(រាជធានីភ្នំពេញ)៖ នៅរសៀលថ្ងៃសៅរ៍ ទី២៣ វិច្ចិកា ២០២៤ សម្ដេចធិបតី ហ៊ុន ម៉ាណែត អញ្ជើញជាអធិបតីចូលរួមពិធីបិទអនុសំវច្ឆរមហាសន្និបាត មន្ត្រីសង្ឃទូទាំងប្រទេស លើកទី៣២ ។រាជរដ្ឋាភិបាលគ្រប់អាណត្តិតែងយកចិត្តទុកដាក់ខ្ពស់ ចំពោះវិស័យសាសនា ជាពិសេសព្រះពុទ្ធសាសនា ដែលជាវិស័យមួយ បាននិងកំពុង ចូលរួមចំណែកយ៉ាងសំខាន់ក្នុងការអភិវឌ្ឍជាតិ និងបណ្តុះបណ្តាលធនធានមនុស្សផ្នែកបញ្ញាស្មារតី ចំណេះជំនាញ ក្នុងការអប់រំសីលធម៌ គុណធម៌ និងសុជីវធម៌ ដល់ប្រជាពលរដ្ឋគ្រប់ស្រទាប់វណ្ណៈ និងគ្រប់មជ្ឈដ្ឋានសង្គមនៅទូទាំងប្រទេស ។ការរៀបចំឱ្យមាននូវមហាសន្និបាតមន្ត្រីសង្ឃទូទាំងប្រទេស ក៏ជាការផ្នែកមួយលើកទឹកព្រះទ័យ ទឹកចិត្ដ ព្រះសង្ឃ និងថ្នាក់ដឹកនាំ និងមន្ត្រីរាជការនៃក្រសួងធម្មការ និងសាសនា ក្នុងការបំពេញព្រះរាជតួនាទី ភារកិច្ច ឱ្យកាន់តែល្អប្រសើរ និងមានប្រសិទ្ធភាពបន្ថែមទៀត ដើម្បីធានាដល់ការរីកចម្រើននៃព្រះពុទ្ធសាសនា និងភាពសុខដុមរមនាសាសនា នៅកម្ពុជា៕

(ភ្នំពេញ)៖ ថ្ងៃសៅរ៍ ៨រោច ខែកត្តិក ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី២៣ ខែវិច្ឆិកា ឆ្នាំ២០២៤ នេះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម កៅ គឹមហួន អគ្គលេខាធិការនៃអគ្គលេខាធិការដ្ឋានអាស៊ានជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ៕

(ភ្នំពេញ)៖ ចាប់តាំងពីរាជរដ្ឋាភិបាលកម្ពុជាអាណត្តទី៧ បានពង្រីកវិសាលភាពបេឡាជាតិសន្តិសុខសង្គម (ប.ស.ស.) តាមរយៈការដាក់ឱ្យអនុវត្តរបបសន្តិសុខសង្គមផ្នែកថែទាំសុខភាព តាមរបបភាគទានស្ម័គ្រចិត្ត របស់បុគ្គលស្វ័យនិយោជន៍ និងអ្នកនៅក្នុងបន្ទុកសមាជិក ប.ស.ស. ចាប់តាំងពីថ្ងៃទី១៤ ខែវិច្ឆិកា ឆ្នាំ២០២៣ មកដល់ខែវិច្ឆិកា ឆ្នាំ២០២៤នេះ មានរយៈពេលមួយឆ្នាំហើយ។ មន្រ្តីជាន់ខ្ពស់នៃរាជបណ្ឌិត្យសភាកម្ពុជាបានវាយតម្លៃថា បេឡាជាតិសន្តិសុខសង្គមបាននិងកំពុងចូលរួមយ៉ាងសំខាន់ក្នុងការលើកកម្ពស់ការថែទាំសុខភាពរបស់ពលរដ្ឋកម្ពុជា និងចូលរួមកាត់បន្ថយការចំណាយរបស់ពលរដ្ឋលើថ្លៃថែទាំសុខភាព។ សម្រាប់លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានវាយតម្លៃខ្ពស់លើវឌ្ឍនភាពរបស់បេឡាជាតិសន្តិសុខសង្គមដែលមានសមាជិករាប់លាននាក់។ ប.ស.ស. បានចូលរួមចំណែកយ៉ាងសំខាន់លើការថែទាំសុខភាពរបស់បងប្អូនប្រជាពលរដ្ឋកម្ពុជា បន្ទាប់ពីរាជរដ្ឋាភិបាលកម្ពុជាបានពង្រីកវិសាលភាពក្នុងការប្រើប្រាស់បណ្ណ ប.ស.ស. ឱ្យកាន់តែទូលំទូលាយជាងមុន និងចំណាយប្រាក់តិចក្នុងការបង់វិភាគទានលើសេវាថែទាំសុខភាព។ លោកបណ្ឌិតបានគូសបញ្ជាក់បន្ថែមថា អត្ថប្រយោជន៍របស់ ប.ស.ស. និងភាពងាយស្រួលលើការប្រើប្រាស់ គឺជាការលើកទឹកចិត្តពលរដ្ឋឱ្យប្រើប្រាស់សេវារបស់រាជរដ្ឋាភិបាលមួយនេះកាន់តែច្រើនឡើងៗ ជាពិសេសលើកទឹកចិត្តឱ្យពលរដ្ឋកាន់តែគិតគូរពីសុខភាពជាងមុន។ ប.ស.ស. ទទួលបានការពេញចិត្តពីសំណាក់បងប្អូនប្រជាពលរដ្ឋដែលបានប្រើប្រាស់សេវាមួយនេះកន្លងមក ហើយជាបណ្តើៗសេវាកម្មមួយនេះនឹងក្លាយទៅជាបង្អែកសម្រាប់ពលរដ្ឋកម្ពុជាក្នុងការថែទាំសុខភាពរបស់ពួកគេ។ ចំណែកលោកបណ្ឌិត ឈត ប៊ុនថង ជាអ្នកស្រាវជ្រាវនៃរាជបណ្ឌិត្យសភាកម្ពុជាក៏បានលើកឡើងដែរថា ការពង្រីកវិសាលភាពរបស់បេឡាជាតិសន្តិសុខសង្គមគឺជាការបង្ហាញពីការយកចិត្តទុកដាក់របស់រាជរដ្ឋាភិបាលកម្ពុជាលើសុខមាលភាពរបស់បងប្អូនប្រជាពលរដ្ឋគ្រប់ជាន់ថ្នាក់ ខណៈពេលដែល ប.ស.