ប្រញាប់ឡើង! ពានរង្វាន់ ICT ល្អបំផុតប្រចាំឆ្នាំ ចាប់ផ្ដើមទទួលចុះឈ្មោះហើយ

កម្មវិធីពានរង្វាន់ បច្ចេកវិទ្យា គមនាគមន៍ និងព័ត៌មាន កម្ពុជា ២០២០ (Cambodia ICT Awards 2020) ចាប់ផ្តើមទទួលបេក្ខភាព ដើម្បីទទួលពានរង្វាន់ល្អបំផុតប្រចាំឆ្នាំចាប់ពីថ្ងៃនេះតទៅ រហូតដល់ថ្ងៃទី ០៩ ខែកុម្ភៈ ឆ្នាំ២០២០ ការប្រកាសជ័យលាភី នឹងប្រព្រឹត្តិទៅនៅថ្ងៃសុក្រ ១២ រោច ខែផល្គុន ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២០ ខែមីនា ឆ្នាំ២០២០ ក្នុងកម្មវិធី Digital Cambodia 2020។

Cambodia​ ​ICT​ ​Awards​ ​ហៅ​កាត់​ថា​ ​CICTA​ ​(​see​-​ta​) ​គឺជា​​កម្មវិធី​ពានរង្វាន់​បច្ចេកវិទ្យា​ គមនាគមន៍​ និង​ព៌ត័មាន​ថ្នាក់​ជាតិ ​ធំ​ជាង​គេបំផុត​​ក្នុង​ព្រះរាជាណាចក្រ​កម្ពុជា ដែលរៀបចំដោយវិទ្យាស្ថានជាតិប្រៃសណីយ៍ ទូរគមនាគមន៍​ បច្ចេកវិទ្យាគមនាគមន៍ និងព័ត៌មាន ដោយមានការគាំទ្រពី ក្រសួងប្រៃសណីយ៍និងទូរគមនាគមន៍​ ​ដែលមានគោលបំណងធំចំនួន ៤ គឺ៖

១-ការទទួលស្គាល់​

ដើម្បីផ្តល់នូវការទទួលស្គាល់ថ្នាក់ជាតិ ចំពោះសមិទិ្ធ​ផល​ ស្នាដៃ​ ​ច្នៃប្រឌិត និង​ជោគជ័យ​នានា ​លើន​វានុវត្តន៍ ឌីជីថល ​ក្នុង​វិស័យ​ បច្ចេកវិទ្យា​គមនាគមន៍ ​​និង​ព័ត៌មាន​ ​(​ICT​) ​នៅក្នុង​ព្រះរាជាណាចក្រ​កម្ពុជា​។​

២-ការជម្រុញ

ដើម្បីជម្រុញឱ្យមានការប្រើប្រាស់ ដោយមានការច្នៃប្រឌិត និងនវានុវត្តន៍ខ្ពស់ លើវិស័យឌីជីថល ឬបច្ចេកវិទ្យា​ គមនាគន៍​ ​និង​ព័ត៌មាន​ នៅគ្រប់ក្រសួង ​ក្រុមហ៊ុន​ឯកជន​ក្នុង​ស្រុក ​ក្រុមហ៊ុន​ផ្តួចផ្តើម​ធុរៈកិច្ច ​(​Startup​) ​សហគ្រាស​សង្គម​​អង្គការ​ក្រៅ​រដ្ឋាភិបាល​ ​ឬ​ ​ស្ថាប័ន​រដ្ឋ​ពាក់ព័ន្ធ​ផ្សេង​ៗ​ ​​

