រាជធានីភ្នំពេញ ថ្ងៃទី ២៦ ខែកក្កដា ឆ្នាំ២០២៤ក្រុមហ៊ុន RMA Cambodia ជាតំណាងចែកចាយផ្តាច់មុខនូវរថយន្តដឹកទំនិញ FUSO ប្រចាំប្រទេសកម្ពុជាដែលជារថយន្តដឹកទំនិញម៉ាកល្បីមួយផលិត និងដំឡើងនៅប្រទេសជប៉ុន 100%។ ការផ្តល់ជូនពិសេសនេះសម្រាប់ឱ្យអតិថិជនទាំងអស់ទទួលបាននូវការចំណាយតែម្តង តែចំណេញពេញមួយជីវិតជាមួយនឹងការបង់រំលស់មួយខែត្រឹមតែ 343$ តែប៉ុណ្ណោះ នឹងទទួលបានរថយន្តថ្មីស្រឡាងមួយគ្រឿងយកទៅប្រើប្រាស់ក្នុងការប្រកបអាជីវកម្មដោយមានផាសុខភាព ជាមួយផលិតផលដែលនាំចូលពីប្រទេសជប៉ុនពិតៗ ដំឡើងនៅជប៉ុន ដឹកមកពីជប៉ុនផ្ទាល់ៗតែម្តង។ កាន់តែពិសេសទៅទៀតនោះ ក្រុមហ៊ុនបានភ្ជាប់មកជាមួយការធានា 2ឆ្នាំ ផ្លាកលេខក្បាល2 ការត្រួតពិនិត្យដោយឥតគិតថ្លៃជាមួយក្រុមហ៊ុនផ្ទាល់តែម្តង។FUSO CANTER FE71 ជាប្រភេទរថយន្តដឹកទំនិញចាប់ពីទម្ងន់ ១.៥តោន រហូតដល់ ២.៥តោន ដែលអាចដំឡើងជាមួយទូរស្ងួត ទូរត្រជាក់ រថយន្ដស្ទូច ។ល។ កាប៊ីនខាងក្នុងមានភាពទូលាយ ប្រកបដោយផាសុខភាព ជាមួយសាក់ស៊ីដែលធ្វើឡើងអំពីដែកថែបដែលរឹងមាំ ម៉ាស៊ីនរថយន្តជាប្រភេទម៉ាស៊ីន Mitsubishi 4D33-6A ជួយកាត់បន្ថយនូវការបញ្ចេញឧស្ម័នពុលទៅកាន់បរិយាកាសបានកាន់តែទាប ដែលមានកម្លាំងខ្លាំងជាងមុន។ រថយន្តនេះភ្ជាប់មកជាមួយ នឹងកង់ឌុបរង្វង់16 ដែលមានភាពធន់ក្នុងការដឹកទំនិញ ចំពោះសាក់ស៊ីមានភាពធំក្រាស់ ផលិតឡើងពីដែកថែប ស្វិតរឹងមាំ មានភាពរលាស់ ដែលបង្កើតនូវផលិតភាព និងប្រសិទ្ធភាពការងារ។ប្រអប់លេខបានរចនាជាពិសេស ដែលផលិតឡើងពីដែកអាលុយមីញ៉ូម ធ្វើអោយប្រត្តិបត្តិការមានភាពស្ងាត់មិនរំខានដល់ការបើកបរ និងមិនច្រែះចាប់ប្រើប្រាស់បានយូរអង្វែង និងកាត់បន្ថយកម្តៅផងដែរ។សក្តិសមបំផុតសម្រាប់អាជីវកម្ម ផ្សារទំនើប រោងចក្រ លក់គ្រឿងសំណង់ មិនថាខ្នាតតូច និងមធ្យម សុទ្ធសឹងតែអាចជាវយកទៅប្រើប្រាស់ដើម្បីសម្រួលបន្ទុកការងារដឹកទំនិញបានដោយមានផាសុខភាពថែមមួយកម្រិតទៀត។គួរបញ្ជាក់ផងដែរថាក្រុមហ៊ុន RMA Cambodia គឺជាអ្នកនាំចូលផ្តាច់មុខនូវរថយន្តដឹកទំនិញ FUSO ដែលមានទម្ងន់ចាប់ពី 1.5-25 តោន វាមានតួនាទីដើរតួជាឆ្អឹងខ្នងនៃការបំលាស់ទីទំនិញរបស់ប្រជាជននៅក្នុងប្រទេសកម្ពុជា ដែលក្នុងនោះរួមមាន រថយន្តបែន រថយន្តលាយបេតុង រថយន្តដឹកទំនិញ និងរថយន្តក្រុងដឹកអ្នកដំណើរជាដើមផងដែរ។ក្រុមហ៊ុនក៏មានជាការផ្ដល់ជាសេវាកម្ម ជួល និងបង់រំលស់ផងដែរដើម្បីសម្រួលដល់អតិថិជនរបស់ខ្លួន ហើយអតិថិជនក៏អាចទទួលបាននូវការប្រឹក្សាសេវាកម្មហិរញ្ញវត្ថុផ្សេងៗក្នុងការបង់រំលោះរថយន្តដឹកទំនិញយកទៅប្រើប្រាស់។ ប្រសិនបើបងប្អូនមានតម្រូវការទៅលើប្រភេទរថយន្ត FUSO មួយប្រភេទណាជាពិសេសរថយន្ត FUSO CANTER FE71 ដែលកំពុងមានប្រូម៉ូសិនពិសេសនេះ អាចទាក់ទងសួរព័ត៌មានលម្អិតទៅកាន់ហ្វេសបុកផេក FUSO Cambodia by RMA ឬក៏តាមរយៈលេខទូរស័ព្ទ 078 777 005 និងអាស័យដ្ឋានផ្លូវជាតិលេខ 6 កែងផ្លូវវិមានឈ្នះៗ ទល់មុខផ្សារទំនើប Makro។សូមប្រញាប់រួសរាន់ឡើង កុំរង់ចាំរហូតដ៏ផុតប្រម៉ូសិនពិសេសនេះណា!

