(ភ្នំពេញ)៖ ឯកឧត្តម ហ៊ុយ វណ្ណៈ រដ្ឋលេខាធិការទីស្តីការ គណៈរដ្ឋមន្ត្រី និងជាប្រធានសហភាពសហព័ន្ធ អ្នកសារព័ត៌មានកម្ពុជា នៅយប់ថ្ងៃទី3 ខែមេសា នេះ បានបង្ហោះសារតាមរយៈបណ្ដាញសង្គមហ្វេសប៊ុកផ្ទាល់ខ្លួន យ៉ាងដូច្នេះថា៖ «ការតម្លើងពន្ធ» បើនៅមានឱកាសចរចារ នោះគ្មានអ្វីដែលមិនអាចសម្របសម្រួល ដោះស្រាយបាននោះទេ១- លោក JD Vance អនុប្រធានាធិបតីអាមេរិក លើកឡើងនៅមុននេះបន្តិចថា ៖ «វិធានការតម្លើងពន្ធ គឺជាគោលនយោបាយថ្មី ដើម្បីកែលម្អបញ្ហាពាណិជ្ជកម្មរបស់អាមេរិក ដែលបរាជ័យរយៈពេល៤០ឆ្នាំចុងក្រោយនេះ គឺរោងចក្រអាមេរិកនិងការងារ បានចេញទៅក្រៅប្រទេស [អាមេរិកកន្លងមក]។ ដូច្នេះ ក្រោមការដឹកនាំរបស់លោក ដូណាល់ ត្រាំ អាមេរិកត្រូវខិតខំទាញអាជីវកម្មនិងការងារ ចូលមកក្នុងអាមេរិកវិញ»។ ២- ដូច្នេះ ការដាក់ចេញវិធានការតម្លើងពន្ធរបស់អាមេរិក ចំពោះបណ្តាប្រទេសនានា រួមទាំងកម្ពុជាផង គឺជាការប្រឹងប្រែងរបស់អាមេរិកក្នុងពង្រឹងកម្លាំងសេដ្ឋកិច្ច និងរក្សាលំនឹងជញ្ជីងពាណិជ្ជកម្ម ពោលមិនមែនជាទំនាស់មនោគមន៍វិជ្ជានយោបាយនោះទេ។ គ្មានអ្វីដែលមិនអាចដោះស្រាយបាននោះទេ ហើយការប្រឈមនេះអន្តរកាលប៉ុណ្ណោះ។ យើងនៅមានឱកាស ក្នុងការចរចារគ្នាដើម្បីរក្សាផលប្រយោជន៍ទាំងសង្ខាង។ ៣- កម្ពុជាយើងធ្លាប់ឆ្លងកាត់ការលំបាក តែយើងមិនខ្វះគំនិត ភាពអត់ធ្មត់ និងការតស៊ូ នោះទេ។ ដូច្នេះ យើងជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់ សម្តេចធិបតី ហ៊ុន ម៉ាណែត រួមទាំងឥស្សរជនថ្នាក់ដឹកនាំ និងមន្ត្រីបច្ចេកទេសរបស់កម្ពុជាយើង គឺមានសមត្ថភាពគ្រប់គ្រាន់ ក្នុងការចរចារដោះស្រាយតាម «នយោបាយឈ្នះ-ឈ្នះ» ដែលរក្សាបាននូវផលប្រយោជន៍ពាណិជ្ជកម្ម ទីផ្សារ និងការងារ ជូនប្រជាពលរដ្ឋយើង។សូមជម្រាបថា ភាគីកម្ពុជានិងអាមេរិក មានពេលវេលា៧ថ្ងៃដើម្បីចរចារគ្នា មុនពេលវិធានការតម្លើងពន្ធចូលជាធរមាន៕

(អន្តរជាតិ)៖ ប្រជាជននៅក្នុងខេត្តភាគខាងត្បូងត្រូវបានព្រមានអំពីភ្លៀងធ្លាក់ខ្លាំងដែលចាប់ផ្តើមពីថ្ងៃពុធ ហើយការព្យាករណ៍នឹងបន្តរហូតដល់ថ្ងៃសុក្រ ជាមួយនឹងហានិភ័យនៃទឹកជំនន់ភ្លាមៗ។នាយកដ្ឋានឧតុនិយមបានរាយការណ៍កាលពីថ្ងៃពុធថា ខ្យល់បក់ពីទិសខាងកើតដែលផ្លាស់ទីកាត់ ឈូងសមុទ្រថៃ ភាគខាងត្បូង និងសមុទ្រ Andaman កំពុងនាំមកនូវភ្លៀងធ្លាក់បន្ថែមទៀត ដល់ខេត្តភាគខាងត្បូង។ការព្រមានជាពិសេសអនុវត្តចំពោះខេត្តទាំងនេះ ដូចជា Prachuap Khiri Khan, Chumphon, Surat Thani, Nakhon Si Thammarat, Phatthalung, Songkhla, Pattani, Yala, Narathiwat, Phang Nga, Krabi, Trang, Satun, Phetchaburi, Ranong និង Phuket។ប្រជាពលរដ្ឋ​ត្រូវ​ប្រុង​ប្រយ័ត្ន​ចំពោះ​ភ្លៀង​ធ្លាក់​ខ្លាំង​ដល់​ខ្លាំង​ដែល​អាច​បង្ក​ឱ្យ​មាន​ជំនន់​នៅ​ក្បែរ​តំបន់​ភ្នំ។រលកនៅឈូងសមុទ្រត្រូវបានគេរំពឹងថានឹងកាន់តែខ្លាំង កម្ពស់ប្រហែល 2 ម៉ែត្រ និងច្រើនជាងនេះ ក្នុងអំឡុងពេលមានផ្គររន្ទះ។ ទូក​តូចៗ​ត្រូវ​បាន​ព្រមាន​ឱ្យ​នៅ​លើ​ច្រាំង៕

(អន្តរជាតិ)៖ រញ្ជួយដីនៅមីយ៉ាន់ម៉ា បណ្តាលឲ្យមនុស្សជាង៣០៨៥នាក់ស្លាប់ និង៤៧១៥នាក់ទៀតរង របួស និងមនុស្ស​៣៤១នាក់បាត់ខ្លួន បន្ទាប់ពីគ្រោះរញ្ជួយដីកម្រិត ៧.៧ រិចទ័រ បានវាយប្រហារ នៅជិតទីក្រុង Mandalay នេះ ។ ការស្ទាបស្ទង់ភូមិសាស្ត្រអាមេរិកបានប៉ាន់ប្រមាណថាចំនួនអ្នកស្លាប់អាចលើសពី ១ម៉ឺននាក់។ការរញ្ជួយដីបានបង្កឱ្យមានការដួលរលំអគាររាប់រយម៉ាយក្នុងប្រទេសថៃ។ ក្រុមមន្ត្រីបាននិយាយថា មនុស្សយ៉ាងហោចណាស់ 10 នាក់បានស្លាប់នៅក្នុងរដ្ឋធានីរបស់ប្រទេសនេះ ហើយមនុស្សរាប់សិប នាក់ត្រូវបានគេជឿថាបានជាប់នៅក្រោមគំនរបាក់បែកនៃអគារខ្ពស់ដែលកំពុងសាងសង់។ប្រទេសមីយ៉ាន់ម៉ា ដែលជាប្រទេសក្រីក្របំផុតមួយនៅអាស៊ី កំពុងវិលត្រលប់ពីសង្គ្រាមស៊ីវិលដែលបង្ក ឡើងដោយរដ្ឋប្រហារយោធាឆ្នាំ 2021។ ហេដ្ឋារចនាសម្ព័ន្ធ ខ្សោយ ធ្វើឲ្យប្រទេសនេះ មិនមានឧបករណ៍ គ្រប់គ្រាន់ ដើម្បីដោះស្រាយជាមួយនឹងគ្រោះមហន្តរាយធម្មជាតិធំៗ។អ្នកនាំពាក្យការិយាល័យប្រធានាធិបតី Karen Kuo បាននិយាយនៅក្នុងសេចក្តីថ្លែងការណ៍មួយថា តៃវ៉ាន់មានទំនុកចិត្ត និងសមត្ថភាពក្នុងការការពារអធិបតេយ្យភាពជាតិ និងការពារសុវត្ថិភាពប្រជាជន៕ 

