វីដេអូថ្មីៗ BEST TV
វីដេអូថ្មីៗ SWIFT NEWS
ព័ត៌មានជាតិ
សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន
ថ្ងៃទី២៨ ខែមីនា ឆ្នាំ២០២៤

(ចិន)៖ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ អញ្ជើញជួបពិភាក្សាការងារជាមួយ ឯកឧត្ដម ចាវ ឡឺជី ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន នៅសាធារណរដ្ឋប្រជាមានិតចិន នាព្រឹកថ្ងៃទី២៨ ខែមីនា ឆ្នាំ២០២៤ ម្សិលមិញនេះ៕

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ សមាជិកគណ:កម្មាធិការអចិន្ត្រៃយ៍ គណ:កម្មាធិការបក្ស
ថ្ងៃទី២៨ ខែមីនា ឆ្នាំ២០២៤

(ចិន)៖ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ អញ្ជើញជួបពិភាក្សាការងារជាមួយ លោក ឈិន ចុង (Chen Zhong) សមាជិកគណ:កម្មាធិការអចិន្ត្រៃយ៍ គណ:កម្មាធិការបក្ស និងជាប្រធានគ្រប់គ្រង់ទូទៅ នៃក្រុមហ៊ុនសាងសង់ទូរគមនាគមន៍ចិន(CCCC) នៅសាធារណរដ្ឋប្រជាមានិតចិន នាព្រឹកថ្ងៃទី២៨ ខែមីនា ឆ្នាំ២០២៤ ម្សិលមិញនេះ៕

សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ សមាជិកការិយាល័យនយោបាយមជ្ឍិមបក្ស
ថ្ងៃទី២៨ ខែមីនា ឆ្នាំ២០២៤

(ចិន)៖ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៅព្រឹកថ្ងៃទី២៩ ខែមីនា ឆ្នាំ២០២៤នេះ បានអញ្ជើញជួបពិភាក្សាការងារទ្វេភាគីជាមួយ ឯកឧត្ដម នាយឧត្ដមសេនីយ៍ ហឺ វ័យទុង សមាជិកការិយាល័យនយោបាយមជ្ឍិមបក្ស និងជាអនុប្រធានទី២ នៃគណៈកម្មការយោធាមជ្ឈិមបក្ស នៅសាធារណរដ្ឋប្រជាមានិតចិន៕

សមាគមសារព័ត៌មាន១ត្រូវបានបង្កើតដោយផ្តោតលើ ព័ត៌មានសេដ្ឋកិច្ច
ថ្ងៃទី២៨ ខែមីនា ឆ្នាំ២០២៤

 (ភ្នំពេញ)៖ ថ្នាក់ដឹកនាំស្ថាប័នសារព័ត៌មានជាង១០ស្ថាប័ន បានរួមគ្នាផ្តួចផ្តើមគំនិត បង្កើតសមាគមសហគ្រិនសារព័ត៌មានសេដ្ឋកិច្ចកម្ពុជា(CEMEA) ដើម្បីរួមចំណែកលើកកំពស់ការផ្សព្វផ្សាយព័ត៌មានសេដ្ឋកិច្ចជាតិ និងអន្តរជាតិ ប្រកបដោយស្ដង់ដារវិជ្ជាជីវៈនិងក្រមសីលធម៌។ លោក យិន លាងគង់ ស្ថាបនិក និងអគ្គនាយកគេហទំព័រ Propertyarea.asia& Cambodia Financialtimes.com ជាប្រធានសមាគមសហគ្រិនសារព័ត៌មានកម្ពជា ដែលទើបទទួលបានច្បាប់អនុ ញ្ញាតពីក្រសួងមហាផ្ទៃនាពេលថ្មីៗនេះបានថ្លែងថា សមាគមនេះផ្តោតតែលើការផ្សព្វផ្សាយព័ត៌មានសេដ្ឋកិច្ច ហិរញ្ញវត្ថុ ការអភិវឌ្ឍ ​សក្តានុពលវិនិយោគ ទេសចរណ៍ និងអចលនទ្រព្យជាដើម។ល។ លោកបញ្ជាក់ថា «ខ្ញុំគិតថា វាជាការចាំបាច់ណាស់ ក្នុងរួមគ្នាជាក្រុម ដើម្បីជំរុញការផ្សព្វផ្សាយ អំពីសក្តានុពលសេដ្ឋកិច្ចកម្ពុជាអោយស្រមតាមគោលនយោបាយអភិវឌ្ឍសដ្ឋកិច្ចជាតិ ឆ្នាំ២០៣០ប្រែក្លាយជាប្រទេស មានចំណូលធម្យមកំរិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០»។ លោក កៃ គឹមសុង ជាស្ថាបនិក និងជាចាងហ្វាងការផ្សាយនៃសារព័ត៌មានឌីជីថល Amazadia Education (AE) ជាអនុប្រធានសមាគមសហគ្រិនសារព័ត៌មានសេដ្ឋកិច្ចកម្ពុជាបានបន្ថែមថា នៅកម្ពុជាបច្ចុប្បន្ន កំពុងប្រឈមនឹងកង្វះខាតព័ត៌មានសេដ្ឋកិច្ច សម្រាប់វិនិយោគិនបរទេស ដែលចង់ស្វែងរកការដាក់ទន់វិនិយោគ ក្នុងប្រទេសមួយ ដែលមានច្បាប់វិនិយោគល្អនិងមានការទាក់ទាញ។លោក កៃ គីមសុង បានថ្លែងថា «ខ្ញុំគិតថា នៅពេលដែលយើងផ្សព្វផ្សាយ ពីសក្តានុពលរបស់ប្រទេសយើង អោយបានកាន់តែច្រើន នោះវិនិយោគិនបរទេស នឹងមានចំណាប់អារម្មណ៍កាន់តែខ្លាំង»។ ស្ថាបនិកសមាគមផ្សេងទៀត រូមមាន លោក លីម ឡាយហ៊ត ស្ថាបនិកសារព័ត៌មាន Asian Properties លោក សយ សុភា និពន្ឋនាយកសារព័ត៌មានដើមអំពិល លោក អាន ចាន់ថ្លា និពន្ឋនាយកសារព័ត៌មានCEN លោក ផ្លុង វិចិត្រ ស្ថាបនិកនាយកសារព័ត៌មានCCTIMES លោកស្រី ហាន ស៊ូជីន ស្ថាបនិកព្រឹត្តបត្រសកល លោក អ៊ុ សារ៉ាវុធ ស្ថាបនិកសារព័ត៌មាន CFN ជាដើម បានយល់ស្របគ្នាថា មកដល់ឆ្នាំ២០២៤នេះ សារព័ត៌មានក្នុងស្រុកភាគច្រើនបាននិងកំពុងផ្តោត លើកត្តាសុខសន្តិភាព នយោបាយ និងសង្គម។ ប៉ុន្តែសមាគមនេះ ត្រូវបំពេញបន្ថែមនូវព័ត៌មានសេដ្ឋកិច្ច គ្រប់ទម្រង់សម្រាប់អ្នកអាន។  «អ្វីៗបានផ្លាស់ប្តូរហើយលើនិន្នាការសង្គម សេដ្ឋកិច្ច ដែលប្រព័ន្ឋផ្សព្វផ្សាយនានា គួរផ្តោតលើព័ត៌មានសេដ្ឋកិច្ច និងព័ត៌មានជាចំណេះដឹង ដែលមានលក្ខណៈវិជ្ជមាន ដល់ប្រជាពលរដ្ឋឲ្យបានដឹង» នេះបើតាប្រធានសមាគម CEMEA លោក យីន លាងគង់។ លោក យិន លាងគង់ បានបន្តថា គោលដៅរបស់សមាគម គឺចង់រួមចំណែកជាមួយរាជរដ្ឋាភិបាលកម្ពុជា ក្នុងការផ្សព្វផ្សាយលើកកំពស់មុខមាត់របស់ជាតិ ទៅកាន់មជ្ឈដ្ឋានជាតិ និងអន្តរជាតិ ក៏ដូចជាចូលរួមជ្រោមជ្រែងដល់សហគ្រិន អ្នកធុរកិច្ច និងអ្នកអភិវឌ្ឍន៍នានា ឲ្យទទួលបានព័ត៌មាន ដែលមានមូលដ្ឋានច្បាស់លាស់ សម្រាប់ពួកគេ ធ្វើការពិចារណា និងសម្រេចចិត្តមកវិនិយោគនៅកម្ពុជា។ ជាមួយគ្នានេះ លោកស្រី ហានស៊ូជីន ស្ថាបនិកព្រឹត្តបត្រសកល និងជាអនុប្រធានសមាគម CEMEA បានយល់ស្របថា សារព័ត៌មានធំៗនៅកម្ពុជា បានផ្តោតលើផ្សព្វផ្សាយ រឿងសេដ្ឋកិច្ចតិចតួចណាស់ ព្រោះអ្នកសារព័ត៌មានជំនាញខាងសេដ្ឋកិច្ចនេះ មានចំនួនតិចតួចបំផុត។ ហេតុនេះ ទើបសមាគមនេះ ត្រូវបានបង្កើតឡើង ដោយអ្នកសារព័ត៌មាន ដែលមានជំនាញ និងវិជ្ជាជីវៈច្បាស់លាស់ខាងសេដ្ឋកិច្ច ដើម្បីរួមចំណែកផ្សព្វផ្សាយព័ត៌មាន សេដ្ឋកិច្ច ប្រកបដោយវិជ្ជាជីវៈ គ្រប់ជ្រុងជ្រោយ និងប្រកបដោយពុទ្ឋិ ដល់សាធារណៈជនជាតិ និងអន្តរជាតិអាចជឿ និងទុកចិត្តបាន៕ដោយៈគង់ សូរិយា

