(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ផាទ្រីក មើហ្វី (W. Patrick Murphy) ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា នៅវិមានសន្តិភាព នារសៀលថ្ងៃទី៧ ខែឧសភា ឆ្នាំ២០២៤ម្សិលមិញនេះ។ក្នុងឱកាសនៃជំនួប ឯកឧត្តម ផាទ្រីក មើហ្វី បានថ្លែងអំណរគុណសម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូ ចូលជួបសម្តែងការគួរសម និងជម្រាបលា ក្នុងឱកាសបញ្ចប់អាណត្តិការទូតរបស់ឯកឧត្តមនៅកម្ពុជា។ ឯកឧត្តមឯកអគ្គរដ្ឋទូត ក៏បានបង្ហាញនូវសុទិដ្ឋិនិយម និងវាយតម្លៃខ្ពស់ចំពោះការពង្រឹងនិងពង្រីកទំនាក់ទំនង និងកិច្ចសហប្រតិបត្តិការល្អរវាងសហរដ្ឋអាមេរិក-កម្ពុជា ក្នុងអាណត្តិបេសកកម្មការទូតរបស់ឯកឧត្តមនាពេលកន្លងមក។ ឯកឧត្តមក៏បានបញ្ជាក់ផងដែរថា ក្រោមការដឹកនាំរបស់សម្តេចធិបតីរយៈពេល៨ខែកន្លងមកនេះ ទំនាក់ទំនងការទូត និងកិច្ចសហប្រតិបត្តិការរវាងប្រទេសទាំងពីរកាន់តែត្រូវបានពង្រឹង និងពង្រីក ប្រសើរបន្ថែមទៀត។ ឯកឧត្តមឯកអគ្គរដ្ឋទូត ក៏បានគូសរំលេចអំពីកិច្ចសហប្រតិបត្តិការលើវិស័យមួយចំនួន ដូចជា៖ នយោបាយ សេដ្ឋកិច្ច ពាណិជ្ជកម្ម អប់រំ សុខាភិបាល វិស័យបោសសំអាតមីន និងវិស័យសំខាន់ៗ ផ្សេងទៀត។ ឯកឧត្តមឯកអគ្គរដ្ឋទូត ក៏បានសម្តែងនូវការអរគុណចំពោះរាជរដ្ឋាភិបាលកម្ពុជា ដែលបានផ្តល់ការគាំទ្រ និងកិច្ចសហប្រតិបត្តិការដ៏ល្អក្នុងបេសកកម្មស្រាវជ្រាវ និងជីករុករកអដ្ឋិធាតុជនជាតិអាមេរិកបាត់ខ្លួន (POW/MIA) ក៏ដូចជាកិច្ចសហប្រតិបត្តិការលើវិស័យបោសសំអាតមីន ខណ:ដែលសហរដ្ឋអាមេរិកជាដៃគូផ្តល់ជំនួយដល់កម្ពុជាដ៏សំខាន់។ ជាមួយគ្នានេះ សហរដ្ឋអាមេរិកនឹងបន្តគាំទ្រកម្ពុជា ដែលគ្រោងនឹងធ្វើជាម្ចាស់ផ្ទះរៀបចំកិច្ចប្រជុំ នៃអនុសញ្ញាស្តីពីការហាមការប្រើប្រាស់មីនប្រឆាំងមនុស្ស (អនុសញ្ញាអូតាវ៉ា) នៅចុងឆ្នាំ២០២៤នេះ។ ទន្ទឹមនោះ ឯកឧត្តមឯកអគ្គរដ្ឋទូត ក៏បានលើកឡើងពីកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរ តាមរយៈការពិភាក្សាគ្នាក្នុងការដាក់ចេញនូវសកម្មភាពដែលប្រទេសទាំងពីរអាចធ្វើរួមគ្នា ក៏ដូចជាកម្មវិធីផ្លាស់ប្តូរទស្សនកិច្ចនិស្សិតផ្នែកយោធាជាដើម។ ឯកឧត្តមមានជំនឿជាក់ថាឯកអគ្គរដ្ឋទូតថ្មី នឹងបន្តពង្រឹង និងពង្រីកកិច្ចសហប្រតិបត្តិការរវាងសហរដ្ឋអាមេរិក-កម្ពុជាឱ្យកាន់តែរឹងមាំថែមទៀត។ជាការឆ្លើយតប សម្តេចធិបតី បានស្វាគមន៍ចំពោះវត្តមានរបស់ ឯកឧត្តម ផាទ្រីក មើហ្វី និងសហការី ព្រមទាំងបានសម្តែងនូវការអរគុណ និងបានវាយតម្លៃខ្ពស់ចំពោះការចូលរួមចំណែកយ៉ាងសកម្មរបស់ឯកឧត្តមឯកអគ្គរដ្ឋទូត និងសហការី ក្នុងការពង្រឹង និងពង្រីកទំនាក់ទំនងការទូត និងកិច្ចសហប្រតិបត្តិការក្នុងអាណត្តិការទូតរបស់ឯកឧត្តម លើវិស័យជាច្រើន រួមមាន៖ អប់រំ សុខាភិបាល ទេសចរណ៍ វប្បធម៌ ការភ្ជាប់ទំនាក់ទំនងប្រជាជននិងប្រជាជន និងការលើកកម្ពស់ការភ្ជាប់ទំនាក់ទំនងវិស័យឯកជន ក្នុងវិស័យធុរកិច្ច និងវិនិយោគ។ នាឱកាសនេះ សម្តេចធិបតី ក៏បានបំពាក់គ្រឿងឥស្សរិយយសសហមេត្រី ថ្នាក់មហាសិរីវឌ្ឍន៍ ជូនឯកឧត្តម ផាទ្រីក មើហ្វីផងដែរ។ សម្តេចធិបតី បានបញ្ជាក់ជូនឯកឧត្តមឯកអគ្គរដ្ឋទូតថា រាជរដ្ឋាភិបាលកម្ពុជា នីតិកាលទី៧ នៃរដ្ឋសភានេះ បានត្រៀមខ្លួនរួចជាស្រេចក្នុងការបន្តពង្រឹង និងពង្រីកកិច្ចសហប្រតិបត្តិការកម្ពុជា-សហរដ្ឋអាមេរិក ក្នុងអាណត្តិការទូតរបស់ឯកអគ្គរដ្ឋទូតថ្មី ហើយសម្តេចធិបតី ក៏បានបន្ថែមផងដែរថា រាជរដ្ឋាភិបាលកម្ពុជានៅតែរក្សាគោលនយោបាយទំនាក់ទំនងជាមួយបណ្តាប្រទេសទាំងអស់ ដោយឈរលើមូលដ្ឋានសង្គតិភាព និងនិរន្តរភាព។ សម្តេចធិបតី ក៏បានគូសរំលេចផងដែរ អំពីការដាក់ចេញនូវគោលនយោបាយ និងផែនការសកម្មភាពថ្មីៗក្នុងការកែលម្អបរិយាកាសធុរកិច្ចនៅកម្ពុជា ក្នុងគោលបំណងដើម្បីទាក់ទាញវិនិយោគិនថ្មីៗបន្ថែមទៀត រួមទាំងវិនិយោគិនពីសហរដ្ឋអាមេរិក។ ជាក់ស្ដែង កាលពីព្រឹកថ្ងៃទី ០៧ ខែឧសភា ឆ្នាំ២០២៤នេះ សម្តេចធិបតី បានអញ្ជើញជាអធិបតីក្នុងពិធីប្រកាសដាក់ឱ្យអនុវត្តជាផ្លូវការ ប្រព័ន្ធបញ្ជរតែមួយជាតិ ដែលជាប្រព័ន្ធអេកូឡូស៊ីឌីជីថលសម្រាប់ធុរកិច្ច ដែលសម្រួលដល់ការធ្វើពាណិជ្ជកម្មរបស់កម្ពុជាកាន់តែមានប្រសិទ្ធភាព និងមានលទ្ធភាពតភ្ជាប់ទៅនឹងប្រព័ន្ធអេកូឡូស៊ីឌីជីថលសម្រាប់ធុរកិច្ចផ្សេងទៀតក្នុងតំបន់ និងលើសកលលោក។ជាទីបញ្ចប់ សម្តេចធិបតីក៏បានជូនពរ ឯកឧត្តមឯកអគ្គរដ្ឋទូត ឱ្យទទួលបានជោគជ័យក្នុងបេសកកម្មការងារថ្មីរបស់ឯកឧត្តម និងធ្វើមាតុភូមិនិវត្តន៍ប្រកបដោយសុវត្ថិភាព៕

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម Khalid Ali Abdullah Abel ឯកអគ្គរាជទូតនៃប្រទេសកាតាប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាថ្ងៃពុធ ១ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី៨ ខែឧសភា ឆ្នាំ២០២៤៕

(ភ្នំពេញ)៖ ក្រសួងធនធានទឹក និង ឧតុនិយម នៅ ថ្ងៃទី៨ ខែឧសភា ឆ្នាំ២០២៤ បានបញ្ជាក់ថា​សម្ពាធទាប​គ្រប​ដណ្ដប់​មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រ​ចិនខាង​ត្បូង។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៨ ដល់ថ្ងៃទី១០ ខែឧសភា ឆ្នាំ២០២៤៖១. តំបន់វាលទំនាប ៖ -សីតុណ្ហភាពអប្បបរមា២៥°C និងសីតុណ្ហភាពអតិបរមា៣៦°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម៣,៥ម៉ែត្រ/វិនាទី។ ខេត្តបន្ទាយមានជ័យ សៀមរាប បាត់ដំបង កំពង់ចាម ស្វាយរៀង ព្រៃវែង កណ្តាល តាកែវ និងភ្នំពេញ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់​លើផ្ទៃដី២០%។២.តំបន់ខ្ពង់រាប ៖ -សីតុណ្ហភាពអប្បបរមា២៤°C និងសីតុណ្ហភាពអតិបរមា៣៧°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម៣ម៉ែត្រ/វិនាទី។ ខេត្តឧត្តរមានជ័យ ព្រះវិហារ ត្បូងឃ្មុំ ក្រចេះ ស្ទឹងត្រែង ប៉ៃលិន និងតំបន់ជួរភ្នំក្រវាញអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី២៥%។៣.តំបន់មាត់សមុទ្រ ៖-សីតុណ្ហភាពអប្បបរមា២៤°C និងសីតុណ្ហភាពអតិបរមា៣៥°C។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទី។ ខេត្តកោះកុង ព្រះសីហនុ កំពត និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី១៥%។ -រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕

