(ត្បូងឃ្មុំ)៖ បន្តពីសកម្មភាពដើរថ្មើរជើងចម្ងាយ ១០គីឡូម៉ែត្រ នៅតំបន់ប្រវត្តិសាស្ត្រកោះថ្ម នាព្រឹកថ្ងៃទី២១ ខែមិថុនា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា រួមជាមួយឯកឧត្តម លោកជំទាវ អនុប្រធាន និងសមាជិក សមាជិកា ស.ស.យ.ក. បានអញ្ជើញរៀបចំពិធីបង្សុកូលឧទ្ទិសកុសលជូនវិញ្ញាណក្ខន្ធវីរកងទ័ព និងឥស្សរជនអ្នកស្នេហាជាតិ ដែលបានពលីជីវិតក្នុងបុព្វហេតុជាតិមាតុភូមិ នៅមហាចេតិយ ស្ថិតក្នុងតំបន់ប្រវត្តិសាស្ត្រកោះថ្ម ខេត្តត្បូងឃ្មុំ។ពិធីនេះត្រូវបានរៀបចំឡើងក្នុងបរិយាកាសប្រកបដោយសេចក្តីគោរព និងដឹងគុណយ៉ាងជ្រាលជ្រៅ ចំពោះវីរភាព ព្រមទាំងការលះបង់ដ៏ធំធេងរបស់វីរកងទ័ព ឥស្សរជនអ្នកស្នេហាជាតិគ្រប់ជំនាន់ ដែលបានបូជាកម្លាំងកាយចិត្ត និងជីវិត ដើម្បីបុព្វហេតុជាតិ សន្តិភាព និងអនាគតរបស់ប្រជាជនកម្ពុជា។ការរំឭកនេះ មិនត្រឹមតែជាការសម្ដែងនូវកតញ្ញូតាធម៌ចំពោះអ្នកដែលបានពលីកម្មប៉ុណ្ណោះទេ ប៉ុន្តែថែមទាំងជាការបញ្ជាក់ពីការប្ដេជ្ញាចិត្តរបស់យុវជនជំនាន់ក្រោយ ក្នុងការចងចាំប្រវត្តិសាស្ត្រ ថែរក្សាសន្តិភាព និងបន្តកសាងអនាគតកម្ពុជាឱ្យកាន់តែរឹងមាំ និងរីកចម្រើនតទៅមុខ៕

(ប្រទេសជប៉ុន)៖ និស្សិតខ្មែរនៅប្រទេសជប៉ុននៅថ្ងៃទី១៩ ខែមិថុនា ឆ្នាំ២០២៦ បានចូលរួមក្នុងកម្មវិធី “សប្តាហ៍កម្ពុជា (Cambodian Week 2026)” នៅសាកលវិទ្យាល័យ Ritsumeikan Asia Pacific (APU) នៅខេត្តអូអ៊ីតា ប្រទេសជប៉ុន ដើម្បីផ្សព្វផ្សាយវប្បធម៌ និងប្រពៃណីខ្មែរ។ លោកខ្លេង សុខហ៊ ប្រធានតំបន់ហ្វូគូអូកា បានអញ្ជើញជាអធិបតីក្នុងកម្មវិធីនេះដែលមានអ្នកចូលរួមយ៉ាងច្រើនកុះករ។ កម្មវិធីនេះបង្កើតឡើងក្នុងគោលបំណងផ្សារភ្ជាប់ទំនាក់ទំនងរវាងនិស្សិតកម្ពុជា និងនិស្សិតអន្តរជាតិជាង ១០០ប្រទេស ដែលកំពុងសិក្សានៅទីនោះ។ កម្មវិធីនេះមានរយៈពេលមួយសប្តាហ៍ពេញ រួមមានការសម្តែងរបាំប្រពៃណី ការតាំងពិព័រណ៍វប្បធម៌ និងការលក់ម្ហូបអាហារខ្មែរ។ ក្នុងឱកាសនេះ និស្សិតខ្មែរ បានសម្តែងនូវការដឹងគុណ និងថ្លែងអំណរគុណយ៉ាងជ្រាលជ្រៅ ចំពោះ ឯកឧត្តម ហាំង តុលា ប្រធានក្រុមការងារប្រទេសជប៉ុន ដែលបានឧបត្ថម្ភថវិកា សម្រាប់ទិញឈុតសម្លៀកបំពាក់ប្រពៃណី និងក្រុមការងារតំបន់ហ្វូគូអូកា ដែលបានឧបត្ថម្ភថ្លៃផ្ញើសម្ភារៈទៅប្រទេសជប៉ុន ដើម្បីគាំទ្រដល់និស្សិតខ្មែរ ក្នុងការរៀបចំកម្មវិធីខាងលើ៕

(កំពង់ឆ្នាំង)៖ ក្នុងស្មារតីយកចិត្តទុកដាក់ខ្ពស់ចំពោះជីវភាពប្រជាពលរដ្ឋ ជាពិសេសបងប្អូនអតីតពលករពីប្រទេសថៃ និងយុវជនកំពុងរកការងារធ្វើ វេទិកាការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ត្រូវបានរៀបចំឡើងនៅបរិវេណសាលាស្រុកទឹកផុស ខេត្តកំពង់ឆ្នាំង ដោយនាំមកនូវឱកាសការងារជាង ១ម៉ឺនកន្លែងពីក្រុមហ៊ុន រោងចក្រ សហគ្រាស និងតំបន់សេដ្ឋកិច្ចចំនួន ៨ ដើម្បីផ្ដល់ការចុះឈ្មោះ សម្ភាស និងទទួលបានការងារភ្លាមៗជូនដល់មូលដ្ឋាន នាព្រឹកថ្ងៃសៅរ៍ ទី២០ ខែមិថុនា ឆ្នាំ២០២៦ ដែលមានអ្នកចូលរួមជិត ៥០០នាក់។ ថ្លែងក្នុងវេទិកាការងារក្រោមប្រធានបទ «ខ្មែរជួយរកការងារ និងផ្ដល់ការងារឱ្យខ្មែរ» លោកជំទាវ ម៉ៅ ធីតា រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានគូសបញ្ជាក់ពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការទាក់ទាញគម្រោងវិនិយោគ បង្កើតការងារ និងរៀបចំវេទិកាដ៏មានប្រសិទ្ធភាពនេះឡើងជាបន្តបន្ទាប់នៅទូទាំងប្រទេសតាមរយៈក្រសួងការងារក្នុងទិសដៅនាំយកការងារពីក្រុមហ៊ុន រោងចក្រ សហគ្រាស អត្ថប្រយោជន៍ ប.ស.ស. និងកម្មវិធី TVET មកផ្សព្វផ្សាយជូនដល់មូលដ្ឋាន។ យន្តការនេះនាំយកការងារ «មកដល់ផ្ទះ» ដែលជួយកាត់បន្ថយទាំងពេលវេលា និងថវិកាដល់បងប្អូនដែលកំពុងរកការងារធ្វើ ជាពិសេសអតីតពលករ។ នាឱកាសនោះ លោកជំទាវរដ្ឋលេខាធិការបានលើកឡើងថា បច្ចុប្បន្ននៅមានឱកាសការងារក្នុងស្រុកសរុបជាង ៩ម៉ឺនកន្លែងនៅទូទាំងប្រទេស ដែលជាឱកាសដ៏មានតម្លៃសម្រាប់បងប្អូនកសាងជីវភាពនៅក្នុងស្រុក និងរួមចំណែកដោយផ្ទាល់ក្នុងការជួយលើកស្ទួយសេដ្ឋកិច្ចជាតិ។ លោកជំទាវបានពន្យល់យ៉ាងក្បោះក្បាយពីការងារក្នុងស្រុក និងការងារចំណាកស្រុកនៅប្រទេសថៃ ដោយលោកជំទាវគូសបញ្ជាក់ថា ការងារនៅថៃ ប្រឈមហានិភ័យសុវត្ថិភាព ការរើសអើង ខ្វះការគាំពារសុខភាព និងរស់នៅឆ្ងាយពីគ្រួសារ។ ផ្ទុយទៅវិញ ការងារក្នុងស្រុកគឺជាជម្រើសដ៏ប្រសើរដែលផ្ដល់ទាំងសុភមង្គលក្នុងគ្រួសារ និងអត្ថប្រយោជន៍ដ៏លើសលប់ពីបណ្ណ ប.ស.ស. ជាពិសេស ផ្នែកថែទាំសុខភាព ផ្នែកហានិភ័យការងារ និងផ្នែកប្រាក់សោធន។ទន្ទឹមនេះ បងប្អូនក៏មានឱកាសចុះឈ្មោះចូលរៀនវគ្គបណ្ដុះបណ្ដាលជំនាញបច្ចេកទេសដោយឥតគិតថ្លៃពីកម្មវិធី TVET ១,៥ លាន ដែលជាការយកចិត្តទុកដាក់ខ្ពស់ពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ លើសពីនេះ អតីតពលករដែលមានបទពិសោធ និងជំនាញស្រាប់ តែមិនទាន់មានលិខិតបញ្ជាក់គឺមាន «ផ្លូវកាត់» មួយដែលបងប្អូនអាចដាក់ពាក្យធ្វើតេស្តទទួលស្គាល់សមត្ថភាពពីមុន (RPL) ដោយឥតគិតថ្លៃលើវិស័យសំណង់ចំនួន ៨ មុខ។ នៅពេលទទួលបានវិញ្ញាបនបត្របញ្ជាក់សមត្ថភាព បងប្អូនមានឱកាសទទួលបានប្រាក់ខែច្រើនជាងមុន។ ចំពោះបងប្អូនដែលចង់ទៅធ្វើការនៅក្រៅប្រទេស ក្រសួងខិតខំស្វែងរកទីផ្សារការងារដែលមានស្ដង់ដាខ្ពស់ លក្ខខណ្ឌការងារល្អ និងប្រាក់ខែខ្ពស់ជាងប្រទេសថៃ។ ប្រសិនបើបងប្អូនមានចម្ងល់ ឬស្វែងរកការងារ សូមទាក់ទងមកកាន់លេខទូរស័ព្ទ Hotline ១២៩៧ សម្រាប់ផ្គូផ្គងការងារ និង ១២៨៦ សម្រាប់ព័ត៌មាន ប.