(ភ្នំពេញ)៖ អបអរសាទរចំពោះ អ្នកឧកញ៉ា លី ហួរ ដែល ត្រូវបានព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានប្រទាននូវគោរមងារជា «លោកអ្នកឧកញ៉ា»។ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែង ទាំងកម្លាំងកាយ និង ចិត្ត ដោយមិនខ្លាចនឿយហត់របស់ អ្នកឧកញ៉ា ក្នុងបុព្វហេតុដើម្បីជួយសង្គមជាតិ និង ចូលរួមចំណែក ដល់ការអភិវឌ្ឍន៍សេដ្ឋកិច្ចប្រទេសជាតិជាទីស្នេហានៃយើង ឱ្យកាន់តែរីកចម្រើន។ ទន្ទឹមនឹងនេះ ការប្រទាននេះ ពិតជាស័ក្តិសម និងផ្ដល់កិត្តិយសដ៏ឧត្តុង្គឧត្តម សម្រាប់ អ្នកឧកញ៉ា និង ក្រុមគ្រួសារ។ឆ្លៀតនៅក្នុងឱកាសដ៏វិសេសវិសាលនេះ យើងខ្ញុំទាំងអស់គ្នា សូមបួងសួងដល់ វត្ថុស័ក្ដិសិទ្ធិក្នុងលោក សូមជួយតាមថ រក្សា និង ប្រោះព្រំប្រសិទ្ធពរជ័យ ជូនចំពោះ អ្នកឧកញ៉ា និង លោកជំទាវ ព្រមទាំងក្រុមគ្រួសារជាទីស្រលាញ់ សូមជួប ប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

វេទិកាការងារ និងកម្មសិក្សាការងារ ពេញមួយថ្ងៃរបស់ NEA ដែលសហការរៀបចំជាមួយ ស.ស.យ.ក វិស័យការងារ និងបណ្តុះបណ្តាលវិជ្ជាជីវៈ បានបញ្ចប់ទៅដោយរលូន នាថ្ងៃទី២៥ ខែមេសា ឆ្នាំ២០២៤ នេះ ដោយមានបងប្អូន យុវជន សិស្ស/និស្សិត អ្នកស្វែងរកការងារធ្វើចំនួន ២២៥ នាក់បានចូលរួមដាក់ពាក្យ និងសម្ភាសការងារភ្លាមៗជាមួយតំណាងក្រុមហ៊ុនទាំង១៤។ ជាលទ្ធផល បេក្ខជនចំនួន ៧ នាក់ បានសម្ភាសជាប់ជាស្ថាពរភ្លាមៗ និង បេក្ខជន ៧២នាក់ ផ្សេងទៀត បានសម្ភាសជាប់បឋម ហើយនឹងត្រូវទៅសម្ភាសបន្តជាមួយក្រុមហ៊ុនម្តងទៀតនាពេលឆាប់ៗខាងមុខនេះ។ កញ្ញា ចន្ធី លីមុំ ជានិស្សិតកំពុងសិក្សានៅវិទ្យាស្ថានវ៉ាន់ដា ឆ្នាំទី៣ លើកឡើងថា វេទិកាការងារនេះគឺពិតជាសំខាន់ណាស់សម្រាប់សិស្សនិស្សិត ដែលពុំមានពេលដើរស្វែងរកការងារធ្វើ។ កញ្ញា លីមុំ ពិតជាសូមអរគុណចំពោះ NEA ដែលបានរៀបចំវេទិកាការងារនេះឡើង នឹងសូមជំរុញឱ្យខាង NEA រៀបចំវេទិកាការងារនេះឱ្យបានញឹកញាប់បន្ថែមទៀតផងដែរ។កញ្ញា វាសនា យ៉ានុត ជានិស្សិតកំពុងសិក្សាជំនាញគណនេយ្យ នៅសាកលវិទ្យាល័យជាតិគ្រប់គ្រង បានរៀបរាបថា វេទិកាការងារនេះពិតជាល្អខ្លាំងណាស់ ព្រោះបានចំណេញទាំងថវិកា និងពេលវេលា ពិសេសអាចបង្កើតជម្រើសជាច្រើនដល់អ្នកស្វែងរកការងារឱ្យបានជួបជាមួយក្រុមហ៊ុនដែលមកចូលរួមក្នុងវេទិកាការងារនាថ្ងៃនេះផងដែរ។គួរបញ្ជាក់ថាក្រុមហ៊ុនដែលបានចូលរួមក្នុងវេទិកាការងារ និងកម្មសិក្សានាថ្ងៃទី២៥ មេសាម្សិលមិញរួមមាន៖ធនាគារឯកទេស AEON, ក្រុមហ៊ុន NOVA, ក្រុមហ៊ុន លីហួរ, បុរីឡាយ គង់, មីក្រូហិរញ្ញវត្ថុ ជោគជ័យ, ធនាគារ LOLC, ក្រុមហ៊ុន EMD(F&D) Co,ltd, ក្រុមហ៊ុន MEKONGNET, ក្រុមហ៊ុន FORT Life Assurance, មីក្រូហិរញ្ញវត្ថុ JACCS, ក្រុមហ៊ុន គួចម៉េងលី គ្រុប, ក្រុមហ៊ុន SNKRP, និងក្រុមហ៊ុន Forward International Investment។ដើម្បីទទួលព័ត៌មានបន្ថែមអំពីការចូលរួមក្នុងវេទិកាការងារនាពេលក្រោយទៀត សូមទាក់ទងមជ្ឈមណ្ឌលការងាររាជធានីភ្នំពេញរបស់ NEA តាមរយៈលេខទូរស័ព្ទ ០១៦ ៧៨៦ ៦៥៥ (Telegram) ឬគេហទំព័រ www.nea.gov.kh និងទំព័រ facebook neakhmer (អិនអ៊ីអេ ខ្មែរ)៕

