នារសៀលថ្ងៃទី៨ ខែឧសភា ឆ្នាំ២០២៥ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានដឹកនាំកិច្ចប្រជុំគណៈកម្មការរៀបចំការប្រឡងប្រជែង ដើម្បីត្រៀមការងារឆ្ពោះទៅថ្ងៃប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្រ្តី។ ការប្រឡងនេះ ជាការប្រឡងទី១៧ ដែលក្រសួងមុខងារសាធារណៈ បានដឹកនាំ និងសហការរៀបចំ ជ្រើសរើសមន្ត្រីជូនក្រសួង ស្ថាប័ន តាមរយៈការអនុវត្តនិយាមនីតិវិធីប្រតិបត្តិសម្រាប់ការជ្រើសរើសមន្ត្រីរាជការស៊ីវិល ប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។ ជាស្មារតីនៃកិច្ចប្រជុំ បានលើកឡើងថា ការប្រឡងប្រជែងនឹងគ្រោងរៀបចំប្រឡងជាពីរដំណាក់កាល។ ដំណាក់កាលទី១ ដែលជាវិញ្ញាសាពហុចម្លើយ នឹងគ្រោងរៀបចំនាថ្ងៃទី១៨ ខែឧសភា​ ឆ្នាំ២០២៥ នៅមណ្ឌលប្រឡងសាលាភូមិន្ទរដ្ឋបាល។ បេក្ខជនដែលបានប្រឡងជាប់ដំណាក់កាលទី១ នឹងអាចបន្តការប្រឡងប្រជែងក្នុងដំណាក់កាលទី២ តាមកាលបរិច្ឆេទដែលនឹងជូនដំណឹងតាមក្រោយ។

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ ព្រមទាំងគណៈប្រតិភូក្រសួងទេសចរណ៍ អញ្ជើញចូលរួមក្នុងពិធីប្រគល់-ទទួលអំណោយសប្បុរសធម៌របស់ថ្នាក់ដឹកនាំ និងមន្ត្រីរាជការក្រសួងទេសចរណ៍ ចំនួន ១០ ០០០ ដុល្លារ (មួយម៉ឺនដុល្លារអាម៉េរិក) ជូនកាកបាទក្រហមកម្ពុជា ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ និងជាអគ្គស្នងការសមាគមកាយឫទ្ធិនារីកម្ពុជា ក្នុងឱកាសអបអរសាទរខួបទី ១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ និងខួបលើកទី៧០ឆ្នាំ កាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ពិធីប្រគល់-ទទួលអំណោយនេះ ធ្វើឡើងនាព្រឹកថ្ងៃទី៨ ខែឧសភា ឆ្នាំ២០២៥ នៅទីស្នាក់ការកណ្តាលកាកបាទក្រហមកម្ពុជា។

(ភ្នំពេញ)៖ នៅព្រឹកថ្ងៃសុក្រ ទី៩ ខែឧសភា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញជាអធិបតី “សម្ពោធអគារអន្តេវេសិកដ្ឋានតេជោសន្តិភាព និងសមិទ្ធផលនានាក្នុងវត្តស្វាយពពែ” ដែលស្ថិតនៅរាជធានីភ្នំពេញ៕

ក្នុងរយៈពេល១០ថ្ងៃ មន្រ្តីអាជ្ញាធរមានសមត្ថកិច្ចបានធ្វើសកម្មភាពផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាពជាង៣ពាន់លើក។ បើតាមរបាយការណ៍គោលនយោបាយនេះ ទាំងតាមខ្នងផ្ទះ តាមសាលារៀន វត្តអារាម និងកម្មវិធីនានានោះ មានប្រជាពលរដ្ឋចូលរួមជាង១សែននាក់ទូទាំងប្រទេស។ អ្នកនាំពាក្យរងក្រសួងមហាផ្ទៃ លោកបណ្ឌិត ទូច សុឃៈ គោលនយោបាយនេះត្រូវបានផ្សព្វផ្សាយដោយអាជ្ញាធរមូលដ្ឋាន និងក្រុមការងាររាជរដ្ឋាភិបាលគ្រប់កម្រិតយ៉ាងសកម្មផុសផុល និងគ្មានទីបញ្ចប់ ដ្បិតការងារនេះជាមធ្យោបាយចាំបាច់ក្នុងការជំរុញឱ្យប្រជាពលរដ្ឋចូលរួមជាមួយអាជ្ញាធរ។ សូមបញ្ជាក់ថា គោលនយោបាយភូមិ-ឃុំ-សង្កាត់មានសុវត្ថិភាពមានលក្ខណៈសម្បតិ្ត៧ រួមមាន ១.ការផ្ដល់សេវាសាធារណៈ ២.ទប់ស្កាត់បទល្មើសក្នុងសង្គម ៣.មានសណ្តាប់ធ្នាប់សាធារណៈល្អ ៤.គ្មានអំពើអនាចារ គ្មានការជួញដូរមនុស្ស ៥.ដោះស្រាយវិវាទនៅមូលដ្ឋានក្រៅប្រព័ន្ធតុលាការ ៦.ការងារអនាម័យនិងបរិស្ថាន និង៧.ឆ្លើយតបបានទាន់ពេលវេលាចំពោះគ្រោះមហន្តរាយនិងជំងឺរាតត្បាតកាចសាហាវ៕កញ្ញា សេង សុខហ៊ុនមន្រ្តីព័ត៌មានក្រុមអ្នកនាំពាក្យក្រសួងមហាផ្ទៃ

