(ជាតិ)៖ ប្រជាពលរដ្ឋស្រុកកែវសីមា និងក្រុងសែនមនោរម្យ បាននិយាយថា ហ្វូងដំរីព្រៃបានបង្ហាញខ្លួននៅតាមតំបន់ ការពារធម្មជាតិក្នុងខេត្តមណ្ឌលគិរីជាពិសេសនៅស្រុកកែវសីមានិងផ្នែកខ្លះ នៃក្រុងសែនមនោរម្យ ដែល មាន ចំនួនច្រើនជាងការមើលឃើញជាងបណ្តាឆ្នាំមុនៗ។ ជាក់ស្តែងថ្មីៗនេះ ហ្វូងដំរីព្រៃអាស៉ីប្រមាណ ២០ ក្បាល ត្រូវបាន ប្រទះឃើញនៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ដែលជាសញ្ញាបញ្ជាក់ថា សត្វដំរីព្រៃរស់នៅសុខសាន្ត និងបង្កើតកូនចៅជាបន្តបន្ទាប់។ នេះបើយោងតាមការចុះផ្សាយ របស់ក្រសួងព័ត៌មាន។មន្រ្តីឧទ្យានុរក្ស បានសង្កេតលើវត្តមានដំរីព្រៃ ដែលធ្វើ ដំណើរក្នុងតំបន់ព្រៃ ហើយពេលខ្លះបានចូល មកក្នុងសហគមន៍តំបន់ការពារធម្មជាតិ ជាហ្វូងៗចន្លោះពី២០ ទៅ៣០ក្បាល ដែលចំនួននេះកើនឡើង ពីចំនួន៣ ទៅ៥ ក្បាល ដែលបានបង្ហាញខ្លួន កាលពីពេលកន្លងទៅ។ប្រធានការិយាល័យដែលជម្រកសត្វព្រៃកែវសីមា បានឱ្យដឹងថា៖ «មន្ត្រីបច្ចេកទេសបានប្រទះ ឃើញសត្វដំរីឈ្មោល០១ក្បាល ឈឺជើងខាងឆ្វេងនៅ ក្នុងអូរប៉ាម ស្ថិតនៅភូមិអូរអាម ឃុំស្រែខ្ទុម ស្រុកកែវសីមា។ ក្រុមការងារបានយកចំណីដាក់នៅជិតៗវាផងដែរ ហើយបច្ចុប្បន្នសត្វដំរីមួយនេះ មានសុខភាពប្រសើរវិញបន្តិចហើយ ខណៈដែលហ្វូងរបស់វាមិនទៅណាឆ្ងាយពីដំរីឈ្មោលដែលឈឺជើងនេះទេ»។បើតាមលោក សុះ មីឡែម អភិបាលរងស្រុកកែវសីមា ឱ្យដឹងថា រដ្ឋបាលស្រុកកែវសីមា កំពុងចាត់ វិធានការណែនាំមេភូមិ មេឃុំ ក្នុងការចេញសេចក្តីជូនដំណឹងដល់ប្រជាពលរដ្ឋមូលដ្ឋាន សូមមានការប្រុងប្រយ័ត្នខ្ពស់ និងជៀសវាងការចូលក្នុងព្រៃស្វែងរកបន្លែ ក្បែរតំបន់ដំរីឈឺ ត្រង់ចំណុចអូរប៉ាម បង្ការជៀសវាងគ្រោះថ្នាក់ផ្សេងៗជាយថាហេតុ។ បន្ថែមពីនេះ លោកក៏ស្នើសុំដល់មន្រ្តីជំនាញពាក់ព័ន្ធ តាមដានយកចិត្តទុកដាក់ទៅលើសុខភាព និងជំងឺរបស់ដំរីផងដែរ៕

(ព្រៃវែង)៖ នៅថ្ងៃទី២៣ ខែមេសា ឆ្នាំ២០២៤ សាខា ក.ប.ប. ខេត្តព្រៃវែង ដោយទទួលបានការស្នើសុំកិច្ចសហការពីអគ្គនាយកដ្ឋានគយ និងរដ្ឋករ បានចុះត្រួតពិនិត្យបឋមលើទំនិញ សាច់ក្របីបង្កក ចំនួន ៣ ៥០០គីឡូក្រាម ដែលអគ្គនាយកដ្ឋានគយ និងរដ្ឋាករ (គយចល័ត) ឃាត់ស្ទាក់ចាប់បាននៅតំបន់២ នៅក្នុងភូមិសាស្ត្រស្រុកបាភ្នំ ខេត្តព្រៃវែង ដោយឈ្មួញលួចនាំចូលបង្កប់ជាមួយទំនិញផ្សេង ដឹកតាមរថយន្តស៊ាំយ៉ុង។ មន្ត្រីជំនាញ ក.ប.ប. បានធ្វើការត្រួតពិនិត្យយ៉ាងយកចិត្តទុកដាក់ ដោយទទួលបានលទ្ធផលដូចខាងក្រោម៖- បានរកឃើញថា ទំនិញសាច់ក្របីបង្កកទាំងនោះ ត្រូវបានឈ្មួញទុច្ចរិត (បុគ្គលប្រព្រឹត្តិអំពើមិនសុចរិតក្នុងធុរកិច្ច) លួចបន្លំនាំចូលដោយបង្កប់ជាមួយទំនិញថង់ប្លាស្ទិចដឹកតាមរថយន្តស៊ាំយ៉ុង ចំនួន ៣ គ្រឿង- សាច់ក្របីបង្កកមានប្រភពមកពីប្រទេសឥណ្ឌា ដោយពុំមានវិញ្ញាបនបត្របញ្ជាក់គុណភាពនៃប្រទេសនាំចេញ - ការវេចខ្ចប់និងដឹកជញ្ជូនពុំបានត្រឹមត្រូវ - ការរក្សាទុកពុំត្រឹមត្រូវតាមស្តង់ដារបច្ចេកទេស (កម្រិតសីតុណ្ហភាពពុំត្រឹមត្រូវ) នាំឱ្យសាច់ប្រែប្រួលបាត់បង់គុណភាព យោងតាមលទ្ធផលនៃការត្រួតពិនិត្យនេះ និងដោយមានការចង្អុលបង្ហាញពីព្រះរាជអាជ្ញាអមសាលាដំបូងខេត្តព្រៃវែង មន្ត្រីជំនាញទាំង២ស្ថាប័នបានសម្រេចជាឯកឆន្ទ ដុតកម្ទេចចោលនូវសាច់ក្របីបង្កកទាំង១៧៥ កេស ទម្ងន់ ៣ ៥០០គីឡូក្រាមនោះ ដើម្បីកុំឱ្យមានការចរាចរចូលទីផ្សារ ដែលអាចបណ្តាលឱ្យប៉ះពាល់ដល់សុខភាពរបស់អ្នកប្រើប្រាស់ជាយថាហេតុ៕