កម្ពុជាទទួលបានចំណូលជិត ១៩លានដុល្លារ ពីការលក់បណ្ណចូលទស្សនារមណីដ្ឋានអង្គរ, ប្រាសាទកោះកែរ និងកំពង់ផែចុងឃ្លៀស។ នេះបើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ ដែលបានចេញផ្សាយ នៅថ្ងៃទី០២ ខែមេសា ឆ្នាំ២០២៥។នៅរយៈពេល៣ខែ ឆ្នាំ២០២៥នេះ ពោលចាប់ពីខែមករា ដល់ខែមីនា ឆ្នាំ២០២៥ ភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ និងប្រាសាទកោះកែរ មានចំនួន ៣៩៨ ៥៣១នាក់ កើន១៤.៦៧% និងទទួលបានចំណូល ១៨ ៧១៨ ៧២២ដុល្លារអាមេរិក កើនឡើង១៣.២២ភាគរយ បើធៀបនឹងរយៈពេលដូចគ្នា នៅឆ្នាំ២០២៤។សូមជម្រាបថា រយៈពេល ៣ខែឆ្នាំនេះ រដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប ៧៩៧ ០៦២ដុល្លារអាមេរិក ពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា។សូមរំលឹកថា ឆ្នាំ២០២៤ មានភ្ញៀវទេសចរបរទេសចំនួន ១ ០២៣ ៦៨៨នាក់ បានទិញបណ្ណចូលទស្សនារមណីយដ្ឋានអង្គរ កើនឡើងជាង ២៨ភាគរយ បើធៀបនឹងឆ្នាំ២០២៣ មានតែ ៧៩៨ ០៦៩នាក់។ សម្រាប់ចំណូលពីការលក់បណ្ណវិញមានចំនួន ៤៧ ៨២៦ ៩៨១ ដុល្លារអាមេរិក កើនជាង ២៨ភាគរយ បើធៀបឆ្នាំ២០២៣ មានចំនួន៣៧ ១៩៨ ៩៨៨ដុល្លារអាមេរិក៕

ជាការជូនដំណឹងមួយដល់បងប្អូនប្រជាពលរដ្ឋដែលរស់នៅក្នុងរាជធានីភ្នំពេញ ឱ្យបានជ្រាបព័ត៌មានថា អគ្គិសនីកម្ពុជា នៅថ្ងៃទី ០២ ខែមេសា ឆ្នាំ ២០២៥ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ០៣ ខែមេសា ឆ្នាំ ២០២៥ នេះ ដល់ថ្ងៃទី ០៦ ខែមេសា ឆ្នាំ ២០២៥។ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុតដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖១. ថ្ងៃទី ០៣ ខែមេសា ឆ្នាំ ២០២៥* ក្នុងចន្លោះម៉ោង ៨ ដល់ម៉ោង ១៣៖ មានខណ្ឌឬស្សីកែវ និង ខណ្ឌពោធិ៍សែនជ័យ* ក្នុងចន្លោះម៉ោង ៨ ដល់ម៉ោង ១៦៖ មានខណ្ឌ៧មករា ខណ្ឌបឹងកេងកង ខណ្ឌសែនសុខ ខណ្ឌមានជ័យ ខណ្ឌដង្កោ និង ខណ្ឌពោធិ៍សែនជ័យ២. ថ្ងៃទី ០៤ ខែមេសា ឆ្នាំ ២០២៥* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌមានជ័យ ខណ្ឌពោធិ៍សែនជ័យ ខណ្ឌដង្កោ និង ខណ្ឌច្បារអំពៅ* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌសែនសុខ ខណ្ឌមានជ័យ ខណ្ឌដង្កោ និង ខណ្ឌពោធិ៍សែនជ័យ៣. ថ្ងៃទី ០៥ ខែមេសា ឆ្នាំ ២០២៥* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌមានជ័យ* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌសែនសុខ ខណ្ឌចំការមន ខណ្ឌដូនពេញ ខណ្ឌឬស្សីកែវ និង ខណ្ឌមានជ័យ៤. ថ្ងៃទី ០៦ ខែមេសា ឆ្នាំ ២០២៥* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌជ្រោយចង្វារ ខណ្ឌទួលគោក ខណ្ឌសែនសុខ និង ខណ្ឌព្រែកព្នៅ៕

(អន្តរជាតិ)៖ ចាប់ពីថ្ងៃទី១ ដល់ថ្ងៃទី៣ ខែមេសា ឆ្នាំ២០២៥នេះ បានបន្តកើតមានគ្រោះរញ្ជួយដីរយៈពេល៣ថ្ងៃ ជាប់ៗគ្នាក្នុងនោះរួមមាន៖ រញ្ជួយដីកម្រិត 5.4 រ៉ិចទ័រ បានកើតឡើងនៅ Hafnir, Rykjanesbaer, Reykjavik, Iceland នៅម៉ោង 4:58 ល្ងាច (ថ្ងៃទី 1 ខែមេសា ឆ្នាំ 2025 ម៉ោងនៅអ៊ីស្លង់) នេះបើយោងតាមគេហទំព័រតំបន់អាត្លង់ទិកប្រកាស ការព្យាករណ៍ការរញ្ជួយដី។គ្រោះរញ្ជួយដីកម្រិត ៥.២រ៉ិចទ័រ បានកើតឡើងនៅទីក្រុង Mandalay, Nay pi Taw, Sagaing, Mawlaik ប្រទេសមីយ៉ាន់ម៉ា នៅវេលាម៉ោង 9:57 យប់ (ថ្ងៃទី 1 ខែមេសា ឆ្នាំ 2025 ម៉ោងនៅមីយ៉ាន់ម៉ា) នេះបើយោងតាមទំព័រនេះ "ថ្ងៃទី 29 ខែមីនា បានចុះផ្សាយថា " ប្រកាសការព្យាករណ៍គ្រោះរញ្ជួយដីនៅអាស៊ីខាងត្បូង។ គ្រោះរញ្ជួយដីកម្រិត ៥.៦រ៉ិចទ័រ បានកើតឡើងនៅតំបន់ Pyapon, Ayewardy,, Yangon, Andaman sea, Myanmar & Thailand នៅម៉ោង 10:57pm (2 មេសា 2025 ម៉ោងប្រទេសមីយ៉ាន់ម៉ា) នេះបើយោងតាមទំព័រនេះ " 29 March posted " ប្រកាសការព្យាករណ៍គ្រោះរញ្ជួយដីនៅអាស៊ីខាងត្បូង។ការរញ្ជួយដីកម្រិត 6.2 និង 6.0 រ៉ិចទ័រ 2 បានកើតឡើងនៅ Nishinoomote, Miyazaki, Kagoshima, Kyshu ប្រទេសជប៉ុន នៅវេលាម៉ោង 11:03-04 យប់ (ថ្ងៃទី 2 ខែមេសា ឆ្នាំ 2025 ម៉ោងនៅប្រទេសជប៉ុន) នេះបើយោងតាមទំព័រនេះ "25 មីនា បានបង្ហោះ" ការព្យាករណ៍រញ្ជួយដីប្រទេសជប៉ុន។ ការរញ្ជួយដីកម្រិត 5.4 រ៉ិចទ័រ នៅក្នុងតំបន់កោះ Balleny អង់តាក់ទិក ថ្ងៃទី 3 ខែមេសា ឆ្នាំ 2025 ម៉ោង 5:18 ល្ងាច ម៉ោងនៅអង់តាក់ទិក