ការប្រារព្ធខួបអនុស្សាវរីយ៍លើកទី១៣៨ នៃទិវាពលកម្មអន្តរជាតិ ១ ឧសភា ឆ្នាំ២០២៤ ក្រោមប្រធានបទ«សហគ្រាសមួយ ជាសហគមន៍សុខសាន្តមួយ» បង្ហាញពីចក្ខុវិស័យមួយរបស់រាជរដ្ឋាភិបាលកម្ពុជាក្នុងការអភិវឌ្ឍវិស័យការងារនៅកម្ពុជា។ នេះបើតាម លោក តុល ផាន់មឿង ប្រធានអគ្គសម្ព័ន្ធសហភាពសហជីពកម្ពុជាដែលបានថ្លែងក្នុងការប្រមូលផ្តុំប្រារព្ធខួបអនុស្សាវរីយ៍លើកទី១៣៨ នៃទិវាពលកម្មអន្តរជាតិ ១ ឧសភា ឆ្នាំ២០២៤ក្នុងរាជធានីភ្នំពេញ។ ប្រធានអគ្គសម្ព័ន្ធសហភាពសហជីពកម្ពុជារូបនេះ បានគូសបញ្ជាក់ថា រាជរដ្ឋាភិបាលកម្ពុជាមានចក្ខុវិស័យច្បាស់លាស់ក្នុងការអភិវឌ្ឍវិស័យការងារនៅកម្ពុជា សំដៅប្រែក្លាយទៅជាចលនាជាតិមួយ នៅកន្លែងធ្វើការងារ ដែលគ្រប់ភាគីពាក់ព័ន្ធ ជាពិសេសកម្មករនិយោជិត និងនិយោជកដើម្បីចូលរួមបង្កើតភាពសុខដុមនីយកម្មក្នុងទំនាក់ទំនងវិជ្ជាជីវៈនៅតាមរោងចក្រសហគ្រាស។ លោកបន្ថែមថា រាជរដ្ឋាភិបាលក៏បានបន្តខិតខំលើកកម្ពស់សិទ្ធិសេរីភាពអង្គការវិជ្ជាជីវៈ ស្របតាមច្បាប់ស្តីពីការងារ ច្បាប់ស្តីពីសហជីព ច្បាប់ស្តីពីរបបសន្តិសុខសង្គម ច្បាប់ស្តីពីប្រាក់ឈ្នួលអប្បបរមា និងលិខិតបទដ្ឋាន ការងារអន្តរជាតិនានាផងដែរ។ បន្ថែមពីនេះ លោក តុល ផាន់មឿង ក៏មិនភ្លេចរំលេចពីវឌ្ឍនភាពរបស់រាជរដ្ឋាភិបាលអាណត្តិទី៧ចំពោះអនុសាសន៍ចំនួន១០ចណុចដែលរួមមានការដំឡើងប្រាក់ឈ្នួល ការផ្តល់ការថែទាំសុខភាពសម្រាប់សមាជិកក្នុងបន្ទុក ការផ្តល់ឱកាសឱ្យសិក្សាជំនាញបច្ចេកទេស ការប្រែក្លាយសហគ្រាសមួយទៅជាសហគមន៍សុខសាន្តមួយ គម្រោងបង្កើតទារកដ្ឋាន ឬមតេយ្យសហគមន៍នៅតាមតំបន់រោងចក្រ ជំរុញឱ្យមានអាហារដ្ឋានសមរម្យ និងមធ្យោបាយធ្វើដំណើរប្រកបដោយសុវត្ថិភាពជាដើម។ដោយឡែកឯកឧត្តម សាន គឹមហុង អនុរដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈតំណាងឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈដែលបានចូលរួមក្នុងកម្មវិធីប្រារព្ឋទិវាពលកម្មអន្តរជាតិ១ឧសភាដែរនោះ បានលើកឡើងថា ការប្រារព្ធទិវាពលកម្មអន្តរជាតិក្រោមប្រធានបទ«សហគ្រាសមួយ ជាសហគមន៍សុខសាន្តមួយ» មានសារសំខាន់ណាស់សម្រាប់បង្កើតឱ្យមានសុខដុមនីយកម្មនៅក្នុងសហគ្រាសរោងចក្រនៅទូទាំងប្រទេស ហើយនេះក៏ជាអនុសាសន៍របស់សម្តេចតេជោ ហ៊ុន សែន អតីតនាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី។ ឯកឧត្តមបន្ថែមថា គោលនយោបាយប្រែក្លាយសហគ្រាសមួយ សហគមន៍សុខសាន្តមួយ នឹងមិនទទួលបានជោគជ័យនោះទេ ប្រសិនបើគ្មានការចូលរួមពីសំណាក់បងប្អូន កម្មករ និងភាគីពានិងសហជីព និងភាគីនិយោជក រួមទាំងភាគីពាក់ព័ន្ធ៕

លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាអ្នកវិភាគនយោបាយនៅកម្ពុជានៅថ្ងៃទី០១ ខែឧសភា ឆ្នាំ២០២៤នេះ បានគាំទ្រចំពោះការដាក់ចេញប្រធានបទស្តីពីសហគ្រាសមួយជាសហគមន៍សុខសាន្តមួយរបស់រាជរដ្ឋាភិបាលកម្ពុជាដើម្បីរំលឹកខួបលើកទី១៣៨នៃទិវាពលកម្មអន្តរជាតិ។ ប៉ុន្តែទន្ទឹមនឹងនេះ លោកបណ្ឌិតយង់ ពៅ ក៏បានអំពាវនាវឱ្យសហជីពនៅកម្ពុជាមិនត្រូវវង្វេងអ្វីដែលជាប្រយោជន៍របស់កម្មករដោយពិតប្រាកដនោះឡើយ ឬជាអ្វីដែលលោកហៅថា ឆ្នាំងបាយរបស់កម្មករ។សម្រាប់លោក សហជីពនៅកម្ពុជា គួរតែមកគិតពីសុខដុមវិជ្ជាជីវៈក្នុងការបំពេញការងារដើម្បីភាពចម្រុងចម្រើនទាំងកម្មករ និងនិយោជកដែលជាការរក្សាបានឆ្នាំងបាយ ហើយក៏មិនគួរធ្វើជាឈ្នាន់នយោបាយដើរទៅតាមខ្សែញាក់ពីបរទេសនោះឡើយ។ចំពោះអ្នកវិភាគរូបនេះ រាជរដ្ឋាភិបាលក៏ដូចជាក្រសួងជំនាញ បានអនុវត្តច្បាប់យ៉ាងត្រឹមត្រូវដើម្បីការពារប្រយោជន៍ដល់កម្មករនិយោជិត និងនិយោជកដោយឈរលើគោលការច្បាប់ក្នុងការរក្សាសុខដុមនីយកម្ម និងការថែរក្សាឆ្នាំងបាយរួម៕

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈអះអាងថា ការប្រារព្ឋខួបអនុស្សាវរីយ៍លើកទី១៣៨នៃទិវាពលកម្មអន្តរជាតិ១ឧសភានៅកម្ពុជា មានភាពផុលផុស រីករាយ និងស្និទ្ធស្នាល។ចំពោះការប្រារព្ឋទិវាពលកម្មអន្តរជាតិ ១ ឧសភាដែលជាខួបលើកទី១៣៨នេះ ក្រសួងការងារ និងបណ្តុះបណ្តាលវិជ្ជាជីវៈ បានវាយតម្លៃថាមានភាពផុលផុស កាន់តែសកម្ម ក្រោមបរិយាកាសរីករាយ ស្និទ្ធស្នាលក្នុងសុខសន្តិភាព ស្ថិរភាព និងទំនាក់ទំនងវិជ្ជាជីវៈរវាងនិយោជិត និងនិយោជកកាន់តែល្អប្រសើរដោយឈរលើនីតិរដ្ឋ៕

(ភ្នំពេញ)៖ ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី១ ខែឧសភា ឆ្នាំ២០២៤ បានលើកឡើងថា ក្រសួងការងារនឹងពិនិត្យញាត្តិដែលក្រុមសហជីព អង្គការសង្គមស៊ីវិល បងប្អូនកម្មករនិយោជិតបានដាក់មកកាន់ក្រសួងការងារ។ ការលើកឡើងបែបនេះបន្ទាប់ពីមានអង្គការសង្គមស៊ីវិល សហជីព និងបងប្អូនកម្មករនិយោជិតប្រមាណ១០០នាក់ បានមកប្រមូលផ្តុំគ្នាដាក់ញាត្តិមកកាន់ក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទិវាពលកម្មអន្តរជាតិ ១ ឧសភា ឆ្នាំ២០២៤ នេះ។ ឯកឧត្តមរដ្ឋលេខាធិការបានគូសបញ្ជាក់ថា ជុំវិញញាត្តិដែលបានដាក់មកកាន់ក្រសួងការងារនៅពេលនេះ ក្រសួងនឹងពិនិត្យអ្វីដែលជាការលើកឡើងរបស់សហជីព អ្វីដែលក្រសួងបានអនុវត្តដោយជោគជ័យ អ្វីដែលក្រសួងកំពុងអនុវត្ត និងអ្វីដែលជាការលើកឡើងមិនឆ្លុះបញ្ចាំងការពិត។ឯកឧត្តមបន្ថែមថា ការប្រមូលផ្តុំតវ៉ា និងដាក់ញាត្តិរបស់សហជីព និងអង្គការសង្គមស៊ីវិល បង្ហាញអោយឃើញពីលំហសេរីភាពសហជីព និងអង្គការសង្គមស៊ីវិលនៅកម្ពុជា ដែលមានសេរីភាពពេញលេញ មិនដូចការលើកឡើងថា លំហសេរីភាពសហជីព និងអង្គការសង្គមស៊ីវិលនៅកម្ពុជាមានការរិតត្បិតនោះទេ។ឯកឧត្តមបន្តថា ការអនុវត្តច្បាប់ប្រឆាំងជនល្មើស ទោះជននោះជានរណា មកពីស្ថាប័នណា អង្គការណា សហជីពណាក៏ដោយ គឺជាការពង្រឹងនីតិរដ្ឋ និងលិទ្ធិប្រជាធិបតេយ្យ ដែលប្រទេសណាក៏អនុវត្តច្បាប់របស់ខ្លួនដើម្បីធានាសុវត្ថិភាព ស្ថេរភាព សន្តិសុខជាតិ សណ្តាប់ធ្នាប់សង្គម និងផលប្រយោជន៍សាធារណៈ។ឯកឧត្តមសង្កត់ធ្ងន់ថាការធ្វើវិសោធនកម្មច្បាប់សហជីពនិងច្បាប់ការងារមានគោលដៅធានាផលប្រយោជន៍ និងសិទ្ធិរបស់កម្មការនិយោជិត និយោជក និងសេរីភាពសហជីព ព្រមទាំងបង្កភាពងាយស្រួលក្នុងការចុះបញ្ចីការ និងការប្រព្រឹត្តទៅរបស់សហជីព។ ក្នុងនោះចំនួនសហជីពជាង៦០០០ បើប្រៀបធៀបនឹងប្រជាជន ១៧លាននាក់ គឺជាចំនួនច្រើនណាស់ ដោយសារអ្វី គឺដោយសារលំហសេរីភាពសហជីព ភាពងាយស្រួលក្នុងការចុះបញ្ចីការ និងការតាក់តែងលក្ខន្តិកៈរបស់ខ្លួនដោយសេរី ព្រមទាំងសេរីភាពដ៏ទូលំទូលាយនៃការប្រព្រឹត្តទៅរបស់សហជីពនៅកម្ពុជា។ឯកឧត្តមបន្ថែមថា ច្បាប់សហជីពរបស់កម្ពុជាផ្តល់លក្ខខណ្ឌបង្កើតសហជីពតម្រូវឲ្យមានកម្មករនិយោជិត១០នាក់ គឺល្អប្រសើរជាងបណ្តាប្រទេសមួយចំនួន និងអនុសាសន៍របស់អង្គការ ILO (ILO តម្រូវឲ្យមានកម្មករនិយោជិក៥០នាក់ អូស្ត្រាលី ហ្វីលីភិន បង់ក្លាដែស តម្រូវឲ្យមានកម្មករនិយោជិត ៥០នាក់ ឬ២០% ឬ៣០%)។ឯកឧត្តមបន្តថាក្រសួងជំរុញឲ្យមានការចរចាជាសមូហភាពដើម្បីចុះអនុសញ្ញារួមតាមរយៈការសម្របសម្រួលនីតិវីធីសម្រាប់សហជីព។ បន្ទាប់ពីការធ្វើវិសោធនកម្មច្បាប់សហជីព ចំនួនចុះបញ្ជីទទួលស្គាល់ភាពជាតំណាងមានការកើនឡើងពី ៥៦៤ក្នុងឆ្នាំ២០១៩ ដល់៦២៤ក្នុងឆ្នាំ២០២៤។ទន្ទឹមនឹងនេះការដោះស្រាយវិវាទការងារមានចំនួនសះជាស្មើនិង៩១.៨០% កើនឡើងជាងឆ្នាំ២០២៣ ដែលមានចំនួន៨០.៩៥%។ តាមនីតិវីធី ក្នុងករណីមិនសះជា ក្រសួងបញ្ចូនទៅដោះស្រាយនៅក្រុមប្រឹក្សាអាជ្ញាកណ្តាល។ វិសោធនកម្មច្បាប់ការងារឆ្នាំ២០២១ បានផ្តល់ជម្រើសដល់ភាគីនៃវិវាទបុគ្គល ក៏អាចប្តឹងទៅក្រុមប្រឹក្សាអាជ្ញាកណ្តាលផងដែរ៕ឯកឧត្តមបន្តថា ការប្រើប្រាស់កិច្ចសន្យាការងារមានថេរវេលាកំណត់ ឬថេរវេលាមិនកំណត់ សុទ្ធតែទទួលបានអត្ថប្រយោជន៍បន្ថែមដូចគ្នា។ ចំណែកច្បាប់ការងារ និងច្បាប់សហជីព ហាមឃាត់រាល់ទម្រង់នៃការរើសអើងក្នុងការងារ និងសហជីព។ ក្រសួងលើកទឹកចិត្តដល់កម្មករនិយោជិត និងសហជីព ដាក់ពាក្យប្តឹងមកក្រសួងក្នុងករណីមានការរើសអើងណាមួយ។ រីឯយន្តការត្រីភាគីនៃក្រុមប្រឹក្សាប្រាក់ឈ្នួលអប្បបរមា សុទ្ធតែមានសមាសភាពសហជីពចម្រុះ ដែលភាគីសហជីពខ្លួនឯងជាអ្នកជ្រើសរើស។ឯកឧត្តម កត្តា អ៊ន បញ្ជាក់ថាក្រសួងលើកទឹកចិត្តដល់សហជីព សូមយកបញ្ហាមកដោះស្រាយទល់មុខមន្រ្តីទទួលបន្ទុកនៅក្រសួងការេងារ ដើម្បីផ្ទៀងផ្ទាត់រួមគ្នា និងរកដំណោះស្រាយសមស្របលើករណីដែលរកឃើញថា មិនទាន់មានដំណោះស្រាយ៕

(ភ្នំពេញ)៖ សម្ព័ន្ធសមាគមសារព័ត៌មានកម្ពុជា ចេញសេចក្តីថ្លែងការណ៍ក្នុងទិវាសេរីភាពសារព័ត៌មានពិភពលោក ៣ ឧសភា ២០២៤ ដែលប្រារព្ធធ្វើក្រោមប្រធានបទ «សារព័ត៌មានដើម្បីភពផែនដី ៖ សារព័ត៌មានក្នុងបរិបទនៃវិបត្តិបរិស្ថាន»។នេះបើយោងតាមសេចក្ដីថ្លែងការណ៍របស់ សម្ព័ន្ធសមាគមសារព័ត៌មានកម្ពុជា ដែលមានខ្លឹមសារដូខខាងក្រោម៖នៅក្នុងស្ថានភាពដែលពិភពលោកកំពុងប្រឈមនូវវិបត្តិបរិស្ថានជាសកលដែលក្នុងនោះរួមមាន៖ ១. ការបម្រែបម្រួលអាកាសធាតុ ២. ការបាត់បង់នូវជីវចម្រុះ និង ៣. ការបំពុលខ្យល់ ជាមួយគ្នានេះក៏មានយុទ្ធនាការផ្សព្វផ្សាយនូវព័ត៌មានញុះញង់ ដើម្បីបង្កើតការសង្ស័យ និងប៉ុនប៉ងបន្ទុចបង្អាក់លើការខិតខំប្រឹងប្រែងជាអន្តរជាតិក្នុងការស្វែងរកដំណោះស្រាយលើបញ្ហាប្រឈមដ៏ធំជាសកលនេះផងដែរ។ ក្នុងន័យនេះហើយ ដែលពិភពលោកបានទទួលស្គាល់នូវ តួនាទីដ៏សំខាន់ចាំបាច់របស់ សារព័ត៌មាន ក្នុងការចូលរួមផ្សព្វផ្សាយនូវព័ត៌មានពិត ដែលអាចជឿទុកចិត្ត ក្នុងន័យដើម្បីបង្កើននូវសំឡេង ទស្សនៈ គំនិត ការប្រឹងប្រែង និងការចូលរួមពីគ្រប់តួអង្គ ដើម្បីការពារភពផែនដីរបស់យើង។សម្រាប់នៅប្រទេសកម្ពុជា សម្ព័ន្ធសមាគមសារព័ត៌មានកម្ពុជា ក៏បានចូលរួមសម្តែងនូវសេចក្តីរីករាយជាមួយអ្នកសារព័ត៌មានជាតិ ដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់ឱកាសនិងពេលវេលាដ៏មានតម្លៃ អញ្ជើញជួបសំណេះសំណាលជាមួយអ្នកសារព័ត៌មានជាតិ ក្នុងឱកាសទិវាសេរីភាពសារព័ត៌មានពិភពលោក ៣ ឧសភា។ ជំនួបនេះមានអត្ថន័យនិងបង្ហាញពីការយកចិត្តទុកដាក់របស់ប្រមុខរាជរដ្ឋាភិបាលកម្ពុជា បន្តពី សម្តេចអគ្គមហាសេនាបតីតេជោ ហ៊ុន សែន ដែលតែងតែយកចិត្តទុកដាក់ចំពោះសុខទុក្ខ កង្វល់ សំណើ និងសំណូមពរនានារបស់អ្នកសារព័ត៌មាននិងបញ្ជាក់ពីការលើកកម្ពស់តួនាទីសេរីភាពសារព័ត៌មានក្នុងសង្គមកម្ពុជា។ ជំនួបដ៏ធំប្រចាំឆ្នាំ រវាងប្រមុខរាជរដ្ឋាភិបាល ជាមួយអ្នកសារព័ត៌មាន ជាលើកទី៦ ឆ្នាំ២០២៤នេះ ក៏រំលឹកឡើងវិញពីភាពចាំបាច់នៃតួនាទីសារព័ត៌មានក្នុងសង្គមប្រជាធិបតេយ្យ ជាស្ពានទំនាក់ទំនងរវាងប្រជាជន និងរាជរដ្ឋាភិបាល និងការចូលរួមរបស់វិស័យព័ត៌មានក្នុងការថែរក្សាសុខសន្តិភាព ដែលគាំទ្រដល់ដំណើររីកចម្រើនរបស់សង្គមជាតិ។សម្ព័ន្ធសមាគមសារព័ត៌មានកម្ពុជា បានពិនិត្យឃើញថា ដូចគ្នានឹងបរិបទទូទៅរបស់សកលលោកផងដែរ វិស័យសារព័ត៌មាននៅកម្ពុជា បានកំពុងទទួលរងនូវផលប៉ះពាល់ជាអវិជ្ជមានពីកត្តាវិវត្តន៍ជឿនលឿននៃបច្ចេកវិទ្យាឌីជីថល ការជួបប្រទះបញ្ហាប្រឈមក្នុងសេដ្ឋកិច្ចរហូតដល់កាសែតប្រពៃណីមួយចំនួនបានឈប់បោះពុម្ពលើក្រដាស និងការប្រឈមនូវភាពខ្វះចន្លោះមួយចំនួនដែលទាមទារនូវការប្រឹងប្រែងរួមបន្ថែមទៀត ដើម្បីលើកកម្ពស់សេរីភាពសារព័ត៌មាននិងសិទ្ធិបញ្ចេញមតិ ក៏ដូចជាដើម្បីបន្តរក្សាបាននូវតួនាទីដ៏សំខាន់របស់វិស័យសារព័ត៌មាននៅកម្ពុជា យើងខ្ញុំសូមស្នើសុំដល់ក្រសួងស្ថាប័នពាក់ព័ន្ធពិនិត្យពិចារណាដូចតទៅ៖១. កម្ពុជា សមល្មមកាលវេលាក្នុងការចាប់ផ្តើមពិនិត្យនិងធ្វើវិសោធនកម្មច្បាប់ស្តីពីរបបសារព័ត៌មានឆ្នាំ១៩៩៥ ដែលច្បាប់នេះមានអាយុកាលជិត៣០ឆ្នាំហើយហើយនៅខ្វះចន្លោះចំណុចខ្លឹមសារសំខាន់ៗជាច្រើនសម្រាប់បម្រើកម្ពុជាក្នុងយុគសម័យឌីជីថល។២. ឯកសារស្តីពីក្រមសីលធម៌វិជ្ជាជីវៈសារព័ត៌មាន រួមទាំងគោលការណ៍ប្រើប្រាស់បណ្តាញសង្គមនិងអ៊ីនធឺណិត គួរត្រូវបានរៀបចំតាក់តែងឱ្យបានលឿន មានលក្ខណៈពេញលេញ និងគ្រប់ជ្រុងជ្រោយសម្រាប់ប្រើប្រាស់ជាមូលដ្ឋានឯកសារតម្រង់ទិសក្រមសីលធម៌ ស្របតាមគោលការណ៍ច្បាប់ដែលមានចែង និងដើម្បីជួយអ្នកសារព័ត៌មាននិងអ្នកផ្សព្វផ្សាយក្នុងយុគសម័យឌីជីថល ក្នុងការបន្តបំពេញតួនាទីកាន់តែប្រសើរ មានសារប្រយោជន៍ជាវិជ្ជមានជួយដល់សហគមន៍ និងប្រទេសជាតិ។៣. អ្នកសារព័ត៌មានត្រូវបន្តទទួលការបណ្តុះបណ្តាលជាប្រចាំហើយសូមស្នើម្ចាស់អង្គភាពលើកទឹកចិត្ត និងគាំទ្រការបណ្តុះបណ្តាលនេះ ដើម្បីផ្តល់ឱកាសឱ្យអ្នកសារព័ត៌មានបានអភិវឌ្ឍន៍សមត្ថភាពថ្មីៗ ស្របតាមការវិវត្តន៍របស់បច្ចេកវិទ្យានិងការរីកចម្រើននៃសង្គមសេដ្ឋកិច្ច។ ជាមួយគ្នានេះ សូមស្នើសុំម្ចាស់អង្គភាពគិតគូរដល់ជីវភាពអ្នកសារព័ត៌មាន និងជួយរៀបចំឱ្យមានបេឡាជាតិសន្តិសុខសង្គម (ប.