ស. របស់រាជរដ្ឋាភិបាលបាននិងកំពុងទទួលបានការសាទរយ៉ាងខ្លាំងពីសំណាក់ពលរដ្ឋកម្ពុជា ដែលជាអ្នកប្រើប្រាស់។ លោកបណ្ឌិតបានគូសបញ្ជាក់បន្ថែមថា បេឡាជាតិសន្តិសុខសង្គមរបស់រាជរដ្ឋាភិបាលកម្ពុជាបានក្លាយទៅជាមធ្យោបាយយ៉ាងមានសារសំខាន់សម្រាប់ទ្រទ្រង់សុខភាពរបស់ពលរដ្ឋកម្ពុជា ពីព្រោះសមាជិករបស់ ប.ស.ស. ចំណាយថវិកាតិច ក៏ប៉ុន្តែពួកគេទទួលបានការពិនិត្យសុខភាពដោយឥតគិតថ្លៃ និងអាចប្រើប្រាស់សេវាថែទាំសុខភាពផ្សេងៗទៀតបានដោយមានប្រសិទ្ធិភាព និងរហ័សផងដែរ។ ការពង្រីកវិសាលភាពរបស់របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តគឺជាគោលនយោបាយរបស់រាជរដ្ឋាភិបាលបង្កើតឡើងដើម្បីជួយប្រជាពលរដ្ឋឱ្យទទួលបានការថែទាំសុខភាពសម្រាប់ខ្លួនឯង ប្ដីឬប្រពន្ធនិងកូនក្នុងបន្ទុក ជាហេតុធ្វើឱ្យបងប្អូនអាចគ្រប់គ្រងចំណាយលើបញ្ហាសុខភាពនិងគ្រោះថ្នាក់ផ្សេងៗសំដៅ រក្សាលំនឹងប្រាក់ចំណូលក្នុងគ្រួសារនិងបង្កើនផលិតភាពការងារ។ បច្ចុប្បន្នរបបសន្តិសុខសង្គមបានពង្រីកវិសាលភាពរបស់ខ្លួន ទៅដល់អ្នកនៅក្នុងបន្ទុករបស់សមាជិក ប.ស.ស ទាំងបុគ្គលស្វ័យនិយោជន៍ និងមន្ត្រីសាធារណៈ។ គិតត្រឹមខែវិច្ឆិកា ឆ្នាំ២០២៤ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈបានទទួលសមាជិករបស់ខ្លួនកើនឡើងដល់ 2 671 030 នាក់ ក្នុងនោះសមាជិក ប.ស.ស. ជាបុគ្គលស្វ័យនិយោជន៍មានចំនួន 422 593នាក់ និងសមាជិក ប.ស.ស. ជាអ្នកក្នុងបន្ទុកសមាជិក ប.ស.ស. (សហព័ទ្ធ និងកូន) ចំនួន 136 210នាក់។ ចំណុចគួរឱ្យកត់សំគាល់ គឺចំនួនសមាជិកបេឡាជាតិសន្តិសុខសង្គមផ្នែកថែទាំសុខភាពតាមរបបភាគទានជាកាតព្វកិច្ចមានកម្មករនិយោជិត មន្ត្រីសាធារណៈ អតីតមន្ត្រីរាជការ និងអតីតយុទ្ធជន ក៏ដូចជាតាមរបបភាគទានដោយស្ម័គ្រចិត្ត មានបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស. បានកើនឡើងជាបន្តបន្ទាប់ក្នុងឆ្នាំ២០២៤នេះ។ ទន្ទឹមនេះ ប.ស.ស. មានសមាជិក ប.ស.ស. បានប្រើប្រាស់សេវាចំនួន 21 035 433ដង និងបានផ្តល់សាច់ប្រាក់ដល់ស្រីមានផ្ទៃពោះចំនួន 564 63នាក់ និងកុមារអាយុក្រោម ២ឆ្នាំ ចំនួន 551 709នាក់ ផងដែរ។ តាមរយៈនេះ បង្ហាញថាប្រជាពលរដ្ឋកាន់តែជឿទុកចិត្ត និងយល់ដឹងច្បាស់ពីអត្ថប្រយោជន៍នៃបេឡាជាតិសន្តិសុខសង្គម (ប.ស.ស.) ដែលដើរតួនាទីយ៉ាងសំខាន់លើការថែទាំសុខភាពរបស់ពលរដ្ឋ៕

(ភ្នំពេញ)៖ ពលរដ្ឋដែលជាអ្នកប្រកបរបរសេដ្ឋកិច្ចក្រៅប្រព័ន្ធបានលើកឡើងថា ការពង្រីកវិសាលភាពរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តរបស់រាជរដ្ឋាភិបាលកម្ពុជាបានផ្តល់អត្ថប្រយោជន៍ច្រើនដល់ពលរដ្ឋ ជាពិសេសអ្នកប្រកបរបរសេដ្ឋកិច្ចក្រៅប្រព័ន្ធអាចមានឱកាសទទួលបានការគាំពារសុខភាព និងអាចឱ្យពួកគាត់មានការចំណាយតិចតួចបំផុត លើការពិនិត្យសុខភាពនៅពេលមានជំងឺឈឺថ្កាត់ម្តងៗ។ លោកស្រី កិ សុខរ៉ន ជាអាជីវករលក់ផ្លែឈើ ស្ថិតនៅសង្កាត់ ចាក់អង្រែលើ រាជធានីភ្នំពេញបានលើកឡើងថា បន្ទាប់ពីរាជរដ្ឋាភិបាលកម្ពុជាបានពង្រីកវិសាលភាពនៃរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត ដោយអនុញ្ញាតឱ្យអ្នកសេដ្ឋកិច្ចក្រៅប្រព័ន្ធ (បុគ្គលស្វ័យនិយោជន៍) អាចចុះឈ្មោះក្លាយជាសមាជិក ប.ស.ស. ខ្លួនទទួលបានអត្ថប្រយោជន៍ជាច្រើនលើសេវាថែទាំសុខភាពដូចបណ្តាពលរដ្ឋដ៏ទៃទៀតដែរ។ លោកស្រីបន្តថា មុនពេលក្លាយជាសមាជិក ប.ស.ស. ខ្លួនមានការចំណាយច្រើនលើការពិនិត្យសុខភាព និងពេលខ្លះពុំមានលទ្ធភាពទៅមន្ទីរពេទ្យនៅពេលឈឺថ្កាត់ម្តងម្កាលនោះទេ ក៏ប៉ុន្តែបន្ទាប់ពីបានក្លាយជាសមាជិក ប.ស.