(បាងកក)៖ នាយករដ្ឋមន្ត្រីថៃលោក ស្រេតថា ថាវីស៊ីន បានការពារផែនការរបស់លោក ក្នុងការដាក់ ឱ្យប្រើប្រាស់ប្រាក់ឈ្នួលអប្បបរមាប្រចាំថ្ងៃទូទាំងប្រទេសចំនួន ៤០០ បាត (១០.៨៨ ដុល្លារ) ជាវិធាន ការចាំបាច់សម្រាប់សេដ្ឋកិច្ច ខណៈដែលក្រុមធុរកិច្ចបានសម្តែងការព្រួយបារម្ភអំពី ផលប៉ះពាល់នៃ ថ្លៃឈ្នួលខ្ពស់ ។រដ្ឋាភិបាលកាលពីសប្តាហ៍មុនបាននិយាយថា ខ្លួនគ្រោងនឹងដំឡើងប្រាក់ឈ្នួលអប្បបរមាប្រចាំថ្ងៃ នៅទូទាំងប្រទេសចាប់ពីខែតុលា ដែលជាគោលនយោបាយដែលអាចជួយលើកកម្ពស់ ការប្រើប្រាស់នៅ ក្នុងសេដ្ឋកិច្ចធំទីពីររបស់អាស៊ីអាគ្នេយ៍ ដែលកំពុងតែមានភាពយឺតយ៉ាវនៅក្នុងតំបន់។លោក ស្រេតថា បានប្រាប់អ្នកសារព័ត៌មានបន្ទាប់ពីកិច្ចប្រជុំគណៈរដ្ឋមន្ត្រីថា ប្រាក់ឈ្នួលបានកើនឡើងជាង ១០ ភាគរយក្នុងរយៈពេល ១០ ឆ្នាំកន្លងមកនេះ។ការដំឡើងប្រាក់ឈ្នួលគឺជាវេទិកាបោះឆ្នោតដ៏សំខាន់មួយរបស់គណបក្សភឿថៃដ៏មានប្រជាប្រិយភាពរបស់លោកស្រេថា ដែលបានកំណត់គោលដៅចំនួន 600 បាតក្នុងមួយថ្ងៃនៅឆ្នាំ 2027 ។សភាពាណិជ្ជកម្មថៃបាននិយាយថា ខ្លួនមិនយល់ស្របនឹងចំណាត់ការនេះទេ ព្រោះវានឹងប៉ះពាល់ដល់សេដ្ឋកិច្ច និងការប្រកួតប្រជែង។ ក្រុមប្រឹក្សាអ្នកដឹកជញ្ជូនបាននិយាយថា ការតំឡើង នេះនឹងធ្វើឱ្យមានអតិផរណា។រដ្ឋាភិបាលបានដំឡើងប្រាក់ឈ្នួលអប្បបរមាដល់៤០០បាតក្នុងខេត្តមួយចំនួនរួចហើយជាគម្រោងសាកល្បង។ រដ្ឋាភិបាលមុនបានដំឡើងប្រាក់ឈ្នួលអប្បបរមាចំនួន 5.02 ភាគរយនៅឆ្នាំ 2022 ៕

(មូស្គូ)៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងស្បថចូលកាន់តំណែងក្នុងពិធីដ៏ថ្លៃថ្លាមួយ ក្នុងវិមាន ក្រឹមឡាំង ដោយចាប់ផ្តើមអាណត្តិទី៥ ដែលបំបែកកំណត់ត្រា ជាមួយនឹងអំណាចច្រើនជាងពេលមុនៗ។ប្រមុខវិមានក្រឹមឡាំងអាយុ 71 ឆ្នាំបានគ្រប់គ្រងប្រទេសរុស្ស៊ី ដោយទទួលបានអាណត្តិថ្មីរយៈពេល 6 ឆ្នាំ ខាងមុខ ក្នុងខែមីនាបន្ទាប់ពីបានឈ្នះការបោះឆ្នោតប្រធានាធិបតីដោយគ្មានក្រុមប្រឆាំងទាំងអស់។ពិធីសម្ពោធនេះ នឹងត្រូវផ្សាយផ្ទាល់តាមកញ្ចក់ទូរទស្សន៍ធំៗរបស់រុស្ស៊ី ចាប់ពីពាក់កណ្តាលថ្ងៃត្រង់ នៅពេលដែលរថយន្តដ៏ប្រណិតនឹងដឹកនាំលោក ពូទីន ទៅកាន់វិមាន Grand Kremlin របស់ទីក្រុងមូស្គូ។បន្ទាប់ពីមកដល់ លោកនឹងដើរកាត់តាមច្រករបៀងវាំង ទៅកាន់សាល Saint Andrew Hall ដ៏ប្រណិត ជាកន្លែងដែលគាត់នឹងធ្វើសច្ចាប្រណិធានប្រធានាធិបតី និងថ្លែងសុន្ទរកថាខ្លីទៅកាន់ជនជាតិរុស្ស៊ី។មន្ត្រីរដ្ឋាភិបាល និងអ្នកការទូតបរទេសនៅទីក្រុងមូស្គូត្រូវបានអញ្ជើញឱ្យចូលរួមក្នុងពិធីនេះ រួមទាំង ឯកអគ្គរដ្ឋទូតបារាំង Pierre Levy ដែលត្រូវបានគេរំពឹងថានឹងចូលរួមផងដែរ។បណ្តាប្រទេសនៅអឺរ៉ុបផ្សេងទៀត រួមទាំងប៉ូឡូញ អាល្លឺម៉ង់ និងសាធារណរដ្ឋឆេក បានផ្តល់សញ្ញាថា ពួកគេនឹងមិនបញ្ជូនអ្នកតំណាងទេ ចំពេលមានភាពតានតឹងខ្លាំងជុំវិញជម្លោះនៅអ៊ុយក្រែន។ជ័យជម្នះភ្លូកទឹកភ្លូកដី 87 ភាគរយរបស់លោកពូទីនក្នុងការបោះឆ្នោតប្រធានាធិបតី ដែលត្រូវបានរិះគន់ ដោយអ្នកសង្កេតការណ៍អន្តរជាតិភាគច្រើន៕

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នារសៀលថ្ងៃទី័៧ ខែឧសភា ឆ្នាំ២០២៤ ម្សិលមិញនេះ បានថ្លែងនៅលើបណ្ដាញសង្គមផ្ទាល់ខ្លួនយ៉ាងដូច្នេះថា “កត្តាមនុស្សជាគន្លឹះនៃភាពជោគជ័យលើការងារនីមួយៗ”ផ្នែកមួយនៃបេសកកម្មនៅក្នុងខេត្តសៀមរាបរយៈពេល២ថ្ងៃនេះ ខ្ញុំ និងក្រុមការងារ បានជួបសន្ទនា សំណេះសំណាល សាកសួរសុខទុក្ខជាមួយមន្ត្រីរាជការ និងបានចុះទស្សនកិច្ចតាមបណ្តាទីតាំង អង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាល ដែលទទួលបានជ័យលាភីលេខ២ ក្នុងឆ្នាំ២០២៣។អ្វីដែលជាការកត់សម្គាល់នៅក្នុងបេសកកម្ម ចេញពីជំនួបទាំងនេះ គឺការសង្កេតលើស្មារតីសហការគ្នា និងគាំទ្រគ្នាទៅវិញទៅមក រវាងតួអង្គដឹកនាំអង្គភាពនីមួយៗ និងមន្ត្រីរាជការដែលជាប្រតិបត្តិករទាំងអស់ រួមទាំងការចូលរួមពីអាជ្ញាធរមូលដ្ឋាន ដើម្បីសម្រេចគោលដៅរួម។ គោលដៅនោះ គឺជាការទទួលបានការសាទរ និងការគាំទ្រពីប្រជាពលរដ្ឋ ហើយដែលអាចឈានដល់ការទទួលស្គាល់ជាផ្លូវការពីសំណាក់រាជរដ្ឋាភិបាល។ ជាការពិត ភាពជោគជ័យនៃការងារនីមួយៗ ទាមទារឱ្យមានភាគីពាក់ព័ន្ធចូលរួមទាំងអស់គ្នា រួមទាំងកត្តាគួបផ្សំដទៃទៀត។ ប៉ុន្តែ កត្តាដែលខ្ញុំគិតថាជាគន្លឹះជំរុញសំទុះនៃភាពជោគជ័យលើការងារនោះ គឺកត្តាមនុស្ស។ កត្តាមនុស្សក្នុងករណីនេះ គឺជាមន្ត្រីរាជការរបស់យើងក្នុងនាមជាប្រតិបត្តិករ ដែលមានទឹកចិត្ត ឆន្ទៈ និងការលះបង់ខ្ពស់ ក្នុងស្មារតីសាមគ្គីឯកភាពផ្ទៃក្នុង។ ខ្ញុំសូមយកឱកាសនេះ វាយតម្លៃខ្ពស់ និងសូមកោតសរសើរ ព្រមទាំងលើកទឹកចិត្តឱ្យបន្តភាពជាគំរូនេះសម្រាប់អង្គភាពផ្សេងៗទៀត និងសូមបន្តឧត្តមភាពនៃមន្ត្រីរាជការនេះ ដើម្បីសហគមន៍យើង និងប្រទេសជាតិយើង៕

(អន្តរជាតិ)៖ លោក ស៊ី ជីនពីង បានច្រានចោលការចោទប្រកាន់ប្រទេសលោកចំពោះសង្គ្រាមរុស្ស៊ី នៅអ៊ុយក្រែន ក្នុងអំឡុងពេលកិច្ចប្រជុំជាមួយមេដឹកនាំអឺរ៉ុប ខណៈដែលមេដឹកនាំចិនធ្វើ ទស្សនកិច្ចរយៈ ពេលប្រាំមួយថ្ងៃទៅកាន់ទ្វីប ចំពេលមាន​ការកើនឡើងនៃភាពតានតឹងរវាងចិន និងអឺរ៉ុប ដែលជំរុញ ដោយក្តីបារម្ភពីភាពជិតស្និទ្ធរបស់ទីក្រុងប៉េកាំង ជាមួយទីក្រុងម៉ូស្គូ។លោក Xi បាន​និយាយ​ក្នុង​អំឡុង​ពេល​សន្និសីទ​កាសែត​រួម​ជាមួយ​ប្រធានាធិបតី​បារាំង Emmanuel Macron ក្នុង​ទីក្រុង​ប៉ារីសថា ចិន​មិន​មែន​ជា​អ្នក​បង្កើត​វិបត្តិ ​ក៏​មិន​ជា​ភាគី​​ ឬ​អ្នក​ចូល​រួម​ដែរ។ ប៉ុន្តែ​យើង​ក៏​មិន​មែន​ជា​អ្នក​ឈរ​មើល​នោះ​ទេ យើង​តែង​តែ​បាន​រួម​ចំណែក​យ៉ាង​សកម្ម​ដើម្បី​ឈាន​ទៅ​រក​សន្តិភាព។លោក បានបន្ថែមថា យើងក៏ប្រឆាំងនឹងការប្រើប្រាស់វិបត្តិអ៊ុយក្រែន ដើម្បីទំលាក់ទំនួលខុសត្រូវ ឬបង្ខូចកេរ្តិ៍ឈ្មោះប្រទេសទីបី និងបង្កសង្គ្រាមត្រជាក់ថ្មី" នៅក្នុងឯកសារយោងជាក់ស្តែង ចំពោះការចោទ ប្រកាន់ពីទីក្រុងវ៉ាស៊ីនតោន អំពីតួនាទីរបស់ចិន ក្នុងការគាំទ្រឧស្សាហកម្មការពារជាតិរបស់រុស្ស៊ី។ជម្លោះពាណិជ្ជកម្មអ៊ឺរ៉ុបជាមួយចិន និងការសង្ស័យលើមហិច្ឆិតាសកលរបស់ខ្លួន បានផ្ទុះឡើង បន្ទាប់ពីសង្គ្រាម បន្ទាប់ពីទីក្រុងប៉េកាំងបានបដិសេធមិនថ្កោលទោសការលុកលុយ ហើយជំនួស មកវិញបានក្លាយជាអ្នកគាំទ្រដ៏សំខាន់សម្រាប់សេដ្ឋកិច្ចរុស្ស៊ីដែលមានទណ្ឌកម្មយ៉ាងខ្លាំង។ដំណើរទស្សនកិច្ចរបស់លោក Xi ទៅកាន់អឺរ៉ុប ដែលជាលើកទីមួយរបស់លោកក្នុងរយៈពេលប្រាំឆ្នាំ ត្រូវបានក្រុងប៉េកាំងចាត់ទុកជាឱកាសមួយសម្រាប់មេដឹកនាំក្នុងការបង្ហាញការនិទានរឿងផ្ទាល់របស់ប្រទេសចិន អំពីតួនាទីរបស់ខ្លួននៅក្នុងជម្លោះនេះ៕ 