ស.ស.។សូមបញ្ជាក់ថា ឱកាសការងារចំនួន ១១ ៩៧០ កន្លែង ដែលត្រូវបាននាំយកមកផ្សព្វផ្សាយក្នុងវេទិកានេះ រួមមាន រោងចក្រ វេនធូរ៉ា លេឌើវែរ អឹមអេហ្វវ៉ាយ (ស៊ីឌី) ឯ.ក, ក្រុមហ៊ុន ថាកូ អាហ្រ្គី, រោងចក្រ ស៊ិនគី អឹភែរឹល (ខេមបូឌា) ឯ.ក, រោងចក្រ យូលីអ៊ីនធើណេស៊ិនណល (ខេមបូឌា) ហ្គាមេន ខូអិលធីឌី, រោងចក្រ មីនេបៀ (ខេមបូឌា) ខេត្តពោធិ៍សាត់, និងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (RGPPSEZ) និងក្រុមហ៊ុន អ៊ែកស៊ល អេស៊ា យូមេន រីសសស៍, ក្រុមហ៊ុន មង្គលអេចអ ឯ.ក ដែលជ្រើសរើសពលករទៅបំពេញការងារនៅប្រទេសជប៉ុន៕

(អន្តរជាតិ)៖ សិង្ហបុរីត្រូវបានចាត់ថ្នាក់ជាប្រទេសល្អបំផុតរបស់ពិភពលោក សម្រាប់ហេដ្ឋារចនាសម្ព័ន្ធ នៅក្នុងរបាយការណ៍ប្រទេសល្អបំផុតរបស់សហរដ្ឋអាមេរិក និងពិភពលោកចុងក្រោយបង្អស់ ដោយពង្រឹង កេរ្តិ៍ឈ្មោះរបស់ខ្លួនសម្រាប់ប្រព័ន្ធដឹកជញ្ជូន ផែនការទីក្រុង និងសេវាសាធារណៈ។ចំណាត់ថ្នាក់នេះគឺជាផ្នែកមួយនៃការសិក្សាប្រទេសល្អបំផុតឆ្នាំ ២០២៦ នៃការបោះពុម្ពផ្សាយ ដែលបាន វាយតម្លៃសេដ្ឋកិច្ចចំនួន ១០០ ដោយប្រើវិធីសាស្រ្តជំរុញទិន្នន័យ ដែលគ្របដណ្តប់លើវិស័យដូចជា អភិបាលកិច្ច សុខភាព ការអភិវឌ្ឍសេដ្ឋកិច្ច សុខភាពស៊ីវិល និងហេដ្ឋារចនាសម្ព័ន្ធ។ចំណាត់ថ្នាក់នេះ ពិចារណាលើកត្តាជាច្រើន រួមទាំងរង្វាស់ដឹកជញ្ជូនដូចជាដង់ស៊ីតេផ្លូវ ប្រសិទ្ធភាពដឹក ជញ្ជូន សាធារណៈ របួសចរាចរណ៍ផ្លូវគោក និងដំណើរការភស្តុភារ។ ការសិក្សានេះក៏ថ្លឹងថ្លែង សន្តិសុខ ថាមពល និងអាកាសធាតុ ការតភ្ជាប់ឌីជីថល និងការទទួលបានតម្រូវការជាមូលដ្ឋានដូចជាទឹកស្អាត អគ្គិសនី និងអនាម័យ។យោងតាមរបាយការណ៍ សិង្ហបុរីបានលេចធ្លោទូទាំងពិភពលោកសម្រាប់បណ្តាញដឹកជញ្ជូនដែល មានការអភិវឌ្ឍខ្ពស់ ហេដ្ឋារចនាសម្ព័ន្ធអាកាសយានដ្ឋានលំដាប់ពិភពលោក ឧបករណ៍ប្រើប្រាស់ដែល អាចទុកចិត្តបាន និងការតភ្ជាប់ឌីជីថលដ៏រឹងមាំ។យោងតាមរបាយការណ៍ ប្រទេសនេះត្រូវបានគេទទួលស្គាល់យ៉ាងទូលំទូលាយសម្រាប់ គម្រោងហេដ្ឋា រចនាសម្ព័ន្ធទ្រង់ទ្រាយធំ និងផែនការទីក្រុងរួមបញ្ចូលគ្នា ទោះបីជាមានផ្ទៃដីមានកំណត់ក៏ដោយ។ ប្រព័ន្ធដឹកជញ្ជូនសាធារណៈរបស់ខ្លួន រួមទាំងបណ្តាញផ្លូវដែក MRT និងអាកាសយានដ្ឋាន Changi ជារឿយៗត្រូវបានចាត់ថ្នាក់ក្នុងចំណោមប្រទេសល្អបំផុតនៅលើពិភពលោក៕

(អន្តរជាតិ)៖ ប្រភពព័ត៌មានបាននិយាយថា រដ្ឋាភិបាលជប៉ុននឹងស្វែងរកការកសាងឡើងវិញនូវរ៉េអាក់ទ័រ នុយក្លេអ៊ែរចាស់ៗ ចំនួនពីរទៅប្រាំនៅត្រឹមឆ្នាំ ២០៤០ ដើម្បីជួយធានាបាននូវការផ្គត់ផ្គង់ថាមពល ដែលមានស្ថេរភាព។ប្រភពព័ត៌មានបាននិយាយថា នេះគឺជាផ្នែកមួយនៃគោលបំណងរបស់រដ្ឋាភិបាល ក្នុងការកសាងឡើងវិញ នូវរ៉េអាក់ទ័រចំនួន ១១ ទៅ ១៤ នៅត្រឹមឆ្នាំ ២០៥០។ ក្រសួងឧស្សាហកម្មនឹងកំណត់ពេលវេលា សេចក្តីព្រាង ក្នុងអំឡុងពេលកិច្ចប្រជុំអំពីគោលនយោបាយថាមពលនុយក្លេអ៊ែរនៅថ្ងៃសុក្រ។សំណើនេះត្រូវបានគេរំពឹងថានឹងត្រូវបានអនុម័តជាផ្លូវការនៅក្នុងសម័យប្រជុំរបស់រដ្ឋមន្ត្រីពាក់ព័ន្ធនៅរដូវក្តៅនេះ។រដ្ឋាភិបាលបានផ្លាស់ប្តូរគោលនយោបាយអគ្គិសនីរបស់ខ្លួនទៅជាការបង្កើនការប្រើប្រាស់ថាមពលនុយក្លេអ៊ែរឱ្យបានច្រើនបំផុតនៅក្នុងផែនការថាមពលយុទ្ធសាស្ត្រថ្មីដែលត្រូវបានអនុម័តកាលពីឆ្នាំមុន។បញ្ហាប្រឈមដ៏សំខាន់មួយគឺរបៀបកសាងឡើងវិញនូវរ៉េអាក់ទ័រចាស់ៗនៅទូទាំងប្រទេស។ ពេលវេលា សេចក្តីព្រាងនេះហាក់ដូចជាមានគោលបំណងបង្កើនភាពអាចទស្សន៍ទាយបានរបស់គម្រោង និងសម្រួល ដល់ការវិនិយោគ និងការអភិវឌ្ឍធនធានមនុស្ស។ ក្រុមហ៊ុនថាមពលអគ្គិសនី Chubu បានប្រកាសកាល ពីខែមករាថា ខ្លួនប្រហែលជាមិនបានតំណាងឱ្យការរញ្ជួយដីអតិបរមាដែល អាចធ្វើឱ្យរោងចក្រ ថាមពលនុយក្លេអ៊ែរ Hamaoka ញ័រនៅកណ្តាលប្រទេសជប៉ុន។ ក្រុមហ៊ុននេះបាននិយាយថា រឿងនេះ បានកើតឡើងទាក់ទងនឹងការត្រួតពិនិត្យបទប្បញ្ញត្តិដែលចាំបាច់ដើម្បីបន្តប្រតិបត្តិការរបស់រ៉េអាក់ទ័រលេខ 3 និងលេខ 4 របស់រោងចក្រ៕

