(អន្តរជាតិ)៖ ផ្លូវរថភ្លើងដឹកទំនិញដំបូងរបស់ចិន តភ្ជាប់ជាមួយប្រទេសឡាវ ថៃ ម៉ាឡេស៊ី បានចេញ ដំណើរពីទីក្រុង Chengdu នៃខេត្ត Sichuan ភាគនិរតីនៃប្រទេសចិនកាលពីពេលថ្មីៗនេះ ដែលជា ព្រឹត្តិការណ៍ដ៏សំខាន់មួយ ក្នុងការតភ្ជាប់ក្នុងតំបន់។រថភ្លើងដែលផ្ទុកកុងតឺន័រ 30 នៃម៉ូនីទ័រ LCD និងរថយន្តថាមពលថ្មី ធ្វើដំណើរតាមខ្សែរថភ្លើងចិន-ឡាវ ហើយបន្ទាប់មកបណ្តាញផ្លូវដែកនៃប្រទេសឡាវ និងថៃ មុនពេលទៅដល់ម៉ាឡេស៊ី។រថភ្លើងត្រូវចំណាយពេលប្រាំថ្ងៃ ដើម្បីទៅដល់ប្រទេសថៃ និងប្រាំបីថ្ងៃក្នុងប្រទេសម៉ាឡេស៊ី ដោយ កាត់បន្ថយការចំណាយពេលដឹកជញ្ជូនពាក់កណ្តាល បើប្រៀបធៀបទៅនឹងផ្លូវសមុទ្រប្រពៃណី ពីទីក្រុង Qinzhou នៃតំបន់ស្វយ័ត Guangxi Zhuang របស់ប្រទេសចិន។សារព័ត៌មាន Insiders បាននិយាយថា ផ្លូវរថភ្លើងនេះនឹងពង្រីកបន្ថែមទៀតនូវសេវាផ្លូវដែកឡាវ-ចិន ដូច្នេះការលើកកម្ពស់ទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសចិន ឡាវ ថៃ និងម៉ាឡេស៊ី។ វាក៏នឹងជួយពន្លឿនការអភិវឌ្ឍន៍បណ្តាញផ្លូវដែកក្នុងតំបន់ ដោយផ្តល់នូវការគាំទ្រថ្មីសម្រាប់ អន្តរកម្ម សេដ្ឋកិច្ច និងកំណើនរវាងខេត្តស៊ីឈួន និងតំបន់អាស៊ីអាគ្នេយ៍។គួរបញ្ជាក់ថា ប្រទេសចិន និងថៃ បានតភ្ជាប់បណ្តាញផ្លូវដែករបស់ពួកគេ ដោយខ្សែផ្លូវដែកឡាវ-ចិន ដោយជួយកាត់បន្ថយពេលវេលាដឹកជញ្ជូនពីប្រទេសថៃទៅកាន់ភាគនិរតីនៃប្រទេសចិន មកត្រឹមមួយ ទៅពីរថ្ងៃ ជំនួសឱ្យការដឹកជញ្ជូនតាមសមុទ្រ ប្រើរយះពេលមួយសប្តាហ៍៕

(អន្តរជាតិ)៖ ការិយាល័យ​បង្ការ និង​កាត់បន្ថយ​គ្រោះ​មហន្តរាយ​ខេត្ត​បឹង​កាន ​បាន​ឲ្យ​ដឹង​ថា ខេត្ត​នេះ​មាន​ខ្យល់​ព្យុះ​បោកបក់​ពេញ​មួយ​យប់​ថ្ងៃ កាលពី​សុក្រ​រហូត​ដល់​ព្រឹក​ថ្ងៃ​សៅរ៍។ការិយាល័យបាននិយាយថា ខ្យល់ព្យុះនេះបានប៉ះពាល់ដល់ 184 គ្រួសារនៅក្នុង 51 ភូមិ ក្នុង 5 ស្រុក ដូចជាស្រុកមឿង, សេកា, ប៉ាកឃាដ, បឹងខ្លា និងបឹងខុងឡុង។ក្នុង​ស្រុក Muang កម្មករ​បី​នាក់​នៅ​ការដ្ឋាន​សំណង់​មួយ ​នៅ​ផ្លូវ Bueng Kan-Bo Likhamsai បាន​ស្លាប់ បាត់បង់ជីវិត នៅ​​ពេល​ខ្យល់​ព្យុះ​បាន​បោក​បក់​មក​លើ​រថយន្ត​ស្ទូច​ ដែល​ធ្លាក់​មក​លើ​កម្មករ។នៅក្នុងខេត្ត Chaiyaphum មន្ត្រីបាននិយាយថា ព្យុះភ្លៀងបានវាយប្រហារស្រុកចំនួនបួន ដូចជា ស្រុក Muang, Ban Khewa, Chaturus និង Phu Khiew កាលពីល្ងាចថ្ងៃសៅរ៍ ហើយបណ្តាលឱ្យដាច់ភ្លើង ប្រហែលពីរម៉ោង។អ្នក​ភូមិ​បាន​រាយការណ៍​ថា ដុំទឹកកក​ទំហំ​ប៉ុន​ពង​មាន់ ​បាន​ធ្លាក់​មក​លើ​ដំបូល​ផ្ទះរបស់ពួកគេ ហើយ​ដើមឈើ​ជា​ច្រើន​ត្រូវ​បាន​ដួលរលំ​ដោយសារ​ខ្យល់​បក់​ខ្លាំង។ចំណែក នៅក្នុងខេត្ត Uthai Thani លោក Surasak Wongnak នាយកប្រតិបត្តិនៃអង្គការរដ្ឋបាល Tambon Nong Phai បាននិយាយថា ផ្ទះចំនួន 70 ខ្នងបានរងការខូចខាតដោយសារព្យុះភ្លៀងនៅក្នុង tambon របស់គាត់កាលពីយប់ថ្ងៃសៅរ៍។លោក​បាន​បន្ត​ថា ខ្យល់​ព្យុះ​ក៏​បាន​បំផ្លាញ​បង្គោល​ភ្លើង​ផង​ដែរ ដែល​បណ្តាល​ឲ្យ​ដាច់​អស់​រយៈពេល​ជាង ២ ម៉ោង​៕

