រាជធានិភ្នំពេញ៖ អង្គការសត្វព្រៃ និងរុក្ខជាតិកម្ពុជា និងសហគ្រាសហ្វីស៊ីង ខេត អេកូឡូជីខល អេនធើប្រាយ ខូ អ៊ិល ធី ឌី សហការជាមួយក្រសួងបរិស្ថាន បានចងក្រងនូវរបាយការណ៍សិក្សាស្រាវជ្រាវជាលើកដំបូង ស្តីពីជីវៈចម្រុះនៅតំបន់ព្រៃកោងកាង នៃប្រទេសកម្ពុជា ដែលការស្រាវជ្រាវថ្មីបានរកឃើញវត្តមានសត្វជាង ៧០០ប្រភេទខុសគ្នា រស់នៅក្នុងតំបន់ព្រៃកោងកាង នៃប្រទេសកម្ពុជា ។ នេះបើតាមការឱ្យដឹងពីអង្គការ Fauna & Flora – Cambodia Programme ថ្ងៃទី១៧ ខែមេសា ឆ្នាំ២០២៤ ។ការសិក្សាស្រាវជ្រាវរបស់អង្គការសត្វព្រៃ និង រុក្ខជាតិកម្ពុជា និង សហគ្រាស ហ្វីស៊ីងខេត អេកូឡូជីខល អេនធើប្រាយ ខូ អ៊ិល ធី ឌី សហការជាមួយក្រសួងបរិស្ថាននេះ បានធ្វើឡើងនៅក្នុងដែនជម្រកសត្វព្រៃពាមក្រសោប ២៣ ៧៥០ហិកតា និងតំបន់រ៉ាមសារកោះកាពិ ១២ ០០០ហិកតា ។ ការរកឃើញនេះ ផ្តល់ជាចំណេះដឹងមូលដ្ឋាន អំពីជីវៈចម្រុះក្នុងតំបន់នោះ ហើយយើងរំពឹងថានឹងអាចរកឃើញប្រភេទសត្វថ្មីៗបន្ថែមទៀត ក្នុងការសិក្សាស្រាវជ្រាវនាពេលអនាគត ។ក្នុងស្រាវជ្រាវនេះ ក៏បានរកឃើញនូវប្រភេទសត្វជាច្រើនប្រភេទ ដូចជា សត្វស្វាកន្ទុយវែង ជាប្រភេទជិតផុតពូជ, សំពោចធំ, សត្វភេរោមច្រមុះ, ភេខ្មៅ, និង ខ្លាត្រី ជាប្រភេទងាយរងគ្រោះផងដែរ៕

(រតនគិរី)៖ លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរីបានឱ្យដឹងនៅល្ងាចថ្ងៃទី១៦ ខែមេសា ឆ្នាំ២០២៤នេះថា ក្នុងរយៈពេល៤ថ្ងៃ គឺចាប់ពីថ្ងៃ១៣ ដល់ថ្ងៃទី១៦ ខែមេសា ឆ្នាំ២០២៤ ក្នុងឱកាសពិធីបុណ្យ ចូលឆ្នាំថ្មីប្រពៃណីជាតិខ្មែរ ឆ្នាំរោងស័ក ព.ស ២៥៦៨ គ.ស ២០២៤នេះ ខេត្តរតនគិរី ទទួលបានភ្ញៀវទេសចរមកទស្សនាកម្សាន្ដតាមតំបន់រមណីយដ្ឋាននានាក្នុងខេត្ដមានចំនួន១៣៤,២៩១នាក់ កើនឡើង ១៧.៥៥%។លោកប្រធានមន្ទីរទេសចរណ៍បានបញ្ជាក់ថា ក្នុងចំណោមភ្ញៀវទេសចរទាំងនោះ គឺភ្ញៀវជាតិមានចំនួន៤៨,៩៧៤នាក់ កើនឡើង១.៩% ភ្ញៀវទេសចរអន្តរជាតិ ចំនួន ៦៣២នាក់ កើនឡើង ៥៨.៣១% និងប្រជាពលរដ្ឋក្នុងខេត្តចូលរួមក្នុងកម្មវិធីសង្ក្រាន្តរតនគិរី និងសង្រ្កាន្តនៅតាមបណ្តាក្រុងស្រុកទាំង៩មានចំនួន ៨៤,៧៨៥នាក់ កើនឡើង ២៨.៦១%។ដូច្នេះសរុបភ្ញៀវទាំងបីប្រភេទនេះមានចំនួន១៣៤,២៩១នាក់កើនឡើង១៧.