(កម្សាន្ត)៖ មហាជនអ្នកប្រើប្រាស់បណ្ដាញសង្គមទប់អាណិតសឹងមិនចង់ជាប់ខណៈជីវភាពសេដ្ឋកិច្ចគ្រួសារជាច្រើនកំពុងជួបវិបត្តិរួមទាំងគ្រួសារលោកអ៊ំទៀតនោះ តែអ្វីដែលកាន់តែពិបាកជាងនេះទៅទៀតគឺប្រពន្ធរបស់គាត់សំណាងមិនល្អបានជួបប្រទះនូវជំងឺដ៏កាចសាហាវមួយហើយកំពុងសម្រាកព្យាបាលនៅមន្ទីរពេទ្យ ដែលតម្រូវឱ្យរូបគាត់ត្រូវខិតខំស្វែងរកលុយដោយការដឹកស្វាយលក់ចំណេញបានលុយបន្តិចបន្ទួចក្រោយដកថ្លៃសាំងហើយ។យ៉ាងណាមិញយោងតាមគណនីហ្វេសប៊ុកឈ្មោះ មុនី ចាន់ បានបង្ហោះនូវរូបភាពមួយសន្លឹកដែលបានបង្ហាញពីទិដ្ឋភាពលោកអ៊ំម្នាក់កំពុងយកកៅស៊ូរឹតបេមួយដើម្បីឱ្យប្រាកដថាបេនោះជាប់នៅលើកែបម៉ូតូខាងក្រោយ។ ម្ចាស់គណនីខាងលើក៏បានអមមកជាមួយខ្លឹមសាររៀបរាប់ទាំងក្រៀមក្រំយ៉ាងដូច្នេះថា «ស្វាយមួយប៉េ 10000រៀល គាត់ថាយកពីគេមកមួយប៉េ5000ជិះពីអ្នកលឿង ទិញបាន 4ប៉េ ជិះដើរលក់ យកលុយនិងទៅមើលប្រពន្ធឈឺមហារីកស្បូននៅពេទ្យរុស្សី ខ្ញុំទិញអ៊ុមួយ ប៉េ ជូនលុយតិចតួច ថែមប្រាប់អ៊ុថាទុកលក់បន្តទៅអ៊ុ សំពះផងអោយបុណ្យផង អាណិតអ៊ុណាស់ ជីវិតយើងគឺមិនងាយស្រួលទេ ឃើញគាត់ទើបកាន់តែយល់ថា ការចាយវាយរបស់យើងគឺសំខាន់ណាស់ 5000-10000សំរាប់យើងវាតិច ប៉ុន្តែសំខាន់អ្នកអត់ដូចគាត់គឺវាច្រើននិងមានតំលៃអាចជួយគាត់បានច្រើនណាស់»។ដោយឡែកតាមរយៈការបង្ហោះខាងលើនេះផងដែរឃើញមានមតិជាច្រើនពីសំណាក់មហាជនដោយភាគច្រើនបានបង្ហាញក្ដីអាណិតតាមរយៈសារសំណេរពីចម្ងាយទៅកាន់លោកអ៊ំខាងលើ ខ្លះទៀតក៏មានបំណងចង់ជួយជាថវិការខ្លះៗដើម្បីឱ្យលោកអ៊ំយកទៅបង់ថ្លៃព្យាបាលប្រពន្ធ ហើយក៏សង្គេតឃើញមានមតិមួយចំនួនទៀតបានសរសើរទឹកចិត្តតស៊ូរបស់អ៊ំប្រុសក្នុងការខិតខំប្រឹងប្រែងដើម្បីរកលុយមើលថែជំងឺមនុស្សជាទីស្រឡាញ់ដូច្នេះ៕

(ភ្នំពេញ)៖ ជឿជាក់ថាមហាជនជាច្រើនប្រាកដជាបានស្គាល់និងដឹងពីប្រវត្តិក៏ដូចជាស្នាដៃមួយចំនួនរបស់ ព្រឹទ្ធាចារ្យ គង់ ណៃ រួចមកហើយ។ ដោយហេតុថាព្រឹទ្ធាចារ្យគង់ ណៃគឺជាសិល្បករចាប៉ីដងវែងដ៏ល្បីល្បាញមួយរូបរបស់កម្ពុជា លើសពីនោះព្រឹទ្ធាចារ្យក៏ជាធ្លាប់ទទួលបានពានរង្វាន់ទាំងថ្នាក់ជាតិ និងអន្តរជាតិជាច្រើនពានរង្វាន់ផងដែរ។ តែគួរឱ្យសោកសៅផងដែរដែលបច្ចុប្បន្នព្រឹទ្ធាចារ្យកំពុងសំរាកព្យាបាលនៅផ្នែកបេះដូងនៅឯមន្ទីរពេទ្យ។យ៉ាងណាមិញចំពោះវិបត្តិមួយនេះផងដែរសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ពិតជាបានយកចិត្តទុកដាក់ព្រមទាំងឧបត្ថម្ភដល់ការព្យាបាលជំងឺរបស់លោកព្រឹទ្ធាចារ្យ គង់ ណៃផងដែរ នេះបើយោងតាមការចុះផ្សាយរបស់ គ្រូពេទ្យស្ម័គ្រចិត្តយុវជនសម្តេចតេជោ។ ដោយនៅព្រឹកថ្ងៃទី០៧ ខែឧសភា ឆ្នាំ២០២៤ ក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានចុះសួរសុខទុក្ខ នឹងនាំយកថវិកា ដែលជាអណោយដ៏ថ្លៃថ្លារបស់ សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនដល់លោកព្រឹទ្ធាចារ្យ គង់ ណៃ វីរៈសិល្បៈករចាបុីដងវែងដ៏ល្បីល្បាញ ដែលខណៈនេះ លោកកំពុងសំរាកព្យាបាលនៅផ្នែកបេះដូង នៃមន្ទីរពេទ្យមិត្តភាពខ្មែរ-សូវៀត។ដោយមានការយកចិត្តទុកដាក់ដ៏ខ្ពង់ខ្ពស់ពីសំណាក់ សម្តេចធិបតី និងលោកជំទាវបណ្ឌិត, លោកទាំងទ្វេបានរ៉ាប់រងរាល់ការចំណាយទាំងអស់ទាំងក្នុងការព្យាបាល ស្នាក់នៅ និងហូបចុករបស់លោកព្រឹទ្ធាចារ្យ៕

