(ភ្នំពេញ)៖ នៅទូទាំងប្រទេសមានឱកាសការងារជាង ៨ម៉ឺនកន្លែង សម្រាប់ផ្ដល់ជូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ នេះបើតាមឱ្យដឹងពីក្រសួងការងារ និងបណ្ដុះបណ្ដាលវិជ្ជាជីវៈ ដែលបានផ្សព្វផ្សាយកាលពីពេលថ្មីៗនេះ។ តាមរយៈការផ្សព្វផ្សាយ ក្រសួងការងារ បានឱ្យដឹងថា គិតត្រឹមថ្ងៃទី២០ ខែកុម្ភៈ ឆ្នាំ២០២៦នេះ នៅទូទាំងប្រទេស មានឱកាសការងារសរុបចំនួន ៨៣,៧៤៣កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម វិស័យសេវាកម្ម និងវិស័យកសិកម្ម។ ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។ ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល។ គួរឱ្យដឹងដែរថា គិតមកដល់ពេលនេះ មានបងប្អូនអតីតពលករត្រឡប់មកពីប្រទេសថៃជាង ៣២ម៉ឺននាក់ហើយ បានទទួលការងារធ្វើតាមរយៈយន្ដការរបស់ក្រសួង ហើយមានបងប្អូនអតីតពលកររាប់ម៉ឺននាក់ផ្សេងទៀត បានទទួលការងារធ្វើនៅតាមកសិដ្ឋាន ការដ្ឋានសំណង់ សិប្បកម្ម ភោជនីយដ្ឋាន និងសកម្មភាពសេដ្ឋកិច្ចក្រៅប្រព័ន្ធ៕

(វៀតណាម)៖ ប៉ូលីសអាចចូលរួមក្នុងការធានាសុវត្ថិភាព និងសណ្តាប់ធ្នាប់សង្គមនៅតំបន់ហ្គាហ្សា នៅពេលដែលវៀតណាមអនុវត្តផែនការសន្តិភាពរបស់ខ្លួន បន្ទាប់ពីការចូលរួមរបស់អគ្គលេខាធិការ តូ ឡាំ ក្នុងកិច្ចប្រជុំបើកក្រុមប្រឹក្សាសន្តិភាពហ្គាហ្សា។រដ្ឋមន្ត្រីការបរទេស លោក Le Hoai Trung បានលើកឡើងថា ក្នុងអំឡុងកិច្ចប្រជុំបើកកិច្ចប្រជុំ ក្រុមប្រឹក្សាសន្តិភាពស្តីពីតំបន់ហ្គាហ្សានៅទីក្រុងវ៉ាស៊ីនតោនឌីស៊ី អគ្គលេខាធិការលោក To Lam បានពិភាក្សាអំពីទស្សនៈរបស់វៀតណាមលើដំណើរការសន្តិភាពនៅមជ្ឈិមបូព៌ា និងលើបញ្ហាប៉ាឡេស្ទីន។យោងតាមក្រសួងការបរទេស អគ្គលេខាធិការបានអះអាងថា វៀតណាមនឹងធ្វើការរួមចំណែកជាក់ស្តែង ដូចជាការចូលរួមក្នុងសកម្មភាពរក្សាសន្តិភាព ដើម្បីធានាស្ថិរភាពនៅតំបន់ហ្គាហ្សា និងសកម្មភាពសង្គ្រោះមនុស្សធម៌ ឬសកម្មភាពកសាងឡើងវិញក្រោយជម្លោះ។ នេះបើតាមការចុះផ្សាយរបស់ VN Express នៅថ្ងៃទី២១ ខែកុម្ភៈ។ យោងតាមលោករដ្ឋមន្ត្រី Le Hoai Trung ក្នុងរយៈពេលខាងមុខ វៀតណាមនឹងសិក្សា និងអនុវត្តផែនទីបង្ហាញផ្លូវសម្រាប់ផែនការសន្តិភាព ដែលមានទិសដៅសំខាន់ៗចំនួនបី ដែលក្នុងនោះ ទីមួយគឺការធ្វើឱ្យស្ថានការណ៍មានស្ថិរភាពនៅតំបន់ Gaza និងធានាការអនុវត្តបទឈប់បាញ់។ជំហានបន្ទាប់គឺការអនុវត្តដំណើរការកសាងឡើងវិញរយៈពេលវែងសម្រាប់តំបន់ហ្គាហ្សា ដែលភាគច្រើនពាក់ព័ន្ធនឹងការបំពេញតម្រូវការសំខាន់ៗរបស់ប្រជាជន ការស្តារហេដ្ឋារចនាសម្ព័ន្ធឡើងវិញ និងការអភិវឌ្ឍវិស័យសេដ្ឋកិច្ចផ្សេងៗបន្តិចម្តងៗនៅក្នុងតំបន់ហ្គាហ្សា។ ជំហានទីបីគឺការកសាងហេដ្ឋារចនាសម្ព័ន្ធ និងបង្កើនសមត្ថភាពរបស់ប្រជាជនប៉ាឡេស្ទីននៅក្នុងតំបន់ហ្គាហ្សាក្នុងការគ្រប់គ្រង និងគ្រប់គ្រង។ លោក Trung បានបន្ថែមថា វៀតណាមនឹងសិក្សាដើម្បីកំណត់តំបន់ដែលខ្លួនអាចចូលរួមបាន ស្រដៀងគ្នាទៅនឹងរបៀបដែលខ្លួនបានចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ហើយត្រូវបានអង្គការនេះវាយតម្លៃខ្ពស់ផងដែរ។