៥៥% បើប្រៀបធៀបទៅនឹងពិធីបុណ្យចូលថ្មីឆ្នាំ២០២៣មាចំនួន១១៤,២៤៥នាក់ ប៉ុណ្ណោះ។លោក ង៉ែត ពិទូ បន្តថា ពិធីបុណ្យចូលឆ្នាំប្រពៃណីខ្មែរឆ្នាំ២០២៤នេះខេត្តរតនគិរី ដែលមានឯកឧត្តម ញ៉ែម សំអឿនជាអភិបាលខេត្ត បានរៀបចំកម្សាន្តតាមកម្មវិធីសង្ក្រាន្តរតនគិរី ក្នុងបរិវេណមន្ទីរវប្បធម៌និងវិចិត្រសិល្បៈខេត្ត និងនៅតាមបណ្តាស្រុក ក្រុង ទាំង៩នៅទូទាំងខេត្តដោយបង្កើតឱ្យមានលេងល្បែងប្រជាប្រិយនៅតាមទីវត្ត អារាមនានា និង បង្កើតឱ្យមានព្រឹត្តិការណ៍ជាច្រើនទៀត សម្រាប់ឱ្យភ្ញៀវទេសចរលេង សប្បាយ នាឱកាសបុណ្យចូលឆ្នាំថ្មី ប្រពៃណីជាតិខ្មែរយើងដើម្បីបង្កើតភាព សប្បាយជូនប្រជាពលរដ្ឋនៅតាមមូលដ្ឋានក្នុងឱកាសសង្ក្រាន្តឆ្នាំថ្មីនេះក៏ដូចរួមចំណែកបង្កើតភាពទាក់ទាញភ្ញៀវមកម្សាន្តតាមរមណីយដ្ឋានទេសចរណ៍ផងដែរ។លោកថា អ្វីដែលគួរអោយគត់សម្គាល់នោះគឺ ព្រឹតិ្តការណ៍សង្ក្រាន្តរតនគិរីនិងសង្រ្កាន្តតាមបណ្តាស្រុក ក្រុងរយៈពេល៤ថ្ងៃនេះ មានប្រជាពលរដ្ឋចំនួន ជាង៨មុឺននាក់បានចូលរួមសប្បាយរីករាយ ប្រកប ដោយ សុខសុវត្ថិភាព ធានាបាននូវសុខសន្តិសុខ សណ្តាប់ធ្នាប់ល្អ ក្រោមការយកចិត្តទុកដាក់បំផុតពីសំណាក់ កង កម្លាំងគ្រប់ប្រភេទនិងអាជ្ញាធរគ្រប់ លំដាប់ថ្នាក់របស់ខេត្តប្រជាពលរដ្ឋយើងអាចធ្វើដំណើរកម្សាន្តទៅកាន់គ្រប់ទីកន្លែងដោយពុំ មានបញ្ហាឡើយពិសេស ប្រទេសជាតិមានសុខសន្តិភាពប្រជាពលរដ្ឋធ្វើ ដំណើរកម្សាន្តដោយសប្បាយរីករាយ៕

(កណ្តាល)៖ ក្នុងរយៈពេល៤ថ្ងៃ នៃពិធីបុណ្យចូលឆ្នាំថ្មី ប្រពៃណីជាតិខ្មែរ ចាប់ថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤កន្លងទៅថ្មីៗនេះ ខេត្តកណ្តាល មានប្រជាពលរដ្ឋបានសម្រុកដើរលេងកម្សាន្តយ៉ាងសប្បាយរីករាយគ្រប់ទីតាំងទាំងអស់នៃខេត្ត ដោយសរុបទាំងភ្ញៀវទេសចរជាតិ និងអន្តរជាតិ ដើរលេងកម្សាន្តប្រមាណ ១ ១៨២ ៦៩២ នាក់ ដោយក្នុងនោះភ្ញៀវអន្តរជាតិ ប្រមាណ ២ ០០០នាក់៕

(កំពង់ចាម)៖ ក្នុងព្រឹត្តិការណ៍សង្ក្រាន្តកំពង់ចាម រយៈពេល ៤ថ្ងៃ ក្នុងឱកាសចូលឆ្នាំថ្មីប្រពៃណីជាតិខ្មែរគិតចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ ខេត្តកំពង់ចាម ទទួលភ្ញៀវមកលេងកំសាន្ត សរុបជាង ៥លាន៣សែននាក់។យោងតាមរបាយការណ៍របស់លោក ស៊ាន សុគុន ប្រធានមន្ទីរទេសចរណ៍ ខេត្តកំពង់ចាម ឲ្យដឹងនៅថ្ងៃទី១៧ ខែមេសា នេះថា ក្នុងព្រឹត្តិការណ៍សង្ក្រាន្ត រយៈពេល ៤ថ្ងៃ ខេត្តកំពង់ចាម បានទទួលភ្ញៀវទេសចរ មកចូលរួមលេងកម្សាន្ត នៅតាមកន្លែងកម្សាន្ត រមណីយដ្ឋាននានា និងស្នាក់នៅ ក្នុងខេត្តកំពង់ចាម សរុបប្រមាណ ៥ ៣៥៥ ៦៥៥ នាក់ ក្នុងនោះភ្ញៀវទេសចរបរទេស មានចំនួន ៥១៤ នាក់៕