(អន្តរជាតិ)៖ ព្រះរាជអាជ្ញាបានផ្តល់អនុសាសន៍ឱ្យជាប់ពន្ធនាគារពី 9 ទៅ 10 ឆ្នាំសម្រាប់លោក Tran Qui Thanh ប្រធានក្រុមហ៊ុនផលិតភេសជ្ជៈឈានមុខគេ Tan Hiep Phat ត្រូវបានចោទប្រកាន់ពីបទ "រំលោភលើទំនុកចិត្តចំពោះទ្រព្យសម្បត្តិសមស្រប" ។ Thanh អាយុ 71 ឆ្នាំ លោក Tran Uyen Phuong អាយុ 43 ឆ្នាំ ដែលជាអគ្គនាយករងនៃក្រុមហ៊ុន Tan Hiep Phat និង Tran Ngoc Bich អាយុ 40 ឆ្នាំកំពុងត្រូវបានកាត់ទោសពីបទផ្តល់ប្រាក់កម្ចីប្រឆាំង នឹងវត្ថុបញ្ចាំហើយ បន្ទាប់មកបង្ខិតបង្ខំ អ្នកខ្ចីឱ្យលក់ទ្រព្យសម្បត្តិក្នុងតម្លៃថោកទៅជាទ្រព្យសម្បត្តិសមស្រប ដែលមានតម្លៃ 1.048 ពាន់ពាន់លានដុង ស្មើនឹងប្រមាណជា (41.2 លានដុល្លារ)។ព្រះរាជអាជ្ញាបាននិយាយនៅរសៀលថ្ងៃពុធថា Thanh គឺជាមេខ្លោងនៅពីក្រោយការក្លែងបន្លំនេះ ខណៈដែលកូនស្រីរបស់គាត់គ្រាន់តែធ្វើតាមការណែនាំរបស់គាត់ប៉ុណ្ណោះ។ ព្រះរាជអាជ្ញាបាននិយាយថា៖ «ក្នុងករណីនេះ លោក Thanh ត្រូវទទួលខុសត្រូវចំពោះប្រតិបត្តិការ និងការចរចាដោយផ្ទាល់ជាមួយអ្នកខ្ចី។ព្រះរាជអាជ្ញាបានអះអាងថា នៅពេលប្រព្រឹត្តខុស អ្នកទាំងបីបានទទួលការអប់រំ និងចំណេះដឹង ប៉ុន្តែបានជ្រើសរើសចូលរួមក្នុងគម្រោងផ្តល់ប្រាក់កម្ចីដល់ទ្រព្យសម្បត្តិសមស្របពីអ្នកខ្ចីក្នុងរយៈពេលយូរ។យ៉ាងណាក៏ដោយ ពួកគេបានទទួលស្គាល់ភាពចាស់របស់ Thanh និងការរួមចំណែករបស់អ្នកទាំងបីចំពោះសេដ្ឋកិច្ច និងសង្គមថាជាកត្តាកាត់បន្ថយ។ ដោយពិចារណាលើកត្តាទាំងអស់ ព្រះរាជអាជ្ញាបានស្នើ ឱ្យមានការផ្តន្ទាទោសដាក់ពន្ធនាគារពី 9 ទៅ 10 ឆ្នាំសម្រាប់លោក Thanh ខណៈដែលលោក Phuong ត្រូវបានផ្តល់អនុសាសន៍ឱ្យជាប់ពន្ធនាគារពី 5 ទៅ 6 ឆ្នាំ និង Bich 4-5 ឆ្នាំសម្រាប់ការចោទប្រកាន់ពីបទ "រំលោភលើទំនុកចិត្តចំពោះទ្រព្យសម្បត្តិសមស្រប" ។យោងតាមតំណាងអយ្យការ លោក Thanh និងកូនស្រីរបស់គាត់បានផ្តល់ប្រាក់កម្ចីប្រឆាំង នឹងវត្ថុបញ្ចាំដល់មនុស្សជាច្រើនក្នុងអត្រាការប្រាក់ 3% ក្នុងមួយខែរវាងខែមករា 2019 ដល់ខែវិច្ឆិកា 2020។ប៉ុន្តែជំនួសឱ្យកិច្ចសន្យាប្រាក់កម្ចី ពួកគេបានបង្ខំពួកគេឱ្យចុះហត្ថលេខាលើកិច្ចសន្យាលក់ ក្នុងតម្លៃទាបជាងតម្លៃជាក់ស្តែងនៃវត្ថុបញ្ចាំ។សូម្បីតែពេលដែលអ្នកខ្ចីបានសងប្រាក់វិញដោយមានការប្រាក់ក៏ដោយ ក៏លោក Thanh បដិសេធមិនព្រមប្រគល់ទ្រព្យសម្បត្តិមកវិញដោយហេតុផលផ្សេងៗ រួមទាំងការអះអាងថា ពួកគេបានបាត់បង់សិទ្ធិទិញវិញដោយសារការបំពានកិច្ចសន្យា។អ្នកទាំងបីត្រូវបានចោទប្រកាន់ថាបានបោកប្រាស់គម្រោងអចលនទ្រព្យចំនួនពីរ និងដីចំនួន 35 ដែលមានតម្លៃសរុបចំនួន 1.048 ពាន់ពាន់លានដុងពីបុគ្គលចំនួន 4 នាក់តាមរបៀបនេះ។ពួកគេបានបដិសេធការចោទប្រកាន់ពេញមួយការស៊ើបអង្កេត ដោយអះអាងថាពួកគេជាការលក់ និងមិនមែនជាប្រតិបត្តិការកម្ចី។ ទោះយ៉ាងណាក៏ដោយ ក្នុងអំឡុងពេលសវនាការដែលកំពុងបន្ត លោក Thanh និង Phuong បានផ្លាស់ប្តូរសក្ខីកម្មរបស់ពួកគេ ហើយបានសារភាពចំពោះការចោទប្រកាន់ ដែលដាក់ដោយព្រះរាជអាជ្ញា៕

(សង្គម)៖ មហាជនរិះគន់ចាក់ទឹកមិនលេចក្រោយ តារាចម្រៀង សាពូនមីដាដាហែកសារ៉ុងខ្លួនឯងបង្ហោះពេញបណ្ដាញសង្គមថា ខ្លួនជាបុរសកញ្ជើធ្លុះ ថែមទាំងលើកឡើងថា កាលពី១១ឆ្នាំមុន សម្ដេចតេជោ បានជួយលុយប្រមាណជា ៦-៧លានដុល្លារ តែខ្លួនគ្មានកំណើតថែមទៀតផង។ មហាជនឃើញការផុសនេះបានលើកឡើងថា បានលុយហើយបែរមក បង្កបញ្ហាឈឺក្បាល រហូតដល់សម្ដេចតេជោ ហ៊ុន សែន មានប្រសាសន៍តបយ៉ាងដូច្នេះថា «លោកសាពូនមីដាដាបានបង្ហោះសារ ដោយនិយាយថាខ្ញុំនិងភរិយាបានជួយ គាត់ចំនួន6,7លានដុល្លារព្រមទាំងផ្ទះ និងឡាន។ ច្រើនណាស់កូនបើកូនទទួលបានមែន តើកូនយកទៅណា?