នៅជិតបំផុត Bluff ប្រទេស Newzealand យោងតាមទំព័រនេះ 2 មេសា ការព្យាករណ៍រញ្ជួយដីនៅអង់តាក់ទិកបើយោងតាមការគេហទំព័រផ្លូវការ Earthquake News Everyday បានបង្ហោះថា ការព្យាករណ៍រញ្ជួយដី នៅអាស៊ីអាគ្នេយ៍ម៉ោង 1:15 រសៀល ថ្ងៃទី 3 ខែមេសា ឆ្នាំ 2025 (ម៉ោងនៅឥណ្ឌូនេស៊ី)យោងតាមការចុះផ្សាយថ្ងៃទី 25 ខែមីនា ចាប់ពីពេលនេះទៅ 48-96 ម៉ោង & 7-10 ថ្ងៃបន្ទាប់ ការរញ្ជួយដីកម្រិតខ្លាំងណាមួយ (5.0 ~ 7.2) អាចកើតមាននៅក្នុងប្រទេសឥណ្ឌូនេស៊ី ហ្វីលីពីន តៃវ៉ាន់ សៃប៉ាន និងរញ្ជួយដីកម្រិតមធ្យមអាចកើតមាននៅប្រទេសឡាវ វៀតណាម កូរ៉េខាងជើង កម្ពុជា និងម៉ាឡេស៊ី។ ប្រជាជនត្រូវប្រុងប្រយ័ត្ន និងរក្សាចម្ងាយដោយសុវត្ថិភាព និងអនុវត្តតាមគោលការណ៍ណែនាំសុវត្ថិភាពរញ្ជួយដីមិនទាន់មានការបញ្ជាក់នៅឡើយទេ ការរញ្ជួយដីនេះអាចកើតឡើង ឬមិនអាចកើតឡើងបាន លទ្ធភាពរញ្ជួយដីខ្លាំងខ្លាំង ដោយការស្រាវជ្រាវ៕

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជន បានទទួលជួបសម្ដែងការគួរសមជាមួយ ឯកឧត្តម ឧត្តមសេនីយ៍ឯក Nguyen Van Nam សមាជិកគណៈកម្មាធិការអចិន្ត្រៃយ៍នៃគណៈកម្មាធិការបក្សទីក្រុងហូជីមិញ អតីតមេបញ្ជាការបញ្ជាការយោធាទីក្រុង និងជាប្រធានសមាគមមិត្តភាពវៀតណាម-កម្ពុជា ទីក្រុងហូជីមិញ ដែលបានរៀបចំនៅវិមាន៧មករា នាព្រឹកថ្ងៃព្រហស្បត្តិ៍ ទី៣ ខែមេសា ឆ្នាំ២០២៥។ថ្លែងក្នុងឱកាសនោះ សម្តេចកិត្តិសង្គហបណ្ឌិត បាននាំនូវការផ្តាំផ្ញើ សាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ជូនដល់ថ្នាក់ដឹកនាំគ្រប់លំដាប់ថ្នាក់របស់ប្រទេសវៀតណាម ក៏ដូចជាប្រធានប្រតិភូដែលបានដឹកនាំគណៈប្រតិភូមកសម្តែងការគួរសម ក្នុងថ្ងៃនេះ សូមមានសុខភាពល្អ និងទទួលបានជោគជ័យគ្រប់ភារកិច្ច។ សម្តេចកិត្តិសង្គហបណ្ឌិតបានសម្តែងនូវការស្វាគមន៍ និងបានចាត់ទុកដំណើរទស្សនៈកិច្ចរបស់ ឯកឧត្តមនាពេលនេះ បានបង្ហាញពីការខិតខំបន្តពង្រឹង និងពង្រីកនូវកិច្ចសហប្រតិបត្តិការល្អប្រសើរបន្ថែមទៀត ដើម្បីជម្រុញនូវល្បឿននៃការអភិវឌ្ឍន៍ប្រទេជាតិនៃប្រទេសទាំងពីរ។ឯកឧត្តម ឧត្តមសេនីយ៍ឯក Nguyen Van Nam ក៏បានថ្លែងនូវការកោតសសើរចំពោះការអភិវឌ្ឍន៍យ៉ាងឆាប់រហ័សរបស់កម្ពុជា។ ឯកឧត្តមក៏បាន លើកឡើង អំពីសមិទ្ធិផលជាច្រើន ដែលពលរដ្ឋកម្ពុជាទទួលបាន ក្រោមការដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ទើបកម្ពុជាមានការរីកចម្រើនដូចបច្ចុប្បន្ន៕

(អន្តរជាតិ)៖ ប្រធានាធិបតីអាមេរិកលោក Donald Trump បានប្រកាសភាពអាសន្នសេដ្ឋកិច្ចជាតិ ដោយដាក់បញ្ចូលពន្ធយ៉ាងតិច 10% លើទំនិញនាំចូលពីគ្រប់ប្រទេស ជាមួយ នឹងអត្រាការប្រាក់កាន់តែខ្ពស់ចំពោះប្រទេសចំនួន 60 ។ សេចក្តីប្រកាសកាលពីថ្ងៃព្រហស្បតិ៍ ដែលបានអង្រួន ទីផ្សារភាគហ៊ុនសំខាន់ៗត្រូវបានគេរំពឹងថានឹងប៉ះពាល់ដល់សេដ្ឋកិច្ច ពិភពលោកដែលមិនទាន់ងើបឡើងវិញពីអតិផរណាក្រោយការរាតត្បាតនិងភាពតានតឹងភូមិសាស្ត្រនយោបាយ។ នេះគឺជារឿងប្រាំយ៉ាងដែលត្រូវយល់អំពីពន្ធ៖ ១/ អប្បបរមា 10%៖ ខណៈពេលដែលប្រទេសទាំងអស់នឹងត្រូវទទួលរងនូវពន្ធលើមូលដ្ឋានចំនួន 10% ប្រទេសនីមួយៗ ដែលសហរដ្ឋអាមេរិកមានឱនភាពពាណិជ្ជកម្មដ៏ធំជាមួយ នឹងប្រឈមមុខនឹងពន្ធខ្ពស់។ប្រទេសទាំងនេះរួមមានកម្ពុជា (៤៩%) វៀតណាម (៤៦%) ថៃ (៣៦%) ចិន (៣៤%) និងជប៉ុន (២៤%)។ អត្រាពន្ធទៅវិញទៅមករបស់ប្រទេសចិន នឹងត្រូវបានយកពីលើពន្ធ 20% ដែល Trump បានដាក់រួចហើយ ដែលបណ្តាលឱ្យមានអត្រាពន្ធរួមបញ្ចូលគ្នា 54% នេះបើយោងតាម CNN ។ សហរដ្ឋអាមេរិកកាលពីឆ្នាំមុនបាននាំចូលទំនិញមានតម្លៃ 439 ពាន់លានដុល្លារពីប្រទេសចិន ដែលជាទីផ្សារនាំចូលធំបំផុតទីពីរបន្ទាប់ពីប្រទេសម៉ិកស៊ិក។ អត្រា 10% ជាសកលនឹងចូលជាធរមាន នៅថ្ងៃទី 5 ខែមេសា ខណៈដែលអត្រាប្ដូរតាមបំណងនឹងចូលជាធរមាននៅថ្ងៃទី 9 ខែមេសា។២/ កំណើនសេដ្ឋកិច្ចសម្រាប់អាមេរិក៖ លោក Trump អះអាងថា ពន្ធគយនឹងជំរុញកំណើនសេដ្ឋកិច្ច សម្រាប់សហរដ្ឋអាមេរិក ដោយលើកហេតុផលថា ពួកគេអាចកាត់បន្ថយការពឹងផ្អែករបស់រដ្ឋាភិបាល លើពន្ធលើប្រាក់ចំណូល ដែលជាប្រភពចំណូលចម្បងរបស់ខ្លួន។ គាត់ថែមទាំងបានស្នើថា ប្រាក់ចំណូលពន្ធអាចជំនួសពន្ធលើប្រាក់ចំណូលទាំងស្រុង។ ទោះជាយ៉ាងណាក៏ដោយ អ្នកសេដ្ឋកិច្ចភាគច្រើនយល់ស្របថា