(បន្ទាយមានជ័យ)៖ យោងតាមរបាយការណ៍របស់មន្ទីរទេសចរណ៍ខេត្តបន្ទាយមានជ័យ បានឱ្យដឹងថា ខេត្តទទួលភ្ញៀវទេសចរកម្សាន្តនាឱកាសចូលឆ្នាំថ្មីប្រពៃណីជាតិ រយៈពេល ៤ថ្ងៃ សរុបប្រមាណ ៨៦២ ១៦២ នាក់ ក្នុងនោះភ្ញៀវទេសចរបរទេស មានចំនួនប្រមាណ ៣ ៣៧៤ នាក់៕

(កំពង់ស្ពឺ)៖ យោងតាមរបាយការណ៍ពីមន្ទីរទេសចរណ៍ខេត្តកំពង់ស្ពឺ បានឱ្យដឹងថា ភ្ញៀវទេសចរជាតិ-អន្តរជាតិ មកលេងកំសាន្ត ក្នុងព្រឹត្តិការណ៍កំពង់ស្ពឺសង្រ្កាន្ត និងនៅតាមរមណីយដ្ឋាន សហគមន៍នានានៅក្នុងខេត្ត ក្នុងឱកាសនៃពិធីបុណ្យចូលឆ្នាំថ្មី រយៈពេល ០៤ថ្ងៃកន្លងមក មានចំនួនសរុបប្រមាណ ២ ១០៣ ៩១៥ នាក់ ដោយក្នុងនោះ ភ្ញៀវទេសចរជាតិ មានប្រមាណ ២ ១០២ ២៤៧ នាក់ និងភ្ញៀវទេសចរអន្តជាតិ មានប្រមាណ ១ ៦៦៨ នាក់៕

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា បានបង្ហាញក្តីសោមនស្សរីករាយ បន្ទាប់ពីបញ្ចប់ពិធីបុណ្យចូលឆ្នាំថ្មី ពោរពេញដោយភាពរីករាយ សប្បាយក្អាកក្អាយ របស់បងប្អូនប្រជាពលរដ្ឋ ដែលចូលរួមលេងកម្សាន្ត «សង្ក្រាន្ត» ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស ២៥៦៨ គ.ស ២០២៤។សម្តេចអគ្គមហាសេនាបតីតេជោ ហ៊ុន សែន បានរំលេចសារលើបណ្តាញសង្គម នាព្រឹកថ្ងៃទី១៧ ខែមេសា ឆ្នាំ២០២៤នេះ យ៉ាងដូច្នេះថា «សង្ក្រាន្តឆ្នាំ២០២៤» ២៥ រាជធានី ខេត្ត ពោរពេញដោយភាពរីករាយ សប្បាយក្អាកក្អាយ របស់បងប្អូនប្រជាពលរដ្ឋ ដែលចូលរួមលេងកម្សាន្ត «សង្ក្រាន្ត» ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស ២៥៦៨ គ.ស ២០២៤ «កម្ពុជាមានសន្តិភាពពេញលេញ» ទើបអាចមានព្រឹត្តការណ៍ទាំងនេះបាន ហើយលើសពីនេះ មិនថាតែប្រជាពលរដ្ឋខ្មែរទេ គឺមានភ្ញៀវបរទេសច្រើនកុះករ លេងកម្សាន្តផងដែរ ប្រកបដោយភាពសប្បាយរីករាយ និង មានទំនុកចិត្តលើសុវត្ថិភាពរបស់ខ្លួន ដោយមិនមានការភ័យខ្លាចអ្វីទាំងអស់៕

(បាត់ដំបង)៖ យោងតាមរបាយការណ៍របស់មន្ទីរទេសចរណ៍ខេត្តបាត់ដំបង បានឱ្យដឹងថា រយៈពេល៤ថ្ងៃ ក្នុងពិធីបុណ្យចូលឆ្នាំថ្មី ប្រពៃណីជាតិ ភ្ញៀវទេសចរជាតិ-អន្តរជាតិ និងប្រជាពលរដ្ឋ ប្រមាណជាង១លាន៧សែននាក់ បានមកលេងកម្សាន្តនៅខេត្តបាត់ដំបង៕

