(ខេត្តពោធិ៍សាត់)៖ នាព្រឹកថ្ងៃទី ២២ ខែមេសា ឆ្នាំ២០២៥ ក្រុមហ៊ុន អ អិម អេ (ខេមបូឌា) ម.ក បានសម្ពោធដាក់ឱ្យដំណើរការជាផ្លូវការនូវខ្សែចង្វាក់ផលិតកម្មថ្មី និងរោងចក្រដំឡើងគ្រឿងបង្គុំរថយន្តហ្វដ នៅស្រុកក្រគរ ខេត្តពោធិ៍សាត់ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ព្រមទាំងវត្តមានរបស់ថ្នាក់ដឹកនាំក្រសួង­ស្ថាប័នពាក់ព័ន្ធ ឯកអគ្គរាជទូត ឯកអគ្គរដ្ឋទូត ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ភ្ញៀវកិត្តិយសជាតិ និងអន្តរជាតិ។​ការវិនិយោគដ៏ធំមួយនេះ បានចាប់ផ្តើមលើកដំបូងពីការសាងសង់រោងចក្រដំឡើងរថយន្តហ្វដ នៅលើ​ផ្ទៃដីសរុបប្រមាណជាង ៥ ហិកតា ជាមួយនឹងទុនវិនិយោគដំបូងចំនួន ២១ លានដុល្លារ​​អាមេរិក សម្រាប់កម្រិត Complete Knock-Down (CKD)  កាលពីឆ្នាំ ២០២២ ។ ថ្មីៗនេះ​ ក្រុមហ៊ុនបាន​បន្ថែម​ទុនវិនិយោគរហូតដល់ ២៦,៨ លានដុល្លារសហរដ្ឋអាមេរិក សម្រាប់ការសាងសង់រោងចក្រដំឡើងគ្រឿងបង្គុំ និង​ធ្វើ​ទំនើប​កម្ម​លើខ្សែ​ចង្វាក់​ផលិតកម្ម​ថ្មី កម្រិត Incomplete Knock-Down (IKD-1) ​ដោយ​ពង្រី​ក​ផ្ទៃដី​សរុប​រហូត​ដល់​​ ១២ ហិកតា ​មានសមត្ថភាពផលិតរថយន្តប្រមាណជាង ១០,០០០ គ្រឿងក្នុងមួយឆ្នាំ។ ជាមោទនភាពដ៏ធំមួយទៀតក្នុងឆ្នាំ ២០២៥ របស់ Ford Cambodia គឺការទទួលស្គាល់ជាអន្តរជាតិលើលេខតួរថយន្តផលិតនៅកម្ពុជា Made In Cambodia ដោយប្រជាជនកម្ពុជា ពីសមាគមវិស្វករយានយន្ត (Society of Automotive Engineer – SAE International)។​ ក្រុមហ៊ុនបានដំឡើងរថយន្តចំនួន ៧,៤៩២ គ្រឿង រួចមកហើយចាប់តាំងពីឆ្នាំ២០២២ រហូតមកទល់ខែមេសា ឆ្នាំ២០២៥នេះ។ ប្រភេទរថយន្តទាំងនោះរួមមាន៖ រថយន្ត Ford Ranger Pick Up (ម៉ូឌែល​ Wildtrak, XLT, XL) និងប្រភេទរថយន្ត Ford SUV (ម៉ូឌែល Ford Everest Titanium, Ford Everest Sport និង Ford Territory)។ ថ្លែងក្នុងឱកាសនោះ សម្តេចធិបតី ហ៊ុន​ ម៉ាណែត បានកោតសរសើរ និងវាយតម្លៃខ្ពស់ចំពោះក្រុមហ៊ុន អ អិម អេ គ្រុប ដែលបានទុកចិត្ត និងជ្រើសរើស​យកប្រទេសកម្ពុជាជាទីតាំងវិនិយោគក្នុងវិស័យឧស្សាហកម្មដំឡើងរថយន្ត និងបានឈានដល់ការដាក់ឱ្យដំណើរការខ្សែចង្វាក់ផលិតកម្មថ្មី និងរោងចក្រដំឡើងគ្រឿងបង្គុំរថយន្តហ្វដ ដើម្បីចែកចាយនៅលើទីផ្សារកម្ពុជា។​​ សម្តេចនាយករដ្ឋមន្រ្តីក៏បានគូសរំលេចផងដែរ អំពីវត្តមានរបស់ឧស្សាហកម្មធុនធ្ងន់ដ៏ទំនើបរបស់ក្រុមហ៊ុនខ្នាតយក្សមួយនេះ ដែលបានរួមចំណែកដល់ការអភិវឌ្ឍធនធានមនុស្ស ការផ្ទេរចំណេះដឹង និងបច្ចេកវិទ្យាតាមរយៈការអនុវត្តការងារផ្ទាល់នៅក្នុងខ្សែចង្វាក់ផលិតកម្ម និងជំរុញដល់កំណើនសេដ្ឋកិច្ចរបស់កម្ពុជា។​ លោក Kevin Whitcraft ប្រធានក្រុមហ៊ុន អ អិម អេ គ្រុប បានលើកឡើងថា «ភាពជោគជ័យរបស់ក្រុមហ៊ុន អ អិម អេ គឺជាការឆ្លុះបញ្ចាំងពីភាពជោគជ័យរបស់ព្រះរាជាណាចក្រកម្ពុជាក្នុងរយៈពេល ៣០ឆ្នាំ ជាងកន្លងមកនេះ ដែលផ្តើមចេញពីការផ្គត់ផ្គង់ផលិតផលដែលមានគុណភាពខ្ពស់ ក៏ដូចជាការខិតខំប្រឹងប្រែងយ៉ាងស្វិតស្វាញរបស់បុគ្គលិក បូករួមជាមួយនឹងស្ថេរភាពនយោបាយ និងសេដ្ឋកិច្ចសេរីដែលបាន និងរីកចម្រើននៅប្រទេសកម្ពុជា។ ការរួបរួមគ្នា គឺជាការចាប់ផ្តើម ការដែលយើងបន្តនៅជាមួយគ្នា គឺជាវឌ្ឍនភាព ហើយការដែលយើងនៅតែបន្តធ្វើការជាមួយគ្នា គឺជាភាពជោគជ័យ។» ​ឆ្លៀតក្នុងឱកាសនោះ លោកក៏បានធ្វើការថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជាដែលបានបន្តយកចិត្តទុកដាក់ និងបានដាក់ចេញនូវគោលនយោបាយគាំទ្រវិស័យយានយន្តកម្ពុជាឱ្យមានភាពរីកចម្រើន និងគាំទ្រយ៉ាងពេញទំហឹងដល់ការវិនិយោគរបស់វិស័យឯកជនលើការបង្កើតរោងចក្រដំឡើងរថយន្តនៅកម្ពុជា។ អំពីក្រុមហ៊ុន អ អិម អេ (ខេមបូឌា) ម.ក.ក្រុមហ៊ុន អ អិម អេ (ខេមបូឌា) ម.