(ជាតិ)៖ ដើម្បីឱ្យពលករនៅប្រទសអារ៉ាប៊ីសាអូឌីតអាចមកកម្ពុជាវិញ ក្រុមហ៊ុន ហ្វាទីណា មេនផៅវ័រ ឯ.ក នៅថ្ងៃអាទិត្យទី៥ ខែឧសភា ឆ្នាំ២០២៤នេះ បានចេញសេចក្តីប្រកាសព័ត៌មាន ដោយបញ្ជាក់ថា ក្រុមហ៊ុនបាននិងកំពុងសម្របសម្រួលជាមួយក្រុមហ៊ុនទទួលលើនីតិវិធីរៀបចំឯកសារ ដើម្បីទទួលបានការអនុញ្ញាតឱ្យចាកចេញពីប្រទេសអារ៉ាប៊ីសាអូឌីតដោយស្របច្បាប់ ដែលប្រើពេលដើម្បីទទួលបានការអនុញ្ញាតពីអាជ្ញាធរនៃប្រទេសអារ៉ាប៊ីសាអូឌីត។ ទន្ទឹមនឹងនេះ ក្រុមហ៊ុន បានសហការជាមួយក្រសួងការងារ និងបណ្ដុះបណ្ដាលវិជ្ជាជីវៈ ក្រសួងការបរទេស និងសហប្រតិបត្តិការអន្តរជាតិ និងស្ថានឯកអគ្គរាជទូតកម្ពុជាប្រចាំប្រទេសអារ៉ាប៊ីសាអូឌីត ដែលមាននិវេសនដ្ឋាននៅទីក្រុងគែរ ប្រទេសអេហ្ស៊ីប បានរៀបចំកន្លែងស្នាក់នៅជាបណ្ដោះអាសន្នជុំគ្នា និងផ្តល់អាហារប្រចាំថ្ងៃ ជូនដល់បងប្អូនទាំងអស់ភ្លាមៗ។ នេះបើតាមការបញ្ជាក់របស់ក្រុមហ៊ុនដដែល។ គួរបញ្ជាក់ថា គិតមកដល់ពេលនេះ មានពលករចំនួន ២៨នាក់ បានវិលត្រឡប់មកប្រទេសកម្ពុជាវិញដោយសុវត្ថិភាពរួចហើយក្រោមការសម្របសម្រួលរបស់ក្រសួងការងារ និងបណ្តុះបណ្តាលវិជ្ជាជីវៈ ក្រសួងការងារបរទេស និងតំណាងស្ថានទូតខ្មែរប្រចាំអារ៉ាប៊ីសាអូឌីត៕

(ភ្នំពេញ)៖ យុវជន សិស្ស/និស្សិត បានត្រៀម CV រួចហើយឬនៅ? នៅសល់តែ ៣ថ្ងៃ ទៀតប៉ុណ្ណោះ ពិព័រណ៍ការងារ និងមគ្គទេសក៏អាជីព ឆ្នាំ២០២៤ នឹងចាប់ផ្តើមហើយនៅអគារ KAMPUS ជិតស្ពានអាកាសក្បាលថ្នល់។ឱកាសការងារសរុបជាង ៥ពាន់ កន្លែងពីក្រុមហ៊ុនធំៗ ជាង ២០! ដាក់ពាក្យភ្លាម បានសម្ភាសភ្លាម! កុំភ្លេច ត្រៀម CV ឲ្យបានច្រើន ដើម្បីចូលរួមទាំងអស់គ្នា៕

មិនធម្មតាមែន បី្ដប្រពន្ធមួយគូ ក្រោយទិញប៊ូសស្រ្តងអស់២៥០០៛ ត្រូវបានឡានថ្មីខ្លាញ់គោរាប់ម៉ឺនដុល្លារ សប្បាយចិត្តខ្លាំងពេក សង់រោងជប់លៀងពេញ១ភូមិ ធ្វើម្ហូបឆ្ងាញ់ៗ ញុំាប៊ូសស្រ្តងត្រជាក់ៗ រាំលេងយ៉ាងសប្បាយ។ ប្ដីប្រពន្ធមហាសំណាង ប្រពន្ធឈ្មោះ ស្រេង លីណា អាយុ ៣៨ឆ្នាំ មុខរបរជាគ្រូបង្រៀន និងប្ដីឈ្មោះ ភុន ម៉ារ៉ា អាយុ ៤១ឆ្នាំ មុខរបរស៊ីឈ្នួលបើកឡាន ត្រូវរង្វាន់ឡានថ្មីខ្លាញ់គោពីប៊ូសស្រ្តង លេខរៀង ០៤៦ បច្ចុប្បន្នរស់នៅភូមិថ្លាវ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។ បងស្រី លីណា បានប្រាប់ថា ពេលគាត់ចេញពីបង្រៀនសម្រាកញុំាបាយថ្ងៃ ក្ដៅខ្លាំងពេក ប្ដីក៏ទិញប៊ូសស្រ្តងត្រជាក់ៗឱ្យញុំា ១កំប៉ុង គាស់ភ្លែត ត្រូវរង្វាន់ឡានភ្លាម រំភើបខ្លាំងពេកស្រែកហ៊ោពេញផ្ទះ។ ហើយក្នុងថ្ងៃក្រុមហ៊ុនយកឡានមកប្រគល់ជូនដល់ផ្ទះ គាត់ក៏រៀបចំសង់រោង បបួលអ្នកភូមិមកចូលរួមជប់លៀងឡានថ្មី ញុំាអាហារឆ្ងាញ់ៗ ផឹកប៊ូសស្រ្តងត្រជាក់ៗ និងរាំលេងយ៉ាងសប្បាយ។ នេះបានថា មេឃកាន់តែក្ដៅ ប៊ូសស្រ្តងកាន់តែមានរង្វាន់ច្រើន ប៊ូសស្រ្តងត្រជាក់ៗ ឆ្ងាញ់ខ្លាំងហើយនាំលាភសំណាងធំពេញ ១ភូមិទៀត។ ប៊ូសស្រ្តងឆ្ងាញ់ខ្លាំង ស្វាងចែស!