(អន្តរជាតិ)៖ ប្រទេសប៉ាគីស្ថានបានអះអាងថា ខ្លួនបានបាញ់ទម្លាក់យន្តហោះគ្មានមនុស្សបើករបស់ឥណ្ឌាចំនួន 12 គ្រឿងនៅទូទាំងប្រទេសពេញមួយយប់ពីថ្ងៃពុធដល់ថ្ងៃព្រហស្បតិ៍នៅក្នុងអ្វីដែលខ្លួនហៅថា "ការបង្កហេតុដ៏ធ្ងន់ធ្ងរ" ពីទីក្រុងញូវដេលី ដែលបានធ្វើឱ្យទាហានបួននាក់រងរបួស និងសម្លាប់ជនស៊ីវិលម្នាក់។អ្នកនាំពាក្យកងទ័ពប៉ាគីស្ថាន លោកឧត្តមសេនីយ Ahmed Sharif Chaudhry បាននិយាយនៅក្នុងសន្និសីទសារព័ត៌មានថា ឥណ្ឌាបានធ្វើសកម្មភាពមួយផ្សេងទៀតនៃការឈ្លានពានខាងយោធាដោយឥតលាក់លៀមប្រឆាំងនឹងប៉ាគីស្ថាន។CNN មិនអាចផ្ទៀងផ្ទាត់ការអះអាងដោយឯករាជ្យបានទេ ហើយបានទាក់ទងទៅកងទ័ពអាកាសឥណ្ឌា និងក្រសួងការពារជាតិ ដើម្បីសុំការអត្ថាធិប្បាយ។លោក Chaudhry បាននិយាយថា កងកម្លាំងសន្តិសុខប៉ាគីស្ថាន រហូតមកដល់ពេលនេះបានទម្លាក់ យន្តហោះគ្មានមនុស្សបើក Harop ចំនួន ១២ នៅតាមទីតាំងផ្សេងៗគ្នា”។ យន្តហោះ​គ្មាន​មនុស្ស​បើក Harop គឺ​ជា​គ្រាប់​បែក​រយៈ​ចម្ងាយ​ឆ្ងាយ ដែល​មាន​ប្រសិទ្ធ​ភាព​ជា​គ្រាប់​បែក​ហោះ​ដឹក​នាំ​ដោយ​ប្រតិបត្តិករ ដែល​ផលិត​ដោយ Israel Aerospace Industries ៕

នាព្រឹកថ្ងៃទី៧ ខែឧសភា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ អញ្ជើញជាអធិបតីដឹកនាំកិច្ចប្រជុំក្រុមការងារជំរុញយុទ្ធនាការទេសចរណ៍ក្នុងរដូវកាលបៃតង (Green Season) មានការអញ្ជើញចូលរួមពីឯកឧត្តម លោកជំទាវ ថ្នាក់ដឹកនាំក្រសួងទេសចរណ៍ ព្រមទាំងភាគីពាក់ព័ន្ធសំខាន់ៗ ក្នុងវិស័យទេសចរណ៍ដូចជា អ្នកឧកញ៉ា ឧកញ៉ា លោកជំទាវ លោក លោកស្រី ប្រធាន និងតំណាងសមាគមទេសចរណ៍កម្ពុជា សហព័ន្ធទេសចរណ៍កម្ពុជា សមាគមទេសចរណ៍អាស៊ីប៉ាស៊ីហ្វិកកម្ពុជា ប្រធានថ្នាក់ជាតិសមាគមសណ្ឋាគារកម្ពុជា សមាគមភោជនីយដ្ឋានកម្ពុជា ឯកឧត្តមនាយកប្រតិបត្តិក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) រួមទាំងឯកឧត្តម លោកជំទាវ លោក លោកស្រី ប្រធានមន្ទីរទេសចរណ៍រាជធានី ខេត្ត ក្រុមអ្នកផលិតមាតិកាផ្សព្វផ្សាយទេសចរណ៍កម្ពុជា សរុបចំនួន៦៨នាក់ នៅទីស្តីការក្រសួងទេសចរណ៍។សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់មហាគ្រួសារវិស័យទេសចរណ៍ កាលពីថ្ងៃទី២៧ ខែកុម្ភៈឆ្នាំ២០២៥ បានគាំទ្រការដាក់ចេញនូវយុទ្ធនាការ «រដូវកាលបៃតង» (Green Season) ជំនួសឱ្យពាក្យរដូវកាលថយភ្ញៀវនារដូវវស្សា ចាប់ពីខែមេសា ដល់ខែតុលា ដោយផ្តល់ជូនដល់អ្នកទេសចរនូវបទពិសោធ ទេសចរណ៍ដ៏សែនស្រស់ស្រាយ និងសម្រស់ដ៏ល្អឯករបស់ប្រទេសកម្ពុជានារដូវវស្សា ដែលទេសភាពពោរពេញដោយពណ៌បៃតង អាកាសធាតុត្រជាក់ និងបរិយាកាសដ៏ស្ងប់ស្ងាត់។ដោយអនុវត្តតាមអនុសាសន៍ដ៏ខ្ពង់ខ្ពស់របស់សម្តេចធិបតី និង ដើម្បីជំរុញចលនាទេសចរណ៍ក្នុងស្រុក និងពង្រាយរបាយភ្ញៀវទេសចរឱ្យបានច្រើនគ្រប់ខែ ជាពិសេសក្នុងរដូវកាលបៃតងនេះ ដែលបានចង្អុលបង្ហាញក្រសួងទេសចរណ៍ ត្រូវសហការជាមួយក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ និងវិស័យឯកជន រៀបចំយន្តការអនុវត្តគំនិតផ្តួចផ្តើមនេះឱ្យមានប្រសិទ្ធភាព និងប្រសិទ្ធផលខ្ពស់។ក្នុងកិច្ចប្រជុំនេះ ឯកឧត្តមរដ្ឋមន្ត្រី បានថ្លែងថា ការចូលរួមពីសំណាក់វិស័យឯកជន បងប្អូនក្រុមអ្នកផលិតមាតិកាទេសចរណ៍កម្ពុជា ឯកឧត្តមរដ្ឋមន្ត្រី នឹងទទួលបាននូវធាតុចូលល្អៗ កាន់តែច្រើនបន្ថែមទៀត ដើម្បីដាក់បញ្ចូលក្នុងយុទ្ធសាស្ត្រទាក់ទាញភ្ញៀវទេសចរនៅក្នុងរដូវកាលបៃតង (Green Season) ឱ្យមានកំណើនបន្ថែមលើសពីការរំពឹងទុក។ ឆ្លៀតក្នុងឱកាសនេះ ឯកឧត្តមរដ្ឋមន្ត្រី បានជម្រាបជូនអង្គប្រជុំថា ក្នុងរយៈពេល ៣ខែ ដើមឆ្នាំ២០២៥ នេះ ចំនួនភ្ញៀវទេសចរអន្តរជាតិ ដែលអញ្ជើញមកទស្សនាកម្ពុជាមានចំនួនជិត២លាននាក់ ពោលគឺកើនឡើងជាង ១៦% (ដប់ប្រាំមួយភាគរយ) បើធៀបនឹងរយៈពេលដូចគ្នា កាលពីឆ្នាំ២០២៤ នេះសបញ្ជាក់ឱ្យឃើញអំពីសក្តានុពលទេសចរណ៍ និងសុខសន្តិភាព ស្ថិរភាពនយោបាយ សន្តិសុខ សុវត្ថិភាព សណ្តាប់ធ្នាប់សាធារណៈល្អ ជាពិសេសបដិសណ្ឋារកិច្ចដ៏កក់ក្តៅ ជម្រើសការស្នាក់នៅ ម្ហូបអាហារដ៏មានឱជារស ការកម្សាន្តដ៏សម្បូរបែប ហេដ្ឋារចនាសម្ព័ន្ធមានការអភិវឌ្ឍ ដែលជំរុញឱ្យភ្ញៀវទេសចរ ជ្រើសរើសអញ្ជើញមកទស្សនា និងកម្សាន្តនាពេលបច្ចុប្បន្ននេះ។ដើម្បីពង្រឹងគុណភាពការធ្វើបដិសណ្ឋារកិច្ចភ្ញៀវទេសចរជាតិ និងអន្តរជាតិក្នុងរដូវកាលបៃតង (Green Season) នេះ ឯកឧត្តមរដ្ឋមន្ត្រី បានស្នើវិស័យឯកជនត្រូវរួមគ្នាបញ្ចុះតម្លៃស្នាក់នៅតាមសណ្ឋាគារ និងម្ហូបអាហារ ការពង្រឹងបដិសណ្ឋារកិច្ចឱ្យល្អ និងកក់ក្តៅ ជាពិសេសត្រូវរួមគ្នាបង្កើតព្រឹត្តិការណ៍ទេសចរណ៍នានានៅតាមបណ្តារាជធានីខេត្ត ដោយត្រូវរៀបចំជាលក្ខណៈយុទ្ធសាស្ត្រ និងប្រកបដោយភាពច្នៃប្រឌិត និងមានអត្តសញ្ញាណវប្បធម៌ខ្មែរ ជាពិសេសកិច្ចសហការឱ្យបានសកម្ម និងផុសផុលពីបណ្តាភាំគីពាក់ព័ន្ធទាំងអស់ ជាជវភាពនៃតួអង្គតែមួយ ដើម្បីរួមគ្នាសម្រេចឱ្យបាននូវកំណើនភ្ញៀវទេសចរបន្ថែមទៀតនាឆ្នាំ២០២៥ នេះ។

(អន្តរជាតិ)៖ ទីក្រុងនេះគឺជាផ្ទះរបស់មហាសេដ្ឋីចំនួន 292,300 នាក់គិតត្រឹមឆ្នាំ2024 រួមទាំងសេដ្ឋីចំនួន 262 និងមហាសេដ្ឋីចំនួន 18 នាក់ នេះបើយោងតាមអ្នកប្រឹក្សាផ្នែកចំណាកស្រុកវិនិយោគ Henley & Partners ។ ទីក្រុងតូក្យូ ប្រទេសជប៉ុន គឺជាទីក្រុងដែលមានទ្រព្យសម្បត្តិច្រើនជាងគេបំផុតនៅអាស៊ី និងជាទីក្រុងដែលមានជាងគេលំដាប់ទី 3 នៅលើពិភពលោក នេះបើយោងតាមរបាយការណ៍ទីក្រុង Walthiest ពិភពលោក 2025 ដោយអ្នកប្រឹក្សាផ្នែកចំណាកស្រុកវិនិយោគ Henley & Partners និងក្រុមហ៊ុនស៊ើបការណ៍ទ្រព្យសម្បត្តិពិភពលោក New World Wealth ។មានមហាសេដ្ឋីចំនួន 292,300 នាក់ដែលមានទ្រព្យសម្បត្តិវិនិយោគរាវជាង 1 លានដុល្លារក្នុងនោះមាន 262 នាក់ដែលមានជាង 100 លានដុល្លារ និង 18 នាក់ដែលមានជាង 1 ពាន់លានដុល្លារគិតត្រឹមខែធ្នូ ឆ្នាំ 2024 ។ទីក្រុងអាស៊ីចំនួនពីរជាប់ចំណាត់ថ្នាក់ក្នុងចំណោមមហាសេដ្ឋីទាំងប្រាំនៅលើពិភពលោក ដោយទីក្រុងមួយទៀតគឺសិង្ហបុរី (ទី4) ដែលមានមហាសេដ្ឋីចំនួន 242,400 នាក់ មហាសេដ្ឋីចំនួន 333 នាក់ និងមហាសេដ្ឋីចំនួន 30 ។ ទាំងទីក្រុងតូក្យូ និងសិង្ហបុរីបានរក្សាចំណាត់ថ្នាក់ពិភពលោករបស់ពួកគេពី មួយឆ្នាំមុន។ ទីក្រុងអាស៊ីចំនួនពីរជាប់ចំណាត់ថ្នាក់ក្នុងចំណោមមហាសេដ្ឋីទាំងប្រាំនៅលើពិភពលោក ដោយទីក្រុងមួយទៀតគឺសិង្ហបុរី (ទី4) ដែលមានមហាសេដ្ឋីចំនួន 242,400 នាក់ មហាសេដ្ឋីចំនួន 333 នាក់ និងមហាសេដ្ឋីចំនួន 30 ។ទាំងទីក្រុងតូក្យូ និងសិង្ហបុរីបានរក្សាចំណាត់ថ្នាក់ពិភពលោករបស់ពួកគេពីមួយឆ្នាំមុន។ចំណែក ទីក្រុងដែលមានទ្រព្យសសម្បត្តិច្រើនជាងគេបំផុតរបស់ពិភពលោកនោះគឺ ទីក្រុងញូវយ៉ក របស់សហរដ្ឋអាមេរិក ដែលពោរពេញទៅដោយពួកសេដ្ឋី មហាសេដ្ឋី និងអ្នកអភិជនជាន់ខ្ពស់ប្រមាណ ចំនួន 385,384នាក់ រស់នៅទីក្រុងនេះ។ បន្ទាប់មកបានបន្តដោយតំបន់ឈូងសមុទ្រ ភាគខាងជើងនៃរដ្ឋកាលីហ្វ័រញ៉ា ដែលគ្របដណ្តប់ទីក្រុង San Francisco និង Silicon Valley។ តំបន់នេះគឺជាផ្ទះរបស់មហាសេដ្ឋីចំនួន 342,400 ។ វាមានមហាសេដ្ឋីចំនួន 82 នាក់ ច្រើនជាងទីក្រុងផ្សេងទៀតនៅលើចំណាត់ថ្នាក់។ទីក្រុង Shenzhen របស់ប្រទេសចិនបានឃើញចំនួនមហាសេដ្ឋីរបស់ខ្លួនកើនឡើង 142% ចន្លោះឆ្នាំ 2014 និង 2024 ដែលធ្វើឱ្យវាក្លាយជាមជ្ឈមណ្ឌលទ្រព្យសម្បត្តិដែលរីកលូតលាស់លឿនបំផុតរបស់ពិភពលោក។ឥឡូវនេះទីក្រុងនេះមានមហាសេដ្ឋីចំនួន 50,800 ដែលក្នុងនោះមានមហាសេដ្ឋីចំនួន 156 centi និងមហាសេដ្ឋីចំនួន 22 នាក់៕

អ្នកនាំពាក្យរងក្រសួងមហាផ្ទៃលោក ទូច សុឃៈ បានផ្តល់ការពន្យល់ ឆ្លើយតបទៅនឹងការលើកឡើង និងការចង់ដឹងរបស់មហាជន អំពីតួនាទីភារកិច្ច ព្រមទាំងសមត្ថកិច្ចទទួលពាក្យប្ដឹង និងការចាត់ការបណ្ដឹងរបស់បុស្តិ៍នគរបាលរដ្ឋបាលឃុំ-សង្កាត់។ លោក ទូច សុឃៈ បានគូសបញ្ជាក់ថា ក្រសួងមហាផ្ទៃ គឺជាអាណាព្យាបាលថ្នាក់ជាតិ ដែលគ្រប់គ្រងលើនគរបាលទូទាំងប្រទេសនៅក្នុងព្រះរាជាណាចក្រកម្ពុជា ទាំងថ្នាក់ជាតិ ថ្នាក់ក្រោមជាតិ និងរហូតទៅដល់ថ្នាក់ឃុំ-សង្កាត់។ លោកបានបន្តថា ចំពោះនៅក្នុងថ្នាក់មូលដ្ឋាន គឺមានការដឹកនាំបញ្ជាផ្ទាល់បន្ថែមទៀត ពីអគ្គស្នងការដ្ឋាននគរបាលជាតិ ដែលមានស្នងការដ្ឋាននគរបាលរាជធានី-ខេត្ត មានអធិការដ្ឋានក្រុង ស្រុក ខណ្ឌ គ្រប់គ្រងលើប៉ុស្តិ៍នគរបាលរដ្ឋបាលឃុំ-សង្កាត់។ យោងតាមប្រកាសរបស់ក្រសួងមហាផ្ទៃ អ្នកនាំពាក្យរងបានបញ្ជាក់ថា ប៉ុស្តិ៍នគរបាលរដ្ឋបាលឃុំ-សង្កាត់ គឺបានចែកចេញជា ៤ប្រភេទសំខាន់ៗ ប្រភេទទីមួយ គឺប៉ុស្តិ៍នគរបាលឃុំ-សង្កាត់ដែលមានក្របខ័ណ្ឌ មានន័យថា មានកម្លាំងគឺចាប់ពី៨នាក់ រហូតដល់ទៅ១២នាក់ ប្រភេទទី២ គឺជាប៉ុស្តិ៍នគរបាល ដែលមានកម្លាំង ឬក្របខ័ណ្ឌចាប់ពី១៣នាក់ រហូតដល់១៨នាក់ ប្រទេសទី៣ គឺជាប៉ុស្តិ៍នគរបាលដែលមានក្របខ័ណ្ឌជាកងកម្លាំងចាប់ពី១៩នាក់ រហូតដល់២៥នាក់ ចំណែកទី៤ គឺប៉ុស្តិ៍នគរបាលដែលមានក្របខ័ណ្ឌ ឬកងកម្លាំងចាប់ពី២៦នាក់ រហូតដល់ទៅដល់៣២នាក់។ ចំពោះការបែងចែកឱ្យមានប៉ុស្តិ៍នគរបាលរដ្ឋបាលឃុំ-សង្កាត់ ប្រភេទទាំង៤នេះ គឺយោងទៅតាមកត្តាភូមិសាស្ត្រ កត្តាប្រជាសាស្ត្រ និងកត្តាសង្គម។ អ្នកនាំពាក្យរងក្រសួងមហាផ្ទៃបានលើកយកតួនាទី និងភារកិច្ចមួយចំនួនរបស់ប៉ុស្តិ៍នគរបាលរដ្ឋបាលឃុំ-សង្កាត់ បញ្ជាក់មហាជនឱ្យបានដឹងថា ប៉ុស្តិ៍គរបាលរដ្ឋបាលឃុំ-សង្កាត់ មានតួនាទីនិងភារកិច្ច ចាត់វិធានការដើម្បីធានានូវសុវត្ថិភាពសណ្តាប់ធ្នាប់សាធារណៈ ចាត់វិធានការពារកន្លែងកើតហេតុ គ្រប់គ្រងការចុះបញ្ជីស្ថិតិបងប្អូនប្រជាពលរដ្ឋ ចំនួនគ្រួសារ ចាត់វិធានការគ្រប់គ្រងមុខសញ្ញាល្មើសច្បាប់នានានៅក្នុងរង្វង់សមត្ថកិច្ចទទួលខុសត្រូវរបស់ខ្លួន ការចុះបញ្ជីស្ថិតិអាវុធគ្រឿងផ្ទុះ ឬសារធាតុផ្សេងៗ។ ប៉ុស្តិ៍នគរបាលរដ្ឋបាលឃុំ-សង្កាត់ ក៏មានតួនាទីគ្រប់គ្រងបញ្ជីទិន្នន័យដែលជាអាទិ៍រួមមានទីតាំងនៃអង្គភាពកងកម្លាំងប្រដាប់អាវុធ ទីតាំងស្ថានទូត គ្រឹះស្ថានសិក្សា វត្តអារាម រមណីយដ្ឋាន ក្លឹបកម្សាន្ត អង្គការជាតិ អន្តរជាតិនានា លំនៅឋានជនបរទេស ក្រុមហ៊ុនរោងចក្រសហគ្រាស និងសហគមន៍ ផ្តល់សេវារដ្ឋបាលជូនបងប្អូនប្រជាពលរដ្ឋ និអនុវត្តគោលការណ៍ការងារនគរបាលនិងសហគមន៍ សំដៅកៀរគរការចូលរួមការពារសន្តិសុខសណ្ដាប់ធ្នាប់សាធារណៈ គឺប៉ុស្តិ៍នគរបាលរដ្ឋបាលឃុំ-សង្កាត់ ទាំងអស់ធ្វើជាជំនួយការជូនដល់ក្រុមប្រឹក្សារឃុំ-សង្កាត់ នៅក្នុងការកសាងដឹកនាំគ្រប់គ្រងកម្លាំងប្រជាការពារ នៅតាមឃុំសង្កាត់ ដើម្បីជាកម្លាំងជំនួយនៅក្នុងការរក្សាការពារសន្តិសុខសណ្ដាប់ធ្នាប់នៅក្នុងមូលដ្ឋាន និងមានតួនាទីភារកិច្ចផ្សេងៗជាច្រើនទៀត។ ចំណែកការទទួលពាក្យបណ្តឹងរបស់នគរបាលប៉ុស្តិ៍រដ្ឋបាលឃុំ-សង្កាត់ លោក ទូច សុឃៈ បានសង្កត់ធ្ងន់ថា ជាទូទៅរាល់ពាក្យបណ្ដឹងទាំងអស់ គឺត្រូវបែងចែកជា២ប្រភេទ ទី១គឺពាក្យបណ្ដឹងជាលាយលក្ខណ៍អក្សរ និងទី២ គឺជាពាក្យបណ្ដឹងផ្ទាល់មាត់។ លោកបានធ្វើការពន្យល់ថា ពាក្យបណ្ដឹងជាលាយលក្ខណ៍អក្សរមានន័យថា នៅពេលដែលប្រជាពលរដ្ឋមានបញ្ហាណាមួយ គឺពលរដ្ឋអាចសរសេរពាក្យបណ្តឹងនោះដោយផ្ទាល់ដៃដាក់ទៅកាន់ប៉ុស្តិ៍នគរបាលនៅក្នុងមូលដ្ឋាន ដែលជាភាពងាយស្រួលដល់នគរបាលក្នុងការទទួលពាក្យបណ្ដឹង ដើម្បីចាត់ការទៅតាមនីតិវិធី។ ចំពោះការដាក់ពាក្យបណ្ដឹងផ្ទាល់មាត់ គឺមន្រ្តីនគរបាលប៉ុស្តិ៍ក៏មានតួនាទីទទួលពាក្យបណ្ដឹងនោះពីប្រជាពលរដ្ឋដោយផ្ទាល់មាត់ ហើយមន្ត្រីនគរបាលប៉ុស្តិ៍កត់ត្រាសំយោគធ្វើជាពាក្យបណ្ដឹង រួចឱ្យសាមីខ្លួនអាន យល់ព្រម ឯកភាព និងចុះហត្ថលេខា ឬផ្តិតមេដៃលើពាក្យបណ្ដឹងនោះតែម្តង និងចាត់វិធានការភ្លាមៗ។ អ្នកនាំពាក្យរងក្រសួងមហាផ្ទៃបានបញ្ជាក់បន្ថែមថា ការទទួលពាក្យបណ្ដឹង ឬការប្តឹងផ្តល់ណាមួយរបស់ប្រជាពលរដ្ឋ ដែលត្រូវការពឹងពាក់ពីអាជ្ញាធរ ឬសមត្ថកិច្ច គឺមិនបានកំណត់ពីពេលវេលានោះទេ ទោះយប់ ឬថ្ងៃ ពោលគឺ២៤ម៉ោង ដែលប៉ុស្តិ៍នគរបាលទាំងអស់បានចាត់វេនប្រចាំការ ដើម្បីរង់ចាំទទួលនូវពាក្យបណ្ដឹង ទាំងបណ្ដឹងលាយលក្ខណ៍អក្សរ និងបណ្តឹងផ្ទាល់មាត់។ លោកបានបន្តថា ការទទួលពាក្យបណ្តឹងនោះអាចនឹងមានការយឺតយ៉ាវខ្លះ យោងតាមស្ថានភាពជាក់ស្តែង ប៉ុស្តិ៍នគរបាលមួយចំនួន គឺកងកម្លាំងនៅមានកម្រិតនៅឡើយ លោកបានលើកទឹកចិត្តឱ្យប្រជាពលរដ្ឋទាំងអស់ ប្រើប្រាស់មធ្យោបាយមួយចំនួនដូចជាទំនាក់ទំនងតាមប្រព័ន្ធទូរសព្ទបើសិនជានៅឆ្ងាយ ឬក៏ធ្វើដំណើរទៅកាន់អធិការដ្ឋាននគរបាលតែម្តងបើសិនជានៅជិត ដើម្បីងាយស្រួលដល់ការអន្តរាគម ឆ្លើយតបទៅនឹងការប្តឹងផ្តល់បានទាន់ពេលវេលា៕ ដោយ សេង បូលីន មន្រ្តីព័ត៌មានក្រុមអ្នកនាំពាក្យក្រសួងមហាផ្ទៃ