ពន្ធគយនៅទីបំផុតត្រូវបានចេញដោយប្រទេសនាំចូល ដែលជាធម្មតាបណ្តាលឱ្យមានការកើនឡើងតម្លៃទំនិញប្រើប្រាស់ដោយផ្អែកលើភស្តុតាងប្រវត្តិសាស្ត្រ។លោក Trump បាននិយាយកាលពីថ្ងៃពុធថា "វាជាការប្រកាសឯករាជ្យសេដ្ឋកិច្ចរបស់យើង" ។ "ការងារ និងរោងចក្រនឹងត្រលប់មកប្រទេសរបស់យើងវិញ ហើយអ្នកឃើញវាកើតឡើងរួចហើយ"។នេះបើតាមការចុះផ្សាយរបស់ Reuters។ ៣/ វិស័យមួយចំនួនត្រូវបានដកចេញ៖ យោងតាមសេចក្តីថ្លែងការណ៍របស់សេតវិមានបានឱ្យដឹងថា ទំនិញមួយចំនួននឹងមិនជាប់ពន្ធទៅវិញ រួមទាំងដែកថែប អាលុយមីញ៉ូម ស្វ័យប្រវត្តិ គ្រឿងអេឡិចត្រូនិក និងមាស។ទោះជាយ៉ាងណាក៏ដោយ ទំនិញទាំងនេះជាច្រើនត្រូវបានជាប់ពន្ធផ្សេងទៀតរួចហើយ។ ពន្ធលើរថយន្តចំនួន 25% ដែលលោក Trump បានប្រកាសកាលពីសប្តាហ៍មុននឹងចូលជាធរ មាននៅថ្ងៃព្រហស្បតិ៍។ ប្រទេសកាណាដា និងម៉ិកស៊ិកមិនរងផលប៉ះពាល់ដោយការយកពន្ធថ្មីនេះទេ ខណៈដែលលោក Trump បានដាក់ទណ្ឌកម្មប្រទេសជិតខាងរបស់សហរដ្ឋអាមេរិករួចហើយ ចំពោះអ្វីដែលគាត់និយាយថាគឺជាការបរាជ័យរបស់ពួកគេក្នុងការបង្ក្រាបលើការជួញដូរគ្រឿងញៀន fentanyl និងអន្តោប្រវេសន៍ខុសច្បាប់។៤/ របៀបដែលប្រទេសឆ្លើយតប៖ មន្ត្រីមកពីប្រទេសមួយចំនួន និងអ្នកវិភាគបានចោទប្រកាន់ថា ពន្ធគយនឹងដាក់បន្ទុកកាន់តែធ្ងន់លើសេដ្ឋកិច្ចពិភពលោក។ នាយករដ្ឋមន្ត្រីអូស្ត្រាលីលោក Anthony Albanese កាលពីថ្ងៃព្រហស្បតិ៍បាននិយាយថា ពន្ធគយគឺ "គ្មានការធានាទាំងស្រុង" ។នាយករដ្ឋមន្ត្រីអ៊ីតាលី Giorgia Meloni ដែលជាសម្ព័ន្ធមិត្តជិតស្និទ្ធរបស់ Trump បាននិយាយថាការយកពន្ធលើសហភាពអឺរ៉ុប។ "ខុស" ប៉ុន្តែបានសន្យាថានឹងធ្វើការជាមួយវ៉ាស៊ីនតោន សម្រាប់កិច្ចព្រមព្រៀងមួយ។ នាយករដ្ឋមន្ត្រីកាណាដាលោក Mark Carney បានប្តេជ្ញាថានឹង "ប្រយុទ្ធប្រឆាំង" ការយកពន្ធដែលមានស្រាប់លើដែកថែប អាលុយមីញ៉ូម និងរថយន្ត ហើយនឹងដាក់ "វិធានការណ៍" ។ លោក Takahide Kiuchi ប្រធានសេដ្ឋវិទូនៅវិទ្យាស្ថានស្រាវជ្រាវ Nomura បាននិយាយថា "ពន្ធគយរបស់លោក Trump មានហានិភ័យក្នុងការបំផ្លាញការបញ្ជាទិញ ពាណិជ្ជកម្មសេរីសកល ដែលសហរដ្ឋអាមេរិកខ្លួនឯងបានដឹកនាំចាប់តាំងពីសង្គ្រាមលោកលើកទីពីរ" នេះបើយោងតាម Reuters ។៥/ សេតវិមាន មានឆន្ទះសម្រាប់ការចរចា៖ សេតវិមានបាននិយាយកាលពីថ្ងៃពុធថាលោកប្រធានាធិបតី Trump មានឆន្ទៈក្នុងការចរចាជាមួយបណ្តាប្រទេសទាក់ទងនឹងពន្ធគយនេះ សេតវិមានបាននិយាយកាលពីថ្ងៃពុធមុនពេលរបាំងពាណិជ្ជកម្មត្រូវបានប្រកាស។អ្នកនាំពាក្យសេតវិមានលោកស្រី Karoline Leavitt បានប្រាប់អ្នកយកព័ត៌មានថា "ប្រធានាធិបតីបានកំពុងសម្លឹងមើលការអនុវត្តពាណិជ្ជកម្មអយុត្តិធម៌បំផុតពីអតីតកាល។ ប្រាកដណាស់ ប្រធានាធិបតីតែងតែឡើងដើម្បីហៅទូរស័ព្ទ តែងតែឡើងសម្រាប់ការចរចាដ៏ល្អ" ។"ប៉ុន្តែគាត់ផ្តោតយ៉ាងខ្លាំងលើការជួសជុលកំហុសអតីតកាល និងបង្ហាញថាកម្មករអាមេរិកមានការរង្គោះរង្គើដោយយុត្តិធម៌"។ លោកស្រីបានបន្ថែមថា ប្រទេសមួយចំនួនបានហៅប្រធានាធិបតី និងក្រុមរបស់គាត់ ដើម្បីពិភាក្សាអំពីពន្ធ៕

(ព័ត៌មានជាតិ)៖ ប្រធានាធិបតីអាម៉េរិក លោក ដូណាល់ ត្រាំ បានប្រកាសដាក់ពន្ធលើទំនិញនាំចូល ពីកម្ពុជារហូតដល់ ៤៩ភាគរយ ដើម្បីឆ្លើយតបនឹងពន្ធរបស់កម្ពុជាលើអាម៉េរិកចំនួន ៩៧ភាគរយ។ កាលប្រកាសនេះបានធ្វើឡើងកាលពីថ្ងៃទី២ ខែមេសា ឆ្នាំ២០២៥ ពោលគឺ កម្ពុជា ជាប្រទេសរងការដាក់ពន្ធ ខ្ពស់ជាងគេបំផុត នៅក្នុងតំបន់អាស៊ានលើសវៀតណាម និងថៃទៅទៀត។ ដោយផ្អែកលើគោលនយោបាយដាក់ពន្ធទៅវិញទៅមកនេះ សហរដ្ឋអាម៉េរិក នឹងដាក់ពន្ធលើកម្ពុជារហូតដល់ ៤៩ភាគរយ ដើម្បីឆ្លើយតបនឹងការដាក់ពន្ធរបស់កម្ពុជាលើអាម៉េរិកចំនួន ៩៧ភាគរយ។ ប្រធានាធិបតី ដូ ណាល់ត្រាំ បាននិយាថា «យើងនឹងដាក់ពន្ធលើពួកគេប្រហែលពាក់កណ្តាលនៃពន្ធ ដែលបណ្តាប្រទេសទាំងនោះ ដាក់មកលើយើង»។ ដោយបន្តថា ពន្ធនេះ នឹងជួយនាំក្រុមហ៊ុនជាច្រើន វិនិយោគនៅអាម៉េរិកឡើងវិញ។ ប្រសិនគ្មានការប្រែប្រួលទេ ពន្ធទៅវិញទៅមកនេះ នឹងចូលជាធរមាននៅថ្ងៃទី៩ ខែមេសា។ មកចាប់អារម្មណ៍លើបញ្ជីដាក់ពន្ធទៅវិញទៅមករវាងបណ្ដាលប្រទេសអាស៊ានជាមួយអាមេរិកវិញរួមមាន៖  -វៀតណាមដាក់ពន្ធ ៩០ភាគរយលើអាមេរិក ចំណែកអាមេរិកដាក់ពន្ធវិញ ៤៦ភាគរយ-ថៃ ដាក់ពន្ធ ៧២ភាគរយលើអាមេរិក