(ភ្នំពេញ)៖ នៅរសៀល​ថ្ងៃទី២០ ខែមិថុនា ឆ្នាំ២០២៦ ឯកឧត្តម ចាយ បូរិន ​ប្រធានផ្នែកឃោសនាអប់រំ​នៃយុវជន​គណបក្សថ្នាក់កណ្តាល បានដឹកនាំគណៈប្រតិភូយុវជនគណបក្សប្រជាជនកម្ពុជាថ្នាក់កណ្ដាល អញ្ជើញសួរ​សុខ​ទុក្ខ និងនាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត អនុប្រធាន​គណបក្ស​ប្រជាជនកម្ពុជា ​ប្រធានយុវជនគណបក្សប្រជាជនកម្ពុជាថ្នាក់កណ្ដាល​ និងលោកជំទាវបណ្ឌិត ពេជ ចន្ទមុន្នី ហ៊ុន​ម៉ា​ណែត អគ្គស្នងការកាយឫទ្ធិនារីកម្ពុជា ជូន​​ឯកឧត្តមបណ្ឌិត យុទ្ធ ភូថង ​សមាជិកគណៈកម្មាធិការកណ្ដាលគណបក្សប្រជាជនកម្ពុជា បច្ចុប្បន្នជា​រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅគេហដ្ឋាន ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ក្នុងឱកាសនោះ​ ឯកឧត្តមប្រធានគណៈប្រតិភូ បានពាំនាំការផ្តាំផ្ញើការសួរសុខទុក្ខ ពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចមហាបវរធិបតី ហ៊ុន ម៉ាណែត អនុប្រធាន​គណបក្ស​ប្រជាជនកម្ពុជា ជាប្រធានយុវជនគណបក្សប្រជាជនកម្ពុជាថ្នាក់កណ្ដាល និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការកាយឫទ្ធិនារីកម្ពុជា ព្រមទាំងសម្ដេច ឯកឧត្តម ថ្នាក់ដឹកនាំគណបក្សគ្រប់លំដាប់ថ្នាក់ ជូន​ឯកឧត្តមបណ្ឌិត យុទ្ធ ភូថង និងលោកជំទាវ ព្រមទាំងក្រុមគ្រួសារ ដែល​ជានិច្ចកាល សម្ដេចអគ្គមហាសេនាបតីតេជោ សម្ដេចកិត្តិព្រឹទ្ធបណ្ឌិត សម្ដេចមហាបវរធិបតី និងលោកជំទាវបណ្ឌិត តែងតែគិតគូរយកចិត្តទុកដាក់អំពីសុខទុក្ខប្រជាជន និងថ្នាក់​ដឹកនាំ​គ្រប់លំដាប់ថ្នាក់ ដែលធ្លាប់មានស្នាដៃ និងគុណបំណាច់ចំពោះគណបក្ស និងប្រទេសជាតិ។ ​ឯកឧត្តមបណ្ឌិត យុទ្ធ ភូថង បានមានប្រសាសន៍ថា៖ «ខ្ញុំបាទព្រមទាំងក្រុមគ្រួសារ ពិតជាមានសេចក្ដី​​សោមនស្សរីករាយយ៉ាងក្រៃលែង ​និងសូមសម្ដែងកតញ្ញុតាធម៌​គោរពជូនចំពោះ សម្តេចអគ្គមហាសេនាបតីតេជោ ​ សម្តេចកិត្តិព្រឹទ្ធបណ្ឌិត ​ សម្តេចមហាបវរធិបតី ​និងលោកជំទាវបណ្ឌិត ​ ដែលបានចាត់ឯកឧត្តម ចាយ បូរិន ជាតំណាងដ៏ខ្ពង់ខ្ពស់ អញ្ជើញមកសួរសុខទុក្ខ និងនាំយកអំណោយដ៏ថ្លៃថ្លា មកផ្ដល់ឱ្យខ្ញុំបាទ និងក្រុមគ្រួសារដល់គេហដ្ឋានផ្ទាល់។ ខ្ញុំបាទនិងក្រុមគ្រួសារ ពិតជាមានកិត្តិយសនិងក្ដីរំភើបរីករាយឥតឧបមា ចំពោះសកម្មភាពចុះសួរសុខទុក្ខរបស់ក្រុមការងារយុវជនគណបក្សថ្នាក់កណ្ដាល ក្រោមការដឹកនាំប្រកបដោយភាពប្រាកដនិយមរបស់សម្តេចមហាបវរធិបតី ហ៊ុន ម៉ាណែត ដែលបន្ត​ប្រតិបត្តិតាមប្រពៃណីដ៏ល្អផូរផង់​ ពីសម្តេចតេជោ ហ៊ុន សែន ដែលតែងតែយកចិត្តទុកដាក់ពីសុខទុក្ខ ជីវភាព ផ្តល់ភាពកក់ក្តៅ និងក្តីសង្ឃឹមដល់ព្រឹទ្ធាចារ្យ ដែលមានគុណបំណាច់ចំពោះគណបក្ស និងប្រទេសជាតិ ស្របតាមគោលការណ៍និងប្រពៃណីដ៏ផូរផង់របស់គណបក្សប្រជាជនកម្ពុជា»។​ឯកឧត្តមបណ្ឌិត បានបញ្ជាក់ពីការគាំទ្រ និងមានជំនឿចិត្តយ៉ាងមុតមាំចំពោះរាជរដ្ឋាភិបាល អាណត្តិទី៧ នៃរដ្ឋសភា ក្រោមការដឹកនាំប្រកបដោយភាព​ប្រាកដនិយម និងការប្តេជ្ញាចិត្តយ៉ាងមោះមុតរបស់ សម្តេចមហាបវរធិបតី ហ៊ុន ម៉ាណែត ក្នុងការបន្តការពារ និងថែរក្សានូវសុខសន្តិភាព ស្ថិរភាពសង្គម អធិបតេយ្យជាតិ បូរណភាពទឹកដី តាមរយៈការប្រើប្រាស់គ្រប់យន្តការច្បាប់អន្តរជាតិ ការចរចារដោយសន្តិវិធី និងការអភិវឌ្ឍសមិទ្ធផលថ្មីៗជូនជាតិមាតុភូមិ។ ឯកឧត្តមបណ្ឌិត បានគោរពជូនពរ សម្តេចអគ្គមហាសេនាបតីតេជោ សម្តេចកិត្តិព្រឹទ្ធបណ្ឌិត សម្តេចមហាបវរធិបតី ​និងលោកជំទាវបណ្ឌិត និងសម្ដេច ថ្នាក់ដឹកនាំគណបក្សគ្រប់លំដាប់ថ្នាក់ ក្នុងឱកាសឆ្នាំថ្មីប្រពៃណីជាតិខ្មែរ​កន្លងមកនេះ សូមទទួលបាននូវឧត្តមពរជ័យ សិរីមង្គល វិបុលសុខគ្រប់ប្រការ និងសូមមានសុខភាពល្អបរិបូរណ៍ ជន្មាយុយឺនយូរ ដើម្បី​ដឹកនាំនាវាកម្ពុជា ឈានឆ្ពោះទៅរក​វឌ្ឍនភាពជានិរន្តរ៍។ ទន្ទឹមនេះ ឯកឧត្តមបណ្ឌិត​ បានរម្លឹកអំពីប្រវត្តិការសិក្សា ការងារ និងអនុស្សាវរីយ៍ជាច្រើន ដែលឯកឧត្តមបណ្ឌិតធ្លាប់បានចូលរួមបម្រើឱ្យផលប្រយោជន៍ជាតិ និងគណបក្សប្រជាជនកម្ពុជា ដើម្បីជាបទពិសោធចែករំលែកជូនដល់យុវជន មានដូចជា៖ ក.ការងារគណបក្ស៖ ​ជាសមាជិកគណៈកម្មាធិការកណ្ដាលគណបក្សប្រជាជនកម្ពុជា។ ខ.សិក្សាវគ្គអប់រំនយោបាយ៖ ១) ឆ្នាំ១៩៨០ ដល់ឆ្នាំ១៩៨១ សិក្សានយោបាយវគ្គមធ្យម​ នៅសាលាង្វៀនអាយគួក នៅទីក្រុងហូជីមិញ។ ២) ឆ្នាំ១៩៨២ ​ សិក្សាវគ្គជំនាញការងារចាត់តាំង កសា​​​ងបក្សនៅសាលាង្វៀនអាយគួក នៅទីក្រុងហូជីមិញ។ ៣) ឆ្នាំ១៩៨២ សិក្សាដកបទពិសោធការងារចាត់តាំងកសាងបក្សនៅប្រទេសប៊ុលហ្គារី ហុងហ្គារី និងប្រទេសអាឡឺម៉ង់ខាងកើត។ ៤) ឆ្នាំ១៩៩០ ​ទៅរៀ​​​​​​​ន​ដកបទពិសោធការងារគ្រប់គ្រងរដ្ឋបាល នៅប្រទេសសិង្ហបុរី និងប្រទេសម៉ាឡេស៊ី។ ៥)​ ឆ្នាំ១៩៩១ ទៅសិក្សាការងារគ្រប់គ្រងរដ្ឋបាលនៅប្រទេសជប៉ុន។   គ.ប្រវត្តិការសិក្សា៖ ១) នៅឆ្នាំ២០០៨ បញ្ចប់ការសិក្សាថ្នាក់អនុបណ្ឌិត នៅសាកលវិទ្យាល័យ​ចំរើនពហុបច្ចេកទេសវិទ្យា។ ២) ​នៅឆ្នាំ ២០២២ បញ្ចប់ការសិក្សាថ្នាក់បណ្ឌិត នៅសាកលវិទ្យាល័យ អាស៊ីអឺរ៉ុប។ ឃ.ប្រវត្តិការងារ៖ ​​១) ឆ្នាំ១៩៧៩ ​បានចូលបម្រើការងារនៅក្នុងគណៈចាត់តាំងមជ្ឈិមបក្ស​។ ​២)ឆ្នាំ១៩៨​២ ​ជាអនុប្រធានមន្ទីរគណៈចាត់តាំងមជ្ឈិម។ ៣) ឆ្នាំ១៩៨៤ ​ជាប្រធាននាយកដ្ឋានចាត់តាំងកសាងបក្សនិងបណ្តាអង្គការមហាជន នៃគណៈចាត់តាំងមជ្ឈិមបក្ស។ ៤) ឆ្នាំ១៩៨៦ ជាលេខាគណៈកម្មាធិការបក្ស បណ្តោះអាសន្ននៅខេត្តព្រៃវែង។ ​៥) ឆ្នាំ១៩៩១ ​ជាប្រធានគណៈកម្មាធិការប្រជាជនខេត្តព្រៃវែង។ ៦)​​ ឆ្នាំ១៩៩៩ ​ជាអភិបាលខេត្តកោះកុង​។ ៧) ឆ្នាំ២០០៨ ​ជាទីប្រឹក្សាផ្ទាល់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឋានៈស្មើរដ្ឋមន្ត្រី។ ៨) ពីឆ្នាំ២០០៨ មកទល់បច្ចុប្បន្ន ​ជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ជាងនេះទៅទៀត ឯកឧត្តមបណ្ឌិត​​ បានចែករំលែកបទពិសោធ និងប្រវត្តិតស៊ូមួយចំនួន ដល់យុវជនគណបក្ស ដូចខាងក្រោម៖1.    សម្ដេចអគ្គមហាសេនាបតីតេជោ តែងមានប្រសាសន៍ថា កម្លាំងសាមគ្គីជាកម្លាំងស្នូលរបស់គណបក្សប្រជាជនកម្ពុជា ហើយសង្ឃឹមយ៉ាងកក់ក្ដៅទៅលើកម្លាំងយុវជនបន្តវេន ដែលជាកម្លាំងចលករក្នុងការដឹកនាំនាវាកម្ពុជា ដើម្បី​ឈានឆ្ពោះទៅរកត្រើយវឌ្ឍនភាពនិងភាពរុងរឿងជានិរន្តរ៍។ 2.   សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ​បានមានប្រសាសន៍ថា គណបក្សប្រជាជនកម្ពុជា មិនដែលទុកមន្រ្តីណាម្នាក់ចោលនោះទេ លើកលែងតែមន្រ្តីនោះបោះបង់ចោលគណបក្ស ។ 3.   ភាពជាអ្នកដឹកនាំដែលមានភាពជោគជ័យ គឺត្រូវអាស្រ័យ​មន្រ្តីល្អ សហការីល្អ​ និងចេះបែងចែក​ការងារគ្នាធ្វើ ​ព្រោះគ្មានការងារណាមួយដែលជោគជ័យដោយគ្មានការសាមគ្គីគ្នានោះទេ។4.   ​​មន្រ្តីគណបក្សត្រូវស្មោះត្រង់នឹងគណបក្ស ធ្វើការងារបម្រើគណបក្ស និងត្រូវខិតខំធ្វើខ្លួនឱ្យល្អ ដើម្បីចូលរួមបម្រើគណបក្សនិងប្រទេសជាតិឱ្យមានការរីកចម្រើន។​5.  សូមគាំទ្រ លើសកម្មភាពចុះសួរសុខទុក្ខ ក្រោមគំនិតផ្ដួចផ្ដើមដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត ប្រធានយុវជនគណបក្សប្រជាជនកម្ពុជាថ្នាក់កណ្ដាល ​ដែលបន្ត​ប្រពៃណី​ដ៏ល្អរបស់ សម្ដេចតេជោ សកម្មភាពនេះ ជាការផ្សារភ្ជាប់ដ៏មានតម្លៃមិនអាចកាត់ថ្លៃបានរវាងសមាជិកគណបក្សគ្រប់រូប និងគ្រប់ជាន់ថ្នាក់ ហើយសូមឱ្យបន្តសកម្មភាពដ៏ប្រពៃនេះ ឱ្យបានទូលំទូលាយពីថ្នាក់ជាតិរហូតដល់មូលដ្ឋាន។ឯកឧត្តមប្រធានប្រតិភូ បាន​កោតសរសើរ និងវាយតម្លៃខ្ពស់ចំពោះស្នាដៃ​ ការខិតខំប្រឹងប្រែង របស់ឯកឧត្តមបណ្ឌិត ​ដែលបានចូលរួមចំណែកបម្រើគណបក្សនិងប្រជាជននាពេលកន្លងមក ព្រមទាំងបានប្រគល់នូវអំណោយដ៏ថ្លៃថ្លា របស់សម្តេចមហាបវរធិបតី និងលោកជំទាវបណ្ឌិត ​ជូនចំពោះឯកឧត្តមបណ្ឌិត​ យុទ្ធ ភូថង និងសូមបួងសួងដល់វត្ថុស័ក្ដិសិទ្ធិក្នុងលោក ទេវតាឆ្នាំថ្មីព្រះនាម រា​ក្យ​សា​ទេវី តាមជួយបីបាច់ថែរក្សា ឯកឧត្តមបណ្ឌិត និងលោកជំទាវ ព្រមទាំងក្រុមគ្រួសារ មានសុខភាពល្អ កម្លាំងមាំមួន និងមានជន្មាយុយឺនយូរ ទទួលបាននូវពុទ្ធពរ៤ប្រការ គឺអាយុ វណ្ណៈ សុខៈ ពលៈ កុំបីប្រែក្លាយជាបការៈដទៃឡើយ៕

(អន្តរជាតិ)៖ ប្រទេសនេះផលិតទឹកដោះគោចំនួន ២៤៥ លានតោនជារៀងរាល់ឆ្នាំ ដែលច្រើនជាងពីរដងនៃសហរដ្ឋអាមេរិក។ តើអ្នកដឹងទេថាវាជាប្រទេសណា?យោងតាមការចងក្រងទិន្នន័យឆ្នាំ ២០២៦ របស់ អង្គការស្បៀងអាហារ និងកសិកម្ម អង្គការសហប្រជាជាតិ (FAO) ប្រទេសឥណ្ឌាគឺជាប្រទេសផលិតផលិតផលទឹកដោះគោធំជាងគេបំផុតរបស់ពិភពលោក ដែលមានផលិតភាព ២៤៥ លានតោនក្នុងមួយឆ្នាំ ដែលច្រើនជាងទ្វេដងនៃសហរដ្ឋអាមេរិក ដែលជាប្រទេសផលិតផលិតផលទឹកដោះគោ ធំជាងគេទីពីរ (ជាង ១០៦ លានតោន) ។ ប្រទេសចំនួនបីដែលនៅសល់ ក្នុងចំណោមប្រទេសផលិតផលិតផលទឹកដោះគោកំពូលទាំងប្រាំរបស់ពិភពលោក គឺប៉ាគីស្ថាន (៦៦,៣ លានតោន) ចិន (៤១,៥ លានតោន) និងប្រេស៊ីល (៣៦,៦ លានតោន)។ប្រទេសឥណ្ឌាមានទីតាំងស្ថិតនៅតំបន់អាស៊ីខាងត្បូង ដែលមានឆ្នេរសមុទ្រលាតសន្ធឹងជាង ៧.៥០០ គីឡូម៉ែត្រ ហើយរដ្ឋធានីរបស់ខ្លួនគឺទីក្រុងញូវដេលី។ យោងតាមគេហទំព័រ Worldometer។ ប្រទេសនេះជាប់ចំណាត់ថ្នាក់ទី ៧ នៅលើពិភពលោកតាមតំបន់ ដែលមានទំហំជិត ៣.៣ លានគីឡូម៉ែត្រការ៉េ ។ ចំនួនប្រជាជនឥណ្ឌាត្រូវបានប៉ាន់ ប្រមាណថាមានចំនួនជាង ១.៤៧ ពាន់លាននាក់ ដោយផ្អែកលើទិន្នន័យចុងក្រោយបំផុតរបស់អង្គការសហប្រជាជាតិ។ វាគឺជាប្រទេសដែលមានប្រជាជនច្រើនជាងគេបំផុតរបស់ពិភពលោក។ ទោះជាយ៉ាងណាក៏ដោយ ប្រទេសនេះកំពុងប្រឈមមុខនឹងអត្រាមានកូនសរុប (TFR) ធ្លាក់ចុះនៅត្រឹម ១.៩ ទាបជាងកម្រិតជំនួស ២.១ ដែលជាកម្រិតដែលត្រូវការដើម្បីរក្សាស្ថិរភាពចំនួនប្រជាជនរយៈពេលវែង។អច្ឆរិយៈទាំងប្រាំពីរថ្មីរបស់ពិភពលោក ដែលបានប្រកាសនៅឆ្នាំ២០០៧ ដោយ មូលនិធិអច្ឆរិយៈទាំងប្រាំពីរថ្មី រួមមាន កំពែងដ៏អស្ចារ្យនៃប្រទេសចិន ពេត្រា (ហ្ស៊កដានី) កូឡូសៀម (អ៊ីតាលី) ព្រះគ្រីស្ទជាព្រះប្រោសលោះ (ប្រេស៊ីល) ម៉ាឈូ ពីឈូ (ប៉េរូ) ឈីឆេន អ៊ីតហ្សា (ម៉ិកស៊ិក) និងតាជម៉ាហាល (ឥណ្ឌា)។ ក្នុងចំណោមនោះ តាជម៉ាហាលត្រូវ បានចាត់ទុកថាជាស្នាដៃស្ថាបត្យកម្មដ៏អស្ចារ្យ និងជានិមិត្តរូបនៃសេចក្តីស្រឡាញ់ដ៏អស់កល្បជានិច្ច។ វាត្រូវបានទទួលស្គាល់ជាតំបន់បេតិកភណ្ឌពិភពលោករបស់អង្គការយូណេស្កូក្នុងឆ្នាំ ១៩៨៣។ 

(សុខភាព)៖ ការគេងមិនគ្រប់គ្រាន់ ការជក់បារី របបអាហារដែលមានជាតិស្ករខ្ពស់ ភាពតានតឹង និងការប៉ះពាល់ នឹងពន្លឺព្រះអាទិត្យដោយមិនបានការពារ សុទ្ធតែអាចបង្កើនល្បឿនដំណើរការនៃភាពចាស់។ ភាពចាស់ជរាគឺជាដំណើរការធម្មជាតិរបស់រាងកាយ។ ទោះជាយ៉ាងណាក៏ដោយ ទម្លាប់ប្រចាំថ្ងៃជាច្រើនអាចបណ្តាលឱ្យមានសញ្ញានៃភាពចាស់ដូចជាស្នាមជ្រួញ ស្បែកយារធ្លាក់ និងសុខភាពទូទៅធ្លាក់ចុះ។ការគេងមិនលក់ញឹកញាប់៖ ការគេងដើរតួនាទីយ៉ាងសំខាន់ក្នុងដំណើរការស្តារឡើងវិញ និងបង្កើតឡើងវិញរបស់រាងកាយ។ យោងតាម ​​Healthline ការគេងមិនគ្រប់គ្រាន់ត្រូវបានផ្សារភ្ជាប់ទៅនឹងស្បែកស្រអាប់ ស្នាមអុចខ្មៅ និងសញ្ញានៃភាពចាស់មុនអាយុ។ យោងតាម ​​Times of India ទម្លាប់នៃការផឹកកាហ្វេយឺតពេក នៅពេលថ្ងៃអាចកាត់បន្ថយគុណភាពនៃការគេងចំពោះមនុស្សមួយចំនួន ដែលរារាំងរាងកាយពីការមាន ពេលវេលាគ្រប់គ្រាន់ដើម្បីស្តារឡើងវិញ។ ការគេងមិនគ្រប់គ្រាន់រ៉ាំរ៉ៃក៏បង្កើនកម្រិត cortisol ដែលប៉ះពាល់ដល់ការផលិត collagen ។ ការថយចុះនៃ collagen តាមពេលវេលាអាចបណ្តាលឱ្យស្បែកបាត់បង់ភាពយឺត ដែលនាំឱ្យមានស្នាមជ្រួញ និងយារធ្លាក់។ មនុស្សពេញវ័យគួរតែកំណត់គោលដៅគេងឱ្យបាន 7-9 ម៉ោងក្នុងមួយយប់ ដើម្បីរក្សាសុខភាព និងជួយបន្ថយដំណើរការនៃភាពចាស់។ការញ៉ាំអាហារកែច្នៃ និងស្ករច្រើនពេក៖ របបអាហារក៏ប៉ះពាល់យ៉ាងខ្លាំងដល់អត្រានៃភាពចាស់ផងដែរ ការទទួលទានជាតិស្ករច្រើនពេកអាចជំរុញដល់ដំណើរការគ្លីកាស៊ីសិន ដែលជាប្រតិកម្មមួយដែលបណ្តាលឱ្យ ម៉ូលេគុលស្ករភ្ជាប់ទៅនឹងប្រូតេអ៊ីនដូចជាកូឡាជែន និងអេឡាស្ទីន។ នេះធ្វើឱ្យសរសៃកូឡាជែនរឹង និងមិនសូវយឺត ដូច្នេះធ្វើឱ្យស្បែកងាយនឹងជ្រីវជ្រួញ។លើសពីនេះ អាហារកែច្នៃខ្លាំងពេកច្រើនតែមានជាតិស្ករបន្ថែមកម្រិតខ្ពស់ ខ្លាញ់ មិនល្អ និងសូដ្យូម។ របបអាហារសម្បូរទៅដោយគ្រាប់ធញ្ញជាតិ បន្លែបៃតង ផ្លែឈើ និងជាតិសរសៃត្រូវបានផ្សារភ្ជាប់ជាមួយនឹងអត្រាយឺតនៃភាពចាស់ខាងជីវសាស្រ្ត នេះបើយោងតាម ​​​​Verywell Health ។គ្មានការការពារស្បែក៖ យោងតាម សារព័ត៌មាន Medical News Today ការប៉ះពាល់នឹងកាំរស្មីអ៊ុលត្រាវីយូឡេ (UV) ញឹកញាប់ពីពន្លឺព្រះអាទិត្យដោយគ្មានការការពារ គឺជាមូលហេតុចម្បងមួយនៃ ភាពចាស់នៃស្បែក មុនអាយុ ។ កាំរស្មីយូវីអាចបំផ្លាញកូឡាជែន និងអេឡាស្ទីន - សមាសធាតុសំខាន់ពីរដែលជួយឱ្យស្បែករឹងមាំ និងយឺត។ យូរៗទៅ ស្បែកអាចវិវត្តទៅជាស្នាមជ្រួញ ចំណុចពណ៌ ភាពស្ងួត និងយារធ្លាក់។ អ្នកជំនាញណែនាំឱ្យប្រើឡេការពារកម្តៅថ្ងៃ ដែលមានវិសាលគមទូលំទូលាយជារៀងរាល់ថ្ងៃ សូម្បីតែនៅថ្ងៃដែលមានពពកក៏ដោយ និងពាក់មួកដែលមានគែម ធំទូលាយ និងវ៉ែនតាការពារកម្តៅថ្ងៃនៅពេលនៅខាងក្រៅ។ការជក់បារី៖ ការជក់បារីមិនត្រឹមតែបង្កើនហានិភ័យនៃជំងឺសរសៃឈាមបេះដូង ជំងឺដាច់សរសៃឈាមខួរក្បាល និងជំងឺមហារីកប៉ុណ្ណោះទេ ប៉ុន្តែវាថែមទាំងបង្កើនល្បឿនដំណើរការចាស់ជរាផងដែរ។ សារធាតុគីមីនៅក្នុងផ្សែងបារី កាត់បន្ថយលំហូរឈាមទៅកាន់ស្បែក ធ្វើឱ្យវាទទួលបានអុកស៊ីសែន និងសារធាតុចិញ្ចឹមតិចជាងមុន។ ការជក់បារីក៏បង្កើនភាពតានតឹងអុកស៊ីតកម្ម ដែលបង្កើនល្បឿនការបំបែក កូឡាជែន និងអេឡាស្ទីនផងដែរ។អ្នកជក់បារីច្រើនតែវិវត្តទៅជាស្នាមជ្រួញជ្រៅនៅជុំវិញភ្នែក និងមាត់របស់ពួកគេ ហើយមានស្បែកមិនសូវរឹងមាំបើប្រៀបធៀបទៅនឹងអ្នកមិនជក់បារី។ភាពតានតឹងយូរអង្វែង៖ ភាពតានតឹងមិនត្រឹមតែប៉ះពាល់ដល់សុខភាពផ្លូវចិត្តប៉ុណ្ណោះទេ ប៉ុន្តែវាក៏ប៉ះពាល់ដល់ស្បែក និងសុខភាពទូទៅផងដែរ។ ភាពតានតឹងរ៉ាំរ៉ៃអាចបង្កើនប្រតិកម្មរលាក និងភាពតានតឹងអុកស៊ីតកម្មនៅក្នុងរាងកាយ។ ទាំងនេះគឺជាកត្តាដែលជាប់ទាក់ទងនឹងជំងឺរ៉ាំរ៉ៃជាច្រើន ក៏ដូចជាដំណើរការនៃភាពចាស់ជរាផងដែរ។ ភាពតានតឹងរយៈពេលយូរ ជារឿយៗត្រូវបានអមដោយ ការគេងមិនលក់ ទម្លាប់នៃការញ៉ាំមិនល្អ ឬការថយចុះសកម្មភាពរាងកាយ ដែលទាំងអស់នេះប៉ះពាល់អវិជ្ជមានដល់សុខភាពទូទៅ។ អ្នកជំនាញណែនាំឱ្យរក្សាសកម្មភាពរាងកាយ អនុវត្តសមាធិ ឬយូហ្គា ឬលះបង់ពេលវេលាទៅលើសកម្មភាពបន្ធូរអារម្មណ៍ ដើម្បីគ្រប់គ្រងភាពតានតឹងប្រកបដោយប្រសិទ្ធភាព។

នារសៀលថ្ងៃទី១៩ ខែមិថុនា ឆ្នាំ២០២៦ នេះ ក្រសួងមុខងារសាធារណៈ បានសហការជាមួយក្រសួងអប់រំ យុវជន និងកីឡា រៀបចំវេទិកាសារព័ត៌មានដើម្បីផ្សព្វផ្សាយ «ព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន» ដែលរាជរដ្ឋាភិបាលនីតិកាលទី៧ នៃរដ្ឋសភា បានប្រកាសដាក់ចេញកាលពីថ្ងៃទី៣០ ខែឧសភា ឆ្នាំ២០២៦ កន្លងទៅនេះ។ វេទិកានេះ ប្រព្រឹត្តទៅក្រោមសហអធិបតីភាព និងជាវាគ្មិនកិត្តិយស ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ ឯកឧត្តម ជុក មុន្នី រដ្ឋលេខាធិការក្រសួងមុខងារសាធារណៈ និង ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា នៅសាលប្រជុំគណៈកម្មាធិការកែទម្រង់រដ្ឋបាលសាធារណៈ(គ.ក.ស.) ក្នុងបរិវេណសាលាភូមិន្ទរដ្ឋបាល។ខណៈនេះ វេទិកាកំពុងបើកចំហ និងដំណើរការទៅយ៉ាងសកម្ម ដែលផ្តល់ឱកាសឱ្យមានការសាកសួរសំណួរជាច្រើនពីសំណាក់អ្នកសារព័ត៌មានមកពីបណ្តាស្ថាប័នសារព័ត៌មាននានា និងការឆ្លើយឆ្លងពីវាគ្មិនកិត្តិយសទាំង ៣រូប ដោយផ្ទាល់ ដើម្បីផ្តល់ព័ត៌មានលម្អិតឱ្យបានកាន់តែទូលំទូលាយនូវខ្លឹមសារសំខាន់ៗដែលមានចែងក្នុងព្រះរាជក្រឹត្យ រួមជាមួយគុណតម្លៃ និងភាពចាំបាច់នៃការរៀបចំព្រះរាជក្រឹត្យថ្មីនេះ ដល់អ្នកសារព័ត៌មាន ព្រមទាំងអ្នកចូលរួមក្នុងវេទិកាទាំងអស់បានទទួលជ្រាប ជាពិសេសជូនទៅដល់មន្ត្រីរាជការទាំងអស់ ដែលជាគ្រូបង្រៀន និងបុគ្គលិកអប់រំ។សូមជម្រាបជូន ព្រះរាជក្រឹត្យនេះ កំណត់អំពីលក្ខន្តិកៈនៃអង្គគ្រូបង្រៀន ដើម្បីប្រមូលផ្តុំ និងគ្រប់គ្រងបុគ្គលិកអប់រំ ដែលទទួលការអប់រំ ការបណ្តុះបណ្តាលគរុកោសល្យ ឬវគ្គអប់រំតម្រង់ទិស មានបទពិសោធការងារ មានចំណេះដឹង និងកំពុងបំពេញការងារក្នុងវិស័យអប់រំ។ និងមានវិសាលភាពអនុវត្តចំពោះបុគ្គលិកអប់រំ ដែលបម្រើការងារក្នុងវិស័យអប់រំនៅតាមគ្រឹះស្ថានសិក្សា និងអង្គភាពនៃក្រសួង ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ ហើយក្រសួងអប់រំ យុវជន និងកីឡា ជាអ្នកមានសមត្ថកិច្ចគ្រប់គ្រងអង្គគ្រូបង្រៀន ដើម្បីធានាសង្គតិភាព និងគុណភាពនៃបុគ្គលិកអប់រំនៃអង្គគ្រូបង្រៀន។ ព្រះរាជក្រឹត្យនេះ មានអានុភាពអនុវត្តចាប់ពីថ្ងៃទី១ ខែមករា​ ឆ្នាំ២០២៧។