(អន្តរជាតិ)៖ អតីតមហាសេដ្ឋីអចលនទ្រព្យឥណ្ឌា Bhavesh Bhandari និងភរិយា Jinal បានលះបង់ទ្រព្យសម្បត្តិ 19 លានផោន (23.6 លានដុល្លារអាមេរិក) ដើម្បីបួសធ្វើជាសង្ឃ ។ កាសែត The Mirror រាយការណ៍ថា នៅដើមខែនេះ នៅក្នុងរដ្ឋកំណើតរបស់ពួកគេគឺរដ្ឋ Gujarat, Bhavesh និង Jinal បានរៀបចំពិធីមួយដែលពួកគេបានលះបង់ទ្រព្យសម្បត្តិទាំងអស់ដោយ ចែកចាយទ្រព្យសម្បត្តិទៅកាន់ហ្វូងមនុស្សពីលើរទេះសេះ។កាសែត The Times of India កត់សំគាល់ថា របស់របរដែលប្តីប្រពន្ធបានចែកនោះ រួមមានសម្លៀកបំពាក់ ទូរស័ព្ទដៃ ម៉ាស៊ីនត្រជាក់ និងលុយកាក់។ ដោយមានការជំរុញទឹកចិត្តដោយកូនៗរបស់ពួកគេ ដែលមានអាយុ 19 ឆ្នាំ និង 16 ឆ្នាំ ដែលបានចូលបួសក្នុងជីវិតបួសក្នុងឆ្នាំ 2022 ឥឡូវនេះ Bhavesh និង Jinal កំពុងរៀបចំខ្លួនដើម្បីចាប់ផ្តើមជីវិតថ្មីរបស់ពួកគេក្នុងនាមជាព្រះសង្ឃ Jain ។យោងតាមគេហទំព័រ The Sun ជីវិតរបស់ព្រះសង្ឃ Jain ត្រូវបានកំណត់ដោយការដើរដោយជើងទទេរ កាន់តែចាន អំបោស និងសម្លៀកបំពាក់ពីរ ហើយបរិភោគតែអាហារពីប្រភពសប្បុរស។ Bhavesh បានសម្តែងការបញ្ចុះបញ្ចូលឪពុកម្តាយរបស់គាត់ឱ្យអនុញ្ញាតឱ្យគាត់ចូលបួសព្រះសង្ឃគឺជាការពិបាក។ យ៉ាងណាក៏ដោយ គាត់នៅតែប្រកាន់ខ្ជាប់ដោយជឿថានេះជា «ផ្លូវដ៏ត្រឹមត្រូវសម្រាប់ការរស់នៅ»។យោងតាម The New Indian Express ជំរឿនឆ្នាំ 2011 បានរាយការណ៍ថា សហគមន៍ Jain នៅក្នុងប្រទេសឥណ្ឌាមានប្រជាជនជិត 4.5 លាននាក់ ដែលស្មើនឹង 0.4% នៃចំនួនប្រជាជនរបស់ប្រទេស៕

(សង្គម)៖ កាលពីអំឡុងឆ្នាំ២០២២ នរណាមិនល្បីហាងមាសពេជ្រ ចំរើនសុវត្ថិភាព ជាហាងលក់មាសដំបូងគេដែលបើកទទួលតំណាងចែកចាយមាស ២៤ខេត្តក្រុង ធ្វើឱ្យមានពលរដ្ឋខ្មែរមួយចំនួនលង់ខ្លួនបោះដើមទុនរាប់ម៉ឺនដុល្លារ ស្រែករកយុត្តិធម៌មកដល់បច្ចុប្បន្ននេះ។ តាមរយៈគណនីតិកតុកបងស្រីឈ្មោះ Phann Phumara បានធ្វើវីដេអូចែករំលែកបទពិសោធន៍ចាញ់បោក អ្នកនាង ចោមខ្វាន់យ៉ាងដូច្នេះថា « ហាងមាសពេជ្រ ចំរើនសុវត្ថិភាព ជាហាងលក់មាស ដែលរើសតំណាងចែកចាយមាសដំបូងគេនៅកម្ពុជា អំឡុងពេលនោះគេមានធ្វើកម្មវិធីសម្ភោធ និងធ្វើការឃោសនាផ្សព្វផ្សាយយ៉ាងធំដំគួរឱ្យជឿទុកចិត្តតែម្ដង។ ហើយការចូលជាតំណាងចែកចាយ មាសនេះបងស្រីបានដាក់ប្រាក់ចំនួន២ម៉ឺនដុល្លារ ជាមួយក្រុមហ៊ុនដើម្បីទទួលបានគ្រឿងអលង្កាមាស ដែលមានតម្លៃដល់ទៅ៤ម៉ឺនដុល្លារ ដែលជាចំនួនក្រុមហ៊ុនឱ្យខ្ចីបន្ថែមរកទៅស៊ីលក់មាស ដើម្បីយកមកបានប្រាក់ចំណេញ ចាំសង ឬបង់រំលោះជាមួយហាងមាសពេជ្រ របស់អ្នកនាងចោមខ្វាន់ពេលក្រោយ។  ប៉ុន្តែជាក់ស្ដែង នៅពេលដែលបងស្រីដាក់លុយចំនួន២ម៉ឺនដុល្លារភ្លាម គឺមិនទាន់ទទួលបានមាសនោះទេ ដោយតម្រូវឱ្យអតិថិជនរងគ្រោះដាក់លុយគ្រប់ចំនួនទៅមុនសិន ដើម្បីកក់កន្លែង កក់សាខា និងចុះឡាយវីដេអូប្រម៉ូតហាងឱ្យជាមុនសិន បន្ទាប់ពីចុះប្រម៉ូតឱ្យហើយក៏យកគ្រឿងអលង្កាមកវិញសិន ចាំដល់ថ្ងៃបើកហាងចាំទៅរើសគ្រឿងនៅហាងផ្ទាល់ ចុងក្រោយរើសមាសខ្យល់។ ទោះជាយ៉ាងណា ជុំវិញករណីនេះមហាជនក៏កំពុងរងចាំមើលថា ផ្លូវច្បាប់នឹងមានដោះស្រាយបែបណា ជាបន្តទៀត ដើម្បីប្រជាពលរដ្ឋរងគ្រោះទទួលបានយុត្តិធម៌ពិតប្រាកដ ខណៈរហូតមកដល់ពេលនេះ នាងចោមខ្វាន់ បានរត់គេចខ្លួនបាត់ស្រមោល រហូតដល់តុលាការចេញដីកាឱ្យចាប់ខ្លួនតែម្ដង៕

(អន្តរជាតិ)៖ ចំនួនមហាសេដ្ឋីវ័យក្មេងនៅក្នុងប្រទេសម៉ាឡេស៊ីកំពុងកើនឡើង ជាមួយនឹងការកើនឡើង ចំនួន 75% នៃមហាសេដ្ឋីដែលមានអាយុចាប់ពី 30 ឆ្នាំ និងក្រោមកំណត់ត្រាក្នុងឆ្នាំ 2022។តួលេខពីក្រុមប្រឹក្សាភិបាលចំណូលក្នុងស្រុក (IRB) របស់ប្រទេសបង្ហាញថា មនុស្ស 35 នាក់ដែល មានអាយុក្រោម 30 ឆ្នាំបានប្រកាសថា ប្រាក់ចំណូលរបស់ពួកគេលើសពី 1 លានរីងហ្គីតម៉ាឡេស៊ី ប្រហែល 209000 ដុល្លារអាមេរិក ក្នុងឆ្នាំ 2022 ដែលជាការកើនឡើងយ៉ាងខ្លាំងពី 20 កាលពីឆ្នាំមុន។តួលេខសម្រាប់ឆ្នាំ 2023 មិនត្រូវបានប្រកាសទេ ដោយសារដំណើរការដាក់ឯកសារអេឡិចត្រូនិក សម្រាប់ឆ្នាំនៅតែកំពុងដំណើរការ។របាយការណ៍ក៏បាននិយាយផងដែរថា ជាង 94% នៃអ្នកជាប់ពន្ធដែលមានអាយុក្រោម 30 ឆ្នាំ ដែលរកបានលើសពី 1 លានរីងហ្គីតមិនបានកត់ត្រា សមតុល្យពន្ធដែលនៅសេសសល់ណាមួយ នៅក្នុងឆ្នាំរវាង 2018 និង 2021 ។IRB ក៏បាននិយាយថាខ្លួនបានយកមកវិញនូវពន្ធបន្ថែមចំនួន 5.2 ពាន់លានរីងហ្គីតពីបុគ្គល និង ក្រុមហ៊ុនដែលខកខានក្នុងការប្រកាស មិនប្រកាស និងគេចវេសពីរបាយការណ៍ប្រាក់ចំណូលក្នុងឆ្នាំ 2023។IRB នឹងចាត់វិធានការក្រោមការផ្តល់ច្បាប់ពន្ធលើប្រាក់ចំណូលឆ្នាំ 1967 ដើម្បីប្រយុទ្ធប្រឆាំងនឹងការគេច ពន្ធ រួមទាំងការពង្រឹងការអនុវត្តច្បាប់ និងការអប់រំអ្នកជាប់ពន្ធ។ទីភ្នាក់ងារនេះក៏ប្តេជ្ញាដោះស្រាយការគេចពន្ធ និងក្នុងពេលជាមួយគ្នានេះ ពង្រឹងសំណាញ់ពន្ធដោយ ពង្រីកមូលដ្ឋានពន្ធ ដើម្បីដោះស្រាយការលេចធ្លាយ ឬចន្លោះប្រហោងដែលមានស្រាប់ ដើម្បីធ្វើឱ្យ ប្រាកដថាអ្នកគ្រប់គ្នាបង់ចំណែកស្មើៗគ្នាដល់រដ្ឋាភិបាលដោយមិនរើសអើងបុគ្គល ឬក្រុមហ៊ុន៕