ចំណែកអាមេរិកដាក់ពន្ធវិញ ៣៦ភាគរយ-ឡាវ ដាក់ពន្ធលើអាមេរិក៩៥ភាគរយ អាមេរិកដាក់ពន្ធទៅវិញ ៤៨ភាគរយ-កម្ពុជា ដាក់ពន្ធ៩៧ភាគរយលើអាមេរិក ចំណែកអាមេរិកដាក់ពន្ធវិញ ៤៩ភាគរយពាក់ព័ន្ធនឹងការដាក់ពន្ធនេះមេដឹកនាំអាម៉េរិកលោក ដូណាល់ ត្រាំ បានលើកឡើងថា ប្រសិនបើបណ្តាប្រទេសណាមួយ ស្នើឱ្យមានការលើកលែងពន្ធ ប្រទេសទាំងនោះត្រូវតែលុបចោលពន្ធនាំចូល និងរបាំងពន្ធគយលើទំនិញនាំចូល ពីអាម៉េរិកជាមុន។ បន្ទាប់ពីមានការដាក់ពន្ធខ្ពស់មកលើកម្ពុជាបែបនេះ មន្ត្រីរដ្ឋាភិបាលកម្ពុជា បាននឹងកកំពុងរៀបចំវិធានការដើម្បីដោះស្រាយបញ្ហានេះ។ ជាក់ស្ដែង ឯកឧត្តម មាស សុខសេនសាន អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ បានបញ្ចាក់ថា «យើងមានក្រុមការងារកំពុងវាយតម្លៃអំពីកម្មវិបាកនៃការដាក់ពន្ធគយនេះ។ រាជរដ្ឋាភិបាលកំពុងពិនិត្យមើលយ៉ាងហ្មត់ចត់ចំពោះការដាក់ពន្ធ ក្នុងការរៀបចំវិធានការដើម្បីដោះស្រាយបញ្ហានេះ»។ លោក Casey Barnett ប្រធានសភាពពាណិជ្ជអាមេរិកនៅកម្ពុជា បានលើកឡើងយ៉ាងដូច្នេះ ព្រឹក លោក ត្រាំ បានប្រកាសដំឡើងពន្ធ ៤៩% លើទំនិញកម្ពុជា ដែលនឹងចូលជាធរមានចាប់ពីម៉ោង ១២៖០០ ព្រឹក ថ្ងៃទី ៩ មេសា ប្រសិនបើមិនដោះស្រាយទេ វាអាចប៉ះពាល់ដល់សេដ្ឋកិច្ច។ នៅឆ្នាំ ២០២៤ កម្ពុជាបាននាំចេញទៅសហរដ្ឋអាមេរិកចំនួន ១២,៨ ពាន់លានដុល្លារ ប៉ុន្តែបាននាំចូលមកវិញត្រឹមតែ ៣០០ លានដុល្លារប៉ុណ្ណោះ។ សហរដ្ឋអាមេរិកបានស្នើសុំការកាត់បន្ថយពន្ធលើការនាំចេញរបស់សហរដ្ឋអាមេរិក ការសម្របសម្រួលការផ្តល់អាជ្ញាប័ណ្ណអាជីវកម្មរបស់សហរដ្ឋអាមេរិកដូចជា Starlink និងកិច្ចសហប្រតិបត្តិការសម្រាប់សន្តិសុខជាតិ។ទោះជាយ៉ាងណាក៏ដោយ ព័ត៌មានមួយនេះបានបង្កការភ្ញាក់ផ្អើល និងចាប់អារម្មណ៍យ៉ាងខ្លាំងពេញបណ្ដាញសង្គម ពីសំណាក់សាធារណៈជន អ្នកនយោបាយ និងវិភាគជាច្រើនទៀតផងដែរ។ ប្រជាពលរដ្ឋកម្ពុជា កំពុងរងចាំមើលថា តើបញ្ហានេះនឹងមានការដោះស្រាយបែបណាជាបន្តពីរដ្ឋាភិបាលកម្ពុជា៕

(អន្តរជាតិ)៖ មហាសេដ្ឋីលក់រាយរបស់ចិន Yu Donglai បានដាក់ចេញនូវគោលនយោបាយ «ការឈប់សម្រាកមិនសប្បាយចិត្ត» ឬ unhappy leave ដ៏សាមញ្ញមួយ ដោយអនុញ្ញាតឱ្យបុគ្គលិកឈប់ សម្រាករហូតដល់ 10 ថ្ងៃបន្ថែម ប្រសិនបើពួកគេមានអារម្មណ៍មិនសប្បាយចិត្ត ដើម្បីផ្តល់អាទិភាព ដល់សុខុមាលភាពផ្លូវចិត្ត និងតុល្យភាពជីវិតការងារ និងចៀសវាងបរិយាកាសការងារ ដែលបុគ្គលិក មិនសប្បាយចិត្ត មកធ្វើការទាំងមុខមិនរីក និងមិននិយាយរកអ្នកណាទាំងអស់។ ក្រុមហ៊ុនរបស់គាត់ បានផ្តល់ថ្ងៃធ្វើការ 7 ម៉ោងក្នុងថ្ងៃរួចហើយ ថ្ងៃឈប់សម្រាកចុងសប្តាហ៍ និងថ្ងៃ​សម្រាកប្រចាំឆ្នាំរហូតដល់៤០ថ្ងៃ និង 5 ថ្ងៃបន្ថែមក្នុងឱកាសបុណ្យចូលឆ្នាំថ្មី។ដើម្បីគាំទ្របុគ្គលិកបន្ថែមទៀត ប្រព័ន្ធវិញ្ញាបនប័ត្រកម្រិតការងារអនុញ្ញាតឱ្យសូម្បី តែអ្នកអនាម័យ អាច រកប្រាក់បានរហូតដល់ 500000 យន់ (70000 ដុល្លារអាមេរិក) ក្នុងមួយឆ្នាំ។ សកម្មភាពនេះ ផ្តល់អាទិភាពដល់សុខភាពផ្លូវចិត្ត និងកំណត់ស្តង់ដារការងារថ្មី។គោលការណ៍នេះឆ្លុះបញ្ចាំងពីការផ្លាស់ប្តូរឆ្ពោះទៅរកវប្បធម៌សាជីវកម្មដែលមានសុខភាពល្អជាងមុន ដោយសង្កត់ធ្ងន់លើសេរីភាព សេចក្តីស្រឡាញ់ និងការគោរពចំពោះសុភមង្គលរបស់បុគ្គលិក។ ក្រោមការដឹកនាំរបស់ Yu Pang Dong Lai ក៏អនុវត្តប្រព័ន្ធបញ្ជាក់កម្រិតការងារផងដែរ ក្នុងគោលបំណងផ្តល់រង្វាន់ដល់សមត្ថភាពវិជ្ជាជីវៈដោយមិនគិតពីមុខតំណែងការងារ។ ប្រតិកម្មប្រព័ន្ធផ្សព្វផ្សាយសង្គមមានភាពវិជ្ជមានច្រើនលើសលប់ ដោយអ្នកប្រើប្រាស់សរសើរវិធីសាស្រ្ត រីកចម្រើនរបស់ក្រុមហ៊ុន និងបង្ហាញពីបំណងប្រាថ្នាចង់ធ្វើការក្នុងបរិយាកាសបែបនេះ។ គោលជំហររបស់លោក Yu ប្រឆាំងនឹងម៉ោងធ្វើការយូរ ស្របនឹងមនោសញ្ចេតនាដែលកំពុងកើនឡើង ក្នុងចំណោមកម្មករចិន ដោយបង្ហាញពីតម្រូវការសម្រាប់ការព្យាបាលប្រកបដោយសីលធម៌ និង ការគោរពចំពោះជីវិតផ្ទាល់ខ្លួនរបស់បុគ្គលិក៕