ស. ដោយចំណាយត្រឹមតែ ១៥៦០០រៀល ក្នុងមួយខែ គឺអាចទៅទទួលបានសេវាពិនិត្យសុខភាពដោយឥតគិតថ្លៃ និងចំណាយតិចតួចបំផុតសម្រាប់គាត់។ ចុះណែក លោកស្រី សារី ហ្វីនី ជាអាជីវករលក់នុយត្រី ស្ថិតនៅសង្កាត់ ជ្រោយចង្វារ រាជធានីភ្នំពេញ លើកឡើងថា អ្នកប្រកបរបរសេដ្ឋកិច្ចក្រៅប្រព័ន្ធអាចក្លាយជាសមាជិក ប.ស.ស. បានគឺជាការផ្តល់អត្ថប្រយោជន៍ដ៏ល្អបំផុតទៅដល់ពួកគាត់ ពីព្រោះអ្នកសេដ្ឋកិច្ចក្រៅប្រព័ន្ធអាចមានលទ្ធភាពក្នុងការថែទាំសុខភាព និងពិនិត្យសុខភាពដោយឥតគិតថ្លៃដូចបណ្តាសមាជិក ប.ស.ស. ជាអ្នកធ្វើការដែរ ដោយចំណាយថវិកាបង់វិភាគទានប្រចាំខែទាបបំផុត ដែលទាំងនេះអាចជួយកាត់បន្ថយចំណាយបានយ៉ាងធំធេងសម្រាប់គ្រួសារ និងជាភាពរីករាយថ្មីមួយទៀតសម្រាប់បងប្អូនប្រជាពលរដ្ឋដែលជាអ្នកប្រកបរបរសេដ្ឋកិច្ចក្រៅប្រព័ន្ធ។ លោកស្រីបានគូសបញ្ជាក់បន្ថែមថា អ្នកប្រកបរបរសេដ្ឋកិច្ចក្រៅប្រព័ន្ធមានភាពកក់ក្តៅបន្ទាប់ពីអាចក្លាយជាសមាជិក ប.ស.ស. ដូចបណ្តាមន្រ្តីរាជការ កម្មករនិយោជិតដែរ។ សម្រាប់ការពិនិត្យសុខភាព និងការថែទាំសុខភាពរបស់បងប្អូនដែលជាអ្នកប្រកបរបរសេដ្ឋកិច្ចក្រៅប្រព័ន្ធពុំមានការរើសអើងនោះទេ ហើយថែមទាំងទទួលបានសេវាថែទាំសុខភាពប្រកបដោយក្រមសីលធម៌ និងការយកចិត្តទុកដាក់ពីសំណាក់មន្ទីរពេទ្យដែលជាដៃគូ ប.ស.ស. ផងដែរ។ ទន្ទឹមនេះអ្នកប្រកបរបរសេដ្ឋកិច្ចក្រៅប្រព័ន្ធ បានថ្លែងអំណរគុណទៅដល់រាជរដ្ឋាភិបាលកម្ពុជាដែលគិតគូរពីសុខទុក្ខរបស់បងប្អូនប្រជាពលរដ្ឋកម្ពុជាទាំងអស់ដូចៗគ្នា តាមរយៈការពង្រីកវិសាលភាពនៃរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តមួយនេះ។ លើសពីនេះរាជរដ្ឋាភិបាលក៏បានសម្រួលដល់អ្នកប្រកបសេដ្ឋកិច្ចក្រៅប្រព័ន្ធអាចទទួលបានអត្ថប្រយោជន៍ថ្មីៗជាច្រើនទៀត ដូចជាបើកឱកាសក្នុងការសិក្សាជំនាញវិជ្ជាជីវៈបន្ថែមដោយឥតគិតថ្លៃផងដែរ។ ការពង្រីកវិសាលភាពរបស់របបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត គឺជាគោលនយោបាយរបស់រាជរដ្ឋាភិបាលបង្កើតឡើងដើម្បីជួយប្រជាពលរដ្ឋឱ្យទទួលបានការថែទាំសុខភាពសម្រាប់ខ្លួនឯង ប្ដីឬប្រពន្ធនិងកូនក្នុងបន្ទុក ជាហេតុធ្វើឱ្យបងប្អូនអាចគ្រប់គ្រងចំណាយលើបញ្ហាសុខភាពនិងគ្រោះថ្នាក់ផ្សេងៗ សំដៅរក្សាលំនឹងប្រាក់ចំណូលក្នុងគ្រួសារនិងបង្កើនផលិតភាពការងារ។ បច្ចុប្បន្ន របបសន្តិសុខសង្គមបានពង្រីកវិសាលភាពរបស់ខ្លួនយ៉ាងទូលំទូលាយទៅដល់ប្រជាពលរដ្ឋ ទាំងតាមរយៈ ប.ស.ស. ផ្នែកថែទាំសុខភាពតាមរបបភាគទានជាកាតព្វកិច្ចមានកម្មករនិយោជិត មន្ត្រីសាធារណៈ អតីតមន្ត្រីរាជការ និងអតីតយុទ្ធជន រួមនិងតាមរបបភាគទានដោយស្ម័គ្រចិត្ត មានបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស. ទៅដល់អ្នកនៅក្នុងបន្ទុករបស់សមាជិក ប.ស.ស ទាំងបុគ្គលស្វ័យនិយោជន៍ និងមន្ត្រីសាធារណៈ។ គិតត្រឹមខែវិច្ឆិកា ឆ្នាំ២០២៤ សមាជិកបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានកើនឡើងដល់ 2 671 030 នាក់ ក្នុងនោះសមាជិក ប.ស.ស. ជាបុគ្គលស្វ័យនិយោជន៍មានចំនួន 422 593នាក់ និងសមាជិក ប.ស.ស. ជាអ្នកក្នុងបន្ទុកសមាជិក ប.ស.ស. ( សហព័ទ្ធ និងកូន) ចំនួន 136 210នាក់៕

(អន្តរជាតិ)៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា ប្រទេសរបស់លោកបានបាញ់ មីស៊ីលផ្លោងរយៈចម្ងាយមធ្យមប្រភេទថ្មី ទៅកាន់ភាគខាងកើតអ៊ុយក្រែន ជាការសងសឹកចំពោះ ការគាំទ្រយោធារបស់លោកខាងលិចចំពោះទីក្រុងគៀវ។នៅក្នុងសុន្ទរកថាវីដេអូមួយ ដែលមានរយៈពេលជិត 8 នាទី លោក ពូទីន បាននិយាយថា កងកម្លាំង រុស្ស៊ីបានសាកល្បងមីស៊ីលផ្លោងរយៈចម្ងាយមធ្យមចុងក្រោយបង្អស់របស់ប្រទេស ដែលត្រូវបានគេ ស្គាល់ថា Oreshnik ។លោកបានបដិសេធការប្រកាសមុននេះដោយកងទ័ពអាកាសអ៊ុយក្រែនដែលបាននិយាយថា