ក. មានវត្តមាននៅក្នុងព្រះរាជាណាចក្រកម្ពុជាអស់រយៈពេល ៣៣ ឆ្នាំ មកហើយចាប់តាំងពីឆ្នាំ១៩៩២ ដែលជាក្រុមហ៊ុនឈានមុខគេក្នុងការផ្គត់ផ្គង់នូវសេវាកម្មផលិតផលល្បីៗលើពិភពលោក សម្រាប់សហគ្រាសពាណិជ្ជកម្ម និងសហគ្រាសមិនមែនពាណិជ្ជកម្មមានដូចជា៖ វិស័យយានយន្ត កសិកម្ម ហេដ្ឋារចនាសម័្ពន្ធ ដំណោះស្រាយក្នុងឃ្លាំង សេវាកម្មភតិសន្យាហិរញ្ញវត្ថុ សេវាកម្មជួលរថយន្ត និងឧស្សាហកម្មចំណីអាហារ។ល។ ក្រុមហ៊ុន អ អិម អេ ខេមបូឌា គឺជាក្រុមហ៊ុនដែលនាំចូល និងចែកចាយផ្តាច់មុខនូវផលិតផលម៉ាកល្បីៗជាច្រើនដូចជា រថយន្តហ្វដ (Ford) ដែលទទួលបានចំណាត់ថ្នាក់លេខ ១ ក្នុងចំណោមទីផ្សាររថយន្តនៅកម្ពុជាអស់រយៈពេល ៦ ឆ្នាំ ជាប់ៗគ្នាចាប់ពីឆ្នាំ២០១៩ រហូតមកដល់ពេលបច្ចុប្បន្ន ក្រៅពីនេះក៏មានរថយន្ត Land Rover, Jeep, RAM, Peugeot រថយន្ត ChangAn រថយន្តអគ្គិសនី Deepal សេវាកម្មជួលជុល និងថែទាំរថយន្ត Mercedes-Benz គ្រឿងចក្រធុនធ្ងន់ម៉ាកជេស៊ីប៊ី (JCB) គ្រឿងយន្តកសិកម្មចនឌារ (John Deere) រថយន្តដឹកទំនិញ FUSO រថយន្តផលិត និងក្រឡុកបេតុង AJAX ម៉ាស៊ីនលើកដាក់ទំនិញម៉ាកTCM ឧបករណ៍សម្អាត​ Hako កង់បីព្យាចូ (Piaggio) អាគុយ RB ថ្នាំពណ៌ RM និងផលិតផលជាច្រើនទៀតផងដែរ៕

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អញ្ជើញចុះហត្ថលេខាលើឯកសារចំនួន ៣ ជាមួយភាគីថៃ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ផែថងថាន ស៊ីណាវ៉ាត្រ (Paetongtarn Shinawatra) នាយករដ្ឋមន្ត្រី នៃព្រះរាជាណាចក្រថៃ។ ឯកសារចំនួន ៣ ដែលត្រូវបានចុះហត្ថលេខា នៅវិមានសន្តិភាព រាជធានីភ្នំពេញ នាព្រឹកថ្ងៃទី២៣ ខែមេសា ឆ្នាំ២០២៥នេះ រួមមាន៖ ១. លិខិតប្តូរសារ ស្តីពី គម្រោងពង្រឹងសមត្ថភាពវិទ្យាស្ថានអភិវឌ្ឍន៍មុខជំនាញកម្ពុជា-ថៃ ដែលចុះហត្ថលេខារវាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាមួយ ឯកឧត្តម ម៉ារីត សាងៀមផុង្ស រដ្ឋមន្ត្រីការបរទេសនៃព្រះរាជាណាចក្រថៃ។ ២. អនុស្សរណៈនៃការយោគយល់គ្នា រវាងរាជរដ្ឋាភិបាលនៃព្រះរាជាណាចក្រកម្ពុជា និងរាជរដ្ឋាភិបាលនៃព្រះរាជាណាចក្រថៃ ស្តីពី កិច្ចសហប្រតិបត្តិការលើវិស័យការងារ ដែលចុះហត្ថលេខារវាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាមួយ ឯកឧត្តម Phiphat Ratchakitprakarn រដ្ឋមន្ត្រីក្រសួងការងារនៃព្រះរាជាណាចក្រថៃ។ ៣. កិច្ចព្រមព្រៀង ស្តីពី ការប្រើប្រាស់កម្លាំងពលកម្ម រវាងរាជរដ្ឋាភិបាលនៃព្រះរាជាណាចក្រកម្ពុជា និងរាជរដ្ឋាភិបាលនៃព្រះរាជាណាចក្រថៃ ដែលចុះហត្ថលេខារវាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាមួយ ឯកឧត្តម Phiphat Ratchakitprakarn រដ្ឋមន្ត្រីក្រសួងការងារនៃព្រះរាជាណាចក្រថៃ៕

(អន្តរជាតិ)៖ លោកស្រីផែថុងថាន ស៊ីណាវ៉ាត់ត្រា ដែលមានឈ្មោះហៅក្រៅថា អ៊ីងអ៊ីង កើតថ្ងៃទី 21 ខែសីហា ឆ្នាំ 1986 នៅទីក្រុងបាងកក ប្រទេសថៃ គឺជាអ្នកជំនួញ និងជាអ្នកនយោបាយថៃ ដែលបម្រើ ការជានាយករដ្ឋមន្ត្រីទី 31 របស់ប្រទេសថៃ ក្នុងឆ្នាំ2024។ លោកស្រី គឺជាកូនស្រីរបស់អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា និងជាស្ត្រីទីពីរដែលកាន់តំណែង បន្តបន្ទាប់ ម្តាយមីងគឺលោកស្រីយីងឡាក់ ស៊ីណាវ៉ាត្រា។Paetongtarn កើតក្នុងគ្រួសារពាណិជ្ជករអ្នកមានដើមកំណើតចិន ដែលបានតាំងទីលំនៅ ក្នុងតំបន់ ឈៀងម៉ៃ ហើយក្រោយមកបានលេចធ្លោក្នុងវិស័យនយោបាយ និងវិស័យពាណិជ្ជកម្មផ្សេងៗ រួមទាំងទូរគមនាគមន៍ អចលនទ្រព្យ និងបដិសណ្ឋារកិច្ច។ ឪពុករបស់នាងគឺលោកថាក់ស៊ីន ស៊ីណាវ៉ាត្រា ដែលត្រូវបានបណ្តេញចេញពីតំណែងនាយករដ្ឋមន្ត្រីនៅក្នុងរដ្ឋប្រហារយោធាឆ្នាំ 2006 ហើយក្រោយមក បានចូលទៅក្នុងនិរទេសខ្លួនឯងរយៈពេល 15 ឆ្នាំ។ ក្នុងឆ្នាំ ២០០៨ លោកត្រូវបានកាត់ទោសកំបាំងមុខ ហើយត្រូវបានកាត់ទោសពីបទពុករលួយ។ ម្តាយរបស់នាងឈ្មោះ Potjaman Na Pombejra គឺជាពាណិជ្ជករថៃ សប្បុរសជន និងអ្នកនយោបាយ ដែលបានបម្រើការជាមេដឹកនាំដែលមិនជាប់ឆ្នោត នៃគណបក្សភឿថៃ ខណៈពេលដែលគណបក្សនេះស្ថិត ក្នុងការប្រឆាំងនៅឆ្នាំ 2020។លោកស្រី Paetongtarn បានចូលរៀននៅសាលា Saint Joseph Convent និងសាលា Mater Dei ដ៏មាន កិត្យានុភាព ដែលត្រូវបានចូលរួម ដោយស្តេចថៃពីរអង្គ និងរាជវង្សដទៃទៀតផងដែរ។ ធំឡើងនៅក្នុងគ្រួសារនយោបាយដ៏លេចធ្លោមួយ លោកស្រីតែងតែទាក់ទាញការចាប់អារម្មណ៍ពី ប្រព័ន្ធផ្សព្វផ្សាយ។ ក្នុងឆ្នាំ 2004 ខណៈពេលដែលឪពុករបស់លោកស្រីកំពុងបម្រើការជានាយករដ្ឋមន្ត្រី លោកស្រីបានធ្វើឱ្យមានចំណងជើងព័ត៌មានថា លោកស្រីធ្វើការក្រៅម៉ោងនៅហាង McDonald's ក្នុងប្រទេសថៃ។ លោកថាក់ស៊ីន ស៊ីណាវ៉ាត្រា បានជួយផ្សព្វផ្សាយព្រឹត្តិការណ៍នេះដោយនាំអ្នកសារ ព័ត៌មានទៅកាន់ទីតាំងនៅថ្ងៃដំបូងរបស់នាង ហើយប្រាប់អ្នកសារព័ត៌មានថាគាត់ចង់ឱ្យកូនរបស់ គាត់រៀនពីតម្លៃនៃការខិតខំ។លោកស្រី Paetongtarn បន្ទាប់មកបានចូលរៀននៅសកលវិទ្យាល័យ Chulalongkorn ជាកន្លែងដែល លោកស្រីបានបញ្ចប់បរិញ្ញាបត្រផ្នែកវិទ្យាសាស្ត្រនយោបាយ សង្គមវិទ្យា និងនរវិទ្យា។ ខណៈ​ដែល​ លោកស្រី បានបញ្ចប់ការសិក្សានៅឆ្នាំ 2008 ហើយបានបន្តការសិក្សាថ្នាក់បរិញ្ញាបត្រនៅ សាកលវិទ្យាល័យ Surrey ក្នុងចក្រភពអង់គ្លេស ជាកន្លែងដែលលោកស្រី ទទួលបានសញ្ញាប័ត្រ អនុបណ្ឌិត ផ្នែកគ្រប់គ្រងសណ្ឋាគារអន្តរជាតិ។ នៅឆ្នាំ 2019 លោកស្រីបានរៀបការជាមួយ លោក Pidok Sooksawas អតីតអ្នកបើកយន្តហោះ ដែលបានប្តូរមកគ្រប់គ្រងការវិនិយោគ។ ប្តីប្រពន្ធនេះមានកូនស្រីម្នាក់ និងកូនប្រុសម្នាក់ ដែលកើតក្នុងអំឡុងយុទ្ធនាការរបស់ លោកស្រី Paetongtarn ធ្វើជានាយករដ្ឋមន្ត្រីក្នុងឆ្នាំ 2023។មុនពេលចូលប្រឡូកក្នុងឆាកនយោបាយថៃ លោកស្រី Paetongtarn បានធ្វើការជាមួយក្រុមហ៊ុន អាជីវកម្មរបស់គ្រួសារនាង ដោយបម្រើការជានាយកប្រតិបត្តិនៃអាជីវកម្មសណ្ឋាគាររបស់ក្រុមហ៊ុន Rende Development Co. ក៏ជាម្ចាស់ភាគហ៊ុនធំជាងគេរបស់ SC Asset Corp. Pcl ដែលជាក្រុមហ៊ុន អចលនទ្រព្យ និងអចលនទ្រព្យដែលបានជួញដូរជាសាធារណៈ។លោកស្រី Paetongtarn បានចូលប្រឡូកក្នុងឆាកនយោបាយជាផ្លូវការនៅឆ្នាំ 2021 នៅពេលដែលលោកស្រី បានចូលរួមជាមួយ PTP ដែលជាគណបក្សដែលបង្កើតឡើង ដោយឪពុករបស់ លោកស្រី ជាប្រធានគណៈកម្មាធិការប្រឹក្សាការរួមបញ្ចូល និងការច្នៃប្រឌិត។ នៅឯកិច្ចប្រជុំ PTP នៅថ្ងៃទី 20 ខែមីនា ឆ្នាំ 2022 លោក Paetongtarn ត្រូវបានណែនាំជាមេដឹកនាំនៃយុទ្ធនាការ "គ្រួសារភឿថៃ" ដែលមានបំណងលើកកម្ពស់ការរួបរួមគណបក្ស និងការឈ្នះការបោះឆ្នោតនាពេលខាងមុខ។ នៅឆ្នាំ 2023 លោកស្រីត្រូវបានជ្រើសរើសឱ្យធ្វើជាបេក្ខជននាយករដ្ឋមន្ត្រីមួយ ក្នុងចំណោមបេក្ខ ជននាយករដ្ឋមន្ត្រីចំនួនបីដែលគាំទ្រដោយគណបក្ស។ លោកស្រីបានធ្វើយុទ្ធនាការលើបញ្ហាមួយចំនួន រួមទាំងការបញ្ចប់ការគ្រប់គ្រងយោធា ដែលដឹកនាំដោយនាយករដ្ឋមន្ត្រី ប្រាយុទ្ធ ចាន់អូចា ដែលបាន គ្រប់គ្រងចាប់តាំងពីរដ្ឋប្រហារក្នុងឆ្នាំ២០១៤។Paetongtarn បានចូលកាន់តំណែងដោយមានបទពិសោធន៍ផ្លូវការតិចតួចក្នុងការគ្រប់គ្រង ដោយសារ ប្រទេសថៃប្រឈមមុខនឹងវិបត្តិសេដ្ឋកិច្ចដែលកំពុងបន្ត។ លោក​ស្រី​ បានប្តេជ្ញាបន្តកម្មវិធីប្រាក់ចំណូល ធានាសង្គមរបស់ប្រទេសថៃ និងផ្តល់ការបង់ប្រាក់ម្តងចំនួន 10000 បាត (ប្រហែល 290 ដុល្លារ) ដល់ ពលរដ្ឋថៃដែលមានចំណូលទាបតាមរយៈកាបូបឌីជីថល។ សំណើគោលនយោបាយបន្ថែមរួមមានកិច្ចខិតខំប្រឹងប្រែងដើម្បីបង្កើនធនធានមនុស្សក្នុងប្រទេសថៃ គម្រោងហេដ្ឋារចនាសម្ព័ន្ធ និងកសិកម្ម និងការលេងល្បែងស៊ីសងស្របច្បាប់ ដើម្បីដោះស្រាយបញ្ហា ប្រឈមផ្នែកសេដ្ឋកិច្ចដែលកំពុងប្រឈមមុខនឹងគ្រួសារថៃ ដោយសន្យាថានឹង "នាំយកក្តីសង្ឃឹមរបស់ ប្រជាជនថៃមកវិញឱ្យបានឆាប់តាមដែលអាចធ្វើទៅបាន៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវ ផែថងថាន ស៊ីណាវ៉ាត់ (Paetongtarn Shinawatra) នាយករដ្ឋមន្ត្រី នៃព្រះរាជាណាចក្រថៃ បានអញ្ជើញចូលរួមជាសហអធិបតីភាព ក្នុងពិធីសម្ពោធនិមិត្តសញ្ញាខួបអនុស្សាវរីយ៍ លើកទី៧៥ នៃការបង្កើតទំនាក់ទំនងការទូតកម្ពុជា-ថៃ នៅវិមានសន្តិភាព៕

(ភ្នំពេញ)៖ បន្ទាប់ពីជំនួបប្រជុំទ្វេភាគី និងពិភាក្សាការងារ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវ ផែថងថាន ស៊ីណាវ៉ាត់ (Paetongtarn Shinawatra) នាយករដ្ឋមន្ត្រី នៃព្រះរាជាណាចក្រថៃ បានបន្តអញ្ជើញចូលរួមជាសហអធិបតីភាព ក្នុងពិធីចុះហត្ថលេខាលើឯកសារចំនួន០៧ រួមមាន៖១) កិច្ចព្រមព្រៀង ស្តីពីការប្រើប្រាស់ កម្លាំងពលកម្ម រវាងរាជរដ្ឋាភិបាល នៃព្រះរាជាណាចក្រកម្ពុជា និងរាជរដ្ឋាភិបាល នៃព្រះរាជាណាចក្រថៃ២) អនុស្សរណៈនៃការយោគយល់គ្នា រវាង រាជរដ្ឋាភិបាលនៃព្រះរាជាណាចក្រកម្ពុជា និងរាជរដ្ឋាភិបាលនៃព្រះរាជាណាចក្រថៃ ស្ដីពីកិច្ចសហប្រតិបត្តិការលើវិស័យការងារ៣) អនុស្សរណៈនៃការយោគយល់គ្នារវាង ក្រសួងបរិស្ថាននៃព្រះរាជាណាចក្រកម្ពុជា និងក្រសួងធនធានធម្មជាតិ និង បរិស្ថាន នៃព្រះរាជាណាចក្រថៃ ស្ដីពី កិច្ចសហប្រតិបត្តិការកិច្ចគាំពារបរិស្ថានឆ្លងដែន៤) កិច្ចព្រមព្រៀង រវាងព្រះរាជាណាចក្រកម្ពុជា និងព្រះរាជាណាចក្រថៃ ស្ដីពី ការគ្រប់គ្រង ថែទាំ និងប្រើប្រាស់ស្ពាន មិត្តភាពកម្ពុជា-ថៃ (ស្ទឹងបត់- បានណងអៀន)៥) កិច្ចព្រមព្រៀងរវាងរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃព្រះរាជាណាចក្រថៃ ស្តីពីការសាងសង់ ស្ពានព្រំដែនផ្សារព្រំ-បានផាកាត៦) កំណត់ហេតុស្ដីពីការផ្តល់ជំនួយ បច្ចេកទេសលើការសិក្សាសមិទ្ធិលទ្ធភាពលើគម្រោងលើកកម្រិតគុណភាព ផ្លូវជាតិលេខ ៥៧ (បាត់ដំបង-ច្រកទ្វារ អន្តរជាតិព្រំ) រវាងក្រសួងសាធារណការ និងដឹកជញ្ជូននៃព្រះរាជាណាចក្រ កម្ពុជា និងទីភ្នាក់ងារសហប្រតិបត្តិការ ដើម្បីអភិវឌ្ឍសេដ្ឋកិច្ចនៃប្រទេសជិតខាងនៃព្រះរាជាណាចក្រថៃ៧) ការចុះលិខិតប្ដូរសារ ស្តីពី គម្រោងពង្រឹងសមត្ថភាពវិទ្យាស្ថានអភិវឌ្ឍន៍មុខជំនាញកម្ពុជា-ថៃ៕