(កំពង់ឆ្នាំង)៖ ក្រសួងការងារនិងបណ្ដុះបណ្ដាលវិជ្ជាជីវៈ បាននាំយកឱកាសការងារចំនួន ១១ ៩៧០ កន្លែង ព្រមទាំងព័ត៌មានអំពីអត្ថប្រយោជន៍បេឡាជាតិសន្តិសុខសង្គម (ប.ស.ស.) និងកម្មវិធីបណ្ដុះបណ្ដាលបច្ចេកទេស និងវិជ្ជាជីវៈ (TVET) ទៅផ្សព្វផ្សាយជូនប្រជាពលរដ្ឋដល់មូលដ្ឋាន តាមរយៈវេទិកាការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ក្រោមប្រធានបទ «ខ្មែរជួយរកការងារ និងផ្ដល់ការងារឱ្យខ្មែរ» ដែលរៀបចំឡើងនៅបរិវេណសាលាស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃសុក្រ ទី១៩ ខែមិថុនា ឆ្នាំ២០២៦ ដោយមានការចូលរួមពីប្រជាពលរដ្ឋជិត ៥០០ នាក់ ក្នុងនោះក៏មានអតីតពលករវិលត្រឡប់មកពីប្រទេសថៃ និងយុវជនកំពុងស្វែងរកការងារធ្វើ។ថ្លែងក្នុងពិធីនេះ លោកជំទាវ ម៉ៅ ធីតា រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានមានប្រសាសន៍ថា បច្ចុប្បន្ន កម្ពុជាមានឱកាសការងារជាង ៩ ម៉ឺនកន្លែងនៅទូទាំងប្រទេស ខណៈក្រសួងការងារនិងបណ្ដុះបណ្ដាលវិជ្ជាជីវៈ បានខិតខំផ្សារភ្ជាប់ឱកាសការងារទាំងនោះទៅកាន់ប្រជាពលរដ្ឋដោយផ្ទាល់ តាមរយៈការនាំយកឱកាសការងារពីក្រុមហ៊ុន រោងចក្រ សហគ្រាស សមាគម និងតំបន់សេដ្ឋកិច្ចពិសេស មកផ្សព្វផ្សាយដល់មូលដ្ឋាន ដើម្បីឱ្យអ្នកស្វែងរកការងារអាចចុះឈ្មោះ សម្ភាស និងទទួលបានការងារភ្លាមៗ។លោកជំទាវបានគូសបញ្ជាក់ថា ការរៀបចំវេទិកានេះ គឺជាការអនុវត្តតាមគោលនយោបាយរបស់រាជរដ្ឋាភិបាល ក្នុងការលើកកម្ពស់សុខុមាលភាព និងជីវភាពរស់នៅរបស់ប្រជាពលរដ្ឋ តាមរយៈការបង្កើត និងពង្រីកឱកាសការងារ កាត់បន្ថយចំណាយ និងពេលវេលាក្នុងការស្វែងរកការងារ ព្រមទាំងធ្វើឱ្យសេវាការងារ សន្តិសុខសង្គម និងបណ្ដុះបណ្ដាលជំនាញកាន់តែខិតជិតប្រជាពលរដ្ឋ។ជាមួយគ្នានេះ លោកជំទាវបានលើកឡើងថា ក្រសួងការងារនិងបណ្ដុះបណ្ដាលវិជ្ជាជីវៈ កំពុងបន្តអនុវត្តបេសកកម្មក្នុងការស្វែងរកការងារជូនប្រជាពលរដ្ឋ ការពារសិទ្ធិ និងអត្ថប្រយោជន៍ស្របច្បាប់របស់បងប្អូនកម្មករនិយោជិត និងលើកកម្ពស់លក្ខខណ្ឌការងារឱ្យកាន់តែប្រសើរ។ លោកជំទាវបានអំពាវនាវឱ្យប្រជាពលរដ្ឋចាប់យកឱកាសការងារក្នុងស្រុក ដែលកំពុងមានសម្បូរបែបដែលអាចជួយកសាងជីវភាពនៅស្រុកកំណើត ប្រកបដោយស្ថិរភាព និងរួមចំណែកដល់ការអភិវឌ្ឍសេដ្ឋកិច្ចជាតិ។ក្នុងឱកាសនោះ លោកជំទាវរដ្ឋលេខាធិការបានលើកឡើងពីគុណសម្បត្តិនៃការងារក្នុងស្រុក ដោយបញ្ជាក់ថា ក្រៅពីអាចរស់នៅជួបជុំក្រុមគ្រួសារ បងប្អូនក៏ទទួលបានអត្ថប្រយោជន៍ជាច្រើនពី ប.ស.ស. រួមមាន ផ្នែកហានិភ័យការងារ ផ្នែកថែទាំសុខភាព និងផ្នែកសោធននិវត្តន៍។ ទន្ទឹមនឹងនេះ លោកជំទាវក៏បានរំលេចអំពីហានិភ័យដែលអាចកើតមានចំពោះការងារចំណាកស្រុក ដូចជា បញ្ហាសុវត្ថិភាព ការកេងប្រវ័ញ្ចកម្លាំងពលកម្ម កង្វះការគាំពារសុខភាព និងការនៅឆ្ងាយពីក្រុមគ្រួសារ។ សម្រាប់ប្រជាពលរដ្ឋដែលមានបំណងទៅបំពេញការងារនៅក្រៅប្រទេស លោកជំទាវបានណែនាំឱ្យជ្រើសរើសយកក្រុមហ៊ុនជ្រើសរើសពលករស្របច្បាប់ ដើម្បីធានាសុវត្ថិភាព និងទទួលបានប្រាក់ឈ្នួលខ្ពស់ រួមទាំងអត្ថប្រយោជន៍ជាការងារត្រឹមត្រូវ។លោកជំទាវរដ្ឋលេខាធិការក៏បានសង្កត់ធ្ងន់ថា ក្រសួងការងារនិងបណ្ដុះបណ្ដាលវិជ្ជាជីវៈ បាននិងកំពុងពង្រឹងការអភិវឌ្ឍធនធានមនុស្សតាមរយៈការបណ្ដុះបណ្ដាលជំនាញវិជ្ជាជីវៈ ដោយក្នុងខេត្តកំពង់ឆ្នាំង មានគ្រឹះស្ថានបណ្ដុះបណ្ដាលបច្ចេកទេស និងវិជ្ជាជីវៈសម្រាប់ផ្ដល់សេវាបណ្ដុះបណ្ដាលជូនប្រជាពលរដ្ឋជាច្រើន។ តាមរយៈកម្មវិធី TVET ១,៥ លាន អតីតពលករ និងយុវជនអាចចុះឈ្មោះសិក្សាដោយឥតគិតថ្លៃលើជំនាញជាច្រើន ដូចជា សំណង់ ជួសជុលគ្រឿងម៉ាស៊ីន គ្រឿងអគ្គិសនី ម៉ាស៊ីនត្រជាក់ ដុតនំ ឆុងកាហ្វេ និងផ្នែកសម្ផស្សជាដើម។ ក្រសួងក៏បានដាក់ចេញនូវប្រព័ន្ធវាយតម្លៃទទួលស្គាល់ជំនាញពីមុន (RPL) ដែលអនុញ្ញាតឱ្យបងប្អូនអាចស្នើសុំធ្វើតេស្តដើម្បីទទួលបានវិញ្ញាបនបត្របញ្ជាក់ជំនាញផ្លូវការផងដែរ។ ចំពោះព័ត៌មានបន្ថែម សូមទាក់ទងលេខទូរស័ព្ទជំនួយរហ័សនិងនាំសំណាង Hotline ១២៩៧ សម្រាប់ព័ត៌មានពាក់ព័ន្ធនឹងឱកាសការងារ និងលេខ ១២៨៦ សម្រាប់ព័ត៌មានពាក់ព័ន្ធនឹងអត្ថប្រយោជន៍ ប.ស.ស.។ សូមបញ្ជាក់ថា ឱកាសការងារចំនួន ១១ ៩៧០ កន្លែង ដែលត្រូវបាននាំយកមកផ្សព្វផ្សាយក្នុងវេទិកានេះ មានការចូលរួមផ្ដល់ដោយរោងចក្រ ក្រុមហ៊ុន សមាគម និងតំបន់សេដ្ឋកិច្ចពិសេសជាច្រើន រួមមាន រោងចក្រ វេនធូរ៉ា លេឌើវែរ អឹមអេហ្វវ៉ាយ (ស៊ីឌី) ឯ.ក, ក្រុមហ៊ុន ថាកូ អាហ្រ្គី, រោងចក្រ ស៊ិនគី អឹភែរឹល (ខេមបូឌា) ឯ.ក, រោងចក្រ យូលីអ៊ីនធើណេស៊ិនណល (ខេមបូឌា) ហ្គាមេន ខូអិលធីឌី, រោងចក្រ មីនេបៀ (ខេមបូឌា) ខេត្តពោធិ៍សាត់, សមាគម និងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (RGPPSEZ) និងក្រុមហ៊ុន អ៊ែកស៊ល អេស៊ា យូមេន រីសសស៍, ក្រុមហ៊ុន មង្គល អេចអ ឯ.ក ដែលជ្រើសរើសពលករទៅបំពេញការងារនៅប្រទេសជប៉ុន៕