(ភ្នំពេញ)៖ លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ នៃក្រសួងការងារ និងបណ្តុះបណ្តាលវិជ្ជាជីវៈ បានដឹកនាំកិច្ចប្រជុំគណៈកម្មការរៀបចំទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៨ ឆ្នាំ២០២៥ ក្រោមប្រធានបទ «TVET បង្កើតឱកាសការងារ សាងក្តីសង្ឃឹមដល់យុវជន» ដែលមានការចូលរួមពីថ្នាក់ដឹកនាំ និងមន្ត្រីជំនាញនៃក្រសួងការងារ និងបណ្តុះបណ្តាលវិជ្ជាជីវៈ សរុបចំនួន៦៥នាក់ នារសៀលថ្ងៃទី៧ ខែឧសភា ឆ្នាំ២០២៥ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៨ ឆ្នាំ២០២៥នេះ នឹងត្រូវធ្វើឡើងរយៈពេលពីរថ្ងៃ ចាប់ពីថ្ងៃទី១៥ ដល់ថ្ងៃទី១៦ ខែមិថុនា ឆ្នាំ២០២៥ ខាងមុខ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ និងនៅទូទាំងប្រទេស។សូមជម្រាបជូនថា ការប្រារព្ធទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈនេះ គឺក្នុងគោលបំណងដើម្បីលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ និងពង្រីកផ្សព្វផ្សាយទៅដល់សិស្សានុសិស្ស និស្សិត យុវជន មាតាបិតា អាណាព្យាបាល និងវិស័យឯកជនឱ្យបានយល់អំពីសារសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ ពិសេសគឺជំរុញការបណ្តុះបណ្តាលកម្លាំងពលកម្មជំនាញប្រកបដោយគុណភាព និងប្រសិទ្ធភាព ដើម្បីឆ្លើយតបទៅនឹងតម្រូវការទីផ្សារការងារទាំងក្នុងនិងក្រៅប្រទេស៕

(មូស្គូ)៖ លោក វ្ល៉ាឌីមៀ ពូទីន បានស្វាគមន៍ប្រធានាធិបតីចិន លោក ស៊ី ជីនពីង សម្រាប់កិច្ចពិភាក្សានៅវិមានក្រឹមឡាំង ដែលទីក្រុងមូស្គូសង្ឃឹមថា នឹងផ្តល់ការជំរុញផ្នែកការទូតសម្រាប់មេដឹកនាំរុស្ស៊ី ក្នុងពេលដ៏សំខាន់ក្នុងសង្រ្គាមជាមួយអ៊ុយក្រែន។លោក ពូទីន និងលោក ស៊ី ចាប់ដៃគ្នានៅមុខកាមេរ៉ា បន្ទាប់មកឈរគោរពលេងភ្លេងជាតិចិន និងរុស្ស៊ី។លោក Xi គឺជាមេដឹកនាំដ៏មានឥទ្ធិពលបំផុតក្នុងចំណោមមេដឹកនាំបរទេសជាងពីរសិបនាក់ដែលកំពុងបំពេញទស្សនកិច្ចនៅទីក្រុងមូស្គូក្នុងសប្តាហ៍នេះ ដើម្បីប្រារព្ធខួបលើកទី 80 នៃថ្ងៃព្រហស្បត្តិ៍នៃការបញ្ចប់សង្រ្គាមលោកលើកទីពីរ។ ការប្រារព្ធពិធីកំពុងធ្វើឡើងនៅគ្រាដ៏សំខាន់មួយនៅក្នុងសង្គ្រាមជាមួយអ៊ុយក្រែន ខណៈដែលទីក្រុងម៉ូស្គូ និងទីក្រុងគៀវស្ថិតនៅក្រោមសម្ពាធរបស់សហរដ្ឋអាមេរិកដើម្បីឈានដល់កិច្ចព្រមព្រៀងសន្តិភាព។លោក Xi ដែលប្រទេសរបស់ខ្លួនជាប់គាំងក្នុងសង្គ្រាមពន្ធដារជាមួយសហរដ្ឋអាមេរិក ត្រូវបានគេរំពឹងថានឹងចុះហត្ថលេខាលើកិច្ចព្រមព្រៀងជាច្រើនដើម្បីធ្វើឱ្យស៊ីជម្រៅភាពជាដៃគូយុទ្ធសាស្ត្រ "គ្មានដែនកំណត់" ដែលប្រទេសទាំងពីរបានចុះហត្ថលេខាក្នុងឆ្នាំ 2022 តិចជាងបីសប្តាហ៍មុនពេលលោក Putin បានបញ្ជូនកងទ័ពរបស់គាត់ទៅកាន់អ៊ុយក្រែន។ប្រទេសចិនគឺជាដៃគូពាណិជ្ជកម្មដ៏ធំបំផុតរបស់រុស្ស៊ី ហើយបានបោះចោលទីក្រុងម៉ូស្គូនូវខ្សែជីវិតសេដ្ឋកិច្ច ដែលបានជួយប្រទេសនេះរុករកទណ្ឌកម្មរបស់លោកខាងលិច។ ចិន​ទិញ​ប្រេង​និង​ឧស្ម័ន​ពី​រុស្ស៊ី​ច្រើន​ជាង​ប្រទេស​ដទៃ៕