ស.ស.) ដល់បុគ្គលិកសារព័ត៌មានដើម្បីទទួលបាននូវការគាំពារផ្នែកថែទាំសុខភាព និងផ្នែកហានិភ័យការងារ។៤. សូមស្នើសុំបន្តកិច្ចសហការល្អប្រសើរ រវាងអ្នកនាំពាក្យនិងមន្ត្រីព័ត៌មាន ជាមួយអ្នកសារព័ត៌មាន ដើម្បីលើកកម្ពស់សិទ្ធិនៃការទទួលព័ត៌មាន ហើយសំខាន់លើសពីនេះ គឺដើម្បីទទួលបានព័ត៌មានពិតគ្រប់ជ្រុងជ្រោយ សម្រាប់ជាមូលដ្ឋាននៃការយល់ដឹងរបស់សាធារណជន ក៏ដូចជាមូលដ្ឋានក្នុងការឆ្លើយតប និងប្រយុទ្ធប្រឆាំងព័ត៌មានក្លែងក្លាយ។៥. សូមអំពាវនាវដល់ស្ថាប័នតុលាការ មេត្តាពិនិត្យ និងប្រើប្រាស់ច្បាប់ស្តីពីរបបសារព័ត៌មាន ធ្វើជាមូលដ្ឋានក្នុងការសម្រេចសេចក្តី លើករណីអ្នកសារព័ត៌មាន រងបណ្តឹងដោយសារការបំពេញវិជ្ជាជីវៈរបស់ខ្លួន។៦. សូមស្នើសុំ ក្រសួងព័ត៌មាន មេត្តាពិនិត្យលើការបង្កើនរយៈពេលសុពលភាពអាជ្ញាប័ណ្ណព័ត៌មាន ដែលបច្ចុប្បន្នក្រសួងផ្តល់ជូនត្រឹម១ឆ្នាំម្តង ដោយសូមបង្កើនរយៈពេលនៃសុពលភាពអាជ្ញាប័ណ្ណយ៉ាងហោច រយៈពេល៣ឆ្នាំទៅ៥ឆ្នាំ ឬរយៈពេលវែងជាងនេះ។ ក្រសួងមហាផ្ទៃបានផ្តល់រយៈពេលសុពលភាពនៃការចុះបញ្ជីសមាគមសាព័ត៌មានរហូតដល់១០ឆ្នាំម្តង ខណៈដែលក្រសួងពាណិជ្ជកម្ម បានផ្តល់ជូននូវការចុះបញ្ជីពាណិជ្ជកម្មនិងម៉ាកសញ្ញាពាណិជ្ជកម្ម ដោយគ្មានពេលវេលាកំណត់។៧. នៅក្នុងឱកាសនេះដែរ សម្ព័ន្ធសមាគមសារព័ត៌មានកម្ពុជាសូមលើកទឹកចិត្តដល់បងប្អូនអ្នកសារព័ត៌មាន និងអ្នកប្រើប្រាស់បណ្តាញសង្គម សូមយកចិត្តទុកដាក់បន្តអនុវត្តនូវពាក្យស្លោករបស់សម្តេចតេជោ ហ៊ុន សែន «កុំបំពានសិទ្ធិអ្នកដទៃ កុំបំភ្លៃការពិត» ដែលជាមូលដ្ឋាននាំមកនូវសេចក្តីថ្លៃថ្នូរ ការគោរពសិទ្ធិមនុស្ស និងភាពសុខដុមរមនានៅក្នុងសង្គមជាតិយើង៕

(ភ្នំពេញ)៖ សហភាពសហព័ន្ធអ្នកសារព័ត៌មានកម្ពុជា (ស.ស.ស.ក) ដោយមាន ឯកឧត្ដម ហ៊ុយ វណ្ណៈ ជាប្រធាន បានចេញសេចក្តីថ្លែងការណ៍ក្នុងទិវាសេរីភាពសារព័ត៌មានពិភពលោក ៣ ឧសភា ២០២៤ បានលើកឡើង ៧ ចំណុចដូចខាងក្រោម៖១. កម្ពុជា សមល្មមកាលវេលាក្នុងការចាប់ផ្តើមពិនិត្យនិងធ្វើវិសោធនកម្មច្បាប់ស្តីពីរបបសារព័ត៌មានឆ្នាំ១៩៩៥ ដែលច្បាប់នេះមានអាយុកាលជិត៣០ឆ្នាំហើយហើយនៅខ្វះចន្លោះចំណុចខ្លឹមសារសំខាន់ៗជាច្រើនសម្រាប់បម្រើកម្ពុជាក្នុងយុគសម័យឌីជីថល។២. ឯកសារស្តីពីក្រមសីលធម៌វិជ្ជាជីវៈសារព័ត៌មាន រួមទាំងគោលការណ៍ប្រើប្រាស់បណ្តាញសង្គមនិងអ៉ិនធឺណិត គួរត្រូវបានរៀបចំតាក់តែងឱ្យបានលឿន មានលក្ខណៈពេញលេញ និងគ្រប់ជ្រុងជ្រោយសម្រាប់ប្រើប្រាស់ជាមូលដ្ឋានឯកសារតម្រង់ទិសក្រមសីលធម៌ ស្របតាមគោលការណ៍ច្បាប់ដែលមានចែង និងដើម្បីជួយអ្នកសារព័ត៌មាននិងអ្នកផ្សព្វផ្សាយក្នុងយុគសម័យឌីជីថល ក្នុងការបន្តបំពេញតួនាទីកាន់តែប្រសើរ មានសារប្រយោជន៍ជាវិជ្ជមានជួយដល់សហគមន៍ និងប្រទេសជាតិ។៣. អ្នកសារព័ត៌មានត្រូវបន្តទទួលការបណ្តុះបណ្តាលជាប្រចាំហើយសូមស្នើម្ចាស់អង្គភាពលើកទឹកចិត្ត និងគាំទ្រការបណ្តុះបណ្តាលនេះ ដើម្បីផ្តល់ឱកាសឱ្យអ្នកសារព័ត៌មានបានអភិវឌ្ឍន៍សមត្ថភាពថ្មីៗ ស្របតាមការវិវត្តន៍របស់បច្ចេកវិទ្យានិងការរីកចម្រើននៃសង្គមសេដ្ឋកិច្ច។ ជាមួយគ្នានេះ សូមស្នើសុំម្ចាស់អង្គភាពគិតគូរដល់ជីវភាពអ្នកសារព័ត៌មាន និងជួយរៀបចំឱ្យមានបេឡាជាតិសន្តិសុខសង្គម (ប.ស.