ឧបនាយករដ្ឋមន្ត្រីប្រចាំការ វង្សី វិស្សុត៖ រាជរដ្ឋាភិបាលតែងតែផ្តល់អាទិភាពខ្ពស់លើការអភិវឌ្ឍមូលធនមនុស្ស និងរិតតែជាកិច្ចការអាទិភាពសំខាន់បំផុតក្នុងយុទ្ធសាស្ត្របញ្ចកោណដំណាក់កាលទី១
ថ្ងៃទី២៨ ខែមីនា ឆ្នាំ២០២៤

(ភ្នំពេញ)៖ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានមានប្រសាសន៍ថា រាជរដ្ឋាភិបាលកម្ពុជាតែងតែផ្តល់អាទិភាពខ្ពស់លើការអភិវឌ្ឍមូលធនមនុស្ស ហើយការអភិវឌ្ឍធនធានមនុស្ស ក៏ជាកិច្ចការអាទិភាពសំខាន់បំផុតក្នុងយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលអាណត្តិទី៧ នៃរដ្ឋសភាផងដែរ។ ក្នុង១ឆ្នាំ រាជរដ្ឋាភិបាលកម្ពុជាបានចំណាយថវិកាប្រមាណជិត ១ពាន់លានដុល្លារអាម៉េរិកលើវិស័យអប់រំ ដើម្បីរួមចំណែកលើកកម្ពស់ការចូលរៀន និងគុណភាពនៃការអប់រំនៅគ្រប់ទិសទីក្នុងប្រទេសកម្ពុជា។ នេះជាការលើកឡើងរបស់ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាតំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅក្នុងកិច្ចប្រជុំទូទៅប្រចាំឆ្នាំរបស់សភាពាណិជ្ជកម្មអាម៉េរិកប្រចាំនៅកម្ពុជា និងពិធីលាងសាយភោជន៍សប្បុរសធម៌របស់សភាពាណិជ្ជកម្មអាម៉េរិកប្រចាំនៅកម្ពុជា កាលពីល្ងាចថ្ងៃទី២៧ ខែមីនា ឆ្នាំ២០២៤។ ជាមួយគ្នានេះ ឯកឧត្តមឧបនាយករដ្ឋមន្ត្រីប្រចាំការ ក៏បានបញ្ជាក់ថា យុទ្ធសាស្ត្របញ្ចកោណដំណាក់កាលទី១ ដែលត្រូវបានដាក់ឱ្យអនុវត្តដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកមនុស្សជាបេះដូងនៃយុទ្ធសាស្ត្រ ដោយក្នុងនោះការអភិវឌ្ឍមូលធនមនុស្សជាចំណែកយ៉ាងសំខាន់នៃស្នូល និងស្ទើរគ្រប់បញ្ចកោណនៃយុទ្ធសាស្ត្រនេះ។ លើសពីនេះ រាជរដ្ឋាភិបាលបានចាត់ទុកមនុស្សជាគោលដៅសំខាន់បំផុតនៃការអភិវឌ្ឍ មានន័យថាពួកគេត្រូវការរស់នៅក្នុងសន្តិភាព ប្រកបដោយសេចក្តីថ្លៃថ្នូរ និងវិបុលភាព ហើយមនុស្ស គឺជាដើមទុនដ៏មានតម្លៃបំផុត ដោយមនុស្សត្រូវមាននូវគុណភាពនៃចំណេះដឹង ជំនាញ សុខភាព និងក្រមសីលធម៌ល្អ ដើម្បីជាទុនក្នុងការអភិវឌ្ឍសង្គម និងសេដ្ឋកិច្ច។ នេះបើតាមការគូសបញ្ជាក់របស់ឯកឧត្តម វង្សី វិស្សុត។ ដើម្បីបង្ហាញជាទស្សនវិស័យទៅមុខ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានមានប្រសាសន៍ថា ទោះបីជាកន្លងមកវិស័យអប់រំមានការអភិវឌ្ឍគួរឱ្យកត់សម្គាល់ក្តី ដើម្បីឱ្យវិស័យនេះបន្តរីកចម្រើនទៅមុខទៀត ទាមទារឱ្យមានការគិតគូរគ្រប់ជ្រុងជ្រោយពីគ្រប់ទិដ្ឋភាព។ ក្នុងនោះ ក្នុងទិដ្ឋភាពថវិកា វិស័យអប់រំត្រូវទទួលបានការបែងចែកថវិកាសមរម្យ (allocative) និងត្រូវចំណាយថវិកាទាំងនោះប្រកបដោយប្រសិទ្ធភាព (efficiency) និងចំគោលដៅ សំដៅលើកកម្ពស់លទ្ធភាពទទួលបានការអប់រំផង (access) និងគុណភាពនៃការអប់រំផង (quality)។ លើសពីនេះ បន្ថែមលើអភិក្រម«ការអប់រំសម្រាប់ទាំងអស់គ្នា» (Education for all) ក្នុងការអភិវឌ្ឍវិស័យអប់រំ ភាគីពាក់ព័ន្ធត្រូវចាប់យកបន្ថែមនូវអភិក្រម «ទាំងអស់គ្នាដើម្បីការអប់រំ» (All for education) ដើម្បីកៀរគររាល់ភាគីពាក់ព័ន្ធទាំងអស់ រួមទាំងរាជរដ្ឋាភិបាល  វិស័យឯកជន អង្គការក្រៅរដ្ឋាភិបាល លោកគ្រូអ្នកគ្រូ អាណាព្យាបាល ឪពុកម្តាយ និងគ្រប់ភាគីក្នុងសហគមន៍ឱ្យចូលរួមក្នុងបុព្វហេតុលើកកម្ពស់ការអប់រំរបស់សិក្សានុសិស្ស ដែលសុទ្ធសឹងតែជាកត្តាចាំបាច់ ខានពុំបាន។ក្នុងស្មារតីនេះ ឧបនាយករដ្ឋមន្ត្រីប្រចាំការ វង្សី វិស្សុត ក៏បានលើកទឹកចិត្តឱ្យវិស័យឯកជន និងភាគីពាក់ព័ន្ធទាំងអស់ចាប់ដៃគូជាមួយគ្នា និង ជាមួយរាជរដ្ឋាភិបាល ដើម្បីសិក្សាស្វែងយល់អំពីសកម្មភាពការងាររបស់គ្នាទៅវិញទៅមក ឱ្យបានច្បាស់លាស់ និងរួមគ្នាកសាងកម្មវិធី និងគម្រោងអប់រំ និងបណ្តុះបណ្តាល ដែលមានលក្ខណៈបំពេញបន្ថែមឱ្យគ្នា ដើម្បីទាញយកផលជាអតិបរមាពីសហថាមភាព នៃកិច្ចសហប្រតិបត្តិការនេះ។ ជាមួយគ្នានេះ ឯកឧត្តម វង្សី វិស្សុត បានលើកទឹកចិត្តឱ្យភាគីទាំងអស់រួមគ្នាគិតគូរ និងស្វែងរកដំណោះស្រាយថ្មីៗ (creative ways) ដើម្បីរួបរួមអភិវឌ្ឍវិស័យអប់រំ និងជាពិសេសផ្សារភ្ជាប់ការរៀបចំកម្មវិធីអប់រំទាំងអស់ ជាមួយនឹងតម្រូវការជាក់ស្តែងរបស់ទីផ្សារ ដើម្បីធានាចីរភាពនៃការអភិវឌ្ឍវិស័យអប់រំ ក៏ដូចជាការអភិវឌ្ឍសេដ្ឋកិច្ច។ឆ្លៀតក្នុងឱកាសនោះដែរ ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានជម្រាបអង្គពិធីទាំងមូលអំពីការផ្តាំផ្ញើថ្លែងអំណរគុណយ៉ាងជ្រាលជ្រៅរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ជូនចំពោះសភាពាណិជ្ជកម្មអាម៉េរិកប្រចាំនៅកម្ពុជា ដែលបានកៀរគរមូលនិធិអាហារូបករណ៍រហូតដល់ទៅ១០ម៉ឺនដុល្លារសហរដ្ឋអាម៉េរិក ហើយប្រសិទ្ធនាមអាហារូបករណ៍នេះជា អាហារូបករណ៍សម្តេចមហាបវរធិបតី ហ៊ុន ម៉ាណែត។ ក្នុងឱកាសនេះដែរ ឯកឧត្តមឧបនាយករដ្ឋមន្ត្រីប្រចាំការ ក៏បាននាំយកនូវអំណោយដ៏ថ្លៃថ្លារបស់ សម្តេចធិបតីនាយករដ្ឋមន្ត្រី ជាទឹកប្រាក់ទំហំ ១ម៉ឺនដុល្លារសហរដ្ឋអាម៉េរិក ដើម្បីជាវិភាគទានបន្ថែមដល់មូលនិធិអាហារូបករណ៍ខាងលើផងដែរ។ ជាមួយគ្នានេះ ឯកឧត្តម វង្សី វិស្សុត ក៏បានថ្លែងអំណរគុណដល់សភាពាណិជ្ជកកម្មអាមេរិកប្រចាំនៅកម្ពុជា ដែលបានសហការរៀបចំកម្មវិធីនេះឡើង ដើម្បីកៀរគរវិភាគទានជូនអង្គការក្រៅរដ្ឋាភិបាល សម្រាប់បន្តរួមចំណែកក្នុងការលើកកម្ពស់ការអប់រំក្នុងព្រះរាជាណាចក្រកម្ពុជា។ជាកិច្ចបញ្ចប់ ឯកឧត្តមឧបនាយករដ្ឋមន្ត្រីប្រចាំការ បានផ្តាំផ្ញើឱ្យសភាពាណិជ្ជកម្មអាម៉េរិកប្រចាំនៅកម្ពុជា បន្តកិច្ចខិតខំប្រឹងប្រែងទាំងនេះ និងចូលរួមផ្តល់ឱកាសបន្ថែមដល់កុមារាកុមារី យុវជនយុវនារី និងសិស្សានុសិស្សកម្ពុជាឱ្យទទួលបានឱកាសគ្រប់គ្រាន់ និងស្មើៗគ្នាក្នុងការទទួលបានការអប់រំដែលមានគុណភាព។ ឧបនាយករដ្ឋមន្ត្រីប្រចាំការ វង្សី វិស្សុត ក៏បានបង្ហាញនូវការគាំទ្រ និងការត្រៀមខ្លួនរួចជាស្រេចរបស់រាជរដ្ឋាភិបាលកម្ពុជា និងរូបលោកផ្ទាល់ក្នុងការចូលរួមក្នុងកិច្ចខិតខំប្រឹងប្រែងនេះ៕