(រាជធានីភ្នំពេញ)៖ យោងតាមការចុះផ្សាយរបស់ ក្រសួងធនធានទឹក និងឧតុនិយម បានចេញសេចក្ដីជូនដំណឹងអំពីស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី២៧ ខែកក្កដា ឆ្នាំ២០២៤។ក្រសួងធនធានទឹក បានឱ្យដឹងថា ព្យុះ ឈ្មោះ ហ្គ្សាមី (Gaemi) នៅបន្តគ្របដណ្ដប់លើសមុទ្រចិនខាងត្បូង មានឥទ្ធិពលលើសមុទ្រ Andaman ភាគកណ្តាល និងខាងកើតឈូងសមុទ្រថៃ ភាគកណ្តាលនៃអាងទន្លេមេគង្គ និងមកលើព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យចាប់ពីថ្ងៃទី២៧ ដល់ថ្ងៃទី២៩ ខែកក្កដា ឆ្នាំ២០២៤៖១-តំបន់វាលទំនាប៖-សីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសនិរតី និងទិសបស្ចិមមានល្បឿនមធ្យម៣,៥០ម៉ែត្រ/វិនាទី។ ខេត្តបន្ទាយមានជ័យ បាត់ដំបង សៀមរាប ពោធិ៍សាត់ កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្តប់លើ ផ្ទៃដី២០%។២-តំបន់ខ្ពង់រាប៖-សីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣១°C។ ខ្យល់បក់ មកពីទិសនិរតី និងទិសបស្ចិមមានល្បឿនមធ្យម ៤ ម៉ែត្រ/វិនាទី។ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ស្ទឹងត្រែង ក្រចេះ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្តប់លើផ្ទៃដី២៥%។៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣០°C ។ ខ្យល់បក់ មកពីទិសនិរតី មានល្បឿន មធ្យម ៣,៥០ម៉ែត្រ/វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្តប់លើ ផ្ទៃដី២០%។-រលកសមុទ្រមានកម្ពស់មធ្យមអប្បបរមា ១ម៉ែត្រ និងកម្ពស់មធ្យមអតិបរមា១,៥០ម៉ែត្រ៕

(សង្គម)៖ តំបន់ខ្នងផ្សារមានភ្លៀងធ្លាក់ខ្លាំងរហូតបណ្ដាលឱ្យមានទឹកជំនន់ ដូច្នេះហើយចំពោះបងប្អូនដែលមានគម្រោងមកខ្នងផ្សារ ឬខ្នងក្រពើ សូមផ្អាក ឬពន្យាពេលបណ្ដោះអាសន្នសិនជៀសវាងនាំឱ្យមានការខកជើង។ជាក់ស្ដែងកាលពីពេលថ្មីៗនេះយោងតាមទំព័រហ្វេសប៊ុក ទេសចរណ៍ធម្មជាតិភ្នំខ្នងផ្សារ បានឱ្យដឹងថា ប៉ុន្មានថ្ងៃនេះខាងតំបន់ខ្នងផ្សារមានភ្លៀងធ្លាក់ជាប្រចាំ ហើយថ្ងៃនេះផ្លូវចូលសហគមន៍ខ្នងផ្សារទឹកជន់លិចត្រង់ចំណុចស្ពាន អូរសី្រចាំ (ផ្សារជាំ) ឆ្លងទៅមកមិនបានទេ។ ចំពោះបងប្អូនដែលមានគម្រោងមកខ្នងផ្សារ ឬខ្នងក្រពើ សូមពិចារណាផ្អាក់ ឬពន្យាពេលបណ្តោះអាសន្នសិន ខ្លាចបងប្អូនខកជើង មកចំពេលទឹកឡើងខ្លាំង។យ៉ាងណាមិញនេះជាដំណឹងមួយគួរតែចែករំលែកដល់បងប្អូនគ្រប់រូបដែលកំពុងមានគម្រោងធ្វើដំណើរកម្សាន្ត ក្នុងរដូវកាលធ្លាក់ភ្លៀង ជាពិសេសនោះគឺតបន់ភ្នំ សមុទ្យ ជ្រោះជាដើម ដើម្បីការពារនូវសុវត្តភាពបងប្អូនគួរណាពន្យាពេលបណ្ដោះអាសន្នសិន៕

(ព័ត៌មានជាតិ)៖ នៅថ្ងៃទី២៥ ខែកក្កដា ឆ្នាំ២០២៤ យោងតាមការចុះផ្សាយរបស់ រដ្ឋបាលរាជធានីភ្នំពេញ បានចេញសេចក្ដី ជូនដំណឹង ស្ដីពី ការ ប្រគំតន្ត្រី និង អុជកាំជ្រួច ដើម្បី អបអរសាទរ ការ បើក ការដ្ឋាន សាងសង់ ព្រែក ជីកហ្វូណនតេជោ នៅទីធ្លាមុខ សាលមហោស្រព កោះពេជ្រ នៅ ថ្ងៃ ទី០៥ ខែសីហា ឆ្នាំ ២០២៤ ។ រដ្ឋបាលរាជធានីភ្នំពេញ នឹងរៀបចំការប្រគំតន្ត្រី នៅទីធ្លាមុខសាលមហោស្រពកោះពេជ្រ ស្ថិតក្នុងសង្កាត់ ទន្លេបាសាក់ ខណ្ឌចំការមន រាជធានីភ្នំពេញ ចាប់ពីវេលាម៉ោង ១៦:០០នាទី លុះដល់វេលាម៉ោង ១៩:០០នាទី មានការអុជកាំជ្រួចលើកទី១ និង លើកទី២នៅវេលាម៉ោង ២១:០៩នាទី នៅទន្លេចតុមុខ ទល់មុខព្រះបរមរាជវាំង ដែលនឹងប្រព្រឹត្តទៅនៅថ្ងៃទី០៥ ខែសីហា ឆ្នាំ២០២៤ ដើម្បីចូលរួមអបអរសាទរពិធីបើកការដ្ឋានសាងសង់ ព្រែកជីកហ្វូណនតេជោ ជាព្រឹត្តិការណ៍ប្រវត្តិសាស្ត្រលើកទី១ នៅកម្ពុជា ដែលជាគំនិតផ្តួចផ្តើមប្រកបដោយ ចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុម ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដើម្បីបន្សល់ទុកជាកេរមរតកប្រវត្តិសាស្ត្រ ដ៏មហាសាលសម្រាប់ប្រជាពលរដ្ឋ តកូនចៅជំនាន់ក្រោយ និងប្រទេសកម្ពុជាទាំងមូលរាប់ពាន់ឆ្នាំតទៅមុខ និងបន្តអនុវត្តគម្រោងដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ កម្ពុជា ប្រកបដោយគតិបណ្ឌិត សមត្ថភាព និងភាពឈ្លាសវៃ។ដើម្បីរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ក្នុងពិធីអបអរសាទរ ខាងលើ រដ្ឋបាលរាជធានីភ្នំពេញ ស្នើបងប្អូនប្រជាពលរដ្ឋដែលត្រូវធ្វើដំណើរឆ្លងកាត់ជុំវិញទីតាំងប្រគំតន្ត្រី ខាងលើ មេត្តាយោគយល់ អធ្យាស្រ័យ ព្រោះទីតាំងនេះនឹងមានចរាចរមមាញឹកខ្លាំង ដោយសារមធ្យោបាយ ធ្វើដំណើររបស់បងប្អូនប្រជាពលរដ្ឋ ដែលអញ្ជើញចូលរួមទស្សនាការប្រគំតន្ត្រីយ៉ាងច្រើនកុះករនេះ។ ដោយឡែក ចំពោះសាឡង់ដឹកខ្សាច់ ទូក កប៉ាល់គ្រប់ប្រភេទ និងកាណូតដឹកភ្ញៀវទេសចរណ៍ជាតិ-អន្តរជាតិ ដែលធ្វើនាវាចរ ឆ្លងកាត់ទន្លេចតុមុខ ទល់មុខព្រះបរមរាជវាំង ត្រូវធ្វើនាវាចរដោយរក្សាគម្លាតយ៉ាងតិចចម្ងាយ ២០០ម៉ែត្រ ពី សាឡង់អុជកាំជ្រួច នៅក្នុងអំឡុងពេលម៉ោងអុជកាំជ្រួចដូចបានជម្រាបជូនខាងលើ។ទទួលបានសេចក្តីជូនដំណឹងនេះ ស្នងការដ្ឋាននគរបាលរាជធានីភ្នំពេញ បញ្ជាការដ្ឋានកងរាជអាវុធហត្ថ រាជធានីភ្នំពេញ រដ្ឋបាលខណ្ឌទាំង១៤ មន្ទីរសាធារណការ និងដឹកជញ្ជូនរាជធានីភ្នំពេញ និងអាជ្ញាធរពាក់ព័ន្ធ គ្រប់លំដាប់ថ្នាក់ ត្រូវធ្វើការផ្សព្វផ្សាយឱ្យបានទូលំទូលាយ និងចាត់តាំងអនុវត្តឱ្យមានប្រសិទ្ធភាពខ្ពស់ ៕

អាជ្ញាធរជាតិអប្សរា ថ្មីៗនេះ បានចេញនូវសូមជូនដំណឹងស្តីពីការកាត់ដកហូតដើមឈើ និងកាត់ក្រីមែកឈើមានហានិភ័យខ្ពស់ នៅតាមបរិវេណប្រាសាទ និងទីតាំងសំខាន់ៗក្នុងរមណីយដ្ឋានអង្គរ។ អាជ្ញាធរជាតិអប្សរា ដើម្បីធានាដល់សុវត្ថិភាពភ្ញៀវទេសចរ សាធារណជន ក៏ដូចជាដើម្បី លើកកម្ពស់សោភ័ណភាពនៅតាមដងផ្លូវ និងតាមបរិវេណប្រាសាទក្នុងតំបន់រមណីយដ្ឋានអង្គរ និងតំបន់ដែលគ្រប់គ្រងដោយ អាជ្ញាធរជាតិអប្សរា អាជ្ញាធរជាតិអប្សរាំនឹងកាត់ដកហូតដើមឈើ និងកាត់ក្រីមែកឈើ នៅតាមទីតាំងនានាដូចខាងក្រោម៖ -កាត់ក្រីមែកឈើចំនួន០៥ដើម (ដើមឈើទាល៣ដើម ដើមស្លែង១ដើម ដើមស្តង់១ដើម) ស្ថិតនៅបរិវេណ ប្រាសាទព្រះបាលីល័យ-កាត់ដកហូត និងកាត់ក្រីដើមឈើចំនួន០៦ដើម (កាត់ដកហូតដើមម្កាក់១ដើម- កាត់ក្រីដើមត្រសេក២ដើមដើមត្នោត១ដើម ដើមឫស្សី១ដើម ដើមអង្គោល១ដើម) ស្ថិតនៅបរិវេណប្រាសាទមេបុណ្យ កាត់ដកហូតដើមស្នួលងាប់១ដើម មានហានិភ័យស្ថិតនៅបរិវេណខ្លោងទ្វារខ្មោចខាងត្បូង-កាត់ដកហូត និងកាត់ក្រីដើមឈើចំនួន១៤ដើម (កាត់ដកហូតដើមពភ្លា២ដើម ដើមសង្កែ៥ដើម ដើម ត្រសេក២ដើម ដើមភ្លៅសំពោច១ដើម កាត់ត្រីដើមកំបោបាយ១ដើម ដើមសង្កែ១ដើម និងដើមស្រឡៅ ២ដើម) ដែលមានហានិភ័យស្ថិតនៅបរិវេណប្រាសាទបេងមាលា-កាត់ដកហូតដើមឈើទាលចំនួន១ដើមស្ថិតនៅភូមិស្ពានក្អែក ឃុំកណ្តែក ស្រុកប្រាសាទបាគង កាត់ដកហូតដើមឈើទាល០១ដើម ស្ថិតនៅភូមិស្រះស្រង់ ខាងជើង សង្កាត់នគរធំ ក្រុងសៀមរាប-កាត់ដកហូត និងកាត់ត្រីដើមឈើចំនួន១៣ដើម (កាត់ដកហូតដើមគគី២ដើម កាត់ត្រីដើមឈើទាល៤ ដើម ដើមត្រសេក០១ដើម ដើមទឹកដោះ០១ដើម ដើមគគី០១ដើម ដើមខ្នុរ១ដើម ដើមសំរោង១ដើម ដើម អង្កាញ់១ដើម ដើមត្នោត១ដើម) ស្ថិតនៅបរិវេណប្រាសាទលលៃ និងប្រាសាទក្រោលគោ-កាត់ដកហូត