ស.) ដល់បុគ្គលិកសារព័ត៌មានដើម្បីទទួលបាននូវការគាំពារផ្នែកថែទាំសុខភាព និងផ្នែកហានិភ័យការងារ។៤. សូមស្នើសុំបន្តកិច្ចសហការល្អប្រសើរ រវាងអ្នកនាំពាក្យនិងមន្ត្រីព័ត៌មាន ជាមួយអ្នកសារព័ត៌មាន ដើម្បីលើកកម្ពស់សិទ្ធិនៃការទទួលព័ត៌មាន ហើយសំខាន់លើសពីនេះ គឺដើម្បីទទួលបានព័ត៌មានពិតគ្រប់ជ្រុងជ្រោយ សម្រាប់ជាមូលដ្ឋាននៃការយល់ដឹងរបស់សាធារណជន ក៏ដូចជាមូលដ្ឋានក្នុងការឆ្លើយតប និងប្រយុទ្ធប្រឆាំងព័ត៌មានក្លែងក្លាយ។៥. សូមអំពាវនាវដល់ស្ថាប័នតុលាការ មេត្តាពិនិត្យ និងប្រើប្រាស់ច្បាប់ស្តីពីរបបសារព័ត៌មាន ធ្វើជាមូលដ្ឋានក្នុងការសម្រេចសេចក្តី លើករណីអ្នកសារព័ត៌មាន រងបណ្តឹងដោយសារការបំពេញវិជ្ជាជីវៈរបស់ខ្លួន។៦. សូមស្នើសុំ ក្រសួងព័ត៌មាន មេត្តាពិនិត្យលើការបង្កើនរយៈពេលសុពលភាពអាជ្ញាប័ណ្ណព័ត៌មាន ដែលបច្ចុប្បន្នក្រសួងផ្តល់ជូនត្រឹម១ឆ្នាំម្តង ដោយសូមបង្កើនរយៈពេលនៃសុពលភាពអាជ្ញាប័ណ្ណយ៉ាងហោច រយៈពេល៣ឆ្នាំទៅ៥ឆ្នាំ ឬរយៈពេលវែងជាងនេះ។ ក្រសួងមហាផ្ទៃបានផ្តល់រយៈពេលសុពលភាពនៃការចុះបញ្ជីសមាគមសាព័ត៌មានរហូតដល់១០ឆ្នាំម្តង ខណៈដែលក្រសួងពាណិជ្ជកម្ម បានផ្តល់ជូននូវការចុះបញ្ជីពាណិជ្ជកម្មនិងម៉ាកសញ្ញាពាណិជ្ជកម្ម ដោយគ្មានពេលវេលាកំណត់។៧. នៅក្នុងឱកាសនេះដែរ សហភាពសហព័ន្ធអ្នកសារព័ត៌មានកម្ពុជា សូមលើកទឹកចិត្តដល់បងប្អូនអ្នកសារព័ត៌មាន និងអ្នកប្រើប្រាស់បណ្តាញសង្គម សូមយកចិត្តទុកដាក់បន្តអនុវត្តនូវពាក្យស្លោករបស់ សម្តេចតេជោ ហ៊ុន សែន «កុំបំពានសិទ្ធិអ្នកដទៃ កុំបំភ្លៃការពិត» ដែលជាមូលដ្ឋាននាំមកនូវសេចក្តីថ្លៃថ្នូរ ការគោរពសិទ្ធិមនុស្ស និងភាពសុខដុមរមនានៅក្នុងសង្គមជាតិយើង៕

(សង្គម)៖ ដោយហេតុថាភ្លើងស្តុបកន្លែងមួយចំនួនមានលេខកំណត់ជានាទី រីឯតាមដងផ្លូវមួយចំនួនគឺពុំមានលេខកំណត់នាទីឡើយដែលជាហេតុបណ្ដាលឱ្យមានការប្រកែកទាស់តែងគ្នារវាងអ្នកបើកបរនិងប៉ូលីសចរាចរណ៍ជារឿយៗ ហើយកាលពីពេលថ្មីៗនេះផងដែរឃើញថាមានអ្នកប្រើប្រាស់បណ្ដាញសង្គមជាច្រើនបានគាំទ្រក៏ដូចជាសំណូមពរចង់ឱ្យគ្រប់ភ្លើងស្តុបទាំងអស់ប្ដូរឱ្យមានលេខកំណត់ជានាទីដើម្បីងាយស្រួលដល់អ្នកបើកបរ ជៀសវាងធ្វើដំណើរឆ្លងកាត់សុខៗភ្លើងស្តុបក៏លោតមួយរំពេច។យ៉ាងណាមិញយោងតាមគណនីហ្វេសប៊ុកមួយឈ្មោះ វ៉ាន់នីឡា ដែលគ្រប់គ្នាស្គាល់ថាកញ្ញាជាតារាចម្រៀងនិងពិធីការិនីផងដែរនោះ បានបង្ហោះនូវសំណេរមួយដែលមានខ្លឹមសារយ៉ាងដូច្នេះថា«ក្នុងនាមខ្ញុំជាប្រជាពលរដ្ឋមួយរូប នាងខ្ញុំសូមសំនូមពរអោយភ្លើងស្តុបគ្រប់កន្លែងក្នុងព្រះរាជាណាចក្រកម្ពុជាមានលេខ ដើម្បីអោយមានភាពងាយស្រួលក្នុងការឈប់ភ្លើងចរាចរណ៍ នឹងមិនធ្វើអោយមានការប្រកែកគ្នារវាងប៉ូលីសនឹងអ្នកបំពានភ្លើងស្តុបដោយអចេតនា រឺភាពចៃដន្យណាមួយដែលកើតឡើង»។ ដោយសង្គេតឃើញថាតាមរយៈការបង្ហោះមួយនេះផងដែរមានមហាជនជាច្រើនបានចែករំលែក និងបញ្ចេញមតិគាំទ្រយ៉ាងពេញទំហឹងចំពោះការលើកឡើងនិងសំណូមពរបែបនេះ។ ជាមួយគ្នាខ្លះទៀតក៏បានចោទជាសំណួរដោយឆ្ងល់ថាហេតុអ្វីទើបបានជាមិនដាក់លេខគ្រាប់រាល់ស្តុបទាំងអស់។ ទោះជាយ៉ាងណាក្ដីទាំងនេះគឺសុទ្ធតែជាការលើកឡើងក៏ដូចជាកាសំណូមពរពីសំណាក់មហាជនក្នុងន័យស្ថាបនា និងរកដំណោះស្រាយដើម្បីឱ្យមានការងាយស្រួលទាំងសងខាងមិនថាតែអ្នកបើកបរនោះទេ តែវាក៏អាចជាចំណែកក្នុងការជួយសម្រួលដល់កាងារប៉ូលីសចរាចរណ៍ផងដែរ ដោយពួកគេសង្ឃឹមថាការសំណូមពរមួយនេះនឹងមានប្រសិទ្ធភាពឆាប់ៗនាពេលខាងមុខនេះ៕

(សៀមរាប)៖ ក្រុមការងារនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានប្រទះឃើញបំណែករូបព្រះពុទ្ធបដិមាធ្វើពីថ្មភក់ប្រមាណជាង១០០បំណែក នៅក្នុងបរិវេណរបស់ប្រាសាទតាព្រហ្ម ខណៈពេលដែលជីកដីធ្វើកំណាយសម្រាប់ស្រាវជ្រាវ កាលពីពេលថ្មីៗ។បំណែកបដិមាទាំងនោះ មានដូចជា រូបព្រះពុទ្ធគង់ភ្នែនប្រក់នាគ រូបលោកកេស្វរៈ រូបព្រះពុទ្ធគង់ភ្នែនប្រក់នាគសមាធិ រូបប្រាជ្ញាបារមិតា រូបព្រះកេសព្រះពុទ្ធប្រក់នាគមួយកំណាត់ ដាច់ត្រឹម ក បាល័ង្ល និងបំណែកដៃជើងជាដើម។បុរាណវិទូ លោកស្រី នេត ស៊ីមន ឱ្យដឹងថា ដំបូងឡើយ គឺក្រុមការងារបានទៅធ្វើការសម្អាតគំនរដី ដែលស្ថិតផ្នែកខាងត្បូង នៃកំពែងថ្មបាយក្រៀមរបស់រោងទងទី៣ នៃប្រាសាទតាព្រហ្ម ដើម្បីរៀបចំសម្រង់ប្លង់បំណែកថ្មដែលរាយប៉ាយ ព្រមទាំងមានការថតរូប ចុះបញ្ជីចូលទៅក្នុងប្លង់រួមរបស់ប្រាសាទឱ្យមានសណ្ដាប់ធ្នាប់ ដោយសារតែនៅទីនោះ មានថ្មរាយប៉ាយច្រើន។ កំឡុងពេលសម្អាត ក្រុមការងារ ក៏បានប្រទះឃើញបំណែករូបបដិមាជាច្រើននៅទីនោះ។ លោកស្រី ស៊ីមន មានប្រសាសន៍ទៀតថា ដោយសារតែក្រុមការងារប្រទះឃើញបំណែកបដិមាកប់នៅក្នុងដីជម្រៅពី១០ទៅ១៥សង់ទីម៉ែត្រ កាន់តែច្រើននោះ ក៏សម្រេចស្នើសុំយោបល់ពីថ្នាក់លើ ធ្វើរណ្តៅកំណាយ ដើម្បីស្រាវជ្រាវរកនៅក្រោមដីបន្ថែមទៀត។ នៅពេលជីកកាយដីជ្រៅបន្តិច ក៏ប្រទះឃើញបំណែករូបបដិមាកាន់តែច្រើន សរុបប្រហែលជាង១០០បំណែក។រហូតមកដល់ពេលនេះ ក្រុមការងារមិនទាន់ដឹងច្បាស់នៅឡើយទេ ថាតើក្នុងជម្រៅដីចុះទៅក្រោមទៀតអាចនៅតែមានបដិមាដែរឬក៏យ៉ាងណាឡើយ។ បច្ចុប្បន្នក្រុមការងារ កំពុងតែលើកយកបំណែករូបបដិមាជាច្រើនដែលគេបានប្រទះឃើញនោះ មកធ្វើការគូរប្លង់ បង់លេខ ព្រមទាំងវាស់វែងទំហំខ្នាតជាបណ្តោះអាសន្ន។ ក្រុមអ្នកជំនាញបុរាណវិទ្យាបានសន្និដ្ឋានថា បំណែកព្រះពុទ្ធបដិមាដែលគេប្រទះឃើញទាំងនោះ គឺស្ថិតក្នុងរចនាបថបាយ័ន។ បំណែករូបបដិមាដែលប្រទះឃើញខ្លះ មានកម្ពស់ប្រហែលកន្លះម៉ែត្រ និងទំហំពី៤០ទៅ៥០សង់ទីម៉ែត្រ៕

(ជាតិ)៖ ស្រ្តីដែលជាអាជីវករលក់ដូរម្នាក់ យំមិនចេញ ក្រោយមានជនខិលខូច លួចបន្លំក្រដាសប្រាក់ ៥ម៉ឺនរៀលក្លែងក្លាយ ក្រោយពីយប់ឡើងលក់ដូរអីវ៉ាន់ចប់សព្វគ្រប់ មកអង្គុយរាប់លុយដែលខ្លួនលក់ដូរបាន ក៏ស្រាប់តែប្រទះឃើញ ក្រដាសប្រាស់ ៥ម៉ឺនរៀលក្លែងក្លាយតែម្តង ដែលមើលសឹងតែមិនដឹងនោះទេ ពោលគឺដូចក្រដាសប្រាក់មែនទែនពេក។ជាការពិតណាស់ រូបិយវត្ថុ ត្រូវបានគេឱ្យនិយមន័យថា គឺជាវត្ថុមួយដែលត្រូវបានគេប្រើប្រាស់ជាមធ្យោបាយដើម្បីដោះដូរទំនិញ ឬសេវាកម្ម និងទូទាត់បំណុលផ្សេងៗទៀត ។ ដោយសារតែរូបិយវត្ថុមានតម្លៃនិងសារៈសំខាន់នៅក្នុងការប្រើប្រាស់សម្រាប់សកម្មភាពជាទូទៅប្រចាំថ្ងៃនៅក្នុងសង្គមនីមួយៗ ហេតុនេះហើយបានជាតែងមានបុគ្គលខិលខូចឆ្លៀតឱកាសធ្វើការក្លែងបន្លំនូវរូបិយវត្ថុ យកមកប្រើប្រាស់ដោយខុសច្បាប់នៅក្នុងសង្គម។ ជាក់ស្តែងនាពេលបច្ចុប្បន្ននេះមានជនខិលខូចមួយចំនួន កំពុងប្រើនូវយុទ្ធសាស្ត្រ និងវីធីសាស្ត្រថ្មីៗគ្រប់រូបភាព ក្នុងគោលបំណងបំភ័ន្ត បន្លំភ្នែកប្រជាពលរដ្ឋស្លូតត្រង់ ដើម្បីកេងចំណេញបោកប្រាស់ជាដើម ។ដោយឡែកថ្មីៗនេះ មានការចែកចាយពេញបណ្តាញសង្គម ក្រោយពីមានអាជីវករលក់ដូរ ម្នាក់ បានបង្ហោះវីដេអូចែករំលែកពេញបណ្តាញសង្គម ឱ្យបងប្អូនប្រជាពលរដ្ឋ ត្រូវបង្កើនការប្រុងប្រយ័ត្នឱ្យបានខ្ពស់ ព្រោះបច្ចុប្បន្ននេះ មានជនខិលខូចលួចក្លែងបន្លំក្រដាសប្រាក់ ៥ ម៉ឺនរៀលច្រើនណាស់ ដែលជាហេតុ ធ្វើឱ្យមានការព្រួយបារម្ភជាខ្លាំង។ តាមរយៈវីដេអូដែលមានរយៈពេល ជិត ១នាទី ស្រ្តីរូបនោះ បានយកក្រដាសប្រាក់ ៥ម៉ឺនរៀលពិតប្រាកដ និង ៥ម៉ឺនរៀលក្លែងក្លាយ មកផ្ទឹមដាក់ជិតគ្នា រួចហើយ មកប្រៀបធៀបនឹង ត្រួតពិនិត្យមើលនូវចំណុចខុសគ្នារវាងក្រដាសទាំង២ ដើម្បីឱ្យបងប្អូន មានការប្រុងប្រយ័ត្ន និង ចេះពីរបៀបពិនិត្យមើលផងដែរ កុំឱ្យមានការចាញ់បោក ក្រុមជនខិលខូចទាំងបនោះ។ ទោះជាយ៉ាងណាក៏ដោយ នេះមិនមែនជាករណីទី១នោះទេ ដែលមានជនខិលខូចលួយបន្លំក្រដាសប្រាក់ក្លែងក្លាយបែបនេះ កាលពីពែលកន្លងទៅក៏សង្កេតឃើញមានជនខិលខូច បន្លំ ក្រដាសប្រាក់ ១ម៉ឺនរៀល ៥ពាន់រៀល ១ពាន់រៀល ៥រយរៀល និងក្រដាសប្រាក់ ដុល្លាក្លែងក្លាយជាហូរហែរផងដែរ ហើយស្របពេលជាមួយគ្នានោះ ជនខិលខូចទាំងនោះ ក៏ត្រូវបានសមត្ថកិច្ច ស្រាវជ្រាវវែកមុខ រកឃើញពួកជនខិលខូចទាំងនោះ យកមកផ្តន្ទាទោសតាមផ្លូវច្បាប់ជាបន្តបន្ទាប់ផងដែរ។ ក៏ប៉ុន្តែទោះជាយ៉ាងណា សូមឱ្យបងប្អូនប្រជាពលរដ្ឋ បន្តការប្រុងប្រយ័ត្នឱ្យបានខ្ពស់បន្ថែមទៀត ចំពោះជនខិលខូចទាំងនេះ៕

(ជាតិ)៖ ចាប់ពីថ្ងៃទី០២ ខែឧសភា រហូតដល់ថ្ងៃទី០៥ ខែឧសភា ឆ្នាំ២០២៤ បណ្ដាខណ្ឌមួយចំនួននៅរាជធានីភ្នំពេញ និងស្រុកអង្គស្នួលខេត្តកណ្ដាល នឹងមានការរអាក់រអួលក្នុងការផ្គត់ផ្គង់អគ្គិសនី។ នេះបើយោងតាមសេចក្តីជូនដំណឹងពីសំណាក់ អគ្គិសនីកម្ពុជា កាលពីថ្ងៃទី៣០ ខែមេសា ឆ្នាំ២០២៤ ម្សិលមិញនេះ។បើតាមការបញ្ជាក់នៅក្នុងសេចក្ដីជូនដំណឹងរបស់ អគ្គិសនីកម្ពុជា ការរអាក់រអួលខាងលើនេះ គឺដោយសារការអនុវត្តការងារជួសជុល ផ្លាស់ប្តូរតម្លើងបរិក្ខារនានា និងរុះរើគន្លងខ្សែបណ្តាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ។ បើទោះជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុត៕