(ភ្នំពេញ)៖ ក្នុងឱកាស នៃពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល0៤ថ្ងៃនេះកន្លងមក មានភ្ញៀវទេសចរ-អន្តរជាតិ និងប្រជាពលរដ្ឋមកទស្សនា និងលេងកម្សាន្តនៅសង្ក្រាន្តវត្តភ្នំប្រមាណ ១លាន៣សែននាក់ ដោយគិតចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤៕

(រតនគិរី)៖ លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរីបានឱ្យដឹងនៅល្ងាចថ្ងៃទី១៦ ខែមេសា ឆ្នាំ២០២៤នេះថា ក្នុងរយៈពេល៤ថ្ងៃ គឺចាប់ពីថ្ងៃ១៣ ដល់ថ្ងៃទី១៦ ខែមេសា ឆ្នាំ២០២៤ ក្នុងឱកាសពិធីបុណ្យ ចូលឆ្នាំថ្មីប្រពៃណីជាតិខ្មែរ ឆ្នាំរោងស័ក ព.ស ២៥៦៨ គ.ស ២០២៤នេះ ខេត្តរតនគិរី ទទួលបានភ្ញៀវទេសចរមកទស្សនាកម្សាន្ដតាមតំបន់រមណីយដ្ឋាននានាក្នុងខេត្ដមានចំនួន១៣៤,២៩១នាក់ កើនឡើង ១៧.៥៥%។លោកប្រធានមន្ទីរទេសចរណ៍បានបញ្ជាក់ថា ក្នុងចំណោមភ្ញៀវទេសចរទាំងនោះ គឺភ្ញៀវជាតិមានចំនួន៤៨,៩៧៤នាក់ កើនឡើង១.៩% ភ្ញៀវទេសចរអន្តរជាតិ ចំនួន ៦៣២នាក់ កើនឡើង ៥៨.៣១% និងប្រជាពលរដ្ឋក្នុងខេត្តចូលរួមក្នុងកម្មវិធីសង្ក្រាន្តរតនគិរី និងសង្រ្កាន្តនៅតាមបណ្តាក្រុងស្រុកទាំង៩មានចំនួន ៨៤,៧៨៥នាក់ កើនឡើង ២៨.៦១%។ដូច្នេះសរុបភ្ញៀវទាំងបីប្រភេទនេះមានចំនួន១៣៤,២៩១នាក់កើនឡើង១៧.៥៥% បើប្រៀបធៀបទៅនឹងពិធីបុណ្យចូលថ្មីឆ្នាំ២០២៣មាចំនួន១១៤,២៤៥នាក់ ប៉ុណ្ណោះ។លោក ង៉ែត ពិទូ បន្តថា ពិធីបុណ្យចូលឆ្នាំប្រពៃណីខ្មែរឆ្នាំ២០២៤នេះខេត្តរតនគិរី ដែលមានឯកឧត្តម ញ៉ែម សំអឿន ជាអភិបាលខេត្ត បានរៀបចំកម្សាន្តតាមកម្មវិធីសង្ក្រាន្តរតនគិរី ក្នុងបរិវេណមន្ទីរវប្បធម៌និងវិចិត្រសិល្បៈខេត្ត និងនៅតាមបណ្តាស្រុក ក្រុង ទាំង៩នៅទូទាំងខេត្តដោយបង្កើតឱ្យមានលេងល្បែងប្រជាប្រិយនៅតាមទីវត្ត អារាមនានា និង បង្កើតឱ្យមានព្រឹត្តិការណ៍ជាច្រើនទៀត សម្រាប់ឱ្យភ្ញៀវទេសចរលេង សប្បាយ នាឱកាសបុណ្យចូលឆ្នាំថ្មី ប្រពៃណីជាតិខ្មែរយើងដើម្បីបង្កើតភាព សប្បាយជូនប្រជាពលរដ្ឋនៅតាមមូលដ្ឋានក្នុងឱកាសសង្ក្រាន្តឆ្នាំថ្មីនេះក៏ដូចរួមចំណែកបង្កើតភាពទាក់ទាញភ្ញៀវមកម្សាន្តតាមរមណីយដ្ឋានទេសចរណ៍ផងដែរ។លោកថា អ្វីដែលគួរអោយគត់សម្គាល់នោះគឺ ព្រឹតិ្តការណ៍សង្ក្រាន្តរតនគិរីនិងសង្រ្កាន្តតាមបណ្តាស្រុក ក្រុងរយៈពេល៤ថ្ងៃនេះ មានប្រជាពលរដ្ឋចំនួន ជាង៨មុឺននាក់បានចូលរួមសប្បាយរីករាយ ប្រកប ដោយ សុខសុវត្ថិភាព ធានាបាននូវសុខសន្តិសុខ សណ្តាប់ធ្នាប់ល្អ ក្រោមការយកចិត្តទុកដាក់បំផុតពីសំណាក់ កង កម្លាំងគ្រប់ប្រភេទនិងអាជ្ញាធរគ្រប់ លំដាប់ថ្នាក់របស់ខេត្តប្រជាពលរដ្ឋយើងអាចធ្វើដំណើរកម្សាន្តទៅកាន់គ្រប់ទីកន្លែងដោយពុំ មានបញ្ហាឡើយពិសេស ប្រទេសជាតិមានសុខសន្តិភាពប្រជាពលរដ្ឋធ្វើ ដំណើរកម្សាន្តដោយសប្បាយរីករាយ៕

(សៀមរាប)៖ រដ្ឋបាលខេត្តសៀមរាបបានសហការជាមួសហភាពសហព័ន្ធយុវជនកម្ពុជាខេត្តសៀមរាប រៀបចំព្រឹត្តិការណ៍សៀមរាបសង្ក្រាន្ត ឆ្នាំ២០២៤ ក្នុងឱកាសពិធីបុណ្យ ចូលឆ្នាំថ្មីប្រពៃណីខ្មែរ ដែលមានរយៈពេល ០៤ថ្ងៃ ចាប់ពីថ្ងៃទី១៣-១៤-១៥-១៦ ខែមេសា ឆ្នាំ២០២៤ ដោយមាន ភ្ញៀវជាតិ និងអន្តរជាតិ បានមកចូលរួមកម្សាន្តក្នុងព្រឹត្តិការណ៍នេះសរុបមានចំនួនប្រមាណ១ ២៣៩ ៨០៨នាក់ ក្នុងនោះភ្ញៀវទេសចរជាតិសរុបចំនួនប្រមាណ ៦៦០ ០០០នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ចំនួន ៥៦៣,០០០ នាក់ និងភ្ញៀវទេសចរអន្តរជាតិសរុបចំនួន ១៦ ៨០៨ នាក់៕

(សង្គម)៖ មហាជនសម្ដែងអារម្មណ៍ហួសចិត្ត ក្រោយបានឃើញនូវដំណឹងមួយនេះដោយស្ត្រីជាម្ដាយមួយ រូបបានយកកូនស្រី២នាក់ដ៏ស្រស់ស្អាត មកប្លុងចោលនៅសួនកម្សាន្តក្មេងមួយកន្លែងនៅក្បែរបឹងកក់ បង្កការភ្ញាក់ផ្អើលដល់ប្រជាពលរដ្ឋក្បែរនោះជាខ្លាំង។ បើតាមគណនីហ្វេសបុកឈ្មោះ Chanroeun Ry បានបង្ហោះរូបភាពអមដោយខ្លឹមសារយ៉ាងដូច្នេះថា «មកយកកូនវិញទៅកុំទុកគ្នាចោលអញ្ចឹងអីអាសូរណាស់កូនស្អាតៗហើយចេះណាស់(កូនទាំងពីរនេះពួកគាត់ចេះនិយាយភាសាចិននិងអង់គ្លេស) ពេលសួរគាត់ថា Is your mummy? Yes, my mummy បើមានសាច់ញាតិបានឃើញអាចទាក់ទងលេខក្មួយខ្ញុំបាន 070 272 592 ។ គាត់យកមកផ្លុងចោល នៅតំបន់កំសាន្ត Sunshine Family Park នៅបឹងកក់ សូមអរគុណ។» ក្រោយបានឃើញនូវការបង្ហោះបែបនេះហើយមានមហាជនខ្លះបានលើកឡើងថា តើអាចមកពីវង្វេងបាត់កូនទេដឹងបង? ស្រាប់តែម្ចាស់គណនីខាងលើបានឆ្លើយតបយ៉ាងច្បាស់ថា អត់ទេអូនម្តាយគាត់មានបំណងយកកូនមកប្លុងចោលតែម្តងមើលតាមcameraសុវត្ថិភាព។ មហាជនដែលបានឃើញនូវព័ត៌មាននេះហើយបានសម្ដែងនូវអារម្មណ៍អាណិតអាសូរដល់ក្មេងស្រីរងគ្រោះជាខ្លាំង ដែលត្រូវបានម្ដាយបោះបង់ចោលបែបនេះ។ មហាជនបាននាំគ្នាលើកឡើងថា ជាម្តាយបែបណា ចិត្តអីក៏សាហាវមិស កូនៗឡើងគួរអោយស្រលាញ់ អាណិតណាស់ កូនល្អៗស្អាតៗណាស់ ហេតុអ្វីបានយកគ្នាមកប្លុងចោលចឹងទេ។ បន្ទាប់ពីមានករណីនេះកើតឡើង គេឃើញមានមហាជនមួយចំនួន ដែលគាត់កំពុងចង់បានកូន តែមិនអាចមានកូនបាននោះនាំគ្នាចង់បានក្មេងខាងលើមកចិញ្ចឹមថែមទៀតផង។ទោះជាយ៉ាងណា ជុំវិញករណីដែលមានការលើកឡើងថា ក្មេងស្រីទាំង២នាក់ដ៏ស្រស់ស្អាតនេះ ត្រូវបានម្ដាយរបស់ខ្លួនយកមកប្លុងចោល ជាការពិតយ៉ាងណានោះទេ? មហាជនមានតែបន្តរងចាំមើលថា តើស្ត្រីជាម្ដាយ ឬសាច់ញាតិរបស់ក្មេងខាងលើនេះ នឹងមកទទួលពួកគាត់ទៅផ្ទះវិញឬអត់ ប្រសិនបើម្ដាយត្រឡប់មកទទួលយកកូនវិញនោះ មានតែរងចាំមើលការបកស្រាយរបស់អាណាព្យាបាលជាបន្តទៀត៕

(ភ្នំពេញ)៖ នារយៈប៉ុន្មានថ្ងៃនេះពោល គឺនៅក្នុងអំឡុងពិធីចូលឆ្នាំថ្មីប្រពៃណីជាតិខ្មែរតែម្តង អ្នកនាងគង់ ច័ន្ទស្រីមុំ ដែលមហាជនស្គាល់ថាជា តារាសម្ដែង និងជាពិធីការិនីដ៏ល្បីមួយរូប បានក្លាយជាផ្ទាំងស៊ីបរបស់មហាជន ជាច្រើននាក់ ក្រោយពីតារាស្រីរូបនេះ បានបង្ហោះនូវភាពប៉ុន្មានសន្លឹករួមទាំងបានភ្ជាប់នូវខ្លឹមសារថា «រីករាយចូលឆ្នាំថ្មី» ខណៈរូបភាពដែលនាងបង្ហោះនោះមិនមែនជាទីតាំងនៅក្នុងប្រទេសកម្ពុជាយើងនោះទេ ពោលគឺនៅប្រទេសថៃទៅវិញដែលជាហេតុធ្វើមហាជន រិះគន់មិនសំចៃមាត់ រហូតដល់ ពោលពាក្យត្មិះតិះដៀល តារាស្រីរូបនេះ ដូចទឹកបាក់ទំនប់ថែមទៀតផង។ស្របពេលដែលមានការរិះគន់យ៉ាងចាស់ដៃពីសំណាក់មហាជនទៅលើ អ្នកនាងគង់ ច័ន្ទស្រីមុំ នេះដែរ ជួនគ្នានៅពេលដែលក្នុងអំឡុងពេល ពិធីចូលឆ្នាំថ្មីប្រពៃណីជាតិខ្មែរ មាន infulencer ថៃម្នាក់មកលេងកម្ពុជានៅតំបន់ Pubstreet ខេត្តសៀមរាប ហើយបង្ហោះ និង Live វីដេអូ ថា ចូលឆ្នាំនៅស្រុកខ្មែរ អត់មានភ្ញៀវមកលេង ខណៈ infulencer ថៃនោះ ទៅថតពេលព្រឹក ដែលមិនទាន់មាន ពលរដ្ឋចាប់ផ្តើមលេងទៅវិញ ដូច្នេះហើយ បានជាមហាជននាំគ្នា បង្ហាញអារម្មណ៍ ខឹងសម្បារ និង រិះគន់ទៅលើ អ្នកនាងគង់ ច័ន្ទស្រីមុំ បែបនេះ រហូតពោលពាក្យថា តារាខ្មែរ ទៅអួតសង្ក្រាន្តនៅប្រទេសថៃ ខណៈតារាថៃ មកបង្អាប់ចូលឆ្នាំនៅខ្មែរ។ ទោះជាយ៉ាងណាក៏ដោយ ក្រោយការបង្ហោះរូបភាពដែលបង្ហោះពីការលេងជះទឹក នៅតំបន់ទេសចរណ៍ថៃ ដែលតារាស្រី គង់ ច័ន្ទស្រីមុំ បង្ហោះនោះដែរ ត្រូវបានមហាជននាំគ្នាស៊ែរចែករំលែកព្រោងព្រាត ជាមួយនឹងការបញ្ចេញមតិរិះគន់យ៉ាងចាស់ដៃផ្សេងៗគ្នាថា ខ្លួនជាតារាសម្ដែង ពិធីការិនី