(ភ្នំពេញ)៖ សហជីព និងមូលដ្ឋានសុខាភិបាលដែលជាដៃគូរបស់បេឡាជាតិសន្តិសុខសង្គម (ប.ស.ស.) មើលឃើញថា ការចេញសេចក្តីណែនាំរបស់បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ លើ «ការពង្រឹងតួនាទីភារកិច្ចរបស់មូលដ្ឋានសុខាភិបាលដៃគូ ប.ស.ស. ក្នុងការផ្តល់សេវាសុខាភិបាលជូនសមាជិក ប.ស.ស.» គឺជាផ្តល់តម្លាភាព និងប្រសិទ្ធភាពលើសេវាថែទាំសុខភាពនៅតាមបណ្តាមន្ទីរសម្រាកព្យាបាលនៅទូទាំងប្រទេស។ លោក ថេង រ៉ាប៊ីន តំណាងមន្ទីរសម្រាកព្យាបាលប្រជាប្រិយទួលពង្រដែលជាដៃគូ ប.ស.ស. បានគាំទ្រយ៉ាងពេញទំហឹងនូវការណែនាំថ្មីនេះ ពីព្រោះនេះជាយន្តការបន្ថែមមួយទៀត ដើម្បីបង្ហាញឱ្យឃើញនូវតម្លាភាពនៃការផ្តល់សេវាថែទាំសុខភាពទៅសមាជិក ប.ស.ស. ដល់ពលរដ្ឋនៅទូទាំងប្រទេស។ លោកបានគូសបញ្ជាក់បន្ថែមទៀតថា យន្តការនេះនឹងធ្វើឱ្យគ្រប់មូលដ្ឋានសុខាភិបាលនៅទូទាំងប្រទេសទាំងអស់ត្រូវផ្តល់ការពិគ្រោះព្យាបាល និងថែទាំវេជ្ជសាស្ត្រ ក្រដាសវេជ្ជបញ្ជា ស្របតាមពិធីសារ ឬសេចក្ដីណែនាំ ប្រតិបត្តិគ្លីនិករបស់ក្រសួងសុខាភិបាល ដើម្បីផ្តល់សេវាសុខាភិបាលប្រកបដោយគុណភាព សុវត្ថិភាព និងទាន់ពេលវេលា ជូនសមាជិក ប.ស.ស. របស់ខ្លួន។ ដែលនេះគឺមានសារសំខាន់ណាស់ដើម្បីធានាប្រសិទ្ធភាពលើសេវាថែទាំសុខភាព នៅពេលពលរដ្ឋឈឺថ្កាត់ផ្សេងៗ។ លោកបញ្ជាក់ថា ក្នុងនាមជាតំណាងមូលដ្ឋានសុខាភិបាល នឹងអនុវត្តតាមខ្លឹមសារនៃសេចក្តីណែនាំនេះ ប្រកបដោយស្មារតីទទួលខុសត្រូវខ្ពស់បំផុត ហើយលើកទឹកចិត្តដល់សមាជិក ប.ស.ស. ទាំងអស់សូមមកទទួលសេវាថែទាំសុខភាពឱ្យមានទំនុកចិត្ត និងជឿជាក់បំផុត។ លោកវាយតម្លៃខ្ពស់ចំពោះរាជរដ្ឋាភិបាលកម្ពុជា និងគ្រប់ភាគីពាក់ព័ន្ធដែលបន្តយកចិត្តទុកដាក់លើប្រព័ន្ធគាំពារសង្គមដល់ពលរដ្ឋកម្ពុជា។ លោកបណ្ឌិត ឈត ប៊ុនថង អ្នកទស្សនៈវិជ្ជា និងជាអ្នកស្រាវជ្រាវនៃរាជបណ្ឌិត្យសភាកម្ពុជា មើលឃើញថា យន្តការពង្រឹងតួនាទីភារកិច្ចរបស់មូលដ្ឋានសុខាភិបាលដៃគូ ប.ស.ស. ក្នុងការផ្តល់សេវាសុខាភិបាលជូនសមាជិក ប.ស.ស. របស់ក្រសួងការងារ គឺជាការយកចិត្តទុកថ្មីមួយទៀតរបស់រាជរដ្ឋាភិបាលលើសេវាថែទាំសុខភាពពីសំណាក់មូលដ្ឋានសុខាភិបាល។ ចាប់តាំងពីរាជរដ្ឋាភិបាលថ្មី អាណត្តិទី៧ ឡើងកាន់តំណែងមក ប.ស.ស. តែងតែត្រូវបានលើកកម្ពស់ និងពង្រីកវិសាលភាពទៅមុខជានិច្ច រហូតមានអ្នកចុះឈ្មោះដើម្បីក្លាយជាសមាជិកលើសពី ២ លាននាក់ផងដែរ។លោកបណ្ឌិតថា រាជរដ្ឋាភិបាលកម្ពុជាបានដាក់ចេញនូវគោលនយោបាយគាំពារសុខភាពដល់ពលរដ្ឋ ដូច្នេះមូលដ្ឋានសុខាភិបាលដែលជាដៃគូរបស់ ប.ស.ស. នៅទូទាំងប្រទេសត្រូវអនុវត្តឱ្យបានត្រឹមត្រូវតាមការណែនាំរបស់ ប.ស.ស. ជៀសជាងមានការខ្វះចន្លោះណាមួយដែលធ្វើឱ្យការផ្តល់សេវាថែទាំសុខភាពដល់សមាជិករបស់ខ្លួនមិនបានត្រឹមត្រូវ និងមិនស្របតាមច្បាប់ផ្សេងៗ។ កាលពីថ្ងៃទី២៩ ខែមករា ឆ្នាំ២០២៤ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្តីណែនាំដល់មូលដ្ឋានសុខាភិបាលដៃគូ ប.ស.ស. ចំនួន ១០ ចំណុចដើម្បីផ្តល់សេវាសុខាភិបាលប្រកបដោយតម្លាភាព ប្រសិទ្ធភាព និងសង្គតិភាព ជូនសមាជិក ប.ស.ស. ក្នុងនោះមានដូចជា៖ មូលដ្ឋានសុខាភិបាលត្រូវសាកសួរព័ត៌មានតាមបច្ចេកទេសសុខាភិបាលដើម្បីកំណត់អំពីបញ្ហាសុខភាពរបស់សមាជិក ប.ស.ស.។ ត្រូវប្រតិបត្តិតាមបទដ្ឋានស្តង់ដានៃការបែងចែកជំងឺដោយផ្អែកលើលទ្ធផលនៃការវាយតម្លៃអំពីកម្រិតនៃភាពធ្ងន់ធ្ងររបស់អ្នកជំងឺ ដែលកំណត់ដោយក្រសួងសុខាភិបាល និងត្រូវផ្តល់ការពិគ្រោះព្យាបាល និងថែទាំវេជ្ជសាស្ត្រ ក្រដាសវេជ្ជបញ្ជា ស្របតាមពិធីសារ ឬសេចក្ដីណែនាំ ប្រតិបត្តិគ្លីនិករបស់ក្រសួងសុខាភិបាល ដើម្បីផ្តល់សេវាសុខាភិបាលប្រកបដោយគុណភាព សុវត្ថិភាព និង ទាន់ពេលវេលា ជូនសមាជិក ប.ស.ស.៕