(វ៉ាស៊ីនតោន)៖ រដ្ឋាភិបាលសហរដ្ឋអាមេរិកបានហាមឃាត់បុគ្គលិករដ្ឋាភិបាលអាមេរិកនៅក្នុងប្រទេសចិន ក៏ដូចជាសមាជិកគ្រួសារ និងបុគ្គលិកការងារទាក់ទងនឹងផ្នែក មិនឱ្យមានទំនាក់ទំនងស្នេហា ឬទំនាក់ទំនងផ្លូវភេទ ជាមួយពលរដ្ឋចិននោះទេ នេះបើតាមសារព័ត៌មាន Associated Press ។មនុស្ស 4 នាក់ដែលមានចំណេះដឹងផ្ទាល់អំពីបញ្ហានេះបានប្រាប់ AP អំពីគោលនយោបាយដែល ត្រូវ បានដាក់ឱ្យចូលជាធរមាន មុនឯកអគ្គរដ្ឋទូតសហរដ្ឋអាមេរិក Nicholas Burns ពេលចាកចេញពីប្រទេស ចិន កាលពីខែមករា។ ប្រជាជននឹងនិយាយតែក្នុងលក្ខខណ្ឌអនាមិកប៉ុណ្ណោះ ដើម្បីពិភាក្សាលម្អិតអំពីការណែនាំថ្មីសម្ងាត់។ទោះបីជាទីភ្នាក់ងារមួយចំនួនរបស់សហរដ្ឋអាមេរិកមានច្បាប់តឹងរ៉ឹងរួច ហើយលើទំនាក់ទំនង បែបនេះក៏ ដោយ ក៏គោលនយោបាយ "មិនភាតរភាព" ដូចដែលគេដឹងនោះ ត្រូវបានគេដឹងជាសាធារណៈ ចាប់តាំង ពីសង្គ្រាមត្រជាក់មកម្ល៉េះ។វាមិនមែនជារឿងចម្លែកទេដែលអ្នកការទូតអាមេរិក នៅក្នុងប្រទេសផ្សេងទៀត មានទំនាក់ទំនងស្នេហាជាមួយប្រជាជនក្នុងស្រុក ហើយថែមទាំងរៀបការជាមួយពួកគេទៀត។កំណែដែលមានកម្រិតបន្ថែមទៀតនៃគោលនយោបាយត្រូវបានអនុម័តកាលពីរដូវក្តៅមុន ដែលហាមឃាត់បុគ្គលិកអាមេរិក មិនឱ្យមាន"ទំនាក់ទំនងស្នេហា និងទំនាក់ទំណងផ្លូវភេទ" ជាមួយ ពលរដ្ឋចិនដែលធ្វើការជាឆ្មាំ និងបុគ្គលិកជំនួយផ្សេងទៀតនៅស្ថានទូតអាមេរិក និងស្ថានកុងស៊ុល ចំនួនប្រាំនៅក្នុងប្រទេសចិន។ ប៉ុន្តែលោក Burns ដែលជាឯកអគ្គរដ្ឋទូតដែលចាកចេញនោះ បានពង្រីកវា ទៅជាការហាមប្រាមលើទំនាក់ទំនងបែបនេះ ជាមួយពលរដ្ឋចិន នៅក្នុងប្រទេសចិន ក្នុងខែមករា ប៉ុន្មានថ្ងៃមុនពេលលោកប្រធានាធិបតី Donald Trump ចូលកាន់តំណែង។ AP មិន​អាច​កំណត់​យ៉ាង​ច្បាស់​ថា ​តើ​គោលការណ៍​នេះ​បាន​កំណត់​ឃ្លា​ថា «​ទំនាក់ទំនង​ស្នេហា​ឬ​ផ្លូវ​ភេទ​ដោយ​របៀប​ណានោះទេ​»។មនុស្សពីរនាក់ដែលមានចំណេះដឹងអំពីការហាមឃាត់បានប្រាប់ AP ថា គោលការណ៍ថ្មីត្រូវបានពិភាក្សា ជាលើកដំបូងកាលពីរដូវក្តៅមុនបន្ទាប់ពីសមាជិកសភាបានទាក់ទងទៅលោក Burns ដើម្បីបង្ហាញ ពីការព្រួយបារម្ភថាការរឹតបន្តឹងលើទំនាក់ទំនងបែបនេះ មិនមានភាពតឹងរ៉ឹងគ្រប់គ្រាន់។ គណៈកម្មាធិការជ្រើសរើសសភានៃបក្សកុម្មុយនិស្តចិនមិនបានឆ្លើយតបទៅនឹងសំណើសុំការអត្ថាធិប្បាយទេ។គោលនយោបាយថ្មីនេះគ្របដណ្តប់បេសកកម្មរបស់សហរដ្ឋអាមេរិកនៅក្នុងប្រទេសចិនដីគោក រួមទាំង ស្ថានទូតនៅទីក្រុងប៉េកាំង និងស្ថានកុងស៊ុលនៅទីក្រុងក្វាងចូវ សៀងហៃ សេនយ៉ាង និងវូហាន ព្រម ទាំងស្ថានកុងស៊ុលអាមេរិកនៅក្នុងដែនដីពាក់កណ្តាលស្វយ័តនៃទីក្រុងហុងកុងផងដែរ។ វាមិនអនុវត្តចំពោះបុគ្គលិកអាមេរិកដែលឈរជើងនៅខាងក្រៅប្រទេសចិនទេ។ការលើកលែងតែមួយគត់ចំពោះគោលនយោបាយគឺបុគ្គលិកអាមេរិកដែលមានទំនាក់ទំនងពីមុនជាមួយពលរដ្ឋចិន។ ពួកគេអាចស្នើសុំការលើកលែង។ ប្រជាពលរដ្ឋបាននិយាយថា ប្រសិនបើការលើកលែង ត្រូវបានបដិសេធ ពួកគេត្រូវតែបញ្ចប់ទំនាក់ទំនង ឬចាកចេញពីតំណែងរបស់ពួកគេ។ អ្នក​ណា​ដែល​បំពាន​គោល​នយោបាយ​នឹង​ត្រូវ​បញ្ជា​ឱ្យ​ចាក​ចេញ​ពី​ប្រទេស​ចិន​ជា​បន្ទាន់៕

(អន្តរជាតិ)៖ ប្រទេសចិនបានប្ដេជ្ញាថានឹងវាយបកវិញ បន្ទាប់ពីប្រធានាធិបតី Donald Trump បាន ប្រកាសពន្ធថ្មី លើការនាំចេញរបស់ខ្លួនទៅកាន់សហរដ្ឋអាមេរិក។លោក Trump បានបង្ហាញពន្ធចំនួន 54% លើការនាំចូលរបស់ចិនទាំងអស់ ទៅកាន់សហរដ្ឋអាមេរិក កាលពីថ្ងៃពុធ ក្នុងការផ្លាស់ប្តូរមួយដែលបានត្រៀមខ្លួន ដើម្បីជំរុញការកំណត់ឡើងវិញដ៏សំខាន់នៃ ទំនាក់ទំនង និងបង្កើនសង្គ្រាមពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរ។ក្រសួងពាណិជ្ជកម្មចិនបាននិយាយនៅក្នុងសេចក្តីថ្លែងការណ៍មួយនៅព្រឹកថ្ងៃព្រហស្បតិ៍ថា "ប្រទេសចិន ប្រឆាំងយ៉ាងម៉ឺងម៉ាត់ចំពោះរឿងនេះ ហើយនឹងចាត់វិធានការតបតយ៉ាងម៉ឺងម៉ាត់ដើម្បីការពារសិទ្ធិ និងផលប្រយោជន៍ផ្ទាល់ខ្លួន" ។ក្រសួងបានថ្កោលទោសទង្វើដែលឈរជាចំណុចកណ្តាល ក្នុងកិច្ចខិតខំប្រឹងប្រែងរបស់លោក Trump ក្នុងការកែប្រែច្បាប់នៃពាណិជ្ជកម្មអន្តរជាតិជា "ការអនុវត្តការគំរាមកំហែងឯកតោភាគីធម្មតា" ខណៈ ពេល ដែលជំរុញឱ្យសហរដ្ឋអាមេរិកលុបចោលពន្ធគយ និង "ដោះស្រាយភាពខុសគ្នាឱ្យបានត្រឹមត្រូវ ជាមួយដៃគូពាណិជ្ជកម្មតាមរយៈការសន្ទនាស្មើគ្នា" ។សេចក្តីថ្លែងការណ៍បាននិយាយថា "សហរដ្ឋអាមេរិកបានទាញអ្វីដែលគេហៅថា "ពន្ធទៅវិញទៅមក" ដោយផ្អែកលើការវាយតម្លៃជាប្រធានបទ និងឯកតោភាគី ដែលមិនស្របតាមច្បាប់ពាណិជ្ជកម្មអន្តរជាតិ និងធ្វើឱ្យខូចខាតយ៉ាងធ្ងន់ធ្ងរដល់សិទ្ធិ និងផលប្រយោជន៍ស្របច្បាប់របស់ភាគីពាក់ព័ន្ធ" ។ការប្រកាសរបស់លោក