។ តើកូនឆ្កួត ឬក៏ឡប់ ឬចង់អួតទៅអ្នកដ៏ទៃ? ជាង១០ឆ្នាំមុនពុកម៉ែ បានហៅកូនទាំងពីរនិងចៅទៅលេងផ្ទះវិមានឯករាជ្យនិងបានផ្តល់ប្រាក់៣០ម៉ឺន ដុល្លារសម្រាប់ ពួកកូនទិញផ្ទះនៅ។ ក្រោយមកដោយឃើញថាមារយាទកូនទាំងពីរមិនកើតពុកម៉ែបដិសេធ មិនជួយកូនទៀតទេទោះកូនបានសុំមកទៀតដើម្បីបង់រំលោះផ្ទះដែលកូនប្រាប់ថាទិញផ្ទះចំនួន៤ដែលគ្មានលុយបង់រំលោះឲ្យគេ។ កូនប្រុសពុកម៉ែមានចិត្តចង់ជួយកូនតែកូនមិនត្រឹមតែ បំផ្លាញខ្លួនឯងទេតែកូនចង់បំផ្លាញដល់ពុកម៉ែតាមរយ:ការបង្ហោះសារបែបនេះទៅវិញ។លុយជិត៧លានដុល្លារវាច្រើនណាស់ដែលពុកគ្មានលទ្ធភាពផ្តល់ឲ្យកូននោះឡើយ៕» ក្រោយឃើញសាពូនមីដាដា បង្ហោះសារភ្លាវៗ បែបនេះ មានជនបានលើកឡើងថា «30ម៉ឺនច្រើន សំណាំងណាស់ មួយជីវិតខ្ញុំមិនដែលស្គាល់លុយម៉ឺនៗទេ បើខ្ញុំវិញកុំថាឡើយអោយ ទោះអោយខ្ចីក៏មិនអោយអ្នកអោយខ្ចីខកចិត្តដែរ ក៏ខ្ញុំដឹងគុណអ្នកអោយខ្ញុំដែរ សម្តេចពុកចិត្តទូលាយណាស់ តែខុសមនុស្ស តែក្នុងនាមជាជួយ ទោះយ៉ាងណាក៏នៅតែចង់ជូយ»។ អ្នកខ្លះបន្តថា មនុស្ស សាពូនមីដាដា មានសំណាងតែមិនរក្សាវាអោយគង់វង្ស ខណៈពេលដែលអ្នកខ្លះតស៊ូបម្រើការងារ ដោយវេទនាជាង១០ឆ្នាំ ជីវភាពបានត្រឹមរស់សមរម្យនៅក្នុងផ្ទះបង់រំលោះ។ បុណ្យព្រេងសំណាងខុសគ្នា តែសម្តេចពុកពិតជាបានលះបង់ច្រើនណាស់ដើម្បីប្រទេសជាតិមួយនេះ ប្រជាជនក្នុងប្រទេសនេះ។ ខ្លះទៀតបន្តថា មានបុណ្យណាស់ទៅហើយបានសម្តេចជួយ តែអ្នកដែលត្រូវបានជួយហើយ មឹនជួយខ្លួនឯង លុយ៣០ម៉ឺនច្រើនណាស់ បើអ្នកឆ្លាត គឺលុយនឹងអាចកើនដល់លានឯនោះ លោកពុកជួយខុសមនុស្ស តែបុណ្យដែលបានធ្វើ នឹងជួយទៅហើយ គឺរមែងតែទទួលបានបុណ្យត្រឡប់ មកក្រុមគ្រួសារសម្តេចពុកវឹញផងដែរ។ ក្រោយសម្ដេចតេជោ ហ៊ុន សែន បានមានប្រសាសន៍ឆ្លើយតបទៅកាន់ តារាចម្រៀង សាពូនមីដាដា ចុកៗបែបនេះហើយ ស្រាប់តែព្រឹកឡើងនៅថ្ងៃទី25 ខែមេសា ឆ្នាំ២០២៤ សាពូនមីដាដា ក៏បង្ហោះសារសូមខមាលទោសពីចំងាយសម្តេចតេជោហ៊ុនសែន ដោយបញ្ជាក់ថា ចំនួនទឹកប្រាក់ពិតប្រាកដដែលសម្ដេចតេជោ បានជួយជានោះចាប់តាំងពីដំបូង និងជាបណ្តើរៗរហូតមកមានចំនួនជាង40ម៉ឺន$ ( ចន្លោះពី42ម៉ឺន$ទៅ43ម៉ឺន $) មិនមែន 6.7លាន$នោះទេ។ ទោះជាយ៉ាងណាក្ដី មហាជននិយមលេងបណ្ដាញសង្គមនៅតែបន្ត រិះគន់ តារាចម្រៀង សាពូនមីដាដា ជាបន្តបន្ទាប់ថា បែកៗ ចង់បានចំណាប់អារម្មណ៍ពីមហាជន ក៏បង្កើតព្រឹត្តិការណ៍ ថោកទាបណាស់ មនុស្សគ្មានកំណើត។ ខ្លះទៀតបន្តថា លើកក្រោយបើស្រវឹងស្រាដេក! មិនមែនចេះ តែបញ្ចេញអារម្មណ៍តាមចិត្តទេ យើងជាមនុស្សដែលមហាជនស្គាល់យល់៕

(សង្គម)៖ ថ្មីៗនេះផ្ទុះការចែកចាយនិងគាំទ្រចំពោះការលើកឡើងយ៉ាងព្រោងព្រាតរបស់អាណាព្យាបាលម្នាក់ដែលមានកូនទើបតែឡើងមកសិក្សាបន្តនៅរាជធានីភ្នំពេញ។ ដោយការលើកឡើងនោះគឺជាការសំណូមពរទៅកាន់ប៉ូលីសចរាចរណ៍នៅទីក្រុងភ្នំពេញគួរណាអនុគ្រោះចំពោះសិស្សានុសិស្សដែលទើបតែមកពីខេត្តឬណែនាំម្ដងទៅពីរដងជាមុនសិនមុននឹងផាកពិន័យនៅពេលដែលពួកគេល្មើសឬបើកបរខុសដោយប្រការណាមួយ។យ៉ាងណាមិញយោងតាមគណនីហ្វេសប៊ុកឈ្មោះ បូរ បូរបានបង្ហោះនូវសំណេរមួយមានខ្លឹមសារយ៉ាងដូច្នេះថា«សូមប៉ូលីសទីក្រុងមេត្តាអនុគ្រោះឬធ្វើការណែនាំម្ដងឬ2ដងដល់សិស្សសាលាឡើងពីខេត្តទៅសិក្សានៅក្នុងក្រុងពួកគាត់មិនស្គាល់ផ្លូវច្បាស់ទេ បើផាកថ្លៃៗអស់លុយបង់បន្ទប់ជួលហើយ»។ ក្រោយពីបានឃើញការលើកឡើងក៏ដូចជាការបង្ហោះមួយនេះហើយមានអ្នកប្រើប្រាស់បណ្ដាញសង្គមជាច្រើនជាពិសេសអាណាព្យាបាលដែលទើបតែមានកូនឡើងមកភ្នំពេញដើម្បីបន្តការសិក្សានាំគ្នាគាំទ្រយ៉ាងពេញទំហឹងចំពោះការសំណូមពរបែបនេះ ដោយហេតុថាសិស្សៗដែលទើបតែមកពីបណ្ដាខេត្តភាគច្រើនគឺពួកគេពុំទាន់ស្គាល់ផ្លូវនៅទីក្រុងប៉ុន្នាននោះឡើយ ណាមួយទៀតពួកគេក៏មិនទាន់សាំជាមួយនឹងផ្លាកសញ្ញាមួយចំនួនទៀតដូច្នេះហើយពួកគេគួរណាតែទទួលបានការណែនាំលើកទីមួយឬលើកទីពីរជាមុនសិនមុននឹងត្រូវផាកពិន័យ។ ការណែនាំបែបនេះទៀតសោតគឺដើម្បីទុកពេលឱ្យពួកគេរៀនសូត្រពីច្បាប់ចរាចរណ៍បន្ថែមទៀត ក៏ប៉ុន្តែបើក្នុងករណីណែនាំលើសពីពីរដងហើយពួកគេនៅតែធ្វើខុសទៀតនោះសាកសមហើយដែលត្រូវទទួលនូវការផាកពិន័យតាមច្បាប់។ លើសពីនោះផងដែរភាគច្រើនសិស្សដែលមកពីតាមបណ្ដាខេត្តគឺត្រូវចំណាយទៅលើការបង់ផ្ទះជួលជាចាំបាច់រីឯការផាកពិន័យទៀតសោតគឺត្រូវចំណាយលុយច្រើន ការត្អូញត្អែរបែបនេះមិនមែនចង់បន្ទោសឬដាក់បន្ទុកកាន់ប៉ួលីសនោះទេ តែគ្រាន់តែជាហេតុផលជាក់ស្ដែងហើយចង់ឱ្យមានការសម្រួលសម្រាប់កំហុសដំបូងៗតែប៉ុណ្នោះ។ទោះជាយ៉ាងណាក្ដីទាំងនេះគឺជាការយល់ឃើញនឹងជាការសំណូមពរពីសំណាក់អាណាព្យាបាលសិស្សទៅកាន់ប៉ូលិសចរាចរណ៍នៅទីក្រុងតែប៉ុណ្ណោះ រីឯជាក់ស្ដែងយ៉ាងណាក្ដីគ្រប់គ្នាក៏ទាន់ដឹងដូចគ្នា តែក្នុងនោះក៏មានបណ្ដាមតិយោបល់មួយចំនួនផងដែរដែលពួកគេបានចែករំលែកពីបទពិសោធន៍របស់ខ្លួនថា ធ្លាប់បានជួបប៉ូលីសចរចរណ៍ខ្លះពេលដែលដឹងថាជាសិស្សទើបមកពីខេត្តគឺគាត់មិនបានផាកពិន័យនោះទេតែផ្ទុយទៅវិញគឺគាត់បានពន្យល់ណែនាំ ហើយតាំងពីពេលនោះមកគឺពួកគេមិនដែលត្រូវបានផាកពិន័យទៀតឡើយដោយបានប្រុងប្រយ័ត្ននិងសិក្សាពីច្បាប់ចរាចរណ៍បន្ថែម៕

(អន្តរជាតិ)៖ ម៉ាកយីហោវៀតណាម LSeoUL បានលក់ខោអាវអស់ក្នុងរយៈពេលត្រឹមតែ 15 នាទីប៉ុណ្ណោះ បន្ទាប់ពីម៉ូតរបស់ខ្លួន បង្ហាញខ្លួននៅលើ Jennie មកពីក្រុមចម្រៀងនារីកូរ៉េខាងត្បូង Blackpink។Jennie បានចែករំលែករូបថតជាច្រើនសន្លឹក និងវីដេអូមួយដែលនាងត្រូវបានគេមើលឃើញថា កំពុងផ្សព្វផ្សាយបណ្តុំវ៉ែនតានាពេលខាងមុខ ដោយសហការជាមួយ Gentle Monster នៅលើគណនី Instagram របស់នាង។​មិន​ចំណាយ​ពេល​យូរ​ប៉ុន្មាន​ទេ​សម្រាប់​អ្នក​តាមដាន​ម៉ូដ​ដែល​ចង់​ដឹង​ថា ​សំពត់​របស់​នាង​គឺ​មកពី​ម៉ាក​យីហោ​វៀតណាម LSeoUL ដែល​លក់​រាយ​ក្នុង​តម្លៃ 980,000 ដុង (38.5 ដុល្លារ)។ ម៉ាកយីហោនេះក៏ ទទួលបានការពេញចិត្តពីតារាកូរ៉េខាងត្បូងផ្សេងទៀត រួមទាំង Miyeon មកពីក្រុមចម្រៀងនារី (G)I-DLE និងតារាចម្រៀង IU ផងដែរ។បន្ទាប់ពីលក្ខណៈពិសេសរបស់ Jennie, LSeoUL បានរាយការណ៍ពីការកើនឡើងនៃការបញ្ជាទិញ សម្រាប់សំពត់ដែលនាងពាក់ ដោយទាំងអស់ 2000 សំពត់ នៅក្នុងស្តុកត្រូវបានលក់អស់ ក្នុងរយៈពេលប្រហែល 15 នាទី។ អ្នកទិញមិនត្រូវបានកំណត់ចំពោះអតិថិជនវៀតណាមទេ ប៉ុន្តែរួម បញ្ចូលអ្នកចូលចិត្តម៉ូដថៃផងដែរ។Jennie ត្រូវ​បាន​គេ​ទទួល​ស្គាល់​យ៉ាង​ទូលំទូលាយ​ ជាអ្នក​មាន​ឥទ្ធិពល ដោយ​មាន​និន្នាការ​ជា​ច្រើន​ដែល​នាង​ទទួល​យក​លក់​ចេញ​យ៉ាង​ឆាប់​រហ័ស។របាយការណ៍ពី Vogue Korea និង Vogue Business បង្ហាញថា ការបង្ហាញខ្លួនជាសាធារណៈរបស់ Jennie បង្កើនចំណាប់អារម្មណ៍លើការស្វែងរក ការលក់ និងការចូលរួមប្រព័ន្ធផ្សព្វផ្សាយសង្គម សម្រាប់ម៉ាក ដែល នាងតំណាង។Kim Jennie កើតនៅទីក្រុងសេអ៊ូល តារាចម្រៀងវ័យ 28 ឆ្នាំរូបនេះបានចំណាយពេល 5 ឆ្នាំនៅប្រទេស នូវែលសេឡង់សម្រាប់ការអប់រំរបស់នាង មុនពេលត្រលប់មកកូរ៉េខាងត្បូងដើម្បីបង្ហាញមុខជាមួយ Blackpink ក្នុងឆ្នាំ 2016 ៕