(ប៉ូឡូញ)៖ នាយករដ្ឋមន្ត្រី Donald Tusk ​បានអំពាវនាវឱ្យពលរដ្ឋប៉ូឡូញទាំងអស់ចាកចេញពីប្រទេសអ៊ីរ៉ង់ ខណៈដែលសហរដ្ឋអាមេរិកបានដាក់ពង្រាយកងកម្លាំងបន្ថែមទៀតទៅកាន់មជ្ឈិមបូព៌ា។នាយករដ្ឋមន្ត្រីប៉ូឡូញ លោក Donald Tusk បានថ្លែងនៅក្នុងសន្និសីទសារព័ត៌មានមួយ នៅថ្ងៃទី២០ ខែកុម្ភៈថា «ពលរដ្ឋទាំងអស់ដែលនៅតែស្ថិតនៅក្នុងប្រទេសអ៊ីរ៉ង់ ត្រូវចាកចេញជាបន្ទាន់។ មិនថាក្នុងកាលៈទេសៈណាក៏ដោយ មិនគួរមានផែនការធ្វើដំណើរទៅកាន់ប្រទេសនោះទេ»។ នេះបើតាមការចុះផ្សាយរបស់ការសែត Reuter។  លោក Tusk ក៏បានព្រមានអំពីស្ថានភាពនៅក្នុងប្រទេសអ៊ីរ៉ង់ផងដែរ ដោយបញ្ជាក់ថា លទ្ធភាពនៃជម្លោះប្រដាប់អាវុធគឺ «ពិតជាមានមែន» ហើយការជម្លៀសចេញប្រហែល ជាលែងអាចធ្វើទៅបាន «ក្នុងរយៈពេលប៉ុន្មានម៉ោងខាងមុខ»។ នាយករដ្ឋមន្ត្រីប៉ូឡូញក៏បានកត់សម្គាល់ផងដែរថា ការព្រមានជម្លៀសពីមុនត្រូវបានគេមិនអើពើ ដែលនាំឱ្យមានផលវិបាកធ្ងន់ធ្ងរ។ នេះជាលើកទីពីរហើយដែលអាជ្ញាធរប៉ូឡូញបានជំរុញឱ្យពលរដ្ឋចាកចេញពីប្រទេសអ៊ីរ៉ង់ក្នុងរយៈពេលប៉ុន្មានខែថ្មីៗនេះ។រដ្ឋាភិបាលប៉ូឡូញមិនបានផ្តល់ព័ត៌មានលម្អិតអំពីចំនួនពលរដ្ឋដែលកំពុងស្ថិតនៅក្នុងប្រទេសអ៊ីរ៉ង់នោះទេ។ ក្រសួងការបរទេសត្រូវបានគេរំពឹងថានឹងចេញការណែនាំបន្ថែមទៀតបន្ទាប់ពីការអំពាវនាវរបស់លោក Tusk។ គួរបញ្ជាក់ថា កងកម្លាំងអាមេរិកដែលមានវត្តមាននៅជិតប្រទេសអ៊ីរ៉ង់ រួមមានក្រុមវាយប្រហារនាវាផ្ទុកយន្តហោះ យន្តហោះព្រមានជាមុន E-3G Sentry យ៉ាងហោចណាស់បួនគ្រឿង យន្តហោះចម្បាំង F-15E, F-16, F-22 និង F-35 រាប់សិបគ្រឿង រួមជាមួយនឹងយន្តហោះគាំទ្រ និងយន្តហោះចាក់ប្រេងមួយចំនួនធំ។ នេះត្រូវបានចាត់ទុកថាជាវត្តមានផ្លូវអាកាសដ៏ធំបំផុតរបស់សហរដ្ឋអាមេរិកនៅមជ្ឈិមបូព៌ាក្នុងរយៈពេលជាច្រើនទសវត្សរ៍។  

(អាមេរិក)៖ យោធាអាមេរិកបានចេញផ្សាយវីដេអូដែលបង្ហាញពីទូកដែលសង្ស័យថាដឹកគ្រឿងញៀនមួយគ្រឿងត្រូវបានបាញ់ និងបំផ្ទុះនៅភាគខាងកើតមហាសមុទ្រប៉ាស៊ីហ្វិក ដោយបានសម្លាប់មនុស្សបីនាក់នៅលើទូក។ បញ្ជាការភាគខាងត្បូងរបស់យោធាសហរដ្ឋអាមេរិក (SOUTHCOM) បានប្រកាសនៅថ្ងៃទី 20 ខែកុម្ភៈថា កងកម្លាំងពិសេសភាគខាងត្បូង បានធ្វើការវាយប្រហារ "ដោយបាញ់ប្រហារដ៏សាហាវ" ទៅលើទូកមួយនៅមហាសមុទ្រប៉ាស៊ីហ្វិកភាគខាងកើត។ យោធាសហរដ្ឋអាមេរិក បានចោទប្រកាន់ថា ទូកនេះត្រូវបានដំណើរការដោយ «អង្គការភេរវកម្ម» ហើយមានជាប់ពាក់ព័ន្ធនឹងការជួញដូរគ្រឿងញៀននៅលើផ្លូវសមុទ្រដែលត្រូវបានគេប្រើជាទូទៅសម្រាប់រត់ពន្ធសារធាតុខុសច្បាប់។គួរបញ្ជាក់ថា SOUTHCOM គឺជាបញ្ជាការយោធាសហរដ្ឋអាមេរិកដែលទទួលខុសត្រូវចំពោះ ប្រតិបត្តិការនៅអាមេរិកខាងត្បូង អាមេរិកកណ្តាល និងការ៉ាប៊ីន។ យោធាសហរដ្ឋអាមេរិកមិនបានផ្តល់ភស្តុតាងណាមួយដើម្បីបង្ហាញថាទូកដែលដឹកអ្នកស្លាប់ទាំងបីនាក់នោះមានជាប់ពាក់ព័ន្ធនឹងការជួញដូរគ្រឿងញៀននោះទេ។ ការវាយប្រហារនេះនាំឱ្យចំនួនអ្នកស្លាប់សរុបនៅក្នុងការវាយឆ្មក់ប្រមាណ ៤៣ ដងដោយយោធាអាមេរិកលើនាវាដែលសង្ស័យថាដឹកគ្រឿងញៀននៅមហាសមុទ្រការ៉ាប៊ីន និងប៉ាស៊ីហ្វិកចាប់តាំងពីខែកញ្ញា ឆ្នាំ ២០២៥ ឡើងដល់ ១៤៨ នាក់។ នេះបើយោងតាមកាសែត CNN។ មុនពេលយោធាសហរដ្ឋអាមេរិកចាប់ផ្តើមប្រតិបត្តិការវាយលុកបែបនេះ ភារកិច្ចប្រយុទ្ធប្រឆាំងនឹងការជួញដូរគ្រឿងញៀនខុសច្បាប់នៅលើសមុទ្រត្រូវបានដោះស្រាយជាចម្បងដោយឆ្មាំសមុទ្រសហរដ្ឋអាមេរិក។ ឆ្មាំសមុទ្រនៅតែស្ទាក់ចាប់ទូកដឹកជញ្ជូនគ្រឿងញៀន និងរឹបអូសគ្រឿងញៀននៅភាគខាងកើតមហាសមុទ្រប៉ាស៊ីហ្វិក ប៉ុន្តែជាធម្មតាមិនប្រើអាវុធប្រល័យជីវិតទេ។

