំមិនដែរបារម្ភទេ សឹងតែទិញឡានហើយចាំតែចាក់សាំង និងដូរប្រេងម៉ាស៊ីន តែប៉ុណ្ណឹង ។ មកកន្លែងរងចាំជួសជុលរថយន្តវិញស្ងាត់ល្អមានអាហារសំរន់ កាហ្វេ កន្លែងអង្គុយរងធំទូលាយស្អាត ខ្ញុំអាចអង្គុយរងចាំបណ្តើរធ្វើការបណ្តើរមិនខាតពេលពីមុនខ្ញុំយកឡានទៅធ្វើខាងក្រៅគិតថាធូរថ្លៃជាង ហើយហើយឥឡូវបន្ទាប់ពីខ្ញុំមកទទួលសេវាកម្មជាមួយក្រុមហ៊ុន Land Rover Cambodia គឺខ្ញុំអស់កង្វល់តែម្តង ហើយខ្ញុំតែងតែមកត្រួតពិនិត្យពេលដែលខ្ញុំធ្វើដំណើរផ្លូវឆ្ងាយជាមួយ តំលៃសមរម្យ ជាងល្អ គ្រឿងបន្លាស់ទុកចិត្ត ហើយឃើញរឿងឆេះថ្មីៗកាន់តែចង់មកអោយជាងជំនាញមើលអោយ ព្រោះថាសុវត្ថិភាពឡានមួយរឿង តែសុវត្ថិភាពអ្នកជិះ គ្រួសារយើងកាន់តែសំខាន់”មធ្យោបាយដ៏ល្អបំផុត ធ្វើការជាវរថយន្តពី Land Rover Cambodia នាំចូលផ្តាច់មុខដោយ RMA Cambodia និងទទួលសិទ្ធចែកចាយផ្ទាល់ពីរោងចក្រ Land Rover United Kingdom និងបំពាក់ដោយស្តង់ដារធានាពីរោងចក្ររយៈពេល 3 ឆ្នាំ ឫ ១០០,០០០ គីឡូ។ ទំនាក់ទំនងផ្នែកលក់ - 070999111ទំនាក់ទំនងផ្នែកសេវាកម្ម - 070999222