(ព័ត៌មានជាតិ)៖ មិនសរសើរមិនបាននោះទេ អំឡុងពេលប្រារព្ធពិធីបុណ្យចូលឆ្នាំប្រពៃណីជាតិ កាលពីថ្ងៃទី១៣-១៦ ខែមេសា ឆ្នាំ២០២៤នេះ ខេត្តចំនួន៦ គ្មានករណីគ្រោះថ្នាក់ចរាចរណ៍កើតឡើងនោះទេ។ ខេត្តទាំងនោះរួមមាន៖ ព្រៃវែង កោះកុង កំពង់ឆ្នាំ ប៉ៃលិន ត្បូងឃ្មុំ មណ្ឌលគិរី។ ដោយមើលឃើញបែបនេះ សម្តេចធិបតីនាយករដ្ឋមន្ត្រីនៃកម្ពុជាបានផ្ដល់រង្វាន់ ដូចតាមការប្រកាសកន្លង ទៅរបស់សម្តេចធិបតី នាយករដ្ឋមន្ត្រីកម្ពុជា ក្នុងការប្រគល់រង្វាន់ ជូនរាជធានី-ខេត្តណាដែលគ្មានគ្រោះថ្នាក់ចរាចរណ៍ នាឱកាសបុណ្យចូលឆ្នាំប្រពៃណីជាតិ ខ្មែរ ក្នុងគោលបំណងសំខាន់នោះ គឺមិនចង់ឃើញមាន គ្រោះថ្នាក់ចរាចរណ៍ និងជំរុញការប្រុងប្រយ័ត្ន ព្រមទាំងគោរពច្បាប់ចរាចរណ៍។ ជាពិសេស ការចូលរួមចំណែកពីបងប្អូន អ៊ំពូមីង តាយាយ ដែលជាអ្នកបើកបរគ្រប់ប្រភេទ ដើម្បីឱ្យគ្រប់ការធ្វើដំណើរ ប្រកបដោយសុខសុវត្ថិភាព អាចទទួលបានការជួបជុំក្រុមគ្រួសារ គ្រប់ទីកន្លែងនៅទូទាំងប្រទេស។ ជាលទ្ធផល មានខេត្តចំនួន ៦ ទទួលបានអត្រាគ្រោះថ្នាក់ចរាចរណ៍សូន្យ ហេីយសម្តេចធិបតីនាយករដ្ឋមន្ត្រី ក៏ផ្តល់រង្វាន់តាមការសន្យាដូចខាងក្រោម៖១/ ផ្តល់លិខិតសរសេីរមួយ ដែលនឹងមកទទួលផ្ទាល់ពីសម្តេចធិបតីនាយករដ្ឋមន្ត្រី២/ ថវិកាចំនួន ២០០លានរៀល៣/ ភេសជ្ជៈ ចំនួន ១ពាន់កេស៕

(ខេត្តកែប)៖ កាលពីព្រឹកថ្ងៃទី២៥ ខែមេសា ឆ្នាំ២០២៤ ខណ្ឌរដ្ឋបាលជលផលខេត្តកែប សហការជាមួយអង្គការអភិរក្សសមុទ្រកម្ពុជា (MCC) បានលែងអណ្តើកសមុទ្រ(ល្មិច) ចំនួន០២ក្បាល ចូលសមុទ្រវិញ ក្រោយអ្នកនេសាទ បានប្រគល់ ជូនខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកែប បន្ទាប់ពីពួកគាត់នេសាទបាន។តាមរបាយការណ៍របស់លោក ថឹង បូរិន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកែប បានអោយដឹងថា អណ្តើកសមុទ្រទាំងពីរក្បាលនោះទម្ងន់សរុប ១៩.៧គីឡូក្រាម ដោយអណ្តើកឈ្មោល មានទម្ងន់១១គីឡូក្រាម បណ្ដោយប្រវែង ៤៧សង់ទីម៉ែត្រ ទទឹងប្រវែង ៤៣សង់ទីម៉ែត្រ បានកឹបលេខសម្គាល់KH 2077 និងអណ្តើកញីមួយក្បាលទៀតមានទម្ងន់៨.៧គីឡូក្រាម បណ្ដោយប្រវែង ៤៣សង់ទីម៉ែត្រ ទទឹងប្រវែង ៣៩សង់ទីម៉ែត្រ បានកឹបលេខសម្គាល់ KH 2079។គួរកត់សំគាល់ថា អ្នកនេសាទខេត្តកែបបច្ចុប្បន្នហាក់មានការយល់ដឹងច្រើន អំពីការថែរក្សាធនធានសត្វសមុទ្រកម្រៗ ដោយជាញយដង ពួកគាត់តែងប្រគល់ជូនជំនាញជលផល ក្រោយពួកគាត់នេសាទបានសត្វសមុទ្រកម្រទាំងនោះ៕

ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៥ ខែមេសា ឆ្នាំ២០២៤នេះ បានជួបពិភាក្សាជាមួយលោកស្រី Xiaoyan Qian នាយិការនៃការិយាល័យអង្គការអន្តរជាតិខាងការងារ(ILO)ប្រចាំកម្ពុជា ឡាវ និងថៃនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ក្នុងជំនួបនោះ លោកស្រីនាយិកា បានសរសើរថា វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៃរាជរដ្ឋាភិបាលកម្ពុជាមានវឌ្ឍនភាពលឿនជាងបណ្តាប្រទេសក្នុងតំបន់មួយចំនួន។ ទន្ទឹមនឹងនេះ ឯកឧត្តមរដ្ឋមន្ត្រី ក៏បានថ្លែងអំណរគុណដល់លោកស្រីចំពោះការវាយតម្លៃនិងការកោតសរសើរ ហើយក៏បានថ្លែងអំណរគុណដល់ILOដែលបានផ្តល់កិច្ចសហការដើម្បីវឌ្ឍនភាពនៃវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈតាមរយៈគម្រោង