(អន្តរជាតិ)៖ ប្រធានាធិបតីអាមេរិកលោក Donald Trump បានបញ្ជាឱ្យមន្ទីរបញ្ចកោណ និងនាយកដ្ឋាន សន្តិសុខមាតុភូមិរៀបចំកន្លែងឃុំឃាំងជនចំណាកស្រុកនៅឯឈូងសមុទ្រ Guantanamo សម្រាប់ជន ចំណាកស្រុករហូតដល់៣ម៉ឺននាក់ ។មូលដ្ឋានទ័ពជើងទឹកអាមេរិកនៅឈូងសមុទ្រ Guantanamo ប្រទេសគុយបា មានកន្លែងសម្រាប់ជន ចំណាកស្រុករួចទៅហើយ ដាច់ដោយឡែកពីពន្ធនាគារសហរដ្ឋអាមេរិក ដែលមានសុវត្ថិភាពខ្ពស់ សម្រាប់ជនសង្ស័យភេរវករបរទេស  ដែលត្រូវបានប្រើប្រាស់ក្នុងឱកាសជាច្រើនទស្សវត្សរ៍ រួមទាំងការឃុំឃាំងជនជាតិហៃទី និងគុយបានៅសមុទ្រ។លោក Trump បាននិយាយថា រដ្ឋបាលនឹងពង្រីកកន្លែងដែលមានស្រាប់ហើយថា ភ្នាក់ងារអនុវត្តច្បាប់អន្តោប្រវេសន៍និងគយនឹងដំណើរការវា។លោក Trump បាននិយាយនៅឯសេតវិមានថា "ថ្ងៃនេះខ្ញុំក៏កំពុងចុះហត្ថលេខាលើបទបញ្ជាប្រតិបត្តិមួយ ដើម្បីណែនាំក្រសួងការពារជាតិ និងសន្តិសុខមាតុភូមិឱ្យចាប់ផ្តើមរៀបចំកន្លែងសម្រាប់ ជនចំណាកស្រុក ចំនួន 30,000 នាក់នៅឯ Guantanamo Bay" ។ លោក​បាន​និយាយ​ថា កន្លែង​នេះ​នឹង​ត្រូវ​បាន​ប្រើ​ដើម្បី “ឃុំ​ខ្លួន​ជនបរទេស​ខុស​ច្បាប់​ដ៏​អាក្រក់​បំផុត​ដែល​គំរាមកំហែង​ប្រជាជន​អាមេរិក។ ពួកគេខ្លះអាក្រក់ណាស់ យើងមិនទុកចិត្តប្រទេសឱ្យកាន់កាប់ពួកគេទេ ព្រោះយើងមិនចង់ឱ្យពួកគេត្រឡប់មកវិញ ដូច្នេះយើងនឹង បញ្ជូនពួកគេទៅ Guantanamo ។ នេះនឹងបង្កើនសមត្ថភាពរបស់យើងទ្វេដងភ្លាមៗ ហើយ​ពិបាក​ណាស់»៕

(អន្តរជាតិ)៖ ខណៈពេលកម្ពុជាយើង មានករណីការឆបោកតាមបណ្ដាញសង្គម និងតាមប្រព័ន្ធអ៊ិនធើណេតជាច្រើនផងនោះ ប្រទេសផ្សេងទៀតក្នុងចំណោមប្រទេសអាស៊ីអាគ្នេយ៍ មិនខុសពីកម្ពុជាយើងនោះទេ ថៃក៏មានប្រជាជនមិនតិចនោះទេដែលរងគ្រោះពីការឆបោកតាមរយៈការចុចចូលលីង និងវេបសាយ ដែលគ្មានប្រភពច្បាប់លាស់បែបនេះ។  ជាក់ស្ដែង ទំព័រហ្វេសប៊ុកផ្លូវការរបស់ការិយាល័យស៊ើបអង្កេតឧក្រិដ្ឋកម្មតាមអ៊ីនធឺណិត (CCIB) "ប៉ូលីសតាមអ៊ីនធឺណិត - CCIB" បានចេញការព្រមានកាលពីថ្ងៃអង្គារ (28 មករា) អំពីគេហទំព័រគ្រោះថ្នាក់ចំនួន 22 ដែលមិនគួរចុច។ ឧត្តមសេនីយ៍ទោ Trirong Phiwphan ប្រធានការិយាល័យស៊ើបអង្កេតឧក្រិដ្ឋកម្ម តាមអ៊ីនធឺណិតបានព្រមានសាធារណៈជនអំពីគេហទំព័រក្លែងបន្លំទាំងនេះ ដោយពន្យល់ថា អ្នកបោកប្រាស់ តែងតែបង្កើតគេហទំព័រក្លែងក្លាយទាក់ទងនឹងគម្រោងវិនិយោគ ឱកាសការងារ និងការប្រមូលទិន្នន័យផ្ទាល់ខ្លួន។ នៅពេលដែលជនរងគ្រោះត្រូវបានបញ្ឆោត ពួកគេអាចត្រូវបានបោកបញ្ឆោតឱ្យផ្ទេរប្រាក់ ឬលួចព័ត៌មានផ្ទាល់ខ្លួនរបស់ពួកគេ។ទាំងនេះជាវេបសាយដ៏គ្រោះថ្នាក់ ដែលសាធារណៈជនត្រូវដឹង និងចំណាំទុកThe list of dangerous websites includes: 1. thaigrowthdigitalmarketing .cc2. www.settradethailand .com3. m.athur .net/trade4. www.ezbuy66 .com/5. ftc. trade-thai .com6. okx. hsgi .xyz7. www. btscswl .com/djvjpw8. wap.happinessco .cc9. bitmart.erwz .live10. tokts .life/ww11. www. thaibet248 .com/12. tiktok.thaipvz .com/13. www. shopping-now-maket .com/14. pi-moneyloan .com15. pea.bjgth .cc16. www. cryptoxj .com/17. www. bonanza-store .net18. hshh-banktt .app19. dedifeqa-spt .top20. royaltrad .vip21. h5.jgol .live22. affilliiate .com/index/loginប៉ូលីសស៊ើបអង្កេតឧក្រិដ្ឋកម្មតាមអ៊ីនធឺណិត បានចាត់វិធានការផ្លូវច្បាប់រួចហើយចំពោះអ្នកពាក់ព័ន្ធនឹងគេហទំព័រក្លែងបន្លំទាំង ២២ខាងលើនេះ។ ទោះបីជាយ៉ាងណាក៏ដោយ ដោយសារអ្នកផ្តល់សេវាមានទីតាំងនៅក្រៅប្រទេស ប៉ូលីស Cyber Police បានដាក់សំណើដើម្បីបិទការចូលប្រើប្រាស់តាមរយៈអ្នកផ្តល់សេវា និងអាជ្ញាធរពាក់ព័ន្ធ ជាងនេះទៅទៀត នៅមានគេហទំព័រជាច្រើននៅតែសកម្មក្នុងការបង្កើតឡើងដើម្បីឆបោកសាធារណៈជន។ អាស្រ័យហេតុនេះ សូមសាធារណជន កុំចុចចូលមើលគេហទំព័រទាំងនេះ ដើម្បីការពារសុវត្ថិភាព៕

(ព័ត៌មានជាតិ)៖ អាចនិយាយបានថា នេះគឺជាឱកាសមួយដ៏ល្អសម្រាប់មហាជនគ្រប់រូប ជាពិសេសនោះសិស្សនិស្សិតផ្ទាល់តែម្ដង ក្នុងការបញ្ចេញនូវសមត្តភាព និងទេពកោសល្យ ដោយកាលពីថ្ងៃទី ២៩ ខែ មករា កន្លងទៅថ្មីៗនេះ ក្រសួងអប់រំ យុវជន និងកីឡា បានឱ្យដឹងអំពីកម្មវិធីប្រកួតប្រជែងផលិតវីដេអូផ្សព្វផ្សាយស្ដីពី "សន្និសីទ និងពិព័រណ៍បច្ចេកវិទ្យាអប់រំកម្ពុជាលើកទី១" ព្រមទាំងមានការបើកឱ្យចូលរួមពីសាធាណជនដោយសេរីទៀតផង។យ៉ាងណាមិញ កម្មវិធីប្រកួតប្រជែងនេះគឺធ្វើឡើង ដើម្បីអបអរសាទរ និងលើកកម្ពស់ការផ្សព្វផ្សាយ កម្មវិធី “សន្និសីទ និងពិព័រណ៍បច្ចេកវិទ្យាអប់រំកម្ពុជាលើកទី១“ ដូច្នេះហើយក្រសួងអប់រំ យុវជន និងកីឡា នឹងរៀបចំកម្មវិធីប្រកួតប្រជែងវីដេអូ ដោយលោកអ្នកគ្រាន់តែផលិតវីដេអូដែលមានខ្លឹមសារអប់រំ និងផ្សព្វផ្សាយអំពីកម្មវិធីនេះ បង្ហោះនៅលើបណ្ដាញសង្គម Facebook ផ្ទាល់ខ្លួន ហើយទម្លាក់តំណភ្ជាប់ក្នុង Event Facebook “សន្និសីទ និងពិព័រណ៍បច្ចេកវិទ្យាអប់រំកម្ពុជាលើកទី១“ជាមួយតំណភ្ជាប់។ទន្ទឹមនឹងនេះ ចំពោះវីដេអូដែលទទួលបាន ចំនួនអ្នកទស្សនា (View) ច្រើនជាងគេ នឹងក្លាយជាជ័យលាភី ដោយទទួលបានប្រាក់រង្វាន់ដូចខាងក្រោម៖  -ជ័យលាភីលេខ១៖ ទឹកប្រាក់ចំនួន ១ ២០០ ០០០រៀល លិខិតថ្លែងអំណរគុណ និងវត្ថុអនុស្សាវរីយ៍ផ្សេងៗ-ជ័យលាភីលេខ២៖ ទឹកប្រាក់ចំនួន ៨០០ ០០០រៀល លិខិតថ្លែងអំណរគុណ និងវត្ថុអនុស្សាវរីយ៍ផ្សេងៗ-ជ័យលាភីលេខ៣៖ ទឹកប្រាក់ចំនួន ៥០០ ០០០រៀល លិខិតថ្លែងអំណរគុណ និងវត្ថុអនុស្សាវរីយ៍ផ្សេងៗ- វីដេអូជ័យលាភីទាំង៣នឹងត្រូវបង្ហោះលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា។ - ផុតកំណត់៖ ថ្ងៃទី១៥ ខែកុម្ភៈ ឆ្នាំ២០២៥*លក្ខខណ្ឌប្រកួត៖• សម្រាប់មាតិកាដែលមិនបានបោះតំណភ្ជាប់លើ event ខាងលើ មិនរាប់បញ្ចូលក្នុងប្រកួតឡើយ• វីដេអូដែលមានខ្លឹមសារអវិជ្ជមាន បង្កផលប៉ះពាល់ដល់អ្នកណាម្នាក់ ឬអ្វីមួយមិនបញ្ចូលក្នុងការប្រកួតឡើយ• វីដេអូត្រូវមានខ្លឹមសារអប់រំ និងផ្សព្វផ្សាយអំពីកម្មវិធីខាងលើ  • វីដេអូត្រូវផលិតដោយខ្លួនឯង មិនចម្លង ឬប្រើប្រាស់វីដេអូរបស់អ្នកដទៃ• វីដេអូត្រូវមានរយៈពេលមិនលើសពី១នាទី• បើកទទួលសម្រាប់សាធារណជនទូទៅ• វីដេអូដែលបានបង្ហោះ ត្រូវ Tag ឱ្យទំព័រហ្វេសប៊ុក MoEYS Cambodia• វីដេអូដែលបង្ហោះត្រូវដាក់ Hashtag: #សននសីទនិងពិព័រណ៍បច្ចេកវិទ្យាអប់រំកម្ពុជា៕

(សុខភាព)៖ តើអ្វីជាជំងឺឡើងជាតិអាស៊ីតអ៊ុយរិកក្នុងឈាម?អាស៊ីតអ៊ុយរិក ជាកាកសំណល់មេតាបូលិក ដែលបណ្ដាលពីការផលិតពីសរីរាង្គ និងបរិភោគអាហារសំបូរជាតិពុយរីន ច្រើនហួស រឺ អសមត្ថភាពក្នុងការបញ្ចេញសារធាតុនេះពីក្នុងខ្លួន។ កម្រិតជាតិអាស៊ីតអ៊ុយរិកខ្ពស់នៅក្នុងឈាម (Hyperuricemia) ជាវិបត្តិមេតាបូលិក ដែលមានផលប៉ះពាល់ខ្លាំងទៅលើ សន្លាក់ តម្រងនោម នេះបើយោងតាមការបកស្រាយរបស់ មន្ទីរពេទ្យកាល់ម៉ែត។ជាមួយគ្នានេះ អាហារដែលសំបូរដោយសារធាតុពុយរីន (purines) មានដូចជា៖  - ប្រភេទសាច់: គ្រឿងក្នុងសត្វ (ថ្លើម, កោះ, ខួរ...) គ្រឿងសមុទ្រ  - ភេសជ្ជៈផ្អែម និងគ្រឿងស្រវឹង  - ប្រភេទបន្លែផ្លែឈើៈ   • ផ្សិត   • ស្ពៃក្ដោប   • ខាត់ណា   • ផ្កាខាត់ណា   • ទំពាំងបារាំង និងសណ្ដែកខៀវ...។ដោយឡែក អាហារដែលមិនសូវសំបូរជាតិ ពុយរីន វិញនោះរួមមានដូចជាៈ  - នំបុ័ង  - ផ្លែឈើ  - ទឹកដោះគោ  - ស៊ុត  - តែ កាហ្វេជាដើម។ល។យ៉ាងណាមិញ ចំពោះរោគសញ្ញានៃជំងឺឡើងជាតិអាស៊ីតអ៊ុយរិកក្នុងឈាមរួមមាន៖  - ការឈឺសន្លាក់ ភាគច្រើនឈឺតែម្ខាង (ម្រាមមេជើង, កជើង, ជង្គង់, កដៃ, កែងដៃ...) ជាពិសេសម្រាមមេជើង។  - ការហើមនៅសន្លាក់ដែលឈឺ ពិសេសពេលយប់  - ក្ដៅខ្លួន  - ឈឺសន្លាក់ខ្លាំងក្រោយពីពិសា ស្រា ស្រាបៀរ គ្រឿងសមុទ្រ សាច់ក្រហម គ្រឿងក្នុងសាច់សត្វ។  - ឡើងដុំពកក្រោមស្បែក (ដុំកំណកជាតិអាស៊ីត)ជំងឺឡើងជាតិអាស៊ីតនៅក្នុងឈាម ច្រើនកើតលើមនុស្សប្រុសវ័យលើសពី ៥០ ឆ្នាំ លើសពី ៩៥% នៃជំងឺមិនមានមូលហេតុជាក់លាក់ទេ ហើយមានមូលហេតុដ៏ទៃទៀតដែលអាចបណ្ដាលអោយមានវិបត្តិលើសជាតិអាស៊ីតអ៊ុយរិកដែរ ដូចជាជំងឺខ្សោយតម្រងនោមរ៉ាំរ៉ៃ ជំងឺបែកគ្រាប់ឈាម ជំងឺក្រពេញទីរ៉ូអ៊ីត និងការប្រើថ្នាំដោយគ្មានការពិគ្រោះជាមួយគ្រូពេទ្យបានត្រឹមត្រូវ។សំរាប់អ្នកជំងឺឡើងជាតិអាស៊ីតត្រូវបានគ្រូពេទ្យជំនាញណែនាំឱ្យ៖  - ជៀសវាងការបរិភោគអាហារដែលសំបូរជាតិពុយរីន (ដូចបានរៀបរាប់ខាងលើ)  - ពិសាទឹក តិចបំផុត ២លីត្រ ក្នុង១ថ្ងៃ  - ជៀសវាងការពិសាគ្រឿងស្រវឹង  - ពិគ្រោះ និងទទួលការព្យាបាលត្រឹមត្រូវជាមួយគ្រូពេទ្យឯកទេស ដើម្បីការឈានរកមូលហេតុនៃជំងឺ និងផលប៉ះពាល់សរីរាង្គផ្សេងៗដែលអាចកើតមាន៕