និងកាត់ក្រីដើមឈើចំនួន១១ដើម (កាត់ដកហូតដើមឈើទាល២ដើម ដើមកកោះ១ដើម ដើមក្រសាំង១ដើម កាត់ក្រីដើមឈើ៧ដើម) ស្ថិតនៅបរិវេណប្រាសាទបាគង និងព្រៃមន្ទីរ។ កាត់ដកហូតដើមឈើចំនួន០២ដើម (ដើមឈើទាល០១ដើម ដើមក្រឡាញ់០១ដើម) ស្ថិតនៅប្រាសាទ បាគង ខាងកើតប្រាសាទឥដ្ឋ។ក្រុមការងារនៃអាជ្ញាធរជាតិអប្សរា នឹងចាប់ផ្តើមអនុវត្តការងារខាងលើចាប់ពីថ្ងៃទី២៣ ខែកក្កដា ឆ្នាំ២០២៤ ទៅរហូតដល់ចប់ភារកិច្ច។ អាស្រ័យដូចបានជម្រាបជូនខាងលើ សូមមន្ទីរ ស្ថាប័ន សមត្ថកិច្ចពាក់ព័ន្ធ ភ្ញៀវជាតិ អន្តរជាតិ និងសមាគម មគ្គុទ្ទេសក៍ ទេសចរណ៍ ព្រមទាំងសាធារណជនទាំង អស់មេត្តាជ្រាប ជាព័ត៌មាន៕

(ភ្នំពេញ)៖ នៅថ្ងៃទី២៥ ខែកក្កដា ឆ្នាំ២០២៤នេះ ថ្នាក់ដឹកនាំចំនួន២រូប ជាតំណាងដ៏ខ្ពង់ខ្ពស់ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានចុះជួបសំណេះសំណាល ពិនិត្យមើលការងារ និងទទួលទានអាហារថ្ងៃត្រង់ជាមួយបងប្អូនកម្មករនិយោជិត និងពិភាក្សាការងារជាមួយតំណាងនិយោជករោងចក្រចំនួន២ទីតាំង ក្នុងខណ្ឌកំបូល រាជធានីភ្នំពេញ។  កម្មវិធីចុះសំណេះសំណាល និងទទួលទានអាហារថ្ងៃត្រង់ជាមួយបងប្អូនកម្មករនិយោជិតនេះ មានរោងចក្រ MINEBEA (CAMBODIA) CO.,LTD. ស្ថិតក្នុងសង្កាត់ភ្លើងឆេះរទេះ ខណ្ឌកំបូល ដឹកនាំដោយឯកឧត្តម កុយ ទេពដារាវុធ អនុរដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ, និងរោងចក្រ SUMI (CAMBODIA) WIRING SYSTEMS CO.,LTD. ដឹកនាំដោយ ឯកឧត្តម មឿន ហុក អនុរដ្ឋលេខាធិការ។ នៅក្នុងការជួបពិភាក្សាជាមួយតំណាងនិយោជករោងចក្រ និងបានការទទួលទានអាហារថ្ងៃត្រង់ ជួបសំណេះសំណាលសាកសួរផ្ទាល់ជាមួយបងប្អូនកម្មករនិយោជិតនៅក្នុងរោងចក្រ MINEBEA (CAMBODIA) CO.,LTD. រួចមក ឯកឧត្តម កុយ ទេពដារាវុធ បានវាយតម្លៃថា ស្ថានភាពនៃការបំពេញការងាររបស់ងប្អូនកម្មករនិយោជិត រួមនិងទំនាក់ទំនងវិជ្ជាជីវៈរវាងនិយោជកនិងកម្មករនិយោជិតប្រមាណ៧ ៧ ៧០០នាក់ ដែលកំពុងបំពេញការងារនៅក្នុងរោងចក្រ MINEBEA (CAMBODIA) CO.,LTD. មានភាពល្អប្រសើរ។ ឯកឧត្តម ថ្លែងអំណរគុណទៅដល់ម្ចាស់រោងចក្រ ដែលបានគោរពតាមច្បាប់ការងារយ៉ាងខ្ជាប់ខ្ជួន និងអនុវត្តនូវស្តង់ដាការងារបានយ៉ាងល្អ ថែមទាំងបានផ្តល់អត្ថប្រយោជន៍ជាច្រើនទៅតាមគោលការណ៍របស់រាជរដ្ឋាភិបាលបានកំណត់ក្នុងការផ្តល់អត្ថប្រយោជន៍ដល់បងប្អូនកម្មករនិយោជិតផងដែរ។ ក្នុងនោះក្រៅពីការផ្តល់ប្រាក់ឈ្នួលអប្បបរមា ២០៤ដុល្លាររោងចក្រក៏ផ្តល់ប្រាក់រង្វាន់ធ្វើការទៀងទាត់ ប្រាក់សោហ៊ុយធ្វើដំណើរ ប្រាក់រង្វាន់អតីតភាពការងារ ប្រាក់ថែមម៉ោង និងថ្ងៃឈប់សម្រាកប្រចាំឆ្នាំ១៨ថ្ងៃ។ ចំពោះកម្មការិនីមានកូនតូច រោងចក្រក៏មានបន្ទប់រក្សាទុកទឹកដោះម្តាយ និងមានដៃគូទារកដ្ឋានក្បែរតំបន់ ដែលការចំណាយថ្លៃមើលថែទារកជាបន្ទុករបស់និយោជករោងចក្រ។ បន្ថែមពីនេះ រោងចក្រមានអាហារដ្ឋានចំនួន ២អាគារ សម្រាប់កម្មករនិយោជិតទទួលទានអាហារថ្ងៃត្រង់, មានគិលានដ្ឋាន, អាគារស្នាក់នៅសម្រាប់កម្មករនិយោជិតដែលការចំណាយជាបន្ទុករបស់និយោជក។ រោងចក្រ MINEBEA (CAMBODIA) CO.,LTD. ជារោងចក្រផលិតគ្រឿងបង្គុំម៉ាស៊ីន បង្គុំគ្រឿងអេឡិចត្រូនិក និងតំឡើងគ្រឿងអេឡិចត្រូនិក នាំចេញទៅកាន់ប្រទេសជប៉ុន សិង្ហបុរី ហ្វីលីពីន វៀតណាម កូរ៉េ អាម៉េរិក អាលឺ្លម៉ង់ បារាំង។ដោយឡែក ក្នុងការចុះជួបពិភាក្សាការងារជាមួយតំណាងនិយោជក និងសាកសួរសុខទុក្ខផ្ទាល់ជាមួយបងប្អូនកម្មករនិយោជិតប្រមាណ ៤ ៨០០នាក់ នៅរោងចក្រ SUMI (CAMBODIA) WIRING