(រាជធានីភ្នំពេញ)៖ នាថ្ងៃទី១ ខែឧសភា ឆ្នាំ២០២៤ មន្រ្តីជំនាញ ក.ប.ប. ដែលជាសេនាធិការរបស់ក្រសួងពាណិជ្ជកម្ម និងជាមន្រ្តីអធិការកិច្ចផ្នែកម្ហូបអាហារ ដោយសហការជាមួយអាជ្ញាធរដែនដីពាក់ព័ន្ធបានធ្វើការដុតបំផ្លាញចោលនូវផលិតផល គ្រឿងឧបភោគ បរិភោគខូចគុណ និងសាច់បង្កកចំនួន ១៧ ៨៨០គីឡូក្រាមស្ថិតនៅទីលានចាក់សំរាមខណ្ឌដង្កោ។ ផលិតផលដែលជាគ្រឿងឧបភោគ បរិភោគ និងសាច់បង្កកខូចគុណភាពទាំងនោះរួមមាន ទឹកម្ទេស ទឹកស៊ីអ៉ីវខាប់ ទឹកប៉ៅហ៊ឺ ប្រេងខ្យង ឈាមទា ជង្គង់មាន់ ត្រចៀកជ្រូក ជើងមាន់ អណ្ដាតជ្រូក ពោះវៀនជ្រូក។ល។ផលិតផលដែលជាគ្រឿងឧបភោគ បរិភោគ និងសាច់បង្កកខូចគុណភាពទាំងនោះត្រូវបានមន្រ្តីជំនាញខិតខំស្រាវជ្រាវរកឃើញ និងចាប់បានពីឈ្មួញទុច្ចរិតក្នុងខណ្ឌចំនួនបីរួមមាន ខណ្ឌច្បារអំពៅ ខណ្ឌសែនសុខ និងខណ្ឌកំបូល។ គួររំលឹកផងដែរថា មន្រ្តីជំនាញ ក.ប.ប. តែងតែខិតខំស្រាវជ្រាវ ការពារ និងទប់ស្កាត់ទំនិញខូចគុណភាពដែលចរាចរលក់នៅលើទីផ្សារ ដើម្បីធានាការពារសុខុមាលភាពបងប្អូនប្រជាពលរដ្ឋ ទប់ស្កាត់អំពើមិនសុចរិតក្នុងទីផ្សារ និងធានាភាពស្មើគ្នាក្នុងធុកិច្ច៕

សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៤៖ ១. តំបន់វាលទំនាប ៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៨°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទី។ តំបន់ភាគអាគ្នេយ៍មានខេត្តស្វាយរៀង ខេត្តព្រៃវែង ខេត្តកណ្តាល និងខេត្តកំពង់ចាម អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី១៥%។២.តំបន់ខ្ពង់រាប ៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម២,៥ម៉ែត្រ/វិនាទី។ តំបន់ភាគឧត្តរ មានខេត្តព្រះវិហារ ខេត្តស្ទឹងត្រែង និងទិសឦសាន ខេត្តរតនគិរី ខេត្តមណ្ឌលគិរី និងខេត្តក្រចេះអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី២៥%។៣.តំបន់មាត់សមុទ្រ ៖-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៦°C ។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី២០%។ -រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕

វិទ្យាស្ថានពហុបច្ចេកទេសភូមិភាគតេជោសែនកំពតចាប់ផ្តើមបញ្ជូនយុវជនសិក្សាជំនាញនៃកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ១,៥ លាននាក់របស់ខ្លួនចុះហាត់ការនៅក្រុមហ៊ុនឯកជន ខណៈយុវជនប្តេជ្ញារចិត្តខិតខំយកចិត្តទុកដាក់ហាត់ការ និងរំពឹងថាក្រុមហ៊ុននឹងទទួលយកជាបុគ្គលិកពេញសិទ្ធិបន្ទាប់ពីការហាត់ការត្រូវបានបញ្ចប់នៅ៣សប្តាហ៍ខាងមុខទៀត។ ការលើកឡើងបែបនេះរបស់សិក្ខាកាមបន្ទាប់ពីពួកគេបានសិក្សាជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧ បានជិត៤ខែរួចមកហើយ ដោយឡែកការចុះហាត់ការនៅក្រុមហ៊ុនឯកជនពេលនេះគឺជាវគ្គចុងក្រោយនៃការសិក្សាជំនាញបច្ចេកទេសរបស់សិក្ខាកាម។ យុវជន កឹម ពេជ្យ សិក្ខាកាមនៃដេប៉ាតឺម៉ង់អគ្គិសនី និងអេឡិចត្រូនិច នៃវិទ្យាស្ថានពហុបច្ចេកទេសភូមិភាគតេជោសែនកំពត បានលើកឡើងថា៖«បន្ទាប់ពីបានសិក្សាជំនាញបច្ចេកទេសបានជិត៤ខែនៅសាលាមក