(ភ្នំពេញ)៖ ពិធីក្រុងពាលីបើកកម្មវិធីទ្រនាប់ពណ៌ក្រោមប្រធានបទ «រូបគំនូរសិល្បៈដើម្បីសន្តិភាព» បានប្រព្រឹត្តទៅនារសៀលថ្ងៃទី ២០ ខែកុម្ភៈ ឆ្នាំ២០២៦ ក្រោមអធិបតីភាព ឯកឧត្តម សុខ សប្បាយណា សមាជិកគណៈអចិន្រ្ដៃយ៍គណៈកម្មធិការកណ្ដាល តំណាង ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។ ពិធីនេះបានប្រព្រឹត្តទៅនៅសួនច្បារមុខវត្តបុទុមវត្តី ដោយមានការអញ្ជើញចូលរួមពីសំណាក់ តំណាងសាលារាជធានីភ្នំពេញ ឯកឧត្តម លោកជំទាវ លោក លោកស្រី សមាជិក សមាជិកា ស.ស.យ.ក. សិល្បករ សិល្បការនី រួមទាំងបងប្អូនប្រជាពលរដ្ឋជាច្រើនរូបផងដែរ។គោលបំណងសំខាន់នៃការរៀបចំពិធីក្រុងពាលីនេះឡើង គឺដើម្បីបង្ហាញអំពីរូបគំនូរសិល្បៈ ដែលបង្ហាញនូវស្លាកស្នាម ការខ្ទេចខ្ទាំ ភាពសោកសៅ និងការឈឺចាប់ដែលប្រជាពលរដ្ឋកម្ពុជាបានឆ្លងកាត់នាពេលកន្លងមក ជាពិសេសក្នុងបរិបទជម្លោះព្រំដែនដែលបង្កឡើងដោយប្រទេសជិតខាង។ ជាមួយគ្នានេះ តាមរយៈផ្ទាំងគំនូរសិល្បៈដែលត្រូវបានគូរដោយវិចិត្រករខ្មែរ ក៏ជាការបង្ហាញថាប្រជាជនកម្ពុជាយល់ច្បាស់ពីគុណតម្លៃនៃសុខសន្តិភាព​ ហើយកម្ពុជាគាំទ្រការដោះស្រាយដោយសន្តិវិធី និងគោរពតាមគោលការណ៍ច្បាប់អន្តរជាតិ។ ការចូលរួមរបស់គ្រប់ភាគីពាក់ព័ន្ធក្នុងការរៀបចំ និងគាំទ្រពិធីនេះ បានបង្ហាញយ៉ាងច្បាស់ថា ប្រជាជនកម្ពុជាឈរយ៉ាងរឹងមាំ ហើយ​រួបរួម​សាមគ្គី​គ្នាជាធ្លុងមួយដើម្បីការពារសុខសន្តិភាព និងការពារបូរណភាពទឹកដីរបស់យើង។ សូមជម្រាបជូនថា កម្មវិធីនេះត្រូវបានរៀបចំឡើងក្រោមការផ្តួចផ្តើមរបស់លោក តាន់ គឹមសួរ និងអ្នកនាង មាស ច័ន្ទដាលីន អគ្គនាយិការក្រុមហ៊ុន ឡាកាម៉ូ ដោយមានការសហការជាមួយសហភាពសហព័ន្ធយុវកម្ពុជា និងសាលារាជធានីភ្នំពេញ៕

(សៀមរា​ប)៖ កក្រើកខេត្តសៀមរាបហើយ! ប៊ូសស្រ្តងលេងឈុតធំ រៀបចំព្រឹត្តិការណ៍4ធំៗ 3ថ្ងៃជាប់គ្នា ដើម្បីរួមចំណែកជួយជំរុញវិស័យទេសចរណ៍ជាតិឱ្យបរទេសបានស្គាល់កាន់តែល្បីល្បាញ, ជួយលើកតម្កើងវប្បធម៍ជាតិខ្មែរឱ្យខ្ពស់កប់ពពក, ជួយផ្សព្វផ្សាយប្រដាល់គុនខ្មែរទៅកាន់អន្តរជាតិ, ជួយអភិរក្សខ្លែងឯកខ្មែរ, និងជួយលើកតម្កើងស្រ្តី។ ព្រឹត្តការណ៍ប៊ូសស្រ្តង នឹងប្រារព្ធឡើងនៅថ្ងៃទី20,21 និង22 កុម្ភៈ ឆ្នាំ2026 ដោយរួមមានការប្រកួតបង្ហោះខ្លែងឯក និងខ្លែងសេរី, ព្រឹត្តិការណ៍ប្រកួតបីស្រ្តី ឈ្នះម៉ូតូថ្មី ទូរទស្សន៍ និងទូរស័ព្ទដៃទំនើប, ព្រឹត្តិការណ៍ប៊ូសស្រ្តងគុនខ្មែរ និងព្រឹត្តិការណ៍ប៊ូសស្រ្តងប្រគំតន្រ្តី មានកំពូលតារារ៉េបលោក G-Devith, ទេព ពិសិដ្ឋ, OG និងតារាចម្រៀងជាច្រើនរូបទៀត។ ព្រឹត្តិការណ៍ដ៏អស្ចារ្យនេះ បងប្អូនជាតិ និងភ្ញៀវអន្តរជាតិ អាចចូលរួមដោយសេរី។ ជាពិសេស ពេលទិញប៊ូសស្រ្តងញុំាប៉ូវកម្លាំង កុំភ្លេចពិនិត្យក្រវិលកំប៉ុងផង ប្រយ័ត្នឈ្នះរង្វាន់ធំពីប៊ូសស្រ្តង ច្រលំបោះកំប៉ុងចោល ក្លាយជាអាសារបង់ ព្រោះប៊ូសស្រ្តងរង្វាន់ច្រើនណាស់។ ប៊ូសស្រ្តង ឆ្ងាញ់ រសជាតិដិតជ្រៅ! មានរង្វាន់សេដ្ឋីក្មេង កែប្រែជីវិតភ្លាមៗ!