(ភ្នំពេញ)៖ ជំនួបប្រជុំទ្វេភាគី និងពិភាក្សាការងារ រវាង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាមួយ លោកជំទាវ ផែថងថាន ស៊ីណាវ៉ាត់ (Paetongtarn Shinawatra) នាយករដ្ឋមន្ត្រី នៃព្រះរាជាណាចក្រថៃ នៅវិមានសន្តិភាព នាព្រឹកថ្ងៃពុធ ទី២៣ ខែមេសា ឆ្នាំ២០២៥។ជំនួបប្រជុំទ្វេភាគី និងពិភាក្សាការងារនេះ បានធ្វើឡើងក្នុងឱកាសដែល លោកជំទាវ ផែថងថាន ស៊ីណាវ៉ាត់ និងស្វាមី ព្រមទាំងគណៈប្រតិភូ អញ្ជើញមកបំពេញទស្សនកិច្ចផ្លូវរដ្ឋនៅកម្ពុជា រយៈពេលពីរថ្ងៃ៕

(ភ្នំពេញ)៖ នាយករដ្ឋមន្ត្រីថៃ ផែថងថាន ស៊ីណាវ៉ាត្រា ​ និងស្វាមី បានអញ្ជើញមកដល់កម្ពុជា នាព្រឹកថ្ងៃទី២៣ ខែមេសា ឆ្នាំ២០២៥នេះ ដើម្បីបំពេញទស្សនកិច្ចផ្លូវការរយៈពេល២ថ្ងៃ តាមការអញ្ជើញរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ នាយករដ្ឋមន្រ្តីថៃ ត្រូវបានទទួលស្វាគមន៍ដោយ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម អមដោយមន្រ្តីពាក់ព័ន្ធមួយចំនួន។​ បើតាមការប្រកាសរបស់ក្រសួងការបរទេស, អំឡុងទស្សនកិច្ចនេះ នាយករដ្ឋមន្ត្រីថៃ ផែថងថាន ស៊ីណាវ៉ាត្រា និងស្វាមី នឹងមានព្រះរាជសវនាការជាមួយ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅ ព្រះបរមរាជវាំង។ នាយករដ្ឋមន្ត្រីថៃ នឹងមានជំនួបសម្តែងការគួរសមដាច់ដោយឡែកជាមួយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។នាយករដ្ឋមន្ត្រីថៃ និងសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នឹងមានជំនួបទ្វេភាគី ដើម្បីពិភាក្សាពីការកំណត់ទិសដៅសកម្មភាព ក្នុងការធ្វើឱ្យកាន់តែស៊ីជម្រៅ និងពង្រីកបន្ថែមទៀតនូវកិច្ចសហប្រតិបត្តិការដែលមានផលប្រយោជន៍ទៅវិញទៅមក។ នៅចុងបញ្ចប់ នៃជំនួប ថ្នាក់ដឹកនាំទាំងពីរក៏នឹងធ្វើជាសាក្សីនៅក្នុងពិធីចុះហត្ថលេខាលើឯកសារស្តីពីកិច្ចសហ ប្រតិបត្តិការទ្វេភាគី លើវិស័យផ្សេងៗ មួយចំនួនផងដែរ។ សូមបញ្ជាក់ថា ទស្សនកិច្ចរបស់ នាយករដ្ឋមន្ត្រីថៃកើតមានឡើងស្របពេលដែលព្រះរាជាណាចក្រ ទាំងពីរប្រារព្ធខួបទី៧៥ នៃទំនាក់ទំនងការទូត ដែលនឹងពង្រឹងបន្ថែមទៀតនូវចំណងមិត្តភាពជា ប្រពៃណី រវាងប្រជាជនទាំងពីរ៕ 

ទីក្រុង Istanbul៖ នាព្រឹកថ្ងៃទី២២ ខែមេសា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងប្រតិភូ បានអញ្ជើញចូលរួមក្នុងកិច្ចប្រជុំកំពូលប្រចាំឆ្នាំរបស់សមាគមទេសចរណ៍អាស៊ីប៉ាស៊ីហ្វិក (PATA Annual Summit) ដែលត្រូវធ្វើការបោះឆ្នោតលើសេចក្តីសម្រេចសំខាន់ៗ របស់សមាគមនេះ ដូចជាផែនការសកម្មភាពការងាររបស់គណៈកម្មការប្រតិបត្តិ​ កញ្ចប់ថវិការបស់សមាគមប្រចាំឆ្នាំ២០២៥ ការតែងតាំងសវនការសម្រាប់ឆ្នាំ២០២៥ ព្រមទាំងការទទួលស្គាល់សមាសភាពគណៈកម្មការប្រតិបត្តិ និងគណៈកម្មការនាយក នៃសមាគមទេសចរណ៍អាស៊ីប៉ាស៊ីហ្វិកសម្រាប់អាណត្តិថ្មី (២០២៥-២០២៧)។Third Highlight of Tourism Sector Cooperation: Collaboration with Domestic and International Private SectorsIstanbul: On the morning of April 22, 2025, His Excellency HUOT Hak, Minister of Tourism, and his delegation participated in the Annual Summit of the Pacific Asia Travel Association (PATA Annual Summit), where key resolutions of the association were voted on. These included the action plan of the Executive Committee, the association’s 2025 annual budget package, the appointment of auditors for 2025, and the recognition of the new composition of the Executive Committee and Board of Directors of the Pacific Asia Travel Association for the new term (2025–2027).