ពេលនេះខ្ញុំត្រូវបានសាលារបស់ខ្ញុំបញ្ជូនទៅចុះហាត់ការនៅក្រុមហ៊ុនខាងអគ្គិសនីឈ្មោះ ក្រុមហ៊ុនកម្ពុជាចក្រីទីង រយៈពេល៣សប្តាហ៍»។ យុវជនរូបនេះសប្បាយចិត្តនៅពេលបានចុះហាត់ការនៅក្រុមហ៊ុនឯកជន ពីព្រោះការហាត់ការជាឱកាសក្លាយជាបុគ្គលិកពេញសិទ្ធិរបស់ក្រុមហ៊ុនបន្ទាប់ពីហាត់ការត្រូវបានបញ្ចប់ ដូច្នេះហើយខ្លួននឹងខិតខំយកចិត្តទុកដាក់បំផុតអំឡុងពេលធ្វើការនៅក្រុមហ៊ុនឯកជននេះ។ យុវជន ភឿង សំណាង សិក្ខាកាមនៃដេប៉ាតឺម៉ង់អគ្គិសនី និងអេឡិចត្រូនិច នៃវិទ្យាស្ថានពហុបច្ចេកទេសភូមិភាគតេជោសែនកំពត បន្តថា៖«អំឡុងពេលសិក្សាជំនាញ រៀនដោយឥតគិតថ្លៃ មានប្រាក់ឧបត្ថម្ភថែមទៀត តែពេលរៀនចប់ ចុះហាត់ការតាមក្រុមហ៊ុន ខ្ញុំទទួលបានការឧបត្ថម្ភពីក្រុមហ៊ុនចំនួនជាង ២០០ដុល្លារក្នុងមួយខែថែមទៀត។ ខ្ញុំសប្បាយចិត្តពេលមានឱកាសចូលហាត់ការនៅក្រុមហ៊ុនឯកជនពេលនេះ»។ យុវជនរូបនេះបន្តថា ខ្លួនត្រូវបានសាលាបញ្ជូនទៅហាត់ការនៅក្រុមហ៊ុនពូចិន ដែលជាក្រុមហ៊ុនខាងអគ្គិសនី និងសំណង់ រយៈពេលចំនួន៣សប្តាហ៍។ ការហាត់ការនៅក្រុមហ៊ុនឯកជនពេលនេះគឺជាវគ្គសិក្សាចុងក្រោយនៃកម្មវិធីបណ្តុះបណ្តាលបច្ចេកទេស ដូច្នេះរំពឹងយ៉ាងមុតមាំថានឹងទទួលការជ្រើសរើសជាបុគ្គលិកពេញសិទ្ធិពីសំណាក់ក្រុមហ៊ុនបន្ទាប់ពីការហាត់ការត្រូវបានបញ្ចប់។ ទន្ទឹមនឹងនេះសិក្ខាកាមអរគុណរាជរដ្ឋាភិបាលកម្ពុជាដែលបានដាក់ចេញនូវកម្មវិធីបណ្តុះបណ្តាលជំនាញវិជ្ជាជីវៈនិងបច្ចេកទេសនេះឡើង ដែលវាឱកាសសម្រាប់យុវជនក្នុងការសិក្សាជំនាញដែលមានរយៈពេលខ្លី ហើយអាចរកការងារបានធ្វើថែមទៀតផង។ គួរបញ្ជាក់ផងដែរថា ចាប់តាំងពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យត្រូវបានដាក់ឱ្យអនុវត្តដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកាលពីថ្ងៃទី១៤ ខែវិច្ឆិកា ឆ្នាំ២០២៣ និងបានបើកបវេសនកាលវគ្គដំបូងកាលពីថ្ងៃទី១៥ ខែមករា ឆ្នាំ២០២៤ កន្លងទៅ សិក្ខាកាមទូទាំងប្រទេសបាននឹងកំពុងសិក្សាជំនាញនានាដែលខ្លួនពេញចិត្ត ខណៈដែលសិក្ខាកាមមួយចំនួនក៏បាននឹងកំពុងចុះហាត់ការនៅបណ្តាក្រុមហ៊ុនឯកជន ដើម្បីពង្រឹងសមត្ថភាព និងចាប់យកឱកាសការងារនៅក្រុមហ៊ុនឯកជន បន្ទាប់ពីបញ្ចប់វគ្គហាត់ការរួចផងដែរ៕

(ជាតិ)៖ យុវជននៃកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ លើកឡើងថាខ្លួនសប្បាយចិត្តនៅពេលមានឱកាសចូលហាត់ការនៅក្រុមហ៊ុនឯកជន ពីព្រោះវាជាឱកាសក្នុងការពង្រឹងសមត្ថភាពបន្ទាប់ពីបានសិក្សានៅក្នុងថ្នាក់អស់ជិត៤ខែកន្លងទៅ និងអាចចាប់យកឱកាសការងារក្លាយជាបុគ្គលិកពេញសិទ្ធិនៅក្រុមហ៊ុនឯកជននោះផ្ទាល់តែម្តងក្រោយបញ្ចប់វគ្គហាត់ការ។ យុវជន ជុំ ចំរើន សិក្ខាកាមសិក្សាផ្នែកសំណង់ ជំនាញដំឡើងបណ្តាញអគ្គិសនីក្នុងអាគារ នៅវិទ្យាស្ថានជាតិពហុបច្ចេកទេសកម្ពុជា បានលើកឡើងថា៖«ខ្ញុំសប្បាយចិត្តណាស់ដែលបានមានឱកាសចុះហាត់ការនៅក្រុមហ៊ុន ឯកជនឈ្មោះ Lotus ដែលជាក្រុមហ៊ុនផ្នែកសំណង់ ព្រោះខ្ញុំបានរៀនជំនាញនៅក្នុងថ្នាក់ហើយ បន្ទាប់មកបានចុះអនុវត្តផ្ទាល់នៅក្រុមហ៊ុនឯកជនថែមទៀត»។ យុវជនរូបនេះបន្ថែមថា