SYSTEMS CO.,LTD. ឯកឧត្តម មឿន ហុក បានពិនិត្យដោយផ្ទាល់ពីដំណើរការផលិតកម្មក្នុងរោងចក្រ និងបានទទួលទានអាហាថ្ងៃត្រង់ជាមួយបងប្អូនកម្មករនិយោជិតនៅក្នុងបរិយាកាសដ៏មានភាពស្និទ្ធស្នាល។ ឯកឧត្តម មឿន ហុក បានពិនិត្យឃើញថា ម្ចាស់រោងចក្របានអនុវត្តលក្ឌខណ្ឌការងារ រួមនិងអត្ថប្រយោជន៍ផ្សេងៗជូនបងប្អូនកម្មករនិយោជិតបានត្រឹមត្រូវ និងលើសពីច្បាប់ការងារបានកំណត់ទៀតផង។ ក្នុងនោះ រោងចក្រផ្តល់អាហារពីរពេលដល់កម្មករនិយោជិត, ផ្តល់កន្លែងស្នាក់នៅ, ផ្តល់ប្រាក់ឈ្នួលតាមច្បាប់ប្រកាស, ប្រាក់រង្វាន់ធ្វើទៀងទាត់១០ដុល្លារក្នុងមួយខែ, ប្រាក់រង្វាន់អតីតភាពការងារ, និងសោហ៊ុយធ្វើដំណើរអនុវត្តតាមប្រកាស, ជាដើម។ គួរបញ្ជាក់ថា ការចុះសួរសុខទុក្ខបងប្អូនកម្មករនិយោជិតដោយផ្ទាល់នៅតាមរោងចក្រនេះ គឺជាការគិតគូរយកចិត្តទុកដាក់ពីសំណាក់រាជរដ្ឋាភិបាលកម្ពុជាអាណត្តិទី៧ ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ទៅលើបងប្អូនកម្មករនិយោជិតនៅតាមរោងចក្រ សហគ្រាសទាំងអស់នៅទូទាំងប្រទេស ធ្វើយ៉ាងណាផ្សារភ្ជាប់ទំនាក់ទំនងកាន់តែជិតស្និតរវាងរដ្ឋាភិបាល ជាមួយបណ្តាម្ចាស់រោងចក្រ សហគ្រាស ជាពិសេសនោះគឺសុខទុក្ខរបស់បងប្អូនកម្មករនិយោជិតដែលរដ្ឋាភិបាលតែងតែគិតគូរជានិច្ច៕

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម ជាម ច័ន្ទសោភ័ណ អភិបាលខេត្តកំពង់ស្ពឺ នៅថ្ងៃទី២៥ ខែកក្កដា ឆ្នាំ២០២៤ បានចុះពិនិត្យការអនុវត្តលក្ខខណ្ឌការងាររបស់កម្មករ និង ទទួលទានអាហារថ្ងៃត្រង់ជាមួយកម្មករ កម្មការិនីប្រមាណជាង៦ពាន់នាក់នៅរោងចក្រតារាលដែលស្ថិតក្នុងស្រុកគងពិសី ខេត្តកំពង់ស្ពឺ។ក្នុងអំឡុងពេលនៃការចុះសួរសុខទុក្ខ បងប្អូនកម្មករនិយោជិតសប្បាយចិត្ត និងរីករាយចំពោះវត្តមានរបស់ថ្នាក់ដឹកនាំក្រសួង និងថ្នាក់ដឹកនាំខេត្តដែលបានចុះមកដល់ទីតាំងរោងចក្រផ្ទាល់ដែលធ្វើឱ្យកម្មករមានភាពកក់ក្តៅកាន់តែខ្លាំងដែលជាការបង្ហាញការយកចិត្តទុកដាក់ខ្ពស់ចំពោះកម្មករ។ការចុះពិនិត្យនៅតាមរោងចក្រ និងទទួលទានអាហារផ្ទាល់ជាមួយកម្មករនេះ មិនមែនជាលើកទី១នោះទេដែលឯកឧត្តម ហេង សួរ បានចុះក្នុងនាមជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការជូនរាជរដ្ឋាភិបាលបានចុះផ្ទាល់ដើម្បីស្វែងយល់ពីសុខទុក្ខ និងវឌ្ឍនភាពក្នុងវិស័យដែលជាការគិតគូរយ៉ាងយកចិត្តទុកដាក់របស់សម្តេចធិបតីនាយករដ្ឋមន្ត្រី និងសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រី។សូមបញ្ជាក់ថា ការចុះពិនិត្យទទួលទានអាហារ និងពិនិត្យស្ថានភាពការងាររបស់ឯកឧត្តមរដ្ឋមន្ត្រីក្រសួងការងារនាពេលនេះ គឺជាការតាមដានលើការអនុវត្តនូវអនុសាសន៍ទាំង៦ចំណុចរបស់សម្តេចនាយករដ្ឋមន្ត្រីដែលកាលពីដើមអាណ្តតិកន្លងទៅបានដាក់ចេញដូចជាប្រាក់ឈ្នួលឆ្នាំ២០២៤ ការបន្តផ្តល់ប្រាក់ពិនិត្យសុខភាពសម្រាប់កម្មករដែលជាស្ត្រីមានផ្ទៃពោះ ការផ្តល់ការថែទាំសុខភាពដល់សមាជិកប.ស.ស. ក្នុងបន្ទុកតាមរយៈភាគទានស្ម័គ្រចិត្តជាដើម ដែលសុទ្ធសឹងតែជាគោលនយោបាយយកចិត្តទុកដាក់របស់រាជរដ្ឋាភិបាលលើការបន្តផ្តល់ប្រយោជន៍បន្ថែមជូនដល់កម្មករនិយោជិត៕