Trump បានបន្ថែមពន្ធ 34% ដែលគេហៅថា "ទៅវិញទៅមក" ទៅនឹងពន្ធ​ដែលមានស្រាប់ 20% លើការនាំចូលរបស់ចិនទាំងអស់ទៅកាន់សហរដ្ឋអាមេរិក។ ចាប់តាំងពីការវិលត្រឡប់មកកាន់អំណាចក្នុងខែមករា លោក Trump បានយកពន្ធចំនួន 2 រួចហើយនៃ ពន្ធបន្ថែម 10% លើការនាំចូលរបស់ចិនទាំងអស់ ដែលសេតវិមានបាននិយាយថា ជាការចាំបាច់ដើម្បី ទប់ស្កាត់លំហូរនៃសារធាតុ fentanyl ខុសច្បាប់ពីប្រទេសទៅកាន់សហរដ្ឋអាមេរិក។ដើម្បីកាត់បន្ថយពន្ធដែលមានស្រាប់ ក្រុមហ៊ុនចិនមួយចំនួនបានផ្លាស់ប្តូរផលិតកម្មទៅកាន់ប្រទេសអាស៊ី ផ្សេងទៀត។ ប៉ុន្តែពន្ធថ្មីរបស់លោក Trump លើប្រជាជាតិអាស៊ីផ្សេងទៀត ដែលបានប្រកាស នឹងធ្វើឱ្យប៉ះពាល់ដល់ដៃគូប្រទេសចិន ដែលវៀតណាមនឹងប្រឈមមុខនឹងការយកពន្ធចំនួន 46% ហើយទំនិញកម្ពុជានឹងត្រូវយកពន្ធចំនួន 49% ។លោក Trump បាននិយាយក្នុងអំឡុងពេលសុន្ទរកថារយៈពេលប្រហែលមួយ ម៉ោងរបស់គាត់ ថា "ខ្ញុំមានការគោរពយ៉ាងខ្លាំងចំពោះប្រធានាធិបតី Xi (Jinping) នៃប្រទេសចិន ការគោរពយ៉ាងខ្លាំងចំពោះ ប្រទេសចិន ប៉ុន្តែពួកគេបានទាញយកផលប្រយោជន៍យ៉ាងច្រើនពីយើង៕ 

(កណ្តាល)៖ នៅព្រឹកថ្ងៃព្រហស្បតិ៍ ទី៣ ខែមេសា ឆ្នាំ២០២៥នេះ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបសំណេះសំណាល និងសួរសុខទុក្ខនាយទាហាន នាយទាហានរង ពលទាហាននៅបញ្ជាការដ្ឋានអង្គរក្ស ក្រុងតាខ្មៅ ខេត្តកណ្តាលមុនពេលឱកាសពិធីបុណ្យចូលឆ្នាំប្រពៃណីជាតិខ្មែរដែលនឹងខិតជិតចូលមកដល់នាពេលខាងមុខនេះ។ពិធីជួបសំណេះសំណាលនេះ ក៏មានការអញ្ជើញចូលរួមជាសហអធិបតីពី ឯកឧត្តមនាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង អគ្គមេបញ្ជាការរងនៃកងយោធពលខេមរ ភូមិន្ទ (ខ.ភ.ម.) និងជាមេបញ្ជាការ បញ្ជាការដ្ឋានអង្គរក្ស ផងដែរ។ ក្នុងឱកាសនោះ ឯកឧត្តម ហេង សួរ បានពាំនាំផ្តាំផ្ញើការសួរសុខទុក្ខពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ជូនចំពោះនាយទាហានជាន់ខ្ពស់ នាយទាហាន នាយទាហានរង និងពលទាហានគ្រប់រូប ដែលកំពុងបំពេញកិច្ចការនៅក្នុងបញ្ជាការដ្ឋានអង្គរក្ស។តាងនាមថ្នាក់ដឹកនាំ និងមន្ត្រីនៃក្រសួងការងារ និងបណ្ដុះបណ្ដាលវិជ្ជាជីវៈ ឯកឧត្តមរដ្ឋមន្ត្រី បានបញ្ជាក់នូវការចងចាំជានិច្ច និងសូមអរគុណយ៉ាងខ្លាំងដល់នាយទាហាន នាយទាហានរង ពលទាហាននៅបញ្ជាការដ្ឋានអង្គរក្ស ក្នុងការលះបង់ទាំងពេលវេលា កម្លាំងកាយ មនោសញ្ចេតនាជាមួយក្រុមគ្រួសារ ដើម្បីបំពេញបេសកកម្មការពារសុខសុវត្ថិភាព ជូនថ្នាក់ដឹកនាំ ប្រជាពលរដ្ឋ និងសង្គមជាតិ។ ក្នុងន័យនេះ ឯកឧត្តមរដ្ឋមន្ត្រី សូមគាំទ្រ និងកោតសរសើរចំពោះការប្តេជ្ញាចិត្ត និងទិសស្លោករបស់បញ្ជាការដ្ឋានអង្គរក្ស គឺ «ស្មោះត្រង់ ការពារ និងបម្រើ» ដែលពិតជាមានសារសំខាន់ណាស់ក្នុងការកំណត់យ៉ាងច្បាស់នូវគោលដៅ ភារកិច្ច និងការបំពេញបេសកកម្ម ឱ្យបានទាន់ពេលវេលា គ្រប់ពេលវេលា ដើម្បីការពារសុវត្ថិភាពជូនថ្នាក់ដឹកនាំ ក្នុងការថែរក្សាការពារសន្តិភាពពេញលេញ និងការអភិវឌ្ឍដូចសព្វថ្ងៃនេះ ជាពិសេសការពារបូរណភាពទឹកដី អធិបតេយ្យភាពជាតិ។ ដើម្បីបន្តរឹតចំណងមិត្តភាពកាន់តែខ្លាំង ឯកឧត្តមរដ្ឋមន្ត្រី បានប្រកាសចងសម្ព័ន្ធមេត្រីភាពរវាងក្រសួងការងារ និងបណ្ដុះបណ្ដាលវិជ្ជាជីវៈ ជាមួយបញ្ជាការដ្ឋានអង្គរក្ស ដោយនឹងមានការរៀបចំពិធីជួបសំណេះសំណាលចំនួន ២ដង ក្នុងមួយឆ្នាំ ជាមួយកងកម្លាំងបញ្ជាការដ្ឋានអង្គរក្សគឺនៅក្នុងឱកាសបុណ្យចូលឆ្នាំប្រពៃណីជាតិខ្មែរ និងឱកាសពិធីបុណ្យភ្ជុំបិណ្ឌ។ ក្នុងឱកាសនោះ ឯកឧត្តម ហេង សួរ បានប្រគល់អំណោយជូនដល់បញ្ជាការដ្ឋានអង្គរក្ស រួមមាន អង្ករ មី ត្រីខ ទឹកត្រី ទឹកស៊ីអ៉ីវ ភេសជ្ជៈ និងថវិកា ផងដែរ៕