មីស៊ីល តម្រង់គោលដៅលើហេដ្ឋារចនាសម្ព័ន្ធសំខាន់ៗ នៅក្នុងទីក្រុង Dnipro ភាគខាងកើតរួមមាន ICBM ដែលបាញ់ចេញពីភាគខាងត្បូងប្រទេសរុស្ស៊ី។លោក Putin បាននិយាយថា កាំជ្រួច Oreshnik ហោះក្នុងល្បឿនពី 2.5 ទៅ 3 គីឡូម៉ែត្រក្នុងមួយវិនាទី ហើយថាបច្ចុប្បន្នមិនមានប្រព័ន្ធការពារណាមួយនៅលើពិភពលោកដែលមានសមត្ថភាពស្ទាក់ចាប់បាននោះទេ។លោកបាននិយាយថា ការធ្វើតេស្តនេះគឺដើម្បីឆ្លើយតបទៅនឹងការប្រើប្រាស់ អាវុធរយៈចម្ងាយឆ្ងាយរបស់ សហរដ្ឋអាមេរិក និងអង់គ្លេសរបស់អ៊ុយក្រែន ដែលក្រោយមកទៀតត្រូវបានគេរាយការណ៍ថា បាន បណ្តាលឱ្យមានអ្នកស្លាប់ និងរបួសនៅក្នុងតំបន់ Kursk ភាគខាងលិចប្រទេសរុស្ស៊ី។លោក ពូទីន បាននិយាយថា ការអភិវឌ្ឍន៍កាំជ្រួចរបស់រុស្ស៊ី អាចសន្មតថាជារបស់សហរដ្ឋអាមេរិក ដែលបានបំផ្លាញសន្ធិសញ្ញាកងកម្លាំងនុយក្លេអ៊ែរកម្រិតមធ្យម ឬ INF រវាងប្រទេសទាំងពីរ៕

 (អន្តរជាតិ)៖ នៅពេលដែលចេកមួយផ្លែ បានបិទជាប់នឹងជញ្ជាំងលក់ក្នុងតម្លៃ 12ម៉ឺនដុល្លារក្នុងឆ្នាំ 2019 ប្រព័ន្ធផ្សព្វផ្សាយសង្គមមានការចលាចល និងការជជែកដេញដោលអំពីអត្ថន័យនៃសិល្បៈរបស់វា។ប៉ុន្តែការបង្កើត របស់វិចិត្រករឈ្មោះ Maurizio Cattelan ដែលមានចំណងជើងថា "comedian" បាន បង្ហាញឱ្យ ឃើញនូវការវិនិយោគដ៏ល្អ សម្រាប់អ្នកប្រមូលទិញម្នាក់។ស្នាដៃសិល្បៈមួយក្នុងចំណោមស្នាដៃ ទាំងបី បានបំបែកការរំពឹងទុក ដោយលក់បានក្នុងតម្លៃ 6.24 លានដុល្លារ នៅឯការដេញថ្លៃ Sotheby's ក្នុងទីក្រុងញូវយ៉កកាលពីថ្ងៃពុធ ទី២០ ខែវិច្ឆិកា ឆ្នាំ២០២៤។ក្រុមហ៊ុនដេញថ្លៃបានប៉ាន់ប្រមាណថា ការងារមួយនេះ នឹងលក់បានត្រឹមតែ 1 លានដុល្លារទៅ 1,5 លានដុល្លារប៉ុណ្ណោះ ប៉ុន្តែលក់បានរហូតដល់ជាង​៦លានដុល្លារ។ ការដេញថ្លៃបានចាប់ផ្តើមនៅ៨សែនដុល្លារ។ភ្លាមៗបន្ទាប់ពីការលក់ Sotheby's បានបង្ហាញថា លោកJustin Sun ដែលជាសហគ្រិន ជនជាតិចិន និងជា ស្ថាបនិកនៃវេទិការូបិយប័ណ្ណគ្រីបតូ បានទទួលទិញការងារនេះ។លោក Sun បាន​និយាយ​ក្នុង​សេចក្តី​ប្រកាស​ព័ត៌មាន​ថា៖ «នេះ​មិន​មែន​គ្រាន់​តែ​ជា​ស្នាដៃ​សិល្បៈ​ទេ។ "វាតំណាងឱ្យបាតុភូតវប្បធម៌ដែលភ្ជាប់ពិភពសិល្បៈ memes និងសហគមន៍ cryptocurrency ។ ខ្ញុំ​ជឿ​ថា​បំណែក​នេះ​នឹង​ជំរុញ​ឱ្យ​មាន​ការ​គិត​និង​ការ​ពិភាក្សា​បន្ថែម​ទៀត​នៅ​ពេល​អនាគត ហើយ​នឹង​ក្លាយ​ជា​ផ្នែក​មួយ​នៃ​ប្រវត្តិសាស្ត្រ»។ក្នុងនាមជាអ្នកដេញថ្លៃឈ្នះ គាត់នឹងទទួលបានខ្សែស្គុតមួយ និងចេកមួយ ព្រមទាំងវិញ្ញាបនបត្រ បញ្ជាក់ភាពត្រឹមត្រូវ ។ អ្នក​នាំពាក្យ​ដេញថ្លៃ​បាន​និយាយ​តាម​អ៊ីមែល​នៅពេលនោះ​ថា​៖ "comedian" ​គឺជា​ស្នាដៃ​សិល្បៈ​បែប​គំនិត ហើយ​សម្ភារៈ​ជាក់ស្តែង​ត្រូវបាន​ជំនួស​ ដោយ​រាល់​ការដំឡើងទាំងអស់​»​។ស្នាដៃសិល្បនេះ ​ត្រូវ​បាន​បង្កើត​ឡើង​ដោយ​ប្រើ​ចេក​ដែល​បាន​ទិញ​នៅ​ក្នុង​ហាង​លក់​គ្រឿងទេស​មួយ​ក្នុង​ទីក្រុង Miami សហរដ្ឋអាមេរិក៕

(អន្តរជាតិ)៖ ឯកឧត្តមហ៊ុយ វណ្ណៈបានបង្ហោះសារនៅលើបណ្តាញសង្គមហ្វេសប៊ុកថាអន្តរជាតិ ក្នុងល្បែងលេងភ្លើង។ឯកឧត្តមបានសសេររៀបរាប់ថា រុស្ស៊ី បាញ់មីស៊ីលឆ្លងទ្វីប បន្ទាប់ពី អ៊ុយក្រែនបាញ់កាំជ្រួចរយៈ ចម្ងាយរបស់អាមេរិក ចូលរុស្ស៊ី• អង់គ្លេស ប្រកាសត្រៀមវាយរុស្ស៊ីទាំងយប់ បើកាំជ្រួចរុស្ស៊ីធ្លាក់ចូលប្រទេសណាមួយក្នុង ប្រទេសសម្ព័ន្ធមិត្ត• តុលាការអន្តរជាតិ ICC ចេញដីការចាប់នាយករដ្ឋមន្ត្រីអ៊ីស្រាអែល ចោទពីឧក្រិដ្ឋកម្មសង្គ្រាមអ្វីដែលជារឿងអស់សំណើចនោះគឺអាមេរិក ផ្តល់មីនប្រឆាំងមនុស្ស និងឱ្យ អ៊ុយក្រែន ប្រើមីស៊ីលរយៈ ចម្ងាយបាញ់ចូលរុស្ស៊ី តែអាមេរិក ប្រញាប់ប្រញាល់បិទស្ថានទូតនៅ ទីក្រុងគៀវ ប្រទេសអ៊ុយក្រែន។ តើនេះជាការប្រគល់សមរភូមិឱ្យអ៊ុយក្រែន ហើយខ្លួនត្រៀមចាកចេញ ដូចយុទ្ធសាស្ត្រដកថយមុនៗ?