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃព្រហស្បតិ៍ ទី២៥ ខែមេសា ឆ្នាំ២០២៤នេះ បានថ្លែងបញ្ជាក់ទៅកាន់សមាជិកសភាពាណិជ្ជកម្មអឺរ៉ុបប្រចាំនៅកម្ពុជា(EuroCham) អំពីការកែសម្រួលសេវារបស់ក្រសួងការងារ និងបណ្តុះបណ្តាលវិជ្ជាជីវៈនៅអាណត្តិទី៧ថ្មីនេះដើម្បីបន្តជួយគាំទ្រ និងបង្កើនបរិយាកាសអាជីវកម្មនៅកម្ពុជាឱ្យកាន់តែប្រសើរឡើងបន្ថែមទៀត។ ការបញ្ជាក់របស់ឯកឧត្តមរដ្ឋមន្ត្រីយ៉ាងដូចនេះ គឺនៅពេលដែលឯកឧត្តមបានអញ្ជើញជាអធិបតីក្នុងវេទិកាធនធានមនុស្សប្រចាំឆ្នាំរបស់សភាពាណិជ្ជកម្មអឺរ៉ុបប្រចាំនៅកម្ពុជា(EUROCHAM) ដែលបានធ្វើឡើងនៅ សណ្ឋាគារអ៊កវ៉ូត(Oakwood) ក្នុងរាជធានីភ្នំពេញ។ឯកឧត្តមរដ្ឋមន្ត្រី បានលើកឡើងថា សេវាមិនតិចជាង១០ប្រភេទនោះទេដែលក្រសួងនឹងត្រូវកែសម្រួលមិនយកថ្លៃ ឬកាត់បន្ថយថ្លៃ និងពេលវេលាដែលជាការអនុវត្តតាមអនុសាសន៍របស់សម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាលកម្ពុជាដែលបានលើកឡើងក្នុងវេទិការាជរដ្ឋាភិបាល-ផ្នែកឯកជនលើកទី១៩ កាលពីថ្ងៃទី១៣ ខែវិច្ឆិកា ឆ្នាំ២០២៣កន្លងទៅនេះ ដើម្បីសម្រួលដល់វិស័យឯកជន។ ជាមួយនឹងការអបអរសាទរដោយសំឡេងទះដៃពីអង្គពិធី ឯកឧត្តមរដ្ឋមន្ត្រី បានបញ្ជាក់ថា ការកែសម្រួលសេវានឹងអាចប្រកាសនៅដើមសប្តាហ៍ក្រោយនៃខែមេសា ឆ្នាំ២០២៤នេះ។ បន្ថែមពីនេះ ក្នុងនាមជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម បានជំរុញឱ្យសមាជិកសភាពាណិជ្ជកម្មអឺរ៉ុបដែលចង់បណ្តុះបណ្តាល ឬបង្កើនសមត្ថភាពបុគ្គលិក មកចុះឈ្មោះបណ្តុះបណ្តាលតាមគ្រឹះស្ថានអប់រំសិក្សារបស់ក្រសួងដែលនឹងផ្តល់ការបណ្តុះបណ្តាលដោយឥតគិតថ្លៃតាំងពីកម្រិតបច្ចេកទេសវិជ្ជាជីវៈកម្រិត១ រហូតដល់កម្រិតសញ្ញាបត្រជាន់ខ្ពស់បច្ចេកទេស(ឌីប្លូម៉ា)។ បន្ថែមពីនេះ ឯកឧត្តមរដ្ឋមន្ត្រីក៏បានរំលឹកពីកម្មវិធីថ្នាក់ជាតិរបស់ប្រមុខរាជរដ្ឋាភិបាលលើការបណ្តុះបណ្តាលជំនាញបច្ចេកទេសវិជ្ជាជីវៈដល់ក្រុមយុវជនមកពីគ្រួសារក្រីក្រ និងងាយរងហានិភ័យចំនួន១.៥លាននាក់ដែលទទួលបានការបណ្តុះបណ្តាលដោយឥតគិតថ្លៃនិងប្រាក់ឧបត្ថមពីរាជរដ្ឋាភិបាលចំនួន២៨ម៉ឺនរៀលក្នុងមួយខែ។ សូមបញ្ជាក់ថា ក្នុងអាណត្តិទី៧នេះ ក្រសួងការងារ និងបណ្តុះបណ្តាលវិជ្ជាជីវៈ បានកំណត់យកការបណ្តុះបណ្តាលជំនាញគឺជាយុទ្ធសាស្ត្រដ៏សំខាន់មួយក្នុងចំណោមយុទ្ធសាស្ត្ររយៈពេល៥ឆ្នាំដើម្បីជាសេនាធិការជូនរាជរដ្ឋាភិបាលក្នុងការផលិតមូលធនមនុស្ស និងអភិវឌ្ឍកម្លាំងពលកម្មឱ្យមានជំនាញ ចំណេះដឹង សមត្ថភាព គុណធម៌ សីលធម៌ ចរិយាមារយាទ មនសិការវិជ្ជាជីវៈ ស្មារតីទទួលខុសត្រូវដែលមានផលិតភាពខ្ពស់ មានភាពធន់ បត់បែនដែលអាចឆ្លើយតបតាមតម្រូវការនៃការវិវត្តយ៉ាងឆាប់រហ័សនៃមូលដ្ឋានសេដ្ឋកិច្ច ឧស្សាហកម្ម បច្ចេកវិទ្យាឌីជីថលក្នុងទិសដៅធានាថា ពលរដ្ឋម្នាកក់មានជំនាញមួយយ៉ាងតិចប្រចាំជីវិត៕

(ភ្នំពេញ)៖ ក្រោយភ្លៀងមេឃស្រឡះ ប្អូនប្រុសផល្លី ក្រោយសម្រាកចូលឆ្នាំខ្មែរត្រឡប់មកធ្វើការវិញ មិនទាន់បាត់ខូចចិត្តរឿងបែកសង្សារផង ឥឡូវគាស់ប៊ូសស្រ្តងត្រជាក់ៗញុំា១កំប៉ុង ត្រូវរង្វាន់ឡានថ្មីខ្លាញ់គោ ១គ្រឿង ដូចជប់ជីវិតថ្មី។ អបអរសាទរប្អូនប្រុស ខុម ផល្លី អាយុ ១៨ឆ្នាំ មុខរបរកម្មកររោងចក្រ ក្លាយជាម្ចាស់ឡានថ្មីខ្លាញ់គោពីប៊ូសស្រ្តង លេខរៀង ០៥៦ បច្ចុប្បន្នរស់នៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។ បើតាមសម្ដីប្អូនប្រុស បានឱ្យដឹងថា ក្រោយពីសម្រាកចូលឆ្នាំខ្មែរត្រឡប់មកធ្វើការវិញ មេឃក្ដៅខ្លាំងពេក ក៏ទិញប៊ូសស្រ្តងត្រជាក់ៗញុំា១កំប៉ុង គាស់ឃើញរូបឡានភ្លាម  លោតផង ស្រែកផង ផ្អើលអស់អ្នកធ្វើការជាមួយគ្នា ហើយឈប់ខូចចិត្តបន្តទៀត ទោះបែកសង្សារ មិនទាន់រកបានសង្សារថ្មីពិតមែន ប៉ុន្តែបានឡានថ្មីខ្លាញ់គោមកលួងលោមជំនួស។ ប៊ូសស្រ្តងឆ្ងាញ់ខ្លាំងហើយមានរង្វាន់ច្រើនទៀត! ចង់ឆ្ងាញ់ ចង់បានឡាន ញុំាប៊ូសស្រ្តង!  