(ភ្នំពេញ)៖ តាមរយៈការផ្ដល់បទសម្ភាស​របស់​សម្តេចធិបតី ហ៊ុន ម៉ាណែត ទៅកាន់សារ​ព័ត៌មាន​អង់​គ្លេសReuter និង Fox News របស់​សហរដ្ឋ​អាមេរិក បានក្លាយជាសារ​យ៉ាងច្បាស់​ទៅកាន់​អន្តរ​ជាតិឱ្យជួយធ្វើជាសាក្សីជុំវិញអំពើរំលោភបំពានរបស់យោធាថៃមកលើកម្ពុជា និងរំលេច​ពីការប្តេជ្ញា​ចិត្ត​ប្រកាន់​យកដំណោះ​ស្រាយដោយ​សន្តិវិធីផ្អែក​លើយន្ត​ការការទូត និងច្បាប់អន្តរជាតិ​សំខាន់ៗ​ជាមួយថៃ។រាជរដ្ឋាភិបាលនៅតែបន្តជំរុញយ៉ាងសកម្ម និង​ស៊ី​ជម្រៅថែមទៀតនូវព័ត៌មានការទូតស្ដីពី«អំពើឈ្លានពាន​របស់យោធាថៃមកលើកម្ពុជា» នៅលើ​ឆាក​អន្តរជាតិ ដើម្បីឱ្យសហគមន៍​អន្តរជាតិឈរជាមួយ​សច្ច​ភាព យុត្តិធម៌ និងសន្តិភាព ដែលធ្វើឱ្យកម្ពុជា ត្រូវបានគេទទួលស្គាល់ថា ជាប្រទេស​រង​គ្រោះ​ពីការ​ឈ្លានពានរបស់ប្រទេសថៃដោយអយុត្តិធម៌។លោកបណ្ឌិត គិន ភា អ្នកជំនាញវិទ្យា​សាស្រ្ត​នយោបាយ និងទំនាក់ទំនងអន្តរជាតិ បាន​លើក​ឡើងថា ការផ្តល់បទ​សម្ភាស​របស់សម្តេចធិបតី ហ៊ុន ម៉ា​ណែត ដល់សារព័ត៌មានអង់គ្លេស Reuter និង Fox News របស់សហរដ្ឋអាមេរិក គឺជាការ​បង្ហាញជំហរការទូតកម្រិតខ្ពស់បំផុតរបស់កម្ពុជា និង​បង្ហាញ​ថា កម្ពុជា គឺជារដ្ឋស្រលាញ់សន្តិភាព និងចង់​បានការដោះស្រាយ​បញ្ហាផ្អែក​លើច្បាប់​អន្តរ​ជាតិ។លោកបណ្ឌិតបន្តថា ប្រមុខរដ្ឋាភិបាល បានលាត​ត្រដាងដ៏ច្បាស់លាស់បំផុតពីអំពើឈ្លានពានរបស់យោធាថៃ​មកលើដែនអធិបតេយ្យ បូរណភាព​ទឹកដី​កម្ពុជា ពិសេសការរំលោភ​បំពានក្រោយ​បទឈប់​បាញ់។ ចំណុចមួយ​ចំនួនទៀត​នៅក្នុងបទ​សម្ភា​សន៍របស់សម្តេចធិបតី គឺជាការ​បង្ហាញពី​សុឆន្ទៈ​របស់​កម្ពុជា ក្នុងការដោះស្រាយ​បញ្ហាព្រំដែន​ដោយសន្តិវិធីឈរលើច្បាប់អន្តរជាតិ។លើសពីនេះ លោកបណ្ឌិតបញ្ជាក់​ថា៖«យើងកំពុង​តស៊ូ​មតិលើវេទិកាអន្តរជាតិដើម្បី​ទទួលបាន​ឋានៈ​ជា​ប្រទេសរងគ្រោះ និងថៃជាប្រទេស​ឈ្លាន​ពាន។ ហេតុអ្វីខ្ញុំនិយាយដូច្នេះ? យើងត្រូវទទួលស្គាល់ថា មកដល់ម៉ោងនេះ មិនទាន់មានប្រទេសណាមួយ​ថ្លែង​ការណ៍​ថ្កោលទោស​ថៃជា​ផ្លូវការថា ថៃ​ឈ្លាន​ពាន​យើងនៅឡើយទេ គេចាត់ទុកថា នោះជា​ជម្លោះ​ព្រំដែន ឬការប៉ះទង្គិចគ្នាដោយ​ប្រដាប់អាវុធ​ប៉ុណ្ណោះ​។ មាគ៌ារបស់​យើងឆ្ពោះ​ទៅការ​ទាមទារទឹក​ដីយើង​ត្រឡប់មកវិញ»។លោក ថុង ម៉េងដាវីត អ្នកជំនាញភូមិ​សាស្ត្រន​យោបាយ និងសន្តិសុខអន្តរជាតិបានលើកឡើងថា សហគមន៍​អន្តរជាតិនៅតែ​​បន្តចាត់ទុកការ​ឈ្លាន​ពានពី​សំណាក់យោធាថៃមកលើ​បូរណភាពទឹក​ដីកម្ពុជា គឺជាការប៉ះទង្គិចគ្នាដោយ​ប្រដាប់អាវុធ​តាមព្រំដែន​ប៉ុណ្ណោះ ប៉ុន្ដែមិនទាន់មានប្រទេស​ណា​មួយចេញ​លិខិតថ្កោលទោស​ទង្វើររបស់យោធា​ថៃនោះទេ។លោកបន្តថា ការផ្ដល់បទសម្ភាសជាមួយសារព័ត៌មានអន្តរជាតិរបស់សម្ដេចធិបតីនៅសហរដ្ឋអាមេរិកនេះ គឺជាការទួងស្គរបន្លឺសំឡេង​អយុត្តិធម៌​បង្ហាញទៅកាន់ពិភពលោកជុំវិញអំពើក្រឡេចក្រឡុចរបស់ថៃដែលតែងតែប្រើប្រាស់កល់ល្បិចអាក្រក់ឈ្លានពានបូរណភាព និងអធិ​បតេយ្យទឹ​កដីកម្ពុជានៅតាមព្រំដែន។អ្នកជំនាញភូមិសាស្រ្តនយោបាយបញ្ជាក់ថា៖«ក្នុងស្មារតីទប់ទល់ជាមួយសត្រូវខាងក្រៅបែបនេះ ប្រជាពលរដ្ឋគ្រប់និន្នាការនយោបាយទាំងក្នុង និង​ក្រៅ​ប្រទេស ត្រូវតែរួបរួមសាមគ្គីគ្នាជាមួយរាជរដ្ឋាភិបាល ខំប្រឹងប្រែងទួងស្គរបំពងសំឡេងអយុត្តិធម៌បន្លែមទៀត ដើម្បីបង្ហាញ​ចរិតអាក្រក់​ពិតប្រាកដ​របស់ថៃ និងអំពើឈ្លានពានមកលើកម្ពុជា»។សារព័ត៌មាន Fox News របស់សហរដ្ឋអាមេរិក បានចោទជាសំនួរទៅកាន់សម្តេចធិបតី ហ៊ុន ម៉ាណែត៖ ប្រសិនបើវត្តមានរបស់យោធថៃ នៅតែបន្តរុញច្រានចូលទៅក្នុងទឹកដីរបស់អ្នក តើកម្ពុជាមានគម្រោងឆ្លើយតបយ៉ាងដូចម្តេច? តើកាលៈ​ទេសៈណាដែលបទឈប់បាញ់នឹងលែងមានប្រសិទ្ធភាព?