(អន្តរជាតិ)៖ របាយការណ៍ថ្មីមួយបង្ហាញថា ប្រទេសសិង្ហបុរី ម៉ាឡេស៊ី និងប្រ៊ុយណេ មានលិខិតឆ្លងដែនដ៏មានឥទ្ធិពលបំផុតនៅក្នុងតំបន់អាស៊ីអាគ្នេយ៍ ខណៈដែលឡាវ និងមីយ៉ាន់ម៉ា នៅតែមានប័ណ្ណហោះហើរទាបនៅក្នុងតំបន់។ ជាមួយនឹងការចូលដំណើរការដោយគ្មានទិដ្ឋាកា រទៅកាន់ប្រទេស និងដែនដីចំនួន 195 សិង្ហបុរីទទួលបានងារជាប្រទេសដែលមាន លិខិតឆ្លងដែនដ៏មានឥទ្ធិពលបំផុតនៅលើពិភពលោក និងអាស៊ីអាគ្នេយ៍ នេះបើយោងតាមការចេញផ្សាយខែកក្កដារបស់ Henley Global Mobility Report ចេញផ្សាយកាលពីថ្ងៃអង្គារដោយក្រុមហ៊ុនផ្តល់ប្រឹក្សាអំពីសញ្ជាតិ និងលំនៅដ្ឋានសកលរបស់អង់គ្លេស។ ហេនលី និងដៃគូ។ប្រទេសម៉ាឡេស៊ីជាប់ចំណាត់ថ្នាក់លេខ ២ ក្នុងតំបន់ជាមួយនឹងការចូលដោយគ្មានទិដ្ឋាការដល់ទៅ ១៨២ គោលដៅ បន្ទាប់មកគឺប្រ៊ុយណេដែលមាន ១៦៦ គោលដៅ។ ប្រទេសថៃដែលសេដ្ឋកិច្ចពឹងផ្អែកខ្លាំងលើវិស័យទេសចរណ៍ជាប់ចំណាត់ថ្នាក់ទី៤ក្នុងតំបន់ដោយម្ចាស់របស់ខ្លួនអាចចូលទៅកាន់គោលដៅចំនួន ៨២ ដោយមិនចាំបាច់មានទិដ្ឋាការ។ឥណ្ឌូណេស៊ី ដែលជាប្រទេសមានសេដ្ឋកិច្ចធំជាងគេនៅអាស៊ីអាគ្នេយ៍ បានជាប់ចំណាត់ថ្នាក់លេខ ៥ ខណៈដែលម្ចាស់របស់ខ្លួនអាចចូលទៅកាន់គោលដៅចំនួន ៧៦ ដោយមិនចាំបាច់មានទិដ្ឋាការ។ អ្នកកាន់ លិខិតឆ្លងដែនហ្វីលីពីនអាចចូលទៅកាន់ប្រទេសចំនួន 67 ជុំវិញពិភពលោកដោយគ្មានទិដ្ឋាការ ដោយដាក់ប្រទេសហ្វីលីពីនជាប់ចំណាត់ថ្នាក់ទី 6 ក្នុងតំបន់៕

(អន្តរជាតិ)៖ តម្លៃប្រេងសាំងកាលពីថ្ងៃព្រហស្បតិ៍បានធ្លាក់ចុះដល់កម្រិតទាបបំផុតចាប់តាំងពីថ្ងៃទី 20 ខែមិថុនានៅក្នុងការធ្លាក់ចុះសប្តាហ៍ទីបីជាប់ៗគ្នា។ ប្រេងឥន្ធនៈ RON95 ដ៏ពេញនិយមបានធ្លាក់ចុះ 1.25% មកនៅត្រឹម 22,880 ដុង (0.90 ដុល្លារ) ឬស្នើនឹង៣៧០០រៀលក្នុងមួយលីត្រ។ ប្រេងឥន្ធនៈ E5 RON92 បានធ្លាក់ចុះ 1.22% មកនៅត្រឹម 21,900 ដុង ស្មើនឹងប្រមាណ៣៥៥០រៀល។ប្រេងម៉ាស៊ូតបានធ្លាក់ចុះ 1.51% មកនៅត្រឹម 20.190 ដុង ស្មើនឹង៣២៧៣រៀល។ យោងតាមនិយតករបានឱ្យដឹងថា តម្លៃប្រេងឥន្ធនៈជាសកលក្នុងរយៈពេលប្រាំពីរថ្ងៃចុងក្រោយនេះ ត្រូវបានរងផលប៉ះពាល់ដោយការរំពឹងទុកនៃកិច្ចព្រមព្រៀងបទឈប់បាញ់រវាងអ៊ីស្រាអែល និងក្រុមហាម៉ាស ប្រាក់ដុល្លារអាមេរិកកាន់តែរឹងមាំ និងការធ្លាក់ចុះតម្រូវការប្រេងនៅក្នុងប្រទេសចិន បើប្រៀបធៀបទៅនឹងឆ្នាំមុន។ប្រេងសាំងបានធ្លាក់ចុះ 1.6-1.7% នៅទូទាំងពិភពលោក ហើយប្រេងបានធ្លាក់ចុះ 1.8-3% ក្នុងរយៈពេលនេះ។ RON95 ឥឡូវនេះមានតម្លៃ ៩៥,៦ ដុល្លារក្នុងមួយបារ៉ែល ហើយប្រេងម៉ាស៊ូតមានតម្លៃ ៩៧,៥ ដុល្លារ៕

(ហ្សាការតា)៖ ប្រធានាធិបតីឥណ្ឌូនេស៊ី លោក ចូកូ វីដូដូ បាននិយាយថា ឥណ្ឌូនេស៊ីបានចាប់ផ្តើម គម្រោងទិដ្ឋាការរយៈពេលវែងមួយ ក្នុងគោលបំណងទាក់ទាញវិនិយោគិនបរទេស ជាមួយនឹងចំនួន ទឹកប្រាក់រហូតដល់ ១០ លានដុល្លារអាមេរិក ដែលផ្តល់ឱ្យពួកគេនូវទិដ្ឋាការរយៈពេល ១០ ឆ្នាំ និង ការចូលទៅកាន់សេដ្ឋកិច្ចធំបំផុតរបស់អាស៊ីអាគ្នេយ៍។"ទិដ្ឋាការមាស" រយៈពេលប្រាំឆ្នាំ តម្រូវឱ្យអ្នកវិនិយោគម្នាក់ៗបង្កើតក្រុមហ៊ុនដែលមានតម្លៃ 2.5 លាន ដុល្លារអាមេរិក ខណៈដែលទិដ្ឋាការរយៈពេល 10 ឆ្នាំទាមទារការវិនិយោគចំនួន 5 លានដុល្លារ។បុគ្គលដែលមិនមានបំណងចង់បង្កើតក្រុមហ៊ុនត្រូវតែដាក់ប្រាក់ចំនួន 35ម៉ឺនដុល្លារអាមេរិក និង ៧០ម៉ឺនដុល្លារអាមេរិក ដើម្បីទទួលបានការអនុញ្ញាតរយៈពេល 5 ឆ្នាំ និង 10 ឆ្នាំ។ ប្រាក់នេះអាចត្រូវបានប្រើដើម្បីទិញមូលបត្របំណុលរដ្ឋាភិបាលឥណ្ឌូនេស៊ី ភាគហ៊ុនក្រុមហ៊ុន សាធារណៈ ឬដាក់ប្រាក់បញ្ញើ។វិនិយោគិនសាជីវកម្មតម្រូវឱ្យវិនិយោគ 25 លានដុល្លារអាមេរិក ដើម្បីទទួលបានទិដ្ឋាការរយៈពេល 5 ឆ្នាំសម្រាប់នាយក និងស្នងការ។ ពួកគេត្រូវវិនិយោគ 50 លានដុល្លារអាមេរិក ដើម្បីទទួលបានទិដ្ឋាការ រយៈពេល 10 ឆ្នាំ។ទីភ្នាក់ងារអន្តោប្រវេសន៍បាននិយាយថា ប្រសិនបើការវិនិយោគនេះត្រូវបានធ្វើឡើងនៅ ក្នុងរដ្ឋធានីថ្មី ចំនួន 32 ពាន់លានដុល្លារដែលបច្ចុប្បន្នកំពុងត្រូវបានសាងសង់នៅក្នុងព្រៃនៃកោះ Borneo នោះ 5 លានដុល្លារអាមេរិកនឹងទទួលបានអ្នកវិនិយោគដែលមានទិដ្ឋាការរយៈពេល 5 ឆ្នាំ និង 10 លានដុល្លារអាមេរិកសម្រាប់ទិដ្ឋាការរយៈពេល 10 ឆ្នាំ៕