៣-ការលើកតម្កើង

លើកតម្កើង​នូវ ​ការយល់ដឹង​ខាង​ផ្នែក​ឌីជីថល ឬបច្ចេកវិទ្យា​ គមនាគន៍​ ​និង​ព័ត៌មាន ​ក្នុង​ស្រទាប់​សាធារណជន​ និង​ជួយ​កាត់បន្ថយ​គម្លាត​ឌីជីថល ​នៅក្នុង​សហគមន៍​ជំនួញ ​និង​រវាង​ប្រជាជន​ ​ដែល​រស់​នៅ​តាម​ បណ្តា​ខេត្ត​ ​និង​ក្នុង​ទីក្រុង ​​ដែល​ជា​កត្តា​រួមចំណែក ​ក្នុង​ការអភិវឌ្ឍ​វិស័យ​បច្ចេកវិទ្យា ​គមនាគមន៍​ ​និង​ព័ត៌មាន​នៅក្នុង​ព្រះរាជាណាចក្រ​កម្ពុជា​។

៤-ការផ្តល់ឱកាស​

ផ្តល់ឱកាសឱ្យមនុស្សម្នា អាចបង្ហាញ​នូវ​ស្នាដៃ សមិទិ្ធ​ផល ​ជោគជ័យ​នានា​អំពីន​វានុវត្តន៍​ បច្ចេកវិទ្យា​ គមនាគមន៍​ ​និង​ព័ត៌មាន​​ជាមួយ និង​ឱកាសវិនិយោគ ​និង​ដើម្បី​ក្លាយជា​តំណាង​របស់​ព្រះរាជាណាចក្រ​កម្ពុជា​ ​ក្នុង​ការចូលរួម​ប្រកួតប្រជែង​ពានរង្វាន់​     បច្ចេកវិទ្យា​គមនាគមន៍​ ​និង​ព័ត៌មាន​ ​ថ្នាក់តំបន់ និងសាកលលោក ​។

នៅក្នុងឆ្នាំ២០២០នេះ កម្មវិធី CICTA 2020 នឺងផ្ដល់ពានរង្វាន់ ផលិតផល ឬសេវាកម្ម ល្អបំផុតប្រចាំឆ្នាំចំនួន​៦​ ប្រភេទ ដូចជា៖

១.សេវារដ្ឋបាលអេឡិចត្រូនិក ល្អបំផុតប្រចាំឆ្នាំ (Best E-Government service of the year)សំដៅលើផលិតផល សេវាកម្ម ឬស្នាដៃរបស់ស្ថាប័នរដ្ឋ ដែលបានប្រើប្រាស់ ICT ដើម្បីបម្រើសេវាសាធារណៈ​ និងដោះស្រាយបញ្ហាដល់ប្រជាពលរដ្ឋ និងសាធារណជន។

 ២.ស្ថាប័ននវានុវត្តន៍ឌីជីថល ល្អបំផុតប្រចាំឆ្នាំ (Best Digital Innovation organization of the year)សំដៅលើផលិតផល សេវាកម្ម ឬស្នាដៃរបស់ក្រុមហ៊ុន/ស្ថាប័ន​ ដែលបានច្នៃប្រឌិត និងប្រើប្រាស់បច្ចេកវិទ្យា ICT ឬឌីជីថល​ ដើម្បីធ្វើឱ្យអាជីវកម្ម សហគ្រាសរបស់ខ្លួន ល្អប្រសើរជាងមុន លឿនជាងមុន និងប្រសិទ្ធិភាពជាងមុន ដោយនាំយកផលិតផល និងសេវាកម្មថ្មីៗ ទៅកាន់ការប្រកួតប្រជែងនៅក្នុងទីផ្សារ។

 ៣.បច្ចេកវិទ្យានវានុវត្តន៍សង្គម ល្អបំផុតប្រចាំឆ្នាំ (Best Social Innovation of the year)សំដៅលើផលិតផល សេវាកម្ម ឬស្នាដៃរបស់ក្រុមហ៊ុន/ស្ថាប័ន​ ដែលបានច្នៃប្រឌិត និងប្រើប្រាស់បច្ចេកវិទ្យា ICT ឬឌីជីថល​ ដើម្បីបម្រើផលប្រយោជន៍ដល់សង្គម និងរួមចំណែកអភិវឌ្ឍន៍ដល់សេដ្ឋកិច្ចរបស់សហគ្រាសសង្គម ។