(អន្តរជាតិ)៖ ម៉ាឡេស៊ី និងហ្វីលីពីន បានព្រមានអំពីកំដៅខ្លាំងក្នុងរដូវក្តៅខាងមុខនេះ។ក្រសួងអប់រំរបស់ប្រទេសម៉ាឡេស៊ី បានណែនាំដល់សិស្សានុសិស្សទូទាំងប្រទេស ផឹកទឹកឱ្យបាន គ្រប់គ្រាន់ និងពាក់ឯកសណ្ឋានសាលាសមរម្យ ខណៈដែលប្រទេសនេះបានចេញសេចក្តី ជូនដំណឹង អំពីអាកាសធាតុក្តៅកម្រិត១ សម្រាប់តំបន់ចំនួន១០។យោងតាមនាយកដ្ឋានឧតុនិយមរបស់ប្រទេសម៉ាឡេស៊ី (MetMalaysia) ការព្រមានកម្រិត 1 ត្រូវបានចេញ នៅពេលដែលសីតុណ្ហភាព នៅចន្លោះពី 35 អង្សាសេទៅ 37 អង្សាសេសម្រាប់រយៈពេល 3 ថ្ងៃជាប់ៗគ្នា។រដ្ឋមន្ត្រីលោកស្រី Fadhlina Sidek បានជំរុញឱ្យឪពុកម្តាយ និងអាណាព្យាបាល តាមដានកូនរបស់ពួកគេ ដើម្បីជៀសវាងឧប្បត្តិហេតុផ្សេង។លោកស្រីបាននិយាយថា សាលារៀនមានការណែនាំទាក់ទងនឹងសកម្មភាពសិស្ស ក្នុងអំឡុងពេល រលកកំដៅ ហើយបានស្នើឱ្យសាលារៀនទាំងអស់នៅទូទាំងប្រទេសគោរពតាម SOP (ស្តង់ដារ ប្រតិបត្តិការ) ដែលមានស្រាប់។ចំណែកនៅប្រទេសហ្វីលីពីន រដ្ឋបាលសេវាកម្មបរិយាកាស ភូមិសាស្ត្រ និងតារាសាស្ត្ររបស់ប្រទេស (PAGASA) បានព្យាករណ៍ថា ទីក្រុង Tuguegarao អាចឃើញសីតុណ្ហភាពក្នុងតំបន់ឡើងដល់ ៣៨ អង្សាសេ ខណៈសីតុណ្ហភាពក្នុងរដ្ឋធានីម៉ានីលអាចឡើងដល់ ៣៥ អង្សាសេ។សន្ទស្សន៍កំដៅចាប់ពី 42 ទៅ 44 អង្សាសេត្រូវបានព្យាករណ៍សម្រាប់តំបន់ទីក្រុងជាច្រើនដូចជា Dagupan (Pangasinan), Aparri (Cagayan) និង Infanta (Quezon) ខណៈសន្ទស្សន៍កំដៅចាប់ពី 42 ដល់ 51 អង្សាសេត្រូវបានគេចាត់ទុកថាជា "គ្រោះថ្នាក់" ព្រោះវាអាចធ្វើឱ្យក្តៅ និងអស់កម្លាំងក្នុងរាងកាយក៏ ដូចជាជំងឺ ដាច់សរសៃឈាមខួរក្បាលប្រសិនបើត្រូវបានប៉ះពាល់រយៈពេលយូរ។ទោះបីជាយ៉ាងណាក៏ដោយ ការិយាល័យអាកាសធាតុរបស់ប្រទេសនេះបាននិយាយថា តំបន់ សម្ពាធទាប (LPA) នៅ នឹងនាំមកនូវភ្លៀងធ្លាក់លើផ្នែកខ្លះ នៃកោះមីនដាណាវ៕

(អន្តរជាតិ)៖ ក្រុមហ៊ុន Apple បានដក WhatsApp និង Threads ចេញពីហាងកម្មវិធីរបស់ខ្លួននៅ ក្នុងប្រទេសចិន បន្ទាប់ពីមានការបញ្ជាពីក្រុមឃ្លាំមើលអ៊ីនធឺណិតរបស់ ប្រទេសដែល បានលើកឡើងពីកង្វល់សន្តិសុខជាតិ។អ្នកនាំពាក្យរបស់ Apple បានប្រាប់ CNN ថា យើងមានកាតព្វកិច្ចអនុវត្តតាមច្បាប់នៅក្នុងប្រទេស ដែលយើងធ្វើប្រតិបត្តិការ ទោះបីជាយើងមិនយល់ស្របក៏ដោយ ។ រដ្ឋបាល Cyberspace នៃប្រទេសចិន បានបញ្ជាឱ្យដកកម្មវិធីទាំងនេះចេញពី App store ប្រទេសចិនដោយផ្អែកលើកង្វល់ សន្តិសុខជាតិរបស់ ពួកគេ។ កម្មវិធីទាំងនេះនៅតែអាចទាញយកបាននៅលើ storefronts ទាំងអស់ដែលពួកគេលេចឡើង។កម្មវិធីទាំងពីរនេះគ្រប់គ្រងដោយ Meta (META) ត្រូវបានទប់ស្កាត់រួចហើយ នៅក្នុងប្រទេសចិន ហើយមិនត្រូវបានប្រើប្រាស់យ៉ាងទូលំទូលាយនោះទេ។ កម្មវិធីប្រព័ន្ធផ្សព្វផ្សាយសង្គមលោកខាងលិចដ៏ពេញនិយមផ្សេងទៀតរួមមាន X (អតីត Twitter), Facebook, Instagram និង Messenger នៅតែមាននៅលើហាងកម្មវិធីរបស់ Apple របស់ប្រទេសចិន នេះបើយោងតាមការត្រួតពិនិត្យដោយ CNN ។ការប្រកាសរបស់ក្រុមហ៊ុនបច្ចេកវិទ្យាយក្សនេះ ធ្វើឡើងប្រឆាំងនឹងផ្ទៃខាងក្រោយនៃការធ្លាក់ចុះ នៃការលក់ iPhone នៅក្នុងសេដ្ឋកិច្ចធំទីពីររបស់ពិភពលោក។ យោងតាមក្រុមហ៊ុនស្រាវជ្រាវទីផ្សារ IDC បានឱ្យដឹងថា ការលក់ស្មាតហ្វូនរបស់ខ្លួនបានធ្លាក់ចុះយ៉ាងខ្លាំង 10% នៅក្នុងត្រីមាសទីមួយនៃឆ្នាំនេះ។ក្រុមហ៊ុនបានបាត់បង់សន្ទុះនៅក្នុងប្រទេសចិន ដោយសារតែជាតិនិយម សេដ្ឋកិច្ចដ៏លំបាក និងការកើន ឡើងនៃការប្រកួតប្រជែងបានធ្វើឱ្យ Apple ឈឺចាប់ក្នុងរយៈពេលជាច្រើនខែកន្លងមកនេះ៕