(ភ្នំពេញ)៖ នៅក្នុងយុគសម័យដែល Soft Power (អំណាចទន់) និងការកសាងគុណតម្លៃប្រទេសជាតិ ដើរតួជាយុទ្ធសាស្ត្រស្នូលលើឆាកអន្តរជាតិ, សៀវភៅភាសាអង់គ្លេស *"The Father Who Shielded and Never Left"* របស់អ្នកនិពន្ធ Fari បាននិងកំពុងក្លាយជាឧបករណ៍យុទ្ធសាស្ត្រដ៏មានឥទ្ធិពលបំផុត ក្នុងការផ្លាស់ប្តូរការយល់ឃើញរបស់ពិភពលោកមកលើកម្ពុជានាសម័យថ្មី។លើសពីសៀវភៅធម្មតា និងខុសប្លែកពីសៀវភៅប្រវត្តិសាស្ត្រ ឬជីវប្រវត្តិនយោបាយទូទៅ, លោកស្រី ហ្វារី បានប្រើប្រាស់វិធីសាស្ត្រសរសេរឆ្លុះបញ្ចាំងតថភាពជាតិ តាមរយៈ Leadership Narrative (រឿងរ៉ាវនៃការដឹកនាំបែបស៊ីជម្រៅ)។ សៀវភៅនេះបានផ្ដល់នូវទស្សនៈកម្រិតសកលថ្មីស្រឡាងមួយ ដោយលុបបំបាត់រូបភាពចាស់ៗនៃអតីតកាល ហើយជំនួសមកវិញនូវ៖* ភាពរឹងមាំនៃអធិបតេយ្យភាពជាតិ និងរបៀបដែលកម្ពុជាឆ្លងកាត់រាល់ឧបសគ្គ ដោយមិនពឹងផ្អែកលើការបង្គាប់បញ្ជាពីខាងក្រៅ។* សក្តានុពលកម្ពុជាសម័យថ្មីនៃសេដ្ឋកិច្ច ការបើកចំហរពាណិជ្ជកម្ម និងបរិយាកាសវិនិយោគដែលមានសុវត្ថិភាពខ្ពស់ ដែលកើតចេញពីស្ថិរភាពនយោបាយដ៏រឹងមាំ។ ចំណុចស្នូលនៃសៀវភៅនេះ គឺការបង្ហាញពិភពលោកឱ្យឃើញពីស្មារតីសាមគ្គីភាពរបស់ជាតិខ្មែរទាំងមូល។ ស្នាដៃនេះបានរៀបរាប់យ៉ាងស៊ីជម្រៅថា ភាពជោគជ័យរបស់កម្ពុជានៅថ្ងៃនេះ គឺកើតចេញពីការរួមរួមគ្នារវាង «បេះដូងអ្នកដឹកនាំ» ដែលមិនចេះរត់ចោលប្រជាជន និង «ការជឿជាក់» របស់ប្រជាពលរដ្ឋ ដែលបានតស៊ូប្រយុទ្ធឆ្លងកាត់គ្រប់ព្យុះភ្លៀងជាមួយគ្នា។តាមរយៈសៀវភៅនេះ យុវជនជំនាន់ក្រោយនឹងទទួលបានការអប់រំ និងការផ្លាស់ប្តូរការគិតយ៉ាងស៊ីជម្រៅ៖* យល់ពីភាពលំបាកនៅពីក្រោយសន្តិភាព៖ យុវជននឹងបានដឹងថា ស្ថិរភាពដែលពួកគេកំពុងទទួលបាននៅថ្ងៃនេះ មិនមែនកើតឡើងដោយងាយស្រួលនោះទេ ប៉ុន្តែវាជាលទ្ធផលនៃការលះបង់ដ៏ហត់នឿយ និងការឆ្លងកាត់ការសាកល្បងយ៉ាងជូរចត់របស់អ្នកដឹកនាំជំនាន់មុន។* តម្លៃពិតនៃស្ថិរភាពសេដ្ឋកិច្ច: នៅពេលប្រទេសជាតិមានស្ថិរភាពនយោបាយ វាបានបង្កើតជាគ្រឹះយ៉ាងរឹងមាំដល់សេដ្ឋកិច្ច។ ស្ថិរភាពនេះហើយដែលផ្ដល់ឱកាសការងារ ការបង្កើតអាជីវកម្ម និងការទាក់ទាញក្រុមហ៊ុនធំៗពីបរទេសឱ្យមកវិនិយោគ ដែលធ្វើឱ្យយុវជនមានវាសនាភ្លឺស្វាង និងមានសេរីភាពពេញលេញក្នុងការកសាងអនាគតខ្លួនឯង។* សម្លឹងមើលទៅមុខដោយការទទួលខុសត្រូវ៖ ការយល់ដឹងពីប្រវត្តិសាស្ត្រ និងភាពរឹងមាំនៃសេដ្ឋកិច្ច នឹងជួយជំរុញឱ្យយុវជនចេះស្រឡាញ់ ការពារ និងបន្តថែរក្សាមរតកស្ថិរភាពនេះមិនឱ្យបាត់បង់ឡើយ។ក្រោយពេលទទួលបានការវាយតម្លៃខ្ពស់ និងការសរសើរពីសំណាក់អ្នកអានអន្តរជាតិ និងស្ថាប័នសិក្សាស្រាវជ្រាវធំៗនៅបរទេស, ឥទ្ធិពលនៃសៀវភៅនេះបានជះត្រឡប់មកក្នុងទីផ្សារកម្ពុជាវិញយ៉ាងលឿនគួរឱ្យកត់សម្គាល់។ បច្ចុប្បន្នក៏កំពុង មានតម្រូវការយ៉ាងគំហុកពីសំណាក់យុវជន និងអ្នកសិក្សាស្រាវជ្រាវក្នុងស្រុក ដែលទាមទារចង់អាននិងស្វែងយល់បន្ថែមពីសៀវភៅមួយនេះ។ដើម្បីឆ្លើយតបនឹងការទន្ទឹងរង់ចាំនេះ ដំណើរការនៃការបកប្រែជាភាសាខ្មែរកំពុងត្រូវបានរៀបចំឡើងយ៉ាងយកចិត្តទុកដាក់។ សម្រាប់យុវជនជំនាន់ក្រោយ សៀវភៅនេះនឹងមិនត្រឹមតែជាមេរៀនប្រវត្តិសាស្ត្រប៉ុណ្ណោះទេ ប៉ុន្តែវានឹងដើរតួជា៖សៀវភៅណែនាំស្តីពីការគ្រប់គ្រងវិបត្តិ និងស្ថានភាពអាសន្នដើម្បីឱ្យពួកគេចេះសម្លឹងមើលការអភិវឌ្ឍជាតិ ក្នុងកម្រិតស្តង់ដារអន្តរជាតិ។សរុបមកអ្នកនិពន្ធ Fari, សៀវភៅ *"The Father"* បានដើរតួជាស្ពាននៃទំនុកចិត្ត ដែលធ្វើឱ្យសហគមន៍អន្តរជាតិ កាន់តែគោរព កាន់តែជឿជាក់ និងចង់មកផ្សារភ្ជាប់ទំនាក់ទំនងជាមួយកម្ពុជាសម័យថ្មី ទាំងលើវិស័យសេដ្ឋកិច្ច និងទេសចរណ៍យ៉ាងពិតប្រាកដ។               

(សិង្ហបុរី)៖ សហរដ្ឋអាមេរិកបានអនុម័តសំណើរបស់សិង្ហបុរីក្នុងការធ្វើឱ្យប្រសើរឡើង នូវប្រព័ន្ធរ៉ុក្កែត កាំភ្លើងធំចល័តខ្ពស់ M142 (HIMARS) របស់ខ្លួនក្នុងកិច្ចព្រមព្រៀងមួយដែលមានតម្លៃ ៧៣ លានដុល្លារអាមេរិក។នៅក្នុងសេចក្តីប្រកាសព័ត៌មានមួយ ក្រសួងការបរទេសសហរដ្ឋអាមេរិកបាននិយាយថា ប្រទេសសិង្ហបុរីបាន ស្នើសុំទិញឧបករណ៍ធ្វើឱ្យប្រសើរឡើងនូវប្រព័ន្ធគ្រប់គ្រងអគ្គីភ័យទូទៅ (CFCS) ចំនួន ១៨ សម្រាប់ប្រព័ន្ធកាំភ្លើងធំរ៉ុក្កែត។យោងតាមការបោះពុម្ពផ្សាយរបស់ឧស្សាហកម្មការពារជាតិ CFCS ប្រើប្រាស់ដំណើរការឌីជីថលដើម្បី គ្រប់គ្រង ឧបករណ៍បាញ់ និងគ្រប់គ្រងអាវុធ ដោយធ្វើអោយប្រសើរឡើងនូវភាពត្រឹមត្រូវនៃការកំណត់ គោលដៅ និងប្រសិទ្ធភាពប្រតិបត្តិការទាំងមូល។ក្រសួងការពារជាតិសិង្ហបុរី (MINDEF) បាននិយាយ ដើម្បីឆ្លើយតបទៅនឹងសំណួររបស់ CNA ថា "HIMARS គឺជាទ្រព្យសម្បត្តិវាយប្រហារដែលមានមូលដ្ឋានលើដីដែលបានបម្រើការជាមួយកងកម្លាំងប្រដាប់អាវុធសិង្ហបុរីតាំងពីឆ្នាំ ២០១០"។ការលក់ដែលបានស្នើឡើងរួមមានឧបករណ៍គាំទ្រ ឯកសារបច្ចេកទេស គ្រឿងបន្លាស់ ការបណ្តុះបណ្តាល ការគាំទ្របច្ចេកទេសរបស់រដ្ឋាភិបាលសហរដ្ឋអាមេរិក និងអ្នកម៉ៅការ សេវាកម្មគាំទ្រវិស្វកម្ម និងភស្តុភារ និងការគាំទ្រការិយាល័យវាល។ក្រសួងការបរទេសសហរដ្ឋអាមេរិកបាននិយាយថា ការសម្រេចចិត្តលក់ឧបករណ៍ធ្វើឱ្យប្រសើរឡើងនេះ “នឹងមិនផ្លាស់ប្តូរតុល្យភាពយោធាជាមូលដ្ឋាននៅក្នុងតំបន់នោះទេ”៕