 ៤.មាតិការឌីជីថល ល្អបំផុតប្រចាំឆ្នាំ (Best Digital Content Of The Year)សំដៅលើផលិតផល សេវាកម្ម ឬស្នាដៃឌីជីថលរបស់ ក្រុមហ៊ុនឯកជន ឬអង្គការក្រៅរដ្ឋាភិបាល ដែលបានប្រើប្រាស់ ICT ដើម្បីបង្កើតជាមាតិកាឌីជីថលផ្សេងៗ ដូចជា វីដេអូ ហ្គេម មេរៀន ឯកសារជាសម្លេង ។ល។ ដែលអាចរួមចំណែកដោះស្រាយបញ្ហារបស់ប្រជាពលរដ្ឋ សាធារណជន និងសង្គម។

៥.ការស្រាវជ្រាវ និងអភិវឌ្ឍន៍វិទ្យាសាស្ត្រ ល្អបំផុតប្រចាំឆ្នាំ (Best ICT R&D of the year) សំដៅលើផលិតផល សេវាកម្ម ឬស្នាដៃរប់សក្រុមហ៊ុន/ស្ថាប័ន​ ដែលមានស្នាដៃក្នុងការងារស្រាវជ្រាវ​ និងអភិវឌ្ឍន៍ ក្នុងវិស័យ ICT​ ដូចជាការរកឃើញ រូបមន្តថ្មី វិធីសាស្ត្រថ្មី វិធានថ្មី ការបង្កើតថ្មី ។ល។​​

 ៦.ក្រុមហ៊ុនផ្តួចផ្តើមធុរៈកិច្ចបច្ចេកវិទ្យា ល្អបំផុតប្រចាំឆ្នាំ (Best Tech Startup of the year)ផលិតផល សេវាកម្ម ឬស្នាដៃរបស់​ក្រុមហ៊ុនទើបនឹងបង្កើតថ្មី ដែលមានអាយុមិនលើសពី ៣ឆ្នាំ ដោយរាប់ចាប់ពីថ្ងៃ ចុះបញ្ជីពាណិជ្ជកម្មជាផ្លូវការ។ Tech Startup ត្រូវតែ ជាក្រុមហ៊ុន ដែលបានបង្កើតសមិទ្ធិផលថ្មី ជាមួយគំនិតនវានុវត្តន៍ថ្មី ដោយប្រើបច្ចេកវិទ្យា គមនាគមន៍​ និងព័ត៌មាន។

គួររំលឹកថា តាំងពីឆ្នាំ២០១៥ មក ​រហូតមកដល់ពេលនេះ​មាន​ក្រុមហ៊ុន​ឯកជន​/​ស្ថាប័ន​រដ្ឋ/អង្គការ ​ដាក់​ពាក្យ​ចូលរួម​សរុប​ ១២០ ​ហើយ​ក្រុមហ៊ុន​ឯកជន​/​ស្ថាប័ន​រដ្ឋ/អង្គការ ​ចំនួន​ ៣១​ ទទួលបាន​ពានរង្វាន់។ ​