(ភ្នំពេញ)៖ នៅរសៀលថ្ងៃទី២២ ខែមេសា ឆ្នាំ២០២៥នេះ ឯកឧត្តម សេង សក្តា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងក្រសួងការងារនៃព្រះរាជាណាចក្រថៃទ្បង់ដ៍ បានបើកកិច្ចប្រជុំក្រុមការងារបច្ចេកទេសកម្ពុជា-ថៃ ដែលរៀបចំធ្វើនៅទីស្តីការនៃក្រសួងការងារ និងបណ្តុះបណ្តាលវិជ្ជាជីវៈ។ នៅក្នុងកិច្ចប្រជុំនេះ ឯកឧត្តមរដ្ឋលេខាធិការបានវាយតម្លៃខ្ពស់ចំពោះកិច្ចសហការប្រតិបត្តិការយ៉ាងល្អប្រសើររវាងរាជរដ្ឋាភិបាលនៃប្រទេសទាំងពីរលើវិស័យការងារ ជាពិសេសពលករទេសន្តរប្រវេសន៍។ កិច្ចសហការនាពេលកន្លងមកបានឆ្លុះបញ្ចាំងពីទំនាក់ទំនងដ៏ល្អ រវាងប្រទេសកម្ពុជា និងថៃ។ឯកឧត្តមរដ្ឋលេខាធិការ បានគូសបញ្ជាក់បន្ថែមថា កិច្ចប្រជុំក្រុមការងារបច្ចេកទេសកម្ពុជា-ថៃនៅពេលនេះក្នុងគោលបំណងដើម្បីបើកកិច្ចពិភាក្សាការងារ ស្វែងរកដំណោះស្រាយរួមគ្នា ដើម្បីលើកកម្ពស់សិទ្ធិដល់ពលករទេសន្តរប្រវេសន៍ដែលកំពុងធ្វើការនៅប្រទេសថៃ។ឯកឧត្តមរដ្ឋលេខាធិការជឿជាក់យ៉ាងមុតមាំថា កិច្ចប្រជុំក្រុមការងារបច្ចេកទេសកម្ពុជា-ថៃនៅពេលនេះនឹងទទួលបានលទ្ធផលផ្លែផ្កា ក្រោមស្មារតីមិត្តភាពដ៏ស្និទ្ធស្នាល កិច្ចសហប្រតិបត្តិការដ៏ល្អប្រសើរ ដើម្បីជាប្រយោជន៍ដល់វិស័យការងាររវាងប្រទេសទាំងពីរ ក៏ដូចជាកិច្ចគាំពារសិទ្ធិដល់ពលករទេសន្តរប្រវេសន៍ ផងដែរ។ ទន្ទឹមនេះ ឯកឧត្តម Somchai Morakotsariwan អគ្គនាយកនៃនាយកដ្ឋានមុខរបរនៃក្រសួងការងារនៃព្រះរាជាណាចក្រថៃឡង់ដ៍ បានគូសបញ្ជាក់ពីកិច្ចសហការយ៉ាងល្អរវាងរាជរដ្ឋាភិបាលប្រទេសទាំងពីរលើការគ្រប់គ្រងពលករទេសន្តរប្រវេសន៍នាពេលកន្លងមក។ ក្រសួងការងារថៃវាយតម្លៃខ្ពស់ចំពោះការយកចិត្តទុកដាក់ពីភាគីកម្ពុជា ជាពិសេសក្រសួងការងារ និងបណ្តុះបណ្តាលវិជ្ជាជីវៈកម្ពុជាដែលជាសេនាធិការ។ ឯកឧត្តម Somchai Morakotsariwan ជឿជាក់ថា កិច្ចប្រជុំក្រុមការងារបច្ចេកទេសកម្ពុជា-ថៃ នឹងទទួលបានធាតុចូលសំខាន់ៗជាច្រើនក្នុងការកែសម្រួលនីតិវីធីមួយចំនួន ដើម្បីជួយសម្រួលឱ្យកាន់តែប្រសើរឡើងដល់បងប្អូនពលករខ្មែរដែលកំពុងធ្វើការនៅប្រទេសថៃ។បន្ទាប់ពីបញ្ចប់កិច្ចប្រជុំនេះ ភាគីទាំងពីរបានចុះហត្ថលេខាលេីកំណត់ហេតុ នៃកិច្ចប្រជុំក្រុមការងារបច្ចេកទេសកម្ពុជា-ថៃ ដេីម្បីអនុវត្តកិច្ចព្រមព្រៀង ស្តីពីការប្រើប្រាស់កម្លាំងពលកម្ម រវាងរាជរដ្ឋាភិបាលនៃព្រះរាជាណាចក្រកម្ពុជា និងរាជរដ្ឋាភិបាលនៃព្រះរាជាណាចក្រថៃឡង់ដ៍៕

(ភ្នំពេញ)៖ នៅព្រឹកថ្ងៃទី២៣​ ខែមេសា ឆ្នាំ២០២៥នេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការគ.វ.រ. និងលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានសហការរៀបចំសិក្ខាសាលាស្តីពី «ការពិនិត្យឡើងវិញ ការវិភាគមុខងារ និងរចនាសម្ព័ន្ធនៃក្រសួងវប្បធម៌ និងវិចិត្រសិល្បៈ»។គួរបញ្ជាក់ថា សិក្ខាសាលានេះ ជាសិក្ខាសាលាទី២២ ដែលក្រសួងមុខងារសាធារណៈ បន្តចុះជួបតាមបណ្តាក្រសួង ស្ថាប័ននានា ដើម្បីផ្តល់ជូនវឌ្ឍនភាពការងារ និងការពង្រីកវិសាលភាពព័ត៌មាន ស្តីពីការអនុវត្តការងារ និងដំណាក់កាលនានានៃការពិនិត្យឡើងវិញ ការវិភាគមុខងារនិងរចនាសម្ព័ន្ធដល់ថ្នាក់ដឹកនាំ និងមន្ត្រីរាជការស៊ីវិល តាមបណ្តាក្រសួង ស្ថាប័ននានា បានជ្រាបបន្ថែម និងដើម្បីពង្រឹងកិច្ចសហប្រតិបត្តិការនៃភាពប្រទាក់ក្រឡាគ្នាកាន់តែល្អប្រសើរ៕

(អាម៉េរិក)៖ អាមេរិក បានសម្រេចដំឡើងពន្ធលើការនាំចូលថាមពលពន្លឺព្រះអាទិត្យ ឬផ្ទាំងសូឡានៅអាស៊ីអាគ្នេយ៍ ក្នុងនោះរួមមានកម្ពុជា ថៃ ម៉ាឡេស៊ី និងវៀតណាម ខណៈសហរដ្ឋអាម៉េរិកបានកំណត់ពន្ធថ្មីខ្ពស់ដល់ទៅ ៣៥២១% លើការនាំចូលផ្ទាំងសូឡាពីប្រទេសកម្ពុជា។ គណៈកម្មាធិការពាណិជ្ជកម្មនៃសម្ព័ន្ធអាមេរិចសម្រាប់ការផលិត ថាមពលព្រះអាទិត្យបានចោទប្រកាន់ថា ក្រុមហ៊ុនផលិតបន្ទះសូឡារបស់ចិនធំៗដែលមានរោងចក្រ នៅប្រទេសម៉ាឡេស៊ី កម្ពុជា ថៃ និងវៀតណាម ពីបន្ទះដឹកជញ្ជូនដែលមានតម្លៃថោកជាងតម្លៃផលិតកម្មរបស់ពួកគេ និងទទួលបានប្រាក់ឧបត្ថម្ភមិនយុត្តិធម៌ដែលធ្វើឱ្យទំនិញអាមេរិកមិនមានការប្រកួតប្រជែង។បើយោងតាមការចុះផ្សាយរបស់រ៉យទ័របានឱ្យដឹងថា ពន្ធគយដែលបានបង្ហាញកាលពីថ្ងៃច័ន្ទ មានភាពខុសប្លែកគ្នាយ៉ាងទូលំទូលាយ អាស្រ័យលើក្រុមហ៊ុន និងប្រទេស ប៉ុន្តែមានកម្រិតខ្ពស់ជាងពន្ធបឋម ដែលបានប្រកាសកាលពីចុងឆ្នាំមុន។ ពន្ធដាររួមបញ្ចូលគ្នា និងពន្ធប្រឆាំងលើផលិតផល