ក្នុងឱកាសទិវាពលកម្មអន្តរជាតិ១ឧសភានេះ កម្មកររោងចក្រកាត់ដេរនៅកម្ពុជា បានលើកឡើងថា សិទ្ធិសេរីភាពរបស់ពួកគាត់ត្រូវបានថៅកែរោងចក្រគោរព ខណៈដែលរាជរដ្ឋាភិបាលកម្ពុជាក៏បានផ្តល់នូវការយកចិត្តទុកដាក់យ៉ាងច្រើនចំពោះកម្មករដូចជាការដំឡើងប្រាក់ឈ្នួល ការផ្តល់ការថែទាំសុខភាពតាមរយៈបេឡាជាតិសន្តិសុខសង្គម ការផ្តល់ឱកាសសិក្សារៀនសូត្រជំនាញ ការសម្រួលឱ្យមានអាហារដ្ឋានសមរម្យ គម្រោងរៀបចំទារកដ្ឋានសម្រាប់កម្មកររោងចក្រ ការគិតគូរពីមធ្យោបាយធ្វើដំណើរជាដើម។ ជាមួយគ្នានេះ កម្មករទាំងអស់សប្បាយចិត្ត និងពេញចិត្តចំពោះរាជរដ្ឋាភិបាលតាំងពីអាណត្តិមុនៗរហូតដល់អាណត្តិទី៧ដែលបានគិតគូរផលប្រយោជន៍ជូនកម្មករដែលបាននិងកំពុងធ្វើឱ្យកម្មករនៅទូទាំងប្រទេសទទួលបានជីវភាពធូរធារ និងកាន់តែប្រសើរឡើងជាលំដាប់ត្បិតប្រាក់ឈ្នួលក៏បន្តកើនឡើង ហើយលក្ខខណ្ឌការងារគឺកាន់តែប្រសើរ៕

(ជាតិ)៖ យោងតាមលិខិតរបស់ ក្រសួងពាណិជ្ជកម្ម ចុះផ្សាយថ្ងៃទី ០១ ខែឧសភា ឆ្នាំ២០២៤ ស្តីអំពីតម្លៃលក់រាយប្រេងឥន្ធនៈនៅតាមស្ថានីយទាំងអស់ក្នុងព្រះរាជាណាចក្រកម្ពុជាសម្រាប់អនុវត្តទៅតាមតម្លៃមធ្យមប្រេងឥន្ធនៈលើទីផ្សារអន្តរជាតិ ចាប់ពីថ្ងៃទី០១ ដល់ថ្ងៃទី១០ ខែឧសភា ឆ្នាំ២០២៤ បានឲ្យដឹងថា តម្លៃប្រេងសាំងចុះនៅសល់ត្រឹម ៤ ៤៥០រៀល ក្នុងមួយលីត្រ ចំណែកឯប្រេងសាំងម៉ាស៊ូតចុះសល់ត្រឹម ៤ ១០០ រៀល ក្នុងមួយលីត្រប៉ុណ្ណោះ។យ៉ាងណាមិញ តម្លៃនេះបើធៀបនឹងតម្លៃ ដែលក្រសួងបានកំណត់កាលពី១០ថ្ងៃមុន មានការចុះបន្តិចបន្តួច ដោយកាលពី១០ថ្ងៃមុន សម្រាប់ប្រេងសាំងធម្មតាគឺមានតម្លៃ ៤,៥០០រៀលក្នុងមួយលីត្រ មានន័យថាតម្លៃចុះថ្លៃ ចំនួន ៥០រៀល ចំណែកសម្រាប់តម្លៃប្រេងសាំងម៉ាស៊ូតមានតម្លៃ ៤,២០០ រៀលក្នុងមួយលីត្រ មានន័យថាចុះ ១០០ រៀលក្នុងមួយលីត្រ ។សូមបញ្ជាក់ថា ក្រសួងពាណិជ្ជកម្ម មិនមែនជាអ្នកកំណត់ថ្លៃលក់រាយប្រងឥន្ធនៈនៅកម្ពុជានោះទេ គឺក្រសួងគ្រាន់តែស្រង់តម្លៃ-រឿង-ចុះ នៃប្រេងតាមទីផ្សារអន្តរជាតិ មកគណនាតាមប្រកាស តែប៉ុណ្ណោះ ។ជាងនេះទៅទៀត ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តងគឺដើម្បី ឆ្លើយតបឱ្យទាន់និន្នាការនៃការប្រែប្រួលថ្លៃប្រេងឥន្ធនៈនៅលើសកលលោក៕

នៅចំថ្ងៃប្រារព្ឋទិវាពលកម្មអន្តរជាតិ ១ឧសភានេះ សហជីពធំៗនៅកម្ពុជា បានលើកឡើងថាការអនុវត្តសិទ្ធិសេរីភាពរបស់សហជីពនៅមូលដ្ឋានក៏ដូចជាសហជីពថ្នាក់ជាតិ ទទួលបានការគាំពារសិទ្ធិដោយច្បាប់យ៉ាងពេញលេញ និងបានអនុវត្តសិទ្ធិរបស់ខ្លួនយ៉ាងទូលំទូលាយដែលបង្ហាញពីសិទ្ធិសេរីភាព គ្មានការបង្ក្រាប ហើយស្ថានភាពរបស់សហជីពនៅកម្ពុជា ក៏មានភាពល្អជាងប្រទេសជិតខាងក្នុងតំបន់។ លោក ហ្វា សាលី ប្រធានសម្ព័ន្ធសហជីពជាតិ បានមើលឃើញថា ការអនុវត្តសិទ្ធិសេរីភាពរបស់សហជពីមានភាពល្អប្រសើរដោយបានអនុវត្តសិទ្ធិសេរីភាពរបស់ខ្លួនយ៉ាងទូលំទូលាយដើម្បីការពារប្រយោជន៍ជូនកម្មករនិយោជិត និងជាតំណាងចរចារជាមួយថៅកែរោងចក្រ។ ប្រការនេះ បានបង្ហាញថា កម្ពុជាជាប្រទេសនីតិរដ្ឋ និងមានសិទ្ធិសេរីភាពដែលជាឋានសួគ៌របស់សហជីព។ បន្ថែមពីនេះ លោក សុំ សឿន ប្រធានក្រុមប្រឹក្សាជាតិសហជីព បានអះអាងថាសិទ្ធិនៃការបង្កើតសហជីពនៅមូលដ្ឋានក៏បានរីកចម្រើនដែលមិនមានការរារាំងនិងរំខានពីរាជរដ្ឋាភិបាលនោះឡើយដែលធ្វើឱ្យចំនួនសហជីពបានកើនដល់ជាង៦០០០នាពេលបច្ចុប្បន្ន។ បើតាមប្រធានសហជីពចាស់វស្សារូបនេះ សហជីពដែលត្រូវបានរារាំងមានតែសហជីពឬការបង្កើតណាមួយដែលខុសច្បាប់ស្តីពីការងារតែប៉ុណ្ណោះ។ យ៉ាងណាក៏ដោយលោកកត់សម្គាល់ថា មានតែនៅកម្ពុជាប៉ុណ្ណោះដែលមានសហជីពច្រើនជាងគេដែលបង្ហាញពីសិទ្ធិសេរីភាពដ៏ទូលាយរបស់សហជីពនៅកម្ពុជាប្រៀបធៀបនឹងបណ្តាប្រទេសក្នុងតំបន់៕