(ប៉ៃលិន)៖ ស្នាដៃបច្ចេកទេសរបស់សិស្ស-និស្សិតចំនួន ៥ប្រភេទ ត្រូវបានដាក់តាំងបង្ហាញក្នុងឱកាសអបអរសាទរទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ (TVET Day) លើកទី៩ ឆ្នាំ២០២៦ នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន (PLPTC) ដើម្បីបង្ហាញពីជំនាញអនុវត្ត សមត្ថភាពបច្ចេកទេស និងគំនិតច្នៃប្រឌិតរបស់សិស្ស-និស្សិត ដែលបានសិក្សា និងអភិវឌ្ឍតាមជំនាញនីមួយៗ។ស្នាដៃដែលត្រូវបានដាក់តាំងបង្ហាញរួមមាន ធុងសំរាមឆ្លាតវៃ ប្រព័ន្ធបញ្ជាម៉ូទ័រទៅមុខ-ឈប់-ត្រឡប់ក្រោយ រ៉ូបូតបាញ់ថ្នាំស្រូវប្រើថាមពលសូឡា សេវាកម្មសម្អាងកាយ និងការកែច្នៃបន្លែ-ផ្លែឈើ ដែលសុទ្ធសឹងជាស្នាដៃកើតចេញពីការសិក្សា ស្រាវជ្រាវ និងការអនុវត្តផ្ទាល់របស់សិស្ស-និស្សិត។លោកស្រី យឿន ចាន់ឌី នាយិកាមជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន បានមានប្រសាសន៍ថា៖«ស្នាដៃទាំងនេះបានបង្ហាញពីចំណេះដឹង ជំនាញ និងសមត្ថភាពអនុវត្តជាក់ស្ដែងរបស់សិស្ស-និស្សិត ដែលបានសិក្សា ស្រាវជ្រាវ និងអភិវឌ្ឍន៍គំនិតច្នៃប្រឌិតតាមជំនាញនីមួយៗ»។លោកស្រីបានបន្តថា ការរៀបចំការតាំងបង្ហាញស្នាដៃក្នុងឱកាសទិវា TVET Day មិនត្រឹមតែជាការបង្ហាញពីសមិទ្ធផលសិក្សារបស់សិស្ស-និស្សិតប៉ុណ្ណោះទេ ប៉ុន្តែថែមទាំងជួយលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ ជំរុញការច្នៃប្រឌិត បង្កើនទំនុកចិត្តលើយុវជន និងផ្សារភ្ជាប់ការសិក្សាជាមួយតម្រូវការជាក់ស្តែងនៃទីផ្សារការងារ។ជាមួយគ្នានេះ លោកស្រី យឿន ចាន់ឌី ក៏បានអំពាវនាវដល់សិស្សានុសិស្ស យុវជន និងមាតាបិតា ឱ្យចាប់អារម្មណ៍លើការសិក្សាជំនាញ TVET ព្រោះជាការសិក្សាមានរយៈពេលខ្លី ផ្តល់ជំនាញពិត ងាយស្រួលទទួលបានការងារ ឬអាចបង្កើតមុខរបរដោយខ្លួនឯង។ លោកស្រីបានបញ្ជាក់ថា ការមានជំនាញយ៉ាងតិចមួយ គឺជាមូលដ្ឋានដ៏សំខាន់ក្នុងការលើកកម្ពស់ជីវភាពគ្រួសារ បង្កើនផលិតភាពការងារ និងរួមចំណែកអភិវឌ្ឍសេដ្ឋកិច្ចជាតិ ស្របតាមយុទ្ធសាស្ត្រគន្លឹះរបស់រាជរដ្ឋាភិបាល «ពលរដ្ឋម្នាក់មានជំនាញមួយយ៉ាងតិចប្រចាំជីវិត»៕

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវដល់អាជ្ញាធរមូលដ្ឋានគ្រប់លំដាប់ថ្នាក់ បន្តជួយទប់ស្កាត់ និងអប់រំណែនាំប្រជាពលរដ្ឋឱ្យស្វែងរកការងារធ្វើក្នុងស្រុក និងកុំចាញ់បោកមេខ្យល់ ឬលួចឆ្លងដែនទៅធ្វើការនៅក្រៅប្រទេសដោយខុសច្បាប់ និងងាកមកស្វែងរកការងារស្រុកដែលមានអត្ថប្រយោជន៍ច្រើន និងប្រាក់បៀវត្សប្រហាក់ប្រហែលប្រទេសថៃ។ នេះបើតាម លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ។ លោកថ្លែងថា៖«ខ្ញុំសូមអំពាវនាវដល់បងប្អូនប្រជាពលរដ្ឋ សូមពិចារណា ស្វែងរកឱកាសការងារក្នុងស្រុកឱ្យបានគត់មត់ មុនសម្រេចចិត្តទៅធ្វើការក្រៅប្រទេសដោយខុសច្បាប់។ បច្ចុប្បន្ន កម្ពុជាមានឱកាសការងារច្រើន ដែលមានសុវត្ថិភាព និងអត្ថប្រយោជន៍ច្រើន ហើយបើសិនបងប្អូនមិនចេះ សូមកុំបារម្ភក្រសួងការងារ នឹងផ្តល់ការបណ្តុះបណ្តាលជំនាញជូនបងប្អូន»។ លោក ស៊ុន មេសា បានក្រើនរំលឹកបងប្អូនកុំឱ្យចាញ់បោកមេខ្យល់ ឬបុគ្គលដែលអូសទាញឱ្យលួចឆ្លងដែនទៅធ្វើការនៅក្រៅប្រទេសដោយខុសច្បាប់ ព្រោះការធ្វើបែបនេះប្រឈមនឹងការចាប់ខ្លួន ការបញ្ជូនត្រឡប់មកវិញ និងហានិភ័យជាច្រើនទៀត។ សូមបញ្ជាក់ថា បច្ចុប្បន្នកម្ពជាមានឱកាសការងារចំនួនជាង ៩ ម៉ឺនកន្លែង នៅតាមរាជធានី-ខេត្ត ទូទាំងប្រទេសលើវិស័យឧស្សាហកម្ម កសិកម្ម និងសេវាកម្ម កំពុងរង់ចាំបងប្អូនប្រជាពលរដ្ឋដែលកំពុងស្វែងរកការងារធ្វើ ជាពិសេសបងប្អូនអតីតពលករ ដែលវិលត្រឡប់មកកម្ពុជាវិញ៕

(ភ្នំពេញ)៖ ស្ទើរស្រក់ទឹកភ្នែក! នៅពេលកូនប្រុសរបស់សាម៉ាន លុតជង្គង់សុំទោសឪពុក បន្ទាប់ពីបានដឹងការពិតថា ការសម្ដែងកំប្លែងតែងខ្លួនជាស្រីដែលធ្លាប់ធ្វើឱ្យខ្លួនខ្មាស់គេនោះ គឺជាការលះបង់ដ៏ធំធេងរបស់ឪពុក ដើម្បីរកចំណូលចិញ្ចឹមគ្រួសារ និងផ្គត់ផ្គង់ការសិក្សារបស់កូនៗ។ហេតុការណ៍ដ៏រំជួលចិត្តនេះ បានកើតឡើងក្នុងកម្មវិធីប្រគល់រង្វាន់សេដ្ឋីក្មេង ១៣០លានរៀលពី ប៊ូសស្រ្តង ជូនដល់លោក កើត ឧស្សាហ៍ និងភរិយា អ្នកស្រី ណន ច័ន្ទណារី ដែលជាកម្មកររោងចក្រនៅខណ្ឌកំបូល។ ទិដ្ឋភាពនោះបានធ្វើឱ្យអ្នកចូលរួមជាច្រើនរំភើបចិត្ត និងស្ទើរទប់ទឹកភ្នែកមិនជាប់។ជាពិសេស ក្នុងឱកាសទិវាគុណលោកឪពុក ប៊ូសស្រ្តង ក៏បានរៀបចំប៊ូហ្វេអាហារដ៏ឈ្ងុយឆ្ងាញ់ ជូនដល់អ៊ុំៗអ្នកធាក់ស៊ីក្លូចំនួន ១០០នាក់ ដើម្បីចែករំលែកភាពកក់ក្តៅ និងលើកទឹកចិត្តដល់អ្នកប្រឹងប្រែងរកស៊ីប្រចាំថ្ងៃ។ប៊ូសស្រ្តង ឆ្ងាញ់ រសជាតិដិតជ្រៅ មានរង្វាន់សេដ្ឋីក្មេង ១៣០លានរៀល កែប្រែជីវិតភ្លាមៗ!