នៅវគ្គចុះហាត់ការនេះខ្លួនរំពឹងយ៉ាងមុតមាំថានឹងមានឱកាសក្នុងការបម្រើការងារជាបុគ្គលិកពេញសិទ្ធិនៅក្រុមហ៊ុនដែលកំពុងចុះហាត់ការនេះផ្ទាល់តែម្តង ពីព្រោះការហាត់ការរយៈពេល១ខែមកនេះមានភាពល្អប្រសើរ ហើយមានការចាប់អារម្មណ៍ពីសំណាក់ក្រុមហ៊ុនផ្ទាល់តែម្តង។ ដោយឡែកយុវជន សូ កក្កដា សិក្ខាកាមម្នាក់ទៀតសិក្សា ផ្នែកសំណង់ ជំនាញដំឡើងបណ្តាញអគ្គិសនីក្នុងអាគារ នៅវិទ្យាស្ថានជាតិពហុបច្ចេកទេសកម្ពុជា ក៏បានលើកឡើងដែរថា៖«ខ្ញុំរីករាយណាស់ដែលបានរៀនជំនាញក្នុងថ្នាក់បានយ៉ាងល្អ ហើយមានឱកាសចុះហាត់ការនៅក្រុមហ៊ុនឯកជនឈ្មោះ A2Z ដែលជាក្រុមហ៊ុនផ្នែកសំណង់ ពីព្រោះវាជាឱកាសរៀនសូត្របន្ថែម ពង្រឹងសមត្ថភាព និងជាពិសេសនឹងអាចមានឱកាសធ្វើការនៅក្រុមហ៊ុនដ៏ល្អនេះផងដែរ»។យុវជនរូបនេះបន្ថែមថា ខ្លួនបានចុះហាត់ការបានរយៈពេល១ខែហើយ បន្ទាប់ពីសិក្សាជំនាញអស់រយៈពេលជិត៤ខែនៅវិទ្យាស្ថានជាតិពហុបច្ចេកទេសកម្ពុជា ហើយរំពឹងថាក្រុមហ៊ុននឹងអាចជ្រើសរើសខ្លួនក្លាយជាបុគ្គលិកពេញសិទ្ធិបន្ទាប់ពីបញ្ចប់ការហាត់ការនៅទីនេះ។ ទន្ទឹមនឹងនេះសិក្ខាកាមអរគុណរាជរដ្ឋាភិបាលកម្ពុជាដែលបានដាក់ចេញនូវកម្មវិធីបណ្តុះបណ្តាលជំនាញវិជ្ជាជីវៈនិងបច្ចេកទេសនេះឡើង ដែលវាឱកាសសម្រាប់យុវជនក្នុងការសិក្សាជំនាញដែលមានរយៈពេលខ្លី ហើយអាចរកការងារបានធ្វើថែមទៀតផង។ គួរបញ្ជាក់ផងដែរថា ចាប់តាំងពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យត្រូវបានដាក់ឱ្យអនុវត្តដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកាលពីថ្ងៃទី១៤ ខែវិច្ឆិកា ឆ្នាំ២០២៣ និងបានបើកបវេសនកាលវគ្គដំបូងកាលពីថ្ងៃទី១៥ ខែមករា ឆ្នាំ២០២៤ កន្លងទៅ សិក្ខាកាមទូទាំងប្រទេសបាននឹងកំពុងសិក្សាជំនាញនានាដែលខ្លួនពេញចិត្ត ខណៈដែលសិក្ខាកាមមួយចំនួនក៏បាននឹងកំពុងចុះហាត់ការនៅបណ្តាក្រុមហ៊ុនឯកជន ដើម្បីពង្រឹងសមត្ថភាព និងចាប់យកឱកាសការងារនៅក្រុមហ៊ុនឯកជន បន្ទាប់ពីបញ្ចប់វគ្គហាត់ការរួចផងដែរ៕

(ជាតិ)៖ សិក្ខាកាមដែលកំពុងសិក្សាជំនាញបន្ថែម Re-Skill និង Up-Skill បានលើកឡើងថាកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧ គឺជាឱកាសក្នុងការបង្កើនសមត្ថភាពជំនាញ អភិវឌ្ឍន៍ខ្លួនឱ្យបានខ្ពស់ជាងមុន ទាំងការងារ និងប្រាក់ចំណូល។ លោក ព្រហ្ម វាសនា បុគ្គលិកនៃក្រមហ៊ុនយ៉ូស ដែលបច្ចុប្បន្នកំពុងសិក្សាជំនាញនៅវិទ្យាស្ថានជាតិពហុបច្ចេកទេស ផ្នែក Automation បានលើកឡើងថា៖«គោលបំណងរបស់ខ្ញុំដែលសម្រេចចិត្តមករៀនជំនាញបន្ថែមនេះពីព្រោះខ្ញុំចង់បង្កើនសមត្ថភាពរបស់ខ្ញុំលើជំនាញដែលមានស្រាប់ ធ្វើយ៉ាងឱ្យមានសមត្ថភាពល្អជាងមុនដើម្បីទទួលបានឱកាសការងារល្អ និងប្រាក់ចំណូលខ្ពស់នៅក្រុមហ៊ុនបច្ចុប្បន្ន»។លោកបន្ថែមថា ការសិក្សាជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧នេះគឺមានសារសំខាន់ណាស់សម្រាប់ពលរដ្ឋកម្ពុជា ហើយវាជាឱកាសមួយសម្រាប់ពលរដ្ឋទាំងឡាយណាដែលចង់សិក្សាជំនាញរយៈពេលខ្លី ហើយមានជំនាញមួយច្បាស់លាស់ប្រចាំជីវិត មានប្រាក់ចំណូលសមរម្យ។ ដោយឡែកលោក ឡេង វណ្ណៈ បុគ្គលិកនៃក្រុមហ៊ុនវីតាល់ដែលបច្ចុប្បន្នកំពុងសិក្សាជំនាញនៅវិទ្យាស្ថានជាតិពហុបច្ចេកទេស