ជាការឆ្លើយតប សម្តេចធិបតីថ្លែងថា៖ យើងមានកិច្ចព្រមព្រៀងបទឈប់បាញ់រវាងកងទ័ពទាំងពីរចូលជាធរមាន ប៉ុន្ដែកងទ័ពថៃនៅបន្តសកម្មភាពរបស់ខ្លួនដាក់ពង្រាយទូរកុងតឺន័រ និងរាយបន្លាលួសចូលជ្រៅក្នុងទឹកដីកម្ពុជា។ នេះជាមូលហេតុ​ដែលយើង​និយាយថា ការកាន់កាប់ទីតាំង គឺហួសពីការទាមទារជាឯកតោភាគីរបស់ប្រទេសថៃ។ សម្ដេចបន្តថា តំបន់ទាំងនោះ គឺជាកម្មសិទ្ធិរបស់កម្ពុជា ដែលឥឡូវនេះពលរដ្ឋកម្ពុជាជាច្រើនគ្រួសារ មិនអាចវិលត្រឡប់​ទៅស្រុក​កំណើត​របស់​ខ្លួ​នវិញបានទេ។ ទង្វើររបស់យោធាថៃទាំងអស់នេះ ត្រូវបានអនុវត្តខុសពីសេចក្តីថ្លែងការណ៍រួម ដែលយើងមានរវាងប្រទេសទាំងពីរ ដែលត្រូវអនុញ្ញាតឱ្យជនស៊ីវិលទាំងអស់ត្រឡប់មកផ្ទះពួកគេវិញ។សម្តេចធិបតី ហ៊ុន ម៉ាណែត៖ ជំហររបស់យើងតែងតែប្រកាន់ខ្ជាប់នូវដំណោះស្រាយដោយសន្តិវិធី ការសន្ទនាដោយសន្តិវិធី ព្រោះយើងមិនជឿថា ការប្រើប្រាស់សង្គ្រាម ដើម្បីបញ្ឈប់សង្គ្រាម គឺគ្មាននិរន្តរភាព ឬជាក់ស្តែងនោះទេ។ នេះជាមូលហេតុ​ដែលយើង​បានស្នើឱ្យ​ប្រទេសថៃ​គោរពកិច្ច​ព្រម​ព្រៀង ដែលមានលោកប្រធានាធិបតី Trump និងប្រធានអាស៊ាន គឺលោកនាយករដ្ឋមន្ត្រី Anwar បានធ្វើជាសាក្សី ដែលបាន​កំណត់លក្ខ​ខណ្ឌច្បាស់លាស់មួយ ដើម្បីដោះស្រាយបញ្ហានេះ ពីព្រោះជម្លោះរវាងប្រទេសថៃ មូលហេតុចម្បងគឺជម្លោះទឹកដី។ លោកប្រធានាធិបតី Trump បានដើរតួនាទីយ៉ាងសំខាន់ ក្នុងការសម្របសម្រួល និងធានាឱ្យមានបទឈប់បាញ់តាំងតែពីលើកដំបូងរវាងប្រទេសកម្ពុជា និងប្រទេសថៃ៕

(អន្តរជាតិ)៖ លោក Donald Trump បានប្រកាសថា លោកកំពុងដឹកនាំក្រសួងការពារជាតិ និងទីភ្នាក់ងារផ្សេងទៀតឱ្យចេញផ្សាយឯកសារណាមួយដែលពួកគេមានលើការស្វែងរកជីវិតមនុស្សភពក្រៅ។នៅក្នុងការបង្ហោះមួយនៅលើវេទិកាប្រព័ន្ធផ្សព្វផ្សាយសង្គមរបស់លោក លោក Trump បាននិយាយថា លោកនឹងស្នើសុំឱ្យរដ្ឋមន្ត្រីការពារជាតិ និងអ្នកផ្សេងទៀត "ចាប់ផ្តើមដំណើរការនៃការកំណត់អត្តសញ្ញាណ និងចេញផ្សាយឯកសាររបស់រដ្ឋាភិបាលទាក់ទងនឹងជីវិតមនុស្សភពក្រៅ និងក្រៅភពផែនដី បាតុភូតផ្លូវអាកាសមិនស្គាល់អត្តសញ្ញាណ (UAP) និងវត្ថុហោះហើរមិនស្គាល់អត្តសញ្ញាណ (UFOs)។មតិយោបល់ពី លោក Barack Obama បានរីករាលដាលពាសពេញអ៊ីនធឺណិតកាលពីចុងសប្តាហ៍មុន បន្ទាប់ពីពិធីករកម្មវិធី podcast លោក Brian Tyler Cohen បានសួរអតីតប្រធានាធិបតីថាតើមនុស្សភពក្រៅ "មានពិត" ដែរឬទេ។លោក Obama បានឆ្លើយតបថា ពួកគេមានពិតប៉ុន្តែខ្ញុំមិនបានឃើញពួកគេទេ។ លោក Trump បានចោទប្រកាន់លោក Obama ពីបទបង្ហាញ "ព័ត៌មានសម្ងាត់"។ប្រធានាធិបតីបានប្រាប់អ្នកយកព័ត៌មាននៅលើយន្តហោះ Air Force One ថា “ខ្ញុំមិនដឹងថាតើពួកគេពិតឬអត់ទេ” ហើយបាននិយាយអំពីលោក Obama ថា “ខ្ញុំអាចនឹងជួយគាត់ឱ្យរួចផុតពីបញ្ហាដោយការមិនបញ្ចេញឈ្មោះ៕