ឯកឧត្តម ហេង សួរ អំពាវនាវឱ្យជ័យលាភីនៃសាលាបច្ចេកទេសដុនបូស្កូ ធ្វើជាអ្នកនាំសារផ្សព្វផ្សាយពីជំនាញបច្ចេកទេសដល់យុវជនមកពីគ្រួសារក្រីក្រ
ថ្ងៃទី២៨ ខែមីនា ឆ្នាំ២០២៤

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃព្រហស្បតិ៍ ទី២៨ ខែមីនា ឆ្នាំ២០២៤នេះ បានអំពាវនាវឱ្យដល់ជ័យលាភីនៃសាលាបច្ចេកទេសដុនបូស្កូ ឱ្យធ្វើជាអ្នកនាំសារផ្សព្វផ្សាយពីវគ្គជំនាញបច្ចេកទេសវិជ្ជាជីវៈទៅដល់យុវជនកម្ពុជាដែលមកពីគ្រួសារក្រីក្រ និងងាយរងហានិភ័យនៅតាមភូមិស្រុក ឱ្យចូលសិក្សាជំនាញទាំងនេះ ដើម្បីឆាប់ទទួលបានការងារធ្វើ និងទទួលបានការងារសមរម្យសម្រាប់ជួយជ្រោមជ្រែងគ្រួសារ។ការអំពាវនាវបែបនេះ គឺធ្វើឡើងក្នុងពេលដែលឯកឧត្តមរដ្ឋមន្ត្រី អញ្ជើញជាអធិបតីក្នុងពិធីប្រគល់សញ្ញាបត្រដល់សិស្សនិស្សិត សាលាបច្ចេកទេស ដុនបូស្កូ ភ្នំពេញ និងមជ្ឈមណ្ឌលបណ្តុះបណ្តាលវិជ្ជាជីវៈដុនបូស្កូ ទួលគោក នៃអង្គការមូលនិធិដុនបូស្កូកម្ពុជាអន្តរជាតិ ចំនួន១១២៨នាក់ដែលបានសិក្សាពីឆ្នាំ២០១៣ដល់ឆ្នាំ២០២០។  ឯកឧត្តមរដ្ឋមន្ត្រី បានលើកឡើងថា អតីតសិស្ស និស្សិត ឬសិក្ខាកាមដែលជាអ្នកបញ្ចប់ការសិក្សា និងកំពុងបម្រើការងារឬប្រកបមុខរបរផ្សេងៗ ដោយសារតែជំនាញបច្ចេកទេសវិជ្ជាជីវៈទាំងជាង១១០០នាក់នេះ នឹងអាចក្លាយជាអ្នកនាំសារនិងជាអ្នកផ្សព្វផ្សាយយ៉ាងមានប្រសិទ្ធិភាពបំផុតដើម្បីបំផុសឱ្យយុវជនមកពីគ្រួសារក្រីក្រ ឬងាយរងគ្រោះ ចាប់អារម្មណ៍សិក្សាជំនាញបច្ចេកទេស។ ជំនាញបច្ចេកទេសដែលជាយន្តការផ្លូវការត់ឱ្យមានជំនាញជាក់លាក់រយៈពេលខ្លី និងឆាប់ទទួលបានការងារធ្វើដើម្បីជួយផ្គត់ផ្គង់ជីវភាពខ្លួនឯង និងក្រុមគ្រួសារ។ សម្រាប់ឯកឧត្តមរដ្ឋមន្ត្រី ការជួយផ្សព្វផ្សាយ គឺជាកិច្ចការគុណធម៌មួយក្នុងនាមជាពលរដ្ឋខ្មែរម្នាក់ដែលជួយផ្សព្វផ្សាយឱ្យយុវជនដែលមកពីគ្រួសារក្រីក្រ ឬងាយរងហានិភ័យ មានជំនាញបច្ចេកទេសដែលជាឈ្នាន់ឱ្យមានជីវភាពកាន់តែប្រសើរតាមរយៈជំនាញបច្ចេកទេស បើទោះបីសិក្សានៅសាលាបច្ចេកទេសរបស់រដ្ឋាភិបាល ឬអង្គការនានាក៏ដោយ។ឯកឧត្តមរដ្ឋមន្ត្រី អះអាងប្រាប់អង្គពិធីថា ការសិក្សាជំនាញបច្ចេកទេសវិជ្ជាជីវៈ គឺជាជម្រើសត្រឹមត្រូវសម្រាប់យុវជនដែលត្រូវការចំណូលលឿន ហើយមិនបង្កជាបន្ទុកគ្រួសារ ប៉ុន្តែផ្ទុយទៅវិញជួយផ្គត់ផ្គង់គ្រួសារឱ្យកាន់តែធូស្រាលមួយកម្រិតទៅវិញ ហើយក្រោយការសិក្សាបច្ចេកទេសវិជ្ជាជីវៈនេះ សិស្សនិសិ្សតទាំងអស់ នៅតែបន្តសិក្សាទៅមហាវិទ្យាល័យបានដដែល។ភ្ជាប់នឹងការអំពាវនាវនេះ ឯកឧត្តមរដ្ឋមន្ត្រី បានគូសបញ្ជាក់ដល់ជ័យលាភីទាំងអស់អំពីកម្មវិធីបណ្តុះបណ្តាលបច្ចេកទេសវិជ្ជាជីវៈដល់យុវជនមកពីគ្រួសារក្រីក្រដែលជាកម្មវិធីថ្នាក់ជាតិដែលបានដាក់ចេញដោយប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត កាលពីខែវិច្ឆិកា ឆ្នាំ២០២៣ ដើម្បីឱ្យយុវជនកម្ពុជាដែលជាក្រុមគោលដៅមានជំនាញ និងមានឱកាសទទួលបានការងារសមរម្យឆាប់រហ័ស។ នៅចំពោះមុខជ័យលាភី និងសិស្សនៃសាលាបច្ចេកទេសដុនបូស្កូ ឯកឧត្តមរដ្ឋមន្ត្រី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សាលាដែលបានបណ្តុះបណ្តាលជំនាញបច្ចេកទេសជាង៣០ឆ្នាំនៅកម្ពុជាដែលធ្វើឱ្យវិស័យឯកជនទទួលស្គាល់ពីគុណភាពនៃការបណ្តុះបណ្តាល៕

ប្រាសាទថៃសាងសង់ចម្លងតាម ប្រាសាទអង្គរវត្តខ្មែរចេញជារូបរាង ហើយបន្តសាងសង់ឥតឈប់ឈរ!
ថ្ងៃទី២៨ ខែមីនា ឆ្នាំ២០២៤

(សង្គម)៖ រូបភាពជាច្រើនសន្លឹកដែលបង្ហាញអំពី ប្រាសាទថ្ម SIHANAKHON នៅ WAT PHU MAN FAH ស្ថិតនៅខេត្តបូរីរាំ ដែលប្រាសាទរបស់ថៃកំពុងដំណើរការសាងសង់ឥតឈប់ឈរ ហើយពេលនេះការសាងសង់របស់គេក៏បានលេចចេញរូបរាង ធ្វើឱ្យមហាជននិយមលេង បណ្ដាញសង្គមផ្ទុះការចែករំលែកជាថ្មីម្ដងទៀត ក្រោយប្រជាពលរដ្ឋខ្មែរយល់ឃើញថា រូបរាងរបស់ប្រាសាទថ្មដែលថៃ កំពុងសាងសង់ឡើងនេះ មានការរចនាដូចទៅនឹង ប្រាសាទអង្គរវត្តខ្មែរ មិនថាផ្លូវដើរ និងកំពូលមុខ៣របស់ប្រាសាទនោះទេ គឺរចនាបទចម្លងតាមប្រាសាទអង្គរវត្តខ្មែរយើងតែម្ដង។  ជាក់ស្ដែង បើយោងតាមផេក Thai Culture to the World បានធ្វើការបង្ហោះរូបភាព ជាច្រើនសន្លឹកអំពីប្រាសាទថ្មនេះ អមដោយខ្លឹមសារថា «វិវត្តន៍អំពីការសាងសង់ប្រាសាទ SIHANAKHON នៅ WAT PHU MAN FAH Thai Temple (ប្រាសាទថៃ) នាខែមករា ឆ្នាំ 2024 ក្នុងស្រុក Nang Rong ខេត្ត Buriram ដែលបំផុសគំនិត ដោយប្រាសាទថ្មបុរាណ របស់ប្រទេសថៃ ដូចជាប្រាសាទ Hin Phanom Rung, Muang Tam, Phimai, និង Phra Prang Sam Yot»។ ជាងនេះទៅទៀត ផេក Amazings World Culture Club ក៏បានធ្វើការចែករំលែកបន្តអមដោយខ្លឹមសារថា «សូមស្វាគមន៍មកកាន់ប្រទេសថៃ ទឹកដីនៃប្រាសាទថ្មបុរាណ ព្រោះយើងជាជនជាតិថៃ ចូលចិត្តឆ្លាក់ថ្ម ហើយយកមកសាងសង់ប្រាសាទតាំងពីពាន់ឆ្នាំមុនរហូតដល់បច្ចុប្បន្ន រូបភាពនៃប្រាសាទ Maha Prasat Phu Man Fah Thai (កំពុងសាងសង់) Buriram»។ ទោះជាយ៉ាងណាណា តើមហាជននិយមលេងបណ្ដាញសង្គមយល់ឃើញយ៉ាងណាដែរ នៅពេលដែលមើលរូបភាពជាច្រើនអំពីប្រាសាទថ្ម SIHANAKHON ដែលថៃបានសាសង់នាពេលនេះ????