(អន្តរជាតិ)៖ ការស្ទង់មតិរបស់ Reuters បានរកឃើញថា អនុប្រធានាធិបតី លោកស្រី Kamala Harris បាននាំមុខពីរភាគរយ លើលោក Donald Trump មកពីគណបក្សសាធារណរដ្ឋ បន្ទាប់ពីលោក ប្រធានាធិបតី Joe Biden បានបោះបង់បេក្ខភាពប្រធានាធិបតីបោះឆ្នោតឡើងវិញ នៅក្នុងការស្ទង់មតិ កាលពីសប្តាហ៍មុន។ការស្ទង់មតិថ្មីដែលធ្វើឡើងនៅថ្ងៃចន្ទ និងថ្ងៃអង្គារ បានធ្វើតាមទាំងអនុសញ្ញាជាតិសាធារណៈរដ្ឋ នៅពេលដែលលោក Trump បានទទួលយកការតែងតាំងជាផ្លូវការ ហើយការប្រកាសរបស់លោក Biden នៅថ្ងៃអាទិត្យថា លោកនឹងចាកចេញពីការប្រកួត និងគាំទ្រលោកស្រី Harris ។លោកស្រីHarris ដែលយុទ្ធនាការរបស់លោកស្រី និយាយថា លោកស្រីបានទទួលការតែងតាំងពី គណបក្សប្រជាធិបតេយ្យបានដឹកនាំ Trump ពី 44% ទៅ 42% នៅក្នុងការស្ទង់មតិជាតិដែល ជាភាពខុសគ្នានៅក្នុងរឹម 3 ភាគរយ។លោកស្រី Harris និងលោក Trump ត្រូវបានចងភ្ជាប់គ្នានៅ 44% នៅក្នុងការស្ទង់មតិ ថ្ងៃទី15-16 ខែកក្កដា ហើយ Trump បានដឹកនាំដោយពិន្ទុមួយភាគរយនៅក្នុងការស្ទង់មតិថ្ងៃទី 1-2 ខែកក្កដា។ខណៈពេលដែលការស្ទង់មតិទូទាំងប្រទេសផ្តល់សញ្ញាសំខាន់ៗនៃការគាំទ្ររបស់អាមេរិកសម្រាប់បេក្ខជននយោបាយ រដ្ឋមួយចំនួនតូចនៃការប្រកួតប្រជែងជាធម្មតាធ្វើឱ្យមានតុល្យភាព នៅក្នុងមហា វិទ្យាល័យ បោះឆ្នោតរបស់សហរដ្ឋអាមេរិក ដែលចុងក្រោយជាអ្នកសម្រេចថា អ្នកណាឈ្នះការបោះឆ្នោត ប្រធានាធិបតី។អ្នកស្ទង់មតិជាមួយយុទ្ធនាការរបស់លោក Trump បានបដិសេធការស្ទង់មតិណាមួយដែលបង្ហាញ ពីការកើនឡើងនៃការគាំទ្ររបស់ លោកស្រី Harris ដោយលើកហេតុផលថា លោកស្រីទំនងជា ឃើញការកើនឡើងជាបណ្តោះអាសន្ននៃប្រជាប្រិយភាពដោយសារតែការផ្សព្វផ្សាយតាមប្រព័ន្ធផ្សព្វផ្សាយយ៉ាងទូលំទូលាយអំពីបេក្ខភាពថ្មីរបស់លោកស្រី៕

(បាងកក)៖ ក្រសួងការបរទេសថៃ បាននិយាយថា ធនាគារកណ្តាល និងការិយាល័យប្រឆាំង លាង លុយរបស់ប្រទេសថៃ នឹងធ្វើការស៊ើបអង្កេតលើការអះអាងដែលថា ធនាគារពាណិជ្ជរបស់ថៃ បាន សម្របសម្រួលប្រតិបត្តិការដែលទាក់ទងនឹងការទិញអាវុធដោយរបបយោធាមីយ៉ាន់ម៉ា។យោធាមីយ៉ាន់ម៉ាបានទម្លាក់រដ្ឋាភិបាលលោកស្រី អ៊ុងសាន ស៊ូជី ក្នុងឆ្នាំ ២០២១ និងបើកការបង្ក្រាបយ៉ាង បង្ហូរឈាម ដែលបានធ្វើឱ្យប្រទេសនេះធ្លាក់ក្នុងភាពចលាចល។សហរដ្ឋអាមេរិក សហភាពអឺរ៉ុប និងប្រទេសដទៃទៀតបានដាក់ទណ្ឌកម្មសមាជិកនៃ របបយោធា មីយ៉ាន់ម៉ា និងអង្គភាពនានានៃចក្រភពពាណិជ្ជកម្មដ៏ធំទូលាយរបស់ខ្លួន។របាយការណ៍មួយកាលពីខែមុនដោយអ្នកជំនាញរបស់អង្គការសហប្រជាជាតិបាននិយាយថា របបយោធាបាននាំចូលអាវុធ និងសម្ភារៈយោធាជិត 130 លានដុល្លារពីអ្នកផ្គត់ផ្គង់ ដែលបានចុះ បញ្ជីដោយប្រទេសថៃក្នុងឆ្នាំ ដល់ខែមីនា ឆ្នាំ 2024 ។យោងតាមអ្នករាយការណ៍ពិសេស Tom Andrews បានឱ្យដឹងថា ធនាគារពាណិជ្ជចំនួនប្រាំ នៅក្នុងប្រទេសថៃបានមានសារៈសំខាន់ក្នុងការសម្រួលដល់ការផ្ទេរប្រាក់ដែលមានចំនួនច្រើនជាងពីរដងនៃចំនួនសរុបកាលពីឆ្នាំមុន។អ្នកនាំពាក្យក្រសួងការបរទេសថៃ លោក Nikorndej Balankura បាននិយាយនៅក្នុងសេចក្តីថ្លែង ការណ៍មួយថា មន្ត្រីរដ្ឋាភិបាល និងធនាគារបានពិភាក្សាអំពី "ប្រតិបត្តិការដែលអាចត្រូវបាន ផ្សារភ្ជាប់ ទៅនឹងការទិញអាវុធ និងការផ្គត់ផ្គង់យោធា និងរដ្ឋាភិបាលមីយ៉ាន់ម៉ា៕ 