គួរបញ្ជាក់ថា កាលពីដើមសប្តាហ៍នេះ រដ្ឋបាលរបស់លោកប្រធានាធិបតី Joe Biden បានអនុញ្ញាតឱ្យ អ៊ុយក្រែន ប្រើប្រាស់មីស៊ីល រយៈចម្ងាយឆ្ងាយរបស់សហរដ្ឋអាមេរិក ប្រឆាំងនឹងគោលដៅនៅ ក្នុងប្រទេសរុស្ស៊ី ដែលផ្ទុយយ៉ាងខ្លាំង ពីគោលនយោបាយរបស់ទីក្រុងវ៉ាស៊ីនតោន ក្នុងជម្លោះអ៊ុយក្រែន និងរុស្ស៊ី មុនលោកចាកចេញពីតំណែង។យោងតាមសារព័ត៌មាន TASS បានឱ្យដឹងថា ការសម្រេចចិត្តរបស់ទីក្រុងវ៉ាស៊ីនតោន ក្នុងការអនុញ្ញាតឱ្យ អ៊ុយក្រែន វាយប្រហារចូលជ្រៅទៅក្នុងប្រទេសរុស្ស៊ី ជាមួយនឹងមីស៊ីលរយៈចម្ងាយឆ្ងាយរបស់ សហរដ្ឋអាមេរិក អាចនាំឱ្យមានសង្គ្រាមលោកលើកទី 3 ហើយនឹងទទួលបានការឆ្លើយតបភ្លាមៗ ៕

(អន្តរជាតិ)៖ តុលាការឧក្រិដ្ឋកម្មអន្តរជាតិបានចេញដីកាចាប់ខ្លួននាយករដ្ឋមន្ត្រីអ៊ីស្រាអែល Benjamin Netanyahu និងអតីតរដ្ឋមន្ត្រីការពារជាតិ Yoav Gallant និងមន្ត្រីជាន់ខ្ពស់ក្រុមហាម៉ាស់ ដោយចោទប្រកាន់ ពួកគេពីបទឧក្រិដ្ឋកម្មសង្គ្រាមក្នុងអំឡុងពេល និងក្រោយការវាយប្រហារកាលពីថ្ងៃទី 7 ខែតុលា លើអ៊ីស្រាអែលកាលពីឆ្នាំមុន។ នេះបើយោងតាមការចុះផ្សាយរបស់សារព័ត៌មានCNN នៅថ្ងៃទី​២២ ខែវិច្ឆិកា ឆ្នាំ២០២៤។នៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ តុលាការដែលមានមូលដ្ឋាននៅប្រទេសហូឡង់ បាននិយាយថា ខ្លួនបានរកឃើញ " ហេតុផលសមរម្យ " បញ្ជាក់ថា លោកNetanyahu ទទួលបន្ទុកព្រហ្ម ទណ្ឌសម្រាប់ឧក្រិដ្ឋកម្មសង្គ្រាម រួមទាំង "ការអត់ឃ្លានជាវិធីសាស្រ្តនៃសង្គ្រាម" និង "ឧក្រិដ្ឋកម្មប្រឆាំង នឹងមនុស្សជាតិនៃការធ្វើឃាត ការបៀតបៀន និងផ្សេងៗទៀត រួមទាំងអំពើអមនុស្សធម៌”។ដីកា​នេះ​កត់សម្គាល់​ជា​ប្រវត្តិសាស្ត្រ​ដំបូង​ដែល​ធ្វើ​ឱ្យ​លោក Netanyahu ក្លាយជា​មេដឹកនាំ​អ៊ីស្រាអែល​ដំបូង​គេ​ដែល​ត្រូវ​បាន​តុលាការ​អន្តរជាតិ​កោះហៅ​ពី​បទ​ចោទប្រកាន់​លើ​ប៉ាឡេស្ទីន ​ក្នុង​ជម្លោះ​រយៈពេល ៧៦ ឆ្នាំ។ ខណៈពេលដែលដីការបស់ ICC មិនធានាការចាប់ខ្លួន ពួកគេអាចដាក់កំហិតយ៉ាងខ្លាំងលើ សមត្ថភាព របស់លោក Netanyahu ក្នុងការធ្វើដំណើរទៅកាន់រដ្ឋជាសមាជិករបស់ ICC ។ការិយាល័យនាយករដ្ឋមន្ត្រីបានច្រានចោលដីកានេះថា "មិនសមហេតុសមផល និងជាប្រឆាំងនឹងបុគ្គល ។ការិយាល័យរបស់គាត់បាននិយាយថា "អ៊ីស្រាអែលច្រានចោលទាំងស្រុងនូវសកម្មភាព មិនសម ហេតុផល និងមិនពិត និងការចោទប្រកាន់ប្រឆាំងនឹងប្រទេសនេះ ដោយតុលាការឧក្រិដ្ឋកម្មអន្តរជាតិ ដែលជាស្ថាប័នលំអៀងផ្នែកនយោបាយ និងមានការរើសអើង" ដោយបន្ថែមថា "មិនមានសង្រ្គាម ទៀតទេ... ការ​វាយ​ប្រហារ​សម្លាប់​ប្រឆាំង​នឹង​វា ដោយ​ធ្វើ​ការ​សម្លាប់​រង្គាល​ដ៏​ធំ​បំផុត​ប្រឆាំង​នឹង​ប្រជាជន​ជ្វីហ្វ​ចាប់​តាំង​ពី​មាន​ការ​សម្លាប់​រង្គាល»។លោក Netanyahu “នឹងមិនផ្តល់សម្ពាធ នឹងមិនថយក្រោយឡើយ ហើយនឹងមិនដកថយឡើយ រហូតដល់ គោលដៅទាំងអស់នៃសង្រ្គាមដែលកំណត់ដោយអ៊ីស្រាអែលនៅពេលចាប់ផ្តើមយុទ្ធនាការត្រូវបានសម្រេច”។អ៊ីស្រាអែល ដូចជាសហរដ្ឋអាមេរិក មិនមែនជាសមាជិកនៃ ICC ហើយបានជំទាស់នឹងយុត្តាធិការ របស់តុលាការលើសកម្មភាពរបស់ខ្លួននៅក្នុងជម្លោះ ដែលជាបញ្ហាប្រឈមដែលតុលាការបាន ច្រានចោលកាលពីថ្ងៃព្រហស្បតិ៍។ ICC ទាមទារយុត្តាធិការលើទឹកដីដែលអ៊ីស្រាអែលកាន់កាប់ រួមទាំងតំបន់ហ្គាហ្សា ហ្សេរុយសាឡឹមខាងកើត និងតំបន់វេសប៊ែង ដោយធ្វើតាមកិច្ចព្រមព្រៀងផ្លូវ ការរបស់មេដឹកនាំប៉ាឡេស្ទីនដែលត្រូវចងក្រងតាមគោលការណ៍បង្កើតតុលាការក្នុងឆ្នាំ 2015។តុលាការកាលពីថ្ងៃព្រហស្បតិ៍ក៏បានចេញដីកាមួយសម្រាប់មន្ត្រីក្រុមហាម៉ាស់ Mohammed Diab Ibrahim Al-Masri ដែលត្រូវបានគេស្គាល់ថា Mohammed Deif ដែលអ៊ីស្រាអែលនិយាយថា ជាមេខ្លោងម្នាក់ នៃការវាយប្រហារថ្ងៃទី 7 ខែតុលា។ អ៊ីស្រាអែល​បាន​និយាយ​ថា ខ្លួន​បាន​សម្លាប់​មន្ត្រីរូបនេះ ក្នុង​ការ​វាយ​ប្រហារ​តាម​អាកាស​កាល​ពី​ខែ​កញ្ញា ប៉ុន្តែ​ក្រុម​ហាម៉ាស​មិន​បាន​បញ្ជាក់​ថា​លោកស្លាប់​ទេ៕

(ភ្នំពេញ)៖ រដ្ឋាភិបាលកម្ពុជា ប្រកាសបិទឈប់ផ្ដល់អាជ្ញាប័ណ្ណដល់ក្រុមហ៊ុនផលិតស្រាបៀរនៅក្នុងស្រុក ប៉ុន្តែសម្រាប់ក្រុមហ៊ុនមានបំណងផលិតស្រាបៀរធ្វើចេញទៅលក់ទីផ្សារនៅក្រៅប្រទេស គឺអាចទទួលបានអាជ្ញាប័ណ្ណលើកលែងតែនៅក្នុងប្រទេសកម្ពុជាប៉ុណ្ណោះ ដែលមិនអាចទទួលបានអាជ្ញាប័ណ្ណ។ បន្ទាប់ពីដឹងនូវដំណឹងដ៏ល៏ប្រពៃមួយនេះ ប្រជាពលរដ្ឋក្នុងបណ្ដាញសង្គម បានសម្ដែងការសាទរ និងពេញចិត្តជាខ្លាំងចំពោះចំណាត់ការរបស់ប្រមុខដឹកនាំកម្ពុជា។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅរសៀលថ្ងៃទី២១ ខែវិច្ឆិកា ឆ្នាំ២០២៤នេះ បានប្រកាសថា សម្ដេចសម្រេចបញ្ឈប់ការផ្ដល់អាជ្ញាប័ណ្ណផលិតស្រាបៀរ សម្រាប់ការចែកចាយ នៅក្នុងស្រុក ប៉ុន្ដែបើផលិតសម្រាប់ការនាំចេញ ទើបរាជរដ្ឋាភិបាលអនុញ្ញាតផ្ដល់អាជ្ញាប័ណ្ណ។ការប្រកាសបែបនេះរបស់សម្ដេចមហាបវរធិបតី ហ៊ុន ម៉ាណែត ធ្វើឡើងក្នុងឱកាសអញ្ជើញជាអធិបតី ពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅបន្ដរបស់ក្រសួងរ៉ែ និងថាមពល។បើតាមប្រសាសន៍របស់សម្ដេចបវរធិបតីនាយករដ្ឋមន្ដ្រី, បច្ចុប្បន្ននេះមានក្រុមហ៊ុនចំនួន៧ហើយ កំពុងផលិតស្រាបៀរដើម្បីចែកចាយក្នុងស្រុក ដូច្នេះមិនតម្រូវឲ្យមានក្រុមហ៊ុនផលិត ចែកចាយក្នុងស្រុកបន្ថែមទៀតនោះទេ។សម្ដេចធិបតី ហ៊ុន ម៉ាណែត បានមានប្រសាសន៍យ៉ាងដូច្នេះថា «ឥលូវ Licence (អាជ្ញាប័ណ្ណ) ផលិតស្រាបៀរខ្ញុំឈប់ឲ្យហើយ បច្ចុប្បន្នមាន៧ហើយ។ បើធ្វើនាំចេញក្រៅប្រទេស ខ្ញុំឲ្យ តែបើធ្វើក្នុងស្រុកខ្ញុំមិនឲ្យទៀតទេ ខ្ញុំសូមបញ្ជាក់ឲ្យហើយក្រែងមានអ្នកចង់ធ្វើ»។សម្ដេចមហាបវរធិបតី ហ៊ុន ម៉ាណែត បានសង្កត់ធ្ងន់ថា ការឆ្លើយបដិសេធរបស់រាជរដ្ឋាភិបាលកម្ពុជា ជុំវិញសំណើរបស់វិស័យឯកជន ដើម្បីជួយតម្រង់ទិស និងផ្ដល់យោបល់ជូនវិស័យឯកជន ខណៈទីផ្សារនេះមិនតម្រូវឲ្យមានបន្ថែមទៀតឡើយ៕

(ភ្នំពេញ)៖ សម្តេចអគ្គមហាសេនាបតីតេជោ​ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសមហាសន្និបាត ICAPP លើកទី១២ អញ្ជើញចូលរួមជាអធិបតីក្នុងពិធីបើកមហាសន្និបាតអន្តរជាតិបណ្ដាគណបក្សនយោបាយនៅអាស៊ី លើកទី១២ - 12th General Assembly of ICAPP (International Conference of Asian Political Parties ) នៅវិមាន​៧មករា ស្នាក់ការកណ្តាលគណបក្សប្រជាជនកម្ពុជា នាព្រឹកថ្ងៃសុក្រ​ ទី២២ ខែវិច្ឆិកា ឆ្នាំ២០២៤។គួរបញ្ជាក់ថា មហាសន្និបាតសន្និសីទអន្តរជាតិ ICAPP លើកទី១២ មានការចូលរួមពីបណ្តាគណបក្សនយោបាយនៅ អាស៊ីជិត ៦០ មកពីជាង៤០ ប្រទេសបានជួបជុំគ្នាលើទឹកដីកម្ពុជា ដើម្បីបើកកិច្ចពិភាក្សាស្តីពីការស្វែងរកសុខសន្តិភាព និងការផ្សះផ្សា ដែលជាប្រធានបទដ៏សំខាន់ឆ្លើយតបនឹងបរិបទតំបន់ និងពិភពលោក៕