ការបណ្តុះបណ្តាលមន្ត្រីជំនាញលើជំនាញទន់ដើម្បីបង្កើនផលិតភាពការងារ គម្រោងការងារសមរម្យសម្រាប់យុវជន គម្រោងទីផ្សារការងារសកម្ម និងគម្រោងនៃការកសាងសមត្ថភាពស្ថាប័នចំពោះបេឡាជាតិសន្តិសុខសង្គមជាដើម។ បន្ថែមពីនេះ ឯកឧត្តមរដ្ឋមន្ត្រី បានបង្ហាញចក្ខុវិស័យនៃផែនការយុទ្ធសាស្ត្ររយៈពេល៥ឆ្នាំរបស់ក្រសួងដែលជាគន្លឹះដើម្បីធ្វើឱ្យវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅកម្ពុជាឱ្យកាន់តែរីកចម្រើនឡើងបន្ថែមទៀត ដែលនេះជាចំណុចគន្លឹះដ៏សំខាន់មួយក្នុងគោលបំណងធានាពីទំនាក់ទំនងវិជ្ជាជីវៈ សិទ្ធិសេរីភាព ផលិតភាព និងសុខមាលភាព រួមទាំងបរិយាកាសល្អសម្រាប់វិនិយោគិនផងដែរ។ ក្នុងនោះឯកឧត្តមរដ្ឋមន្ត្រី ក៏បានពន្យល់លំអិតពីកម្មវិធីថ្នាក់ជាតិរបស់ប្រមុខរាជរដ្ឋាភិបាលស្តីពីការបណ្តុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារក្រីក្រ និងងាយរងហានិភ័យចំនួន១.៥លាននាក់ដែលជាយុទ្ធសាស្ត្រដ៏មុតស្រួចដើម្បីផ្លាស់ប្តូរកម្លាំងអតិពលកម្មក្នុងទីផ្សារការងារឱ្យកម្ពុជាប្រែក្លាយជាសេដ្ឋកិច្ចដែលពឹងផ្អែកលើជំនាញ។ ទន្ទឹមនឹងនេះទាំងឯកឧត្តមរដ្ឋមន្ត្រី និងលោកស្រីXiaoyan Yan ក៏បានឯកភាពគ្នាក្នុងការបន្តគាំទ្រទៅវិញទៅមកដើម្បីឱ្យគម្រោងដែលភាគីទាំងពីរបានកំពុងសហការឱ្យកាន់តែរលូនជាបន្តទៀតដើម្បីវិបុលភាពនៃវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ៕

(អន្តរជាតិ)៖ ប្រាក់ដុល្លារអាមេរិកបានធ្លាក់ចុះធៀប នឹងប្រាក់ដុងរបស់វៀតណាមនៅលើទីផ្សារងងឹត ខណៈដែលនៅតែមានស្ថិរភាពនៅធនាគារនៅព្រឹកថ្ងៃពុធ។ ប្រាក់ត្រលប់មកវិញត្រូវបានលក់ ក្នុងតម្លៃ 25,700 ដុង នៅចំណុចប្តូរប្រាក់ក្រៅផ្លូវការ ធ្លាក់ចុះ 0.50% ពីថ្ងៃអង្គារ។ Vietcombank រក្សាប្រាក់ដុល្លារឱ្យនៅថេរនៅតម្លៃ 25,487 ដុង។ អត្រាយោងរបស់ធនាគាររដ្ឋវៀតណាម (SBV) មិនផ្លាស់ប្តូរនៅ 24,274 ដុង។ ប្រាក់ដុល្លារបានកើនឡើង 4.37% ធៀបនឹងប្រាក់ដុងចាប់តាំងពីដើមឆ្នាំ។ សារព័ត៌មាន Reuters បានរាយការណ៍ថា នៅទូទាំងពិភពលោក ប្រាក់ដុល្លារបានធ្វើឱ្យរបួសរបស់ខ្លួនកាលពីថ្ងៃពុធ បន្ទាប់ពីការធ្លាក់ចុះដ៏ធំធៀបនឹងប្រាក់អឺរ៉ូ និងប្រាក់ដុល្លារ ប៉ុន្តែប្រាក់យ៉េននៅតែជាប់គាំងជិត ដល់កម្រិតទាបរយៈពេល 34 ឆ្នាំ បើទោះបីជាមន្ត្រីជប៉ុនបានបង្កើនការព្រមានអំពីអន្តរាគមន៍ក៏ដោយ។ការខាតបង់ពេញមួយយប់របស់ប្រាក់ដុល្លារត្រូវបានជំរុញដោយការរួមបញ្ចូលគ្នានៃទិន្នន័យសកម្មភាពអឺរ៉ុបដ៏គួរឱ្យភ្ញាក់ផ្អើល និងការធ្វើឱ្យកំណើនអាជីវកម្មរបស់សហរដ្ឋអាមេរិកត្រជាក់។ សន្ទស្សន៍ប្រាក់ដុល្លារអាមេរិក ដែលវាស់រូបិយប័ណ្ណធៀបនឹងរូបិយប័ណ្ណសំខាន់ៗចំនួនប្រាំមួយ រួមទាំងប្រាក់អឺរ៉ូ ប្រាក់យ៉េន បានកើនឡើង 0.07% ទាបដល់ 105.60 