(អន្តរជាតិ)៖ កោះតៃវ៉ាន់បានមើលឃើញពីទឹកជំនន់នៅតំបន់ទំនាប រួមជាមួយនឹងការបាក់ដី និងការ បំផ្លាញផ្ទះ និងហាងនានា បន្ទាប់ពីព្យុះទីហ្វុង Gaemi បានបោកបក់លើកោះនេះ។ព្យុះនេះបានបោកបក់មកលើមហាសមុទ្រប៉ាស៊ីហ្វិកភាគខាងលិច ដែលបណ្តាលឱ្យមនុស្ស 22 នាក់ បានស្លាប់នៅក្នុងប្រទេសហ្វីលីពីនដោយសារទឹកជំនន់ និងការរអិលបាក់ដី និង 3 នាក់នៅតៃវ៉ាន់ ដោយ មានអ្នករាយការណ៍ថាជាង 220 នាក់បានរងរបួស។ការិយាល័យ និងសាលារៀននៅតៃវ៉ាន់ត្រូវបានបិទជាលើកទីពីរជាប់ៗគ្នា ហើយប្រជាជនត្រូវ បានជំរុញឱ្យនៅផ្ទះ និងឆ្ងាយពីឆ្នេរសមុទ្រ។កោះនេះតែងតែរងការវាយប្រហារដោយព្យុះទីហ្វុង និងបានបង្កើនប្រព័ន្ធព្រមានរបស់ខ្លួន ប៉ុន្តែ សណ្ឋានដី ដង់ស៊ីតេប្រជាជនខ្ពស់ និងសេដ្ឋកិច្ចបច្ចេកវិទ្យាខ្ពស់ធ្វើឱ្យពិបាក ក្នុងការជៀសវាង ការខាតបង់នៅពេលដែលព្យុះបែបនេះបានវាយប្រហារ។ព្យុះ​នេះ​បាន​ជំរុញ​ឱ្យ​មាន​ការ​លុប​ចោល​សមយុទ្ធ​ទ័ព​អាកាស​នៅ​ឆ្នេរ​ភាគ​ខាង​កើត​របស់​តៃវ៉ាន់។ព្យុះ Gaemi នេះត្រូវបានហៅថា Carina នៅក្នុងប្រទេសហ្វីលីពីន។ ប្រធានាធិបតីហ្វីលីពីនលោក Ferdinand Marcos Jr. បានបញ្ជាឱ្យអាជ្ញាធរពន្លឿនកិច្ចខិតខំប្រឹងប្រែងក្នុងការផ្តល់ស្បៀងអាហារ និងជំនួយផ្សេងទៀតដល់ភូមិជនបទដាច់ស្រយាល៕

(អន្តរជាតិ)៖ ប្រធានាធិបតីសហរដ្ឋអាមេរិក លោក Joe Biden បានផ្តល់សុន្ទរកថាជាសាធារណៈ លើកដំបូងរបស់លោកនៅក្នុងទីក្រុងវ៉ាស៊ីនតោន ចាប់តាំងពីការសម្រេចចិត្តបោះបង់បេក្ខភាព សម្រាប់ការបោះឆ្នោតឡើងវិញ។ លោក​និយាយ​ថា វា​ដល់​ពេល​ត្រូវ​បង្កើត​ផ្លូវ​សម្រាប់​សំឡេង​ក្មេងៗ​ហើយ។លោក Biden បាននិយាយថា លោកបានសម្រេចចិត្តថា មធ្យោបាយដ៏ល្អបំផុតឆ្ពោះទៅមុខ គឺការ បញ្ជូនភ្លើងទៅកាន់មនុស្សជំនាន់ថ្មី ដោយបន្ថែមថា វាជាមធ្យោបាយដ៏ល្អបំផុតក្នុងការបង្រួបបង្រួមជាតិ។លោក Biden បានបញ្ចប់យុទ្ធនាការរបស់លោកកាលពីថ្ងៃអាទិត្យសប្តាហ៍មុន បន្ទាប់ពីការជជែកដេញ ដោលមិនល្អ ហើយចំពេលមានការអំពាវនាវកាន់តែខ្លាំងឡើង ពីសមាជិកនៃគណបក្ស ប្រជាធិបតេយ្យផ្ទាល់ខ្លួនរបស់លោកឱ្យចុះចេញពីតំណែង។លោកបានគាំទ្រអនុប្រធានាធិបតី Kamala Harris ជាអ្នកស្នងតំណែងរបស់គាត់។ លោកស្រី ត្រូវបានគេ រំពឹងថានឹងក្លាយជាបេក្ខភាពរបស់គណបក្សជាផ្លូវការនៅប៉ុន្មានសប្តាហ៍ខាងមុខនេះ៕

(ភ្នំពេញ)៖ អ្នកនាំពាក្យរាជរដ្ឋាភិបាល នៅព្រឹកថ្ងៃទី២៥ ខែកក្កដា ឆ្នាំ២០២៤ នេះ បានចេញសេចក្តីថ្លែងការណ៍ ៤ ចំណុច ច្រានចោលព័ត៌មាន ស្តីពី ការកាត់ទឹកដី ៤ ខេត្តជូនប្រទេសវៀតណាម ក្រោមរូបភាព កិច្ចសហប្រតិបត្តិការតំបន់អភិវឌ្ឍន៍ត្រីកោណ កម្ពុជា ឡាវ វៀតណាម (CLV)។ ពាក់ព័ន្ធបញ្ហានេះ អ្នកនាំពាក្យរាជរដ្ឋាភិបាល សូមបញ្ជាក់ជូនសាធារណជនមេត្តាជ្រាបដូចតទៅ៖ទី១. គ្មានការកាត់ទឹកដី ៤ខេត្ត ជូនប្រទេសវៀតណាមដូចការចោទប្រកាន់មួលបង្កាច់ពីក្រុមជ្រុលនិយមមួយចំនួនតូចនោះឡើយ។ទី២. គ្មានការយកខេត្តទាំង៤ របស់កម្ពុជា ទៅដាក់ហ៊ុនជាមួយប្រទេសជិតខាង ដើម្បីរួមបញ្ចូលគ្នាជាដែនដីតែមួយ ដូចការលើកឡើងដោយបំភាន់ ឬដោយការភាន់ច្រឡំមួយចំនួននោះឡើយ។ទី៣. គ្មានការដាក់ហ៊ុនធនធានធម្មជាតិ ដូចជាធនធានរ៉ែ និងធនធានព្រៃឈើជាដើម របស់ខេត្តទាំង ៤ ដើម្បីវិនិយោគរួមគ្នា ដូចការលើកឡើងនោះឡើយ។ ទី៤. គ្មានការអនុញ្ញាតឱ្យប្រជាពលរដ្ឋប្រទេសនីមួយៗចេញចូលដោយសេរី ក្នុងទឹកដីតំបន់អភិវឌ្ឍន៍ត្រីកោណនោះឡើយ៕