(ព័ត៌មានជាតិ)៖ នាយកដ្ឋាននគរបាលព្រហ្មទណ្ឌ បានអំពាវនាវឲ្យបណ្ដាផ្ទះសំណាក់ សណ្ឋាគារទាំងអស់ នៅពេលឃើញអ្នកអូសវ៉ាលីធំៗខុសប្រក្រតី សូមរាយការណ៍មកកាន់សមត្ថកិច្ចជាបន្ទាន់ ខណៈកាលពីពេលថ្មីៗនេះមានករណីចាប់នារីៗញាត់ចូលវ៉ាលី ដើម្បីជំរិតទារប្រាក់ដែលបង្កដោយជនជាតិចិនមួយក្រុម។ជាក់ស្ដែង បើយោងតាម នាយកដ្ឋាននគរបាលព្រហ្មទណ្ឌ បានឱ្យដឹងថា កាលពីថ្ងៃទី១៣ ខែមករា ឆ្នាំ២០២៥ នៅចំណុចសណ្ឋាគារ នួ ឌី ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ មានករណីចាប់ជនរងគ្រោះឈ្មោះ HO THI LUONG ភេទស្រី អាយុ៣៧ឆ្នាំ ជនជាតិវៀតណាម ដាក់ចូលទៅក្នុងវ៉ាលី ដើម្បីជំរិតទារប្រាក់ បង្កឡើងដោយជនមិនស្គាល់អត្តសញ្ញាណចំនួន០១ក្រុម ជនជាតិចិន។ក្រោយពីមានហេតុការណ៍ខាងលើកើតឡើង នៅថ្ងៃទី២៦ ខែមករា ឆ្នាំ២០២៥ វេលាម៉ោង១៧៖៣០នាទី កម្លាំងជំនាញរបស់នាយកដ្ឋាននគរបាលព្រហ្មទណ្ឌ បានដឹកនាំសហការជាមួយអធិការដ្ឋាននគរបាលខណ្ឌដង្កោ និងខណ្ឌបឹងកេងកង រហូតកំណត់បានអត្តសញ្ញាណ និងទីតាំងលាក់ខ្លួនរបស់ជនសង្ស័យខាងលើ ដោយកម្លាំងជំនាញបានជួយសង្គ្រោះជនរងគ្រោះបានចំនួនម្នាក់ ឈ្មោះ ZHAO KANG LI ភេទស្រី អាយុ៤០ឆ្នាំ ជនជាតិចិន និងបានចាប់ខ្លួនក្រុមជនសង្ស័យចំនួន២នាក់ រួមមាន ទី១៖ឈ្មោះ JIAO YOUKE អាយុ២៧ឆ្នាំ ជនជាតិចិន និងទី២៖ឈ្មោះ ZHENG NAIWEN អាយុ៣៧ឆ្នាំ ជនជាតិចិនត្រង់ចំណុចបុរីពិភពថ្មីកួរស្រូវ៣ សង្កាត់រលួស ខណ្ឌដង្កោ រាជធានីភ្នំពេញ។ដោយ ជនសង្ស័យខាងលើបានសារភាពថា ពួកខ្លួនបានចូលរួមធ្វើសកម្មភាពមានគ្នា ចំនួន៣នាក់ ដោយបានធ្វើសកម្មភាពចាប់ស្រ្តីជនជាតិចិន និងវៀតណាម ដាក់ចូលទីក្នុងវ៉ាលី ដើម្បីជំរិតទារប្រាក់ចំនួន៦ករណី មកហើយ។ បច្ចុប្បន្នជនសង្ស័យខាងលើត្រូវបាននាយកដ្ឋាននគរបាលព្រហ្មទណ្ឌ កសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ។ជាមួយគ្នានេះ នាយកដ្ឋាននគរបាលព្រហ្មទណ្ឌ សូមធ្វើការក្រើនរំលឹក និងអំពាវនាវឲ្យបណ្ដាផ្ទះសំណាក់ សណ្ឋាគារទាំងអស់ នៅពេលឃើញអ្នកអូសវ៉ាលីធំៗខុសប្រក្រតី សូមរាយការណ៍មកកាន់សមត្ថកិច្ចជាបន្ទាន់៕

ក្រោយ ផ្ទុះរឿង បុគ្គលម្នាក់ដែលជាមេដឹកនាំ «សមាគមទេវ សក្ខី ភគវន្ត» ដែលតាំងខ្លួនឯងជាសាស្តា ហើយបានលើកឡើង «បួសជាសង្ឃគឺទម្ងន់ដល់អ្នកស្រុក រួមទាំងព្រះពុទ្ធផង ហើយបិដកសព្វថ្ងៃ គឺជាបិដកមិនគ្រប់ទឹក» ដែលជាការពន្យល់ធ៌ម ប្រាសចាកខ្លឹមសារ មានគំនិតទុច្ចរិត និយាយបំភាន់ និងប្រមាថយ៉ាងធ្ងន់ធ្ងរដល់ព្រះពុទ្ធវចនៈ ព្រះត្រៃបិដកខ្មែរ ចង់បំបែកបំបាក់ជំនឿលើព្រះសង្ឃ និងពលរដ្ឋខ្មែរ ហើយទទួលបានការរិះគន់យ៉ាងដៃ ក៏ដូចជាមានការថ្កោលទោស ពីសំណាក់ពុទ្ធសាសនិក ព្រះសង្ឃគ្រប់ជាន់ថ្នាក់ រួមទាំងស្ថាប័នពាក់ព័ន្ធជាច្រើន នៅទីបំផុត រដ្ឋមន្រ្តីក្រសួងធម្មការ និង សាសនា បានកោះហៅបុគ្គលម្នាក់ដែលតាំងខ្លួនជាព្រះសាស្តា មកជួបប្រជុំហើយ។ជាក់ស្តែង បើយោងតាមផេកហ្វេសប៊ុកក្រសួងធម្មការ និង សាសនា នៅថ្ងៃទី ២៩ ខែមករា ឆ្នាំ២០២៥ បានបញ្ជាក់ឱ្យដឹងថា ក្រសួងមហាផ្ទៃនឹងបន្តដោះស្រាយតាមនីតិវីធីច្បាប់ចំពោះសមាគមទេវ សក្ខី ភគវន្ត ក្រោយពេលក្រសួងធម្មការ និងសាសនា បានប្រជុំដោះស្រាយដំណាក់កាលបឋមរួចមក។ឯកឧត្តម ចាយ បូរិន រដ្ឋមន្រ្តីក្រសួងធម្មការនិងសាសនា អញ្ជើញដឹកនាំកិច្ចប្រជុំ ដោយមានការអញ្ជើញពី ឯកឧត្តម តំណាងក្រសួងមហាផ្ទៃ ឯកឧត្តម តំណាង ក្រសួងយុត្តិធម៌ និងប្រធាន សមាគមទេវ សក្ខី ភគវន្ត ស្តីពីករណី លោក ថង ប៊ុនថេង (ហៅ សក្ខី ភគវន្ត) កិច្ចប្រជុំនេះ នៅបន្ទប់ផ្កាក្រវ៉ាន់ ទីស្តីការក្រសួង។ជាលទ្ធផលអង្គប្រជុំបានសម្រេចដូច ខាងក្រោម :១- លោក ថង ប៊ុនថេង (សក្ខី ភគវន្ត) ព្រមទទួលស្គាល់នូវកំហុសឆ្គង និង យល់ព្រមពោលពាក្យសុំទោសជាសាធារណៈ ចំពោះចំណុចដែលខ្លួនបាន លើកឡើង កន្លងមក ដែលធ្វើឱ្យប៉ះពាល់ដល់ព្រះសង្ឃ ព្រះត្រៃបិដក និង ព្រះពុទ្ធសាសនា យល់ព្រមផ្លាស់ប្តូរឥរិយាបថក្នុងពេលពន្យល់ធម៌ និង ឈប់ប្រើប្រាស់ក្រណាត់សំពត់ ពានា។២- យល់ព្រមលុបវីដេអូដែលបានផ្សព្វផ្សាយដែលប៉ះពាល់កន្លងមក ចេញពីបណ្តាញសង្គម។៣- ក្រសួងមហាផ្ទៃនឹងពិនិត្យមើលនូវនីតិវិធីច្បាប់ ចំពោះសកម្មភាពប្រតិបត្តិរបស់សមាគម៕