គណៈប្រតិភូរុស្ស៊ីធ្វើដំណើរទស្សនកិច្ចនៅទីក្រុងព្យុងយ៉ាង ដើម្បីពិភាក្សាអំពីកិច្ចសហប្រតិបត្តិការ ប្រឆាំងនឹងចារកម្ម
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ ប្រព័ន្ធផ្សព្វផ្សាយរដ្ឋ KCNA បានរាយការណ៍ថា គណៈប្រតិភូនៃការិយាល័យចារកម្ម ខាងក្រៅរបស់រុស្ស៊ី បានធ្វើទស្សនកិច្ចនៅរដ្ឋធានីព្យុងយ៉ាងរបស់កូរ៉េខាងជើង ហើយបានពិភាក្សា អំពីការជំរុញកិច្ចសហប្រតិបត្តិការប្រឆាំងនឹងការធ្វើចារកម្ម។យោងតាម KCNA បានឱ្យដឹងថា នាយកការិយាល័យលោក Sergei E Naryshkin និងរដ្ឋមន្ត្រីសន្តិសុខរដ្ឋ កូរ៉េខាងជើង Ri Chang Dae បានពន្យល់គ្នាទៅវិញទៅមកអំពីស្ថានភាពអន្តរជាតិ និងតំបន់ទាក់ទងនឹង ឧបទ្វីបកូរ៉េ និងរុស្ស៊ី។KCNA បានបន្ថែមថា ក្នុងអំឡុងពេលទស្សនកិច្ចមន្ត្រីនៃការិយាល័យស៊ើបការណ៍សម្ងាត់ និងក្រសួង ក៏ បានធ្វើការពិភាក្សាកម្រិតការងារផងដែរ។ទីភ្នាក់ងារសារព័ត៌មានរដ្ឋបាននិយាយថា ភាគីទាំងពីរក៏បានពិភាក្សាផងដែរអំពីការជំរុញកិច្ចសហ ប្រតិបត្តិការ បន្ថែមទៀតដើម្បីដោះស្រាយជាមួយនឹង "ការធ្វើចារកម្ម និងផែនការដែលកំពុងកើនឡើង ដោយកងកម្លាំងអរិភាព" ។គណៈប្រតិភូកូរ៉េខាងជើងដែលកំពុងបំពេញទស្សនកិច្ចនៅវៀតណាមដឹកនាំដោយលោក Kim Song Nam ប្រធាននាយកដ្ឋានអន្តរជាតិនៃគណបក្សពលករកូរ៉េខាង ជើងក៏បានជួបប្រជុំគ្នានៅទីក្រុងហាណូយ ជាមួយលោកស្រី Truong Thi Mai សមាជិកអចិន្ត្រៃយ៍នៃលេខាធិការដ្ឋានបក្សកុម្មុយនិស្តវៀតណាម ដែរ៕

មហាជនជាច្រើន បាននាំគ្នាស្នើរសុំឱ្យយក«នំបញ្ចុក»ជំនួស«ហហ្មុក» ធ្វើជាម្ហូបសម្រាប់តំណាងប្រទេសកម្ពុជាវិញ ព្រោះហេតុផលទាំងអស់នេះ
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ នារយៈពេលថ្មីៗនេះ មានការបញ្ចេញមតិយោបល់ជាច្រើនពីសំណាក់មហាជន ការស្នើរសុំ ឱ្យ«នំបញ្ចុក» ធ្វើជាម្ហូបសម្រាប់តំណាងកម្ពុជា វិញជាង ជាង ការ យក «ហហ្មុក» ធ្វើជាម្ហូបសម្រាប់តំណាងកម្ពុជា ដោយពួកគេ បានលើកឡើងនូវហេតុផលសមស្របមួយចំនួន ដែលអាចឱ្យថ្នាក់ដឹកនាំគិតគូរឡើងវិញជុំវិញ ករណីមួយនេះ។ ជាការពិតណាស់ «នំបញ្ចុក»គឺជាមុខម្ហូបមួយប្រភេទ ដែលប្រជាពលរដ្ឋខ្មែរនិយមចូលចិត្តនៅក្នុងសង្គមខ្មែរនាពេលបច្ចុប្បន្ននេះ ជាងនេះទៅទៀត នំបញ្ចុក មានជីរជាតិសំខាន់ច្រើនយ៉ាង ដោយសារគ្រឿងផ្សំផ្សេងៗដទៃទៀតដូចជា៖ មានទឹកសម្លខ្មែរ និង របោយបន្លែ ទៅតាមចំណង់ចំណូលចិត្តរបស់មនុស្សម្នាក់ៗ និង តាមតំបន់នីមួយៗ ជាពិសេស រសជាតិឈ្ងុយឆ្ងាញ់ ងាយស្រួលក្នុងការចំអិន ហើយទៅដល់ទីកន្លែងណាក៏មាន មានលក់និង មានតម្លៃធូរថ្លៃថែមទៀតផង។ ជាក់ស្តែង យោងតាម ផេក Rainy Sokhonn បានបង្ហោះនូវអត្ថបទមួយដ៏មានអត្ថប្រយោជន៍ទាក់ទងទៅនឹង «នំបញ្ចុក» ហើយ ក៏ត្រូវបានអ្នកលេងបណ្តាញសង្គមជាច្រើន បង្ហាញការគាំទ្រជាខ្លាំងផងដែរ ។ សម្រាប់ខ្លឹមសារទាំងស្រុងដែលម្ចាស់គណនីខាងលើបានបង្ហោះមានខ្លឹមសារដូចតទៅ៖ «នំបញ្ចុក មិនលើកតម្កើងជាមុខម្ហូបជាតិ គួរតែមានបទល្មើសឈប់រុញគ្រាន់តែអាម៉ុកទៅទេសចរទៅ ៖ ជាចានរាជវង្ស គ្មានអ្នកធម្មតាធ្វើនៅផ្ទះទេ ហើយវចនានុក្រមខ្មែរផ្លូវការ រៀបរាប់ឈ្មោះ ហប ហ ជាពាក្យកម្ចីថៃ។នំបញ្ចុក, នំបញ្ចុក ជាម្ហូបអាហារទូទៅប្លែកពីគេនៅកម្ពុជា អាចរកបានពីទីក្រុងមួយទៅជនបទ មានតម្លៃសមរម្យ បៃតងសុខភាពល្អ និងមានសារៈសំខាន់ពីប្រវត្តិសាស្ត្រ/វប្បធម៌ (បានលើកឡើងក្នុងរឿងនិទានរបស់នេង). យើងគួរតែលើកស្ទួយនេះជាមុខម្ហូបជាតិយើង ដោយមានការប្រែប្រួលខុសៗគ្នាគឺ សំឡរបៃតងខ្មែរ ការីក្រហម សំឡរណាំយ៉ា ទឹកម្ហិច ជាដើម។ពាក្យថាបាញ់ចក់ (ចិញ្ចឹមកូន) ជាពាក្យថ្នមចិត្ត ជាទង្វើរបស់ម្តាយចិញ្ចឹមកូន។ វាជាអាហារជុំគ្រួសារ។ នៅពេលដែលអ្នកឃ្លានចានអ្នកអាចរូបភាពការមើលឃើញរបស់ស្ត្រីម្នាក់ដែលយួរលើស្មារបស់នាងបង្គោលឈើធ្វើឱ្យមានតុល្យភាពនំបញ្ចុកនិងស៊ុប។ នេះអាចជារូបតំណាងនៃវប្បធម៌ម្ហូបអាហាររបស់យើងបានយ៉ាងងាយស្រួល។លើសពីនេះទៅទៀត អាហារតាមផ្លូវដែលពេញនិយមក្នុងចំណោម vloggers ដូចជា បាយស្រូប (បាយសាច់ជ្រូក) ឡុកឡាក់សាច់គោ (ឆាសាច់គោខាប់) លតឆារ (ឃ្មុំបំពងតៃបាក់) និង Beef Skewers ក៏គួរតែត្រូវបានប្រារព្ធបន្ថែមទៀតផងដែរ។ យើងមានម្ហូបប្លែកៗបន្ថែមទៀតដើម្បីបង្ហាញដល់ជនបរទេស ដូចជា សំឡម្ជូរគ្រឿង (សម្លម្ជូរគ្រឿង) សំឡរកកូរ (សម្លកខ្នុរ) ឈៀនជួន (ចៀនន) ត្រីប្រៃ Omelette (ទទទ័រស្វាម) ជាដើម។ សូម្បីតែអាហារពេលព្រឹក គុយទាវយើងក៏ប្លែកដែរ ដល់ថ្នាក់យួនហៅថា H ủ Tiếu Nam Vang ( Cho ,ng / Phnom Penh styled noodled noodle). តោះផ្លាស់ប្តូរទេសចរណ៍ម្ហូបអាហារ។យ៉ាងណាមិញក្រោយ ការបង្ហោះ ពីសំនាក់ម្ចាស់គណនីខាងលើហើយនោះ ឃើញថា មហាជនជាច្រើន បានស៊ែរចែករំលែកព្រោង និង ជាពិសេសស្នើរឱ្យស្ថាប័នដែលពាក់ព័ន្ធ គួរតែគិតគូរឱ្យវិញ ជុំវិញម្ហូបតំណាងកម្ពុជាយើងដែរ ៕

បាតុភូតសូរ្យគ្រាស នឹងកើតឡើងនាដើមខែមេសាខាងមុខ គ្រប់ដណ្ដប់លើតំបន់ និងប្រទេសទាំងនេះ!
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ ផ្នែកខ្លះនៃប្រទេសម៉ិកស៊ិក កាណាដា រួមជាមួយសហរដ្ឋអាមេរិក នៅពេលដែល ព្រះច័ន្ទឆ្លងកាត់រវាងព្រះអាទិត្យ និងផែនដី ដោយលេបព្រះអាទិត្យទាំងស្រុងអស់រយៈពេលជាច្រើននាទី។ យោងតាមវេបសាយ FOX Weather បានចេញការព្យាករណ៍ជាផ្លូវការលើកដំបូងរបស់ខ្លួនសម្រាប់ថ្ងៃទី 8 ខែមេសា ដោយបង្ហាញថា អ្នកណាមានឱកាសល្អបំផុតក្នុងការមានផ្ទៃមេឃច្បាស់ ក្នុងអំឡុងពេលព្រឹត្តិការណ៍តារាសាស្ត្រ។ សាលារៀនជាច្រើននៅក្នុងរដ្ឋតិចសាស់ រដ្ឋ Indiana រដ្ឋ Ohio រដ្ឋ Vermont ទីក្រុង New York រដ្ឋ New Jersey និងរដ្ឋ Pennsylvania បានរៀបចំផែនការសាលារៀនជំនួស របាយការណ៍របស់ FOX News ដោយទទួលស្គាល់ថា ភាពងងឹតទាំងស្រុងអាចជាគ្រោះថ្នាក់ ព្រោះវាអាចធ្វើឱ្យរំខានដល់អ្នកបើកបរ និងអ្នកធ្វើដំណើរតាមដងផ្លូវ។ទោះបីជាសាលារៀននៅតាមជនបទមួយចំនួននៅក្នុងផ្លូវនៃចំនួនសរុបបានជ្រើសរើសបិទក៏ដោយ ក៏មណ្ឌលសាលារៀនធំ ៗ ភាគច្រើនបានសម្រេចចិត្តបន្តបើក។ ស្រុកសាលាឯករាជ្យ Dallas រួមជាមួយនឹងសាលា North Texas ធំៗចំនួន 18 ផ្សេងទៀត នឹងបើកឱ្យឃើញបាតុភូតសូរ្យគ្រាស។ លើសពីនេះទៀត តាមតំបន់មួយចំនួននៅអាមេរិក កំពុងផ្តល់ជូនសិស្សានុសិស្សនូវវ៉ែនតា សំខាន់ៗដែលបរិច្ចាគដោយសារមន្ទីរ Perot ដើម្បីធានាសុវត្ថិភាពរបស់ពួកគេ ក្នុងអំឡុងពេលព្រឹត្តិការណ៍សូរ្យគ្រាសកើតឡើង។សូរ្យគ្រាសមួយផ្នែកនៅអាត្លង់តា គ្រោងនឹងចាប់ផ្តើមនៅម៉ោង 1:45 រសៀល។ និងមានរយៈពេលរហូតដល់ ម៉ោង 4:21 រសៀល ដោយភាពងងឹតអតិបរមាកើតឡើងនៅម៉ោង 3:04 រសៀល។ ការសម្រេចចិត្ត របស់ក្នុងរដ្ឋមួយចំនួនក្នុងការបិទសាលារៀន ដោយមានការជូនដំណឹងតិចជាង ពីរសប្តាហ៍ បានធ្វើឱ្យឪពុកម្តាយមួយចំនួនមានការរអាក់រអួលក្នុងការស្វែងរកការថែទាំកុមារដែលបណ្តាលឱ្យមានការខកចិត្តក្នុងចំណោមពួកគេ។ សាលាសាធារណៈ Livingston ក្នុងរដ្ឋ New Jersey នឹងបិទនៅព្រឹកព្រលឹម នៅថ្ងៃនៃសូរ្យគ្រាស ដើម្បីការពារកុមារពីការសម្លឹងមើលព្រះអាទិត្យដោយផ្ទាល់។ អ្នកជំនាញបានលើកឡើងថា ប្រសិនបើសិស្សានុសិស្សទាំងអស់ចង់មើល បាតុភូតសូរ្យគ្រាស ពួកគេត្រូវមានឧបករណ៍ការពារភ្នែក ប្រសិនបើមើលនឹងភ្នែកទទេរនោះ និងបង្កគ្រោះថ្នាក់ធ្ងន់ធ្ងរដល់ភ្នែក ឬអាចខូចភ្នែកតែម្ដង។ សូរ្យគ្រាសសរុបបន្ទាប់ នឹងមិនឆ្លងកាត់ភាគច្រើននៃសហរដ្ឋអាមេរិក ម្តងទៀតទេរហូតដល់ឆ្នាំ 2044៕

សុនខអាយុ៦ខែ ត្រូវបានបង្វឹកឱ្យធ្វើប៉ូលីសចិន
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ Fu Zai ជាកូនឆ្កែដ៏គួរឲ្យស្រលាញ់អាយុត្រឹមតែប្រាំមួយខែ ដែលត្រូវបានបង្វឹកអោយ ធ្វើជាឆ្កែប៉ូលីស corgi ដំបូងបង្អស់របស់ប្រទេសចិន បានបង្ហាញខ្លួនជាលើកដំបូងក្នុងថ្ងៃបើក ជំរុំប៉ូលីសក្នុង Weifang ខេត្ត Shandong។ការបង្ហាញខ្លួនលើកដំបូងជាថ្មីម្តងទៀត បានធ្វើឱ្យប៉ះពាល់ការគាំទ្រយ៉ាងខ្លាំង លើអ៊ីនធឺណិត ដោយសារស្នាមញញឹមដ៏លេចធ្លោរបស់វា ជើងខ្លីប្លែកៗ និងសមត្ថភាពស្វែងរកឧបករណ៍ បំផ្ទុះដ៏ល្អឥតខ្ចោះ។ក្នុងនាមជាឆ្កែប៉ូលីស Fu Zai ប្រឈមមុខនឹង "បន្ទុកការងារធ្ងន់ ការបណ្តុះបណ្តាលត្រូវបានកំណត់ ពេលសម្រាប់រាល់ព្រឹក និងពេលរសៀល ដែលពាក់ព័ន្ធនឹងមុខវិជ្ជាជាច្រើន ដូចជាលំហាត់គោរពប្រតិបត្តិ ការស្វែងរកគ្រាប់បែក បច្ចេកទេសហិតក្លិនជាដើម។ ពេញមួយដំណើរការនេះ Fu Zai លេចធ្លោ និងពូកែជាងគេក្នុងចំណោមឆ្កែជាច្រើន។ទោះជាយ៉ាងណាក៏ដោយ អ្នកខ្លះមានការងឿងឆ្ងល់ថា តើឆ្កែប៉ូលីសដ៏គួរឲ្យស្រលាញ់នេះអាចយកឈ្នះ ឧបសគ្គបាន ឬយ៉ាងណា ហើយដេញតាមចាប់ជនសង្ស័យ ដោយរបៀបណា។Fu Zai ធ្វើបានល្អដោយសារគុណសម្បត្តិពិសេសរបស់វាក្នុងការហ្វឹកហាត់។ បន្ទាប់ពីការហ្វឹកហ្វឺនរយៈពេល 4 ខែ Fu Zai ឥឡូវនេះអាចទាញយកអត្ថប្រយោជន៍ពីជើងខ្លី ដើម្បីស៊ើបអង្កេត ដោយផ្ទាល់នៅក្រោមរថយន្ត ហើយងាយស្រួលចូលទៅ និងស្វែងរកកន្លែងចង្អៀត និងអាចធ្វើឱ្យប្រសើរឡើងនូវអន្តរកម្មរវាងសត្វឆ្កែប៉ូលីស និងសាធារណៈជន ដោយសារតែរូបរាងដ៏គួរ អោយស្រលាញ់៕