(វៀតណាម)៖ ការឆ្លងមេរោគក្នុងឈាមដែលបណ្តាលមកពីបាក់តេរីមានអត្រាមរណភាពពី ៥០ ទៅ ៩០ ភាគរយ ហើយអ្នកជំងឺជាធម្មតាស្លាប់ក្នុងរយៈពេលពីរថ្ងៃ។ មនុស្សមួយចំនួនស្ថិតក្នុងស្ថានភាពធ្ងន់ធ្ងរពីការឆ្លង មេរោគដែលអាចបណ្តាលឱ្យស្លាប់ដោយសារមេរោគ Vibrio vulnificus ដែលត្រូវបានគេស្គាល់ថា ជាបាក់តេរីស៊ីសាច់ បន្ទាប់ពីទទួលទានសាច់ឆៅ និងសំបកខ្យង ជាពិសេសអយស្ទ័រស្រស់។ មន្ទីរពេទ្យមជ្ឈិមយោធា 108 ដែលមានមូលដ្ឋាននៅទីក្រុងហាណូយ បាននិយាយថា វេជ្ជបណ្ឌិតរបស់ខ្លួនមកពី វិទ្យាស្ថានព្យាបាលជំងឺឆ្លងបានព្យាបាលអ្នកជំងឺមួយចំនួនដែលឆ្លងមេរោគបាក់តេរី ដែលបណ្តាលឱ្យមាន សរីរាង្គជាច្រើនត្រូវឆ្លងមេរោគ។ ស្ថានភាពរបស់ពួកគេបានក្លាយទៅជាធ្ងន់ធ្ងរយ៉ាងឆាប់រហ័ស ដែលបណ្តាលឱ្យមានអត្រាស្លាប់ខ្ពស់ នេះបើយោងតាមគិលានដ្ឋាន។ តាមប្រភពពីសារព័ត៌មាន Tuoi Tre News និងVietnam News។ ករណីថ្មីបំផុតគឺបុរសអាយុ 59 ឆ្នាំឈ្មោះ Nguyen Van A. មកពីទីក្រុង Hai Phong ភាគខាងជើង។គាត់ត្រូវបានគេបញ្ជូនទៅមន្ទីរពេទ្យដោយមានអាការឈឺពោះ ក្អួត រាគ និងគ្រុនក្តៅ ៣៩-៤០ អង្សាសេ។បុរសនោះត្រូវបានគេរាយការណ៍ថាបានញ៉ាំអាហារសមុទ្រមិនទាន់ឆ្អិនមុននឹងកើតមាននូវរោគសញ្ញាបែបនេះ។បន្ទាប់ពីសម្រាកព្យាបាលនៅមន្ទីរពេទ្យជាច្រើនម៉ោង គាត់សន្លប់ និងទទួលរងការបរាជ័យនៃសរីរាង្គជាច្រើន និងជំងឺហូរឈាមធ្ងន់ធ្ងរ ហើយតំបន់ដែលរលាក ឬហើមនៅជុំវិញដៃ និងជើងរបស់គាត់ក៏រីករាល ដាលយ៉ាងឆាប់រហ័សផងដែរ។ ក្រោយមកគ្រូពេទ្យធ្វើរោគវិនិច្ឆ័យ បានរកឃើញបាក់តេរីស៊ីសាច់ នៅក្នុងសំណាកឈាមរបស់គាត់។ អ្នកជំងឺត្រូវបានផ្តល់ថ្នាំអង់ទីប៊ីយោទិចខ្លាំងភ្លាមៗ និងដាក់បំពង់ខ្យល់ ខណៈពេលដែលកំពុងធ្វើការលាងឈាមញឹកញាប់ និងនីតិវិធីសង្គ្រោះផ្សេងទៀត។ដោយសារស្ថានភាពរបស់គាត់នៅតែធ្ងន់ធ្ងរ និងគំរាមកំហែងដល់អាយុជីវិត បន្ទាប់ពីការព្យាបាលយ៉ាងយកចិត្តទុកដាក់អស់រយៈពេល 4 ថ្ងៃ គ្រួសាររបស់គាត់បានសុំការអនុញ្ញាត ពីគ្រូពេទ្យដើម្បីយកគាត់ទៅផ្ទះវិញ។ យោងតាមមន្ទីរពេទ្យហាណូយ សត្វ Vibrio vulnificus លូតលាស់នៅក្នុងទឹកប្រៃ និងទឹកប្រឡាក់ជុំវិញមាត់ទន្លេ ឬរស់នៅលើសំបកខ្យង ដូចជាបង្គា និងអយស្ទ័រ។ ប្រភេទនៃបាក់តេរីស៊ីសាច់អាចបណ្តាលឱ្យរលាក necrotizing fasciitis - ការឆ្លងមេរោគជាលិកាទន់ដែលវិវត្តទៅសាច់ដុំ និងសរីរាង្គរបស់មនុស្ស ដែលមានមេរោគដែលបណ្តាលឱ្យមានការបំផ្លាញជាលិកាយ៉ាងឆាប់រហ័ស។ការឆ្លងមេរោគក្នុងឈាមដែលបង្កឡើងដោយបាក់តេរីមានអត្រាមរណភាពពី 50 ទៅ 90 ភាគរយ ហើយអ្នកជំងឺជាធម្មតាស្លាប់ក្នុងរយៈពេល 2 ថ្ងៃ បើទោះបីជាមានការព្យាបាលខ្លាំងក៏ដោយ។លោកវេជ្ជបណ្ឌិត Vu Viet Sang មកពីវិទ្យាស្ថានព្យាបាលជំងឺឆ្លងបានព្រមាន ប្រជាជនកុំឱ្យទទួលទានអាហារសមុទ្រឆៅ ឬចម្អិនតិច ជាពិសេសអយស្ទ័រ ដោយសារតែហានិភ័យខ្ពស់នៃការឆ្លង។លោកបានដកស្រង់ការស្ទង់មតិក្នុងចំណោមអ្នកជំងឺជាង 180 នាក់ដែលចាប់បាក់តេរីដោយនិយាយថាប្រហែល 93 ភាគរយនៃពួកគេបានបរិភោគអយស្ទ័រឆៅក្នុងរយៈពេលពីរថ្ងៃមុន។ យោងតាមគ្រូពេទ្យបានឱ្យដឹងថា មានករណីឆ្លងមេរោគតាមរយៈស្នាមរបួសតូចៗ ដូចជាស្នាមប្រេះពីបង្គា និងសំបកអយស្ទ័រ ខណៈពេលដែលមនុស្សហែលក្នុងសមុទ្រ។ មនុស្សដែលសេពគ្រឿងស្រវឹង អ្នកដែលមានជំងឺថ្លើមរ៉ាំរ៉ៃ ជំងឺឈាម ជំងឺទឹកនោមផ្អែម ជំងឺខ្សោយតម្រងនោម និងជំងឺមហារីកកូនកណ្តុរ គឺងាយនឹងកើតឆ្លងបាក់តេរីនេះ។ បុរស ជាពិសេសមនុស្សចាស់គឺងាយរងគ្រោះជាងស្ត្រី៕

(អន្តរជាតិ)៖ កម្មករវៀតណាមជិត 23.000 នាក់កំពុងប្រកួតប្រជែងសម្រាប់ការងារកសិកម្ម និងផលិតកម្មត្រឹមតែ 3.300 នៅក្នុងប្រទេសកូរ៉េខាងត្បូង ដែលប្រាក់ឈ្នួលអាចខ្ពស់ជាងប្រទេសវៀតណាម 4 ដង។ បេក្ខជនប្រមាណ 7,900 នាក់មកពីភាគខាងជើងវៀតណាមបានប្រឡងតេស្តសមត្ថភាពភាសាកូរ៉េនៅថ្ងៃទី 5 ឧសភា នៅសាលាបណ្តុះបណ្តាលការនាំចេញការងារ Sona នៅទីក្រុងហាណូយ។ 11,700 នាក់ទៀតមកពីភាគកណ្តាលវៀតណាមនឹងសរសេរការប្រឡងនៅទីក្រុង Da Nang ចន្លោះពីថ្ងៃទី 8 ខែឧសភាដល់ថ្ងៃទី 11 ខែមិថុនា ហើយ 3,200 