Jinko Solar ពីប្រទេសម៉ាឡេស៊ីគឺស្ថិតក្នុងចំណោមកម្រិតទាបបំផុតនៅ 41.56% ។ ផលិតផលរបស់ Rival Trina Solar ពីប្រតិបត្តិការរបស់ខ្លួននៅក្នុងប្រទេសថៃប្រឈមនឹងពន្ធ 375.19% ។ផលិតផលពីប្រទេសកម្ពុជានឹងត្រូវប្រឈមមុខនឹងពន្ធលើសពី 3,500% ដោយសារតែអ្នកផលិតរបស់ខ្លួនបាន ជ្រើសរើសមិនសហការជាមួយការស៊ើបអង្កេតរបស់សហរដ្ឋអាមេរិក។ លោក Tim Brightbill មេធាវីសម្រាប់ក្រុមផលិតអាមេរិកបាននិយាយនៅពេលទូរស័ព្ទជាមួយអ្នកយកព័ត៌មានថា៖ «ទាំងនេះគឺជាលទ្ធផលខ្លាំងណាស់»។ "យើងមានទំនុកចិត្តថាពួកគេនឹងដោះស្រាយការអនុវត្តពាណិជ្ជកម្មមិនយុត្តិធម៌របស់ក្រុមហ៊ុនចិននៅក្នុងប្រទេសទាំងបួននេះ ដែលបាននិងកំពុងធ្វើឱ្យខូចខាតដល់ឧស្សាហកម្មផលិតថាមពលព្រះអាទិត្យ របស់សហរដ្ឋ អាមេរិកអស់រយៈពេលជាយូរមកហើយ" ។ ការគំរាមកំហែងនៃពន្ធលើប្រទេស ដែលផ្គត់ផ្គង់ផលិតផលពន្លឺ ព្រះអាទិត្យជាង 10 ពាន់លានដុល្លារដល់សហរដ្ឋអាមេរិកកាលពីឆ្នាំមុន ដែលស្មើនឹងការផ្គត់ផ្គង់ក្នុងស្រុកភាគច្រើន បានបណ្តាលឱ្យមានការផ្លាស់ប្តូរយ៉ាងខ្លាំងនៅក្នុងពាណិជ្ជកម្មថាមពលព្រះអាទិត្យពិភពលោក។ពន្ធសូឡា ត្រូវបានកំណត់ខ្ពស់រហូតដល់ ៣,៥២១% សម្រាប់ប្រទេសកម្ពុជា ដែលឆ្លុះបញ្ចាំងពីការសម្រេចចិត្ត របស់ប្រទេសក្នុងការមិនចូលរួមក្នុងការស៊ើបអង្កេតលើបញ្ហាមួយនេះនាពេលកន្លងមក។ក្រុមហ៊ុនដែលមិនមានឈ្មោះក្នុងប្រទេសវៀតណាមប្រឈមមុខនឹងពន្ធច្រើនរហូតដល់ ៣៩៥,៩% ដោយប្រទេសថៃប្រឈមនិងពន្ធកំណត់ត្រឹម ៣៧៥,២%។ ក្រុមហ៊ុនចិនថាមពលសូឡាន Jinko Solar បានប្រឈមនឹងពន្ធបន្ថែមប្រហែល ២៤៥% សម្រាប់ការនាំចេញពីប្រទេសវៀតណាម និង ៤០% សម្រាប់ការនាំចេញពីប្រទេសម៉ាឡេស៊ី។ ក្រុមហ៊ុន Trina Solar នៅក្នុងប្រទេសថៃប្រឈមនឹងការយកពន្ធចំនួន ៣៧៥% និងច្រើនជាង ២០០% ពីប្រទេសវៀតណាម។យោងតាមទីភ្នាក់ងារព័ត៌មាន BloombergNEF បានឱ្យដឹងថា សហរដ្ឋអាមេរិកបាននាំចូលឧបករណ៍ស្រូបពន្លឺព្រះអាទិត្យចំនួន 2.9 ពាន់លានច្បាប់កាលពីឆ្នាំមុនពីប្រទេសចំនួន 4 ដែលនឹងត្រូវទទួលបន្ទុកពន្ធថ្មីនេះបើយោងតាម BloombergNEF ។ នោះតំណាងឱ្យប្រហែល 77% នៃការនាំចូលម៉ូឌុលសរុប៕

(អន្តរជាតិ)៖ ការចំណាយលើទូរស័ព្ទ iPhone មួយ អាចលើសពីបីដងដល់ 3500 ដុល្លារ ប្រសិនបើ Apple ផ្លាស់ប្តូរទីតាំងផលិតកម្មរបស់ខ្លួនទាំងស្រុង ទៅកាន់សហរដ្ឋអាមេរិក នេះបើយោងតាមអ្នកវិភាគ ឧស្សាហកម្ម។លោក Dan Ives ប្រធានផ្នែកស្រាវជ្រាវបច្ចេកវិទ្យាសកលនៅក្រុមហ៊ុន Wedbush Securities បានប្រាប់ CNN ក្នុងបទសម្ភាសន៍មួយថា "អ្នកបង្កើត ខ្សែសង្វាក់ផ្គត់ផ្គង់នៅសហរដ្ឋអាមេរិក ជាមួយនឹងហាង ទំនើបនៅ West Virginia និង New Jersey  នោះiPhoneនឹងមានតម្លៃ 3,500 ដុល្លារអាមេរិក ខណៈដែលទូរសព្ទ​ឥឡូវ​មាន​តម្លៃ​ប្រហែល ១០០០ ដុល្លារប៉ុណ្ណោះ។បន្ទះឈីបដែលផ្តល់ថាមពលដល់ iPhone ភាគច្រើនផលិតនៅតៃវ៉ាន់ អេក្រង់ត្រូវបានផ្គត់ផ្គង់ដោយ ក្រុមហ៊ុនកូរ៉េខាងត្បូង និងសមាសធាតុជាច្រើនទៀតត្រូវបានផលិតនៅក្នុងប្រទេសចិន។ ការផ្គុំចុងក្រោយធ្វើឡើងនៅក្នុងប្រទេសចិន ដែលប្រហែល 90% នៃ iPhone ត្រូវបានបង្កើតឡើង។លោក Ives បានប៉ាន់ប្រមាណថា វានឹងចំណាយពេល 3 ឆ្នាំរបស់ Apple និងប្រហែល 30 ពាន់លានដុល្លារ ដើម្បីផ្លាស់ប្តូរ 10% នៃខ្សែសង្វាក់ផ្គត់ផ្គង់របស់ខ្លួនទៅកាន់សហរដ្ឋអាមេរិក។ចាប់តាំងពីគោលនយោបាយពន្ធគយសកលរបស់រដ្ឋបាល Trump ចូលជាធរមាន ភាគហ៊ុនរបស់ ក្រុមហ៊ុន Apple បានធ្លាក់ចុះ 25% ដោយមានការព្រួយបារម្ភអំពីផលប៉ះពាល់លើខ្សែ សង្វាក់ផ្គត់ផ្គង់ដ៏ ទូលំទូលាយរបស់ខ្លួន ដែលពឹងផ្អែកខ្លាំងលើប្រទេសចិន និងតៃវ៉ាន់។ទោះបីជាមិនមានការផ្លាស់ប្តូរទីតាំងផលិតកម្មក៏ដោយ អ្នកវិភាគបច្ចេកវិទ្យារំពឹងថាតម្លៃនឹងកើនឡើង។Rosenblatt Securities ដែលជាធនាគារវិនិយោគដែលមានមូលដ្ឋាននៅទីក្រុងញូវយ៉ក បាននិយាយថា iPhones អាចឡើងថ្លៃបាន 43% ប្រសិនបើ Apple ឆ្លងកាត់ការចំណាយពេញលេញនៃពន្ធខ្ពស់ ដល់អ្នក ប្រើប្រាស់ នេះបើយោងតាមកំណត់ត្រាស្រាវជ្រាវដែលដកស្រង់ដោយ Reuters ។ថ្មីៗនេះ Apple បានជញ្ជូនរោងចក្រទូរស័ព្ទ iPhone និងផលិតផលផ្សេងទៀតពីប្រទេសឥណ្ឌា និងចិន ទៅកាន់សហរដ្ឋអាមេរិកក្នុងរយៈពេល 3 ថ្ងៃនៅចុងខែមីនា ដើម្បីចៀសវាងការយកពន្ធថ្មី។ឮប៉ុន្តែប្រសិនបើពន្ធនៅតែបន្តកើតមាននោះ Apple អាចត្រូវបានបង្ខំឱ្យដំឡើងតម្លៃទូទាំងពិភពលោក