(ភ្នំពេញ)៖ នៅរសៀលថ្ងៃទី២ ខែមេសា ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបគណៈប្រតិភូនៃទីភ្នាក់ងារអភិវឌ្ឍន៍បារាំង (AFD) ដឹកនាំដោយលោកស្រី Sandrine Boucher នាយិកាទីភ្នាក់ងារបារាំងសម្រាប់អភិវឌ្ឍន៍ប្រចាំកម្ពុជា។ ជំនួបដែលប្រព្រឹត្តទៅនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ ផ្តោតសំខាន់លើកិច្ចសហប្រតិបត្តិការលើការបណ្តុះបណ្តាលជំនាញបច្ចេកទេស និងវិជ្ជាជីវៈនៅកម្ពុជា។ នៅក្នុងកិច្ចពិភាក្សានេះ ឯកឧត្តមរដ្ឋមន្រ្តី បានគូសបញ្ជាក់ពីសារសំខាន់នៃកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ ដែលជាគោលនយោបាយអភិវឌ្ឍន៍មូលធនមនុស្សនៅកម្ពុជាស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជាអាណត្តិទី៧។ ទន្ទឹមនេះ រាជរដ្ឋាភិបាលកម្ពុជាបាននិងកំពុងយកចិត្តទុកដាកក្នុងការធ្វើពិពិធកម្មវិស័យឧស្សាហកម្មនៅកម្ពុជា តាមរយៈការពង្រឹងកម្លាំងជំនាញឱ្យកាន់តែច្រើននៅក្នុងស្រុកបន្ថែមទៀត។ ឯកឧត្តមរដ្ឋមន្រ្តី បានលើកឡើងថា ទីភ្នាក់ងារបារាំងសម្រាប់អភិវឌ្ឍន៍(AFD) បាននិងកំពុងចូលរួមជាមួយរាជរដ្ឋាភិបាលកម្ពុជា ក្នុងការបណ្តុះបណ្តាលកម្លាំងជំនាញនៅប្រទេសកម្ពុជា ដើម្បីសម្រេចគោលដៅប្រែក្លាយប្រទេសកម្ពុជា ជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០។ ទន្ទឹមនឹងនេះ ឯកឧត្តមរដ្ឋមន្រ្តីបានសង្កត់ធ្ងន់ថា កិច្ចសហប្រតិបត្តិការរវាងភាគីទាំងពីរគឺមានសារសំខាន់ណាស់ក្នុងការឆ្លើយតបទៅនឹងបញ្ហាប្រឈមដែលនឹងកើតឡើងនៅពេលអនាគតពាក់ព័ន្ធនឹងការប្រកួតប្រជែងជាអន្តរជាតិនៃទីផ្សារការងារ និងកម្លាំងជំនាញ។ ឯកឧត្តមរដ្ឋមន្រ្តី បានវាយតម្លៃខ្ពស់ចំពោះទីភ្នាក់ងារអភិវឌ្ឍន៍បារាំងដែលកំពុងផ្តល់នូវកិច្ចសហការបណ្តុះបណ្តាលជំនាញនៅកម្ពុជា ដោយសង្ឃឹមយ៉ាងមុតមាំថាភាគីទាំងពីរនឹងខិតខំស្វែងរកកិច្ចសហការថ្មីៗបន្ថែមទៀតដើម្បីពង្រីកកម្លាំងជំនាញនៅកម្ពុជាឱ្យកាន់តែប្រសើរឡើងដើម្បីជំរុញសេដ្ឋកិច្ចជាតិ។ ជាការឆ្លើយតប លោកស្រី Sandrine Boucher បានគូសបញ្ជាក់ថា ការផ្តល់ការគាំទ្រដល់កម្ពុជាដើម្បីអភិវឌ្ឍន៍កម្លាំងជំនាញ គឺជាវត្ថុបំណងដ៏ចម្បងមួយរបស់ទីភ្នាក់ងារបារាំងសម្រាប់អភិវឌ្ឍន៍ជាមួយរដ្ឋាភិបាលកម្ពុជា ដោយ AFD បាននិងកំពុងបន្តកិច្ចសហការជាមួយបណ្តាភាគីពាក់ព័ន្ធជាច្រើនឆ្នាំមកហើយ។ លោកស្រីគូសបញ្ជាក់ថា ទីភ្នាក់ងារបារាំងសម្រាប់អភិវឌ្ឍន៍នឹងបន្តកិច្ចសហការយ៉ាងរឹងមាំជាមួយរាជរដ្ឋាភិបាលកម្ពុជាក្នុងការដោះស្រាយបញ្ហាប្រឈមសម្រាប់ពេលអនាគត និងពង្រឹងកិច្ចសហប្រតិបត្តិការលើការអភិវឌ្ឍកម្លាំងជំនាញនៅកម្ពុជា ដើម្បីជំរុញកំណើនសេដ្ឋកិច្ច ដើម្បីសម្រេចគោលដៅ និងឆន្ទៈរបស់រាជរដ្ឋាភិបាលកម្ពុជា៕

(កំពង់ចាម)៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍អំពីតួនាទី និងភារកិច្ចរបស់មន្ត្រីកងកម្លាំង នៅពេលដែលគ្រងឯកសណ្ឋានហើយ គឺមិនមែនជាម្ចាស់របស់ប្រជាពលរដ្ឋនោះទេ ហើយក៏មិនមែនជាអ្នកបញ្ជា ពោលគឺជាអ្នកបំរើប្រជាពលរដ្ឋ ថែរក្សាសេចក្តីសុខ ប្រកបដោយការទទួលខុសត្រូវ រហូតចប់ម៉ោងធ្វើការ។ ស្របនឹងឱកាសបុណ្យចូលឆ្នាំថ្មីប្រពៃណីជាតិខ្មែរ ជិតឈានចូលមកដល់ប្រមុខក្រសួងមហាផ្ទៃ ក៏បានណែនាំដល់ថ្នាក់ដឹកនាំខេត្តទាំងអស់មិនអាចសម្រាកបានទេ ត្រូវចូលថែរក្សាការពារប្រជាពលរដ្ឋរាប់លាននាក់ ដែលឆ្លងកាត់ខេត្តរបស់ខ្លួន។ ឯកឧត្តមបានបន្តទៀតថា ជាក់ស្តែងគិតត្រឹមម៉ោងនេះ នៅច្រកព្រំដែនអន្តរជាតិកម្ពុជា-ថៃ ពលរដ្ឋមួយចំនួនកំពុងធ្វើដំណើរវិលត្រឡប់ ដើម្បីអបអរពិធីបុណ្យជាតិដ៏ធំ ដែលជាប្រពៃណីទំនៀមទម្លាប់ខ្មែរ និងទាមទាឱ្យថ្នាក់ដឹកនាំទាំងអស់ចូលរួមបំរើសេវាមួយនេះឱ្យបានរលូន។ ក្នុងនាមរាជរដ្ឋាភិបាល និងក្នុងនាមក្រសួងមហាផ្ទៃ ឯកឧត្តមអភិសន្តិបណ្ឌិត បានថ្លែងអំណរគុណ គណៈបញ្ជាការឯកភាពខេត្ត មន្ត្រីនគរបាល កងរាជអាវុធហត្ថខេត្ត ក្នុងការលះបង់អស់កម្លាំងកាយចិត្ត ក្នុងការថែរក្សាសុវត្ថិភាពជូនប្រជាពលរដ្ឋ និងការពារនូវសមិទ្ធផលដែលសម្រេចបានគ្រប់កាលៈទេសៈ ក្រោមការចង្អុលបង្ហាញរបស់រាជរដ្ឋាភិបាល។ ដើម្បីជាការតបស្នងចំពោះការខិតខំប្រឹងប្រែងប្រមុខក្រសួងមហាផ្ទៃ ក៏បានគូសបញ្ជាក់ថា រាជរដ្ឋាភិបាលបានជំរុញ និងអនុវត្តវិធានការគន្លឹះជាច្រើនអាទិភាព ព្រមទាំងដាក់ចេញនូវយុទ្ធសាស្ត្របញ្ចកោណដំណាក់កាលទី១ ក្នុងន័យជំរុញការអភិវឌ្ឍសេដ្ឋកិច្ចសង្គម ដើម្បីឈានទៅសម្រេចឱ្យបាននូវចក្ខុវិស័យ កម្ពុជាឆ្នាំ២០៥០ ឱ្យក្លាយទៅជាប្រទេសកំពុងអភិវឌ្ឍ។ការថ្លែងបែបនេះក្នុងឱកាសដែលឯកឧត្តមអភិសន្តិបណ្ឌិត អញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការនូវអគារ ១ខ្នង កម្ពស់២ជាន់ ទំហំ ២៤ម៉ែត្រx១០ម៉ែត្រ ស្មើ ១៤បន្ទប់ សមិទ្ធផលនានា និងសំណេះសំណាលជាមួយកងកម្លាំងនគរបាលជាតិ នៃស្នងការដ្ឋាននគរបាលខេត្តកំពង់ចាម៕