នាក់មកពីភាគខាងត្បូងនៅទីក្រុង HCMC ផងដែរនៅក្នុងខែឧសភា និងខែមិថុនា។Tran Thi Hang នៃខេត្ត Bac Giang ស្ថិតក្នុងចំណោមអ្នកដែលមានការចាប់អារម្មណ៍ខ្ពស់ក្នុងការប្រឡងនេះ។ ដោយតាំងចិត្តដើម្បីកែលម្អស្ថានភាពហិរញ្ញវត្ថុរបស់គ្រួសារនាង នាងបានធ្វើដំណើរទៅទីក្រុងហាណូយដោយម៉ូតូនៅមុនព្រលឹម ដោយមកដល់មុនពីរម៉ោង។ បច្ចុប្បន្នរកបានប្រហែល 12 លានដុង (460 ដុល្លារអាមេរិក) ក្នុងមួយខែក្នុងនាមជាកម្មករ នាងសង្ឃឹមថាការងារនៅក្នុងប្រទេសកូរ៉េខាងត្បូងអាចបង្កើនប្រាក់ចំណូល របស់នាងបួនដង។ ប្តីរបស់នាងបានប្រឡងដូចគ្នាកាលពីឆ្នាំមុន ហើយឥឡូវនេះកំពុងរង់ចាំការជ្រើសរើស។ Hang ជាពិសេសជ្រើសរើសការងារកសិកម្មដើម្បីឱ្យពួកគេធ្វើដំណើរជាគូស្នេហ៍។ការប្រឡងសមត្ថភាពភាសាកូរ៉េរួមមានវិធានការតឹងរ៉ឹងដើម្បីការពារការក្លែងបន្លំ ដូចជាការស្កែនជីវមាត្រ នរណាម្នាក់ដែលចាប់បានការក្លែងបន្លំនឹងត្រូវលុបចោលលទ្ធផលរបស់ពួកគេ ហើយប្រឈមមុខនឹងការហាមឃាត់ការប្រឡងរយៈពេល 4 ឆ្នាំ។លោក ដាង ហ៊ុយហុង នាយកមជ្ឈមណ្ឌលការងារនៅបរទេស បាននិយាយថា ការងារផលិតកម្មចំនួន 3,000 បានទាក់ទាញអ្នកដាក់ពាក្យជាង 21,400 នាក់។ វិស័យកសិកម្មកំពុងមើលឃើញបេក្ខជនចំនួន ១៤០០ នាក់ប្រជែងយកការងារចំនួន ៣០០។ វៀតណាមចង់បញ្ជូនកម្មករប្រហែល ៨ ពាន់នាក់ទៅកូរ៉េខាងត្បូងនៅឆ្នាំនេះ។ចាប់តាំងពីឆ្នាំ 2004 ប្រព័ន្ធអនុញ្ញាតការងារ (EPS) បានអនុញ្ញាតឱ្យក្រុមហ៊ុនកូរ៉េខាងត្បូងជ្រើសរើស ពលករបរទេសពីក្នុងចំណោមបេក្ខជនដែលមានសមត្ថភាព។ ដោយសារការងារមិនត្រូវបាន ធានាភ្លាមៗបន្ទាប់ពីឆ្លងកាត់ការសាកល្បងសមត្ថភាព បេក្ខជនត្រូវបានណែនាំឱ្យរក្សាការងាររបស់ពួកគេ នៅក្នុងប្រទេសវៀតណាមខណៈពេលកំពុងរង់ចាំ។ គិតត្រឹមខែតុលា ឆ្នាំ 2024 វៀតណាមមានកម្មករភ្ញៀវជាង 650,000 នាក់នៅក្នុងប្រទេស និងដែនដីជាង 40 ដែលផ្ញើប្រាក់ប្រហែល 4 ពាន់លានដុល្លារជារៀងរាល់ឆ្នាំ។ ប្រាក់ឈ្នួលនៅក្នុងប្រទេសកូរ៉េខាងត្បូងអាចឡើងដល់ 2,000 ដុល្លារក្នុងមួយខែ ដែលធ្វើឱ្យវាក្លាយជាទីផ្សារការងារក្រៅប្រទេសដែលរកបានច្រើនបំផុត សម្រាប់ពលករវៀតណាម បន្ទាប់មកគឺប្រទេសជប៉ុនប្រហែល 1,500 ដុល្លារ៕

(សង្គម)៖ ផ្ទុះការភ្ញាក់ផ្អើលពេញបណ្ដាញសង្គមខណៈថ្មីៗនេះ មន្រ្តីជំនាញស្ទាក់ឃាត់បាន ត្រីក្លាសេប្រមាណជាង០២តោនដែលនាំចូលពីក្រៅប្រទេសដោយគ្មានលិខិតអនុញ្ញាត។ដោយកម្លាំងកងរាជអាវុធហត្ថ ស្រុកបវេល បានឃាត់រថយន្ត០១គ្រឿង ម៉ាកHyundai ពណ៌បៃតង ឆ្នាំ២០០៥ ពាក់ផ្លាកលេខ ភ្នំពេញ 3G-4732 ដឹកជញ្ជូនត្រីក្លាសេ ស្ថិតនៅចំណុច ភូមិអន្លង់រៃ ឃុំក្តុលតាហែន ស្រុកបវេល ខេត្តបាត់ដំបង ដែលតាមប្រភពគឺករណីដឹក ជញ្ជូនត្រី គ្មានលិខិតអនុញ្ញាតនាំចូល (នាំចូលពីប្រទេសថៃ )។ យ៉ាងណាមិញ នៅក្នុងកិច្ចប្រតិបត្តិការនេះសមត្ថកិច្ចចម្រុះបានរកឃើញត្រី(ត្រីប្រាក្លាសេ) ទំងន់ប្រហែល2,000kg និងត្រីកន្ធរបង្កក ទំងន់ 500kg ។ ចំពោះត្រីនិងមធ្យោបាយព្រមទាំងអ្នកបេីករថយន្ត មន្រ្តីជំនាញរដ្ឋបាលជលផល ខេត្តបាត់ដំបង ជាអ្នកអនុវត្តនីតិវិធីបន្ត។ទោះជាយ៉ាងណា ជុំវិញករណីនេះ សាធារណជនអ្នកប្រើប្រាស់បណ្ដាញសង្គមមានការចាប់អារម្មណ៍ខ្លាំង ខណៈរាល់ដងការនាំចូលពីប្រទេសជិតខាងដោយគ្មានការអនុញ្ញាតបែបនេះភាគច្រើនគឺជាសាច់គោ សាច់ជ្រូកបង្កកជាដើម ប៉ុន្តែម្ដងនេះគឺជាត្រី ហើយជាប្រភេទត្រីដែលមានការពេញនិយមទទួលទានថែមទៀតផង។ ជាងនេះទៅទៀតក្នុងនោះក៏មានការបញ្ចេញនូវមតិចម្រុះជាច្រើនពាក់ព័ន្ធនឹងករណីនេះផងដែរ៕