(អន្តរជាតិ)៖ នាយកប្រតិបត្តិក្រុមហ៊ុន Tesla លោក Elon Musk បានទៅដល់ទីក្រុងប៉េកាំង ក្នុងដំណើរ ទស្សនកិច្ចដោយមិនប្រកាស ជាកន្លែងដែលលោករំពឹងថានឹងពិភាក្សាអំពីការដំណើរការកម្មវិធី Full Self-Driving (FSD) និងការអនុញ្ញាតឱ្យផ្ទេរទិន្នន័យទៅក្រៅប្រទេស នេះបើយោងតាមអ្នកដឹងអំពីបញ្ហានេះ។ប្រព័ន្ធផ្សព្វផ្សាយរដ្ឋរបស់ចិនបានរាយការណ៍ថា លោកបានជួបនាយករដ្ឋមន្ត្រី Li Qiang នៅទីក្រុង ប៉េកាំង ក្នុងអំឡុងពេលដែលលោក Li បានប្រាប់ Musk ថា ការអភិវឌ្ឍន៍របស់ក្រុមហ៊ុន Tesla នៅក្នុង ប្រទេសចិនអាចត្រូវបានចាត់ទុកថាជាគំរូជោគជ័យនៃកិច្ចសហប្រតិបត្តិការសេដ្ឋកិច្ច និង ពាណិជ្ជកម្មរវាងសហរដ្ឋអាមេរិក និងចិន។Musk បានបង្ហោះនៅលើប្រព័ន្ធផ្សព្វផ្សាយសង្គម X ខណៈដែលគាត់បានបង្ហាញខ្លួនក្នុងរូបភាព ជាមួយនាយករដ្ឋមន្ត្រីថា "មានកិត្តិយសណាស់ដែលបានជួបជាមួយនាយករដ្ឋមន្ត្រី Li Qiang ។Tesla បានឈានដល់កិច្ចព្រមព្រៀងជាមួយអាជ្ញាធរចិនសម្រាប់រោងចក្រមួយនៅទីក្រុងសៀងហៃ ដែលជារោងចក្រដំបូងរបស់ខ្លួននៅខាងក្រៅសហរដ្ឋអាមេរិកក្នុងឆ្នាំ 2018 ។ក្រុមហ៊ុនផលិតរថយន្តអគ្គិសនីរបស់សហរដ្ឋអាមេរិកបានដាក់ឱ្យប្រើប្រាស់ FSD ដែលជាកំណែ ស្វយ័តបំផុតនៃកម្មវិធី Autopilot របស់ខ្លួនកាលពី 4 ឆ្នាំមុន ប៉ុន្តែមិនទាន់ធ្វើឱ្យវាមាននៅក្នុងប្រទេសចិន ដែលជាទីផ្សារធំទីពីររបស់ខ្លួននៅទូទាំងពិភពលោក ទោះបីជាមានតម្រូវការអតិថិជនក៏ដោយ។Musk បាននិយាយនៅខែនេះថា Tesla អាចនឹងធ្វើឱ្យ FSD មានសម្រាប់អតិថិជននៅក្នុងប្រទេសចិន "ឆាប់ៗនេះ" ។អ្នកវិភាគភាគហ៊ុននៅ Wedbush បានហៅដំណើរទស្សនកិច្ចដ៏គួរឱ្យភ្ញាក់ផ្អើលនេះថាជា "ពេលវេលាដ៏ សំខាន់សម្រាប់ក្រុមហ៊ុន Tesla" ។ក្រុមហ៊ុនផលិតរថយន្តរបស់ចិនដែលជាគូប្រជែងដូចជា Xpeng9868.HK បាននិងកំពុងស្វែង រកការទទួលបានអត្ថប្រយោជន៍ពីក្រុមហ៊ុន Tesla ដោយដាក់ចេញនូវកម្មវិធីស្រដៀងគ្នានេះ។Tesla ចាប់តាំងពីឆ្នាំ 2021 បានរក្សាទុកទិន្នន័យទាំងអស់ដែលប្រមូលបាន របស់ ខ្លួននៅទីក្រុងសៀងហៃ តាមតម្រូវការរបស់និយតករចិន ហើយមិនបានផ្ទេរទៅសហរដ្ឋអាមេរិកវិញទេ៕

(អន្តជាតិ)៖ នៅជុំវិញប្រទេសអូស្ត្រាលី អ្នកធ្វើដំណើរត្រូវបានជាប់គាំង និងព្យាយាមត្រឡប់ទៅផ្ទះវិញ បន្ទាប់ពីក្រុមហ៊ុនអាកាសចរណ៍តម្លៃទាប Bonza បានប្រកាសដោយមិនបានរំពឹងទុកថា ខ្លួនបាន ផ្អាកសេវាកម្មជាបណ្តោះអាសន្ន។ក្រុមហ៊ុន​អាកាសចរណ៍​ថ្មី​បំផុត​របស់​អូស្ត្រាលី​មាន​យន្តហោះ​ចំនួន​ប្រាំមួយ​គ្រឿង ដែល​ទាំងអស់​លាប​ពណ៌​ស្វាយ​ភ្លឺ និង​ផ្តល់​ឈ្មោះ​ដែល​បំផុសគំនិត​ពី​អូស្ត្រាលី​ដូចជា Sheila និង Matilda ជាដើម។យោងតាមរបាយការណ៍ ឥឡូវនេះ Bonza កំពុងមានបញ្ហាហិរញ្ញវត្ថុធ្ងន់ធ្ងរ។នៅក្នុងសេចក្តីថ្លែងការណ៍មួយដែលបានធ្វើឡើងនៅថ្ងៃទី 30 ខែមេសា លោក Tim Jordan នាយ កប្រតិបត្តិ Bonza បានរាយការណ៍ថា ការពិភាក្សាកំពុងដំណើរការទាក់ទងនឹងលទ្ធភាពបន្តនៃអាជីវកម្ម ។លោក​បាន​បន្ថែម​ថា​ «​យើង​សូម​អភ័យទោស​ដល់​អតិថិជន​របស់​យើង​ដែល​រង​ផល​ប៉ះពាល់​ពី​បញ្ហា​នេះ​»​។លោកស្រី Catherine King រដ្ឋមន្ត្រីដឹកជញ្ជូនរបស់ប្រទេសអូស្ត្រាលី បានប្រាប់អ្នកសារព័ត៌មានថា លោកស្រីបាននិយាយជាមួយតំណាងមកពី Bonza ហើយបានជំរុញឱ្យពួកគេរក្សាព័ត៌មានពេញលេញ ដល់អ្នកដំណើរ។Bonza បានចាប់ផ្តើមជាមួយនឹងអ្នកគាំទ្រជាច្រើននៅក្នុងខែមករា ឆ្នាំ 2023 ដោយប្រើពាក្យស្លោក "នៅទីនេះសម្រាប់ Allstralia" ។ វាមានជំនាញក្នុងការហោះហើរទៅកាន់គោលដៅតូចៗ ។ខណៈពេលដែលវាជាអត្ថប្រយោជន៍សម្រាប់អ្នករស់នៅក្នុងតំបន់ទាំងនោះ វាបានបង្ហាញពីបញ្ហា ប្រឈមមួយបន្ថែមទៀត ក្នុងចំណោមអ្នកដែលឥឡូវនេះកំពុងតស៊ូដើម្បីត្រលប់ទៅផ្ទះវិញ បន្ទាប់ពីការ លុបចោលជើងហោះហើរកាលពីថ្ងៃអង្គារ។ក្រុមហ៊ុនអាកាសចរណ៍ Qantas ដែលជាក្រុមហ៊ុនអាកាសចរណ៍ដ៏ធំបំផុតរបស់ប្រទេសអូស្ត្រាលី ផ្តល់សេវាកម្មតែប្រាំមួយផ្លូវក្នុងចំណោមផ្លូវទាំង 36 ដែល Bonza បានហោះហើរ។ ក្រុមហ៊ុនអាកាសចរណ៍បាននិយាយថា អ្នកដំណើរ Bonza ណាក៏ដោយដែលរងផលប៉ះពាល់ អាចទទួល បានសំបុត្រដោយឥតគិតថ្លៃនៅលើជើងហោះហើរ Qantas ឬ Jetstar ៕