ដូចខ្វះកន្លែង! ចតឡានលេងបៀរនៅផ្លូវល្បឿនលឿន បុរស៤នាក់ត្រូវប៉ូលីសវៀតណាមចាប់ខ្លួន
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ បុរសបួននាក់ត្រូវបានប៉ូលីសចរាចរណ៍ចាប់ខ្លួន ពីបទចតរថយន្តរបស់ពួកគេ នៅលើផ្លូវ បន្ទាន់នៃផ្លូវល្បឿនលឿន ពីទីក្រុងហាណូយ-ហាយផុងភាគខាងជើងប្រទេសវៀតណាម ដើម្បីលេងល្បែងស៊ីសង។នាយកដ្ឋាននគរបាលចរាចរណ៍ ក្រោមក្រសួងសន្តិសុខសាធារណៈ បាននិយាយថា បុរសទាំងនោះ ត្រូវបានប្រគល់ទៅឱ្យប៉ូលីស នៅក្នុងខេត្ត Hai Duong ដើម្បីដាក់ឱ្យស្ថិតនៅក្រោមការស៊ើបអង្កេតពីបទ ល្បែងស៊ីសងខុសច្បាប់។វេលាម៉ោង 3:30 រសៀល មន្ត្រីប៉ូលិសចរាចរណ៍បានរកឃើញរថយន្តដឹកទំនិញមួយ បានចតនៅលើផ្លូវ សង្គ្រោះបន្ទាន់នៃផ្លូវល្បឿនលឿនចំនួនប្រាំមួយខ្សែ ដែលរត់ពីទីក្រុងហាណូយទៅ Hung Yen, Hai Duong និង Hai Phong ។​តាម​ការ​ត្រួតពិនិត្យ​សមត្ថកិច្ច​បាន​រក​ឃើញ​ថា​អ្នកបើកបរ​និង​បុរស​បី​នាក់​ មានអាយុ​៣៦-៤៣​ឆ្នាំ​លេង​ល្បែងស៊ីសង​ក្នុង​កាប៊ីន​។ពួកគេបានសារភាពចំពោះប៉ូលីសថា ពួកគេបានដឹកជញ្ជូនទំនិញ ប៉ុន្តែនៅតាមផ្លូវទៅផ្ទះ ពួកគេបាន ឈប់សម្រាកនៅផ្លូវសង្គ្រោះបន្ទាន់ និងលេងល្បែងស៊ីសង។ចំនួន​លុយ​លេង​ល្បែង​ស៊ីសង​មិន​ត្រូវ​បាន​អាជ្ញាធរ​ប្រកាស​ឱ្យ​ដឹងទេ៕

សង្សារ Taylor Swift ត្រូវចំណាយលុយយ៉ាងហោចណាស់៨លានដុល្លារ ដើម្បីទាក់ទងស្នេហា ជាមួយនាង
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ អ្នកជំនាញប៉ាន់ប្រមាណថា តារាបាល់ទាត់អាមេរិក លោក Travis Kelce បានចំណាយប្រាក់ យ៉ាងតិច 8.2 លានដុល្លារ នៅពេលណាត់ជួបជាមួយនឹងតារាចម្រៀងល្បី  Taylor Swift ដោយគ្រប ដណ្តប់លើការចំណាយ ដូចជាការហោះហើរយន្តហោះឯកជន និងអំណោយផ្សេងៗ ។របាយការណ៍ពី New York Post គូសបញ្ជាក់ថា ការចំណាយរបស់អ្នកទាំងពីរ លើលំនៅដ្ឋានចំនួន 6 លានដុល្លារ អាមេរិក ដែលមានទីតាំងនៅ Leawood រដ្ឋ Kansas ក្នុងគោលបំណងសម្រាប់ ឯកជនភាពរបស់ពួកគេ។វិមាននេះមានទំហំជាង 17000 ហ្វីតការ៉េ ក្នុងតំបន់ដ៏សម្បូរបែបបំផុតរបស់ប្រទេសនេះ ត្រូវបានបំពាក់ ដោយគ្រឿងបរិក្ខារប្រណិតៗដូចជា អាងហែលទឹកធំទូលាយ ទីលានវាយកូនបាល់ និងទីលានវាយកូន ហ្គោល ខ្នាតតូច។កីឡាកររូបនេះក៏បានបែងចែកប្រាក់ជាង 1.2 លានដុល្លារសម្រាប់ការធ្វើដំណើរតាមយន្តហោះឯកជន ទៅកាន់ប្រទេសអាហ្សង់ទីន អូស្ត្រាលី និងសិង្ហបុរី ដើម្បីអមដំណើរ Swift ក្នុងអំឡុងពេល "The Eras Tour" របស់នាង។ការធ្វើដំណើររបស់លោក ទៅកាន់ទីក្រុងស៊ីដនីសម្រាប់ការសម្តែងរបស់ Swift នៅចុងខែកុម្ភៈ ត្រូវបានគេ រាយការណ៍ថាបានចំណាយប្រហែល 34ម៉ឺនដុល្លារអាមេរិក ខណៈដែលដំណើរទស្សនកិច្ចរបស់លោក ទៅកាន់ប្រទេសសិង្ហបុរីដើម្បីជួបជាមួយ Swift នៅដើមខែមីនា ត្រូវបានគេប៉ាន់ស្មានថាមានជិត 57ម៉ឺន ដុល្លារ។លោកKelce បានចំណាយបន្ថែម 1 លានដុល្លារសម្រាប់ការធានាឈុតមួយ សម្រាប់ Swift គ្រួសាររបស់ នាង បងប្រុសរបស់នាង និងសមាជិកគ្រួសាររបស់គាត់សម្រាប់ឱកាស Super Bowl ក្នុងខែកុម្ភៈ។លើសពីនេះ អំណោយដ៏ថ្លៃថ្លារបស់ Kelce ដល់ Swift រួមមានការប្រារព្ធទិវានៃក្តីស្រឡាញ់ដ៏ធំ ជាមួយនឹ ងការរៀបចំផ្កាកុលាប Eternity Roses តម្លៃ 2199ដុល្លារ និងរូបចម្លាក់ផ្កាឈូកមាស 24 ការ៉ាត់ ពីក្រុមហ៊ុនរចនាដ៏ប្រណិត Perigold នៅសហរដ្ឋអាមេរិក ៣០២០ ដុល្លារ។អំណោយផ្សេងទៀតរបស់គាត់ដល់តន្ត្រីករ ដូចដែលបានរាយការណ៍ដោយ The Sun រួមមានមួក Lambskin Dior beret ពណ៌ខ្មៅ 1050 ដុល្លារ កាបូប Bottega Veneta មានតម្លៃ 5100 ដុល្លារអាមេរិក មួក Celine មានតម្លៃ 1100 ដុល្លារអាមេរិក និងក្រមាម៉ាក Hermès Chevaux Dechaines ដែលមានស្លាកតម្លៃមួយ ១៣០០ ដុល្លារ។មុនពេលទំនាក់ទំនងស្នេហាជាមួយ Swift គាត់មានទំនាក់ទំនងរយៈពេលប្រាំឆ្នាំជាមួយតារាម៉ូដែល Kayla Nicole ដែលបានចែកផ្លូវគ្នា នៅក្នុងខែឧសភា ឆ្នាំ 2022 ៕