(ហាណូយ)៖ ក្រុមហ៊ុនអាកាសចរណ៍វៀតណាមចំនួនបីបានចុះហត្ថលេខាលើកិច្ចព្រមព្រៀងជាមួយក្រុមហ៊ុនផលិតយន្តហោះ Boeing របស់សហរដ្ឋអាមេរិក (BA.N) ដោយបើកកិច្ចព្រមព្រៀងថ្មី ដើម្បីទិញយន្តហោះសរុបចំនួន ៩០ គ្រឿង ខណៈដែលវៀតណាម និងសហរដ្ឋអាមេរិកបន្តការចរចាលើកិច្ចព្រមព្រៀងពាណិជ្ជកម្មថ្មីមួយ។កិច្ចព្រមព្រៀងទាំងនេះត្រូវបានចុះហត្ថលេខាក្នុងអំឡុងពេលដំណើរទស្សនកិច្ចទៅកាន់សហរដ្ឋអាមេរិកដោយប្រធានបក្សកុម្មុយនិស្តវៀតណាម លោក To Lam ដើម្បីចូលរួមកិច្ចប្រជុំបើកសម្ពោធក្រុមប្រឹក្សាសន្តិភាព ដែលជាគំនិតផ្តួចផ្តើមដែលបង្កើតឡើងដោយប្រធានាធិបតីអាមេរិក លោក Donald Trump ដើម្បីដោះស្រាយជម្លោះសកល។ក្រុមហ៊ុនអាកាសចរណ៍វៀតណាម (HVN.HM) បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនអាកាសចរណ៍វៀតណាម (HVN.HM) បានចុះហត្ថលេខាលើកិច្ចព្រមព្រៀងចំនួន ៨,១ ពាន់លានដុល្លារជាមួយក្រុមហ៊ុន Boeing ដើម្បីទិញយន្តហោះ 737-8 ចំនួន ៥០ គ្រឿង។ ក្រុមហ៊ុនអាកាសចរណ៍នេះគ្រោងនឹងទទួលយន្តហោះនេះរវាងឆ្នាំ ២០៣០ និង ២០៣២ នេះបើយោងតាមសេចក្តីថ្លែងការណ៍មួយ ដោយបន្ថែមថា នេះនឹងបង្កើនចំនួនយន្តហោះសរុបរបស់ខ្លួនដល់ប្រហែល ១៥១ គ្រឿងនៅឆ្នាំ ២០៣០។ក្រុមហ៊ុនអាកាសចរណ៍ជាតិរបស់ប្រទេសនេះក៏កំពុងចរចាជាមួយក្រុមហ៊ុន Boeing សម្រាប់ការទិញបន្ថែមយន្តហោះតួធំទូលាយចំនួន ៣០ គ្រឿងដែលមានតម្លៃរហូតដល់ ១២ ពាន់លានដុល្លារផងដែរ។ក្រុមហ៊ុនអាកាសចរណ៍ Sun PhuQuoc Airways ដែលទើបបង្កើតថ្មីរបស់ប្រទេសវៀតណាមក៏បានចុះហត្ថលេខាលើកិច្ចព្រមព្រៀងចំនួន ២២,៥ ពាន់លានដុល្លារជាមួយក្រុមហ៊ុន Boeing កាលពីថ្ងៃព្រហស្បតិ៍ ដើម្បីទិញយន្តហោះ 787-9 Dreamliner ចំនួន ៤០ គ្រឿងផងដែរ។ទន្ទឹមនឹងនេះ ក្រុមហ៊ុនអាកាសចរណ៍ថវិកាទាបរបស់វៀតណាម Vietjet (VJC.HM) បើកផ្ទាំងថ្មីទទួលបានកិច្ចព្រមព្រៀងហិរញ្ញប្បទានចំនួន ៩៦៥ លានដុល្លារជាមួយក្រុមហ៊ុន Griffin Global Asset Management សម្រាប់ការទិញយន្តហោះ Boeing 737-8 ចំនួន ៦ គ្រឿង។វៀតណាមបាននិយាយនៅដើមខែនេះថា ខ្លួនមានឆន្ទៈក្នុងការទិញទំនិញអាមេរិកបន្ថែមទៀត បន្ទាប់ពីសេតវិមានបានប្រកាសកាលពីខែតុលាថា សហរដ្ឋអាមេរិកនឹងរក្សាពន្ធលើទំនិញវៀតណាមភាគច្រើននៅត្រឹម ២០% ខណៈពេលដែលលុបចោលពន្ធលើផលិតផលមួយចំនួន៕

(អន្តរជាតិ)៖ យោងតាមប្រព័ន្ធផ្សព្វផ្សាយរដ្ឋរបស់ប្រទេស លោកគីមជុងអ៊ុន បានបើកបរឧបករណ៍បាញ់រ៉ុក្កែតច្រើនគ្រាប់ដែលមានសមត្ថភាពនុយក្លេអ៊ែរនៅក្នុងពិធីមួយនៅរដ្ឋធានីព្យុងយ៉ាង ហើយបានអួតអាងអាវុធនេះថា ជាអាវុធដ៏មានឥទ្ធិពលបំផុតមួយប្រភេទនៅក្នុងពិភពលោក។ប្រព័ន្ធផ្សព្វផ្សាយរដ្ឋកូរ៉េខាងជើងតែងតែបង្ហាញរូបភាពដ៏ទាក់ទាញរបស់មេដឹកនាំរបស់ខ្លួនជាមធ្យោបាយមួយដើម្បីពង្រឹងកេរ្តិ៍ឈ្មោះរបស់លោកនៅក្នុងស្រុក  និងផ្ញើសារគំរាមកំហែងទៅកាន់សត្រូវ។រដ្ឋឯកបក្សផ្តាច់ការកំពុងរៀបចំសម្រាប់សមាជបក្សដ៏សំខាន់មួយនៅខែនេះ ដែលជាពេលវេលាដែលម៉ាស៊ីនឃោសនារបស់កូរ៉េខាងជើង និងការបង្ហាញយោធារបស់ខ្លួនជារឿយៗចាប់ផ្តើមដំណើរការហួសហេតុ។ការបង្ហាញនេះកើតឡើងនៅពេលដែលកូរ៉េខាងជើងបន្តគាំទ្ររុស្ស៊ីក្នុងការឈ្លានពានអ៊ុយក្រែនដោយខុសច្បាប់ ដោយផ្គត់ផ្គង់មីស៊ីល