(អន្តរជាតិ)៖ វិស្វករអវកាសជនជាតិអាឡឺម៉ង់ម្នាក់ បានបំបែកឯតទគ្គកម្មពិភពលោក សម្រាប់រយៈពេល ដ៏យូរបំផុតដែលរស់នៅក្រោមទឹកដោយគ្មានសម្ពាធ រយៈពេល120 ថ្ងៃ នៅឆ្នេរសមុទ្រប៉ាណាម៉ា។ លោក Rudiger Koch អាយុ 59 ឆ្នាំបានផុសចេញពីផ្ទះរបស់គាត់ដែលមានទំហំ 30 ម៉ែត្រការ៉េ (320 ហ្វីតការ៉េ) នៅក្រោមសមុទ្រក្នុងវត្តមានរបស់អ្នកកាត់ក្តី Guinness World Records គឺអ្នកស្រី Susana Reyes ។អ្នកស្រី ​បាន​បញ្ជាក់​ថា Koch បាន​បំបែក​ឯតទគ្គកម្ម​ដែល​បាន​កាន់កាប់​ដោយ​ជនជាតិ​អាមេរិក Joseph Dituri ដែល​បាន​ចំណាយ​ពេល 100 ថ្ងៃ​ក្នុង​ការ​រស់​នៅ​ក្នុង​ផ្ទះសំណាក់​ក្រោម​ទឹក ​ក្នុង​បឹង​ក្នុង​រដ្ឋ Florida។លោក Koch បានប្រាប់ AFP បន្ទាប់ពីចាកចេញពីកន្សោម 11 ម៉ែត្រ (36 ហ្វីត) នៅក្រោមសមុទ្រថា "វាជាការផ្សងព្រេងដ៏អស្ចារ្យមួយ ហើយឥឡូវនេះវានៅទីនោះស្ទើរតែមានអារម្មណ៍សោកស្តាយ។ ខ្ញុំរីករាយនឹងពេលវេលារបស់ខ្ញុំនៅទីនេះខ្លាំងណាស់" ។ វា​ជា​រឿង​ដ៏​ស្រស់​ស្អាត​នៅ​ពេល​ដែល​អ្វីៗ​ស្ងប់​ស្ងាត់ ហើយ​វា​ងងឹត ហើយ​សមុទ្រ​ក៏​បញ្ចេញ​ពន្លឺ​»​។លោក​បាន​បន្ថែម​ថា​៖ «​វា​មិន​អាច​ពិពណ៌នា​បាន​ទេ អ្នក​ត្រូវ​ទទួល​បទពិសោធន៍​នោះ​ដោយ​ខ្លួន​ឯង​។ផ្ទះក្រោមទឹករបស់ លោក Koch មានដូចជា គ្រែ បង្គន់ ទូរទស្សន៍ កុំព្យូទ័រ និងអ៊ីនធឺណិត សូម្បីតែ កង់ហាត់ប្រាណ។បន្ទះស្រូបពន្លឺព្រះអាទិត្យនៅលើផ្ទៃបានផ្តល់ថាមពលអគ្គិសនី។ មានម៉ាស៊ីនភ្លើងបម្រុងទុក កាមេរ៉ាចំនួនបួនបានថតចលនារបស់គាត់នៅក្នុងផ្ទះក្រោមទឹក ដោយចាប់យកជីវិតប្រចាំថ្ងៃរបស់គាត់ តាមដានសុខភាពផ្លូវចិត្តរបស់គាត់ និងផ្តល់ភស្តុតាងថា គាត់មិនដែលឡើងមកលើផ្ទៃទឹក។លោកស្រី Reyes បានប្រាប់ AFP ថា "យើងត្រូវការសាក្សីដែលកំពុងត្រួតពិនិត្យ និងផ្ទៀងផ្ទាត់ 24/7 អស់រយៈ ពេលជាង 120 ថ្ងៃ" ។នាង​បាន​បន្ថែម​ថា កំណត់ត្រា​នេះ «​ពិតជា​អស្ចារ្យ​បំផុត​មួយ​»៕

(អន្តរជាតិ)៖ ម្ហូបរបស់វៀតណាមដែលមានឈ្មោះថា«ទាកាញ់»ជាប់ចំណាត់ថ្នាក់ទី 53 ក្នុងចំណោមមុខ ម្ហូបទាំង 100 របស់ពិភពលោក នេះបើយោងតាមទស្សនាវដ្តីម្ហូបអាហារអន្តរជាតិ TasteAtlas ។បន្ទាប់ពីការចេញផ្សាយនៃបញ្ជីម្ហូប "100 ដែលល្អបំផុតនៅលើពិភពលោក 2025" ទស្សនាវដ្តី TasteAtlas បានបោះពុម្ពផ្សាយបញ្ជីប្រចាំឆ្នាំ "100មុខជាអាហារដែលមានចំណាត់ថ្នាក់អាក្រក់បំផុត នៅលើពិភពលោក" ។Tiet Canh ឬ​ម្ហូបស្រោចឈាម​ឆៅ​ជា​ម្ហូប​វៀតណាម​មាន​ក្នុង​បញ្ជី​លេខ​៥៣។ ចំណែក Trung vit lon ពងទា កូន ដែលជាមុខម្ហូបដ៏ពេញនិយមនៅ ប្រទេសវៀតណាម ក៏ស្ថិតក្នុងបញ្ជីចំណាត់ថ្នាក់ទី 48 ផងដែរ ។ Tiet Canh គឺជាមុខម្ហូបរបស់ជនជាតិវៀតណាម ដែលផលិតចេញពីឈាមសត្វ លាយជាមួយនឹងទឹកត្រី និងសាច់តាមរដូវ។ វាត្រូវបានបម្រើជាញឹកញាប់ក្នុងឱកាសពិសេស ដូចជាការជួបជុំគ្រួសារធំៗជាដើម។ ទោះបីជាមានការព្រួយបារម្ភអំពីសុវត្ថិភាពម្ហូបអាហារក៏ដោយ ក៏វានៅតែមានប្រជាប្រិយភាព និងមិន ត្រូវបានហាមឃាត់ជាផ្លូវការទេ។នេះ​មិន​មែន​ជា​លើក​ទី​មួយ​ទេ​ដែល​ម្ហូប​នេះ​ត្រូវ​បាន​គេ​រិះគន់។ នៅក្នុងខែមីនា ឆ្នាំ 2024 TasteAtlas បានចេញផ្សាយបញ្ជីមុខម្ហូបវៀតណាមចំនួន 45 ដែលត្រូវបានវាយតម្លៃអាក្រក់បំផុត ដោយភ្ញៀវ អន្តរជាតិ ។កំពូលតារាងឆ្នាំ 2025 គឺនំ blodplattar ដែលជានំផេនខេកធ្វើពីឈាមរបស់ ប្រទេសស៊ុយអែតដែលមាន ប្រជាប្រិយភាពផងដែរ នៅក្នុងប្រទេសហ្វាំងឡង់ និងន័រវែស។ ទោះបីជាត្រូវបានចាត់ទុកថាជាអាហារូបត្ថម្ភដោយអ្នកស្រុកក៏ដោយ ក៏វាបានទទួលការវាយ តម្លៃទាបពីភ្ញៀវទេសចរអន្តរជាតិ ដោយសារតែការរៀបចំរបស់វា។Blodplattar គឺជានំផេនខេកដែលធ្វើឡើងដោយការលាយឈាមសត្វ ជាមួយម្សៅស្រូវសាលី ​មុខម្ហូប អាស៊ីមួយចំនួនក្នុងបញ្ជីរួមមានដុកឌឿបំពង ជាប់ចំណាត់ថ្នាក់ទី 5 អាពីងបំពងរបស់ កម្ពុជាជាប់ចំណាត់ ថ្នាក់ទី 23 និងនំសែនព្រះខែរបស់ចិនជាប់ចំណាត់ថ្នាក់ទី 25 ៕

(វ៉ាស៊ីនតោន)៖ ក្រុមមន្ត្រីបាននិយាយថា យន្តហោះដឹកអ្នកដំណើរ របស់ក្រុមហ៊ុនអាកាសចរណ៍អាមេរិច អ៊ែរឡាញ និងឧទ្ធម្ភាគចក្រ Black Hawk របស់កងទ័ពសហរដ្ឋអាមេរិក បានធ្លាក់ចូលទៅក្នុងទន្លេ Potomac ដ៏ត្រជាក់ បន្ទាប់ពីមានការប៉ះទង្គិចគ្នា នៅកណ្តាលអាកាសនៅជិតអាកាសយានដ្ឋានជាតិ Reagan Washington កាលពីយប់ថ្ងៃពុធ (២៩ មករា)។CBS News បានរាយការណ៍ថា យ៉ាងហោចណាស់សាកសពចំនួន 18 ត្រូវបានគេរកឃើញ រហូតមក ដល់ពេលនេះ ដោយសំអាងលើមន្ត្រីប៉ូលីស។ ប្រភពពីរបានប្រាប់ Reuters ថាសាកសពជាច្រើនត្រូវ បានទាញចេញពីទឹក។ក្រុមហ៊ុនអាកាសចរណ៍ American Airlines បានបញ្ជាក់ថា មនុស្សចំនួន 64 នាក់នៅលើយន្តហោះនោះ មានអ្នកដំណើរចំនួន 60 នាក់ និងសមាជិកនាវិកចំនួន 4 នាក់។មន្ត្រី​អាមេរិក​ម្នាក់​បាន​និយាយ​ថា