(កម្សាន្ត)៖ អាចនិយាយបានថានេះពេលវេលាមួយដែលមហាជនអ្នកគាំទ្រវិស័យសិល្បៈបានទន្ទឹងរង់ចាំអស់ពេលជាយូរ ដោយកន្លងមកមានអ្នកគាំទ្រមិនតិចនោះទេបានរំអុកនិងជម្រុញចង់ឃើញ នាដការី សុគាគីមលាង ហៅ កូនអាន់ ចូលរួមប្រកួតកម្មវិធីសម្រស់ណាមួយ ហើយតំណាងឱ្យកម្ពុជា ដើម្បីផ្សព្វផ្សាយពីវប្បធម៌របស់ប្រទេសកម្ពុជា។ ហើយស្របពេលដែល អ្នកនាងប្រាសាទ ដាវីន បានបំបែកទ្វាឱ្យកម្ពុជាជាប់ក្នុងចំណាត់ថ្នាក់កំពូលទាំង៣០ នឹងបានវិលត្រលប់មកកម្ពុជាវិញនោះ កញ្ញា កូន អាន់ ក៏បានប្រកាសថា នឹងចូលរួមប្រកួត Miss Universe Cambodia 2025 ដោយពុំភ្លេចពឹង អ្នកនាងប្រាសាទ ដាវីន ឱ្យជួយពង្រឹងនូវសមត្ថភាពបន្ថែមមុននឹងចូលប្រកួត។យ៉ាងណាមិញ កាលដែលមានកំណើនមហាជនជាច្រើនគាំទ្រនិងលើកទឹកចង់ឱ្យ កញ្ញា កូនអាន់ ចូលរួមប្រកួតនេះពុំមែនជារឿងគួរឱ្យភ្ញាក់ផ្អើលនោះឡើយ ដោយហេតុថា នាដការី ក៏ដូចជាសិល្បៈការី រូបនេះមិនត្រឹមតែមានសម្រស់ស្រស់ស្អាតល្អឥតខ្ចោះតែមួយមុខនោះឡើយ សមត្តភាព ចំណេះដឹង ចរិយាមាយាទ គឺល្អមកទាំងព្រម ហើយថែមទាំងមានចិត្តស្នេហាជាតិ និងធ្វើនូវគ្រប់សកម្មភាពឱ្យតែបានលើកមុខមាត់កម្ពុជា។ ហើយអ្នកគាំទ្រក៏បានសំលឹងមើលឃើញផងដែរថាមាតែ ទម្រង់កម្មវិធី Miss Universe នេះទេ ដែរពិតជាសាកសមជាមួយរូបនាងជាងកម្មវិធីណាណាទាំងអស់។ទន្ទឹមនឹងនេះ កញ្ញាក៏បានធ្វើការបង្ហោះសារបញ្ជាក់យ៉ាងដូច្នេះផងដែរថា «រាល់ការប្រឹងប្រែងខិតខំ និងបទពិសោធន៍របស់ខ្ញុំ នឹងធ្វើឲ្យ Universe ទទួលស្គាល់កូនខ្មែរកាន់តែច្បាស់ថា ប្រទេសតូចតែបេះដូងធំ»៕

ការស្រកទម្ងន់គឺជាអ្វីៗដែលមនុស្សប្រុសនិងនារីជាច្រើនតែងចង់បាន តែពួកគាត់តែងតែធ្វើនូវកំហុសមួយចំនួនដោយមិនដឹងខ្លួន ដែលធ្វើអោយគាត់មិនអាចស្រកទំងន់បានឡើយ។ យោងតាមផេក គ្រូពេទ្យក្មេង បានលើកយកកំហុស 7 ចំនុចដែលធ្វើអោយយើងមិនស្រកទំងន់៖កំហុសទី 1 ៖ ញាំប្រូតេអ៊ីនមិនគ្រប់គ្រាន់នៅក្នុងអាហារមួយពេលៗ ត្រូវមានសារជាតិប្រូតេអ៊ីនដូចជា សាច់គោ ទ្រូងមាន់ ពងមាន់ ឬម្សៅប្រូតេអ៊ីន ហើយត្រូវប្រាកដថាអាហារដែលយើងញាំគឺមិនមានជាតិខ្លាញ់ ជាតិប្រៃ និងជាតិផ្អែម។ ប្រូតេអ៊ីនអាចជួយបង្កើតសាច់ដុំអោយសាច់យើងហាប់ណែន ម្យ៉ាងទៀតសារជាតិប្រូតេអ៊ីនធ្វើអោយយើងមិនសូវឃ្លាន ដែលជួយអោយយើងញាំតិចជាងមុន។ កំហុសទី 2៖ ផឹកទឹកច្រើនមុខត្រូវចាំថាជាតិទឹកដែលល្អជាងគេសំរាប់រាងកាយរបស់យើងនោះគឺ ទឹកធម្មតា។ ប្រាកដហើយថាយើងអាចញាំកាហេ្វ ភេសជ្ជះផ្សេងៗ ទឹកដោះគោ តែយើងមិនគួរញាំរបស់ទាំងនោះច្រើនពេកទេ។ មានតែទឹកធម្មតាទេ ដែលមិនមានកាឡូរីដែលធ្វើអោយយើងឡើងទំងន់បាន។កំហុសទី 3៖ មិនយល់ដឹងពីកាឡូរី កាឡូរី Calorie គឺជាសារជាតិគ្រប់គ្រងទំងន់របស់យើង ញាំកាឡូរីច្រើន ទំងន់ឡើងច្រើន ញាំជាតិកាឡូរីតិចធ្វើអោយស្រកទំងន់។ គ្រប់អាហារទាំងអស់រួមទាំងបន្លែគឺសុទ្ធតែមានកាឡូរី គ្រាន់អាហារខ្លះមានតិច ខ្លះមានច្រើន មានតែទឹកសាបទេដែលគ្មានកាឡូរី។ សរុបមកយើងត្រូវយើងជ្រើសរើសញាំអាហារណាដែលមានជាតិកាឡូរីទាប ទើបទំងន់របស់យើងអាចស្រកបាន។កំហុសទី 4៖ ហាត់ប្រាណមិនគ្រប់គ្រាន់ការហាត់ប្រាណគឺជាផ្នែកមួយដ៏សំខាន់ក្នុងការដុតកាឡូរី ក៏ដូចជាដុតជាតិខ្លាញ់ចេញពីក្នុងរាងកាយរបស់យើង មិនតែប៉ុណ្ណោះការហាត់ប្រាណក៏ធ្វើអោយរាងកាយយើងមាំមួនទៀតផង។ យើងគួរហាត់ប្រាណអោយបានយ៉ាងតិច30នាទី ក្នុងមួយថ្ងៃ និង4 ទៅ 5 ថ្ងៃក្នុងមួយសប្តាហ៍។ កំហុសទី 5÷ មិនមានគ្រូបង្វឹកណែនាំការហាត់ដោយខ្លួនឯង ដោយមិនដឹងពីក្បួនខ្នាតត្រឹមត្រូវនៃលំហាត់ប្រាណ និងមិនទាន់យល់ពីរបបអាហារ អាចធ្វើអោយយើងខាតពេលច្រើន និងមិនទទួលបានលទ្ធផល។ កំហុសទី 6៖ ស្រេ្តសច្រើនទោះបីជាយើងហាត់ប្រាណគ្រប់គ្រាន់ គ្រប់គ្រង់របបអាហារបានល្អ តែបើជារៀងរាល់ថ្ងៃយើងមានការស្ត្រេសច្រើន វានឹងធ្វើអោយយើងប្រព័ន្ធដុតជាតិខ្លាញ់របស់យើងដំណើរការមិនល្អនោះទេ។ ដើម្បីកាត់បន្ថយភាពស្ត្រេសនេះ យើងអាចហាត់យូហ្គា (yoga) , អានសៀវភៅ, មើលរឿងកំប្លែង និងធ្វើសមាធិអោយបានទៀងទាត់។កំហុសទី 7៖ គេងមិនគ្រប់គ្រាន់យើងដឹងហើយថារាងកាយរបស់យើងដុតជាតិខ្លាញ់ខ្លាំងនៅពេលដែលយើងគេង៕