(អន្តរជាតិ)៖ ព្រឹទ្ធសភា បានអនុម័តកញ្ចប់ថវិកាចំនួន៩៥ ពាន់លានដុល្លារដែលបានពន្យារពេល ជាយូរមក ហើយជាមួយនឹងការគាំទ្រទ្វេភាគីយ៉ាងទូលំទូលាយ បន្ទាប់ពីភាគីទាំងពីរនៃវិមាន Capitol Hill បានតស៊ូអស់ជាច្រើនខែដើម្បីបញ្ជូនជំនួយទៅអ៊ុយក្រែន អ៊ីស្រាអែល និងតៃវ៉ាន់។ការបោះឆ្នោតចុងក្រោយគឺសំឡេង 79 ទល់18 គណបក្សសាធារណរដ្ឋចំនួន 15 នាក់បានបោះឆ្នោត ជាមួយគណបក្សប្រជាធិបតេយ្យបីនាក់ប្រឆាំងនឹងច្បាប់នេះ។ សមាជិក​គណបក្ស​ប្រជាធិបតេយ្យ​ចំនួន 48 នាក់ និង​សមាជិក​គណបក្ស​សាធារណរដ្ឋ 31 នាក់​បាន​បោះឆ្នោត​គាំទ្រ​ច្បាប់​នេះ។ច្បាប់បន្ទាប់នឹងទៅប្រធានាធិបតី លោក Joe Biden ដើម្បីចុះហត្ថលេខាលើច្បាប់នេះ ដែលបាននិយាយថា លោកនឹងចុះហត្ថលេខាលើកញ្ចប់នេះ។ ការអនុម័តរបស់វាគឺជាជ័យជម្នះដ៏សំខាន់មួយសម្រាប់ប្រធានាធិបតីសហរដ្ឋអាមេរិក សមាជិកសភា គណបក្សប្រជាធិបតេយ្យ និងមេដឹកនាំព្រឹទ្ធសភាលោក Mitch McConnell ដែលបានជំរុញជាយូរមក ហើយដើម្បីបញ្ជូនជំនួយទៅប្រទេសអ៊ុយក្រែន ទោះបីជាក្រុមស្តាំនិយមនៃគណបក្សរបស់លោក បានបង្កើនការគាំទ្រសម្រាប់ទីក្រុង Kyiv ក៏ដោយ។កញ្ចប់នេះភ្ជាប់ជាមួយវិក័យប័ត្រចំនួនបួនដែលសភាបានបោះឆ្នោតដោយឡែកពីគ្នានៅក្នុងសម័យប្រជុំកាលពីថ្ងៃសៅរ៍ដ៏កម្រ ដោយផ្តល់ជំនួយជិត 61 ពាន់លានដុល្លារសម្រាប់អ៊ុយក្រែន ជាង 26 ពាន់លានដុល្លារសម្រាប់អ៊ីស្រាអែល និងជាង 8 ពាន់លានដុល្លារសម្រាប់ឥណ្ឌូប៉ាស៊ីហ្វិក៕

(អន្តរជាតិ)៖ ក្រុមហ៊ុន Huawei មិនត្រឹមតែបានត្រលប់មកវិញយ៉ាងត្រចះត្រចង់ នៅក្នុងប្រទេសចិន ប៉ុណ្ណោះទេ វាថែមទាំងឈានទៅដល់ការវ៉ាដាច់ Apple នៅក្នុងទីផ្សារស្មាតហ្វូនធំបំផុតរបស់ពិភពលោក ផងដែរ។ក្រុមហ៊ុនដែលមានមូលដ្ឋាននៅទីក្រុង Shenzhen ដែលជាចំណុចមួយនៅក្នុងការប្រកួតប្រជែង កាន់តែខ្លាំងឡើងរវាងទីក្រុងវ៉ាស៊ីនតោន និងទីក្រុងប៉េកាំង បានឃើញកំណើន 70% ពីមួយឆ្នាំទៅមួយឆ្នាំ ក្នុងការលក់ស្មាតហ្វូនរបស់ខ្លួននៅក្នុងប្រទេសចិននៅក្នុងត្រីមាសទីមួយ ខណៈដែលការលក់ របស់ក្រុមហ៊ុន Apple បានធ្លាក់ចុះជាង 19% នេះបើយោងតាម Counterpoint Research ។លោក Ivan Lam អ្នកវិភាគជាន់ខ្ពស់នៅ Counterpoint បាននិយាយថា ការលក់របស់ Apple ត្រូវបាន ធ្លាក់ចុះក្នុងអំឡុងពេលត្រីមាសនេះ ដោយសារការត្រលប់មកវិញរបស់ Huawei បានជះឥទ្ធិពលដោយ ផ្ទាល់ដល់ Apple នៅក្នុងផ្នែកបុព្វលាភ។ក្រុមហ៊ុនផលិតទូរស័ព្ទ iPhone ដែលបាននាំមុខទីផ្សារស្មាតហ្វូនរបស់ប្រទេសចិនជាមួយនឹងចំណែកជិត 20% នៅក្នុងត្រីមាសទីមួយនៃឆ្នាំ 2023 បានធ្លាក់ចុះមកនៅលេខរៀងទី 3 ក្នុងរយៈពេលបីខែ ដំបូងនៃឆ្នាំនេះ នេះបើយោងតាម Counterpoint ។ ចំណែកទីផ្សាររបស់ខ្លួនឥឡូវនេះឈរនៅ 15.7% ខណៈពេលដែលក្រុមហ៊ុន Huawei បានកើនឡើងដល់ 15.5% ពី 9.3% កាលពីឆ្នាំមុន។ស្មាតហ្វូន Mate 60 Pro ដ៏ពេញនិយមរបស់ក្រុមហ៊ុន Huawei បានធ្វើឱ្យមានការចាប់អារម្មណ៍ កាលពីឆ្នាំមុន នៅពេលដែលរដ្ឋាភិបាលសហរដ្ឋអាមេរិកស្វែងរកព័ត៌មានបន្ថែមអំពីម៉ូដែលនេះ ដែលរួម បញ្ចូលប្រព័ន្ធដំណើរការដ៏ទំនើបផងដែរ។ ទិន្នន័យរបស់ Counterpoint កើតឡើងប៉ុន្មានថ្ងៃបន្ទាប់ពីក្រុមហ៊ុនស្រាវជ្រាវទីផ្សារមួយផ្សេងទៀត IDC បាននិយាយថា ការលក់ស្មាតហ្វូនទូទាំងពិភពលោករបស់ក្រុមហ៊ុន Apple បានធ្លាក់ចុះ 10% នៅក្នុងត្រីមាសទីមួយ ដែលភាគច្រើនដោយសារតែការបាត់បង់សន្ទុះនៅក្នុងប្រទេសចិន៕

(កំពត)៖ រូបភាពមួយសន្លឹករបស់ លោក Santa Kh ដែលគេស្គាល់ថាជាអ្នកផលិតមាតិកា កំប្លុកកំប្លែង, Prank កំពុង​ផ្ទុះប្រតិកម្ម និង រងការរិះគន់ដូចព្យុះ ពីសំណាក់មហាជនអ្នកនិយមលេងបណ្តាញ​សង្គមជាខ្លាំង ក្រោយ​ពីរូបលោក បានបង្ហោះរូបភាពនៅទីតាំងរូបសំណាកសេះសមុទ្របា​ញ់ទឹក ខេត្តកំពត ដោយរូបភាពនោះ បង្ហាញនូវអាកប្បកិរិយា មិនសមរម្យ ដែធ្វើ​ឱ្យ​មហាជន ពិតជាមិនអាចទទួលយកបាននោះទេ។តាមរយៈរូបភាពមួយសន្លឹកនោះ បានធ្វើឱ្យមានការបញ្ចេញមតិយោបល់យ៉ាងព្រោងព្រាត ក្នុងន័យរិះគន់ចំៗ ទៅលើបុគ្គលរូបនេះថា ក្នុងនាមខ្លូនជា អ្នកផលិតមាតិកាមួយរូប​ដែលមានឥទ្ធិពលនៅក្នុងបណ្តាញសង្គម មិនគួរណា ថតរូបដែលបញ្ចេញសកម្មភាពមិនសមរម្យ គ្មានសីលធ៌មខ្វះការពិចារណាបែបនេះនោះទេ។ បើទោះបី ការបង្ហោះរូបភាពក្នុងន័យលេងសើច