និងកងទ័ពរាប់ពាន់នាក់ដល់ទីក្រុងមូស្គូ។អ្នកវិភាគនិយាយថាបទពិសោធន៍ដែលយោធាកូរ៉េខាងជើងកំពុងទទួលបានក្នុងការប្រយុទ្ធប្រឆាំងនឹងអ៊ុយក្រែន - រួមជាមួយនឹងចំណេះដឹងបច្ចេកទេសដែលអាចធ្វើទៅបានពីទីក្រុងមូស្គូ -អាចជួយឱ្យខ្លួនកែលម្អអាវុធ និងយុទ្ធសាស្ត្ររបស់ខ្លួន។ទំនាក់ទំនងក៏នៅតែមានភាពតានតឹងរវាងទីក្រុងព្យុងយ៉ាង និងទីក្រុងសេអ៊ូល ដែលត្រូវបានគាំទ្រដោយកងទ័ពអាមេរិករាប់ម៉ឺននាក់។ វីដេអូប្រព័ន្ធផ្សព្វផ្សាយរដ្ឋកូរ៉េខាងជើងចុងក្រោយបំផុតបានបង្ហាញរថយន្តដឹកជញ្ជូនប្រព័ន្ធរ៉ុក្កែតទំហំ ៦០០ មីលីម៉ែត្រចំនួន ៥០ គ្រឿងតម្រង់ជួរជាជួរចំនួនប្រាំពីរក្នុងការ៉េមួយ។ រថយន្តដឹកជញ្ជូន និងរថយន្តបាញ់បង្ហោះដែលមានអ័ក្សបួននីមួយៗផ្ទុកបំពង់រ៉ុក្កែតចំនួនប្រាំ។រូបភាពបានបង្ហាញថាលោកគីមស្លៀកអាវខ្មៅ ឈរក្បែរឧបករណ៍បាញ់មីស៊ីលចល័តនៅជិតឆាកសំខាន់ ខណៈដែលមនុស្សរាប់ពាន់នាក់គ្រវីទង់ជាតិកូរ៉េខាងជើង។ទីភ្នាក់ងារសារព័ត៌មាន KCNA របស់រដ្ឋកូរ៉េខាងជើងបាននិយាយនៅក្នុងរបាយការណ៍របស់ខ្លួនថា "លោកផ្ទាល់បានបើករថយន្តបាញ់បង្ហោះដើម្បីពិនិត្យមើលអាវុធដែលជានិមិត្តរូបនៃអំណាចដាច់ខាតដែលតម្រង់ជួរនៅក្នុងទីលាននៃទីកន្លែងសម្រាប់សមាជបក្សដ៏រុងរឿង"។លោកគីមបាននិយាយថា រ៉ុក្កែតទំហំ ៦០០ មីលីម៉ែត្រ -ទំហំទ្វេដងដែលមាននៅក្នុងប្រព័ន្ធបាញ់បង្ហោះរ៉ុក្កែតភាគច្រើន  គឺល្អដូចមីស៊ីលផ្លោងរយៈចម្ងាយខ្លីដែរ៕

(ស្វាយរៀង)៖ ខេត្តស្វាយរៀង ដែលជាខេត្តមានតំបន់សេដ្ឋកិច្ចពិសេសជាច្រើននោះ មានឱកាសការងារជាង ៥ពាន់កន្លែង សម្រាប់ផ្ដល់ជូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ នេះបើតាមឱ្យដឹងពីក្រសួងការងារ និងបណ្ដុះបណ្ដាលវិជ្ជាជីវៈដែលបានផ្សព្វផ្សាយកាលពីពេលថ្មីៗនេះ។ តាមរយៈការផ្សព្វផ្សាយ ក្រសួងការងារ បានឱ្យដឹងថា គិតត្រឹមថ្ងៃទី១៣ ខែកុម្ភៈ ឆ្នាំ២០២៦នេះ ខេត្តស្វាយរៀង មានឱកាសការងារសរុបចំនួន ៥,៤៨៨កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម និងវិស័យសេវាកម្ម។ ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។ ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

(តាកែវ)៖ ខេត្តតាកែវ ដែលជាខេត្តកំពុងទទួលបានគម្រោងវិនិយោគជាបន្តបន្ទាប់នោះ មានឱកាសការងារជាង ៨ពាន់កន្លែង សម្រាប់ផ្ដល់ជូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ នេះបើតាមការឱ្យដឹងពីក្រសួងការងារ និងបណ្ដុះបណ្ដាលវិជ្ជាជីវៈដែលបានផ្សព្វផ្សាយកាលពីពេលថ្មីៗនេះ។ តាមរយៈការផ្សព្វផ្សាយ ក្រសួងការងារ បានឱ្យដឹងថា គិតត្រឹមថ្ងៃទី១៣ ខែកុម្ភៈ ឆ្នាំ២០២៦នេះ ខេត្តតាកែវ មានឱកាសការងារសរុបចំនួន ៨,៤៤៩កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម។  ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។ ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេស បងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