(អន្តរជាតិ)៖ ស្ត្រីជនជាតិថៃម្នាក់ដែលត្រូវបានគេជឿថា ជាឃាតករដ៏អាក្រក់បំផុត ក្នុងប្រវត្តិសាស្ត្រថៃ ត្រូវបានកាត់ទោសប្រហារជីវិតកាលពីថ្ងៃពុធពីបទបំពុលមិត្តភ័ក្តិជាមួយសារធាតុ Cyanide នៅក្នុងការកាត់ក្តីលើកដំបូងក្នុងចំណោមការកាត់ក្តីឃាតកម្មចំនួន 14 លើករបស់នាង។Sararat Rangsiwuthaporn អាយុ 36 ឆ្នាំជាអ្នកញៀនល្បែងអនឡាញត្រូវបានចោទប្រកាន់ពីបទឆបោក ប្រាក់រាប់ពាន់ដុល្លារពីជនរងគ្រោះមុនពេលសម្លាប់ពួកគេដោយសារធាតុគីមី។ តុលាការក្រុងបាងកក បានកាត់ទោសនាងកាលពីថ្ងៃពុធពីបទបំពុលសម្លាប់មិត្តភ័ក្តិរបស់នាង Siriporn Kanwong ។អ្នកទាំងពីរបានជួបគ្នានៅជិតទីក្រុងបាងកកកាលពីខែមេសាឆ្នាំមុន ដើម្បីលែងត្រីចូលទន្លេ Mae Klong ជាផ្នែកមួយនៃពិធីបុណ្យពុទ្ធសាសនា។ អ្នកស្រី Siriporn បានដួល ហើយស្លាប់ភ្លាមៗ ហើយអ្នកស៊ើបអង្កេត បានរកឃើញដាននៃសារធាតុ Cyanide នៅក្នុងខ្លួនរបស់នាង។ ប៉ូលីសបាននិយាយថា ជនជាប់ចោទ ដែលដាក់ថ្នាំបំពុលមិត្ត Sararat ជាមនុស្សញៀននឹងល្បែងអនឡាញ នាងបានទៅខ្ចីប្រាក់ពីជនរងគ្រោះ ក្នុងមួយករណីរហូតដល់ 300,000 បាត (ជិត 9,000 ដុល្លារ) មុនពេលសម្លាប់ពួកគេ និងលួចគ្រឿងអលង្ការនិងទូរស័ព្ទដៃរបស់ពួកគេ។ នាងបានល្បួងមនុស្ស ១៥ នាក់ ដែលម្នាក់ក្នុងចំណោមនោះនៅរស់រានមានជីវិត ដើម្បីយកថ្នាំពុល "ថ្នាំគ្រាប់"។ Sararat ប្រឈមមុខនឹងការកាត់ ទោសឃាតកម្មចំនួន 13 ដាច់ដោយឡែកពីគ្នា ហើយត្រូវបានចោទប្រកាន់ ពីបទល្មើសសរុបប្រហែល 80 ។ប្រទេសថៃបានក្លាយជាកន្លែងនៃករណីឧក្រិដ្ឋកម្មដ៏គួរឲ្យរន្ធត់ និងល្បីល្បាញជាច្រើន។ កាលពីដើមឆ្នាំនេះ ជនបរទេសចំនួនប្រាំមួយនាក់ត្រូវបានគេរកឃើញស្លាប់ នៅក្នុងសណ្ឋាគារ ដ៏ប្រណិតមួយ ក្នុងទីក្រុងបាងកក បន្ទាប់ពីមានការពុលដោយសារធាតុ cyanide ដែលគេជឿថាជាប់ពាក់ព័ន្ធ នឹងបំណុលដែលមានតម្លៃរាប់លានបាត៕

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្ដម Chung Eui-Yong និងប្រតិភូនៃបណ្តាគណបក្សនយោបាយនៅអាស៊ី (ICAPP) ចូលជួបក្នុងជំនួបសម្ដែងការគួរសម និងពិភាក្សាការងារ នៅវិមាន៧មករា នាព្រឹកថ្ងៃសុក្រ ទី២២ វិច្ឆិកា ២០២៤ ក្នុងឱកាសដែលឯកឧត្ដម Chung Eui-Yong អញ្ជើញចូលរួមពិធីបើកមហាសន្និបាតអន្តរជាតិ នៃបណ្តាគណបក្សនយោបាយនៅអាស៊ីលើកទី១២៕

(អន្តរជាតិ)៖ តម្លៃសាំង និងម៉ាស៊ូតរបស់វៀតណាមបានធ្លាក់ចុះ ដោយប្រេងឥន្ធនៈ RON95 ដ៏ពេញនិយមបានធ្លាក់ចុះ 0.39% មកនៅត្រឹម 20.520 ដុង ស្មើនឹង៣២០០រៀលខ្មែរ/លីត (0.81 ដុល្លារ) នៅថ្ងៃទី២២ ខែវិច្ឆិកា ឆ្នាំ២០២៤។ ជីវឥន្ធនៈ E5 RON92 បានធ្លាក់ចុះ 0.57% មកនៅត្រឹម 19,340 ដុង ស្មើនឹង៣០៨០រៀល/ក្នុងមួយលីត្រ។ ប្រេងម៉ាស៊ូតបានធ្លាក់ចុះ 0.38% មកនៅត្រឹម 18,500 ដុង ស្មើនឹង ២៩៥០រៀល/លីត្រ។និយតករបាននិយាយថាតម្លៃប្រេងឥន្ធនៈក្នុងរយៈពេលប្រាំពីរថ្ងៃចុងក្រោយនេះត្រូវបានរងផលប៉ះពាល់ដោយផែនការជំរុញសេដ្ឋកិច្ចរបស់ប្រទេសចិនដែលមិនបានបំពេញតាមការរំពឹងទុករបស់អ្នកវិនិយោគ និងភាពតានតឹងដែលកំពុងកើតមាននៅមជ្ឈិមបូព៌ា និងរវាងរុស្ស៊ី និងអ៊ុយក្រែន។ប្រេងសាំងបានធ្លាក់ចុះ 0.6-0.9% ក្នុងអំឡុងពេលនេះ ហើយប្រេងបានធ្លាក់ចុះ 0.5% ។ RON92 ឥឡូវនេះមានតម្លៃ ៨៣,៦ ដុល្លារក្នុងមួយបារ៉ែល និងប្រេងម៉ាស៊ូត ៨៨,២ ដុល្លារ។