ដើម្បីការពារផលិតផលខ្លួន។គួរបញ្ជាក់ថា ដូណាល់ ត្រាំ បានដាក់ពន្ធចុងក្រោយលើផលិតផលរបស់ចិន ដែលនាំចូលអាមេរិក ២៤៥ភាគរយ ៕(អន្តរជាតិ)៖ ការចំណាយលើទូរស័ព្ទ iPhone មួយ អាចលើសពីបីដងដល់ 3500 ដុល្លារ ប្រសិនបើ Apple ផ្លាស់ប្តូរទីតាំងផលិតកម្មរបស់ខ្លួនទាំងស្រុង ទៅកាន់សហរដ្ឋអាមេរិក នេះបើយោងតាមអ្នកវិភាគ ឧស្សាហកម្ម។លោក Dan Ives ប្រធានផ្នែកស្រាវជ្រាវបច្ចេកវិទ្យាសកលនៅក្រុមហ៊ុន Wedbush Securities បានប្រាប់ CNN ក្នុងបទសម្ភាសន៍មួយថា "អ្នកបង្កើត ខ្សែសង្វាក់ផ្គត់ផ្គង់នៅសហរដ្ឋអាមេរិក ជាមួយនឹងហាង ទំនើបនៅ West Virginia និង New Jersey  នោះiPhoneនឹងមានតម្លៃ 3,500 ដុល្លារអាមេរិក ខណៈដែលទូរសព្ទ​ឥឡូវ​មាន​តម្លៃ​ប្រហែល ១០០០ ដុល្លារប៉ុណ្ណោះ។បន្ទះឈីបដែលផ្តល់ថាមពលដល់ iPhone ភាគច្រើនផលិតនៅតៃវ៉ាន់ អេក្រង់ត្រូវបានផ្គត់ផ្គង់ដោយ ក្រុមហ៊ុនកូរ៉េខាងត្បូង និងសមាសធាតុជាច្រើនទៀតត្រូវបានផលិតនៅក្នុងប្រទេសចិន។ ការផ្គុំចុងក្រោយធ្វើឡើងនៅក្នុងប្រទេសចិន ដែលប្រហែល 90% នៃ iPhone ត្រូវបានបង្កើតឡើង។លោក Ives បានប៉ាន់ប្រមាណថា វានឹងចំណាយពេល 3 ឆ្នាំរបស់ Apple និងប្រហែល 30 ពាន់លានដុល្លារ ដើម្បីផ្លាស់ប្តូរ 10% នៃខ្សែសង្វាក់ផ្គត់ផ្គង់របស់ខ្លួនទៅកាន់សហរដ្ឋអាមេរិក។ចាប់តាំងពីគោលនយោបាយពន្ធគយសកលរបស់រដ្ឋបាល Trump ចូលជាធរមាន ភាគហ៊ុនរបស់ ក្រុមហ៊ុន Apple បានធ្លាក់ចុះ 25% ដោយមានការព្រួយបារម្ភអំពីផលប៉ះពាល់លើខ្សែ សង្វាក់ផ្គត់ផ្គង់ដ៏ ទូលំទូលាយរបស់ខ្លួន ដែលពឹងផ្អែកខ្លាំងលើប្រទេសចិន និងតៃវ៉ាន់។ទោះបីជាមិនមានការផ្លាស់ប្តូរទីតាំងផលិតកម្មក៏ដោយ អ្នកវិភាគបច្ចេកវិទ្យារំពឹងថាតម្លៃនឹងកើនឡើង។Rosenblatt Securities ដែលជាធនាគារវិនិយោគដែលមានមូលដ្ឋាននៅទីក្រុងញូវយ៉ក បាននិយាយថា iPhones អាចឡើងថ្លៃបាន 43% ប្រសិនបើ Apple ឆ្លងកាត់ការចំណាយពេញលេញនៃពន្ធខ្ពស់ ដល់អ្នក ប្រើប្រាស់ នេះបើយោងតាមកំណត់ត្រាស្រាវជ្រាវដែលដកស្រង់ដោយ Reuters ។ថ្មីៗនេះ Apple បានជញ្ជូនរោងចក្រទូរស័ព្ទ iPhone និងផលិតផលផ្សេងទៀតពីប្រទេសឥណ្ឌា និងចិន ទៅកាន់សហរដ្ឋអាមេរិកក្នុងរយៈពេល 3 ថ្ងៃនៅចុងខែមីនា ដើម្បីចៀសវាងការយកពន្ធថ្មី។ឮប៉ុន្តែប្រសិនបើពន្ធនៅតែបន្តកើតមាននោះ Apple អាចត្រូវបានបង្ខំឱ្យដំឡើងតម្លៃទូទាំងពិភពលោក ដើម្បីការពារផលិតផលខ្លួន។គួរបញ្ជាក់ថា ដូណាល់ ត្រាំ បានដាក់ពន្ធចុងក្រោយលើផលិតផលរបស់ចិន ដែលនាំចូលអាមេរិក ២៤៥ភាគរយ ៕

(អន្តរជាតិ)៖ លោកស្រី Melinda French Gates បានបញ្ចេញពន្លឺពីការបែកបាក់របស់នាងពី លោក Bill Gates ដោយនិយាយថានាង "ត្រូវតែ" ចាកចេញ ដោយសារតែខ្វះភាពស្មោះត្រង់ ដែលប៉ះពាល់ដល់ ការទុកចិត្ត និងភាពស្និទ្ធស្នាល។ការបង្ហាញខ្លួនក្នុងកម្មវិធី "The Late Show" ជាមួយ Stephen Colbert នៅថ្ងៃទី 14 ខែមេសា ដើម្បី ផ្សព្វផ្សាយអនុស្សាវរីយ៍របស់នាង "The Next Day" Melinda បាននិយាយដោយត្រង់ៗអំពី ការបែកគ្នា ជាមួយលោក Bill Gates  និងមេរៀនដែលនាងបានរៀន។នាង​បាន​និយាយ​ថា​៖ «​ខ្ញុំ​រៀន​មាន​ទំនាក់ទំនង​ដែល​ទុក​ចិត្ត​បាន​ដែល​ជា​អ្វី​ដែល​ខ្ញុំ​ចង់​បាន​ក្នុង​អាពាហ៍ពិពាហ៍​ដៃគូ​ទាំង​ពីរ​ត្រូវ​ស្មោះត្រង់​នឹង​គ្នា​»​។ "ហើយ​ប្រសិន​បើ​អ្នក​មិន​អាច អ្នក​មិន​អាច​មាន​ភាព​ស្និទ្ធស្នាល​និង​អ្នក​មិន​អាច​មាន​ការ​ទុក​ចិត្ត​។ ដូច្នេះ​នៅ​ទី​បំផុត​ខ្ញុំ​ត្រូវ​តែចាកចេញ​" ។នៅក្នុងសៀវភៅរបស់នាង Melinda អាយុ 60 ឆ្នាំ ពិភាក្សាអំពីរបៀបដែលនាងឆ្លើយតបទៅនឹង ការក្បត់ ក្នុងអាពាហ៍ពិពាហ៍របស់នាង ខណៈពេលដែលរក្សាភាពស្មោះត្រង់ចំពោះខ្លួនឯង។ នាងសរសើរ ចំពោះការព្យាបាលជាច្រើនឆ្នាំ។ ការ​បែក​គ្នា​របស់​នាង​ពី​សហ​ស្ថាបនិក Microsoft ត្រូវ​បាន​រក្សា​ទុក​ជា​ឯកជន​អស់​រយៈពេល​ជាង​មួយ​ឆ្នាំ។ក្នុង​អំឡុង​ពេល​សម្ភាសន៍​ជាមួយ​ទស្សនាវដ្ដី People អ្នកស្រី Melinda បាន​ឆ្លុះ​បញ្ចាំង​អំពី​ការ​ធ្វើ​ដំណើរ។ "អ្នកត្រូវតែស្មោះត្រង់នឹងខ្លួនឯងជានិច្ចមែនទេ?" នាងបាននិយាយថាដោយសង្កត់ធ្ងន់លើសារៈ សំខាន់នៃភាពពិតប្រាកដ។ "សង្ឃឹមថាវាអាចមានប្រយោជន៍ដល់អ្នកផ្សេង។"ការបង្ហាញខ្លួននៅក្នុងកម្មវិធីទូរទស្សន៍មួយផ្សេងទៀត Melinda បានសារភាពថា ការសម្រេចចិត្ត ចាកចេញគឺ "ឈឺចាប់" ប៉ុន្តែទីបំផុតបាននាំឱ្យមានការរីកចម្រើនផ្ទាល់ខ្លួន។ នាង​បាន​ចែករំលែក​ថា​៖ «​ខ្ញុំ​បាន​រៀន​មេរៀន​ខ្លះ​ហើយ​ក៏​មាន​ការ​រីកចម្រើន​ខ្លះ​ដែរ​»​។គួរបញ្ជាក់ថា Bill Gates និងភរិយា បានលែងលះគ្នា នៅថ្ងៃទី 2 ខែសីហា ឆ្នាំ 2021៕