(ទិសនិរតី)៖ ខេត្ត ៤ ដែលស្ថិតនៅទិសនិរតី នៃប្រទេសកម្ពុជា និងជាខេត្តជាប់មាត់សមុទ្រ មានឱកាសការងារជាង ៣ពាន់កន្លែង សម្រាប់ផ្ដល់ជូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ នេះបើតាមការឱ្យដឹងពីក្រសួងការងារ និងបណ្ដុះបណ្ដាលវិជ្ជាជីវៈ ដែលបានផ្សព្វផ្សាយកាលពីពេលថ្មីៗនេះ។ តាមរយៈការផ្សព្វផ្សាយ ក្រសួងការងារ បានឱ្យដឹងថា គិតត្រឹមថ្ងៃទី១៣ ខែកុម្ភៈ ឆ្នាំ២០២៦នេះ ខេត្តជាប់មាត់សមុទ្ររួមមាន៖ ខេត្តកោះកុង ព្រះសីហនុ កំពត និងខេត្តកែប មានឱកាសការងារសរុបចំនួន ៣,១៤៨កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម សេវាកម្ម និងវិស័យកសិកម្ម។ ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។ ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេស បងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់លេខ ១២៩៧ ដើម្បីក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ ឧកញ៉ា គិត ស៊ូឡា អគ្គនាយកប្រតិបត្តិក្រុមហ៊ុន Royal Group International Company ត្រូវជាកូនប្រុសអ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន គិត ម៉េង ម្ចាស់ក្រុមហ៊ុន Royal Group ដែលបានឧបត្ថម្ភថវិកាចំនួន ១,៥៥៥,៥៥៥ដុល្លារ (មួយលានប្រាំសែនប្រាំម៉ឺនប្រាំពាន់ប្រាំរយហាសិបប្រាំដុល្លារអាមេរិក) ជូនកាកបាទក្រហមកម្ពុជា ក្នុងឱកាសខួបទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា​ ដើម្បីមនុស្សធម៌​»។

(វ៉ាស៊ីនតោន)៖ ប្រធានាធិបតីអាមេរិកលោក ដូណាល់ ត្រាំ បាននិយាយថា សហរដ្ឋអាមេរិកនឹងផ្តល់មូលនិធិចំនួន ១០ ពាន់លានដុល្លារដល់ក្រុមប្រឹក្សាសន្តិភាព ខណៈដែលសម្ព័ន្ធមិត្តនឹងចូលរួមចំណែកចំនួន ៧ ពាន់លានដុល្លារដល់ កញ្ចប់ជំនួយសម្រាប់តំបន់ហ្គាហ្សា។ លោកប្រធានាធិបតី ដូណាល់ ត្រាំ បានថ្លែងនៅក្នុងសម័យប្រជុំលើកដំបូងនៃ ក្រុមប្រឹក្សាសន្តិភាពនៅទីក្រុងវ៉ាស៊ីនតោននៅថ្ងៃទី១៩ ខែកុម្ភៈ ម៉ោងនៅអាមេរិកថា “សហរដ្ឋអាមេរិកនឹងចូលរួមវិភាគទានចំនួន ១០ ពាន់លានដុល្លារដល់ក្រុមប្រឹក្សាសន្តិភាព។ យើងនឹងរួមគ្នាសម្រេចក្តីសុបិន្តនៃការនាំមកនូវសន្តិភាពយូរអង្វែងដល់ទឹកដី ដែលរងទុក្ខវេទនាអស់ជាច្រើនសតវត្សមកហើយ”។លោកបានបន្ថែមថា សម្ព័ន្ធមិត្តរបស់សហរដ្ឋអាមេរិក ដូចជាអារ៉ាប៊ីសាអូឌីត អាស៊ែបៃហ្សង់ បារ៉ែន កាហ្សាក់ស្ថាន គុយវ៉ែត ម៉ារ៉ុក កាតា អេមីរ៉ាតអារ៉ាប់រួម (UAE) និងអ៊ូសបេគីស្ថាន បានចូលរួមវិភាគទានជាង ៧ ពាន់លានដុល្លារដល់ កញ្ចប់ជំនួយសម្រាប់តំបន់ហ្គាហ្សា ខណៈពេលដែលលោកបានបញ្ជាក់ពីបំណងប្រាថ្នារបស់លោក ក្នុងការបន្តកិច្ច ព្រមព្រៀងសន្តិភាពបន្ថែមទៀត។ លោក ត្រាំ បាននិយាយថា «ពាក្យមួយដែលងាយស្រួលនិយាយ ប៉ុន្តែពិបាកធ្វើគឺ 'សន្តិភាព'»។ ប្រធានាធិបតី Trump បន្តថា សហរដ្ឋអាមេរិកនឹងបង្កើនមូលនិធិ សម្រាប់អង្គការសហប្រជាជាតិ (UN) ដើម្បីជួយអង្គការនេះពង្រឹង និងដំណើរការកាន់តែមានប្រសិទ្ធភាព ដោយធានាថាហេដ្ឋារចនាសម្ព័ន្ធរបស់ខ្លួន ដំណើរការបានត្រឹមត្រូវ។ លោកបានមានប្រសាសន៍ថា “អង្គការសហប្រជាជាតិមានសក្តានុពលដ៏ធំសម្បើម ប៉ុន្តែវាមិនទាន់សម្រេចបាននូវបេសកកម្មពេញលេញនៅឡើយទេ”។លោក Trump បាននិយាយថា FIFA នឹងបរិច្ចាគប្រាក់ចំនួន ៧៥ លានដុល្លារដល់គម្រោងទាក់ទងនឹងបាល់ទាត់ នៅក្នុងតំបន់ហ្គាហ្សា ហើយអង្គការសហប្រជាជាតិនឹងរួមចំណែកចំនួន ២ ពាន់លានដុល្លារដល់ជំនួយមនុស្សធម៌។