ទាហាន​បី​នាក់​បាន​ជិះ​ឧទ្ធម្ភាគចក្រ។ អ្នកនាំពាក្យយោធាម្នាក់ បាននិយាយថា ឧទ្ធម្ភាគចក្រ Black Hawk របស់កងទ័ពសហរដ្ឋអាមេរិក កំពុងធ្វើ "ការហោះហើរហ្វឹកហាត់" ។សាច់ញាតិដែលប្រមូលផ្ដុំគ្នានៅអាកាសយានដ្ឋានបាននិយាយថា ពួកគេមិនទទួលបានព័ត៌មានតិចតួចពី មន្ត្រីអំពីឧបទ្ទវហេតុនេះទេ ដោយបន្ថែមថាពួកគេកំពុងទទួលដំណឹងបន្ថែមទៀតអំពី ឧបទ្ទវហេតុនេះពី របាយការណ៍ព័ត៌មាន។គួរបញ្ជាក់ថា មិន​មាន​ឧប្បត្តិហេតុ​ធ្លាក់​យន្តហោះ​ដឹក​អ្នក​ដំណើរ​អាមេរិក​ស្លាប់​ទេ ​ចាប់​តាំង​ពី​ខែ​កុម្ភៈ ឆ្នាំ​២០០៩មក ប៉ុន្តែ​ឧបទ្ទវហេតុ​​ជា​បន្តបន្ទាប់​ក្នុង​រយៈពេល​ប៉ុន្មាន​ឆ្នាំ​ថ្មីៗ​នេះ​បាន​បង្ក​ក្តី​បារម្ភ​យ៉ាង​ខ្លាំង​អំពី​សុវត្ថិភាព។នៅឆ្នាំ 1982 យន្តហោះ Air Florida Flight 90 បានធ្លាក់ចូលទៅក្នុងស្ពានផ្លូវទី 14 លើទន្លេ Potomac ដោយបានសម្លាប់អ្នកដំណើរ 70 នាក់ និងសមាជិកនាវិក 4 នាក់។ មានតែអ្នកដំណើរ៤នាក់ និងសមាជិកនាវិកម្នាក់ប៉ុណ្ណោះដែលនៅរស់រានមានជីវិត៕​​

(ភ្នំពេញ)៖ ខណៈនេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ កំពុងអញ្ជើញជាអធិបតីដ៏ខ្ពង់ខ្ពស់ ក្នុងសិក្ខាសាលាស្តីពី «ការពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងពាណិជ្ជកម្ម» ដោយមានវត្តមានអញ្ជើញចូលរួមដោយ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម។ក្នុងមតិស្វាគមន៍អង្គសិក្ខាសាលា លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានជម្រាបជូនអង្គសិក្ខាសាលាថា ក្រសួងពាណិជ្ជកម្មបានគាំទ្រ និងចូលរួមយ៉ាងសកម្មក្នុងការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ប្រកបដោយភាពទទួលខុសត្រូវខ្ពស់ ក្នុងស្មារតីធ្វើឱ្យស្ថាប័នរបស់ខ្លួនក្លាយទៅជាអង្គភាពរដ្ឋបាលសាធារណៈទំនើប ប្រកបដោយសមត្ថភាពខ្ពស់ មានគណនេយ្យភាព ដើម្បីបម្រើនូវផលប្រយោជន៍ជូនប្រជាជនឱ្យកាន់តែប្រសើរ។ ជាលទ្ធផលក្រសួង បានរៀបចំជារបាយការណ៍ និងការវិភាគឡើងវិញនូវមុខងារស្នូល មុខងាររង មុខងារគាំទ្រ និងការធ្វើបច្ចុប្បន្នភាពទិន្នន័យមន្ត្រីរាជការ ព្រមទាំងតារាងឧបសម្ព័ន្ធទាំង៤ ចប់សព្វគ្រប់តាមសេចក្តីណែនាំរបស់រាជរដ្ឋាភិបាល និងបានរៀបចំរបាយការណ៍វឌ្ឍនភាពនៃដំណើរការការពិនិត្យឡើងវិញ ការវិភាគមុខងារនិងរចនាសម្ព័ន្ធ និងការធ្វើបច្ចុប្បន្នភាពទិន្នន័យមន្ត្រីរាជការ របស់ក្រសួងពាណិជ្ជកម្ម សម្រាប់ឆមាសទី១ ឆ្នាំ២០២៤។ បន្ថែមពីនេះ ក្រសួងពាណិជ្ជកម្ម បានរៀបចំសេចក្តីព្រាងអនុក្រឹត្យស្តីពី ការរៀបចំនិងការប្រព្រឹត្តទៅរបស់ក្រសួងពាណិជ្ជកម្ម ដើម្បីដាក់ជូនក្រសួងមុខងារសាធារណៈ ពិនិត្យ និងពិភាក្សា។ លោកជំទាវរដ្ឋមន្ត្រី បានបញ្ជាក់ថា ទោះបីជាដំណើរការនៃការពិនិត្យឡើងវិញ ការវិភាគមុខងារនិងរចនាសម្ព័ន្ធរបស់ក្រសួងពាណិជ្ជកម្ម បានសម្រេចលទ្ធផលជាជំហាននីមួយៗ តាមការរំពឹងទុកក៏ពិតមែន ក៏នៅតែបន្តកិច្ចសហប្រតិបត្តិការការងារ ឆ្ពោះទៅរកការរៀបចំយន្តការប្រទាក់ក្រឡាគ្នា ផ្អែកលើអភិក្រមជវភាពនៃប្រព័ន្ធតួអង្គតែមួយ។ ក្នុងន័យនេះ ការផ្តួចផ្តើមឱ្យមានការរៀបចំសិក្ខាសាលានារបស់ក្រសួងមុខងារសាធារណៈនាពេលនេះ គឺជាការរៀបចំដ៏សមស្រប និងពិតជាមានសារៈសំខាន់បំផុត ដើម្បីអនុញ្ញាតឱ្យថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃក្រសួងពាណិជ្ជកម្ម អាចស្វែងយល់ស៊ីជម្រៅជាងមុន អំពីនីតិវិធីនៃដំណើរការការវិភាគមុខងារ និងរចនាសម្ព័ន្ធ ព្រមទាំងទទួលបាននូវគោលការណ៍ណែនាំ ការតម្រង់ទិសបន្ថែមទៀត ពីឯកឧត្តមឧបនាយករដ្ឋមន្ត្រី ដើម្បីជំរុញប្រសិទ្ធភាពនៃការអនុវត្តកម្មវិធីកំណែទម្រង់រដ្ឋបាលសាធារណៈ របស់ក្រសួងពាណិជ្ជកម្មឱ្យកាន់តែល្អប្រសើរបន្ថែមទៀត។សូមជម្រាបថា សិក្ខាសាលានាព្រឹកនេះ ត្រូវបានរៀបចំឡើងជាមួយបទបង្ហាញរបស់ថ្នាក់ដឹកនាំក្រសួងមុខងារសាធារណៈ ចំនួនពីររូបគឺ៖ (១) ការបង្ហាញពីដំណើរការ នៃការពិនិត្យឡើងវិញ និងការវិភាគមុខងារ និងរចនាសម្ព័ន្ធ របស់ក្រសួង ស្ថាប័ន ដោយលោកជំទាវ ឈី វិជ្ជរ៉ា រដ្ឋលេខាធិការក្រសួងមុខងារសាធារណៈ និង (២) ការបង្ហាញពីការងារបំពេញគ្នា គាំទ្រគ្នា និងជំរុញការអនុវត្តការងាររួមគ្នា ក្នុងក្របខណ្ឌការកែទម្រង់ និងពង្រឹងអភិបាលកិច្ច ដោយឯកឧត្តម យក់ ប៊ុនណា រដ្ឋលេខាធិការប្រចាំការ ក្រសួងមុខងារសាធារណៈ៕