និងអ្នកជំនួញ មានមុខមាត់ល្បី និង មានឥទិ្ធពលមួយរូបនៅក្នុងប្រទេសកម្ពុជាបែរ មិនគិតខំប្រឹងផ្សព្វផ្សាយ ប្រម៉ូត អបអរសង្ក្រានឆ្នាំថ្មី នៅក្នុងប្រទេសខ្លួនទេ តែបែរជាទៅ បង្ហាញពីការចូលរួមសង្ក្រាន្តនៅស្រុកគេ វា ស្មើនឹងផ្សព្វផ្សាយវប្បធម៌របស់ជាតិគេះអីចឹង។ មិនត្រឹមតែ ថតទិដ្ឋភាពជះទឹក នៅក្នុងប្រទេសថៃប៉ុណ្នោះទេ អ្នកនាង គង់ ច័ន្ទស្រីមុំ ក៏បានបង្ហោះរូបភាពជាច្រើនផ្សេងទៀតនៅ តំបន់ទេសចរណ៍ថៃផងដែរ ។ បន្ថែមពីលើការរិះគន់ ពីសំណាក់មហាជននៅក្នុងស្រុកហើយនោះ សង្កេតឃើញថា សូម្បីផេកថៃមួយចំនួន ក៏បានយករូបនាងទៅ បង្ហោះ ជាមួយនឹងពាក្យពេចេន៍ ឌឺដងផ្លែផ្កា ដែលជាហេតុ ធ្វើឱ្យពលរដ្ឋខ្មែរ កាន់តែមិនពេញជាខ្លាំងបន្ថែមទៀត។ យ៉ាងណាក៏ដោយ ចំណុចត្រង់នេះ មិនមានន័យថា ប្រជាពលរដ្ឋខ្មែរណាម្នាក់ ស្អប់ខ្ពើមគាត់ ឬរារាំងសេរីភាពការសប្បាយរបស់គាត់នោះទេ ប៉ុន្តែយ៉ាងហោចណាស់ ក្នុងមានជាបុគ្គល ដែលមានឥទ្ធិពលមួយរូបនៅក្នុងប្រទេសកម្ពុជា អ្នកនាងគង់ ច័ន្ទស្រីមុំ គួរតែយល់ពីកាលៈទេសៈ និង ពេលវេលាណា ដែលគួរបង្ហោះដែរ មួយវិញទៀត ការរិះគន់បែបនេះ មិនមែនមានន័យថា ឱ្យបង្រៀនឱ្យពលរដ្ឋខ្មែរ រើសអើងជាតិសាសន៍នោះដែរ តែសំខាន់យើងជាខ្មែរ គួរគប្បីបង្ហាញសង្ក្រាន្តឆ្នាំថ្មី របស់ជាតិយើង មានអ្វីខ្លះដើម្បីឱ្យបរទេសបានស្គាល់វិញល្អជាង ។ទន្ទឹមនឹងការរិះគន់ពីសំណាក់មហាជននេះផងដែរ ក្រោយការបង្ហោះមិនបានប៉ុន្មានម៉ោងផង អ្នកនាង គង់ ច័ន្ទស្រីមុំ ក៏បានសម្រេចចិត្តលុបផុសជះទឹក នៅប្រទេសថៃនោះចេញវិញ ហើយរហូតមកដល់ពេលនេះ តារាស្រីរូបនេះ ហាក់មានភាពស្ងប់ស្ងាត់ និង មិនមានការឆ្លើយតប ឬ ប្រតិកម្មមកកាន់មហាជនដែលបានរិះគន់ទៅលើខ្លួនវិញដែរ៕

(អន្តរជាតិ)៖ គិតត្រឹមថ្ងៃចន្ទ ដើមសប្តាហ៍នេះ មនុស្សចំនួន 206 នាក់បានស្លាប់ និង 1,593 នាក់ផ្សេងទៀតបានរងរបួសនៅក្នុងគ្រោះថ្នាក់ចរាចរណ៍ទូទាំងប្រទេសចំនួន 1,564ករណី ក្នុងអំឡុងពេលប្រាំថ្ងៃដំបូងនៃ ពិធីបុណ្យ Songkran ។តួលេខទាំងនេះត្រូវបានប្រកាសដោយរដ្ឋមន្រ្ដីសាធារណៈ លោក Cholnan Srikaew នៅនាយកដ្ឋានបង្ការ និងកាត់បន្ថយគ្រោះមហន្តរាយកាលពីថ្ងៃអង្គារ។នាយកដ្ឋាននេះបានបង្កើតមជ្ឈមណ្ឌលមួយដើម្បីតាមដានគ្រោះថ្នាក់ចរាចរណ៍ទូទាំងប្រទេសរយៈពេលប្រាំពីរថ្ងៃចាប់ពីថ្ងៃទី 11 ខែមេសា