(អន្តរជាតិ)៖ មន្ត្រីក្រសួងការពារជាតិរុស្ស៊ីបាននិយាយថា ប្រធានាធិបតីវ្ល៉ាឌីមៀ ពូទីន បានបញ្ជាឱ្យត្រៀម លក្ខណៈសម្រាប់សមយុទ្ធមួយដែលក្លែងធ្វើការប្រើប្រាស់អាវុធនុយក្លេអ៊ែរយុទ្ធសាស្ត្រ។ ពួកគេបាននិយាយថា ពួកគេចង់រក្សាការត្រៀមខ្លួនរបស់អង្គភាពប្រយុទ្ធ និងអាវុធនុយក្លេអ៊ែរ មិនយុទ្ធសាស្ត្រ។មន្ត្រីក្រសួងបាននិយាយថា កងកម្លាំងមកពីស្រុកយោធាភាគខាងត្បូងនឹងចូលរួមក្នុងសមយុទ្ធនេះ។ សមយុទ្ធនេះគឺដើម្បីឆ្លើយតបទៅនឹង "សេចក្តីថ្លែងការណ៍បង្កហេតុ និងការគំរាមកំហែងដែលធ្វើ ឡើងដោយមន្ត្រីលោកខាងលិចមួយចំនួន"។ ពួកគេបាននិយាយថា ពួកគេចង់ធានានូវបូរណភាពទឹកដី និងអធិបតេយ្យភាពរបស់រុស្ស៊ី។អ្នកនាំពាក្យវិមានក្រឹមឡាំង លោក Dmitry Peskov បាននិយាយថា មេដឹកនាំលោកខាងលិចមួយចំនួន បាននិយាយអំពី "ចេតនាក្នុងការបញ្ជូនក្រុមប្រដាប់អាវុធ" ទៅកាន់អ៊ុយក្រែន។ លោក​បាន​ថ្លែង​ថា​៖ «​នេះ​ជា​ជុំ​ថ្មី​ទាំង​ស្រុង​ក្នុង​ការ​កើន​ឡើង​នៃ​ភាព​តានតឹង។លោកពូទីនកំពុងចាប់ផ្តើមអាណត្តិទីប្រាំរបស់គាត់ជាប្រធានាធិបតីនៅថ្ងៃអង្គារនេះ។ នៅថ្ងៃព្រហស្បតិ៍ កងទ័ពរបស់លោកនឹងប្រារព្ធខួបនៃការបញ្ចប់សង្រ្គាមលោកលើកទីពីរជាមួយនឹងការប្រារព្ធទិវាជ័យ ជំនះ។អ្នក​នាំពាក្យ​អង្គភាព​ស៊ើបការណ៍​យោធា​អ៊ុយក្រែន លោក Andriy Yusov បាន​ថ្កោលទោស​ផែនការ​របស់​រុស្ស៊ី។ លោក​បាន​មាន​ប្រសាសន៍​ថា “ការ​គំរាម​កំហែង​នុយក្លេអ៊ែរ” គឺ​ជា​ការ​អនុវត្ត​ឥត​ឈប់ឈរ​នៃ​របប​លោក​ពូទីន៕

(សហព័ន្ធស្វីស)៖ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមជាវាគ្មិនក្នុងកិច្ចពិភាក្សាថ្នាក់រដ្ឋមន្ត្រី ក្រោមប្រធានបទស្តីពី “ការដោះស្រាយបញ្ហាប្រឈមសម្រាប់ការត្រៀមលក្ខណៈឌីជីថលនៅក្នុងប្រទេសកំពុងអភិវឌ្ឍន៍” ដែលជាកិច្ចពិភាក្សាដ៏សំខាន់មួយថ្នាក់រដ្ឋមន្ត្រីនៅក្នុងកិច្ចប្រជុំលើកទី៧ ស្តីពី “UNCTAD Intergovernmental Group of Experts (IGE) on E-Commerce and the Digital Economy” នៅទីស្នាក់ការអង្គការសហប្រជាជាតិប្រចាំទីក្រុងហ្សឺណែវ សហព័ន្ធស្វីស នារសៀលថ្ងៃចន្ទ ទី៦ ខែឧសភា ឆ្នាំ២០២៤។ លោកជំទាវរដ្ឋមន្ត្រី បានគូសបញ្ជាក់ក្នុងកិច្ចពិភាក្សានេះថា កម្ពុជាជាប្រទេសឈានមុខគេក្នុងការអនុវត្ត eTrade Readiness Assessment ដោយសម្រេចបាននូវអត្រាអនុវត្តខ្ពស់គួរឱ្យកត់សម្គាល់ប្រមាណ៩២%។ ក្រសួងពាណិជ្ជកម្មកម្ពុជា បានអនុវត្ត eTrade Readiness Assessment ប្រកបដោយប្រសិទ្ធភាព ដើម្បីជំរុញគំនិតផ្តួចផ្តើមនានារបស់រាជរដ្ឋាភិបាលកម្ពុជា ក្នុងគោលបំណងលើកកម្ពស់ប្រព័ន្ធអេកូឡូហ្ស៊ីនៃពាណិជ្ជកម្មតាមប្រព័ន្ធអេឡិចត្រូនិក។ កម្ពុជា ប្តេជ្ញាចិត្តក្នុងការពង្រួមគម្លាតឌីជីថល និងជំរុញកិច្ចសហប្រតិបត្តិការពាក់ព័ន្ធនឹងវិស័យនេះ និងបានយល់ពីសារៈសំខាន់នៃសហគ្រាសមីក្រូ ធុនតូច និងមធ្យម ព្រមទាំងបាននិងកំពុងខិតខំប្រឹងប្រែងដើម្បីធានានូវកំណើនសហគ្រាសមីក្រូ ធុនតូច និងមធ្យម ឱ្យកាន់តែច្រើនឡើង និងអាចទទួលបាននូវសេវាសាធារណៈ និងធានាបាននូវហិរញ្ញប្បទានដែលពួកគេត្រូវការដើម្បីបន្តភាពរីកចម្រើនបន្ថែមទៀត៕