(អន្តរជាតិ)៖ ចំនួន ហាងមីជាច្រើន​ នៅក្នុងប្រទេសជប៉ុនបានក្ស័យធននៅឆ្នាំ 2024 ខណៈដែល មនុស្សជាច្រើនស្ទាក់ស្ទើរ ក្នុងការដំឡើងតម្លៃលើសពី 1,000 យ៉េន (6.4 ដុល្លារអាមេរិក) ទោះបីជាតម្លៃ កើនឡើងក៏ដោយ។សារព័ត៌មានក្យូដូបានរាយការណ៍ដោយដកស្រង់សម្តីពីក្រុមហ៊ុនស្រាវជ្រាវ Teikoku Databank ថាមាន 72 ក្នុងចំណោមពួកគេមួយចំនួនបានបិទជាមួយនឹងបំណុលជាង 10 លានយ៉េន (64,400 ដុល្លារអាមេរិក) កាលពីឆ្នាំមុនដែលជាការកើនឡើង 30% ពីឆ្នាំ 2023 ។ប្រហែល 34% នៃអាជីវកម្មរ៉ាមេនចំនួន 350 ដែលធ្វើការស្ទង់មតិដោយក្រុមហ៊ុនបានរាយការណ៍ថា ប្រតិបត្តិការបានខាតបង់ក្នុងកំឡុងឆ្នាំសារពើពន្ធ 2023 ដែលបានដំណើរការចាប់ពីថ្ងៃទី 1 ខែមេសា ឆ្នាំ 2023 ដល់ថ្ងៃទី 31 ខែមីនា ឆ្នាំ 2024។មីរ៉ាមេន ដែលជាស៊ុបគុយទាវជប៉ុន ត្រូវបានគេចាត់ទុកថា ជាអាហារដែលមានតម្លៃទាប ដែលពេញ និយម ជាពិសេសក្នុងចំណោមបុគ្គលដែលមានប្រាក់ចំណូលទាប សិស្សានុសិស្ស និងយុវវ័យ មិនថា ទទួលទានជាអាហារថ្ងៃត្រង់ ឬអាហារពេលយប់នោះទេ។ប៉ុន្តែ​តម្លៃ​នៃ​ការ​ធ្វើ​មី ​ដែល​មាន​តម្លៃ​សមរម្យ​ទាំង​នេះ​បាន​ឡើង​ថ្លៃ ដោយ​ម្ចាស់​ហាង​រ៉ាមេន​បាន​រាយការណ៍​ថា​តម្លៃ​គ្រឿង​ផ្សំ​ស្ទើរ​គ្រប់​មុខ​ដែល​រួម​មាន​សាច់ សារាយ​សមុទ្រ ខ្ទឹម​បារាំង និង​ទឹកស៊ីអ៊ីវ​ក៏​ឡើង​ថ្លៃ​ដែរ។ការចំណាយលើថាមពល ក៏ជាបញ្ហាប្រឈមមួយផងដែរ ដោយសារហាងរ៉ាមេនត្រូវចំហុយ ទំពាំងបាយជូររយៈពេលជាច្រើនម៉ោង ដើម្បីបង្កើតរសជាតិដ៏សម្បូរបែបរបស់វា ដែលជារឿយៗ តម្រូវឱ្យពួកគេបន្តដំណើរការថាមពលគ្រប់ពេលវេលា។ជាមួយនឹងការផ្គត់ផ្គង់ថាមពលជាង 90% របស់ប្រទេសជប៉ុនត្រូវបាននាំចូល ការរំខានជាសកល ដូចជាបញ្ហាដែលបណ្តាលមកពីជម្លោះដែលកំពុងបន្តរវាងរុស្ស៊ី និងអ៊ុយក្រែន បានជះឥទ្ធិពលយ៉ាង ខ្លាំងទៅលើថ្លៃថាមពល។ទោះបីជាមានការកើនឡើងថ្លៃក៏ដោយ ធនាគារ Teikoku Databank បានរាយការណ៍ថាតម្លៃជាមធ្យមនៃ ramen មួយចាននៅតែទាបជាង 700 យ៉េន។ភោជនីយដ្ឋានរ៉ាមេនមួយចំនួនបាននិងកំពុងឡើងថ្លៃ ប៉ុន្តែការចំណាយជាមធ្យមរបស់អតិថិជន នៅគ្រឹះស្ថានទាំងនេះនៅតែទាបជាងភោជនីយដ្ឋានផ្សេងទៀត ដូចដែលបានរាយការណ៍ដោយ Nikkei Asia៕

(សុខភាព)៖ ទារកឧស្សាហ៍ឈ្លក់ទឹកដោះកំឡុងពេលបៅ មិនត្រឹមតែជាបញ្ហាដ៏លំបាកមួយសម្រាប់អ្នកម្ដាយគ្រប់រូបតែប៉ុណ្នោះនោះទេ ប៉ុន្តែវាក៏ជាបញ្ហាមួយដែលអាចប៉ះពាល់ដល់សុវត្តិភាពរបស់ទារកផ្ទាល់ផងដែរ។ ទន្ទឹមនឹងបញ្ហាមួយនេះ ម៉ាក់ជាច្រើនក៏នៅតែមានចម្ងល់ និងមិនទាន់ដឹងពីមូលហេតុច្បាស់លាស់ថាបណ្ដាលមកពីអ្វីខ្លះទើបបានជាទារកឧស្សាហ៍ឈ្លក់ទឹកដោះបែបនេះ។យ៉ាងណាមិញ កត្តាដែលធ្វើអោយទារកឈ្លក់ទឹកដោះបែបនេះគឺអាចបណ្ដាលមកពីមូលហេតុចំបងចំនួន៥យ៉ាងដោយក្នុងនោះរួមមាន៖  - ទារកដែលកើតមិនគ្រប់ខែ ឬទំងន់មិនគ្រប់  - ទារកដែលមានបញ្ហាបេះដូង  - ទារកដែលមានភាពមិនប្រក្រតីពីកំណើតដូចជាឆែបមាត់ ឬក្រអូមមាត់  - ទារកដែលក្អែរញឹកញាប់  - ក្រៅពីនេះក៏ដោយសារតែការរៀបចំស្ថានភាពទារកអោយបៅ ឬការបំបៅមិនបានត្រឹមត្រូវទាំងនេះបើយោងតាមការផ្សព្វផ្សាយរបស់ មន្ទីរពេទ្យកាល់ម៉ែត។ទោះជាយ៉ាងណា គ្រូពេទ្យជំនាញ បានលើកទឹកចិត្តឱ្យអាណាធ្យាបាលគួរណាអញ្ជើញមកពិគ្រោះជាមួយជាមួយគ្រូពេទ្យ ប្រសិនបើកូននៅតែមានអាការៈឈ្លក់ញឹកញាប់ ដើម្បីការពារដល់សុវត្តិភាពទារក។ ដោយត្រូវចងចាំថា“ទឹកដោះម្តាយគឺជាជំរើសអាហារដ៏មានសុវត្ថិភាពតែមួយគត់ចំពោះទារកដែលទើបនឹងកើត”៕

(សង្គម)៖ ស្របពេលកំពុងផ្ទុះរឿង បុគ្គលម្នាក់តាំងខ្លួនជា សាស្តា រួមទាំងបានលើកឡើងថា «បួសជាសង្ឃគឺទម្ងន់ដល់អ្នកស្រុក ហើយបិដកសព្វថ្ងៃ គឺជាបិដកមិនគ្រប់ទឹក» ហើយរងការប្រតិកម្មយ៉ាងខ្លាំង ពីសំណាក់មហាជន និង ព្រះសង្ឃស្ទើរគ្រប់មជ្ឃដ្ឋានហើយនោះ ជាមួយគ្នា នៅថ្ងៃទី ២៨ ខែ មករា សាស្ត្រាចារ្យ និងជាអ្នកនិពន្ធសៀវភៅពិធីការជាតិ-អន្តរជាតិបណ្ឌិត អ៊ិន សុផល បានបង្ហោះនូវរូបភាពមួយចំនួន ព្រមទាំងភ្ជាប់នូវសំណេរដោយបានលើកឡើងដូចតទៅ៖មិនអាចនៅស្ងៀមបាន ព្រោះពួកគេ មុននឹងសម្លាប់ប្រជាជនខ្មែរ គឺសម្លាប់ព្រលឹងជាតិខ្មែរជាមុន !បាវនាជាតិកម្ពុជាៈ ជាតិ ! សាសនា ! ព្រះមហាក្សត្រ ! គ្មានជនណាអាចរំលោភបំពានបាន !