ផ្នែក Automation ក៏បានលើកឡើងដែរថា៖«ខ្ញុំសម្រេចចិត្តមកសិក្សាជំនាញបន្ថែមនេះពីព្រោះខ្ញុំចង់អភិវឌ្ឃន៍សមត្ថភាពឱ្យល្អជាងមុន ហើយលើសពីនេះទៅទៀតដើម្បីជាឱកាសក្នុងការចាប់យកអត្ថប្រយោជន៍ផ្សេងៗបន្ថែមទៀតពីក្រុមហ៊ុនបច្ចុប្បន្ន»។ លោកបន្ថែមថា ការសិក្សាជំនាញបន្ថែមតាមរយៈកម្មវិធីបណ្តុះបណ្តាលជំនាញវិជ្ជាជីវៈនិងវិជ្ជាជីវៈរបស់រាជរដ្ឋាភិបាលអាណត្តិទី៧នេះគឺមានសារសំខាន់ណាស់ក្នុងការអភិវឌ្ឈជំនាញ និងបង្កើតជំនាញ ពីព្រោះការសិក្សាមានរយៈពេលខ្លី និងសិក្សាដោយឥតគិតថ្លៃ លើសពីនេះទៅទៀតការសិក្សាមានគុណភាព ច្បាស់ និងមានការយកចិត្តទុកដាក់។ ទន្ទឹមនឹងនេះសិក្ខាកាមដែលកំពុងរៀនជំនាញនេះបានថ្លែងអំណរគុណដល់រាជរដ្ឋាភិបាលកម្ពុជាដែលបានដាក់ចេញនូវការបណ្តុះបណ្តាលជំនាញវិជ្ជាជីវៈ ដែលអាចបើកឱកាសឱ្យពលរដ្ឋដែលមានការងារធ្វើ និងមិនមានការងារធ្វើមករៀនជំនាញ និងបន្ថែមជំនាញបានដោយឥតគិតថ្លៃ។ គួរបញ្ជាក់ផងដែរថា រាជរដ្ឋាភិបាលកម្ពុជាអាណត្តិទី៧បានដាក់ចេញកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស១,៥ លាននាក់ទៅដល់យុវជនមកពីគ្រួសារក្រីក្រ និងងាយរងហានិភ័យ ក្នុងនោះដែរកម្មវិធីនេះក៏ត្រូវបានអនុញ្ញាតឱ្យពលរដ្ឋទាំងឡាយណាដែលមានការងារធ្វើក៏មានឱកាសមកសិក្សាជំនាញបន្ថែមទៀត (Re-Skill, Up-Skill) ពីលើការងារបច្ចុប្បន្នដោយឥតគិតថ្លៃ៕

(​យ៉ាំងហ្គោន)៖ របប​យោធា​មីយ៉ាន់ម៉ា ​បាន​ផ្អាក​ការ​ចេញ​លិខិត​អនុញ្ញាត​ឲ្យ​បុរស​ទៅ​ធ្វើ​ការ​នៅ​បរទេស ប៉ុន្មាន​សប្តាហ៍ ​បន្ទាប់​ពី​បាន​ដាក់​ឱ្យ​ប្រើ​ច្បាប់​កាត្វពកិច្ចយោធា​ដែល​នាំ​ឱ្យ​មនុស្ស​រាប់​ពាន់​នាក់ ​ព្យាយាម​ចាក​ចេញ​ពី​ប្រទេស។របបយោធាដែលកំពុងតស៊ូដើម្បីកម្ទេចក្រុមប្រឆាំងប្រដាប់អាវុធ បាននិយាយថា ខ្លួននឹងអនុវត្តច្បាប់ដែ លអនុញ្ញាត បុរសទាំងអស់ឱ្យបម្រើក្នុងជួរយោធាយ៉ាងហោចណាស់ពីរឆ្នាំ។ការផ្លាស់ប្តូរនេះ ធ្វើឱ្យមនុស្សរាប់ពាន់នាក់តម្រង់ជួរ សុំទិដ្ឋាការនៅខាងក្រៅស្ថានទូតបរទេស នៅទីក្រុង យ៉ាំងហ្គោន និងមួយចំនួនទៀតឆ្លងចូលទៅក្នុងប្រទេសថៃ ដែលជាប្រទេសជិតខាង ដើម្បីគេចពីច្បាប់ នេះបើយោងតាមរបាយការណ៍ប្រព័ន្ធផ្សព្វផ្សាយ។ក្រសួង​បាន​និយាយ​ក្នុង​សេចក្តី​ថ្លែងការណ៍​មួយ​ដែល​បាន​បង្ហោះ​ដោយ​ក្រុម​ព័ត៌មាន​របស់​របប​យោធា​ ​ថា ក្រសួង​ការងារ​បាន "ផ្អាក​ជា​បណ្ដោះ​អាសន្ន" ទទួល​យក​ពាក្យ​សុំ​ពី​បុរស​ដែល​ចង់​ធ្វើ​ការ​នៅ​បរទេស។វិធានការនេះគឺត្រូវការជាចាំបាច់ដើម្បី ចំណាយពេលវេលាបន្ថែមទៀតដើម្បី ផ្ទៀងផ្ទាត់ដំណើរ ការចាកចេញ និងយោងទៅតាមបញ្ហាផ្សេងទៀត ដោយមិនផ្តល់ព័ត៌មានលម្អិត។គួរបញ្ជាក់ថា ជនជាតិមីយ៉ាន់ម៉ាជាង ៤ លាននាក់កំពុងធ្វើការនៅបរទេសក្នុងឆ្នាំ ២០២០ នេះបើ យោងតាមការប៉ាន់ប្រមាណរបស់អង្គការពលកម្មអន្តរជាតិដែលដកស្រង់តួលេខពីរដ្ឋាភិបាលនៅពេលនោះ៕