(ប៉េកាំង)៖ ការវាយប្រហារនៅមន្ទីរពេទ្យមួយនៅភាគនិរតីនៃប្រទេសចិន បានបណ្តាលឲ្យមនុស្សជាង ១០នាក់ស្លាប់ ឬរងរបួស នេះបើយោងតាមប្រព័ន្ធផ្សព្វផ្សាយរដ្ឋ ដែលមិនបានបញ្ជាក់ពីលក្ខណៈនៃ ការវាយប្រហារនោះទេ។ទីភ្នាក់ងារសារព័ត៌មានរដ្ឋ Xinhua បាននិយាយថា ឧបទ្ទវហេតុនេះបានកើតឡើងនៅមន្ទីរពេទ្យក្នុង ស្រុកមួយ ហើយគិតត្រឹមម៉ោង 1.20pm មនុស្សជាង 10 នាក់បានរងរបួស ឬស្លាប់ ។ការវាយប្រហារនេះបានកើតឡើងនៅទីក្រុង Zhenxiong ភាគនិរតីនៃខេត្តយូណាន ភាគឦសាន ហើយអាជ្ញាធរកំពុងស៊ើបអង្កេត។ឧក្រិដ្ឋកម្ម​ហិង្សា​ទ្រង់ទ្រាយ​ធំ ​គឺ​កម្រ​មានណាស់​នៅ​ក្នុង​ប្រទេស​ចិន ដែល​ហាមប្រាម​ពលរដ្ឋ​យ៉ាង​តឹងរ៉ឹង​ពី​ការ​កាន់​អាវុធ ប៉ុន្តែ​មាន​ការ​ចាក់​សម្លាប់​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ៕

(អន្តរជាតិ)៖ អ្នកការទូតកំពូលរបស់ប្រទេសអាហ្វហ្គានីស្ថានប្រចាំប្រទេសឥណ្ឌា បានលាលែងពីដំណែង ប៉ុន្មានថ្ងៃ បន្ទាប់ពីនាងត្រូវបានគេរាយការណ៍ថា បានចាប់ខ្លួនដោយអាជ្ញាធរអាកាសយានដ្ឋានថា បានរត់ ពន្ធមាសតម្លៃជិត 2 លានដុល្លារចូលទៅក្នុងប្រទេស។លោកស្រី Zakia Wardak អគ្គកុងស៊ុលអាហ្វហ្គានីស្ថានប្រចាំនៅទីក្រុងបុមបៃ របស់ឥណ្ឌាបាន បង្ហោះសេចក្តីថ្លែងការណ៍មួយនៅលើវេទិកាប្រព័ន្ធផ្សព្វផ្សាយសង្គម X ប្រកាសលាលែងពីតំណែង។ស្ថានទូតអាហ្វហ្គានីស្ថាននៅទីក្រុងញូវដេលីបានបិទនៅក្នុងខែវិច្ឆិកា ជាងពីរឆ្នាំបន្ទាប់ពីពួកតាលីបង់ បានវិលត្រឡប់មកកាន់អំណាចវិញក្នុងទីក្រុងកាប៊ុល បន្ទាប់ពីការដួលរលំនៃរដ្ឋាភិបាលដែលគាំទ្រ ដោយលោកខាងលិចដោយទុកឱ្យលោកស្រី Wardak ជាអ្នកតំណាងជាន់ខ្ពស់បំផុតរបស់ប្រទេស នៅក្នុងប្រទេសឥណ្ឌា។លោកស្រី Wardak បាននិយាយ ថា "វាជាការសោកស្តាយជាខ្លាំងដែលខ្ញុំប្រកាសពីការសម្រេចចិត្ត របស់ខ្ញុំក្នុងការចាកចេញពីតួនាទីរបស់ខ្ញុំនៅស្ថានកុងស៊ុល និងស្ថានទូតនៅក្នុងប្រទេសឥណ្ឌា ដែលមាន ប្រសិទ្ធភាពនៅថ្ងៃទី 5 ខែឧសភា ឆ្នាំ 2024។របាយការណ៍ប្រព័ន្ធផ្សព្វផ្សាយឥណ្ឌាបាននិយាយថា លោកស្រី Wardak ត្រូវបានបញ្ឈប់ដោយអាជ្ញាធរ ស៊ើបការណ៍ហិរញ្ញវត្ថុកាលពីខែមុននៅអាកាសយានដ្ឋាន Mumbai នៅពេលមកដល់ពីទីក្រុងឌូបៃ រួមជាមួយកូនប្រុសរបស់នាង ដោយមានកាន់កាប់មាស 25 គីឡូក្រាម។របាយការណ៍បាននិយាយថា លោកស្រីមិនត្រូវបានចាប់ខ្លួនដោយសារតែអភ័យឯកសិទ្ធិការទូតរបស់ លោកស្រី ប៉ុន្តែមាសដែលមានតម្លៃប្រហែល 1.9 លានដុល្លារត្រូវបានរឹបអូស៕

(អន្តរជាតិ)៖ នាយកដ្ឋានឧតុនិយមថៃបានព្រមានថា ព្យុះរដូវក្តៅអមដោយខ្យល់កន្ត្រាក់ ព្រឹលទឹកកក និងផ្លេកបន្ទោរ អាចប៉ះពាល់ដល់ភាគខាងជើង ឦសាន តំបន់ភាគខាងកើត និងកណ្តាល។លក្ខខណ្ឌ​នេះ​កើត​ឡើង​ដោយ​ខ្យល់​បក់​ពី​ទិស​និរតី ដែល​បក់​មក​លើ​ផ្ទៃ​ប្រទេស​ខាង​លើ។នាយកដ្ឋាន​បាន​ព្រមាន​ប្រជាពលរដ្ឋ​នៅ​ភាគ​ខាង​លើ​នៃ​ប្រទេស ថា ​នឹង​មាន​អាកាសធាតុ​ធ្ងន់ធ្ងរ ហើយ​បាន​ណែនាំ​ពួកគេ​ឱ្យ​នៅ​ឆ្ងាយ​ពី​ដើមឈើ​ធំៗ និង​ផ្ទាំង​ប៉ាណូ​ដែល​គ្មាន​សុវត្ថិភាព។ កសិករ​គួរ​មាន​វិធានការ​ការពារ​កុំ​ឲ្យ​ខូច​ខាត​ដំណាំ និង​សត្វចិញ្ចឹម។នៅភាគខាងត្បូង ខ្យល់បក់បោកពីទិសពាយ័ព្យ និងនិរតី បោកបក់លើសមុទ្រ Andaman ភាគខាងត្បូង និងឈូងសមុទ្រ ដែលនាំមកនូវភ្លៀងធ្លាក់ខ្លាំង។ រាល់ការដឹកជញ្ជូនគួរតែបន្តការប្រុងប្រយ័ត្ន និងរក្សាឱ្យឆ្ងាយពីផ្គររន្ទះ។នាយកដ្ឋាននេះបានបន្ថែមថា ខ្យល់បក់ពីទិសអាគ្នេយ៍ និងខ្យល់បក់ពីទិសខាងត្បូងនឹងបន្តធ្លាក់ ពីលើ ប្រទេសថៃរហូតដល់ថ្ងៃសុក្រ ដោយនាំមកនូវផ្គរ រន្ទះ ខ្យល់កន្ត្រាក់ និងភ្លៀងធ្លាក់ មកលើផ្នែកជាច្រើន នៃប្រទេសនេះ។ទីក្រុងបាងកក ត្រូវបានព្យាករណ៍អាកាសធាតុសម្រាប់ ២៤ ម៉ោងបន្ទាប់ ដូចជាអាកាសធាតុ ក្តៅ មានផ្គររន្ទះ នៅតំបន់ដាច់ស្រយាល 30% នៃតំបន់ ក៏ដូចជាខ្យល់បក់បោក និងព្រិលធ្លាក់នៅតំបន់ខ្លះ។ សីតុណ្ហភាពអប្បបរមា មានពី ២៧-៣០ អង្សាសេ និង សីតុណ្ហភាពអតិបរមា មានពី ៣៥-៣៨ អង្សាសេ។ចំណែកភាគខាងជើង​ពីមួយថ្ងៃទៅមួយថ្ងៃ អាកាសធាតុក្តៅខ្លាំង ដោយមានផ្គររន្ទះ ខ្យល់កន្ត្រាក់ និងព្រិលធ្លាក់ ភាគច្រើននៅខេត្ត Mae Hong Son ឈៀងម៉ៃ ឈៀងរ៉ៃ ឡាំភូន ឡាំប៉ាង ផាយ៉ាវ ណាន ប្រា ឧត្តារ៉ាឌីត សុខោទ័យ តាក កំផែងផេង ភីឈីត ភីតសានូឡុក និងខេត្ត ផាត់ចាប៊ុន។ សីតុណ្ហភាពអប្បបរមា មានពី ២៣-២៩°C និង សីតុណ្ហភាពអតិបរមា មានពី ៣៧-៤២°C៕

(អន្តរជាតិ)៖ យ៉ាងហោចណាស់មានមនុស្សចំនួន 560 នាក់ត្រូវបានបញ្ជូនទៅមន្ទីរពេទ្យ សម្រាប់រោគ សញ្ញានៃការពុលអាហារ បន្ទាប់ពីទិញនំប៉័ងដាក់សាច់ ឬ banh mi នៅភោជនីយដ្ឋានមួយក្នុងខេត្ត Dong Nai ភាគខាងត្បូង។យោងតាមអាជ្ញាធរក្រុងឡុងខាញ់បានឱ្យដឹងថា ក្នុងចំណោមអ្នកដែលបានបរិភោគ Banh Mi នៅ ភោជនីយដ្ឋាន Bang កាលពីថ្ងៃទី 30 ខែមេសា មានចំនួនដល់ទៅ 560 នាក់ត្រូវបានសម្រាកព្យាបាល នៅមន្ទីរពេទ្យកាលពីថ្ងៃច័ន្ទ ខណៈដែលមានអ្នកផ្សេងទៀតដែលមានរោគសញ្ញាស្រាល ដែលបាន ទៅមន្ទីរពេទ្យដើម្បីពិនិត្យ និងបានត្រឡប់ទៅផ្ទះវិញ។ក្នុង​ចំណោម​អ្នកជំងឺទាំងអស់ មាន ១២ នាក់​ស្ថិត​ក្នុង​ស្ថានភាព​ធ្ងន់ធ្ងរ ហើយ​ជាង ២០០ នាក់​បានធូរស្រាល និងចាកចេញពីមន្ទីរពេទ្យ។ករណីធ្ងន់ធ្ងរបំផុតគឺក្មេងប្រុសអាយុប្រាំមួយឆ្នាំកំពុងសម្រាកព្យាបាលនៅមន្ទីរពេទ្យកុមារលេខ 1 ក្នុង ទីក្រុងហូជីមិញ ដែលមានព្រំប្រទល់ជាប់ខេត្តដុងណៃ។ក្មេងប្រុសនេះនៅតែស្ថិតក្នុងស្ថានភាពសន្លប់ ជាមួយនឹងការបញ្ចេញទឹកនោមតិចតួច ហើយបន្តដាក់ អុកស៊ីសែនការលាងឈាម។ ក្មេងប្រុសនេះ បានបរិភោគបាញ់មីពី​ហាង​ខាងលើ នៅ​ថ្ងៃ​ទី​៣០ មេសា ហើយ​ថ្ងៃ​បន្ទាប់ គាត់​ក្អួត និង​មាន​រាគរូស ប៉ុន្តែ​មិន​ត្រូវ​បាន​គេ​បញ្ជូន​ទៅ​មន្ទីរពេទ្យ​ភ្លាមៗ​ទេ ។លុះ​ដល់​ថ្ងៃ​ទី​២ ខែ​ឧសភា គាត់​ក្អួត​ច្រើន​ឡើង​ប្រកាច់ ហើយ​ត្រូវ​គេ​បញ្ជូន​ទៅ​មន្ទីរពេទ្យ​ទូទៅ Long Khanh ក្នុង​ស្ថានភាព​សន្លប់ ក្រហាយ​ភ្នែក និង​គាំងបេះដូង។ករណី​ធ្ងន់ធ្ងរ​ទី​២ គឺ​ក្មេង​ប្រុស​អាយុ​៧​ឆ្នាំ កំពុង​សម្រាក​ព្យាបាល​នៅ​មន្ទីរពេទ្យ​កុមារ Dong Nai ដែល​សុខភាព​មាន​ភាព​ប្រសើរ​ឡើង។ អ្នកជំងឺបង្ហាញការក្អក ហើយអាចបើកភ្នែកម្តងម្កាល។ លោក Le Quang Trung ប្រធាននាយកដ្ឋានសុខភាព Dong Nai បាននិយាយថា លទ្ធផលតេស្ត ឈាមពីកុមារបីនាក់ ដែលមានជំងឺធ្ងន់ធ្ងរបង្ហាញថា មានការឆ្លងមេរោគ E. coli ។បាក់តេរីនេះច្រើនតែលេចឡើងក្នុងផលិតផលស្រស់ៗ សាច់គោ ទឹកដោះគោស្រស់ ទឹកផ្លែឈើ ឈីស ផ្លែឈើស្រស់ និងបន្លែឆៅ។ រោគសញ្ញានៃការឆ្លងមេរោគ E. coli ជាធម្មតារួមមាន ចង្អោរ និងក្អួត និងរាគ។ភោជនីយដ្ឋាន Bang banh mi នៅផ្លូវ Tran Quang Dieu នៃ Long Khanh លក់បាននំប៉័ងដាក់សាច់អស់ ចំនួន 1100 ដើមកាលពីថ្ងៃទី 30 ខែមេសា៕