  • ឆ្នាំ២០១៥ កម្មវិធី Business Registration Processing System របស់ក្រសួងពាណិជ្ជកម្ម ជាជ័យលាភីលេខ១ និងជាជ័យលាភី វិស័យសាធារណៈ ល្អបំផុតប្រចាំឆ្នាំ
  • ឆ្នាំ២០១៦ កម្មវិធី BookMeBus របស់ក្រុមហ៊ុន Camtasia Technology Co., Ltd. ជាជ័យលាភីលេខ១ និងជាជ័យលាភីក្រុមហ៊ុនផ្តួចផ្តើមធុរៈកិច្ចបច្ចេកវិទ្យា ល្អបំផុតប្រចាំឆ្នាំ
  • ឆ្នាំ២០១៧ កម្មវិធី JAILBREAK THE GAME ក្រុមហ៊ុន DirexPlay ជាជ័យលាភីលេខ១
  • ឆ្នាំ២០១៨ កម្មវិធី Morokot VB (Core Banking System) ក្រុមហ៊ុន Morokot Technology ជាជ័យលាភីលេខ១ និងជា ជ័យលាភី វិស័យឯកជន ល្អបំផុតប្រចាំ
  • ដោយឡែកឆ្នាំ២០១៩ មាន​ក្រុមហ៊ុន​ឯកជន​/​ស្ថាប័ន​រដ្ឋ/អង្គការ ចំនួនប្រាំដែលបានឈ្នះពានរង្វាន់ ផលិតផលល្អបំផុតប្រចាំឆ្នាំ មានដូចជា៖
  1. ពានរង្វាន់សេវារដ្ឋបាលអេឡិចត្រូនិក ល្អបំផុតប្រចាំឆ្នាំ ២០១៩ (Best E-Government Service Of The Year 2019) បានទៅលើ កម្មវិធី “សំណង់នៅកម្ពុជា (Cambodia Construction App)” របស់ ក្រសួងរៀបចំដែនដី នគរូបនីយកម្ម និងសំណង់ ។
  2. ពានរង្វាន់ស្ថាប័ននវានុវត្តន៍ឌីជីថល ល្អបំផុតប្រចាំឆ្នាំ ២០១៩ (Best Digital Innovation Organization Of The Year 2019 ) បានទៅលើ កម្មវិធី “WingPay, WingMoney” របស់ Wing (Cambodia) Limited Specialised Bank
  3. ពានរង្វាន់ បច្ចេកវិទ្យានវានុវត្តន៍សង្គម ល្អបំផុតប្រចាំឆ្នាំ ២០១៩ (Best Social Innovation Of The Year 2019) បានទៅលើ កម្មវិធី “Tesdopi តេស្ត១២” របស់ក្រុមហ៊ុន Edemy
  4. ពានរង្វាន់ ក្រុមហ៊ុនផ្តួចផ្តើមធុរៈកិច្ចបច្ចេកវិទ្យា ល្អបំផុតប្រចាំឆ្នាំ ២០១៩ (Best Tech Startup Of The Year 2019) បានទៅលើ ក្រុមហ៊ុន “Muuve”
  5. ពានរង្វាន់ ការស្រាវជ្រាវ និងអភិវឌ្ឍន៍វិទ្យាសាស្ត្រ ល្អបំផុតប្រចាំឆ្នាំ ២០១៩ (Best ICT R&D Of The Year 2019) បានទៅលើគម្រោង “Jevit” របស់ Demine Robotics

-ដើម្បីចុះឈ្មោះចូលរួម៖

ក្រមហ៊ុន​ឯកជន​/​ស្ថាប័ន​រដ្ឋ/អង្គការ ដែលមានបំណងចង់ដាក់ពាក្យសូមចូល សូមទៅកាន់ គេហទំព័រ ឬ QR code ដូចខាងក្រោម៖

គេហទំព័រ៖ http://cambodiaictawards.com

ព័ត៌មានលម្អិត៖

-សូមទាក់ទងតាមរយៈទូរស័ព្ទ ឬផ្ញើរអ៊ីម៉ែលដូចខាងក្រោម៖

-ទំនាក់ទំនង       :           លោក ជា វិចិត្រ

-តួនាទី              :           ប្រធានមជ្ឈមណ្ឌលបណ្តុះបណ្តាលជំនាញវិជ្ជាជីវៈ

ទូរស័ព្ទលេខ       :           069 657 007

អ៊ីម៉ែល              :           [email protected]

FB Page          :           Cambodia ICT Awards

ទំនាក់ទំនង         :           លោក ឡាយ លាងស្រស់

តួនាទី               :            អ្នកសម្របសម្រួលកម្មវិធី

ទូរស័ព្ទលេខ       :            089 909 978

អ៊ីម៉ែល              :           [email protected]

appstore-300x83  googleplay-300x83

អត្ថបទដែលជាប់ទាក់ទង
WP2Social Auto Publish Powered By : XYZScripts.com