នៅពេលដែលប្រជាជនធ្វើដំណើរចេញពីទីក្រុងបាងកកសម្រាប់ថ្ងៃឈប់សម្រាក Songkran ហើយក្រោយមកត្រឡប់ទៅរដ្ឋធានីវិញ។លោក Cholnan Srikaew ដែលជាប្រធានសន្និសីទសារព័ត៌មានហៅកាត់ដោយមជ្ឈមណ្ឌលសុវត្ថិភាពចរាចរណ៍បានថ្លែងថា នៅថ្ងៃចន្ទតែមួយថ្ងៃ មនុស្ស ៣៩ នាក់បានស្លាប់ និង ៣១៤ នាក់រងរបួសក្នុងគ្រោះថ្នាក់ចរាចរណ៍ ៣០១ លើកនៅទូទាំងប្រទេស។លោកបានបន្តថា ការបើកបរស្រវឹងគឺជាមូលហេតុធំបំផុតនៃគ្រោះថ្នាក់កាលពីថ្ងៃចន្ទ ដោយលោកបានបន្ថែមថា គ្រោះថ្នាក់ភាគច្រើនកើតឡើងលើផ្លូវត្រង់ ហើយ ៣៨,៥៤ ភាគរយកើតឡើងលើផ្លូវជាតិ។លោកបានបន្ថែមថា គ្រោះថ្នាក់ចរាចរណ៍ច្រើនជាងគេបានកើតឡើងនៅចន្លោះម៉ោង ៤ ដល់ម៉ោង ៥ ល្ងាច ដោយជនរងគ្រោះ ទាំងអ្នកស្លាប់ និងរបួស ស្ថិតក្នុងក្រុមអាយុពី ២០ ទៅ ២៩ ឆ្នាំ។ចំនួនគ្រោះថ្នាក់ និងរបួសខ្ពស់បំផុតកាលពីថ្ងៃច័ន្ទ បានកើតឡើងនៅទីក្រុងណាន ដែលមាន ១៤ និង ១៦ នាក់ រៀងគ្នា ខណៈខេត្តឈៀងរ៉ៃមានអ្នកស្លាប់ច្រើនជាងគេគឺ ៤ នាក់។គិតត្រឹមថ្ងៃអាទិត្យ ឈៀងរ៉ៃបានជួបគ្រោះថ្នាក់ចរាចរណ៍ច្រើនជាងគេ (៦១) ខណៈលោកបានរាយការណ៍ថាមានអ្នករបួសច្រើនជាងគេ (៦០) ហើយបាងកក និងឈៀងរ៉ៃរាយការណ៍ថាមានអ្នកស្លាប់ច្រើនជាងគេ ១៣ នាក់។មកទល់ពេលនេះ មានតែ ១៧ខេត្តប៉ុណ្ណោះក្នុងចំណោម ៧៧ខេត្តដែលមិនមានអ្នកស្លាប់ដោយសារគ្រោះថ្នាក់ចរាចរណ៍៕

(អន្តរជាតិ)៖ រដ្ឋបាលក្រុងបាងកកបាននិយាយថា ពិធីបុណ្យ Songkran នៅជុំវិញផ្លូវ Khaosan ក្នុងទីក្រុងបាងកកបានបង្កើតកាកសំណល់ចំនួន 116 តោន។អ្នកដើរលេងនៅលើផ្លូវ Khaosan បានបង្កើតកាកសំណល់ចំនួន 42 តោនចាប់ពីថ្ងៃសុក្រដល់ថ្ងៃអាទិត្យ (ថ្ងៃទី 12-14 ខែមេសា) ខណៈដែលតំបន់នៅជិតផ្លូវត្រូវបានបន្សល់ទុកសម្រាម 74 តោនទៀត។អភិបាលក្រុងបាងកក លោក Chadchart Sittipunt បាននិយាយថា រថយន្តធំចំនួនប្រាំមួយគ្រឿង និងមន្ត្រីទីក្រុង ត្រូវបានដាក់ពង្រាយ ដើម្បីសម្អាតកន្លែងទេសចរណ៍នេះ ចាប់ផ្តើមនៅម៉ោង 4 ព្រឹក។លោកបានបន្តថា ផ្លូវនោះមានគ្របដណ្តប់ទៅដោយម្សៅ ដបកែវ ប្រអប់ក្រដាសកាតុង កាំភ្លើងទឹក និងធុងទឹក។លោកបាននិយាយថា "បន្ទាប់ពីមនុស្សជាច្រើនបានសប្បាយ នៅផ្លូវ Khaosan វាជាកាតព្វកិច្ចរបស់យើងក្នុងការសម្អាតផ្លូវនេះ ។ លោក Chadchart បានថ្លែងអំណរគុណដល់មន្ត្រីចំពោះការខិតខំប្រឹងប្រែងរបស់ពួកគេក្នុងការធ្វើឱ្យទីក្រុងស្អាត៕