កូរ៉េខាងត្បូង នឹងផ្តល់ជំនួយហិរញ្ញវត្ថុសម្រាប់អាជីវកម្មខ្នាតតូច
ថ្ងៃទី២៨ ខែមីនា ឆ្នាំ២០២៤

(សេអ៊ូល)៖ រដ្ឋាភិបាលបាននិយាយថា ប្រទេសកូរ៉េខាងត្បូងបានរៀបចំវិធានការគាំទ្រផ្នែកហិរញ្ញវត្ថុ សម្រាប់អាជីវកម្មខ្នាតតូច និងក្រុមហ៊ុនសំណង់ដែលរងផលប៉ះពាល់ដោយអត្រាការប្រាក់ខ្ពស់ ចំពេល មានការកើនឡើងនៃការព្រួយបារម្ភអំពីតម្រូវការក្នុងស្រុក និងវិស័យអចលនទ្រព្យ។គណៈកម្មការសេវាកម្មហិរញ្ញវត្ថុ (FSC) បាននិយាយនៅក្នុងសេចក្តីថ្លែងការណ៍មួយថា រដ្ឋាភិបាលរួម ជាមួយនឹងធនាគារពាណិជ្ជ គ្រោងនឹងផ្តល់ជំនួយផ្នែកហិរញ្ញវត្ថុចំនួន 40.6 ពាន់ពាន់លានវ៉ុន (30.3 ពាន់លានដុល្លារ) សម្រាប់ក្រុមហ៊ុនខ្នាតតូច និងមធ្យម តាមរយៈការធានាប្រាក់កម្ចី និងអត្រាការប្រាក់ទាប ចាប់ពីខែមេសា។ក្រសួងទទួលបន្ទុកគោលនយោបាយហិរញ្ញវត្ថុក៏បាននិយាយផងដែរថា ខ្លួននឹងបន្តពង្រីកគម្រោងរួម របស់ខ្លួន ជាមួយធនាគារពាណិជ្ជ ដែលផ្តល់ចំណូលការប្រាក់ដល់អាជីវកម្មខ្នាតតូច និងអ្នកធ្វើការដោយ ខ្លួនឯងដែលបានដកប្រាក់កម្ចី។FSC បាននិយាយថា សម្រាប់អ្នកសាងសង់ដែលជួបបញ្ហាជាមួយនឹងតម្លៃវត្ថុធាតុដើមខ្ពស់ និងអត្រាការ ប្រាក់ រដ្ឋាភិបាលនឹងផ្តល់ការគាំទ្រសាច់ប្រាក់ងាយស្រួលតាមរយៈការធានាបន្ថែម និងប្រាក់កម្ចីបន្ថែម ដើម្បីជួយពួកគេផ្តល់ហិរញ្ញប្បទានដល់គម្រោងអចលនទ្រព្យ ដែលត្រូវបានគេចាត់ទុកថា ទទួលបានផលចំណេញ ខណៈពេលដែលការពន្លឿនការគាំទ្រតាមរយៈ មូលនិធិស្ថិរភាពទីផ្សារ របស់ខ្លួន។ការស្ទង់មតិរបស់ធនាគារកណ្តាលនៃក្រុមហ៊ុននានាបានបង្ហាញថា អារម្មណ៍ធុរកិច្ចនៅក្នុងវិស័យ សេវាកម្ម របស់ប្រទេសកូរ៉េខាងត្បូងសម្រាប់ខែមេសាបានប្រែទៅជាទុទិដ្ឋិនិយមបំផុត ចាប់តាំងពី ខែវិច្ឆិកាឆ្នាំ 2023 ៕ 

ហ្វីលីពីន និងឥណ្ឌា ជំរុញកិច្ចសហប្រតិបត្តិការសន្តិសុខដែនសមុទ្រ
ថ្ងៃទី២៨ ខែមីនា ឆ្នាំ២០២៤

(អន្តរជាតិ)៖ រដ្ឋមន្ត្រីការបរទេសហ្វីលីពីនបានជួបពិភាក្សាជាមួយសមភាគីឥណ្ឌា នៅទីក្រុងម៉ានីល បន្ទាប់ពីមានការប្រឈមមុខដាក់គ្នានាពេលថ្មីៗនេះរវាងនាវាចិន និងហ្វីលីពីននៅសមុទ្រចិនខាងត្បូង។អ្នកការទូតទាំងពីរបានព្រមព្រៀងគ្នាក្នុងការជំរុញសន្តិសុខ និងកិច្ចសហប្រតិបត្តិការដែន សមុទ្រ រវាងប្រទេសទាំងពីរ។ជាក់ស្តែងទីក្រុងម៉ានីលកំពុងព្យាយាមគ្រប់គ្រងនៅក្នុងប្រទេសចិន ដែលបានប្រកាន់ជំហររឹងមាំ បន្ថែមទៀតនៅក្នុងដែនទឹកដែលមានជម្លោះ។រដ្ឋមន្ត្រីការបរទេសហ្វីលីពីន លោក Enrique Manalo បាននិយាយថា ប្រទេសទាំងពីរ «កំពុងមាន កិច្ចពិភាក្សាយ៉ាងទូលំទូលាយជាទៀងទាត់ លើកិច្ចសហប្រតិបត្តិការលើវិស័យការពារជាតិ»។រដ្ឋមន្ត្រីកិច្ចការបរទេសឥណ្ឌា លោក Subrahmanyam Jaishankar បាននិយាយថា ពួកគេបានយល់ព្រមថា តំបន់ត្រូវតែប្រកាន់ខ្ជាប់នូវបទបញ្ជាដែលផ្អែកលើច្បាប់។កាល​ពី​ថ្ងៃ​ចន្ទ កប៉ាល់​ឆ្មាំ​ឆ្នេរ​របស់​ឥណ្ឌា​បាន​មក​ដល់​ក្រុង​ម៉ានីល​សម្រាប់​ការ​ហៅ​តាម​កំពង់ផែ​រយៈពេល ៣ ថ្ងៃ។ ទីក្រុងម៉ានីល និយាយថា ពីរដងក្នុងខែនេះ កប៉ាល់ឆ្មាំឆ្នេរសមុទ្រចិនបានបាញ់កាំភ្លើង បាញ់ទឹកទៅលើនាវាផ្គត់ផ្គង់ហ្វីលីពីន ដែលបណ្តាលឱ្យមានរបួសក្នុងចំណោមនាវិក។ហ្វីលីពីន​បាន​កោះហៅ​អ្នកការទូត​ចិន​ម្នាក់​មក​តវ៉ា​ចំពោះ​អ្វី​ដែល​ខ្លួន​ហៅថា​សកម្មភាព​គឃ្លើន​របស់​ក្រុង​ប៉េកាំង។ទំនាក់ទំនង​រវាង​ឥណ្ឌា​និង​ចិន​ក៏​បាន​ឈាន​ទៅ​មុខ​កាន់​តែ​អាក្រក់​ទៅ​ទៀត។ ប្រទេស​ទាំង​ពីរ​មាន​ជម្លោះ​ជុំវិញ​តំបន់​ព្រំដែន​ដែល​មាន​ជម្លោះ​នៅ​ហិម៉ាឡៃ៕

បណ្តាញសង្គម