(ភ្នំពេញ)៖ យុវជន សិស្ស/និស្សិត បានត្រៀម CV រួចហើយឬនៅ? នៅសល់តែ ៦ថ្ងៃ ទៀតប៉ុណ្ណោះ ពិព័រណ៍ការងារ និងមគ្គទេសក៏អាជីព ឆ្នាំ២០២៤ នឹងចាប់ផ្តើមហើយនៅអគារ KAMPUS ជិតស្ពានអាកាសក្បាលថ្នល់។ឱកាសការងារសរុបជាង ៥ពាន់ កន្លែងពីក្រុមហ៊ុនធំៗ ជាង ២០! ដាក់ពាក្យភ្លាម បានសម្ភាសភ្លាម! កុំភ្លេច ត្រៀម CV ឲ្យបានច្រើន ដើម្បីចូលរួមទាំងអស់គ្នាណា៕

(ប្រទេសជប៉ុន)៖ នារសៀលថ្ងៃទី១ ខែឧសភា ឆ្នាំ២០២៤ ឯកឧត្តម លីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម អមដំណើរដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានចុះពិនិត្យមើលសកម្មភាពសាងសង់មជ្ឈមណ្ឌលពាណិជ្ជកម្មឯកជនកម្ពុជា និងភូមិខ្មែរ នៅទីក្រុងអាតស៊ូគិ ខេត្តកាណាហ្គាវ៉ា ប្រទេសជប៉ុន និងជួបប្រជុំពិភាក្សាការងារជាមួយ លោក Takeshi Okami តំណាងក្រុមហ៊ុន Kojima Holdings Co., Ltd ដែលជាអ្នកគ្រប់គ្រង និងដំណើរការមជ្ឈមណ្ឌលពាណិជ្ជកម្មឯកជនកម្ពុជា ផងដែរ។ជាមួយគ្នានេះ ឯកឧត្តមរដ្ឋលេខាធិការ បានកត់សម្គាល់ថា មជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងអាតស៊ូគិ ត្រូវ បានក្រុមការងាររៀបចំបានយ៉ាងល្អ និងប្រកបដោយភាពទាក់ទាញ ព្រោះថានេះជាកន្លែងដ៏មានសារៈសំខាន់មួយសម្រាប់ផ្តល់នូវព័ត៌មានពាណិជ្ជកម្ម និងវិនិយោគនៅកម្ពុជា ជាពិសេសក៏ជា កន្លែងសម្រាប់តាំងបង្ហាញ និងផ្សព្វផ្សាយផលិតផលខ្មែរ ម្ហូបអាហារខ្មែរ ព្រមទាំងវប្បធម៌ប្រពៃណីខ្មែរ ផងដែរ។ឆ្លៀតក្នុងឱកាសនោះ ឯកឧត្តមរដ្ឋលេខាធិការ បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មជ្ឈមណ្ឌលពាណិជ្ជកម្មឯកជនកម្ពុជា ដែលបានរួមចំណែកក្នុងការជំរុញសកម្មភាពពាណិជ្ជកម្មនិងវិនិយោគរវាងកម្ពុជា-ជប៉ុន និងលើកទឹកចិត្តដល់មជ្ឈមណ្ឌលឱ្យបន្តរៀបចំការបណ្តុះបណ្តាលធនធានមនុស្ស សិក្ខាសាលាផ្គូផ្គងពាណិជ្ជកម្ម ព្រមទាំងជួយសម្រួលធុរកិច្ចពាណិជ្ជកម្មជូនវិនិយោគិនជប៉ុន ដែលមានបំណងចង់ធ្វើពាណិជ្ជកម្មនៅកម្ពុជា៕

 ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជារាជធានីភ្នំពេញ និងទទួលបានការគាំទ្រដោយអង្គការអន្តរជាតិខាងការងារ (ILO) នឹងរៀបចំពិព័រណ៍ការងារ និងមគ្គទេសន៍អាជីព រយៈពេល២ថ្ងៃជាប់គ្នា គឺនៅថ្ងៃទី ៩-១០ ខែឧសភា ឆ្នាំ២០២៤ នៅទីតាំង អាគារ KAMPUS ជិតស្ពានអាកាសក្បាលថ្នល់ ដោយនាំយកក្រុមហ៊ុន សហគ្រាសធំៗចំនួន ២០ មកជ្រើសរើសបុគ្គលិកសរុបចំនួន ៥៤០០ នាក់។កញ្ញា តាំង សុខឡេង មន្ត្រីផ្នែកធនធានមនុស្ស នៃក្រុមហ៊ុន MEKONGNET លើកឡើងថា MEKONGNET បានចូលរួមសហការជាមួយ NEA ជាច្រើនលើកច្រើនសារមកហើយ ក្នុងនោះមានទាំងពិព័រណ៌ការងារថ្នាក់ជាតិ, វេទិកាការងារ និងកិច្ចសម្ភាសការងារជាដើម ។ កញ្ញា បន្តថា៖ «ពេលយើងមានតម្រូវការបុគ្គលិក ពិតណាស់យើងតែងតែនឹកដល់ NEA មុនគេ»។កញ្ញាបញ្ជាក់បន្តថា ជាក់ស្តែងក្នុងឱកាសចូលរួមក្នុងពិព័រណ៌ការងារ និងមគ្គទេសន៍អាជីពនាថ្ងៃទី៩-១០ ខាងមុខនេះ MEKONGNET នឹងនាំយកឱកាសការងារជាច្រើនកន្លែង និងជាច្រើនតួនាទីសម្រាប់ផ្តល់ជូនដល់សាធារណជន ពិសេសអ្នកស្វែងរកការងារធ្វើ។ កញ្ញាបញ្ជាក់បន្ថែមថា ការសហការជាមួយនឹង NEA គឺជួយឱ្យក្រុមហ៊ុនទទួលបានបេក្ខជនល្អៗ និងអាចជួយផ្សព្វផ្សាយពីក្រុមហ៊ុនរបស់យើងដល់សាធារណជនទូទៅឱ្យបានស្គាល់ស្ថាប័នរបស់យើងផងដែរ។លោក