នៅក្នុងការជួញដូរនៅអាស៊ីដំបូងបន្ទាប់ពីបានធ្លាក់ចុះ 0.4% ពេញមួយយប់ និងឈានដល់កម្រិតទាបបំផុតចាប់តាំងពីថ្ងៃទី 12 ខែមេសា នៅតម្លៃ 105.23។ប្រាក់អឺរ៉ូបានកើនឡើង 0.11% ដល់ $1.071125 បន្ទាប់ពីការប្រមូលផ្តុំគ្នាកាលពីថ្ងៃអង្គារ 0.45% បន្ទាប់ពីទិន្នន័យបង្ហាញថាសកម្មភាពអាជីវកម្មនៅក្នុងតំបន់អឺរ៉ូបានពង្រីកក្នុងល្បឿនលឿនបំផុតក្នុងរយៈពេលជិតមួយឆ្នាំ ជាចម្បងដោយសារតែការងើបឡើងវិញនៃសេវាកម្ម។ Sterling បានកើនឡើងចុងក្រោយ 0.11% នៅ $1.2461 ដោយបានកើនឡើង 0.79% នៅក្នុងវគ្គមុន។Kyle Rodda អ្នកវិភាគទីផ្សារហិរញ្ញវត្ថុជាន់ខ្ពស់នៅ Capital.com បាននិយាយ"រឿងរ៉ាវនៅតែមានថាសេដ្ឋកិច្ចអាមេរិកមានភាពធន់ខ្លាំង ហើយដរាបណាយើងទទួលបាន សេដ្ឋកិច្ចអាមេរិកនៅក្នុងទីតាំងនេះ សូម្បីតែលទ្ធភាពនៃការដំឡើងអត្រាការប្រាក់របស់ Fed កាន់តែច្រើន ហានិភ័យសម្រាប់ប្រាក់ដុល្លារអាមេរិកនៅតែមិនយល់ស្របចំពោះការកើនឡើង៕

(បាត់ដំបង)៖ យោងតាមសេចក្ដីជូនដំណឹងពីមន្ទីរធនធានទឹក និងឧតុនិយមខេត្ត បានឱ្យដឹងថា ខេត្តបាត់ដំបង នឹងប្រឈមនូវការកើនឡើងកម្ដៅរហូតដល់ ៤១ អង្សាក្នុងរយៈពេល ៣ ថ្ងៃ។ នៅក្នុងសេចក្ដីជូនដំណឹងរបស់មន្ទីរធនធានទឹក និងឧតុនិយមខេត្តបាត់ដំបងបានឲ្យដឹងថា ចាប់ពីថ្ងៃទី២៦ រហូតដល់ថ្ងៃទី២៨ ខែមេសា ឆ្នាំ២០២៤ ស្ថានភាពអាកាសធាតុខេត្ដបាត់ដំបងទទួលឥទ្ធិពល ពីជ្រលងសម្ពាធទាបឥណ្ឌា-ចិនក្នុងកម្រិតខ្សោយ។ ដោយស្ថានភាពបែបនេះនឹងធ្វើឲ្យសីតុណ្ហភាព អប្បបរមាមានពី ២៧-២៨ អង្សា និងអតិបរមាមានពី ៤០-៤១ អង្សាឯណោះ ខណៈខ្យល់បកពីទិសនិរតីមានល្បឿនពី ១ ទៅ ៤ ម៉ែត្រក្នុង ១ វិនាទី។នៅក្នុងសេចក្ដីជូនដំណឹងដដែលនេះក៏បានបញ្ជាក់ផងដែរថា នៅថ្ងៃទី២៦ និងថ្ងៃទី២៨ ខែមេសា នេះក៏នឹងមានភ្លៀងផ្គររន្ទះ ផ្លេកបន្ទោរ ក្នុងកម្រិតពីតិចទៅមធ្យម (២.០-៤.០%) និងមានខ្យល់ខ្លាំងបក់ក្នុងល្បឿន (១-៤) ម៉ែត្រក្នុង ១ នាទី នាពេលល្ងាចនិងយប់ទោះជាយ៉ាងណា សូមមហាជនដែលរស់នៅក្នុងខេត្តបាត់ដំបង បានជ្រាបជាព័ត៌មាន និងកុំភ្លេចថែទាំសុខភាពរបស់ខ្លួនឱ្យបានល្អ សូមទទួលទានទឹកឱ្យបានគ្រប់គ្រាន់៕

(អន្តរជាតិ)៖ មន្ទីរបញ្ចកោណបាននិយាយថា សហរដ្ឋអាមេរិកបានបញ្ជូនមីស៊ីលរយៈចម្ងាយឆ្ងាយ ទៅកាន់ប្រទេសអ៊ុយក្រែនកាលពីដើមខែនេះ ដែលរដ្ឋបាលលោក Biden ពីមុនបានបដិសេធ មិនបញ្ជូន តាមការណែនាំពីលោកប្រធានាធិបតី Joe Biden ។លោក Biden បានអនុម័តជាសម្ងាត់ នូវការផ្ទេរមីស៊ីល ATACMS រយៈចម្ងាយឆ្ងាយកាលពីខែកុម្ភៈ សម្រាប់ប្រើប្រាស់ក្នុងទឹកដីអ៊ុយក្រែន។ មីស៊ីល ATACMS ត្រូវបានរួមបញ្ចូលដោយស្ងាត់ស្ងៀម នៅក្នុងកញ្ចប់ជំនួយ 300 លានដុល្លារដែលបានប្រកាសនៅថ្ងៃទី 12 ខែមីនា ហើយទីបំផុតត្រូវ បានបញ្ជូនទៅអ៊ុយក្រែននៅដើមខែនេះ នេះបើយោងតាមអ្នកនាំពាក្យមន្ទីរបញ្ចកោណ លោក វរសេនីយ៍ទោ Garron Garn ។លោក Garron Garn បាននិយាយថា "វាមិនត្រូវបានគេប្រកាសថា យើងកំពុងផ្តល់ឱ្យ អ៊ុយក្រែននូវសមត្ថភាពថ្មីនេះនៅពេលនោះ ដើម្បីរក្សាសន្តិសុខប្រតិបត្តិការសម្រាប់អ៊ុយក្រែន តាមសំណើររបស់អ៊ុយក្រែណ។  រដ្ឋបាលលោក Biden បានទប់ទល់នឹងការបញ្ជូនមីស៊ីលរយៈចម្ងាយឆ្ងាយមួយផ្នែក ដោយសារតែ ការព្រួយបារម្ភអំពីការត្រៀមខ្លួន។ មីស៊ីល ​ដ៏មាន​ឥទ្ធិពល ​ត្រូវការ​ពេលវេលា និង​សមាសធាតុ​ស្មុគស្មាញ​ដើម្បី​ផលិត។ អ្នកនាំពាក្យរបស់ក្រុមហ៊ុនបាននិយាយកាលពីខែកញ្ញាថា ក្រុមហ៊ុន Lockheed Martin ដែលផលិតមីស៊ីល ATACMS ស្ថិតក្នុងការផលិតពេញកម្រិត និងផលិតមីស៊ីល ហែល 500 ដើមក្នុង មួយឆ្នាំ។សហរដ្ឋអាមេរិកបានធ្វើការនៅពីក្រោយឆាក ដើម្បីដោះស្រាយការព្រួយបារម្ភអំពីការត្រៀមខ្លួន ដែល រួមមានការទិញមីស៊ីល ATACMS បន្ថែមទៀត និងការបំពេញស្តុកយោធារបស់សហរដ្ឋអាមេរិក៕

(ប៉េកាំង)៖ ប្រព័ន្ធផ្សព្វផ្សាយបាននិយាយថា ភ្លៀងធ្លាក់ឥតឈប់ឈរ ព្រឹលធ្លាក់ និងឥទ្ធិពលព្យុះ បានវាយលុកភាគខាងត្បូងប្រទេសចិន ដោយបង្ខំឱ្យមានការជម្លៀសប្រជាជនចេញ ពីទីក្រុងទាំងមូល នៃខេត្តក្វាងទុង។របាយការណ៍បាននិយាយថា ឡានក្រុង និងឧទ្ធម្ភាគចក្រ ត្រូវបានបញ្ជូនដឹកអ្នកស្រុកទីប្រជុំជន Jiangwan ក្នុងតំបន់ Shaoguan ទៅកាន់សុវត្ថិភាព នៅពេលដែលទឹកជំនន់ថ្មីបានមកដល់ នេះបើយោងតាមការលើក ឡើងរបស់អាជ្ញាធរក្នុងតំបន់។បណ្តាញថាមពលត្រូវបានកាត់ផ្តាច់ ហើយបណ្តាញទូរស័ព្ទចល័តត្រូវបានរំខាននៅទូទាំងតំបន់ ដោយសារ តែភ្លៀងបានធ្វើឱ្យមានការបាក់ដីភក់ដ៏គ្រោះថ្នាក់ ផ្ទះជន់លិច និងបំផ្លាញស្ពាន។ចាប់តាំងពីការមកដល់នៃព្យុះដ៏ខ្លាំងកាលពីសប្តាហ៍មុន គ្រោះមហន្តរាយបានកើតឡើងពាសពេញខេត្ត ដែលធ្លាប់ត្រូវបានគេដាក់ឈ្មោះថា "ជំនន់នៃពិភពលោក" ។វីដេអូនៅលើប្រព័ន្ធផ្សព្វផ្សាយសង្គមបានបង្ហាញថា នៅក្នុងភោជនីយដ្ឋានមួយក្នុងរដ្ឋធានីខេត្ត ក្វាងចូវក្នុងសប្តាហ៍នេះ អតិថិជនបានសម្លឹងមើលឃើញទិដ្ឋភាពភ័យរន្ធត់ ខណៈដែលខ្យល់បក់ បោកដូចព្យុះសង្ឃរា និងបានរលំដើមឈើ ខណៈពេលដែលមានភ្លៀងធ្លាក់យ៉ាង គំហុកពេញផ្លូវនៅ ខាងក្រៅ។មន្ត្រីឧតុនិយមបាននិយាយថា សីតុណ្ហភាពក្តៅដែលខ្យល់ដែលមានសំណើមកាន់តែច្រើន ពីសមុទ្រចិនខាងត្បូង និងសូម្បីតែឆ្ងាយដូចជាឈូងសមុទ្រ Bengal នាំឲ្យមានភ្លៀង និងខ្យល់បក់កាន់ តែច្រើន៕

(បាងកក)៖ ប្រទេសថៃបានចេញការព្រមានថ្មីអំពីអាកាសធាតុក្តៅខ្លាំងនៅថ្ងៃព្រហស្បតិ៍ (២៥ មេសា) ខណៈដែលរដ្ឋាភិបាលបាននិយាយថា ជំងឺដាច់សរសៃឈាមខួរក្បាលបានសម្លាប់មនុស្សយ៉ាងហោច ណាស់ ៣០ នាក់ក្នុងឆ្នាំនេះ។អាជ្ញាធរទីក្រុងបាងកកបានផ្តល់ការព្រមានអំពីកំដៅខ្លាំង ខណៈដែលសន្ទស្សន៍កំដៅត្រូវបានគេរំពឹងថា នឹងកើនឡើងលើសពី 52 អង្សាសេ។សីតុណ្ហភាព​នៅ​ក្នុង​រាជធានី​ថៃ​ឡើង​ដល់​៤០.