(សង្គម)៖ សង្កេតឃើញថានាពេលកន្លងទៅថ្មីៗនេះ មានចរន្តលក់ដូរផ្លែទុរេនមួយចំនួននៅតាមបណ្តាក្រុងរាជធានី ខេត្ត បានផ្សព្វផ្សាយលក់ដោយអះអាងថាជាទុរេនបែកអន្លូងយ៉ាងកក្រើកកក្រេងទៅដល់អ្នកបរិភោគ ជាពិសេសការលក់នៅលើទីផ្សារតាមបណ្តាញសង្គមអនឡាញផ្ទាល់តែម្ដង ដែលទាំងនេះវាធ្វើអោយប៉ះពាល់ដល់កសិករដាំទុរេននៅទឹកដីខាងបែកអន្លូងទាំងមូល។យ៉ាងណាមិញ ទាក់ទិននឹងបញ្ហាមួយនេះ សហគមន៍កសិកម្ម ទុរេនបែកអន្លងស្ទឹងត្រង់ ក៏បានចេញសេចក្ដីជូនដំណឹង ដល់បណ្តាអ្នកលក់ដុំលក់រាយនិងបងប្អូននិយមបរិភោគទុរេនឱ្យបានជ្រៀបថា ទុរេនដែលដាក់លក់ទាំងនោះមិនមានប្រភពពិតប្រាកដឬក៏អាចជាទុរេននាំចូលមកពី ប្រទេសជិតខាងដែលចិនមិនអនុញ្ញាតិអោយចូលក៏ថាបានដែលទាំងនេះអាចបណ្តាលអោយប៉ះពាល់សុខភាពអ្នក បរិភោគធ្ងន់ធ្ងរ។ដូច្នេះហើយ សូមបងប្អូននិយមបរិភោគទុរេនជ្រាបថាគិតត្រឹមថ្ងៃទី៧ខែឧសភាឆ្នាំ២០២៥ ទុរេនបែកអន្លូងឬទុរេន មានប្រភពមកពីតំបន់បែកអន្លូងភាគច្រើនបំផុតមិនទាន់ដល់ពេលកាត់ប្រមូលផលបាននៅឡើយទេចំពោះពូជ ទុរេនមាន់ថង ហើយករណីទុរេនមាន់ថងដែលអាចកាត់បានគឺមានបរិមាណតិចតួចបំផុតដែលមិនអាចដាក់លក់ឬ ផ្សាយលក់យ៉ាងច្រើនឬដល់រាប់តោននោះបានដែរ។ អាស្រ័យដូចបានរៀបរាប់ខាងលើសូមបងប្អូនដែលនិយមបរិភោគទុរេនបែកអន្លូងមេត្តាជ្រើសរើសទិញ ដោយពិចារណាដើម្បីសុខមាលភាពសាច់ញ្ញាតិនិងខ្លួនឯងផ្ទាល់៕

(សង្គម)៖ ជាសោកនាដកម្មដ៏សែនសោកសៅ ខណៈមួយប៉ប្រិចភ្នែកហេតុការណ៍អគ្គិភ័យឆាបឆេះរថយន្តដឹកប្រេងមួយគ្រឿងបានបណ្ដាលឱ្យមនុស្សប្រុសស្រីចំនួន០៣នាក់បានស្លាប់ ព្រមទាំងខូចខាតទ្រព្យសម្បត្តិនានា និងទឹកប្រាក់ចំនួន ៥០.០០០ មុឺនដុល្លារ នេះបើយោងតាមការឱ្យដឹងពី នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ។ដោយកាលពីយប់ថ្ងៃទី០៧ ខែឧសភា ឆ្នាំ២០២៥ វេលាម៉ោង ១១:៤០ នាទីយប់ មានករណីអគ្គិភ័យឆេះរថយន្តដឹកប្រេងចំនួ០១គ្រឿង រួចបន្តឆេះរាលដាលដល់ផ្ទះប្រជាពលរដ្ឋស្ថិតនៅចំណុច ភូមិ ព្រែកប្រស់ ឃុំ ទឹកថ្លា ស្រុក ព្រៃនប់ ខេត្ត ព្រះសីហនុ។ + រងការខូចខាតរួមមាន៖ ឆេះរថយន្តដឹកប្រេងចំនួន០១គ្រឿងរបស់ក្រុមហ៊ុន CLEAN ENERGlES (CE) ពាក់ស្លាកលេខភ្នំពេញ 4A-2820 ឆេះក្បាលរថយន្ត (អស់ទាំងស្រុង) នឹងបន្តឆេះរាលដាលដល់ផ្ទះប្រជាពលរដ្ឋចំនួន០២ខ្នង អស់ទាំងស្រុង និងម៉ូតូចំនួន០៥គ្រឿង និងទ្រព្យសម្បត្តិមួយចំនួនធំ សរុបជាទឹកប្រាក់ចំនួន ៥០.០០០ មុឺនដុល្លារ ព្រមទាំងបណ្ដាលអោយស្លាប់មនុស្សចំនួន០៣នាក់។ + ម្ចាស់ផ្ទះរងគ្រោះ៖- ម្ចាស់ផ្ទះទី១ ឈ្មោះ អ៊ុត ភាព ភេទ ស្រី អាយុ ៤៩ ឆ្នាំ មុខរបរ កម្មកររោងចក្រ ផ្ទះសង់អំពីឈើដំបូលប្រក់សង្ក័សីមានទំហំទទឹង០៤ម៉ែត្រ×បណ្ដោយ០៦ម៉ែត្រ (អស់ទាំងស្រុង)។ - ម្ចាស់ផ្ទះទី២ ឈ្មោះ មន ភក្ដី ភេទ ប្រុស អាយុ ៤០ ឆ្នាំ ត្រូវជាប្ដី និងប្រពន្ធឈ្មោះ បាត ស្រីមុំ ភេទ ស្រី អាយុ ៣៥ ឆ្នាំ មុខរបរ លក់ដូរ ផ្ទះសង់អំពីថ្ម ដំបូលប្រក់សង្ក័សី មានទំហំទទឹង០៧ម៉ែត្រ×បណ្ដោយ១៥ម៉ែត្រ (ឆេះផ្ទះអស់ទាំងស្រុង) និងបណ្ដាលអោយឆេះគ្រោះថ្នាក់ដល់កូនស្លាប់ចំនួន០៣នាក់រួមមានៈ១. ឈ្មោះ យ៉ារី សុខសិលា ភេទ ប្រុស អាយុ ១៨ ឆ្នាំ (ស្លាប់នៅនឹងកន្លែងកើតហេតុ) ។ ២. ឈ្មោះ ភក្ដី រីតា ភេទ ស្រី អាយុ ១៥ ឆ្នាំ (ស្លាប់នៅនឹងកន្លែងកើតហេតុ) ។ ៣. ឈ្មោះ ភក្ដី សំមេន ភេទ ប្រុស អាយុ ១៣ ឆ្នាំ (ស្លាប់នៅនឹងកន្លែងកើតហេតុ) និងម្ដាយឈ្មោះ បាត ស្រីមុំ អាយុ ៣៥ ឆ្នាំ (រងរបួសស្រាល) ។យ៉ាងណាមិញ មូលហេតុនៃហេតុការណ៍នេះ បើតាមការបំភ្លឺរបស់ប្រភពឈ្មោះ ភក្ដី គារ៉ា ភេទ ប្រុស អាយុ ១៧ ឆ្នាំ ត្រូវជាកូនបង្កើតម្ចាស់ផ្ទះបានបញ្ជាក់ថាមុនពេលកើតហេតុរូបគាត់កំពុងបង្ហូរសាំងដាក់ប៊ីដុងពីរថយន្តដឹកប្រេង ដែលអ្នកបើកបររថយន្តរបស់ក្រុមហ៊ុន CLEAN ENERGlES បានបង្ហូរសាំងលក់អោយទៅម្ចាស់ផ្ទះខាងលើរួចគាត់បានបង្ហូរសាំងបានចំនួន០២ប៊ីដុង ក៏លើកយកមកទុកក្នុងផ្ទះ រួចហើយក៏បានបង្ហូរសាំងបន្ថែមទៀតទើបតែបានកន្លះប៊ីដុង ពេលនោះដែរម្ដាយរបស់គាត់ក៏កំពុងអាំងងាវហូបនៅពីមុខផ្ទះ ភ្លាមៗនោះស្រាប់តែឆាបឆេះជាអគ្គិភ័យកើតឡើងតែម្ដង៕