ចាប់ ចំណាន មន្ត្រីទំនាក់ទំនងដៃគូពាណិជ្ជករដែលបានចូលរួមក្នុងពិព័រណ៌ការងារនៅ KAMPUS កាលពីឆ្នាំ ២០២៣ កន្លងទៅ ហើយបានសម្ភាសការងារជាប់ជាមួយធនាគារ Wing បានលើកឡើងថា លោកបានចូលរួមក្នុងពិព័រណ៌ការងារ និងមគ្គទេសន៍អាជីព កាលពីឆ្នាំ២០២៣ ហើយបានទទួលការប្រឹក្សាយោបល់ពីមន្ត្រី NEA និងទទួលបានគន្លឹះជាច្រើនក្នុងការត្រៀមខ្លួនដាក់ពាក្យរកការងារ។ ជាលទ្ធផល លោក ចំណាន បានសម្ភាសជាប់ការងារភ្លាមៗជាមួយធនាគារ Wing នាពេលនោះតែម្តងដែរ។លោកបន្ថែមថាព្រឹត្តិការណ៍ពិព័រណ៌ការងារ និងមគ្គុទេសអាជីពដែលរៀបចំឡើងដោយ NEA បានផ្តល់សារៈប្រយោជន៍ជាច្រើនដល់យុវជនដូចជា ការផ្តល់ចំណេះដឹង ផ្តល់ជាឱកាសការងារជាច្រើនកន្លែងជូនទៅដល់បងប្អូនដែលកំពុងស្វែងរកការងារ និងផ្តល់ជាការប្រឹក្សាយោបល់ជូនទៅដល់ប្អូនៗនិស្សិតដើម្បីតម្រង់ទិសការងារ។ លោក អំពាវនាវ ឲ្យយុវជនដែលចង់បានការងារឆាប់រហ័ស សូមអញ្ជើញទៅចូលរួមឲ្យបានច្រើនកុះករ។ពិព័រណ៍ការងារ និងមគ្គទេសន៍អាជីព ឆ្នាំ២០២៤ នេះ រំពឹងថានឹងទាក់ទាញយុវជន សិស្ស/និស្សិត និងអ្នកស្វែងរកការងារធ្វើ រាប់ពាន់នាក់មកចូលរួមទស្សនា ស្វែងយល់អំពីទីផ្សារការងារនៅកម្ពុជា និងដាក់ពាក្យសម្ភាសការងារភ្លាមៗជាមួយតំណាងក្រុមហ៊ុន សហគ្រាសធំៗចំនួន ២០។សូមជម្រាបថា ពិព័រណ៍ការងារនេះ ក៏នឹងមានរៀបចំជាវេទិកាចែករំលែកចំណេះដឹង បទពិសោធន៍ និងគន្លឹះសំខាន់ៗដើម្បីត្រៀមខ្លួនចូលទីផ្សារការងារ និងការហាត់ធ្វើកម្មសិក្សាការងារផងដែរ។ សម្រាប់ព័ត៌មានលម្អិត សូមទាក់ទងទីភ្នាក់ងារជាតិមុខរបរ និងការងារ តាមរយៈលេខទូរស័ព្ទ ០១៦ ៧៨៦ ៦៥៥ ឬគេហទំព័រ www.nea.gov.kh និងទំព័រ facebook neakhmer (អិនអ៊ីអេ ខ្មែរ)៕

(អន្តរជាតិ)៖ មនុស្ស 6 នាក់បានស្លាប់បន្ទាប់ពីការផ្ទុះយ៉ាងខ្លាំងនៅឯក្រុមហ៊ុនផលិតឈើមួយ នៅក្នុងខេត្ត Dong Nai ភាគខាងត្បូងប្រទេសវៀតណាម។នៅវេលាម៉ោង៩ព្រឹក មានការផ្ទុះដ៏ខ្លាំងមួយ ដែលគេជឿថា បណ្តាលមកពីទុស្សេចរន្តអគ្គិសនី បានកើត ឡើងនៅឯក្រុមហ៊ុនផលិតឈើ Binh Minh ក្នុងឃុំ Thien Tan ស្រុក Vinh Cuu ខេត្ត Dong Nai ។ការ​ផ្ទុះ​នេះ​បណ្តាល​ឱ្យ​មនុស្ស​៦​នាក់​ស្លាប់​នៅ​នឹង​កន្លែង ។ បើ​តាម​មន្ត្រី​ក្នុង​តំបន់​បាន​ឲ្យ​ដឹង​ថា មនុស្ស ៧ នាក់​ផ្សេង​ទៀត​បាន​រង​របួស​ក្នុង​ឧបទ្ទវហេតុ​នេះ។នៅ​កន្លែង​កើត​ហេតុ​គេ​ឃើញ​រោង​ឈើ​មួយ​ផ្នែក​បាន​បាក់​រលំ​ដំបូល​ដែក​ប្រក់​ដំបូល​។បើតាម​ក្រុមគ្រួសារ​ជនរងគ្រោះ​ដែល​ស្លាប់​បាន​និយាយថា កម្មករ​ទើបតែ​ជួសជុល​ឡ​ចំហាយ​ទឹក ហើយ​វា​បាន​ផ្ទុះ​ប្រហែល ៣ នាទី​ក្រោយមក​។លោកវេជ្ជបណ្ឌិត Nguyen Tuong Quang អនុប្រធានមន្ទីរពេទ្យទូទៅ Thong Nhat ក្នុងខេត្ត Dong Nai និយាយថា បច្ចុប្បន្ននេះ ពួកគេកំពុងព្យាបាលអ្នករបួសចំនួន ៥ នាក់ក្នុងហេតុការណ៍ផ្ទុះ ដោយក្នុងនោះ អ្នកជំងឺម្នាក់បានរងរបួសជាច្រើននាក់។ក្រុមហ៊ុនផលិតកម្ម និងជួញដូរឈើ Binh Minh ដែលមានប្រតិបត្តិការជាងមួយទសវត្សរ៍ និងការវិនិយោគ ផ្ទាល់ពីបរទេសបានចូលរួមក្នុងការផលិត និងពាណិជ្ជកម្មផលិតផលឈើ៕