១​អង្សា​សេ​កាលពី​ថ្ងៃ​ពុធ ហើយ​កម្រិត​ស្រដៀង​គ្នា​នេះ​ត្រូវ​បាន​គេ​ព្យាករណ៍​សម្រាប់ថ្ងៃខាងមុខ។រលកនៃអាកាសធាតុក្តៅខ្លាំងបានវាយប្រហារផ្នែកខ្លះនៃអាស៊ីខាងត្បូង និងអាស៊ីអាគ្នេយ៍ ក្នុងសប្តាហ៍ នេះ ដោយជំរុញឱ្យសាលារៀនទូទាំងប្រទេសហ្វីលីពីនផ្អាកថ្នាក់រៀន និងអ្នកគោរពបូជា នៅប្រទេស បង់ក្លាដែស ដើម្បីបួងសួងសុំទឹកភ្លៀង។នាយកដ្ឋានបរិស្ថាននៃទីក្រុងបានព្រមានថា សន្ទស្សន៍កំដៅ ដែលជារង្វាស់នៃសីតុណ្ហភាព គឺស្ថិតក្នុង កម្រិត "គ្រោះថ្នាក់ខ្លាំង" នៅក្នុងទីក្រុងបាងកក។អាជ្ញាធរក្នុងខេត្ត Udon Thani នៅតំបន់ជនបទភាគឦសាននៃព្រះរាជាណាចក្រនេះ  ក៏បានព្រមាន អំពីសីតុណ្ហភាពគ្រោះថ្នាក់ផងដែរ។ក្រសួងសុខាភិបាលបាននិយាយកាលពីល្ងាចថ្ងៃពុធថា មនុស្ស 30 នាក់បានស្លាប់ដោយសារជំងឺដាច់ សសៃឈាមខួរក្បាលដោយសារកម្តៅ នៅចន្លោះថ្ងៃទី 1 ខែមករាដល់ថ្ងៃទី 17 ខែមេសា ធៀបនឹង 37 នាក់ក្នុងឆ្នាំ 2023 ។ខែមេសា គឺជាពេលវេលាក្តៅបំផុតនៃឆ្នាំនៅក្នុងប្រទេសថៃ និងប្រទេសផ្សេងទៀត នៅអាស៊ីអាគ្នេយ៍ ប៉ុន្តែលក្ខខណ្ឌក្នុងឆ្នាំនេះ កាន់តែធ្ងន់ធ្ងរឡើងដោយគំរូអាកាសធាតុ El Nino ៕

(ភ្នំពេញ)៖ នៅថ្ងៃទី១៩ និងថ្ងៃទី២០ ខែមេសា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនជនសង្ស័យជាបន្តបន្ទាប់ ចំនួន០៦នាក់ ពាក់ព័ន្ធករណីធ្វើឱ្យខូចខាតទ្រព្យសម្បត្តិអ្នកដទៃ និង ហិង្សា ដោយចេត (យកដុំអិដ្ឋការ៉ូឡា គប់ កញ្ចក់រថយន្តខាងមុខ) ប្រព្រឹត្តល្មើសនៅចំណុចផ្លូវបេតុង ភូមិស្រែរាជ្ជៈ សង្កាត់សំរោងក្រោម ខណ្ឌពោធិ៍សែនជ័យ កាលពីថ្ងៃទី១២ ខែមេសា ឆ្នាំ២០២៤។លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានឱ្យដឹងថាជនសង្ស័យឃាត់ខ្លួនចំនួន០៦នាក់ រួមមាន៖ ១-ឈ្មោះ យឹម សុខហេង ហៅ ហេង ភេទ ប្រុស, ២-ឈ្មោះ កង សុជាតិ ភេទ ប្រុស, ៣-ឈ្មោះ ថេត សូរិយា ភេទ ប្រុស,៤-ឈ្មោះ យ៉ុន ផានិត ភេទ ប្រុស, ៥-ឈ្មោះ រ័ត្ន រិទ្ធី ភេទ ប្រុស, ៦-ឈ្មោះ ហាន់ លីសៀង ភេទ ប្រុស។សម្ភារៈចាប់យក៖ ម៉ូតូម៉ាក Suzuki next សេ១១០ ពណ៌ស សេរីឆ្នាំ២០២៤ ពាក់ផ្លាកលេខភ្នំពេញ១KH-៧៨៥១។ សម្ភារៈខូចខាត៖ បែកកញ្ចក់រថយន្តខាងមុខ ចំនួន ០១ ផ្ទាំង។ បច្ចុប្បន្នជនសង្ស័យ និងវត្ថុតាងខាងលើ កម្លាំងការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕

(ភ្នំពេញ)៖​ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅ ព្រឹកថ្ងៃសុក្រ ទី២៦ ខែមេសា ឆ្នាំ២០២៤ នេះ បានអញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដោយបានពិភាក្សា និងឆ្លងលើរបៀបវារៈដូចជា៖១- សេចក្តីព្រាងគោលការណ៍ណែនាំស្តីពីនីតិវិធីនិងវិធាននៃការតាក់តែងសេចក្តីព្រាងច្បាប់ និងលិខិតបទដ្ឋានគតិយុត្តផ្សេងទៀត២-សេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅរបស់ក្រសួងអប់រំ យុវជន និងកីឡា៣-បញ្ហាផ្សេងៗ៕