ទោះបីអ្នកឯងជានរណា មកពីណា ក៏ត្រូវតែកម្ចាត់ឱ្យចេញផុតពីទឹកដីរបស់ព្រះពុទ្ធ!១.កូនខ្មែរត្រូវចាំថា មុនពេលបារាំងចូលមកគ្រប់គ្រង ប្រទេសកម្ពុជាត្រូវបានបែងចែកជាពីររវាងអាណ្ណាម និងសៀម។ ពួកគេបានបំផ្លាញមូលដ្ឋានគ្រឹះនៃវប្បធម៌ប្រពៃណីជាតិខ្មែរស្ទើរគ្មានសល់ ប្រជាជនខ្មែរស្ទើរលែងស្គាល់ខ្លួនឯងថាជានរណា !២.កញ្ញា ស៊ូសាន ជនជាតិបារាំង បានលះបង់ដ៏ធំធេង ខិតខំព្យាយាមស្វែងរកគម្ពីរសាសនា, ប្រពៃណីទំនៀមទម្លាប់ ដែលបានកប់បាត់ទៅហើយនោះ ប្រមូលផ្តុំនិងចងក្រងឡើងវិញ សម្រាប់កូនខ្មែរជំនាន់ក្រោយៗ បានរៀនសូត្រនិងចងចាំពីប្រវត្តិរបស់ខ្លួន ហេតុនេះហើយកញ្ញាបានចំណាយពេលវេលាពេញមួយជីវិតយុវវ័យ ដើម្បីចូលរួមបង្កើតឱ្យមានសាលាបាលីជាន់ខ្ពស់នៅខ្មែរ មិនតែប៉ុណ្ណោះនាងបានដើរប្រមូសសាស្ត្រាស្លឹករឹតដែលនៅសេសសល់តាមវត្តអារាមនានា ដើម្បីយកមកប្រមូលផ្តុំនិងចងក្រងឱ្យមានវប្បធម៌ ប្រពៃណីទំនៀមទម្លាប់ បន្តពីកេរដូនតារបស់ខ្មែរតាំងពីសម័យអង្គរមក។៣.នៅឆ្នាំ១៩៣០ រាជបណ្ណាល័យត្រូវបានបង្កើតជាវិទ្យាស្ថានពុទ្ធសាសនបណ្ឌិត្យ ដែលជាមជ្ឈមណ្ឌលតែមួយគត់របស់កម្ពុជា បានទាក់ទាញនិស្សិតជាច្រើនមកពីរដ្ឋអាណានិគមផ្សេងៗទៀតនៅក្នុងឥណ្ឌូចិន ជាពិសេសជនជាតិខ្មែរ ដែលកំពុងរស់នៅក្នុងដែនដីកូស័ងស៊ីន ហើយពលរដ្ឋខ្មែរនៅកូស័ងស៊ីន ក៏បានរួមបញ្ចូលនៅក្នុងគម្រោងការដ៏ទូលំទូលាយរបស់កញ្ញា ស៊ូសានដែរ ដើម្បីជួយឱ្យវប្បធម៌ ភាពថ្លៃថ្នូរនិងការស្វែងរកឧត្តមគតិរបស់ខ្មែរឱ្យរស់រានមានជីវិតឡើងវិញ។៤.នៅពេលវប្បធម៌ប្រពៃណីជាតិខ្មែរស្ទើរតែផុតរលត់ទៅហើយនោះ គឺព្រះសង្ឃមានតួនាទីសំខាន់បំផុតក្នុងការផ្សព្វផ្សាយវប្បធម៌ប្រពៃណីជាតិខ្មែរឱ្យរស់ឡើងវិញ អប់រំផ្នត់គំនិត និងមនសិការប្រជាជនខ្មែរឱ្យរួបរួមគ្នាកសាងជាតិឡើងវិញ។៥.ក្រោយឆ្នាំ១៩២២ ព្រះសង្ឃជួន ណាត និង ហួត តាត បានក្លាយទៅជាជំនួយការដ៏ជិតស្និទ្ធជាមួយលោកល្វីស ហ្វីណូត “Louis Finot” ដែលក្រោយមកគឺជានាយកសាលា (EFEO) និងជាអ្នកត្រួតពិនិត្យមើលលើការបង្រៀនបាលីសំស្ក្រឹត សិក្សាពីប្រវត្តិរបស់ព្រះពុទ្ធ ដ៏ច្បាស់លាស់មួយរហូតឈានដល់ការបោះពុម្ពផ្សាយអត្ថបទព្រះពុទ្ធសាសនានៅកម្ពុជា សម្រាប់ប្រើនៅក្នុងវិទ្យាស្ថានព្រះពុទ្ធសាសនា។៦.យើងក៏ត្រូវប្រុងប្រយ័ត្នចចំពោះសង្ឃក្លែងក្លាយ ដែលចូលមកជ្រកក្រោមព្រះពុទ្ធសាសនា ដើម្បីបំផ្លាញព្រះពុទ្ធសាសនា ដែលជាសាសនារបស់ជាតិ ជនទាំងនោះហើយបានដើរតួនាទីយ៉ាងសកម្មក្នុងការបំផ្លាញព្រះសង្ឃខ្មែរ ធ្វើឱ្យមានការភាន់ច្រឡំ នាំឱ្យប្រជាពលរដ្ឋស្អប់ខ្ពើមព្រះសង្ឃដែលមានទឹកព្រះទ័យដ៏ល្អបរិសុទ្ធរបស់ខ្មែរពិតៗ៕

(សង្គម)៖ សាធារណៈជនគ្រប់រូប ពិសេសមិត្តៗនារីគួរប្រុងប្រយ័ត្ន មុននឹងជ្រើសរើសទិញផលិតផល ថែរក្សាសម្រស់ ឬប្រភេទអាហារបំប៉នសម្រាប់សម្រកគីឡូណាមួយពីក្រុមអ្នកលក់អនឡាញមួយចំនួន ដែលចេះតែលក់ចង់បានតែលុយពីភ្ញៀវ ប៉ុន្តែមិនបានគិតគូរ និងយល់ដឹងអំពីផលិតច្បាស់លាស់ អាចបណ្ដាលឱ្យអ្នកប្រើប្រាស់ ប្រើយូរទៅខូចសុខភាពដោយមិនដឹងខ្លួន។ ថ្មីៗនេះមានក្រុមអ្នកលក់ផលិតផលអនឡាញមួយចំនួនតូចបន្តធ្វើការដាក់លក់នូវថ្នាំមួយប្រភេទនេះ ដែល ជាផលិតរបស់ប្រទេសជប៉ុន ខណៈផ្សព្វផ្សាយថាជាផលិតផលប្រើប្រាស់សម្រាប់ជួយក្នុងការសម្រកគីឡូ ប៉ុន្តែការពិតគឺខុសទាំងស្រុង ខណៈឱសថខាងលើនេះជាប្រភេទថ្នាំជួយបន្ទន់លាមក ដែលណែនាំឱ្យ ប្រើប្រាស់ម្ដងម្កាលប៉ុណ្ណោះ។ ក្រោយបានឃើញមនុស្សចំនួនមានការយល់ច្រលំអំពីថ្នាំប្រភេទនេះ បងស្រីឱសថការី និងជាម្ចាស់គណនី skinbloomingbeauty2 បានលើកឡើងថា គួរប្រយ័ត្នក្នុងការប្រើប្រាស់។ទោះជាយ៉ាងណាក៏ដោយ ការផ្សព្វផ្សាយលក់ផលិតផលថែរក្សាសម្រស់ ក៏ដូចជាអាហារបំប៉នមួយចំនួន ដែលខុសការណែនាំ អាចបណ្ដាលឱ្យអ្នកប្រើប្រាស់ខូចសុខភាពដោយមិនដឹងខ្លួន។ ក្នុងនាមជាអ្នកលក់ ផលិតផលទាំងនេះ គួរសិក្សាស្វែងយល់ឱ្យបានច្បាស់ និងត្រូវមានចំណេះជំនាញពិតប្រាកដ មុនយកមកផ្សព្វផ្សាយលក់ជាសាធារណៈដល់អតិថិជន ចៀសវាងបង្កហានិភ័យប៉ះពាល់សុខភាព ធ្ងន់ធ្ងរដល់អ្នកប្រើប្រាស់ ពិសេសអាចបណ្ដាលឱ្យអ្នកលក់ផលិតផលប្រឈមមុខនឹងផ្លូវច្បាប់ថែមទៀតផង។ សូមសាធារណៈជនបន្តចែករំលែកនូវព័ត៌មានឱ្យបានព្រោងព្រាត ដល់អ្នកដែលធ្លាប់ប្រើប្រាស់ ឬកំពុងប្រើប្រាស់នូវឱសថប្រភេទនេះ៕