(ថៃ)៖ ទីក្រុងបាងកកព្រមានថាសន្ទស្សន៍កំដៅ ស្ថិតក្នុងកម្រិត "គ្រោះថ្នាក់" (42.0-51.9 °C) ។ បើយោងតាមការចុះផ្សាយរបស់សារព័ត៌មាន The Nation Thailand បានបញ្ជាក់ឱ្យដឹងថា ក្រុមដែលងាយរងគ្រោះត្រូវបានជំរុញឱ្យកំណត់ពេលវេលាដែលចំណាយលើសកម្មភាពក្រៅផ្ទះ។ ទីក្រុងបាងកកចេញការជូនដំណឹងអំពីសន្ទស្សន៍កំដៅសម្រាប់ថ្ងៃទី 22 ខែមេសា ឆ្នាំ 2025 កម្រិត "គ្រោះថ្នាក់" (42.0–51.9°C)។ ស្ថានភាព បង្កហានិភ័យបែបនេះ មន្ត្រីជំនាញបានធ្វើការណែនាំដល់សាធារណៈជនទូទៅថា -ផឹកទឹកស្អាតឱ្យបានញឹកញាប់ - កុំរង់ចាំរហូតដល់អ្នកស្រេកទឹក។-ជៀសវាងគ្រឿងស្រវឹង តែ កាហ្វេ និងភេសជ្ជៈមានជាតិស្ករ។-កំណត់សកម្មភាពក្រៅម៉ោងពីម៉ោង 11 ព្រឹកដល់ម៉ោង 3 រសៀល-បើចេញទៅខាងក្រៅ ត្រូវពាក់មួកមានគែមទូលាយ វ៉ែនតា ប្រើឆ័ត្រ និងលាបឡេការពារកម្ដៅថ្ងៃ។-ស្លៀកសម្លៀកបំពាក់ពណ៌ស្រាល រលុង ស្រាល និងខ្យល់ចេញចូល។ តាមដានសុខភាពរបស់អ្នក និងមើលសញ្ញានៃជំងឺទាក់ទងនឹងកំដៅ។ ប្រសិនបើអ្នកជួបប្រទះការវិលមុខ ច្របូកច្របល់ ចង្អោរ ឬដកដង្ហើមញាប់ ចូរស្វែងរកការព្យាបាលភ្លាមៗ។សម្រាប់ក្រុមដែលមានហានិភ័យ៖ តាមដានព័ត៌មានអាកាសធាតុយ៉ាងជិតស្និទ្ធ។ផឹកទឹកស្អាតជាទៀងទាត់ (សម្រាប់ទារកអាយុពី 0-6 ខែ ទឹកដោះម្តាយតែមួយមុខគឺគ្រប់គ្រាន់)។ជៀសវាងគ្រឿងស្រវឹង តែ កាហ្វេ និងភេសជ្ជៈមានជាតិស្ករ។កំណត់សកម្មភាពក្រៅកំឡុងម៉ោងកំដៅខ្លាំង (11 ព្រឹកដល់ម៉ោង 3 រសៀល)។ពេលចេញទៅក្រៅ ត្រូវពាក់មួកដែលមានគែមធំទូលាយ វ៉ែនតា ប្រើឆ័ត្រ និងលាបឡេការពារកម្តៅថ្ងៃ។ស្លៀកពាក់ពណ៌ស្រាល រលុង ខ្យល់ចេញចូល និងសម្លៀកបំពាក់ស្រាល។បុគ្គលដែលមានជំងឺរ៉ាំរ៉ៃគួរតែរៀបចំថ្នាំចាំបាច់ និងប្រុងប្រយ័ត្នជាមួយថ្នាំដែលអាចបង្កើនការបាត់បង់ជាតិទឹក ឬអេឡិចត្រូលីត។ រកមើលរោគសញ្ញាមិនធម្មតាណាមួយ។ ប្រសិនបើមិនសុខស្រួល សូមជូនដំណឹងទៅអ្នកថែទាំ និងស្វែងរកជំនួយពីគ្រូពេទ្យជាបន្ទាន់។ ជាពិសេស មិនត្រូវទុកទារក ឬកុមារតូចៗឱ្យនៅម្នាក់ឯងក្នុងយានជំនិះចតឱ្យត្រូវពន្លឺព្រះអាទិត្យដោយផ្ទាល់ឡើយ៕

លោកវេជ្ជបណ្ឌិតសាស្ត្រាចារ្យជំនួយ អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើ ស្បែក និងកាមរោគ នៃក្រសួងសុខាភិបាល នៅថ្ងៃទី ២១ ខែមេសា ឆ្នាំ ២០២៥ បានឱ្យដឹងថា ថ្នាំចាក់ដែល អាចបង្ការមេរោគអេដស៍ហៅថា «ថ្នាំកាបូតេត្រាវៀ» គ្រោងនឹងដាក់ឱ្យដំណើរការ នៅអំឡុងខែឧសភា ឆ្នាំ ២០២៥ ខាងមុខនេះ។បើតាមប្រភពព័ត៌មានពីលោកវេជ្ជបណ្ឌិត បានឱ្យដឹងថា ការនាំយកថ្នាំចាក់មកកម្ពុជានេះ ដើម្បីទប់ស្កាត់ការឆ្លងរាលដាលជំងឺអេដស៍នៅប្រទេសកម្ពុជា ខណៈការឆ្លងថ្មី នៃមេរោគអេដស៍ហាក់មានការកើនឡើងគួរឱ្យព្រួយបារម្ភ។ លោកបន្តទៀតថា ថ្នាំចាក់នេះអាចការពារមេរោគអេដស៍បានរយៈពេល ២ ខែ ខណៈបច្ចុប្បន្ន កម្ពុជា មានថ្នាំប្រឹពសម្រាប់លេបប្រចាំថ្ងៃមុនពេលរួមភេទ និងប្រឹពសម្រាប់លេបក្រោយរួមភេទ ៧២ ម៉ោង នៅពេលរួមភេទដោយមិនមានសុវត្ថិភាពដូចជា ស្រោមអនាម័យដាច់រហែក និងភ្លេចពាក់ស្រោមអនាម័យជាដើម។ ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ បានបន្ថែមថា ជំហានដំបូងនៃការចាក់នេះផងដែរ គឺនឹងជ្រើសរើសមនុស្ស ៧ ០០០ នាក់ ដែលមានដៃគូច្រើនជាមុនសិន ព្រោះថាពួកគេប្រឈមនឹងការឆ្លងមេរោគអេដស៍ ដោយត្រូវចាក់ ១ ខែ ម្តង បន្ទាប់មកទៀត ចាក់ ២ ខែ ម្តង នៅតាមគ្លីនិកចំនួន ៣ នៅរាជធានីភ្នំពេញ រួមមាន ៖– គ្លីនិកបង្ការ ថែទាំ និង ព្យាបាលបន្ត– គ្លីនិកឈូកស- និង គ្លីនិករបស់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និង កាមរោគ។បន្ថែមលើសពីនេះ លោកវេជ្ជបណ្ឌិត ក៏បានលើកឡើងពីថ្នាំដែលចាក់ផងដែរថា មានឈ្មោះ «ថ្នាំកាបូតេត្រាវៀ» ជាថ្នាំចាក់នៅត្រគាក និង សាច់ដុំ ហើយមិនមានផលប៉ះពាល់ដល់អ្នកចាក់ទេ និង អាចបង្ការបានតែជំងឺអេដស៍ប៉ុណ្ណោះ ខណៈជំងឺស្វាយ និង ជំងឺកាមរោគផ្សេងទៀត មិនអាចការពារបានទេ ហើយមុននឹងដាក់ឱ្យដំណើរការជាផ្លូវការ មជ្ឈមណ្ឌលនឹងរៀបចំជាគោលការណ៍ណែនាំ និង លក្ខខណ្ឌមួយចំនួនសិន ថាតើបុគ្គលណាខ្លះដែលអាចចាក់មុន នឹងដាក់ជូនក្រសួងសុខាភិបាលសម្រេចចុងក្រោយ៕