ដើម្បីទាក់ទាញចំណាប់អារម្មណ៍ហ្វេនៗរបស់ខ្លួនក៏ពិត ប៉ុន្តែ ត្រូវលេងសើច​ អោយមានកម្រិត,លេងសើច​ សូមរក្សាភាពថ្លៃថ្នូរ,លេងសើច​ កុំជោរ,លេងសើច​ កុំអោយអ្នក​ដ​ទៃមើលងាយ,លេងសើច​ ត្រូវគិតពីតម្លៃរបស់ជាតិសាសន៍​ជាដើម។ រូបភាពមួយសន្លឹកនេះ មិនត្រឹមតែប​ង្ហាញ​ពីសកម្មភាព​មិនសមរម្យ គ្មានសីលធម៌ខ្វះការពិចារណា ប៉ុណ្ណោះនោះទេ វាថែមទាំងបង្ហាញ​នូវគំរូ​អាក្រក់ និងមើលងាយដល់ការខិតខំប្រឹងប្រែងរបស់ថ្នាក់ដឹកនាំខេត្ត ស្របពេលដែលទីតាំងមួយនេះ​កំពុងទាក់ទាញភ្ញៀវទេសចរណ៍ជាតិ និង អន្តរជាតិផងនោះ។យ៉ាងណាមិញ ក្រោយការរិះគន់ដូចទឹកបាក់ទំនប់ពីសំណាក់មហាជនហើយនោះ ក៏ស្រាប់តែស្នងការដ្ឋាន​នគរបាល​ខេត្តកំពត ក៏បានប្រកាសថា លោក Santa Kh នឹងចូលទៅជួបលោកស្នងការ​នៅល្ងាចថ្ងៃទី២៥ ខែ មេសា ឆ្នាំ ២០២៤នេះ​ ដើម្បីពិភាក្សារការងារចាំបាច់មួយចំនួន ជុំវិញការបង្ហោះរូបមិនសមរម្យនៅ​ទីតាំងរូប​សំណាកសេះសមុទ្របាញ់ទឹកនេះផងដែរ ។ ស្របពេលជាមួយគ្នា ក្រោយពីសន្ទុះ​នៃការចេញមុខប្រតិកម្មពីសំណាក់មហាជនអ្នកនិយមលេងបណ្តាញ សង្គមជាហូរហែរ​រហូតមានការកោះអញ្ជើញពីសំណាក់ស្នងការដ្ឋាន​នគរបាល​ខេត្តកំពតហើយនោះ ក៏ស្រាប់តែលោក Santa Kh បង្ហោះសារទទួលស្គាល់នូវកំហុសអចេតនារបស់ខ្លួន និង​សន្យាថា ឈប់ប្រព្រឹត្តនូវទង្វើដែលគ្មានសីលធម៌ ខ្វះការពិចារណាបែបនេះបន្តទៀតហើយ។ទោះជាយ៉ាងណា ជុំវិញករណីនេះ មហាជនក៏កំពុងទន្ទឹងរងចាំមើលទៀតថា តើ ស្នងការដ្ឋាន​នគរបាល​ខេត្តកំពត នឹងមានចំណាត់ការបែបណាបន្តទៀត ជុំវិញរឿងរ៉ាវមួយនេះ៕ 

(ព័ត៌មានជាតិ)៖ Phnom Penh, April 25th 2024 – Land Rover Cambodia is pleased to present “Radiant Grace,” a celebration of women’s boldness, courage, and elegance in a world where strength and elegance combine. This occasion highlights the distinctive characteristics that epitomize sophistication and empowerment and capture the essence of the Range Rover Sport. Radiant Grace revolves around the Range Rover Sport, a car known for its potent performance and elegant luxury. Like the women it honors, the Range Rover Sport is an appropriate symbol for this momentous occasion since it combines strength and grace in an effortless manner.  During this event, Mrs. Hum Sophoanvotey, General Manager of Land Rover Cambodia, delivered an in-depth speech about the Range Rover Sport to the audience. This meaningful event was completed smoothly and full of smiles from all the customers who attended.

(ភ្នំពេញ)៖ ថ្ងៃទី២៣ ខែមេសា ឆ្នាំ២០២៤ ក្រុមហ៊ុន RMA Cambodia តំណាងចែកចាយផ្តាច់មុខរថយន្ត Land Rover បានរៀបចំកម្មវិធីដ៏អស្ចារ្យមួយសម្រាប់អតិថិជនរបស់ Range Rover Sport ដែលមានឈ្មោះថា  «Radiant Grace» ដើម្បីបង្ហាញ ឱ្យឃើញពីភាពក្លាហាន មោះមុត និងភាពស៊ីវិល័យនៃស្ត្រីគ្រប់រូប។​ កម្មវិធីនេះត្រូវបានរៀបចំឡើងយ៉ាងពិសេសសម្រាប់អតិថិជនរបស់យើង នៅសណ្ឋារគារ​ Sun and Moon អមជាមួយសូរសំលេងតន្រ្តីយ៉ាងពិរោះ និងអាហារពេលល្ងាចដ៏ឈ្ងុយឆ្ងាញ់ ស្របពេលគយគន់ព្រះអាទិត្យរៀបនឹងអស់អស្តង្គតនៅកណ្តាលទីក្រុងភ្នំពេញ។ ​លោកស្រី ហ៊ុំ សោភ័ណវតី ប្រធានគ្រប់គ្រងទូទៅ នៃលេនរ៉ូវើ ខេមបូឌា បានមានប្រសាសន៍យ៉ាងលម្អិតអំពីតួឯកនារាត្រីនេះគឺ រថយន្ត Range Rover Sport ដែលជារថយន្ត Luxury បែបស្ព័រតែមួយគត់នៅក្នុងត្រកូល Range ស្ថិតនៅក្នុង​ថ្នាក់​ SUV ដែលមានម៉ាស៊ីន ៣.០ / ៨ លេខអូតូ​ ផលិតបានកម្លាំងរហូតដល់ 350PS ដែលពី ០ ទៅ ១០០ គីឡូម៉ែត្រ ចំណាយពេលវេលាត្រឹមតែ ៥.៩ វិនាទីតែប៉ុណ្ណោះ។ កម្មវិធីដ៏មានអត្ថន័យនេះត្រូវបានបញ្ចប់ដោយរលូន និងពោរពេញទៅដោយស្នាមញញឹមពីអតិថិជនទាំងអស់ដែលបានចូលរួម។